Chapter
၁၉
ဢေးလိယပၢႆၵႂႃႇတီႈႁေႃႇရပ်ႉ
၁ ဢႃႇႁပ်ႉမွၵ်ႇလၢတ်ႈလွင်ႈတၢင်းၵႃႈၼင်ႇဢၼ်ဢေးလိယႁဵတ်းဢိၵ်ႇတင်းလွင်ႈတၢင်းဢၼ်မၼ်းဢဝ်ပရေႃးၽႅတ်ႈၵႃႈမီးတၢႆလူၺ်ႈလၢပ်ႇလူၺ်ႈလႅဝ်းၼၼ်ႉၵႃႈတီႈယေႇၸပေႇလဢေႃႈ။
၂ ယေႇၸပေႇလပွႆႇၸႂ်ႉမၼ်းၵႂႃႇၵႃႈတီႈဢေးလိယလႄႈသင်ႇလၢတ်ႈၵႂႃႇလႄႈဝႃႈ၊-ဝၼ်းမိူဝ်ႈၽုၵ်ႈၶိင်ႇၼႆႉပေႃးၵဝ်ယင်းဢမ်ႇႁႂ်ႈဢသၢၵ်ႈမႂ်းတၢႆပဵၼ်ၸိူဝ်ႉၼင်ႇဢသၢၵ်ႈပရေႃးၽႅတ်ႈၸိူဝ်းၼၼ်ႉသေၵေႃႉၵေႃႉၸိုင်ႁႂ်ႈၽြႃးတင်းလၢႆႁဵတ်းၼိူဝ်ၵဝ်လိူဝ်တွၼ်းၼႃႇသေၼၼ်ႉသေၵမ်းလူၺ်ႈ၊ဝႃႈၼင်ႇၼႆဢေႃႈ။မိူဝ်ႈၼၼ်ႉဢေးလိယၵူဝ်ႁႄၼႃႇလႄႈလုၵ်ႉပၢႆႁႂ်ႈဢသၢၵ်ႈမၼ်းလိပ်းဢေႃႈ။
၃ မိူဝ်ႈဢၼ်ႁွတ်ႈထိုင်ၵႃႈတီႈပေႇရသေႇၽၼႂ်းလိၼ်ယုတၼၼ်ႉမၼ်းဢဝ်ၵူၼ်းဢွၼ်ႇမၼ်းဝႆႉၵႃတီႈဝဵင်းၼၼ်ႉလႄႈတူဝ်မၼ်းပၢႆၶဝ်ႈၵႂႃႇၵႃႈၼႂ်းထိူၼ်ႇၶၢဝ်းတၢင်းဝၼ်းၼိုင်ႈသေယဝ်ႉႁွတ်ႈထိုင်ၵႃႈတီႈတူၼ်ႈရသမ်ႇလႄႈၼင်ႈယူႇၵႃႈတီႈၼၼ်ႉသေယဝ်ႉသူးတွင်းႁႂ်ႈလႆႈတၢႆလႄႈဝႃႈ၊-မိူဝ်ႈလဵဝ်ၼႆႉပဵၼ်ဢၼ်ထုၵ်ႇဢၼ်လီတီႈၶႃႈယဝ်ႉ။
၄ ထႃႇဝရႃႉၽြႃးတီႈၶႃႈ။ၶႅၼ်း၅ တေႃႈသိမ်းဢဝ်ဢသၢၵ်ႈၶႃႈၸဝ်ႈသေၵမ်းတီႈၶႃႈ။
၅ ၶႃႈၸဝ်ႈၼႆႉဢမ်ႇလီလိူဝ်တွၼ်းသေပူႇမွၼ်ႇၶႃႈၸဝ်ႈတင်းလၢႆၼၼ်ႉတီႈၶႃႈ၊ဝႃႈၼင်ႇၼႆသေယဝ်ႉၼွၼ်းလပ်းၵႃႇၵႃႈတီႈတႂ်ႈတူၼ်ႈရသမ်ႇၼၼ်ႉဢေႃႈ။
