Chapter
၈
ဢဝ်တိူၵ်ႈတႃႇပတိၺိၼ်ႇဝႆႉတီႈပိၵ်ႉမၢၼ်ႇၽြႃး
၁ မိူဝ်ႈၼၼ်ႉသေႃးလမုၼ်ႇၼၼ်ႉႁွင်ႉဢဝ်ၵူၼ်းဢၼ်ပဵဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလတင်းလၢႆဢိၵ်ႇတင်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၼႂ်းမဵဝ်းတင်းလၢႆဢၼ်ဝႃႈၶဝ်ၸိူဝ်းဢၼ်ဢုပ်ႉၵႃႈၼိူဝ်ပီႈၼွင်ႉၸိူဝ်ႉၶိူဝ်းပေႃႈၶဝ်ၵႃႈၼႂ်းၵူၼ်းမဵဝ်းဢိသရေႇလၼၼ်ႉတင်းသဵင်ႈတင်းလူင်မႃးၵႃႈတီႈၶုၼ်ႁေႃၶမ်းၵႃႈၼႂ်းဝဵင်းယေႇရုသလႅမ်ႇႁႂ်ႈလႆႈဢဝ်တိူၵ်ႈတႃႇပတိၺိၼ်ႇထႃႇဝရႃႉၽြႃးဢွၵ်ႇသေၵႃႈၼႂ်းဝဵင်းတႃႇဝိတ်ႉဢၼ်လႆႈၸိုဝ်ၸိဢုၼ်ႇၼၼ်ႉမႃးလႄႈ
၂ ၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်မႃးၸူႉၵၼ်တုမ်ၵၼ်ၵႃႈတီႈၶုၼ်လူင်သေႃးလမုၼ်ႇၼႂ်းပွႆးဢၼ်ႁဵတ်းၼႂ်းလိူၼ်ဢေႇသၼိမ်ႇဢၼ်ပဵၼ်လိူၼ်သတ်ႉတမၼၼ်ႉဢေႃႈ။
၃ ၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းမဵဝ်းဢိသရေႇလတင်းသဵင်ႈတင်းလူင်မႃးလႄႈယိတ်ႉပရေႃးႁိၵ်ႈၸိူဝ်းၼၼ်ႉၵေႃႈႁပ်ႉတိူၵ်ႈတႃႇထႃႇဝရႃႉၽြႃးယူႇသေလႄႈ
၄ ဢွၼ်ၵၼ်ပႃးဢဝ်တိူၵ်ႈတႃႇၸဝ်ႈဢိၵ်ႇတင်းသုမ်ႉထဵင်ၸဝ်ႈတီႈၸူႉတီႈတုမ်ၵူၼ်တင်းလၢႆတင်းၶိူင်ႈပိူင်ဢၼ်မူတ်းၸၢင်ႇၵႃႈဢၼ်မီးၼႂ်းသုမ်ႉထဵင်ၸဝ်ႈၸိူဝ်းၼၼ်ႉမႃးဢေႃႈ။ၼင်ႇၼၼ်လႄႈယိတ်ႉပရေႃးႁိၵ်ႈတင်းလၢႆတင်းၵူၼ်းမဵဝ်းလေႇဝိၸိူဝ်းၼၼ်ႉဢွၼ်ၵၼ်ဢဝ်ၸိူဝ်းၼၼ်ႉမႃးဢေႃႈ။
၅ ၶုၼ်လူင်သေႃးလမုၼ်ႇဢိၵ်ႇတင်းပရိၵ်ႈသၢတ်ႈဢိသရေႇလတင်းသဵင်ႈတင်းလူင်ဢၼ်မႃးၸူႉၵၼ်တုမ်ၵၼ်ၵႃႈတီႈမၼ်းၼၼ်ႉဢွၼ်ၵၼ်ယူႇၵႃႈတီႈၽၢႆႇၼႃႈတိူၵ်ႈတႃႇၸဝ်ႈသေလႄႈပုၵ်ႉၸေႃႇယိၸ်ႉသူဝ်းဝူဝ်းၼမ်ႇၼႃႇထၼ်ႈပေႃးဢမ်ႇၼပ်ႉဢမ်ႇဢၢၼ်ႇလႆႈၼၼ်ႉဢေႃႈ။
၆ ယိတ်ႉပရေႃးႁိၵ်ႈၸိူဝ်းၼၼ်ႉဢွၼ်ၵၼ်ဢဝ်တိူၵ်ႈတႃႇပတိၺိၼ်ႇထႃႇဝရႃႉၽြႃးသႂၢင်းၶဝ်ႈၵႃႈၼႂ်းတီႈမၼ်းၵႃႈၼႂ်းထႃႇၼႃႉတီႈပျႃႇတိၵ်ႈၸဝ်ႈဢၼ်ဝႃႈထႃႇၼႃႉတီႈဢၼ်မူတ်းၸၢင်ႇၼႃႇသေပိူၼ်ႈၵႃႈတႂ်ႈပိၵ်ႇၶေႇရုၽိမ်ႇၼၼ်ႉဢေႃႈ။
၇ ၶေႇရုၽိမ်ႇၸိူဝ်းၼၼ်ႉၵီႈၽေပိၵ်ႇၶဝ်ၵႃႈၼိူဝ်တီႈယူႇတိူၵ်ႈတႃႇၸဝ်ႈၼၼ်ႉလႄႈၶေႇရုၽိမ်ႇၸိူဝ်းၼၼ်ႉမုင်းႁူမ်ႇတိူၵ်ႈတႃႇၸဝ်ႈတင်းၵၢၼ်းမၼ်းၸိူဝ်းၼၼ်ႉယူႇဢေႃႈ။
၈ ႁူဝ်ၵၢၼ်းၸိူဝ်းၼၼ်ႉပဵၼ်ယၢဝ်းၼႃႇလႄႈယူႇၵႃႈၼႂ်းထႃႇၼႃႉတီႈမူတ်းၸၢင်ႇၵႃႈတီႈၽၢႆႇၼႃႈထႃႇၼႃႉတီႈပျႃႇတိၵ်ႈၸဝ်ႈၼၼ်ႉလႄႈတူၺ်းႁၼ်လႆႈယူႇဢေႃႈ။ၵူၺ်းၵႃႈယူႇၵႃႈတီႈၼွၵ်ႈထႃႇၼႃႉတီႈမူတ်းၸၢင်ႇလႄႈတူၺ်းဢမ်ႇႁၼ်လႆႈ။မီးယူႇၵႃႈတီႈၼၼ်ႉတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။
၉ ၵႃႈၼႂ်းတိူၵ်ႈတႃႇၸဝ်ႈၼၼ်ႉလိူဝ်သေၶႅပ်းမၢၵ်ႇႁိၼ်သွင်ၽႅၼ်ႇဢၼ်မုဝ်းသေႇဢဝ်သႂၢင်းဝႆႉၵႃႈၼႂ်းမၼ်းၵႃႈတီႈႁေႃႇရပ်ႉတီႈဢၼ်ထႃႇဝရႃႉၽြႃးႁဵတ်းပတိၺိၼ်ႇလူၺ်ႈၵၼ်တင်းၵူၼ်းမဵဝ်းဢိသရေႇလတင်းလၢႆၼႂ်းမိူဝ်ႈဢၼ်ၶဝ်ႈဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉဢမ်ႇမီးၵႃႈသင်သေၸိူဝ်ႉသေပိူင်။
