Chapter
၇
သေႃးလမုၼ်ႇတႄႇတင်ႈႁၢင်ႈႁေႃၶမ်း
၁ လၢႆးသမ်ႉသေႃးလမုၼ်ႇတႄႇႁဵတ်းႁေႃၸဝ်ႈသိပ်းသၢမ်ပီႊတဵမ်တဵမ်လႄႈႁေႃၸဝ်ႈယဝ်ႉတူဝ်ႈတင်းႁေႃဢေႃႈ။
၂ မၼ်းဢဝ်မႆႉဢႃႇရိတ်ႉတႄႇႁဵတ်းႁေႃၸဝ်ႈထိူၼ်ႇလေႇပၼုၼ်ႇလႄႈၼႃႈယၢဝ်းမၼ်းမီးပၢၵ်ႇသွၵ်ႇ၊ၼႃႈပွတ်းမၼ်းႁႃႈသိပ်းသွၵ်ႇ၊ဢၼ်သုင်မၼ်းသၢမ်သိပ်းသွၵ်ႇ၊ပဵၼ်သီႇထႅဝ်ဝႆႉဢေႃႈ။
၃ မၼ်းဢဝ်ၽႅၼ်ႇပႅၼ်ႈမႆႉဢႃႇရိတ်ႉမုင်းၵႃႈၼိူဝ်ႁၢၼ်ႉလုၵ်းတင်းလၢႆဢၼ်မီးၵႃႈၼိူဝ်သဝ်ဢၼ်ယေႈထႅဝ်မီးသိပ်းႁႃႈသဝ်ၼင်ႇၵၼ်လႄႈပွင်းၵၼ်မီးသီႇသိပ်းပၢႆႁႃႈသဝ်ၸိူဝ်းၼၼ်ႉဢေႃႈ။
၄ ႁူးလၢင်းတဵၼ်သၢမ်ထႅဝ်ၼင်ႇၵၼ်တေႃႇၵၼ်သိုဝ်ႈၵၼ်ပဵၼ်ႁၢၼ်ႉပဵၼ်ႁၢၼ်ႉယူႇဢေႃႈ။
၅ ႁူးၽၵ်းတူဢိၵ်ႇတင်းသဝ်ၽၵ်းတူၵႃႈမီးၼၼ်ႉပဵၼ်သီႇၸဵင်ႇၶိုင်ႈဝႆႉလႄႈႁူးလၢင်းတဵၼ်တင်းလၢႆတေႃႇၵၼ်သိုဝ်ႈၵၼ်ပဵၼ်ႁၢၼ်ႉပဵၼ်ႁၢၼ်ႉယူႇသေလႄႈမီးသၢမ်ထႅဝ်ဢေႃႈ။
၆ မၼ်းႁဵတ်းႁွင်ႈလူင်ဢၼ်မီးသဝ်ၼၼ်ႉလႄႈၼႃႈယၢဝ်းမၼ်းမီးႁႃႈသိပ်းသွၵ်ႇ၊ၼႃႈပွတ်းမၼ်းသၢမ်သိပ်းသွၵ်ႇဢေႃႈ။ၵႃႈတီႈၽၢႆႇၼႃႈႁွင်ႈလူင်ၼၼ်ႉမီးသၢင်းၵျၼ်ႇဢၼ်မီးသဝ်တင်းၶူင်ႇၽၵ်းတူဝႆႉဢေႃႈ။
၇ မၼ်းႁဵတ်းႁွင်ႈပုၼ်ႈရႃႇၸႃႉပလၢင်ႇတြႃးဢၼ်ဝႃႈႁွင်ႈဢၼ်တၵ်းလႆႈၸီႇယၢင်ႇတြႃးၼၼ်ႉဢေႃႈ။ဢဝ်ၽႅၼ်ႇပႅၼ်ႈမႆႉဢႃႇရိတ်ႉႁဵတ်းဢၼ်သိူဝ်ႇမၼ်းၸႃႉၸဵမ်ၽၢႆႇၼိုင်ႈတေႃႇထိုင်ႁွတ်ႈၽၢႆႇၼိုင်ႈဢေႃႈ။
