Chapter
၁၄
ဢႁိယႁဵတ်းပရေႃးၽႅတ်ႈလွင်ႈယေႇရူဝ်းပုမ်ႇ
၁ မိူဝ်ႈၼၼ်ႉဢၽိယလုၵ်ႈၸၢႆးယေႇရူဝ်းပုမ်ႇမီးတၢင်းၶႆႈတၢင်းပဵၼ်လႄႈယေႇရူဝ်းပုမ်ႇသင်ႇလၢတ်ႈတီႈမေးမၼ်းလႄႈဝႃႈ၊-
၂ မႂ်းလုၵ်ႉလႄႈႁဵတ်းႁၢင်ႊၽၢင်ဢၼ်လၢၵ်ႇပိူင်ႈႁႂ်ႈၽူႈလႂ်ဢမ်ႇလႆႈႁူႉလွင်ႈဢၼ်မႂ်းပဵၼ်မေးယေႇရူဝ်းပုမ်ႇၼၼ်ႉသေလႄႈၵႂႃႇၵႃႈတီႈဝဵင်းသိလေႃႇပုၼ်ႉတႃႉ။ပရေႃးၽႅတ်ႈဢႁိယဢၼ်ၼႄပျႃးလွင်ႈဢၼ်ၵဝ်တၵ်းလႆႈဢုပ်ႉပိူင်ႇၵူၼ်းမဵဝ်းၼႆႉၼၼ်ႉမီးယူႇၵႃႈတီႈဝဵင်းၼၼ်ႉဢေႃႈ။
၃ ပႃးဢဝ်တင်းၶဝ်ႈမုၼ်းသိပ်းႁူၺ်ႇၶဝ်ႈမုၼ်းၶႅပ်းၵမ်ႈၽွင်ႈတဝ်ႈၼမ်ႉၽိုင်ႈသေလႄႈၵႂႃႇၵႃႈတီႈမၼ်းတႃႉ။မၼ်းတၵ်းႁေႃးလၢတ်ႈလွင်ႈဢၼ်တၵ်းပဵၼ်ၸိူဝ်ႉၼင်ႇႁိုဝ်ၵႃႈတီႈလုၵ်ႈဢွၼ်ႇၼႆႉၼၼ်ႉဢေႃႈ၊ဝႃႈၼင်ႇၼႆလႄႈမေးယေႇရူဝ်းပုမ်ႇၼၼ်ႉႁဵတ်းၸွမ်းၸိူဝ်ႉၼင်ႇၼၼ်လႄႈလုၵ်ႉသေယဝ်ႉၵႂႃႇၵႃႈတီႈဝဵင်းသိလေႃႇလႄႈႁွတ်ႈထိုင်ၵႃႈတီႈႁိူၼ်းဢႁိယဢေႃႈ။
၄ မိူဝ်ႈၼၼ်ႉဢႁိယၼၼ်ႉတႃဢမ်ႇႁၼ်ၵွပ်ႈပိူဝ်ႈဢၼ်ဢသၢၵ်ႈမၼ်းယႂ်ႇလႄႈတႃမၼ်းမူဝ်းၵႂႃႇယဝ်ႉဢေႃႈ။
၅ ထႃႇဝရႃႉၽြႃးမီးဢမိင်ႉတီႈဢႁိယလႄႈဝႃႈတူၺ်းလူး။မေးယေႇရူဝ်းပုမ်ႇၼၼ်ႉမႃးႁႂ်ႈလႆႈယွၼ်းထၢမ်သေၸိူဝ်ႉသေပိူင်တီႈမႂ်းပုၼ်ႈလုၵ်ႈၸၢႆးမၼ်းၵွပ်ႈပိူဝ်ႈမၼ်းမီးတၢင်းၶႆႈတၢင်းပဵၼ်ယူႇၼၼ်ႉဢေႃႈ။မႂ်းတၵ်းလႆႈၶိုၼ်းလၢတ်ႈၸိူဝ်ႉၼင်ႇၼႆၸိူဝ်ႉၼင်ႇၼၼ်တီႈမၼ်းဢေႃႈ။မိူဝ်ႈဢၼ််မၼ်းမႃးၼၼ်ႉမၼ်းတၵ်ႉႁဵတ်းၼင်ႇႁၢင်ႊမၼ်းပဵၼ်မေႈယိင်းတၢင်ႇၵေႃႉဢေႃႈ၊ဝႃႈၼင်ႇၼႆဢေႃႈ။