၁၀ မိူဝ်ႈဢၼ်ယိတ်ႉပရေႃးႁိၵ်ႈၸိူဝ်းၼၼ်ႉဢွၵ်ႇသေၵႃႈၼႂ်းထႃႇၼႃႉတီႈမူတ်းၸၢင်ႇၼၼ်ႉၸိုင်မွၵ်ႇၵုမ်ႈတဵမ်ဝႆႉၵႃႈၼႂ်းႁိူၼ်းထႃႇဝရႃႉၽြႃးၼၼ်ႉထၼ်ႈပေႃးယိတ်ႉပရေႃးႁိၵ်ႈၸိူဝ်းၼၼ်ႉဢမ်ႇၸၢင်ႊပွင်ႁဵတ်းဢမူႉၸဝ်ႈလႆႈၵွပ်ႈပိူဝ်ႈမွၵ်ႇၵုမ်ႈၼၼ်ႉလႆႈ။
၁၁ လွင်ႈမၼ်းၸမ်းမူၼ်ႈၽုင်းထႃႇဝရႃႉၽြႃးတဵမ်ဝႆႉၵႃႈၼႂ်းႁိူၼ်းထႃႇဝရႃႉၽြႃးၼၼ်ႉဢေႃႈ။
၁၂ မိူဝ်ႈၼၼ်ႉသေႃးလမုၼ်ႇဢွၵ်ႇသူပ်းလႄႈဝႃႈ၊-ထႃႇဝရႃႉၽြႃးလၢတ်ႈလူၺ်ႈလွင်ႈဢၼ်မၼ်းၸဝ်ႈတၵ်းယူႇၵႃႈၼႂ်းလပ်းသိင်ႇဢၼ်ၼႃတၼ်ၼႃႇၼၼ်ႉဝႆႉဢေႃႈ။
၁၃ ၵူၺ်းၵႃႈၶႃႈၸဝ်ႈတႄႇႁဵတ်းႁိူၼ်းတီႈဢၼ်ၸဝ်ႈတၵ်းၵိင်းဝပ်ႈယူႇထႃႇၼႃႉတီႈဢၼ်ၸဝ်ႈတၵ်းယူႇတၵ်းသဝ်းတႃႇသေႇၼၼ်ႉဢမၢၼ်ႇၶၢၼ်ပဵၼ်တီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၄ လၢႆးသမ်ႉၶုၼ်ႁေႃၶမ်းဝၢႆႇၼႃႈတူၺ်းလႄႈပၼ်တၢင်းလီတီႈပရိၵ်ႈသၢတ်ႈမဵဝ်းဢိသရေႇလတင်းသဵင်ႈတင်းလူင်လႄႈပရိၵ်ႈသၢတ်ႈမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ၸုၵ်းယူႇဢေႃႈ။
၁၅ မၼ်းဢွၵ်ႇသူပ်းဝႃႈလႄႈဝႃႈ၊-ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလဢၼ်ဝႆႉပျႃႇတိၵ်ႈၸဝ်ႈတီႈၸဝ်ႈပေႃႈၵဝ်တႃႇဝိတ်ႉလႄႈႁဵတ်းၸွမ်းၵႃႈၼင်ႇပျႃႇတိၵ်ႈၸဝ်ႈမီးၼၼ်ႉလႄႈဝႃႈ၊-
၁၆ ၸႃႉၸဵမ်မိူဝ်ႈဝၼ်းဢၼ်ၵဝ်ၼုၵ်ႈဢဝ်ၵူၼ်းၵဝ်မဵဝ်းဢိသရေႇလတင်းလၢႆဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉပိၵ်ႉသမ်ႉၵဝ်ဢမ်ႇလိူၵ်ႈၵဵပ်းဢဝ်ဝဵင်းသတေီႈသဝေဵင်းၵႃႈၼႂ်းလိၼ်မဵဝ်းဢိသရေႇလၵႃႈမီးႁႂ်ႈလႆႈတႄႇႁဵတ်းႁိူၼ်းတီႈဢၼ်ၼႃႇမႃႉၸိုဝ်သဵင်ၵဝ်တႄႇယူႇၼၼ်ႉသေၵေႃႈၵဝ်လိူၵ်ႈၵဵပ်းဢဝ်တႃႇဝိတ်ႉႁႂ်ႈမၼ်းလႆႈဢုပ်ႉၵႃႈၼိူဝ်ၵူၼ်းၵဝ်မဵဝ်းဢိသရေႇလတင်းလၢႆဝႆႉယဝ်ႉ၊ဝႃႈၼင်ႇၼႆၼၼ်ႉမီးမၢင်ႇၵလႃႇသေၵမ်းလူၺ်ႈ။
၁၇ ၸဝ်ႈပေႃႈၵဝ်တႃႇဝိတ်ႉၼၼ်ႉမီးတၢင်းၵျၢမ်ႇတၢင်းပွင်တၵ်းတႄႇႁဵတ်းႁိူၼ်းပုၼ်ႈၼႃႇမႃႉၸိုဝ်ႈသဵင်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလဢေႃႈ။
၁၈ ၵူၺ်းၵႃႈထႃႇဝရႃႉၽြႃးမီးဢမိင်ႉတီႈၸဝ်ႈပေႃႈၵဝ်တႃႇဝိတ်ႉလႄႈဝႃႈ၊-ၵွပ်ႈပိူဝ်ႈဢၼ်မႂ်းမီးတၢင်းၵျၢမ်ႇတၢင်းပွင်တၵ်းတႄႇႁဵတ်းႁိူၼ်းၸဝ်ႈပုၼ်ႈၼႃႇမႃႉၸိုဝ်သဵင်ၵဝ်လႄႈလွင်ႈတၢင်းဢၼ်မီးၼႂ်းၸႂ်မႂ်းၼၼ်ႉပဵၼ်ဢၼ်လီယဝ်ႉ။ၼႂ်းဝႃႈၼၼ်သေၵေႃႈမႂ်းဢမ်ႇလႆႈတႄႇႁဵတ်းႁိူၼ်းၸဝ်ႈ။
၁၉ လုၵ်ႈၸၢႆးဢွၼ်ႇမႂ်းၼၼ်ႉတၵ်းလႆႈတႄႇႁဵတ်းႁိူၼ်းၸဝ်ႈပုၼ်ႈၼႃႇမႃႉၸိုဝ်သဵင်ၵဝ်ဢေႃႈ၊ဝႃႈၼင်ႇၼႆဢေႃႈ။