၈ ႁေႃၸဝ်ႈဢၼ်မီးၽၢႆႇတၢင်းလင်တီႈဢၼ်မၼ်းတၵ်းယူႇၼၼ်ႉၵေႃႈမၼ်းႁဵတ်းမိူၼ်မိူၼ်ၵၼ်ဢေႃႈ။ႁေႃၸဝ်ႈပုၼ်ႈလုၵ်ႈယိင်းၶုၼ်ႁေႃၶမ်းၽႃႇရေႃးဢၼ်သေႃးလမုၼ်ႇႁူမ်ႈပွင်းၵၼ်ၼၼ်ႉၵေႃႈမၼ်းႁဵတ်းႁႂ်ႈမိူၼ်ၸိူဝ်ႉၼင်ႇၼၼ်ဢေႃႈ။
၉ ၵႃႈမီးၼၼ်ႉယဝ်ႉတူဝ်ႈလူၺ်ႈမၢၵ်ႇႁိၼ်ဢၼ်ထိူၵ်ႈၵႃႈထိူၵ်ႈၶၼ်ဢၼ်ဝႃႈမၢၵ်ႇႁိၼ်ဢၼ်ထၢၵ်ႇဢၼ်သပ်းၸွမ်းလူၺ်ႈပမႃႇၼႃႉမၼ်းဢၼ်ဢဝ်လဵၵ်းလိူဝ်ႈလိူဝ်ႈႁဵတ်းၸိူဝ်းၼၼ်ႉၵႃႈတီႈၽၢႆႇၼွၵ်ႈၽၢႆႇၼႂ်းဢဝ်ၵႃႈတီႈငဝ်ႈႁၢၵ်ႈမၼ်းတေႃႇထိုင်ႁွတ်ႈပၢႆႇၸိၵ်းမၼ်းဢိၵ်ႇတင်းဢဝ်ၵႃႈတီႈၽၢႆႇၼွၵ်ႈမၼ်းတေႃႇထိုင်ႁွတ်ႈတမ်ႇတိူင်းလူင်ၼၼ်ႉဢေႃႈ။
၁၀ ငဝ်ႈႁၢၵ်ႈမၼ်းၵေႃႈယဝ်ႉတူဝ်ႈလူၺ်ႈမၢၵ်ႇႁိၼ်ဢၼ်ထိူၵ်ႈၵႃႈထိူၵ်ႈၶၼ်ဢၼ်ဝႃႈမၢၵ်ႇႁိၼ်လူင်ဢၼ်ၼႃႈယၢဝ်းမၼ်းမီးပႅတ်ႈသိပ်းသွၵ်ႇၸိူဝ်းၼၼ်ႉဢေႃႈ။
၁၁ ၵႃႈၼိူဝ်ၼၼ်ႉၵေႃႈမီးမၢၵ်ႇႁိၼ်ဢၼ်ထိူၵ်ႈၵႃႈထိူၵ်ႈၶၼ်ဢၼ်ဝႃႈမၢၵ်ႇႁိၼ်ဢၼ်ထၢၵ်ႇဢၼ်သပ်းၸွမ်းလူၺ်ႈပမႃႇၼႃႉမၼ်းဢိၵ်ႇတင်းမႆႉဢႃႇရိတ်ႉဢေႃႈ။
၁၂ တမ်ႇတိူင်းလူင်ၼၼ်ႉယဝ်ႉတူဝ်ႈလူၺ်ႈမၢၵ်ႇႁိၼ်ဢၼ်ထၢၵ်ႇဢၼ်သပ်းသၢမ်ထႅဝ်တင်းမႆႉဢႃႇရိတ်ႉလူင်ထႅဝ်ၼိုင်ႈဢေႃႈ။တမ်ႇတိူင်းဢၼ်ၵႃႈၼႂ်းႁိူၼ်းထႃႇဝရႃႉၽြႃးဢိၵ်ႇတင်းတမ်ႇတိူင်းလူင်ဢၼ်ပဵၼ်ႁၢင်ႈႁေႃၸဝ်ႈၸိူဝ်းၼၼ်ႉယဝ်ႉတူဝ်ႈၸိူဝ်ႉၼင်ႇၼၼ်ဢေႃႈ။
ႁၢင်ႈၶိုင်ႈပိၵ်ႉမၢၼ်ႇၽြႃး
၁၃ ၶုၼ်လူင်သေႃးလမုၼ်ႇၵေႃႈပွႆႇၸႂ်ႉလႄႈႁွင်ႉဢဝ်ႁိရမ်ႇသေၵႃႈတီႈဝဵင်းတုရုမႃးဢေႃႈ။မၼ်းၼၼ်ႉပဵၼ်လုၵ်ႈၸၢႆးမေႈမုၵ်ႉမေႈမၢႆႈမဵဝ်းၼပ်ႉထလိလႄႈပေႃႈမၼ်းၸမ်းပဵၼ်ၵူၼ်းမဵဝ်းတုရုလႄႈၸၢင်ႊႁဵတ်းတွင်းလိူင်ဢေႃႈ။
