၁၁
တၢင်းႁၵ်ႉမႅတ်းတႃႇၽြုးပဵၼ်ၸဝ်ႈၼိူဝ်ဢိသရေလ
၁ မိူဝ်ႈဢၼ်ဢိသရေႇလ ဢသၢၵ်ႈယင်းလဵၵ်ႉယင်းၼုမ်ႇၼၼ်ႉၸိုင်ၵဝ်ႁၵ်ႉပႅင်းလႄႈ ႁွင်ႉဢဝ်လုၵ်ႈၸၢႆးၵဝ်ဢွၵ်ႇ သေၵႃႈၼႂ်းမိူင်းဢေႇၵႅပ်ႉတုမႃးယဝ်ႉ။
၂ ၸွမ်းၵႃႈၼင်ႇဢၼ်ၵဝ်ႁွင်ႉဢဝ်ၶဝ်ၼၼ်ႉသေလႄႈၶဝ်ၼၼ်ႉယိင်ႈၶႅၼ်းဢွၼ်ၵၼ်ဢွၵ်ႇပၢႆႈသေၵႃႈတီႈၵဝ်ဢေႃႈ။ ၶဝ်ဢွၼ်ၵၼ်ပုၵ်ႉၸေႃႇယိၸ်ႉတီႈၽြႃးပႃႇလ တင်းလၢႆလႄႈ ဢဝ်ၼၢမ်ႇသႃႇတုတ်ႇတီႈရုၵ်ႉထူႉသၢင်းထူႉတင်း လၢႆဢေႃႈ။
၃ ၵဝ်သွၼ်ဢေႇၽရိမ်ႇၽိုၵ်းတွမ်ႉၽိုၵ်းပႆဢေႃႈ။ၵဝ်ဢုမ်ႈႁွပ်ႇဢဝ်ၶဝ်လူၺ်ႈၶႅၼ်မိုဝ်းၵဝ်ဢေႃႈ။ၵူၺ်းၵႃႈ ၶဝ်ယင်းဢမ်ႇႁူႉၵျေးၸူးတၢင်းဢၼ်ၵဝ်ပၼ်ၵတ်းယဵၼ်ၶျၢမ်းသႃႇတီႈၶဝ်ၼၼ်ႉလႄႈယူႇဢေႃႈ။
၄ ၵဝ်ဢဝ်တၢင်း ၸိူၵ်ႈဢၼ်ၸၢင်ႊတိုတ်ႉၸၢင်ႊၸၼ်ၵူၼ်းဢၼ်ဝႃႈ ၸိူၵ်ႈမႅတ်ႉတႃႇၸိူဝ်းၼၼ်ႉတိုတ်ႉၸၼ်ဢဝ်ၶဝ်ဢေႃႈ။ၵဝ်ပဵၼ်ၸိူဝ်ႉၼင်ႇၶဝ်ၸိူဝ်းဢၼ်ပုတ်ႈဢဝ်ၶၢႆႉဢဝ်ၵၢၼ်းသေ ၵႃႈတီႈၶေႃးမၼ်းၼၼ်ႉတီႈၶဝ်လႄႈ ဢဝ်တၢင်းၵိၼ်တၢင်းၶူပ်းလဵင်ႉပၼ်တမ်းပၼ် တီႈၶဝ်ဢေႃႈ။
၅ ၵွပ်ႈပိူဝ်ႈဢၼ်ၶဝ်ထဵင်ပႅတ်ႈလူၺ်ႈလွင်ႈဢၼ်ၶဝ်တၵ်းၶိုၼ်းမႃးၸူး တီႈမၼ်းၸဝ်ႈၼၼ်ႉလႄႈမၼ်းတၵ်းဢမ်ႇလႆႈၶိုၼ်းမိူဝ်းၵႂႃႇ ၵႃႈတီႈမိူင်းဢေႇၵႅပ်ႉတု။ၶုၼ်ႁေႃၶမ်းဢႃႇသုရိၼၼ်ႉတၵ်းလႆႈဢုပ်ႉပိူင်ႇမၼ်း ဢေႃႈ။
၆ ၽေးလၢပ်ႇၽေးလႅဝ်းတၵ်းလႆႈႁွတ်ႈထိုင်ၵႃႈၼိူဝ်ဝဵင်းတီႈယူႇမၼ်းၸိူဝ်းၼၼ်ႉလႄႈ ယႃႉတီႈႁႄႉတီႈၵင်ႈမၼ်းၸိူဝ်းၼၼ်ႉပႅတ်ႈလႄႈ ပႄႇၽဵဝ်ႈပႅတ်ႈၵွပ်ႈ ပိူဝ်ႈတၢင်းဢၼ်ၶဝ်ၵျၢမ်ႇပွင်ၸိူဝ်းၼၼ်ႉဢေႃႈ။
၇ ၵူၼ်းတင်းသဵင်ႈတင်းလူင် ဢွၼ်ၵၼ်မီးသၽေႃးဢၼ်ဝႄႈပိူင်ႈသေၵႃႈတီႈၵဝ်ၵႂႃႇဢေႃႈ။ပိၵ်ႉသမ်ႉႁွင်ႉဢဝ်ၶဝ်မႃးတီႈၽြႃးဢၼ်သုင်ၼႃႇသေပိူၼ်ႈၼၼ်ႉသေၵေႃႈ ၽူႈ လႂ်ဢမ်ႇမီးဢလူဝ်ႇၶႂ်ႈယုၵ်ႉယွင်ႈမၼ်းၸဝ်ႈ။