၆ ဢႁိယငိၼ်းသဵင်တိၼ်မၼ်းမိူဝ်ႈဢၼ်မၼ်းၶဝ်ႈၵႃႈၼႂ်းၽၵ်းတူမႃးၼၼ်ႉသေယဝ်ႉ၊မၼ်းလၢတ်ႈဝႃႈ၊-မေးယေႇရူဝ်းပုမ်ႇဢိူၺ်း။ၶဝ်ႈမႃးတႃႉ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းႁဵတ်းႁၢင်ႊမေႈယိင်းတၢင်ႇၵေႃႉလႄႈမႃး။ၵဝ်လႆႈၶၢမ်ႇတၢင်းဢၼ်မၼ်းၸဝ်ႈပွႆႇၸႂ်ႉမႃးႁႂ်ႈလႆႈမွၵ်ႇလၢတ်ႈသတၢင်းသဵင်ၶၢဝ်ႇဢၼ်ၶီၸႂ်ၶူမ်ၸႂ်ၼၼ်ႉတီႈမႂ်းဢေႃႈ။
၇ မႂ်းၵႂႃႇလႄႈလၢတ်ႈတီႈယေႇရူဝ်းပုမ်ႇလႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလမီးဢမိင်ႉလႄႈဝႃႈၸမ်း၊-ပိၵ်ႉသမ်ႉၵဝ်ဢဝ်မႂ်းၵႃႈၼႂ်းမုၵ်ႉၵူၼ်းၸိူဝ်းၵူၼ်းလႄႈယုၵ်ႉယွင်ႈႁႂ်ႈပဵၼ်ၵေႃႉဢၼ်ဢုပ်ႉပိူင်ႇၵူၼ်းမဵဝ်းဢိသရေႇလလႄႈ
၈ ၼုၵ်ႈဢဝ်သိုင်ႇၸိုင်ႈဝၢၼ်ႈမိူင်းၵႃႈၼႂ်းမိုဝ်းၸိူဝ်ႉၶိူဝ်းတႃႇဝိတ်ႉၼၼ်ႉပၼ်တီႈမႂ်းသေၵေႃႈ၊မႂ်းဢမ်ႇပဵၼ်မိူၼ်ၸိူဝ်ႉၼင်ႇၶႃႈၵဝ်တႃႇဝိတ်ႉဢၼ်ပႂ်ႉၵမ်ပႂ်ႉၵျၢင်ႉပိင်းၺၢပ်ႈၵဝ်တင်းလၢႆပႃးတင်းႁူဝ်ၸႂ်သဵင်ႈသဵင်ႈသေလႄႈႁဵတ်းၸွမ်းဢၼ်လီဢၼ်ငၢမ်းသိုဝ်ႈၼႃႈတႂ်ႈတႃၵဝ်ၼၼ်ႉ။
၉ မႂ်းႁဵတ်းတူႉၸရိူၵ်ႈလိူဝ်တွၼ်းၼႃႇသေၶဝ်ၸိူဝ်းဢၼ်ဢသၢၵ်ႈလိပ်းၵႂႃႇယဝ်ႉဢွၼ်တၢင်းမႂ်းၼၼ်ႉလႄႈမႂ်းၵႂႃႇႁဵတ်းၽြႃးတၢင်ႇသူႇတၢင်ႇပႃးဢိၵ်ႇတင်းရုၵ်ႈထူႉဢၼ်လေႃႇသွၼ်းႁဵတ်းတင်းလၢႆပုၼ်ႈမႂ်းႁႂ်ႈလႆႈတိုၵ်းယူင်းတၢင်းၸႂ်မႆႈၶႆႈၸႃႉၵဝ်လႄႈဢဝ်ၵဝ်ပႅတ်ႈဝႆႉၵႃႈတီႈၽၢႆႇတၢင်းလင်မႂ်းယဝ်ႉ။