၆ မိူဝ်ႈၼၼ်ႉတမၢၼ်ႇၵၢင်ႁၢဝ်ဢဝ်မိုဝ်းတိူဝ်ႉသႂ်ႇမၼ်းသေလႄႈလၢတ်ႈဝႃႈ၊-လုၵ်ႉလႄႈၵိၼ်ၶူပ်းတႃႉ၊ဝႃႈၼင်ႇၼႆဢေႃႈ။မၼ်းႁႅၼ်တူၺ်းလႄႈႁၼ်ၶဝ်ႈမုၼ်းဢၼ်မူၵ်ၽႆးယဝ်ႉဢိၵ်ႇတင်းၼမ်ႉတဝ်ႈၵႃႈတီႈႁူဝ်ၼွၼ်းမၼ်းၼၼ်ႉလႄႈမၼ်းၵိၼ်ၶူပ်းသေယဝ်ႉ၊သမ်ႉၶိုၼ်းၼွၼ်းဢေႃႈ။
၇ တမၢၼ်ႇၵၢင်ႁၢဝ်ထႃႇဝရႃႉၽြႃးသမ်ႉမႃးၵမ်းတုတိယလႄႈတိူဝ်ႉသႂ်ႇမၼ်းလႄႈဝႃႈ၊-ၵွပ်ႈပိူဝ်ႈသဵၼ်ႈတၢင်းဢၼ်မႂ်းတၵ်းလႆႈၵႂႃႇၼၼ်ႉၵႆၼႃႇလူင်လၢင်လႄႈလုၵ်ႉလႄႈၵိၼ်ၶူပ်းထႅင်ႈလူးၵွၼ်ႇတႃႉ၊ဝႃႈၼင်ႇၼႆလႄႈမၼ်းၵေႃႈသမ်ႉလုၵ်ႉသေလႄႈၵိၼ်ထႅင်ႈဢေႃႈ။
၈ ဝၢႆးသေၵိၼ်ယဝ်ႉမၼ်းမီးႁႅင်းမႃးလႄႈၵႂႃႇၶၢဝ်းတၢင်းသီႇသိပ်းဝၼ်းသီႇသိပ်းၶိုၼ်းတဵမ်တဵမ်လႄႈႁွတ်ႈထိုင်ၵႃႈတီႈလွႆႁေႃႇရပ်ႉဢၼ်ပဵၼ်လွႆၽြႃးပဵၼ်ၸဝ်ႈၼၼ်ႉသေယဝ်ႉၶဝ်ႈၵႂႃႈၼႂ်းႁူးထမ်ႈလႄႈယူႇၵႃႈၼႂ်းၼၼ်ႉဢေႃႈ။
ၽြႃးပဵၼ်ၸဝ်ႈပေႃႇမႃးတီႈဢေးလိယ
၉ ၼုၵ်ႉၵပၢတ်ႈထႃႇဝရႃႉၽြႃးႁွတ်ႈမႃးၵႃႈတီႈမၼ်းလႄႈထၢမ်တီႈမၼ်းလႄႈဝႃႈၸမ်း၊-ဢေးလိယဢိူၺ်း။
၁၀ မႂ်းႁဵတ်းၵႃႈသင်ယူႇၵႃႈတီႈၼႆႉ၊ဝႃႈၼင်ႇၼႆဢေႃႈ။မၼ်းၵေႃႈလဝ်ႈလၢတ်ႈလႄႈဝႃႈ၊-ၶႃႈၸဝ်ႈၼႆႉၸႂ်ႁႅင်းယႂ်ႇၼႃႇၽၢႆႇထႃႇဝရႃႉၽြႃးၽြႃးပဵၼ်ၸဝ်ႈၸဝ်ႈပူဝ်ႇပႃႇၵၢင်ႁၢဝ်ၶႃႈဢေႃႈ။ၵူၼ်းမဵဝ်းဢိသရေႇလတင်းလၢႆၸုၼ်ႉပႅတ်ႈပတိၺိၼ်ႇတြႃးၸဝ်ႈႁဝ်းလႄႈၵိူၼ်ႇယႃႉပႅတ်ႈယိတ်ႉပလၢင်ႇၸဝ်ႈႁဝ်းတင်းလၢႆသေလႄႈဢဝ်ပရေႃးၽႅတ်ႈၸဝ်ႈႁဝ်းတင်းလၢႆတၢႆလူၺ်ႈလၢပ်ႇလူၺ်ႈလႅဝ်းယဝ်ႉတီႈၶႃႈယဝ်ႉ၊ၵိုတ်းၵျၢၼ်ႇဝႆႉၶႃႈၸဝ်ႈၼႆႉၵေႃႉလဵဝ်ၵူၺ်းလႄႈတေႃႈၵႃႈဢသၢၵ်ႈၶႃႈၸဝ်ႈၵေႃႈၶဝ်ဢွၼ်ႇၵၼ်ႁႃႇႁႂ်ႈလႆႈဢဝ်တၢႆယူႇတီႈၶႃႈဢေႃႈ၊ဝႃႈၼင်ႇၼႆဢေႃႈ။
၁၁ မၼ်းၸဝ်ႈၵေႃႈမီးဢမိင်ႉလႄႈဝႃႈ၊-ဢွၵ်ႇလႄႈၸုၵ်းယူႇၵႃႈၼိူဝ်လွႆၵႃႈတီႈၽၢႆႇၼႃႈထႃႇဝရႃႉၽြႃးတႃႉ၊ဝႃႈၼင်ႇၼႆဢေႃႈ။မိူဝ်ႈၼၼ်ႉထႃႇဝရႃႉၽြႃးၵၢႆၵႂႃႇၵႃႈတီႈႁိမ်းမၼ်းလႄႈလူမ်းဢၼ်ႁႅင်းယႂ်ႇၼႃႇၼၼ်ႉၽႃႇပၢႆလွႆတင်းလၢႆတႅၵ်ႇလႄႈႁၵ်းပႅတ်ႈမၢၵ်ႇႁိၼ်မၢၵ်ႇၽႃဢၼ်မီးၵႃႈတီႈၽၢႆႇၼႃႈထႃႇဝရႃႉၽြႃးၸိူဝ်းၼၼ်ႉဢေႃႈ။ၵူၺ်းၵႃႈထႃႇဝရႃႉၽြႃးဢမ်ႇမီးၵႃႈၼႂ်းလူမ်းၼၼ်ႉ။လိုၼ်းသလေူမ်းၼၼ်ႉမီးတၢင်းဢၼ်ဢိင်သၼ်ႇဢေႃႈ။ၵူၺ်းၵႃႈထႃႇဝရႃႉၽြႃးဢမ်ႇမီးၵႃႈၼႂ်းတၢင်းဢၼ်ဢိင်သၼ်ႇၼၼ်ႉ။
၁၂ လိုၼ်းသတေၢင်းဢၼ်ဢိင်သၼ်ႇၼၼ်ႉမီးၽႆးဢေႃႈ။ၵူၺ်းၵႃႈထႃႇဝရႃႉၽြႃးဢမ်ႇမီးၵႃႈၼႂ်းၽႆးၼၼ်ႉ။လိုၼ်းသေၽႆးၼၼ်ႉမီးသဵင်ဢၼ်ဢူၼ်ႈဢၼ်ဢွၼ်ႇထိူင်းထိူင်းလွႆးလွႆးဢေႃႈ။
၁၃ ဢေးလိယငိၼ်းသဵၼ်ၼၼ်ႉသေယဝ်ႉဢဝ်ၽႃႈမႆႊႁူမ်ႇသုမ်ႇၼႃႈမၼ်းသေလႄႈဢွၵ်ႇၵႂႃႇၸုၵ်းယူႇၵႃႈတီႈပၢၵ်ႇႁူးထမ်ႈဢေႃႈ။မိူဝ်ႈၼၼ်ႉမၼ်းငိၼ်းသဵင်ပေႃႇမႃးလႄႈဝႃႈ၊-