၁၄ မၼ်းၼၼ်ႉတဵမ်ဝႆႉတင်းပိင်ႇၺႃႇတၢင်းၵတ်ႉတၢင်းၶၼ်ဢၼ်မေႃႁဵတ်းတွင်းလိူင်ၵူႈၸိူဝ်ႉၵူႈပိူင်လႄႈမႃးၸူးၵႃႈတီႈၶုၼ်လူင်သေႃးလမုၼ်ႇသေလႄႈႁႂ်ႈတၢင်းႁဵတ်းမၼ်းၵႃႈမီးယဝ်ႉတူဝ်ႈဢေႃႈ။
၁၅ မၼ်းၼၼ်ႉလေႃႇသွၼ်းႁဵတ်းသဝ်တွင်းလိူင်သွင်လႅမ်ႈဢၼ်တၢင်းသုင်မၼ်းမီးသိပ်းပၢႆပႅတ်ႇသွၵ်ႇဝႅင်းမူၼ်းလဵပ်ႈႁွပ်ႈမၼ်းသိပ်းပၢႆသွင်သွၵ်ႇၼၼ်ႉဢေႃႈ။
၁၆ မၼ်းလေႃႇသွၼ်းႁဵတ်းႁူဝ်သဝ်တွင်းလိူင်သွင်ဢၼ်ပုၼ်ႈဢၼ်တၵ်းတၢင်ႇသႂ်ႇၵႃႈၼိူဝ်သဝ်ၸိူဝ်းၼၼ်ႉဢေႃႈ။ဢၼ်သုင်ႁူဝ်သဝ်ဢၼ်ၼိုင်ႈမီးႁႃႈသွၵ်ႇဢၼ်သုင်ႁူဝ်သဝ်တၢင်ႇဢၼ်မီးႁႃႈသွၵ်ႇဢေႃႈ။
၁၇ မီးတႃၶႄတွင်းလိူင်ဢိၵ်ႇတင်းၸိူဝ်ႈတွင်းလိူင်ပူၼ်ႉႁူဝ်သဝ်ဢၼ်မီးၵႃႈၼိူဝ်သဝ်ၸိူဝ်းၼၼ်ႉဢၼ်ဝႃႈတႃၶႄၸဵတ်းဢၼ်ပူၼ်ႉႁူဝ်သဝ်ဢၼ်ၼိုင်ႈတႃၶႄၸဵတ်းဢၼ်ပူၼ်ႉႁူဝ်သဝ်တၢင်ႇဢၼ်ဢေႃႈ။
၁၈ ၼင်ႇၼၼ်လႄႈမၼ်းႁဵတ်းသဝ်ၸိူဝ်းၼၼ်ႉဢေႃႈ။မီးမၢၵ်ႇၸင်ႈသွင်ထႅဝ်ဢၼ်ႁၢင်ႈၶိူင်ႈသႂ်ႇၵႃႈၼိူဝ်တႃၶႄဢၼ်ႁူမ်ႇသုမ်ႇႁူဝ်သဝ်ဢၼ်မီးၵႃႈၼိူဝ်ၼၼ်ႉဢေႃႈ။မိူၼ်ႈၸိူဝ်ႉၼင်ႇၼၼ်မၼ်းႁဵတ်းတီႈႁူဝ်သဝ်တၢင်ႇလႅမ်ႈၼၼ်ႉဢေႃႈ။
၁၉ ႁူဝ်သဝ်ဢၼ်မီးၵႃႈၼိူဝ်ပၢႆသဝ်ဢၼ်မီးဝႆႉၵႃႈၼႂ်းလင်ဢၼ်ပဵၼ်တုပ်ႈၼၼ်ႉပဵၼ်ပုင်ႇႁၢင်ႊမွၵ်ႇမူဝ်ဝႆႉလႄႈဢၼ်ယၢဝ်းမၼ်းမီးသီႇသွၵ်ႇဢေႃႈ။
၂၀ ႁူဝ်သဝ်သွင်ဢၼ်ၼၼ်ႉတႄႇယူႇၵႃႈၼိူဝ်မၢၼ်းပီဢၼ်ၸပ်းၵၼ်တင်းတႃၶႄၼၼ်ႉယူႇသေလႄႈၵႃႈတီႈႁူဝ်သဝ်ယေႈဢၼ်ၼၼ်ႉမီးမၢၵ်ႇၸင်ႈသွင်ထႅဝ်ၼင်ႇၵၼ်လႄႈမီးသွင်ပၢၵ်ႇႁူၺ်ႇၼင်ႇၵၼ်ဢေႃႈ။
