၄
ဢိသရေလ လႆႈၶၢမ်ႇဢမူႉ
၁ ၵူၼ်းမဵဝ်းဢိသရေႇလၶဝ်ဢိူၺ်း။ဢွၼ်ၵၼ်ထွမ်ႇဢဝ်ဢမိင်ႉထႃႇဝရႃႉၽြႃးတႃႉ။ထႃႇဝရႃႉၽြႃးမီးလွင်ႈဢၼ်တၵ်းထူပ်းတြႃးၵၼ်တင်း ၵူၼ်းဝၢၼ်ႈၵူၼ်းမိူင်းတင်းလၢႆဢေႃႈ။လွင်ႈမၼ်းၸမ်းၵႃႈတီႈမိူင်းၼၼ်ႉဢမ်ႇမီးသႅတ်ႉၸႃႇ၊ ဢမ်ႇမီးၵရူႉၼႃႇ၊ ဢမ်ႇမီးတၢင်းဢၼ်ႁူႉ ၸၵ်းၽြႃးပဵၼ်ၸဝ်ႈလႃးလႃး။
၂ မီးတၢင်းဢၼ်ၵိၼ်ႇလႃႇ၊ တၢင်းဢၼ်လၢတ်ႈၵႂၢမ်းမူႉသႃႇ၊ တၢင်းဢၼ်ဢဝ်ဢသၢၵ်ႈၵူၼ်းတၢႆ၊ တၢင်းဢၼ်လၵ်ႉဢုၵ်ႉၸႃႇပိူၼ်ႈ၊ တၢင်းဢၼ်ၽိတ်းပိူင်ႈမေးပိူၼ်ႈ ၸိူဝ်းၼၼ်ႉၵူၺ်းဢေႃႈ။ၽုတ်းဢွၵ်ႇလၼ်ဢွၵ်ႇလႄႈလိူတ်ႈသိုပ်ႇ လိူတ်ႈၵႂႃႇတိၵ်းတိၵ်းဢေႃႈ။
၃ ပိူဝ်ႈၼႆလႄႈမိူင်းတၵ်းလႆႈတမ်ႇၼွႆႉမွင်ၸႂ်လႄႈ ၶဝ်ၵႃႈဢၼ်ယူႇၵႃႈၼႂ်းမိူင်းၼၼ်ႉၸိူဝ်းၼၼ်ႉဢိၵ်ႇတင်း တူဝ်ထိူၼ်ႇႁၢႆတင်းလၢႆတင်းၼူၵ်ႉၵၢင်ႁၢဝ်တင်းလၢႆ တၵ်းႁႅင်းလဵၵ်ႉႁႅင်းၵေႇၵႂႃႇလႄႈပႃပၢင်ႇလၢႆႇတင်းလၢႆတၵ်းသဵင်ႈမူတ်းၵႂႃႇဢေႃႈ။
၄ ၼႂ်းဝႃႈၼၼ်သေၵေႃႈ ယႃႇပေႁႂ်ႈၽူႈ လႂ်လႆႈႁႄႉလႆႈၶႅၼ်။ယႃႇပေႁႂ်ႈၽူႈ လႂ်လႆႈသင်ႇသွၼ်သုင်းမႃႉ။လွင်ႈမၼ်းၸမ်း ၵူၼ်းမဵဝ်းလဵဝ်ၵၼ်တင်းမႂ်းၸိူဝ်းၼၼ်ႉပဵၼ်ၸိူဝ်ႉၼင်ႇၵေႃႉဢၼ်ႁဵတ်းၶတ်းၵၼ်တင်း ယိတ်ႉပရေႃး ႁိၵ်ႈၼၼ်ႉဢေႃႈ။
၅ ပိူဝ်ႈၼႆလႄႈမႂ်းတၵ်းလႆႈလူမ်ႉတၢႆတူၵ်းၶိင်ႇၵၢင်ဝၼ်းလႄႈ ပရေႃးၽႅတ်ႈၵေႃႈတၵ်းလႆႈလူမ်ႉတၢႆလူၺ်ႈၵၼ်တင်းမႂ်းၶိင်ႇၵၢင်ၶိုၼ်းဢေႃႈ။မေႈ မႂ်းၵေႃႈတၵ်းယႃႉပႅတ်ႈဢေႃႈ။
၆ ၵူၼ်းၵဝ်တင်းလၢႆလႆႈသုမ်းၸွမ်းၵွပ်ႈပိူဝ်ႈဢၼ်ပိင်ႇၺႃႇၵေႇလႄႈ ၵဝ်တၵ်းပႄႇမႂ်းပႅတ်ႈ ႁႂ်ႈမႂ်းဢမ်ႇလႆႈပဵၼ်ယိတ်ႉပရေႃးႁိၵ်ႈၶဝ်ၵွပ်ႈပိူဝ်ႈဢၼ်မႂ်းပႄႇပိင်ႇၺႃႇပႅတ်ႈၼၼ်ႉဢေႃႈ။ ၵဝ်တၵ်းလူင်လိုမ်း လုၵ်ႈလၢင်းမႂ်းတင်းလၢႆပႅတ်ႈၵွပ်ႈပိူဝ်ႈဢၼ်မႂ်းလူင်လိုမ်း တြႃးၽြႃးပဵၼ်ၸဝ်ႈမႂ်းပႅတ်ႈၼၼ်ႉ ဢေႃႈ။
၇ ၶဝ်ၼၼ်ႉၸွမ်းၵႃႈၼင်ႇဢၼ်ၶဝ်ယႂ်ႇၽႄႈၼမ်ၵိုၼ်းမႃးၼၼ်ႉသေလႄႈၽိတ်းပိူင်ႈၵဝ်ယဝ်ႉ။ ပိူဝ်ႈၼႆလႄႈ ၵဝ်တၵ်းႁႂ်ႈမုၼ်ၽုင်းၶဝ်ၼၼ်ႉပဵၼ်တၢင်းဢၼ် ဢူၵ်းဢၢႆဢေႃႈ။
၈ ၶဝ်ၵိၼ်ဢပျႅတ်ႈၵူၼ်းၵဝ်တင်းလၢႆယူႇသေလႄႈ ၸႂ်ၸပ်းၸႂ်ၸွႆး တူႉၸရိူၵ်ႈၼၼ်ႉယူႇဢေႃႈ။ပိူဝ်ႈၼႆလႄႈတၵ်းလႆႈပဵၼ်တီႈယိတ်ႉပရေႃးႁိၵ်ႈမိူၼ်ၸိူဝ်ႉၼင်ႇဢၼ်ပဵၼ်တီႈၵူၼ်းတင်းလၢႆၼၼ်ႉ ဢေႃႈ။
၉ ၵဝ်တၵ်းပၼ်တၢမ်ႇၸွမ်းၵႃႈၼင်ႇသဵၼ်ႈတၢင်းၶဝ်မီးၼၼ်ႉလႄႈ ပၼ်ဢၵျူဝ်းဢပျႅတ်ႈၸွမ်း ၵႃႈၼင်ႇ ဢၼ်ၶဝ်ႁဵတ်းႁင်းၽႂ်ႁင်းမၼ်းၼၼ်ႉဢေႃႈ။
၁၀ ၶဝ်ၼၼ်ႉတၵ်းၵိၼ်လႄႈဢမ်ႇလႆႈဢိမ်ႇလႆႈတဵမ်။ၶဝ်တၵ်းႁဵတ်းမေႇထုင်ႇဢၼ်ဢမ်ႇတြႃးလႄႈဢမ်ႇလႆႈယႂ်ႇၽႄႈၼမ်ၵိုၼ်းမႃး။လွင်ႈမၼ်းၸမ်းၶဝ်ထၢတ်ႇသပေေႃးသေတၢင်းဢၼ်ဝႆႉဢမူႉ လူၺ်ႈလွင်ႈထႃႇဝရႃႉၽြႃးၼၼ်ႉ ယဝ်ႉယဝ်ႉ။