၂၀ ထႃႇဝရႃႉၽြႃးၼၼ်ႉႁဵတ်းၸွမ်းၵႃႈၼင်ႇဢၼ်ဢမိင်ႉၸဝ်ႈမီးၼၼ်ႉသေလႄႈၵဝ်လႆႈပေႃႇပဵၼ်မႃးတၢင်တူဝ်ၸဝ်ႈပေႃႈၵဝ်တႃႇဝိတ်ႉၼၼ်ႉလႄႈၼင်ႈယူႇၵႃႈၼိူဝ်ရႃႇၸႃႉပလၢင်ႇသိုင်ႇၸိုင်ႈဝၢၼ်ႈမိူင်းဢိသရေႇလမႅၼ်ႈၸွမ်းၵႃႈၼင်ႇဢၼ်ထႃႇဝရႃႉၽြႃးမီးၵတိဝႆႉၼၼ်ႉသေလႄႈတႄႇႁဵတ်းႁိူၼ်းၸဝ်ႈပုၼ်ႈၼႃႇမႃႉၸိုဝ်ႈသဵင်ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလယဝ်ႉ။
၂၁ ၵႃႈၼႂ်းႁိူၼ်းၸဝ်ႈၼၼ်ႉၵေႃႈၵဝ်ႁဵတ်းထႃႇၼႃႉတီႈဢၼ်ဝႆႉတိူၵ်ႈတႃႇၸဝ်ႈဢၼ်ပႃးလိၵ်ႈမၢၵ်ႇႁိၼ်ပတိၺိၼ်ႇထႃႇဝရႃႉၽြႃးဢၼ်မၼ်းၸဝ်ႈႁဵတ်းလူၺ်ႈၵၼ်တင်းပူႇမွၼ်ႇႁဝ်းမိူဝ်ႈဢၼ်မၼ်းၸဝ်ႈၼုၵ်ႈဢဝ်ၶဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉဝႆႉယဝ်ႉ၊ဝႃႈၼင်ႇၼႆဢေႃႈ။
တၢင်းသူးတွင်းသၢၵ်ႈၵၢပ်ႈသေႃးလမုၼ်ႇ
၂၂ လၢႆးသမ်ႉသေႃးလမုၼ်ႇၸုၵ်းယူႇၵႃႈတီႈၽၢႆႇၼႃႈယိတ်ႉပလၢင်ႇထႃႇဝရႃႉၽြႃးသိုဝ်ႈၼႃႈတႂ်ႈတႃႇပရိၵ်ႈသၢတ်ႈမဵဝ်းဢိသရေႇလတင်းသဵင်ႈတင်းလူင်လႄႈၵီၽႃႇမိုဝ်းမၼ်းတေႃႇႉၵၢင်ႁၢဝ်ယူႇသေလႄႈသူးတွင်းလႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလတီႈၶႃႈ။
၂၃ ၵႃႈတီႃႈႉၵၢင်ႁၢဝ်ၵႃႈၼိူဝ်ၵႃႈတီႈလိၼ်မိူင်းၵႃႈတႂ်ႈၼႆႉၽြႃးဢၼ်မိူၼ်ၵၼ်တင်းၸဝ်ႈႁဝ်းဢၼ်ပႂ်ႉၵမ်ပႂ်ႉၸွမ်းပတိၺိၼ်ႇတြႃးဢိၵ်ႇတင်းၵရူႉၼႃႇတြႃးပုၼ်ႈၶႃႈၸဝ်ႈႁဝ်းတင်းလၢႆ
၂၄ ဢၼ်ပႃးတင်းႁူဝ်ၸႂ်သဵင်ႈသဵင်ႈၵႂႃႇမႃးၵႃႈတီႈၽၢႆႇၼႃႈၸဝ်ႈႁဝ်းဢၼ်ႁဵတ်းတီႈၶႃႈၸဝ်ႈႁဝ်းၸဝ်ႈပေႃႈၶႃႈၸဝ်ႈတႃႇဝိတ်ႉၸွမ်းၵႃႈၼင်ႇဢၼ်ၸဝ်ႈႁဝ်းဝႆႉၵတိတီႈမၼ်းလႄႈမီးဢမိင်ႉဢွၵ်ႇသူပ်းဝႃႈဝႆႉတီႈမၼ်းလႄႈတဵမ်ထူၼ်ႈပဵၼ်မိူၼ်ၸိူဝ်ႉၼင်ႇဢၼ်ပဵၼ်ဝၼ်းမိူဝ်ႈၼႆႉၼၼ်ႉဢမ်ႇမီးသေၸဝ်ႈသေပႃးၶႃႈ။
၂၅ ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလတီႈၶႃႈ။မိူဝ်ႈလဵဝ်ၼႆႉၶႅၼ်းတေႃႈပႂ်ႉၸွမ်းၵတိၸဝ်ႈဢၼ်ၸဝ်ႈႁဝ်းဝႆႉၵႃႈတီႈၶႃႈၸဝ်ႈႁဝ်းၸဝ်ႈပေႃႈၶႃႈၸဝ်ႈတႃႇဝိတ်ႉၼၼ်ႉလႄႈမီးဢမိင်ႉဝႆႉဝႃႈ၊-ပေႃးလုၵ်ႈမႂ်းလၢၼ်မႂ်းမီးဢလူဝ်ႇၶႆႈႁဵတ်းသတိတီႈသဵၼ်ႈတၢင်းဢၼ်ၶဝ်ၵႂႃႇၼၼ်ႉၵႂႃႇမႃးယူႇၵႃႈတီႈၽၢႆႇၼႃႈၵဝ်မိူၼ်ၸိူဝ်ႉၼင်ႇဢၼ်မႂ်းၵႂႃႇမႃးယူႇၵႃႈတီႈၽၢႆႇၼႃႈၵဝ်ၼၼ်ႉၸိုင်မဵဝ်းၸိူဝ်ႉၶိူဝ်းမႂ်းဢၼ်လႆႈၼင်ႈၵႃႈၼိူဝ်ရႃႇၸႃႉပလၢင်ႇသိုင်ႇၸိုင်ႈဝၢၼ်ႈမိူင်းဢိသရေႇလသိုဝ်ႈၼႃႈတႂ်ႈတႃၵဝ်ၼႆႉဢမ်ႇလႆႈထၢတ်ႇဝႃႈၼင်ႇၼႆၼၼ်ႉသေၵမ်းတီႈၶႃႈ။
၂၆ ထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလတီႈၶႃႈ၊မိူဝ်ႈလဵဝ်ၼႆႉၶႅၼ်းတေႃႈႁႂ်ႈၵႂၢမ်းၸဝ်ႈႁဝ်းဢၼ်ၸဝ်ႈႁဝ်းမီးဢမိင်ႉဝႆႉတီႈၶႃႈၸဝ်ႈႁဝ်းၸဝ်ႈပေႃႈၶႃႈၸဝ်ႈတႃႇဝိတ်ႉၼၼ်ႉတဵမ်ထူၼ်ႈသေၵမ်းတီႈၶႃႈ။
၂၇ ၼႂ်းဝႃႈၼၼ်သေၵေႃႈၽြႃးပဵၼ်ၸဝ်ႈတၵ်းၵိင်းဝပ်ႈယူႇၵႃႈၼိူဝ်လိၼ်မိူင်းၼႆႉဢမၢၼ်ႇၶၢၼ်ပဵၼ်တီႈၶႃႈႁိုဝ်။တူၺ်းတီႈၶႃႈလူး။ၵၢင်ႁၢဝ်ဢိၵ်ႇတင်းၵၢင်ႁၢဝ်ဢၼ်ပဵၼ်ၸိၵ်းၸွမ်ၵၢင်ႁၢဝ်ၼၼ်ႉဢမ်ႇပေႃးဢမ်ႇၶၢမ်ႇၸဝ်ႈႁဝ်းလႆႈလႄႈ
