၈
ဢိသရေလ လႆႈၶၢမ်ႇလူမ်းၽိဝ်ႁူင်
၁ ဢဝ်ၼႄးၶရႃႇဢုမ်ႇသႂ်ႇဝႆႉၵႃႈၼႂ်းသူပ်းမႂ်းတႃႉ။ပိူၼ်ႈတၵ်းၶီႇမႃးၸူးတီႈႁိူၼ်းထႃႇဝရႃႉၽြႃး မိူၼ်ၸိူဝ်ႉၼင်ႇ ႁူင်ႉၶမ်းၼၼ်ႉဢေႃႈ။
၂ လွင်ႈမၼ်းၸမ်းၶဝ်ယႃႉပတိၺိၼ်ႇၵဝ်ပႅတ်ႈလႄႈပူၼ်ႉလိူဝ်တြႃးၵဝ်ယဝ်ႉ။ၵူၺ်းၵႃႈၶဝ်တၵ်းႁွင်ႉသႅၼ်ႇႁႃၵဝ်လႄႈဝႃႈ ၽြႃးပဵၼ်ၸဝ်ႈႁဝ်းတီႈၶႃႈ။ၶႃႈၸဝ်ႈႁဝ်းၶဝ်ပဵၼ်မဵဝ်း ဢိသရေႇလ လႄႈႁူႉၸၵ်း ၸဝ်ႈႁဝ်းယူႇတီႈၶႃႈဢေႃႈ၊ဝႃႈၼင်ႇၼႆလူင်ပေႇ။
၃ ၵွပ်ႈပိူဝ်ႈဢၼ်မဵဝ်း ဢိသရေႇလ ၸုၼ်ႉပႅတ်ႈလွင်ႈတၢင်းဢၼ်လီဢၼ်ငၢမ်းၼၼ်ႉလႄႈ ရၢၼ်ႇသူႇတၵ်းလႆႈ လိုပ်ႉၸွမ်းလမ်းၸွမ်းမၼ်းဢေႃႈ။
၄ ၶဝ်ၼၼ်ႉယင်းဢမ်ႇၶၢမ်ႇဢဝ်ဢၶႂၢင်ႉၵဝ်လႄႈ ဢွၼ်ၵၼ်ယုၵ်ႉယွင်ႈၶုၼ်ႁေႃၶမ်းတင်းလၢႆယဝ်ႉ။ၵဝ်ယင်းဢမ်ႇႁူႉလႄႈၶဝ်ၶၢၼ်းၶုၼ်တင်းလၢႆဝႆႉယဝ်ႉ။ၶဝ်ဢဝ်ငိုၼ်းၶဝ်ၶမ်းၶဝ်ႁဵတ်းရုၵ်ႉထူႉတင်းလၢႆဝႆႉပုၼ်ႈၶဝ် ႁႂ်ႈၶဝ်လႆႈၶၢမ်ႇတၢင်းဢၼ်ပႄႇၽဵဝ်ႈပႅတ်ႈယဝ်ႉ။
၅ သမႃႇရိဢိူၺ်း။ဝူဝ်းဢွၼ်ႇမႂ်းၸုၼ်ႉပႅတ်ႈမႂ်းယဝ်ႉ။ၵဝ်ၸႂ်မႆႈၶႆႈၸႃႉၵႃႈတီႈၶဝ်ၸိူဝ်းဢၼ်ၵူဝ်းၵႂၢႆႇၼၼ်ႉဢေႃႈ။ၶဝ်ၼၼ်ႉ ယင်းဢမ်ႇၶိုတ်းထိုင်တြႃးတၢင်းဢၼ်မူတ်း သႂ်လႆႈလႄႈတၵ်းလႆႈယူႇၶိင်ႇၵႃႇလႃႉႁိုင်ၵႃႈႁိုဝ်။
၆ ဝူဝ်းဢွၼ်ႇၼၼ်ႉမဵဝ်း ဢိသရေႇလၵျၢမ်ႇပွင်လႄႈပဵၼ်ဢေႃႈ။ၵွပ်ႈပိူဝ်ႈဢၼ်သြႃႇသမႃးႁဵတ်းဢဝ်လႄႈဢမ်ႇၸႂ်ႈၽြႃး။ဝူဝ်းဢွၼ်ႇသမႃႇရိၼၼ်ႉတၵ်းလႆႈၶၢမ်ႇတၢင်းဢၼ်ႁၵ်းပဵၼ်ပွတ်းပဵၼ်တွၼ်ႈပႅတ်ႈဢေႃႈ။
၇ ၶဝ်ဝၢၼ်ႇပိုၼ်ၸိူဝ်ႉၽၼ်းလူမ်းလႄႈ တၵ်းလႆႈပၢတ်ႇဢဝ်ၶဝ်ႈပိူၵ်ႇလူမ်းၽိဝ်ႁုင်ဢေႃႈ။ဢမ်ႇလႆႈပဵၼ်တူၼ်ႈပဵၼ်တေႃ။ၽွင်ၶဝ်မုၼ်းဢမ်ႇလႆႈဢွၵ်ႇမႃးၵႃႈၼႂ်းႁူင်းမၼ်း။ပိၵ်ႉသမ်ႉဢွၵ်ႇမႃးသေၵေႃႈၵူၼ်းတၢင်ႇၸိူဝ်ႉတၢင်ႇ မိူင်းတၵ်းဢွၼ်ၵၼ်ၵိၼ်ဢေႃႈ။
၈ မဵဝ်းဢိသရေႇလၼၼ်ႉလႆႈႁၢႆလၢႆၵႂႃႇယဝ်ႉ။ တေႃႈလဵဝ်ၼႆႉၶဝ်တၵ်းလႆႈပဵၼ်ၸိူဝ်ႉၼင်ႇၶိူင်ႈပိူင် ဢၼ်ၽူႈ လႂ်ဢမ်ႇထုၵ်ႇၸႂ်ၵျိူၵ်ႈၸႂ်ၼၼ်ႉၵႃႈၼႂ်း ၵူၼ်းတၢင်ႇၸိူဝ်ႉတၢင်ႇၶိူဝ်း တင်းလၢႆ ဢေႃႈ။