၈ ဢေႇၽရိမ်ႇဢိူၺ်း။ ၵဝ်တၵ်းၸုၼ်ႉပႅတ်ႈမႂ်းလႆႈၸိူဝ်ႉၼင်ႇႁိုဝ်။ဢိသရေႇလဢိူၺ်း။ၵဝ်တၵ်းဢဝ်မႂ်းဢၢပ်ႈပၼ်လႆႈၸိူဝ်ႉၼင်ႇႁိုဝ်။ ၵဝ်တၵ်းႁႂ်ႈမႂ်းပဵၼ်ၸိူဝ်ႉၼင်ႇဝဵင်းဢႃႇတမႃႇၼၼ်ႉလႆႈၸိူဝ်ႉၼင်ႇႁိုဝ်။ၵဝ်တၵ်းၶၢၼ်းမႂ်းဝႆႉႁႂ်ႈမႂ်းပဵၼ်ၸိူဝ်ႉၼင်ႇဝဵင်းၸေႇၽူဝ်ႇဢိမ်ႇ ၼၼ်ႉလႆႈၸိူဝ်ႉၼင်ႇႁိုဝ်။ႁူဝ်ၸႂ်ၵဝ်ၶၢႆႉပုတ်ႈမႃးယူႇၵႃႈၼႂ်းၵဝ်လႄႈၸႂ်ဢၼ်ဢိတ်းလူမီးၵရူႉၼႃႇၵဝ်ၼႆႉ မႆႈႁွၼ်ႉႁိပ်ႈၼႅတ်ႈ ဢွၵ်ႇယူႇဢေႃႈ။
၉ ၵဝ်ဢမ်ႇမီးဢလူဝ်ႇၶႂ်ႈႁဵတ်းၸွမ်းၵႃႈၼင်ႇဢၼ်တၢင်းၸႂ်မႆႈၶႆႈၸႃႉၵဝ် ဢွၵ်ႇႁႅင်းယႂ်ႇၼႃႇၼၼ်ႉ။ၵဝ်ဢမ်ႇမီးဢလူဝ်ႇၶၢႆႉၶိုၼ်းလႄႈယႃႉ ဢေႇၽရိမ်ႇပႅတ်ႈ။ ၵဝ်ဢမ်ႇပဵၼ်ၵူၼ်း။ ပဵၼ်ၽြႃးပဵၼ်ၸဝ်ႈဢေႃႈ။ၵဝ်ပဵၼ်ၽြႃးဢၼ်မူတ်းၸၢင်ႇၵႃႈၼႂ်းၵၢင်မႂ်းဢေႃႈ။ၵဝ်တၵ်းဢမ်ႇပႃးဢဝ်တၢင်းၸႂ်မႆႈၶႆႈၸႃႉသေ လႄႈမႃး။
၁၀ ၶဝ်ၼၼ်ႉတၵ်းၸွမ်းလင်ထႃႇဝရႃႉၽြႃးလႄႈမၼ်းၸဝ်ႈတၵ်းႁွင်ႉမိူၼ်ၸိူဝ်ႉၼင်ႇသၢင်ႇသီႈၼၼ်ႉဢေႃႈ။ မိူဝ်ႈဢၼ်မၼ်းၸဝ်ႈႁွင်ႉၼၼ်ႉၸိုင်၊ၶဝ်ၸိူဝ်းဢၼ်ပဵၼ်လုၵ်ႈပဵၼ်လၢင်းတင်းလၢႆတၵ်းဢွၼ်ၵၼ်ဢွၵ်ႇပၢႆႈသေ ၵႃႈတီႈၽၢႆႇၼႃႈဝၼ်းတူၵ်းမႃးၶၼ်ၶၼ်ၽႂ်းၽႂ်းဢေႃႈ။
၁၁ ၶဝ်တၵ်းဢွၼ်ၵၼ်ဢွၵ်ႇပၢႆႈမႃးၶၼ်ၶၼ်ၽႂ်းၽႂ်းမိူၼ်ၸိူဝ်ႉၼင်ႇၼူၵ်ႉၸွၵ်ႇသေ ၵႃႈတီႈမိူင်းဢေႇၵႅႉပ်တုဢိၵ်ႇတင်းၸိူဝ်ႉၼင်ႇၼူၵ်ႈတူႈသေ ၵႃႈတီႈမိူင်းဢႃႇသုရိၼၼ်ႉလႄႈ ၵဝ်တၵ်းၶျႃးတီႈယူႇၶဝ်ပၼ်ၵႃႈၼႂ်းႁိူၼ်းတီႈဢၼ်ယူႇၵဝ်ႇၵဝ်ႇၼၼ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၂ ဢေႇၽရိမ်ႇ ၼၼ်ႉဢဝ်ၵႂၢမ်းမူႉသႃႇလွမ်ႉလဵပ်ႈႁွပ်ႈၵဝ်လႄႈဢိသရေႇလ ၼၼ်ႉဢဝ်တင်းဢၼ်ပႅတ်ႉဢၼ်လႅၼ်လွမ်ႉႁွပ်ႈလဵပ်ႈႁွပ်ႈၵဝ်ဢေႃႈ။ယုတၵေႃႈၸၢင်ႊပိူင်ႈၸၢင်ႊလွႆးၵႃႈတီႈၽြႃးပဵၼ်ၸဝ်ႈ ဢၼ်ဝႃႈၽြႃးပဵၼ်ၸဝ်ႈဢၼ်မူတ်းၸၢင်ႇလႄႈ ပႂ်ႉသႅတ်ႉၸႃႇၼၼ်ႉသေလႄႈၵႂႃႇဢေႃႈ။