၁၀ ပိူဝ်ႈၼႆလႄႈၵဝ်တၵ်းႁႂ်ႈၽေးဢူးပၢတ်ႈႁွတ်ႈထိုင်ၵႃႈၼိူဝ်ၸိူဝ်ႉၶိူဝ်းယေႇရူဝ်းပုမ်ႇလႄႈပႄႇတႅပ်းပႅတ်ႈၵူၼ်းၸၢႆးၸိူဝ်ႉၶိူဝ်းယေႇရူဝ်းပုမ်ႇၵူႈၵေႃႉဢၼ်ဝႃႈၸႃႉၸဵမ်ၶဝ်ၸိူဝ်းဢၼ်ၶၢမ်ႇတၢင်းဢၼ်ၶျုၵ်ႈဝႆႉလႄႈၶဝ်ၸိူဝ်းဢၼ်လွတ်ႈၵႂႃႇၵႃႈၼႂ်းဝၢၼ်ႈဝဵင်းဢိသရေႇလၼၼ်ႉဢေႃႈ။ၵဝ်တၵ်းပႄႇၽဵဝ်ႈပႅတ်ႈၸိူဝ်ႉၶိူဝ်းယေႇရူဝ်းပုမ်ႇမိူၼ်ၸိူဝ်ႉၼင်ႇၵူၼ်းၵွပ်ႇဢဝ်ၵွင်ၶီႈဝူဝ်းၵႂႃႇထၼ်ႈပေႃးသဵင်ႈပေႃမူတ်းၼၼ်ႉဢေႃႈ။
၁၁ ၸိူဝ်ႉၶိူဝ်းယေႇရူဝ်းပုမ်ႇဢၼ်တၢႆၵႃႈၼႂ်းဝဵင်းၼၼ်ႉၸိုင်မႃတၵ်းၵိၼ်လႄႈဢၼ်တၢႆၵႃႈတီႈၼွၵ်ႈတီႈပၢင်ႇၸိူဝ်းၼၼ်ႉၸိုင်ၼူၵ်ႉၵၢင်ႁၢဝ်တင်းလၢႆတၵ်းၵိၼ်ဢေႃႈ၊ဝႃႈၼႆ၊ထႃႇဝရႃႉၽြႃးမီးဢမိင်ႉဝႆႉၸိူဝ်ႉၼင်ႇၼႆဢေႃႈ။
၁၂ ပိူဝ်ႈၼႆလႄႈမႂ်းလုၵ်ႉလႄႈမိူဝ်းၵႂႃႇၵႃႈတီႈႁိူၼ်းမႂ်းတႃႉ။မိူဝ်ႈဢၼ်တိၼ်မႂ်းယဵပ်ႇၶဝ်ႈၵႃႈၼႂ်းၽၵ်းတူဝဵင်းၼၼ်ႉလုၵ်ႈဢွၼ်ႇၼၼ်ႉတၵ်းတၢႆဢေႃႈ။
၁၃ ၵူၼ်းမဵဝ်းဢိသရေႇလတင်းသဵင်ႈတင်းလူင်တၵ်းဢွၼ်ၵၼ်ႁဵတ်းတၢင်းဢၼ်ႁႆႈႁွင်ႉပွင်ႉၶၢင်းသေလႄႈဢဝ်မၼ်းသၢင်းၵျူဝ်ႇဢေႃႈ။ၼႂ်းၸိူဝ်ႉၶိူဝ်းယေႇရူဝ်းပုမ်ႇၼၼ်ႉမၼ်းၵေႃႉလဵဝ်ၵူၺ်းတၵ်းလႆႈၶၢမ်ႇတၢင်းဢၼ်သၢင်းၵျူဝ်ႇဢေႃႈ။လွင်ႈမၼ်းၸမ်းၼႂ်းၸိူဝ်ႉၶိူဝ်းယေႇရူဝ်းပုမ်ႇဢၼ်လႆႈထူပ်းလွင်ႈတၢင်းဢၼ်လီဢၼ်ငၢမ်းဢၼ်ဢူၼ်ႈၼူပ်ႈၵွမ်းၸူးၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလၼၼ်ႉပဵၼ်လုၵ်ႈဢွၼ်ႇၼၼ်ႉၵေႃႉလဵဝ်ၵူၺ်းဢေႃႈ။
၁၄ ထႃႇဝရႃႉၽြႃးတၵ်းႁႂ်ႈၶုၼ်ႁေႃၶမ်းဢိသရေႇလပႃးၼိုင်ႈဢၼ်တၵ်းပႄႇတႅပ်းပႅတ်ႈၸိူဝ်ႉၶိူဝ်းယေႇရူဝ်းပုမ်ႇၼၼ်ႉပေႃႇဢွၵ်ႇပဵၼ်မႃးပုၼ်ႈမၼ်းၸဝ်ႈဢေႃႈ။တၵ်းပဵၼ်ၶိင်ႇလႂ်။တၵ်းပဵၼ်မိူဝ်ႈလဵဝ်ၼႆႉဢေႃႈ။