၂၁ မၼ်းဢဝ်သဝ်ၸိူဝ်းၼၼ်ႉပၵ်းဝႆႉၵႃႈၼႂ်းလင်ဢၼ်ပဵၼ်တုပ်ႈပိၵ်ႉမၢၼ်ႇၸဝ်ႈလႄႈႁွင်ႉႁိၵ်ႈၸိုဝ်ႈသဝ်ၽၢႆႇၶႂႃဢၼ်ပၵ်းဝႆႉၼၼ်ႉဝႃႈယႃႇၶိၼ်ႇလႄႈႁွင်ႉႁိၵ်ႈၸိုဝ်ႈသဝ်ၽၢႆႇသၢႆႉဢၼ်ပၵ်းဝႆႉၼၼ်ႉဝႃႈပေႃႇၸဢေႃႈ။
၂၂ ၵႃႈၼိူဝ်ႁူဝ်သဝ်ၸိူဝ်းၼၼ်ႉပဵၼ်လၢႆးမွၵ်ႇမူဝ်လႄႈတၢင်းဢၼ်ႁဵတ်းသဝ်ၸိူဝ်းၼၼ်ႉယဝ်ႉတူဝ်ႈဢေႃႈ။
၂၃ မၼ်းႁဵတ်းၼမ်ႉၼွင်တွင်းလိူင်ဢၼ်ဢဝ်ၵႃတီႈၶွပ်ႇၽၢႆႇၼိုင်ႈတေႃႇထိုင်ႁွတ်ႈၶွပ်ႇၽၢႆႇၼိုင်ႈမီးသိပ်းသွၵ်ႇဢၼ်လိုၵ်ႉမၼ်းမီးႁႃႈသွၵ်ႇဢၼ်ဝႅင်းမူၼ်းမၼ်းသၢမ်သိပ်းသွၵ်ႇၼၼ်ႉဢေႃႈ။
၂၄ ၵႃႈတီႈလဵပ်ႈႁွပ်ႈတႂ်ႈၶွပ်ႇၼမ်ႉၼွင်ၼၼ်ႉမီးမၢၵ်ႇၼမ်ႉတဝ်ႈလဵပ်ႁွပ်ႈမၼ်းဝႆႉဢေႃႈ။
၂၅ မီးမၢၵ်ႇၼမ်ႉတဝ်ႈသိပ်းလုၵ်ႈၼႂ်းယေႈသွၵ်ႇဢေႃႈ။ၼမ်ႉၼွင်ၼၼ်ႉတၢင်ႇဝႆႉယူႇၵႃႈၼိူဝ်ဝူဝ်းသိပ်းသွင်တူဝ်ဢၼ်သၢမ်တူဝ်ဝၢႆႇၼႃႈဢွၵ်ႇၸူးၽၢႆႇဝၼ်းဢွၵ်ႇသၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းတူၵ်းသၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းၸၢၼ်းသၢမ်တူဝ်ဝၢႆႇၼႃႈဢွၵ်ႇၸူးၽၢႆႇတၢင်းႁွင်ႇ၊ၸိူဝ်းၼၼ်ႉလႄႈၼမ်ႉၼွင်ၼၼ်ႉလႆႈတၢင်ႇဝႆႉမီးယူႇၵႃႈၼိူဝ်ဝူဝ်းၸိူဝ်းၼၼ်ႉလႄႈဝူဝ်းၸိူဝ်းၼၼ်ႉဝၢႆႇၵူၼ်ႈၶဝ်ၶဝ်ႈတၢင်းၼႂ်းယူႇဢေႃႈ။