၁၄ မႂ်းႁဵတ်းၵႃႈသင်ယူႇၵႃႈတီႈၼႆႉ၊ဝႃႈၼင်ႇၼႆဢေႃႈ။မၼ်းၵေႃႈလဝ်ႈလၢတ်ႈလႄႈဝႃႈ၊-ၶႃႈၸဝ်ႈၼႆႉၸႂ်ႁႅင်းယႂ်ႇၼႃႇၽၢႆႇထႃႇဝရႃႉၽြႃးၽြႃးပဵၼ်ၸဝ်ႈၸဝ်ႈပူဝ်ႇပႃႇၵၢင်ႁၢဝ်ၶႃႈဢေႃႈ။ၵူၼ်းမဵဝ်းဢိသရေႇလတင်းလၢႆၸုၼ်ႉပႅတ်ႈပတိၺိၼ်ႇတြႃးၸဝ်ႈႁဝ်းလႄႈၵိူၼ်ႇယႃႉပႅတ်ႈယိတ်ႉပလၢင်ႇၸဝ်ႈႁဝ်းတင်းလၢႆသေလႄႈဢဝ်ပရေႃးၽႅတ်ႈၸဝ်ႈႁဝ်းတင်းလၢႆတၢႆလူၺ်ႈလၢပ်ႇလူၺ်ႈလႅဝ်းယဝ်ႉတီႈၶႃႈယဝ်ႉ။
၁၅ ၵိုတ်းၵျၢၼ်ႇဝႆႉၶႃႈၸဝ်ႈၼႆႉၵေႃႉလဵဝ်ၵူၺ်းလႄႈတေႃႈၵႃႈၶဝ်ယင်းႁႂ်ႈဢဝ်ဢသၢၵ်ႈၶႃႈၸဝ်ႈတၢႆယူႇၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆၸိုင်ထႃႇဝရႃႉၽြႃးမီးဢမိင်ႉလႄႈဝႃႈ၊-မႂ်းၵႂႃႇတႃႉ။ၶိုၼ်းမိူဝ်းၸွမ်းသဵၼ်ႈတၢင်းမႂ်းၸူးၵႃႈတီႈထိူၼ်ႇထမ်ႇမသႅတ်ႉလႄႈႁွတ်ႈထိုင်သေယဝ်ႉပၼ်ၽိၵ်ႈသိၵ်ႈတီႈႁႃႇၸေႇလႁႂ်ႈမၼ်းပဵၼ်ၶုၼ်ႁေႃၶမ်းသုရိတႃႉ။
၁၆ ပၼ်ၽိၵ်ႈသိၵ်ႈတီႈယေႇႁုလုၵ်ႈၸၢႆးၼိမ်ႇသိႁႂ်ႈမၼ်းပဵၼ်ၶုၼ်ႁေႃၶမ်းဢိသရေႇလတႃႉ။ပၼ်ၽိၵ်ႈသိၵ်ႈတီႈဢေးလိသေးလုၵ်ႈၸၢႆးသႃႇၽၼ်ႇဢၼ်ယူႇၵႃႈတီႈဝဵင်းဢႃႇပေႇလမႁေႃႇလၼၼ်ႉႁႂ်ႈပဵၼ်ပရေႃးၽႅတ်ႈတၢင်တူဝ်မႂ်းတႃႉ။
၁၇ ၵေႃႉဢၼ်လွတ်ႈလၢပ်ႇႁႃႇၸေႇလၼၼ်ႉယေႇႁုတၵ်းဢဝ်တၢႆဢေႃႈ။ၵေႃႉဢၼ်လွတ်ႈလၢပ်ႇယေႇႁုၼၼ်ႉဢေးလိသေးတၵ်းဢဝ်တၢႆဢေႃႈ။
၁၈ ၼႂ်းဝႃႈၼၼ်သေၵေႃႈၵူၼ်းမဵဝ်းဢိသရေႇလၸဵတ်းႁဵင်ဢၼ်ဢမ်ႇၶုပ်ႉၶဝ်ႇၵႃႈတီႈၽၢႆႇၼႃႈပႃႇလဢၼ်ဢမ်ႇဢဝ်တင်းသူပ်းၸုပ်ႇဢမ်ႇၼူမ်ပႃႇလၸိူဝ်းၼၼ်ႉၸိုင်ၵဝ်တၵ်းႁႂ်ႈၵိုတ်းၵျၢၼ်ႇဝႆႉပုၼ်ႈၵဝ်ယဝ်ႉ၊ဝႃႈၼင်ႇၼႆဢေႃႈ။