၁၁ တၢင်းဢၼ်မေႇထုင်ႇဢၼ်ဢမ်ႇတြႃးဢိၵ်ႇတင်းၼမ်ႉၸပိတ်ႈ တင်းၼမ်ႉၸပိတ်ႈဢၼ်မႂ်ႇၸိူဝ်း ၼၼ်ႉၸၢင်ႊႁႂ်ႈႁူဝ်ၸႂ်မဝ်းမိင်းလိုမ်းတူဝ်ဢေႃႈ။
၁၂ ၵူၼ်းၵဝ်တင်းလၢႆ တိူင်ႇပၢင်ႇတွင်ႈထၢမ်လူၺ်ႈၵၼ်တင်းတူဝ်တူၼ်ႈမႆႉလႄႈ ၶွၼ်ႉတဝ်ႉၶဝ်ၼၼ်ႉၸင်ႇပၼ်တၢင်းၵျၢမ်ႇတၢင်းပွင်တီႈၶဝ်ဢေႃႈ။ ၸႂ်တၢင်းဢၼ်ၶဝ်ႁဵတ်းမေႇထုင်ႇဢၼ်ဢမ်ႇတြႃးၼၼ်ႉ ႁႂ်ႈၶဝ်ၽိတ်းတၢင်းပိူင်ႈတၢင်းၵႂႃႇလႄႈ ၶဝ်ယင်းဢမ်ႇယူႇၵႃႈတီႈၽြႃးပဵၼ်ၸဝ်ႈၶဝ်လႄႈႁဵတ်ႈမေႇထုင်ႇဢၼ်ဢမ်ႇတြႃးယူႇ ဢေႃႈ။
၁၃ ၶဝ်ပုၵ်ႉၸေႃႇယိၸ်ႉၵႃႈၼိူဝ်လွႆတင်းလၢႆလႄႈဢဝ်ၼၢမ်ႇသႃႇတုတ်ႇၽႆး ၵႃႈၼိူဝ်ၵုင်းတင်းလၢႆၵႃႈတႂ်ႈတူၼ်ႈလိပၼႃႇ၊တူၼ်ႈဢေႇလႃႇ ဢၼ်ႁူမ်ႈလီၵတ်းလီၸိူဝ်းၼၼ်ႉဢေႃႈ။ပိူဝ်ႈၼႆလႄႈလုၵ်ႈယိင်းသူၸိူဝ်းၼၼ်ႉႁဵတ်းမေႇထုင်ႇဢၼ်ဢမ်ႇတြႃးလႄႈ လုၵ်ႉပႂ်ႉ သူၸိူဝ်းၼၼ်ႉလဵၼ်ႈၽူဝ်ဢွၼ်ႇဢေႃႈ။
၁၄ ၵဝ်တၵ်းဢမ်ႇပၼ်တၢမ်ႇတီႈလုၵ်ႈယိင်းသူၸိူဝ်းၼၼ်ႉ ၼႂ်းမိူဝ်ႈဢၼ်ၶဝ်ႁဵတ်းမေႇထုင်ႇဢၼ်ဢမ်ႇတြႃးၼၼ်ႉ ဢိၵ်ႇတင်းတီႈလုၵ်ႈပႂ်ႉသူၸိူဝ်းၼၼ်ႉ ၼႂ်းမိူဝ်ႈဢၼ်ၶဝ်လဵၼ်ႈၽူဝ်ဢွၼ်ႇၼၼ်ႉ။လွင်ႈမၼ်းၸမ်းၵူၼ်းၸၢႆးတင်းလၢႆဢွၼ်ၵၼ်ၸုၼ်ႉပႅတ်ႈမေးၶဝ်သေလႄႈ ႁူမ်ႈပွင်းလူၺ်ႈၵၼ်တင်းမေႈမွၵ်ႇယႃႈလႄႈ ပုၵ်ႉၸေႃႇယိၸ်ႉလူၺ်ႈၵၼ်တင်းမေႈၽႄႉမေႈလေႃတင်းလၢႆဢေႃႈ။ၵွပ်ႈပိူဝ်ႈၼင်ႇၼၼ်လႄႈ ၵူၼ်းဢၼ်ဢမ်ႇမီးပိင်ႇၺႃႇၸိူဝ်းၼၼ်ႉတၵ်းလႆႈသုမ်းၸွမ်းဢေႃႈ။