၂၆ ၼမ်ႉၼွင်ၼၼ်ႉတၢင်းဢၼ်ၼႃမၼ်းမီးၽႃႇမိုဝ်းၼိုင်ႈလႄႈၶွပ်ႇမၼ်းၼၼ်ႉတဵမ်ဝႆႉတင်းလၢႆးမွၵ်ႇမူဝ်မိူၼ်ၸိူဝ်ႉၼင်ႇၶွပ်ႇၵွၵ်းၼၼ်ႉဢေႃႈ။ၶဝ်ႈပတ်ႉၼမ်ႉသွင်ႁဵင်ပတ်ႉဢေႃႈ။
၂၇ လၢႆးသမ်ႉမၼ်းႁဵတ်းၶူင်ႇတွင်းလိူင်သိပ်းၼိုင်ႈဢၼ်ပမႃႇၼႃႉၼႃႈယၢဝ်းမၼ်းမီးသီႇသွၵ်ႇၼႃႈပွတ်းမၼ်းမီးသီႇသွၵ်ႇဢၼ်သုင်မၼ်းသၢမ်သွၵ်ႇၸိူဝ်းၼၼ်ႉဢေႃႈ။
၂၈ ႁၢင်ႊၽၢင်ၶူင်ႇၸိူဝ်းၼၼ်ႉၸမ်းမီးၵၢမ်းပၢတ်ႈဢိၵ်ႇတင်းၶႅပ်းၽႃႇၶိုင်ႈၵၢင်ၵၢမ်းပၢတ်ႈၼၼ်ႉဢေႃႈ။ၵႃႈတီႈၶႅပ်းၽႃႇၶိုင်ႈၵၢင်ၼၼ်ႉမီးလၢႆးႁၢင်ႊသၢင်ႇသီႈ၊ဝူဝ်း၊ၶေႇရုၽိမ်ႇတင်းလၢႆလႄႈၵႃႈၼိူဝ်ၵၢမ်းပၢတ်ႈၼၼ်ႉၵေႃႈမီးၶူင်ႇဢၼ်ၼိုင်ႈဢေႃႈ။
၂၉ ၵႃႈတီႈတႂ်ႈသၢင်ႇသီႈတင်းဝူဝ်းၸိူဝ်းၼၼ်ႉၵေႃႈမီးသွႆႈမွၵ်ႇႁွႆႈယူႇဢေႃႈ။
၃၀ ၵႃႈတီႈၶူင်ႇယေႈဢၼ်မီးမၢၵ်ႇလေႃႉတွင်းလိူင်သီႇလုၵ်ႈၼင်ႇၵၼ်ဢိၵ်ႇလူၺ်ႈၵၼ်တင်းဝၢင်ႇရူဝ်းမၼ်းဢေႃႈ။ၵႃႈတီႈတိၼ်မၼ်းသီႇဢၼ်မီးႁူဝ်မႃႇလႄႈၵႃႈတႂ်ႈမေႃႈဢႅင်ႇၼၼ်ႉမီးႁူဝ်မႃႇဢၼ်လေႃႇသွၼ်းႁဵတ်းလႄႈၽၢႆႇၼွၵ်ႈႁူဝ်မႃႇယေႈဢၼ်ၼၼ်ႉမီးသွႆႈမွၵ်ႇဢေႃႈ။
၃၁ ပၢၵ်ႇႁူးၵႃႈတႂ်ႈမေႃႈဢႅင်ႇၼၼ်ႉမီးၵႃႈၼိူဝ်ၶိုင်ႈၵၢင်ၸိၵ်းၽႃဢၼ်ႁူမ်ႇၼၼ်ႉလႄႈယၢၼ်သွၵ်ႇၼိုင်ႈဢေႃႈ။ပၢၵ်ႇၽႃဢၼ်ႁူမ်ႇၼၼ်ႉမူၼ်းဝႆႉမိူၼ်ၸိူဝ်ႉၼင်ႇတိၼ်သဝ်လႄႈဢၼ်ၵႂၢင်ႈမၼ်းမီးသွၵ်ႇပၢႆၶိုပ်ႈဢေႃႈ။ၵႃႈတီႈၸွမ်းႁိမ်းပၢၵ်ႇၼၼ်ႉၵေႃႈမီးလၢႆးမွၵ်ႇလၢႆးမႂ်ႊလႄႈၶႅပ်းၽႃၶိုင်ႈၵၢင်မၼ်းၸိူဝ်းၼၼ်ႉယင်းဢမ်ႇမူၼ်းလႄႈပဵၼ်သီႇၸဵင်ႇၶိုင်ႈဝႆႉဢေႃႈ။