၁၅ ထႃႇဝရႃႉၽြႃးတၵ်းပၼ်တၢမ်ႇတီႈမဵဝ်းဢိသရေႇလမိူၼ်ၸိူဝ်ႉၼင်ႇဢၼ်တူၼ်ႈမႆႉဢေႃႈသၼ်ႇၶွၼ်းၵႃႈတီႈၼႂ်းၼမ်ႉၼၼ်ႉလႄႈၼုၵ်ႈထူၺ်ႈဢဝ်မဵဝ်းဢိသရေႇလဢွၵ်ႇပႅတ်ႈသေၵႃႈၼႂ်းမိူင်းဢၼ်လီဢၼ်ငၢမ်းဢၼ်မၼ်းၸဝ်ႈပၼ်တီႈပူႇမွၼ်ႇၶဝ်ၸိူဝ်းၼၼ်ႉသေယဝ်ႉတၵ်းဢဝ်ၶဝ်ၸၢၼ်ႇပိုၼ်ပႅတ်ႈၵႃႈတီႈၽၢႆႇပုၼ်ႉၼမ်ႉႁွင်ႊလူင်ၼၼ်ႉၵွပ်ႈပိူဝ်ႈဢၼ်ၶဝ်ဢွၼ်ၵၼ်တႄႇႁဵတ်းသဝ်ဢႃႇသရလႄႈတိုၵ်းယူင်းတၢင်းၸႂ်မႆႈၶႆႈၸႃႉထႃႇဝရႃႉၽြႃးၼၼ်ႉဢေႃႈ။
၁၆ မၼ်းၸဝ်ႈတၵ်းၸုၼ်ႉပႅတ်ႈမဵဝ်းဢိသရေႇလၵွပ်ႈပိူဝ်ႈဢပျႅတ်ႈယေႇရူဝ်းပုမ်ႇဢၼ်တူဝ်မၼ်းၽိတ်းပိူင်ႈဢိၵ်ႇတင်းမၼ်းႁႂ်ႈမဵဝ်းဢိသရေႇလၽိတ်းပိူင်ႈၸိူဝ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၇ မေးယေႇရူဝ်းပုမ်ႇၼၼ်ႉလုၵ်ႉမိူဝ်းၵႂႃႇလႄႈၽႅဝ်ၵႃႈတီႈဝဵင်းတိရၸသေယဝ်ႉမိူဝ်ႈဢၼ်မၼ်းႁွတ်ႈထိုင်ၵႃႈတီႈ၁၈ ၶူင်ႇၽၵ်းတူႁေႃႇၼၼ်ႉၸိုင်လုၵ်ႈဢွၼ်ႇၼၼ်ႉတၢႆဢေႃႈ။ၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ဢဝ်မၼ်းသၢင်းၵျူဝ်ႇလႄႈႁႆႈႁွင်ႉပွင်ႉၶၢင်းမႅၼ်ႈၸွမ်းၵႃႈၼင်ႇဢၼ်ထႃႇဝရႃႉၽြႃးဢဝ်ၶႃႈမၼ်းၸဝ်ႈပရေႃးၽႅတ်ႈဢႁိယမီးဢမိင်ႉဝႆႉၼၼ်ႉဢေႃႈ။
၁၉ လွင်ႈတၢင်းယေႇရူဝ်းပုမ်ႇဢၼ်ယင်းၵိုတ်းယင်းၵျၢၼ်ႇတင်းလၢႆဢၼ်ဝႃႈတၢင်းဢၼ်မၼ်းတိုၵ်းသိုၵ်းတၢင်းဢၼ်ဢုပ်ႉပိူင်ႇၸၢမ်ႇၸႃးၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇဢိသရေႇလဢေႃႈ။
၂၀ ယေႇရူဝ်းပုမ်ႇၼၼ်ႉဢုပ်ႉပိူင်ႇၸၢမ်ႇၸႃးသၢဝ်းပၢႆသွင်ပီႊသေယဝ်ႉၼွၼ်းလပ်းလူၺ်ႈၵၼ်တင်းပူႇမၼ်းမွၼ်ႇမၼ်းသေလႄႈၼႃႇတပ်ႉလုၵ်ႈၸၢႆးမၼ်းၼၼ်ႉၼင်ႈႁၢင်ႈၼင်ႈႁေႃတၢင်ႈတူဝ်မၼ်းဢေႃႈ။
ႁူဝ်ႇပုမ်ႇၶုၼ်ႁေႃၶမ်းယုတ
၂၁ ရူဝ်ႇပုမ်ႇလုၵ်ႈၸၢႆးသေႃးလမုၼ်ႇၼၼ်ႉဢုပ်ႉပိူင်ႇၸၢမ်ႇၸႃးမိူင်းယုတဢေႃႈ။ရူဝ်ႇပုမ်ႇၼၼ်ႉမိူဝ်ႈဢၼ်ၸႃႉၼင်ႈႁၢင်ႈၼင်ႈႁေႃၼၼ်ႉၸိုင်ဢသၢၵ်ႈလႆႈသီႇသိပ်းပၢႆဢဵတ်းပီႊလႄႈဢုပ်ႉပိူင်ႇၸၢမ်ႇၸႃးၵႃႈတီႈဝဵင်းယေႇရုသလႅမ်ႇဢၼ်ထႃႇဝရႃႉၽြႃးလိူၵ်ႈၵဵပ်းဢဝ်ၵႃႈၼႂ်းၼမ်ႉၼႂ်းလိၼ်မဵဝ်းဢိသရေႇလၵူႈမဵဝ်းပုၼ်ႈဢၼ်တၵ်းႁႂ်ႈၼႃႇမႃႉၸိုဝ်သဵင်ၸဝ်ႈတႄႇယူႇၼၼ်ႉသိပ်းၸဵတ်းပီႊဢေႃႈ။
၂၂ မေးမၼ်းၸမ်းပဵၼ်ၼေႇမၵူၼ်းမဵဝ်းဢမ်ႇမုၼ်ႇဢေႃႈ။ၵူၼ်းမဵဝ်းယုတတင်းလၢႆဢွၼ်ၵၼ်ႁဵတ်းတူႉၸရိူၵ်ႈၵႃႈတီႈၽၢႆႇၼႃႈထႃႇဝရႃႉၽြႃးလႄႈဢဝ်တင်းဢပျႅတ်ႈဢၼ်ၽိတ်းပိူင်ႈလိူဝ်တွၼ်းၼႃႇသေဢၼ်ပူႇမွၼ်ႇၶဝ်ၽိတ်းပိူင်ႈၼၼ်ႉတိုၵ်းယူင်းတၢင်းၸႂ်မႆႈၶႆႈၸႃႉၽြႃးပဵၼ်ၸဝ်ႈဢေႃႈ။
၂၃ ၶဝ်ဢွၼ်ၵၼ်ႁဵတ်းထႃႇၼႃႉတီႈသုင်လႂ်သဝ်တီႈၵူဝ်းၵႂၢႆႇလႂ်သဝ်ဢႃႇသရလႂ်ၵႃႈတီႈၼိူဝ်လွႆဢၼ်သုင်ၵႃႈမီးဢိၵ်ႇတင်းၵႃႈတီႈတႂ်ႈတူၼ်ႈမႆႉဢၼ်ၶဵဝ်ၵႃႈမီးၼၼ်ႉဢေႃႈ။
၂၄ ၶဝ်ၸိူဝ်းဢၼ်ၵူၼ်းၸၢႆးၼင်ႇၵၼ်ႁဵတ်းၵႅင်ႈၵၼ်ၼၼ်ႉၵေႃႈမီးၵႃႈၼႂ်းမိူင်းယုတၼၼ်ႉလႄႈၶဝ်ဢွၼ်ၵၼ်ႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇၵူႈၸိူဝ်ႉၵူႈပိူင်ဢၼ်ၵူၼ်းမဵဝ်းဢၼ်ထႃႇဝရႃႉၽြႃးႁေႃႈဢွၵ်ႇပႅတ်ႈသေၵႃႈတီႈၵူၼ်းမဵဝ်းဢိသရေႇလၶဝ်ၸၢင်ႊႁဵတ်းၸိူဝ်းၼၼ်ႉဢေႃႈ။
၂၅ ၼႂ်းပီႊဢၼ်ၶုၼ်လူင်ရူဝ်ႇပုမ်ႇၸၢမ်ႇၸႃးႁၢင်ႈႁေႃႁႃႈပီႊၼၼ်ႉသိသၵ်ႉဢၼ်ပဵၼ်ၶုၼ်ႁေႃၶမ်းဢေႇၵႅပ်ႉတုၶီႇသိုၵ်းၶိုၼ်ႈၸူးဝဵင်းယေႇရုသလႅမ်ႇသေလႄႈသိမ်းဢဝ်ဢုၵ်ႉၸႃႇၽၼ်ႇတႃႇႁိူၼ်းထႃႇဝရႃႉၽြႃးဢိၵ်ႇတင်းဢုၵ်ႉၸႃႇၽၼ်ႇတႃႇႁေႃၸဝ်ႈလႄႈဢဝ်ၵႃႈမီးတင်းသဵင်ႈတင်းလူင်ၵႂႃႇဢေႃႈ။
၂၆ ၶိူင်ႈႁႄႉလၢၵ်ႈၼၢၵ်ႈၶမ်းဢၼ်သေႃးလမုၼ်ႇႁဵတ်းၵႃႈမီးၼၼ်ႉၵေႃႈဢဝ်ၵႂႃႇဢေႃႈ။
၂၇ ၶုၼ်လူင်ရူဝ်ႇပုမ်ႇၶိုၼ်းႁဵတ်းၶိူင်ႈႁႄႉလၢၵ်ႈၼၢၵ်ႈတွင်းႁႂ်ႈလႆႈတၢင်ႈတူဝ်ၶိူင်ႈႁႄႉလၢၵ်ႈၼၢၵ်ႈၶမ်းၸိူဝ်းၼၼ်ႉလႄႈႁႂ်ႈၶဝ်ပႂ်ႉၽၵ်းတူႁေႃၸဝ်ႈၸိူဝ်းၼၼ်ႉဢေႃႈ။
၂၈ ယၢမ်းမိူဝ်ႈဢၼ်ၶုၼ်ႁေႃၶမ်းဢွၵ်ႇၸူးၵႃႈတီႈႁိူၼ်းထႃႇဝရႃႉၽြႃးၼၼ်ႉၸိုင်ၵူၼ်းပႂ်ႉၸိူဝ်းၼၼ်ႉယိပ်းၵမ်ၶိူင်ႈႁႄႉလၢၵ်ႈၼၢၵ်ႈၸိူဝ်းၼၼ်ႉလႄႈမိူဝ်ႈဢၼ်ၶုၼ်ႁေႃၶမ်းၶိုၼ်းမႃးၼၼ်ႉၸိုင်ၶဝ်ၶိုၼ်းဢဝ်ဝႆႉၵႃတီႈလုၵ်းတီႈ၂၉ ဢၼ်ၶဝ်ပႂ်ႉၼၼ်ႉဢေႃႈ။
၂၉ လွင်ႈတၢင်းရူဝ်ႇပုမ်ႇဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၸိုင်တႅမ်ႈဝႆႉမီးယူႇၵႃႈၼႂ်းရႃႇၸဝၢင်ႇယုတၼၼ်ႉဢေႃႈ။
၃၀ ရူဝ်ႇပုမ်ႇဢိၵ်ႇတင်းယေႇရူဝ်းပုမ်ႇၼၼ်ႉပဵၼ်သိုၵ်းပဵၼ််သိူဝ်တေႃႇၵၼ်ယူႇသေႇသေႇဢေႃႈ။
၃၁ ရူဝ်ႇပုမ်ႇၼၼ်ႉၼွၼ်းလပ်းလူၺ်ႈၵၼ်တင်းပူႇမွၼ်ႇမၼ်းတင်းလၢႆလႄႈၶၢမ်ႇတၢင်းဢၼ်သၢင်းၵျူဝ်ႇလူၺ်ႈၵၼ်တင်းပူႇမၼ်းမွၼ်ႇမၼ်းၸိူဝ်းၼၼ်ႉၵႃႈၼႂ်းဝဵင်းတႃႇဝိတ်ႉဢေႃႈ။မေႈမၼ်းၸိုဝ်ၼေႇမၵူၼ်းမဵဝ်းဢမ်ႇမုၼ်ႇဢေႃႈ။ဢၽိယလုၵ်ႈၸၢႆးမၼ်းသိုပ်ႇၼင်ႈႁၢင်ႈၼင်ႈႁေႃတၢင်တူဝ်ၸဝ်ႈပေႃႈမၼ်းဢေႃႈ။