၂၈ ႁိူၼ်းဢၼ်ၶႃႈၸဝ်ႈတႄႇႁဵတ်းၼႆႉယိင်ႈၶႅၼ်းတၵ်းဢမ်ႇပေႃးဢမ်ႇၶၢမ်ႇၸဝ်ႈႁဝ်းလႆႈတီႈၶႃႈ။ၼႂ်းဝႃႈၼၼ်သေၵေႃႈထႃႇဝရႃႉၽြႃးၽြႃးပဵၼ်ၸဝ်ႈၵဝ်ၶႃႈတီႈၶႃႈ။ၶႅၼ်းတေႃႈႁူႉၸႅင်ႈထွမ်ႇဢဝ်တၢင်းဢၼ်ၶႃႈၸဝ်ႈႁဝ်းႁွင်ႉသႅၼ်ႇလႄႈႁဵတ်းပထၼႃႇၵႃႈတီႈၽၢႆႇၼႃႈၸဝ်ႈႁဝ်းဝၼ်းမိူဝ်ႈၼႆႉၼၼ်ႉသေၵမ်းတီႈၶႃႈ။
၂၉ ၶႅၼ်းတေႃႈမိုၼ်းတႃၽုၺ်ႇတႃၸဝ်ႈႁဝ်းၸူးၵႃႈတီႈႁိူၼ်း
ၸဝ်ႈၼႆႉၵူႈဝၼ်းၵူႈၶိုၼ်းဢမ်ႇထၢတ်ႇဢၼ်ဝႃႈၵႃႈတီႈၼႆႉဢၼ်ၸဝ်ႈႁဝ်းမီးဢမိင်ႉလႄႈဝႃႈ၊-ၼႃႇမႃႉၸိုဝ်သဵင်ၵဝ်တၵ်းလႆႈတႄႇယူႇၵႃႈတီႈၼၼ်ႉဢေႃႈ၊ဝႃႈၼင်ႇၼႆၼၼ်ႉထွမ်ႇဢဝ်ၵႂၢမ်းဢၼ်ၶႃႈၸဝ်ႈႁဝ်းသူးတွင်းၸူးၵႃႈတီႈၼႆႉၼၼ်ႉသေၵမ်းတီႈၶႃႈ၊
၃၀ ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်တီႈဢၼ်ၸဝ်ႈႁဝ်းၵိင်းဝပ်ႈယူႇၼၼ်ႉသေလႄႈထွမ်ႇငိၼ်းၵႂၢမ်းဢၼ်ၶႃႈၸဝ်ႈႁဝ်းဢိၵ်ႇတင်းၵူၼ်းၸဝ်ႈႁဝ်းၵူၼ်းမဵဝ်းဢိသရေႇလတင်းလၢႆဢွၼ်ၵၼ်ႁဵတ်းပထၼႃႇသူးတွင်းလဝ်ႈယွၼ်းၼၼ်ႉလႄႈပွႆႇလွတ်ႈၵႃႈၼႂ်းဢပျႅတ်ႈသေၵမ်းတီႈၶႃႈ။
၃၁ ပေႃးသေၵေႃႉသေၵူၼ်းၽိတ်းပိူင်ႈၵူၼ်းႁိူၼ်းၸမ်ၵၼ်တင်းမၼ်းလႄႈမီးတၢင်းဢၼ်တၵ်းလႆႈႁဵတ်းတၢင်းဢၼ်ၵိၼ်ႇဝႃႈၵႃႈတီႈၽၢႆႇၼႃႈယိတ်ႉပလၢင်ႇၸဝ်ႈႁဝ်းလႄႈမႃးႁဵတ်းတၢင်းဢၼ်ၵိၼ်ႇဝႃႈၵႃႈတီႈၽၢႆႇၼႃႈယိတ်ႉပလၢင်ႇၸဝ်ႈႁဝ်းၼၼ်ႉၸိုင်ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်သေလႄႈထွမ်ႇငိၼ်းသေယဝ်ႉ
၃၂ ႁဵတ်းၸွမ်းလႄႈတႅပ်းတတ်းတြႃးတီႈၶႃႈၸဝ်ႈႁဝ်းတင်းလၢႆလႄႈၸီႇယၢင်ႇဢပျႅတ်ႈတီႈၵေႃႉဢၼ်ဢမ်ႇတြႃးၼၼ်ႉလႄႈႁႂ်ႈဢပျႅတ်ႈမၼ်းတူၵ်းႁွတ်ႈၵႃႈၼိူဝ်ႁူဝ်မၼ်းသေယဝ်ႉၸီႇယၢင်ႇၵေႃႉဢၼ်သိုဝ်ႈတေႃႇၼၼ်ႉလႄႈပၼ်ၸွမ်းၵႃႈၼင်ႇတၢင်းဢၼ်မၼ်းသိုဝ်ႈတေႃႇၼၼ်ႉသေၵမ်းတီႈၶႃႈ။
၃၃ ယၢမ်းမိူဝ်ႈဢၼ်ၵူၼ်းၸဝ်ႈႁဝ်းမဵဝ်းဢိသရေႇလတင်းလၢႆတူၵ်းသုမ်းၵႃႈတီႈၽၢႆႇၼႃႈရၢၼ်ႇသူႇၵွပ်ႈပိူဝ်ႈဢၼ်ၶဝ်ၽိတ်းပိူင်ႈၸဝ်ႈႁဝ်းၼၼ်ႉလႄႈပေႃးၶဝ်ၶိုၼ်းမႃးတီႈၸဝ်ႈႁဝ်းလႄႈႁပ်ႉတုင်းဢဝ်ၼႃႇမႃႉၸိုဝ်သဵင်ၸဝ်ႈႁဝ်းယူႇ၊ႁဵတ်းသူးတွင်းပထၼႃႇလဝ်ႈ
၃၄ ယွၼ်းၵႃႈတီႈၽၢႆႇၼႃႈၸဝ်ႈႁဝ်းၵႃႈၼႂ်းႁိူၼ်းၸဝ်ႈယူႇၸိုင်ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်သေလႄႈထွမ်ႇငိၼ်းလႄႈပွႆႇၵူၼ်းၸဝ်ႈႁဝ်းၵူၼ်းမဵဝ်းဢိသရေႇလတင်းလၢႆလွတ်ႈသေၵႃႈၼႂ်းဢပျႅတ်ႈသေလႄႈသမ်ႉဢဝ်ၶဝ်ၶိုၼ်းသူင်ႇႁွတ်ႈၵႃႈၼႂ်းမိူင်းဢၼ်ၸဝ်ႈႁဝ်းဢိတ်းလူပၼ်တီႈပူႇမွၼ်ႇၶဝ်ၸိူဝ်ႉႉၼၼ်ႉသေၵမ်းတီႈၶႃႈ။
၃၅ ယၢမ်းမိူဝ်ႈဢၼ်ၽူၼ်ဢမ်ႇတူၵ်း၊ႃႉလႅင်ႉၵွပ်ႈပိူဝ်ႈဢၼ်ၶဝ်ၽိတ်းပိူင်ႈၸဝ်ႈႁဝ်းၼၼ်ႉလႄႈပေႃးၶဝ်သူးတွင်းၸူးၵႃႈတီႈထႃႇၼႃႉတီႈၼႆႉလႄႈႁပ်ႉတုင်းဢဝ်ၼႃႇမႃႉၸိုဝ်သဵင်ၸဝ်ႈႁဝ်းသင်ႇသွၼ်သုင်းမႃႉၶဝ်ၼၼ်ႉၸိုင်ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်သေလႄႈ