၃၂ မၢၵ်ႇလေႃႉသီႇလုၵ်ႈတူၵ်းတီႈယူႇၵႃႈတႂ်ႈၶႅပ်းၽႃၶိုင်ႈၵၢင်ၵၢမ်းပၢတ်ႈၸိူဝ်းၼၼ်ႉယူႇဝၢင်ႇရူဝ်းမၢၵ်ႇလေႃႉၸိူဝ်းၼၼ်ႉၸပ်းၵၼ်တင်းၶူင်ႇယူႇသေလႄႈဢၼ်သုင်မၢၵ်ႇလေႃႉမီးသွၵ်ႇပၢႆၶိုပ်ႈဢေႃႈ။
၃၃ ပုင်ႇႁၢင်ႈမၢၵ်ႇလေႃႉၸမ်းမိူၼ်ၸိူဝ်ႉၼင်ႇမၢၵ်ႇလေႃႉရထႃးၼၼ်ႉဢေႃႈ။ဝၢင်ႇရူဝ်း၊ပၢၼ်းတွင်း၊သိၵ်ႈမၢၵ်ႇလေႃႉၶွပ်ႇမၢၵ်ႇလေႃႉၸိူဝ်းၼၼ်ႉၵေႃႈပဵၼ်ဢၼ်လေႃႇသွၼ်းႁဵတ်းဢေႃႈ။
၃၄ ၵႃႈတီႈသီႇၸဵင်ႇၶူင်ႇယေႈဢၼ်ၼၼ်ႉမီးႁူဝ်မႃႇသီႇဢၼ်ဢၼ်လေႃႇသွၼ်းႁဵတ်းပၼ်ၼိူဝ်ႉလဵဝ်ၵၼ်တင်းၶူင်ႇၼၼ်ႉဢေႃႈ။
၃၅ ၵႃႈၼိူဝ်ႁူဝ်ၶူင်ႇၼၼ်ႉမီးၽႃႁူမ်ႇဢၼ်သူတ်ႇၵွင်ႇၶိုၼ်ႈလႄႈဢၼ်သုင်မၼ်းမီးၶိုပ်ႈၼိုင်ႈဢေႃႈ။ၵႃႈၼိူဝ်ႁူဝ်ၶူင်ႇၼၼ်ႉၵေႃႈမီးမိုဝ်းပုၼ်ႈဢၼ်တၵ်းယိပ်းၵမ်လႂ်တင်းၶႅပ်းၽႃၶိုင်ႈၵၢင်ၵၢမ်းပၢတ်ႈမၼ်းလႂ်သေလႄႈပဵၼ်ၼိူဝ်ႉလဵဝ်ၵၼ်တင်းၶူင်ႇဢေႃႈ။
၃ ၆ ၵႃႈၼိူဝ်ၼႃႇၽႅပ်ႉမိုဝ်းမၼ်းၸိူဝ်းၼၼ်ႉတင်းၶႅပ်းၽႃၶိုင်ႈၵၢင်ၵၢမ်းပၢတ်ႈမၼ်းၸိူဝ်းၼၼ်ႉၵေႃႈမၼ်းတွင်ႈႁဵတ်းႁၢင်ႈၶေႇရုၽိမ်ႇ၊သၢင်ႇသီႈ၊တူၼ်ႈထၢၼ်းၸွမ်းၵႃႈၼင်ႇဢၼ်ၶႅပ်းၽႅပ်ႉမၼ်းမီးႁၢင်ႊၽႂ်ႁၢင်ႊမၼ်းၼၼ်ႉဢိၵ်ႇတင်းသွႆႈမွၵ်ႇၵႃႈတီႈၸွမ်းႁိမ်းမၼ်းဢေႃႈ။
၃ ၇ ၼင်ႇၼၼ်လႄႈမၼ်းလေႃႇသွၼ်းႁဵတ်းၶူင်ႇသိပ်းၼိုင်ႈလႄႈပုင်ႇႁၢင်ႊၽၢင်တၢင်းဢၼ်လဵၵ်ႉယႂ်ႇတႅမ်ႇသုင်တင်းသဵင်ႈတင်းလူင်ပဵၼ်ပိူင်လဵဝ်ၵၼ်ဢေႃႈ။