တၢင်းဢၼ်ႁွင်ႉဢဝ်ဢေးလိသေး
၁၉ မၼ်းလုၵ်ႉသေၵႃႈတီႈၼၼ်ႉၵႂႃႇလႄႈထူပ်းႁၼ်ဢေးလိသေးလုၵ်ႈၸၢႆးသႃႇၽတ်ႉဢၼ်ဢဝ်ဝူဝ်းသိပ်းသွင်ၵူႈထႆၼႃးယူႇသေလႄႈတူဝ်မၼ်းၸွမ်းၵႃႈတီႈၵူႈဝူဝ်းဢၼ်ထူၼ်ႈထိုင်သိပ်းသွင်ၵူႈၼၼ်ႉဢေႃႈ။မၼ်းၵႂႃႇၸူးၵႃႈတီႈႁိမ်းမၼ်းၼၼ်ႉသေလႄႈဢဝ်ၽႃႈမႆႊမၼ်းပၢႆႉသႂ်ႇၵႃႈၼိူဝ်မၼ်းဢေႃႈ။
၂၀ ဢေးလိသေးၼၼ်ႉပႅတ်ႈဝူဝ်းမၼ်းၸိူဝ်းၼၼ်ႉသေယဝ်ႉၸွမ်းလင်ဢေးလိယလႄႈယွၼ်းဢၶႂၢင်ႉလႄႈဝႃႈ၊-ႁႂ်ႈၵဝ်ၶႃႈလႆႈၸုပ်ႇၼူမ်ပေႃႈမေႈၵဝ်ၶႃႈလူးၵွၼ်ႇသေၵမ်းၶႃႈ။ႁဵတ်းၸိူဝ်ႉၼင်ႇၼၼ်သေယဝ်ႉၸင်ႇၵဝ်ၶႃႈတၵ်းၸွမ်းလင်ၸဝ်ႈႁဝ်းၶႃႈဢေႃႈ၊ဝႃႈၼင်ႇၼႆလႄႈဢေးလိယၵေႃႈလၢတ်ႈလႄႈဝႃႈ၊-ၶိုၼ်းမိူဝ်းၵႂႃႇတႃႉ။ၵဝ်လႆႈႁဵတ်းၸိူဝ်ႉၼင်ႇႁိုဝ်တီႈမႂ်းယဝ်ႉ၊မိူဝ်ႈဢၼ်ဝႃႈၼင်ႇၼႆဢေႃႈ။
၂၁ ဢေးလိသေးၵေႃႈလုၵ်ႉသေၵႃႈတီႈဢၼ်ၸွမ်းလင်မၼ်းယူႇၼၼ်ႉၶိုၼ်းမိူဝ်းၵႂႃႇလႄႈဢဝ်ဝူဝ်းၵူႈၼိုင်ႈတၢႆသေယဝ်ႉဢဝ်ၶိူင်ႈဢၼ်ထႆၼႃးၼၼ်ႉႁဵတ်းၽုၼ်းတူမ်ႈၼိူဝ်ႉဝူဝ်းၼၼ်ႉလႄႈတမ်းပၼ်ၵူၼ်းတင်းလၢႆလႄႈၶဝ်ဢွၼ်ၵၼ်ၵိၼ်ဢေႃႈ။ႁဵတ်းၸိူဝ်ႉၼင်ႇၼၼ်သေယဝ်ႉမၼ်းလုၵ်ႉလႄႈၸွမ်းလင်ဢေးလိယယူႇသေလႄႈပဵၼ်ၵေႃႉဢၼ်ပုတ်ႉတိၼ်တၢင်းမိုဝ်းမၼ်းဢေႃႈ။