၃ ၆ ထွမ်ႇငိၼ်းသေယဝ်ႉပွႆႇၶႃႈၸဝ်ႈႁဝ်းၵူၼ်းၸဝ်ႈႁဝ်းၵူၼ်းမဵဝ်းဢိသရေႇလတင်းလၢႆလွတ်ႈသေၵႃႈၼႂ်းဢပျႅတ်ႈၼႂ်းမိူဝ်ႈဢၼ်ၸဝ်ႈႁဝ်းၸီႉၼႄသဵၼ်ႈတၢင်းဢၼ်လီဢၼ်ငၢမ်းဢၼ်ၶဝ်ထုၵ်ႇလီၸွမ်းၼၼ်ႉတီႈၶဝ်ၼၼ်ႉလႄႈႁႂ်ႈၽူၼ်တူၵ်းၵႃႈၼိူဝ်လိၼ်ဢၼ်ၸဝ်ႈႁဝ်းပၼ်ဢမူၺ်ႇတီႈၵူၼ်းၸဝ်ႈႁဝ်းတင်းလၢႆၼႆႉသေၵမ်းတီႈၶႃႈ။
၃ ၇ ၵႃႈၼႂ်းမိူင်းၸဝ်ႈၼႆႉပေႃးပဵၼ်တၢင်းဢၼ်ၶဝ်ႈၵႃႈမၢၵ်ႇပႅင်းပေႃးပဵၼ်ၽေးၵႃႇလႃႉႁႃႇလႅင်ႉမိူင်း၊ပေႃးပဵၼ်တၢင်းဢၼ်လူမ်းတိူဝ်ႉထုၵ်ႇသႂ်ႇလႄႈတူၼ်ႈမႆႉတၢႆတၢင်းဢၼ်ၼမ်ႉႁူဝ်ႈယွတ်ႇသႂ်ႇလႄႈတူၼ်ႈမႆႉတၢႆပေႃးပဵၼ်တၢင်းဢၼ်မႅင်းၵႅင်းဢရႃႇၽမႅင်းၵႅင်းၶႃႇသိလၶူပ်းၵိၼ်၊ပေႃးပဵၼ်တၢင်းဢၼ်ရၢၼ်ႇသူႇၶဝ်တင်းလၢႆမႃးၶမ်ယူႇၵႃႈၼႂ်းၼမ်ႉလိၼ်ဝၢၼ်ႈဝဵင်းၶဝ်၊
၃ ၈ ပေႃးပဵၼ်ၽေးဢူးပၢတ်ႈမဵဝ်းလႂ်သေဢမ်ႇဝႃႈတၢင်းၶႆႈတၢင်းပဵၼ်မဵဝ်းလႂ်သေဢမ်ႇဝႃႈပေႃးသေၵေႃႉသေၵူၼ်းဢမ်ႇၼၼ်ၵူၼ်းၸဝ်ႈႁဝ်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢၼ်ႁူႉၽေးတၢမ်ႇတုၵ်ႉၶႃႉဢၼ်လႆႈၶၢမ်ႇႁင်းၽႂ်ႁင်းမၼ်းလႄႈၵီႈၽႃႇမိုဝ်းၶဝ်ၸူးၵႃႈတီႈႁိူၼ်းၸဝ်ႈလႄႈ
၃ ၉ ဢဝ်တင်းၵႂၢမ်းပထၼႃႇတၢင်းဢၼ်သူးတွင်းလဝ်ႈယွၼ်းသေၸိူဝ်ႉသေပိူင်တီႈၸဝ်ႈႁဝ်းၸိုင်ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်သေလႄႈထွမ်ႇငိၼ်းသေယဝ်ႉ၊ပွႆႇလွတ်ႈသေလႄႈၸီႇယၢင်ႇႁဵတ်းၸွမ်းတီႈၵူၼ်းဢၼ်ၸဝ်ႈႁဝ်းႁူႉသၽေႃးႁူဝ်ၸႂ်ၶဝ်ႁင်းၽႂ်ႁင်းမၼ်းၼၼ်ႉၸွမ်းၵႃႈၼင်ႇသဵၼ်ႈတၢင်းဢၼ်ၶဝ်ၵႂႃႇမႃးၵႃႈမီးၼၼ်ႉၵွပ်ႈပိူဝ်ႈဢၼ်ၸဝ်ႈႁဝ်းၵူၺ်းႁူႉသၽေႃးႁူဝ်ၸႂ်ၵူၼ်းသတ်တဝႃႇတင်းသဵင်ႈတင်းလူင်ၼၼ်ႉလႄႈ
၄၀ ႁႂ်ႈၶဝ်ၵူဝ်ယမ်ၸဝ်ႈႁဝ်းယူႇၶိင်ႇၵႃႇလႃႉမိုဝ်ႉဝၼ်းဢၼ်ၶဝ်ဢသၢၵ်ႈလိပ်းယူႇၵႃႈၼႂ်းမိူင်းဢၼ်ၶဝ်ဢသၢၵ်ႈလိပ်းယူႇၵႃႈၼႂ်းမိူင်းဢၼ်ၸဝ်ႈႁဝ်းဢိတ်းလူပၼ်တီႈပူႇမွၼ်ႇၶႃႈၸဝ်ႈၶဝ်ၸိူဝ်းၼႆႉၼၼ်ႉသေၵမ်းတီႈၶႃႈ။
၄၁ ပေႃးၵူၼ်းတၢင်ႇၸိူဝ်ႉတၢင်ႇမဵဝ်းဢၼ်ဢမ်ႇၸႂ်ႈၵူၼ်းၸဝ်ႈႁဝ်းမဵဝ်းဢိသရေႇလၼၼ်ႉထွၵ်ႈလူၺ်ႈၼႃႇမႃႉၸိုဝ်ႈသဵင်ၸဝ်ႈႁဝ်းသေလႄႈလုၵ်ႉသေၵႃႈတီႈမိူင်းဢၼ်ၵႆမႃးၵွပ်ႈပိူဝ်ႈဢၼ်မၼ်းငိၼ်းသတၢင်းသဵင်ၶၢဝ်ႇၼႃႇမႃႉၸိုဝ်သဵင်ၸဝ်ႈႁဝ်းဢၼ်ယႂ်ႇမျၢတ်ႈၼႃႇဢိၵ်ႇတင်းသတၢင်းသဵင်ၶၢဝ်ႇမိုဝ်းၸဝ်ႈႁဝ်းဢၼ်ႁႅင်းယႂ်ႇၼႃႇတင်းၶႅၼ်ၸဝ်ႈႁဝ်းဢၼ်ယဵတ်ႇယိုၼ်းၼၼ်ႉလႄႈႁွတ်ႈမႃးသေယဝ်ႉ၊