၃ ၈ မေႃႈဢႅင်ႇတွင်းလိူင်ဢၼ်ပတ်ႉၼမ်ႉၶဝ်ႈလႆႈသီႇသိပ်းပတ်ႉလႄႈပၢၵ်ႇမၼ်းၵႂၢင်ႈသီႇသွၵ်ႇၼၼ်ႉၵေႃႈမၼ်းႁဵတ်းသိပ်းလုၵ်ႈလႄႈၵႃႈၼိူဝ်ၶူင်ႇယေႈဢၼ်ၼၼ်ႉဢဝ်မေႃႈဢႅင်ႇတၢင်ႇဝႆႉယေႈဢၼ်ၼင်ႇၵၼ်ဢေႃႈ။
၃ ၉ မၼ်းဢဝ်ၶူင်ႇၸိူဝ်းၼၼ်ႉဝႆႉၵႃႈတီႈၽၢႆႇၶႂႃႁိူၼ်းၸဝ်ႈႁႃႈဢၼ်၊ၵႃႈတီႈၽၢႆႇသၢႆႉႁိူၼ်းၸဝ်ႈႁႃႈဢၼ်လႄႈၼမ်ႉၼွင်ၸမ်း၊မၼ်းဢဝ်ၶျႃးတီႈယူႇဝႆႉၵႃႈတီႈၽၢႆႇၶႂႃႁိူၼ်းၸဝ်ႈတၢင်းဝၼ်းဢွၵ်ႇၸဵင်ႇၸၢၼ်းဢေႃႈ။
၄၀ ႁိရမ်ႇၼၼ်ႉႁဵတ်းမေႃႈဢႅင်ႇလႂ်၊ၸေႃႉလႂ်ဝၢၼ်ႇလႂ်ၸိူဝ်းၼၼ်ႉဢေႃႈ။ၼင်ႇၼၼ်လႄႈလွင်ႈတၢင်းဢၼ်ႁိရမ်ႇႁဵတ်းၵႃႈဢၼ်ႁဵတ်းတီႈႁိူၼ်းထႃႇဝရႃႉၽြႃးပုၼ်ႈၶုၼ်လူင်သေႃးလမုၼ်ႇၼၼ်ႉၸမ်း
၄၁ ပဵၼ်သဝ်သွင်လႅမ်ႈ၊ၸိၵ်းႁူဝ်သဝ်သွင်ဢၼ်ဢၼ်မီးၵႃႈၼိူဝ်သဝ်ၸိူဝ်းၼၼ်ႉတႃၶႄဢၼ်တၵ်းႁူမ်ႇသုမ်ႇၸိၵ်းႁူဝ်သဝ်သွင်ဢၼ်မီးၵႃႈၼိူဝ်သဝ်ၸိူဝ်းၼၼ်ႉ
၄၂ မၢၵ်ႇၸင်ႈသီႇပၢၵ်ႇပုၼ်ႈတႃႇၶႄသွင်ဢၼ်ဢၼ်ဝႃႈမၢၵ်ႇၸင်ႈသွင်ထႅဝ်ပုၼ်ႈတႃၶႄယေႈဢၼ်ႁႂ်ႈလႆႈႁူမ်ႇသုမ်ႇၸိၵ်းႁူဝ်သဝ်
၄၃ ဢၼ်မီးၵႃႈၼိူဝ်သဝ်ၸိူဝ်းၼၼ်ႉၶူင်ႇသိပ်းၼိုင်ႈမေႃႈဢႅင်ႇဢၼ်ဢဝ်တၢင်ႇဝႆႉၵႃႈၼိူဝ်ၶူင်ႇၸိူဝ်းၼၼ်ႉၼမ်ႉၼွင်လုၵ်ႈၼိုင်ႈဢိၵ်ႇတင်း
၄၄ ဝူဝ်းဢၼ်ၵမ်ႉထွၵ်ႈၼမ်ႉၼွင်ၼၼ်ႉသိပ်းပၢႆသွင်တူဝ်၊မေႃႈလႂ်၊ၸေႃႉလႂ်၊ဝၢၼ်ႇလႂ်တင်းလၢႆဢေႃႈ။
၄၅ ၶိူင်ႈပိူင်ၵႃႈတီႈႁိူၼ်းထႃႇဝရႃႉၽြႃးၵႃႈဢၼ်ႁိရမ်ႇႁဵတ်းပုၼ်ႈၶုၼ်လူင်သေႃးလမုၼ်ႇၸိူဝ်းၼၼ်ႉယဝ်ႉတူဝ်ႈလူၺ်ႈတွင်းလိူင်ဢၼ်လုၵ်ႉႁိူဝ်ႈယူႇမၢပ်ႈမၢပ်ႈမိပ်ႈမိပ်ႈဢေႃႈ။