၉ ၶဝ်ဢွၼ်ၵၼ်ၶိုၼ်ႈၸူးၵႃႈတီႈမိူင်းဢႃႇသုရိၼၼ်ႉမိူၼ်ၸိူဝ်ႉၼင်ႇ မႃႉလီႈရိူင်း ဢၼ်ယူႇတူဝ်လဵဝ်ၵူၺ်းမၼ်းၼၼ်ႉလူင်ပေႇ။ဢေႇၽရိမ်ႇၼၼ်ႉပၼ်သူး ပၼ်လၢပ်ႈတီႈၸူႉမၼ်းတင်းလၢႆယဝ်ႉ။
၁၀ ပိၵ်ႉသမ်ႉၶဝ်ပၼ်သူးပၼ်လၢပ်ႈ တီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆသေၵေႃႈ ၵဝ်တၵ်းႁႂ်ႈၶဝ်ၼၼ်ႉ ၸူႉၵၼ်တုမ်ၵၼ်ၵမ်းလဵဝ်ဢေႃႈ။ ဢမ်ႇႁိုင်ဢမ်ႇၼၢၼ်းၶဝ်တၵ်းလႆႈႁၢပ်ႇၶူဝ်းႁၢပ်ႇ ဢၼ်ၶုၼ်ႁေႃၶမ်းၼိူဝ်ၶုၼ်တင်းလၢႆဢဝ်တၢင်ႇပၼ်ၼၼ်ႉသေလႄႈ ယၢပ်ႇၸႂ်ၶၢၼ်ၸႂ်ၼႃႇလူင် လၢင်ဢေႃႈ။
၁၁ ၵွပ်ႈပိူဝ်ႈဢၼ်ဢေႇၽရိမ်ႇႁဵတ်းယိတ်ႉပလၢင်ႇၼမ်ၼႃႇလူင်လၢင် ပုၼ်ႈဢၼ်တၵ်းႁဵတ်းဢပျႅတ်ႈၼၼ်ႉလႄႈယိၸ်ႉပလၢင်ႇၸိူဝ်းၼၼ်ႉ တၵ်းလႆႈ ပဵၼ်ပုၼ်ႈဢပျႅတ်ႈတီႈမၼ်းဢေႃႈ။
၁၂ ၵဝ်တႅမ်ႈပိင်းၺၢပ်ႈတြႃးၵဝ်ဝႆႉတီႈမၼ်းၼမ်ၼႃႇလူင်လၢင်ယဝ်ႉ။ၵူၺ်းၵႃႈမၼ်းမၢတ်ႈၸိူဝ်းၼၼ်ႉပဵၼ်ၸိူဝ်ႉၼင်ႇလွင်ႈတၢင်း ဢၼ်မိူၵ်ႈဢၼ်ရိူင်းၼၼ်ႉယဝ်ႉလူင်ပေႇ။
၁၃ ၶဝ်ၸိူဝ်းဢၼ်ပုၵ်ႉၸေႃႇၶိူင်ႈပုၵ်ႉၸေႃႇ ဢၼ်ၸၢပ်ႈသႅင်ႇၵၼ်တင်းၵဝ်ၸိူဝ်းၼၼ်ႉဢဝ်ၼိူဝ်ႉပုၵ်ႉၸေႃႇသေလႄႈ ၵိၼ်ဢေႃႈ။ထႃႇဝရႃႉၽြႃးဢမ်ႇႁပ်ႉတူင်းဢဝ်ၶဝ်။မၼ်းၸဝ်ႈတၵ်းၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈၶဝ်တင်းလၢႆလႄႈ ပၼ်တၢမ်ႇတီႈၶဝ်သေယဝ်ႉ ၶဝ်တၼ်ႉတၵ်းလႆႈၶိုၼ်းမိူဝ်းၵႂႃႇ ၸူးၵႃႈတီႈမိူင်းဢေႇၵႅပ်ႉတုဢေႃႈ။
၁၄ ဢိသရေႇလၼၼ်ႉၸၢင်ႊလူင်လိုမ်း ၸဝ်ႈဢၼ်ၽၢၼ်ႇသၢင်းႁဵတ်းပဵၼ်မၼ်းၼၼ်ႉသေလႄႈ ႁဵတ်းၽုင်ႇပိၵ်ႉမၢၼ်ႇတင်းလၢႆဢေႃႈ။ ယုတၵေႃႈၸၢင်ႁႂ်ႈဝဵင်းဢၼ်မၼ်ႈၶိူင်ႇၼမ်ၵိုၼ်းၼႃႇဢေႃႈ။ၵူၺ်းၵႃႈၵဝ်တၵ်းဢဝ်ၽႆးတုတ်ႇဝဵင်းမၼ်းၸိူဝ်းၼၼ်ႉပႅတ်ႈလႄႈ မႆႈၽုင်ႇပိၵ်ႉမၢၼ်ႇမၼ်းၸိူဝ်းၼၼ်ႉသုတ်းပႅတ်ႈဢေႃႈ။