၄၂ သူးတွင်းၸူးၵႃႈတီႈႁိူၼ်းၸဝ်ႈၼႆႉၸိုင်ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်တီႈဢၼ်ၸဝ်ႈႁဝ်းၵိင်းဝပ်ႈယူႇၼၼ်ႉသေလႄႈထွမ်ႇငိၼ်းသေယဝ်ႉႁဵတ်းၸွမ်းၵႃႈၼင်ႇဢၼ်ၵူၼ်းတၢင်ႇၸိူဝ်ႉတၢင်ႇမဵဝ်းသူးတွင်းလဝ်ႈယွၼ်းၼၼ်ႉႁႂ်ႈၵူၼ်းလိၼ်မိူင်းတင်းသဵင်ႈတင်းလူင်ႁူႉၸၵ်းၼႃႇမႃႉၸိုဝ်သဵင်ၸဝ်ႈႁဝ်းလႄႈၵူဝ်ယမ်ၸဝ်ႈႁဝ်းမိူၼ်ၸိူဝ်ႉၼင်ႇဢၼ်ၵူၼ်းၸဝ်ႈႁဝ်း၄၃ ၵူၼ်းမဵဝ်းဢိသရေႇလတင်းလၢႆၵူဝ်ယမ်ၸဝ်ႈႁဝ်းၼၼ်ႉသေၵမ်းလူၺ်ႈ။
၄၃ ႁႂ်ႈၶဝ်ႁူႉလွင်ႈဢၼ်ႁိူၼ်းၸဝ်ႈဢၼ်ၶႃႈၸဝ်ႈႁဝ်းတႄႇႁဵတ်းၼႆႉလႆႈၶၢမ်ႇတၢင်းဢၼ်ဢဝ်ၼႃႇမႃႉၸိုဝ်သဵင်ၸဝ်ႈႁဝ်းႁွင်ႉႁိၵ်ႈၼၼ်ႉသေၵမ်းတီႈၶႃႈ။
၄၄ ယၢမ်ႈမိူဝ်ႈဢၼ်ၵူၼ်းၸဝ်ႈႁဝ်းၶီႇသိုၵ်းၵႂႃႇတီႈဢၼ်ရၢၼ်ႇသူႇၶဝ်မီးၼၼ်ႉၸွမ်းၵႃႈၼင်ႇဢၼ်ၸဝ်ႈႁဝ်းပွႆႇၸႂ်ႉၼၼ်ႉလႄႈဢွၼ်ၵၼ်သူးတွင်းယွၼ်းၸူးၵႃႈတီႈဝဵင်းဢၼ်ၸဝ်ႈႁဝ်းလိူၵ်ႈၵဵပ်းဢဝ်ၼႆႉဢိၵ်ႇတင်းၸူးၵႃႈတီႈႁိူၼ်းၸဝ်ႈဢၼ်ၶႃႈၸဝ်ႈတႄႇႁဵတ်းပုၼ်ႈၼႃႇမႃႉၸိုဝ်သဵင်ၸဝ်ႈႁဝ်းၼႆႉၼၼ်ႉၸိုင်
၄၅ ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်သေလႄႈထွမ်ႇငိၼ်းဢဝ်ၵႂၢမ်းဢၼ်ၶဝ်သူးတွင်းလႄႈလဝ်ႈယွၼ်းၼၼ်ႉလႄႈပႂ်ႉဢမူႉၶဝ်သေၵမ်းတီႈၶႃႈ၊ၵွပ်ႈပိူဝ်ႈၵေႃႉဢၼ်ဢမ်ႇၸၢင်ႊၽိတ်းပိူင်ႈၼၼ်ႉဢမ်ႇမီးသေၵေႃႉသေၵူၼ်းလႄႈ
၄၆ ပေႃးၶဝ်ၽိတ်းပိူင်ႈၸဝ်ႈႁဝ်းလႄႈႁဝ်းၸႂ်မႆႈၶႆႈၸႃႉတီႈၶဝ်လႄႈၸဝ်ႈႁဝ်းဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းရၢၼ်ႇသူႇထၼ်ႈပေႃးရၢၼ်ႇသူႇၸိူဝ်းၼၼ်ႉသိမ်းဢဝ်ၶဝ်ၵႂႃႇၵႃႈတီႈမိူင်းရၢၼ်ႇသူႇ၊
၄၇ မိူင်းဢၼ်ၵႆဢမ်ႇၼၼ်မိူင်းဢၼ်ၸမ်သေယဝ်ႉပေႃးၶဝ်ၶိုၼ်းလႆႈသတိၼႂ်းမိူင်းတီႈဢၼ်ၶဝ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉလႄႈၸႂ်ၶဝ်ၶၢႆႉပုတ်ႈယူႇၵႃႈၼႂ်းမိူင်းပိူၼ်ႈဢၼ်သိမ်းဢဝ်ၶဝ်ၵႂႃႇၼၼ်ႉလႄႈတွင်းပၢၼ်ႇဝႃႈ၊-ၶႃႈၸဝ်ႈႁဝ်းၸိူဝ်းၼႆႉၽိတ်းပိူင်ႈတီႈၶႃႈယဝ်ႉ။
၄၈ ႁဵတ်းဢမူႉဢၼ်ဢမ်ႇသိုဝ်ႈဢမ်ႇတေႃႇတီႈၶႃႈယဝ်ႉ။ၵမ်ၵျၢင်ႉဢၼ်ႁၢႆႉဢၼ်ယုတ်ႈတီႈၶႃႈယဝ်ႉ၊ဝႃႈၼင်ႇၼႆၼၼ်ႉ၊ပေႃးၶဝ်ပႃးတင်းႁူဝ်ၸႂ်သဵင်ႈသဵင်ႈၶိုၼ်းမႃးတီႈၸဝ်ႈႁဝ်းၼႂ်းမိူဝ်ႈဢၼ်ၶဝ်ယင်းတိုၵ်ႉယူႇၵႃႈၼႂ်းမိူင်းရၢၼ်ႇသူႇၶဝ်ဢၼ်သိမ်းဢဝ်ၶဝ်ၵႂႃႇၼၼ်ႉသေလႄႈသူးတွင်းလဝ်ႈလၢတ်ႈယွၼ်းၸူးၵႃႈတီႈမိူင်းဢၼ်ၸဝ်ႈႁဝ်းပၼ်တီႈပူႇမွၼ်ႇၶဝ်ဝဵင်းဢၼ်ၸဝ်ႈႁဝ်း
၄၉ လိူၵ်ႈၵဵပ်းဢဝ်ႁိူၼ်းၸဝ်ႈဢၼ်ၶႃႈၸဝ်ႈတႄႇႁဵတ်းပုၼ်ႈၼႃႇမႃႉၸိုဝ်သဵင်ၸဝ်ႈႁဝ်းၼႆႉၸိုင်ၶႅၼ်းတေႃႈယူႇၵႃႈၼိူဝ်ၽုင်ႇၵၢင်ႁၢဝ်တီႈဢၼ်ႈၸဝ်ႈႁဝ်းၵိင်းဝပ်ႈယူႇၼၼ်ႉသေလႄႈထွမ်ႇငိၼ်းၵႂၢမ်းဢၼ်ၶဝ်သူးတွင်းလဝ်ႈယွၼ်းၼၼ်ႉလႄႈ
၅၀ ပႂ်ႉဢမူႉၶဝ်သေၵမ်းတီႈၶႃႈ။ၶႅၼ်းတေႃႈၵႄႈလိတ်ႈၵူၼ်းၸဝ်ႈႁဝ်းဢၼ်ၽိတ်းပိူင်ႈၸဝ်ႈႁဝ်းၸိူဝ်းၼၼ်ႉလွတ်ႈလႄႈပွႆႇလွင်ႈတၢင်းဢၼ်ၶဝ်ၽိတ်းပိူင်ႈပူၼ်ႉလိူဝ်ၵႃႈဢၼ်ၶဝ်ၽိတ်းပိူင်ႈပူၼ်ႉလိူဝ်ၸဝ်ႈႁဝ်းၼၼ်ႉပႅတ်ႈမူတ်းမူတ်းသေၵမ်းတီႈၶႃႈ။ၶႅၼ်းတေႃႈႁဵတ်းႁႂ်ႈၶဝ်ၸိူဝ်းဢၼ်သိမ်းဢဝ်ၶဝ်ၵႂႃႇၼၼ်ႉမီးၵရူႉၼႃႇၼိူဝ်ႈၶဝ်ၸိူဝ်းဢၼ်သိမ်းဢဝ်ၵႂႃႇၼၼ်ႉသေၵမ်းတီႈၶႃႈ။