၄၆ ၶုၼ်ႁေႃၶမ်းလေႃႇသွၼ်းႁဵတ်းၸိူဝ်းၼၼ်ႉၵႃႈတီႈလိၼ်ၼဵဝ်ဢၼ်မီးၵႃႈၼႂ်းၵႄႈဝူင်ႈၵၢင်ဝဵင်းသုရတ်ႉတင်းဝဵင်းၸႃႇသၼ်ႇၵႃႈတီႈပၢင်ႇႁူၺ်ႈယေႃႇတၼ်ႇဢေႃႈ။
၄၇ ၵွပ်ႈပိူဝ်ႈဢၼ်ၶိူင်ႈပိူင်ၸိူဝ်းၼၼ်ႉၼမ်ၼႃႇလႄႈသေႃးလမုၼ်ႇယင်းဢမ်ႇၸင်ႈဢမ်ႇႁိဝ်ႈလႄႈလေႃႇႁဵတ်းဝႆႉဢေႃႈ။
၄၈ ၽူႈလႂ်သေၵေႃႉသေၵူၼ်းဢမ်ႇႁူႉတၢင်းဢၼ်ၸင်ႊဢၼ်ႁိဝ်ႈတွင်းလိူင်ၼၼ်ႉ။သေႃးလမုၼ်ႇႁဵတ်းၶိူင်ႈပိူင်ၵႃႈဢၼ်ၸၢပ်ႈသႅင်ႇၵၼ်တင်းႁိူၼ်းထႃႇဝရႃႉၽြႃးဢၼ်ဝႃႈယိတ်ႉပလၢင်ႇၶမ်းၶူင်ႇတီႈၵိၼ်ၶမ်းတီႈဢၼ်တၢင်ႇၶဝ်ႈမုၼ်းၽၢႆႇၼႃႈၸဝ်ႈ
၄၉ ၶူင်ႇတီႈတႆႈၽႆးၶမ်းလွတ်ႈငၢၼ်ႇၵႃႈတီႈၽၢႆႇၼႃႈထႃႇၼႃႉတီႈပျႃႇတိၵ်ႈၸဝ်ႈၽၢႆႇၶႂႃႁႃႈဢၼ်၊ၵႃႈတီႈၽၢႆႇသၢႆႉႁႃႈဢၼ်၊မွၵ်ႇၶမ်း၊ဝၢၼ်ႇတႆႈၽႆးၶမ်း၊ၵိမ်းၺၢပ်ႈၽႆးၶမ်း။
၅၀ မေႃႈမႅၼ်ၵိမ်းၵိပ်ႈၽႆး၊ဝၢၼ်ႇ၊ၸေႃႉ၊လၢင်ႇပၢၼ်းဢၼ်ယဝ်ႉတူၺ်ႈလူၺ်ႈၶမ်းလွတ်ႈငၢၼ်ႇတင်းလၢႆ၊ပၢတ်ႈတႃႇၶမ်းဢၼ်ႁွႆႈၽၵ်းတူလုၵ်းဢၼ်ၵႃႈၼႂ်းဢၼ်ဝႃႈထႃႇၼႃႉတီႈမူတ်းၸၢင်ႇၼႃႇသေပိူၼ်ႈဢိၵ်ႇတင်းၽၵ်းတူႁိူၼ်းၸဝ်ႈဢၼ်ဝႃႈပိၵ်ႉမၢၼ်ႇၸဝ်ႈၸိူဝ်းၼၼ်ႉၸိူဝ်ႉၼင်ႇၼၼ်ဢေႃႈ။
၅၁ ၼင်ႇၼၼ်လႄႈတၢင်းႁဵတ်းၵႃႈဢၼ်ၶုၼ်လူင်သေႃးလမုၼ်ႇၸီႇယၢင်ႇပွင်ႁဵတ်းၵူႈၸိူဝ်ႉၵူႈပိူင်ပုၼ်ႈႁိူၼ်းထႃႇဝရႃႉၽြႃးၼၼ်ႉယဝ်ႉတူဝ်ႈသေယဝ်ႉ၊သေႃးလမုၼ်ႇပႃးဢဝ်ၶိူင်ႈပိူင်ဢၼ်ၸဝ်ႈပေႃႈမၼ်းတႃႇဝိတ်ႉလူႇတၢၼ်းဢၼ်ဝႃႈငိုၼ်း၊ၶမ်း၊ၶိူင်ႈပိူင်ၸိူဝ်းၼၼ်ႉမႃးလႄႈသႂၢင်းသႂ်ႇဝႆႉၵႃႈၼႂ်းတိူၵ်ႈၽၼ်ႇတႃႇႁိူၼ်းထႃႇဝရႃႉၽြႃးၼၼ်ႉဢေႃႈ။