၁၅ မဵဝ်းဢိသရေႇလဢိူၺ်း။ပိၵ်ႉသမ်ႉမႂ်းႁဵတ်းမေႈမွၵ်ႇယႃႈသေၵေႃႈယႃႇပေႁႂ်ႈမဵဝ်းယုတၽိတ်းပိူင်ႈသေၵမ်း။သူယႃႇပေဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈဝဵင်း ၵိလၵႃႇလ။ယႃႇပေဢွၼ်ၵၼ်ၶိုၼ်ႈၸူးၵႃႈတီႈဝဵင်းပေႇသဝႅၼ်ႇလႄႈ တိူင်ႇဝႃႈၵိၼ်ႇဝႃႈလႄႈဝႃႈ ၵႃႈၼင်ႇဢၼ်ထႃႇဝရႃႉၽြႃး ဢသၢၵ်ႈလိပ်းယူႇၼၼ်ႉဝႃႈၼင်ႇ ၼႆၼၼ်ႉ။
၁၆ မဵဝ်းဢိသရေႇလၼၼ်ႉၸၢင်ႊႁဵတ်းဢမ်ႇထုၵ်ႇ ၶတ်းၵၼ်မိူၼ်ၸိူဝ်ႉၼင်ႇဝူဝ်းမေႈသိုဝ်ႇ ဢၼ်ၸၢင်ႊတိုတ်ႉၸၢင်ႊတိုဝ်ၼၼ်ႉဢေႃႈ။ တေႃႈလဵဝ်ၼႆႉထႃႇဝရႃႉၽြႃး တၵ်းလဵင်ႉထိင်းၶဝ်မိူၼ်ၸိူဝ်ႉၼင်ႇဢၼ်လဵင်ႉထိင်းသူဝ်းဢွၼ်ႇ ၵႃႈၼႂ်းတီႈဢၼ်ၵႂၢင်ႈလီလႃး လီၼၼ်ႉဢေႃႈ။
၁၇ ဢေႇၽရိမ်ႇၼၼ်ႉမီးတၢင်းဢၼ်ၸပ်းၸွမ်းတီႈရုၵ်ႉထူႉတင်းလၢႆယူႇဢေႃႈ။ယႃႇမၼ်းတႃႉ။
၁၈ ၶဝ်ပူၼ်ႉၶိင်ႇဢၼ်ၶဝ်ၶၢမ်ႇပွႆးၵိၼ်ပွႆးၶူပ်းၼၼ်ႉယဝ်ႉ။ၶဝ်ဢွၼ်ၵၼ်ႁဵတ်းမေႇထုင်ႇဢၼ်ဢမ်ႇတြႃး ယူႇၶိူဝ်းၶိူဝ်းယႂ်းယႂ်းယဝ်ႉ။ ၶုၼ်ၶဝ်ၸိူဝ်းၼၼ်ႉဢွၼ်ၵၼ်ၸႂ်ၸပ်းၸႂ်ၸွႆး လွင်ႈတၢင်းဢၼ်လီဢူၵ်းလီဢၢႆ ၼၼ်ႉယူႇ ယဝ်ႉ။
၁၉ လူမ်းဢဝ်ပိၵ်ႈတူဝ်ၸဝ်ႈၵဝ်ႇတင်းလၢႆပတ်ႉထူဝ်းပႃးၵႂႃႇဢေႃႈ။ၶဝ်ၼၼ်ႉတၵ်းဢူၵ်းဢၢႆၵွပ်ႈပိူဝ်ႈယိၸ်ႉဢၼ်ၶဝ်ပုၵ်ႉၸေႃႇၸိူဝ်းၼၼ်ႉဢေႃႈ။