၅၁ လွင်ႈမၼ်းၸမ်းၶဝ်ပဵၼ်ၵူၼ်းၸဝ်ႈႁဝ်းမဵဝ်းဢၼ်ၸဝ်ႈႁဝ်းလႆႈၶၢမ်ႇဢမူၺ်ႇဢၼ်ၸဝ်ႈႁဝ်းၼုၵ်ႈဢဝ်ဢွၵ်ႇသေၵႃႈၼႂ်းမိူင်းဢေႇၵႅပ်ႉတုၵႃႈၼႂ်းၵၢင်မုၵ်ႉၽႆးလဵၵ်းၼၼ်ႉမႃးတီႈၶႃႈဢေႃႈ။
၅၂ ၶႅၼ်းတေႃႈၽုၺ်ႇတႃမိုၼ်းတႃၸဝ်ႈႁဝ်းၸူးတၢင်းဢၼ်ၶႃႈၸဝ်ႈႁဝ်းသူးတွင်းလဝ်ႈယွၼ်းဢိၵ်ႇတင်းတၢင်းဢၼ်ၵူၼ်းၸဝ်ႈႁဝ်းၵူၼ်းမဵဝ်းဢိသရေႇလသူးတွင်းလဝ်ႈယွၼ်းၼၼ်ႉလႄႈထွမ်ႇဢဝ်ၵႂၢမ်းၶဝ်မိူဝ်ဢၼ်ၶဝ်ႁွင်ႉသႅၼ်ႇတီႈၸဝ်ႈႁဝ်းၼၼ်ႉသေၵမ်းတီႈၶႃႈ။
၅၃ လွင်ႈမၼ်းၸမ်းၸဝ်ႈႁဝ်းၽႄဢဝ်ၶဝ်ဢွၵ်ႇသေၵႃႈၼႂ်းၵူၼ်းလိၼ်မိူင်းၵူႈၸိူဝ်ႉၵူႈၶိူဝ်းဝႆႉႁႂ်ႈၶဝ်ပဵၼ်တီႈဢၼ်ၸဝ်ႈႁဝ်းၶၢမ်ႇဢမူၺ်ႇၸွမ်းၵႃႈၼင်ႇဢၼ်ၸဝ်ႈႁဝ်းဢဝ်ၶႃႈၸဝ်ႈႁဝ်းမုဝ်းသေႇမီးဢမိင်ႉဝႆႉၼႂ်းမိူဝ်ႈဢၼ်ၸဝ်ႈႁဝ်းၼုၵ်ႈဢဝ်ပူႇမွၼ်ႇၶႃႈၸဝ်ႈႁဝ်းတင်းလၢႆၸိူဝ်းၼၼ်ႉဢွၵ်ႇသေၵႃႈၼႂ်းမိူင်းဢေႇၵႅပ်ႉတုမႃးၼၼ်ႉတီႈၶႃႈယဝ်ႉ၊ၸဝ်ႈထႃႇဝရႃႉၽြႃးတီႈၶႃႈ၊ဝႃႈၼင်ႇၼႆဢေႃႈ။
၅၄ မိူဝ်ႈဢၼ်သေႃးလမုၼ်ႇႁဵတ်းသူးတွင်းပထၼႃႇတင်းသဵင်ႈတင်းလူင်ၸိူဝ်ႉၼင်ႇၼၼ်ၵႃႈတီႈၽၢႆႇၼႃႈထႃႇဝရႃႉၽြႃးယဝ်ႉတူဝ်ႈယဝ်ႉၼၼ်ႉၸိုင်မၼ်းလုၵ်ႉသေၵႃႈတီႈၽၢႆႇၼႃႈယိတ်ႉပလၢင်ႇထႃႇဝရႃႉၽြႃး
၅၅ တီႈဢၼ်မၼ်းဢဝ်ႁူဝ်ၶဝ်ႇမၼ်းတဝ်ႉလႄႈၵီႈၽႃႇမိုဝ်းမၼ်းတေႃႇၵၢင်ႁၢဝ်ယူႇၼၼ်ႉလႄႈၸုၵ်းယူႇသေလႄႈႁဵတ်းတင်းသဵင်ဢၼ်ႁႅင်းယႂ်ႇၼႃႇလႄႈပၼ်တၢင်းလီတီႈပရိၵ်ႈသၢတ်ႈမဵဝ်းဢိသရေႇလတင်းလၢႆလႄႈဝႃႈၸမ်း၊-
၅၆ ႁႂ်ႈထႃႇဝရႃႉၽြႃးဢၼ်ၸီႇယၢင်ႇႁႂ်ႈၵူၼ်းမၼ်းၸဝ်ႈမဵဝ်းဢိသရေႇလလႆႈယူႇၼိမ်ၼိမ်လီလီၸွမ်းၵႃႈၼင်ႇဢၼ်မၼ်းၸဝ်ႈမီးၵတိၸဝ်ႈဝႆႉၼၼ်ႉမီးမၢင်ႇၵလႃႇသေၵမ်းလူၺ်ႈ။ၵႂၢမ်းၵတိလီဢၼ်မၼ်းၸဝ်ႈဢဝ်ၶႃႈမၼ်းၸဝ်ႈမုဝ်းသေႇဝႆႉၵတိၼၼ်ႉဢမ်ႇလူႉသေၶေႃႈသေၵမ်း။
၅၇ ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈမီးယူႇလူၺ်ႈၵၼ်တင်းႁဝ်းမိူၼ်ၸိူဝ်ႉၼင်ႇဢၼ်မၼ်းၸဝ်ႈမီးယူႇလူၺ်ႈၵၼ်တင်းပူႇမွၼ်ႇႁဝ်းၸိူဝ်းၼၼ်ႉသေၵမ်းလူၺ်ႈ။ယႃႇပေႁႂ်ႈမၼ်းၸဝ်ႈၸုၼ်ႉပႅတ်ႈႁဝ်းလႄႈပႄႇပႅတ်ႈႁဝ်းလႃးလႃး။ႁႂ်ႈ
၅၈ မၼ်းၸဝ်ႈႁႂ်ႈႁူဝ်ၸႂ်ႁဝ်းဢူၼ်ႈၼူပ်ႈၵွမ်းၸူးတီႈမၼ်းၸဝ်ႈႁႂ်ႈၸွမ်းသဵၼ်ႈတၢင်းမၼ်းၸဝ်ႈၵႃႈမီးၼၼ်ႉလႄႈပႂ်ႉၵမ်ပႂ်ႉၵျၢင်ႉပိင်းၺၢပ်ႈတြႃးမၼ်းၸဝ်ႈထုင်းၽိင်ႈတြႃးမၼ်းၸဝ်ႈ၊လွင်ႈတၢင်းဢၼ်မၼ်းၸဝ်ႈၸီႇယၢင်ႇဝႆႉဢၼ်မၼ်းၸဝ်ႈသင်ႇလၢတ်ႈဝႆႉတီႈပူႇႁဝ်းမွၼ်ႇႁဝ်းတင်းလၢႆၸိူဝ်းၼၼ်ႉသေၵမ်းလူၺ်ႈ။
၅၉ ႁႂ်ႈၵႂၢမ်းပထၼႃႇဢၼ်ၵဝ်သူးတွင်းလဝ်ႈယွၼ်းၵႃႈတီႈၽၢႆႇၼႃႈထႃႇဝရႃႉၽြႃးၼႆႉမီးယူႇၵႃႈတီႈႁိမ်းထႃႇဝရႃႉၽြႃးၽြႃးပဵၼ်ၸဝ်ႈႁဝ်းၵူႈဝၼ်းၵူႈၶိုၼ်းဢမ်ႇထၢတ်ႇႁႂ်ႈမၼ်းၸဝ်ႈပႂ်ႉဢမူႉၶႃႈမၼ်းၸဝ်ႈဢိၵ်ႇတင်းဢမူႉၵူၼ်းမၼ်းၸဝ်ႈမဵဝ်းဢိသရေႇလယူႇ
၆၀ ၵႃႈၼင်ႇဢၼ်မီးလွင်ႈမၼ်းယူႇၵူႈဝၼ်းၼၼ်ႉလႄႈႁႂ်ႈၵူၼ်းလိၼ်မိူင်းၵႃႈမီးလႆႈႁူႉလွင်ႈဢၼ်ထႃႇဝရႃႉၽြႃးပဵၼ်ၽြႃးပဵၼ်ၸဝ်ႈဢိၵ်ႇတင်းလွင်ႈဢၼ်ဢမ်ႇမီးၽြႃးတၢင်ႇသူႇတၢင်ႇပႃးလႃးလႃးၼၼ်ႉသေၵမ်းလူၺ်ႈ။
၆၁ ႁႂ်ႈႁူဝ်ၸႂ်သူမီးတၢင်းဢၼ်ၸေးၸုမ်ႇၵႃႈတီႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းႁႂ်ႈသူလႆႈၸွမ်းသဵၼ်ႈတၢင်းထုင်းၽိင်ႈတြႃးမၼ်းၸဝ်ႈလႄႈပႂ်ႉၵမ်ပႂ်ႉၵျၢင်ႉပိင်းၺၢပ်ႈတြႃးမၼ်းၸဝ်ႈယူႇမိူၼ်ၸိူဝ်ႉၼင်ႇဝၼ်းမိူဝ်ႈၼႆႉၼၼ်ႉသေၵမ်းလူၺ်ႈ၊ဝႃႈၼင်ႇၼႆဢေႃႈ။
သၢၵ်ႈၵၢပ်ႈပိၵ်ႉမၢၼ်ႇၽြႃး
၆၂ မိူဝ်ႈၼၼ်ႉၶုၼ်ႁေႃၶမ်းဢိၵ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢွၼ်ၵၼ်ႁဵတ်းတၢင်းဢၼ်ပုၵ်ႉၸေႃႇၵႃႈတီႈၽၢႆႇၼႃႈထႃႇဝရႃႉၽြႃးဢေႃႈ။
၆၃ သေႃးလမုၼ်ႇဢဝ်ဝူဝ်းသွင်မိုၼ်ႇပၢႆသွင်ႁဵင်သူဝ်းသႅၼ်ပၢႆသွင်မိုၼ်ႇပုၵ်ႉၸေႃႇပုၼ်ႈယိတ်ႉမိၵ်ႈသႁႃႇယႃႉဢၼ်မၼ်းပုၵ်ႉၸေႃႇတီႈထႃႇဝရႃႉၽြႃးၼၼ်ႉဢေႃႈ။ၼင်ႇၼၼ်လႄႈၶုၼ်ႁေႃၶမ်းဢိၵ်ႇတင်းၵူၼ်းမဵဝ်းဢိသရေႇ
လတင်းသဵင်ႈတင်းလူင်ဢွၼ်ၵၼ်ႁဵတ်းဢၼူႉမေႃးတၼႃႇႁိူၼ်းထႃႇဝရႃႉၽြႃးဢေႃႈ။
၆၄ ၼႂ်းဝၼ်းၼၼ်ႉၵမ်းလဵဝ်ၶုၼ်ႁေႃၶမ်းႁႂ်ႈထႃႇၼႃႉတီႈတၢင်းၼႂ်းတမ်ႇတိူင်းဢၼ်မီးၵႃႈတီႈၽၢႆႇၼႃႈႁိူၼ်းထႃႇဝရႃႉၽြႃးၼၼ်ႉမူတ်းၸၢင်ႇလႄႈဢဝ်ယိၸ်ႉဢၼ်တုတ်ႇၽႆးၶိူင်ႈပုၵ်ႉၸေႃႇၽေႃးၸဵၼ်ႇၵွၼ်ႈၶႆၵွၼ်ႈမၼ်းတူဝ်ယိတ်ႉမိၵ်ႈသႁႃႇယႃႉတင်းလၢႆပုၵ်ႉၸေႃႇဢေႃႈ။လွင်ႈမၼ်းၸမ်းယိတ်ႉပလၢင်ႇတွင်းလိူင်ဢၼ်မီးၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉပဵၼ်ဢၼ်လဵၵ်ႉလႄႈဢမ်ႇပေႃးဢမ်ႇၶၢမ်ႇယိၸ်ႉဢၼ်တုတ်ႇၽႆးလႂ်ၶိူင်ႈပုၵ်ႉၸေႃႇၽေႃးၸဵၼ်ႇတင်းၵွၼ်ႈၶႆၵွၼ်ႈမၼ်းတူဝ်ယိၸ်ႉမိၵ်ႈသႁႃႇယႃႉလႂ်ၸိူဝ်းၼၼ်ႉ။
၆၅ ၼင်ႇၼၼ်လႄႈမိူဝ်ႈၼၼ်ႉသေႃးလမုၼ်ႇတင်းၵူၼ်းမဵဝ်းဢိသရေႇလတင်းသဵင်ႈတင်းလူင်ဢၼ်ဝႃႈပရိၵ်ႈသၢတ်ႈဢၼ်ယႂ်ႇၼႃႇၼမ်ၼႃႇလူင်လၢင်ဢၼ်လုၵ်ႉသေၵႃႈတီႈၸႃႉၸဵမ်ဝဵင်းႁႃႇမတ်ႉတေႃႇထိုင်ႁွတ်ႈၼမ်ႉႁွင်ႊဢေႇၵႅပ်ႉတုၸိူဝ်းၼၼ်ႉဢွၼ်ၵၼ်မႃးၶၢမ်ႇပွႆးၵႃႈတီႈၽၢႆႇၼႃႈထႃႇဝရႃႉၽြႃးၽြႃးပဵၼ်ၸဝ်ႈႁဝ်းၸဵတ်းဝၼ်း
၆၆ သမ်ႉထႅင်ႈၸဵတ်းဝၼ်းတင်းသဵင်ႈသိပ်းသီႇဝၼ်းတဵမ်တဵမ်ဢေႃႈ။ဝၢႆးသေၼၼ်ႉယဝ်ႉမၼ်းပွႆႇၵူၼ်းတင်းလၢႆၶိုၼ်းမိူဝ်းဢေႃႈ။ၵူၼ်းတင်းလၢႆၵေႃႈဢွၼ်ၵၼ်ပၼ်တၢင်းလီတီႈၶုၼ်ႁေႃၶမ်းလႄႈၸူမ်းသိူဝ်းသႂၢင်ႇၸႂ်ႈၵွပ်ႈပိူဝ်ႈၵျေးၸူးၵႃႈဢၼ်ထႃႇဝရႃႉၽြႃးႁဵတ်းတီႈၶႃႈမၼ်းၸဝ်ႈတႃႇဝိတ်ႉဢိၵ်ႇတင်းၵူၼ်းမၼ်းၸဝ်ႈၵူၼ်းမဵဝ်းဢိသရေႇလတင်းလၢႆၼၼ်ႉယူႇသေလႄႈၶိုၼ်းမိူဝ်းၵႂႃႇၸူးၵႃႈတီႈသုမ်ႉထဵင်မူဝ်းၵႃႇတီႈဢၼ်ၶဝ်ယူႇၼၼ်ႉသေဢေႃႈ။