၁
မေးႁူဝ်ႇသေႇတင်းလုၵ်းလၢင်းမၼ်း
၁ ၼုၵ်ႈၵပၢတ်ႈထႃႇဝရႃႉၽြႃး ဢၼ်ႁွတ်ႈမႃးတီႈႁူဝ်ႇသေႇ လုၵ်ႈၸၢႆးပေႇရိၼႂ်းၸူဝ်ႈပၢၼ် ၶုၼ်ဢူဝ်ႇၸိယ၊ၶုၼ်ယူဝ်ႇထမ်ႇ၊ၶုၼ်ဢႃႇၶတ်ႉ၊ၶုၼ်ႁေႇၸၵိ ၶုၼ်ႁေႃၶမ်းယုတ တင်းလၢႆဢိၵ်ႇတင်း ၼႂ်းၸူဝ်ႈပၢၼ်ယေႇရူဝ်ႇပုမ်ႇၶုၼ်ႁေႃၶမ်းဢိသရေႇလ ၼၼ်ႉၸမ်း၊-
၂ မိူဝ်ႈဢၼ်ထႃႇဝရႃႉၽြႃးတႄႇၸႃႉဢဝ် ႁူဝ်ႇသေႇ ႁေႃးလၢတ်ႈၼၼ်ႉ ထႃႇဝရႃႉၽြႃးမီးဢမိင်ႉတီႈ ႁူဝ်ႇသေႇလႄႈဝႃႈ၊- မႂ်းၵႂႃႇလႄႈဢဝ်မေႈမွၵ်ႇယႃႈဢိၵ်ႇတင်းလုၵ်ႈလၢင်း ဢၼ်မေႈမွၵ်ႇယႃႈ ၵိူတ်ႇလဵင်ႉမႃးၸိူဝ်းၼၼ်ႉတႃႉ။ လွင်ႈမၼ်းၸမ်း မိူင်းၼႆႉၸုၼ်ႉပႅတ်ႈထႃႇဝရႃႉၽြႃးသေလႄႈ ႁဵတ်းမေႇထုင်ႇဢၼ်ဢမ်ႇတြႃးၶိူဝ်းၶိူဝ်းယႂ်းယႂ်းယဝ်ႉ၊ဝႃႈၼင်ႇၼႆဢေႃႈ။
၃ မၼ်းၵႂႃႇလႄႈသိမ်းဢဝ် ၵေႃႇလႃႇလုၵ်ႈယိင်းတိပလိမ်ႇ သေယဝ်ႉမၼ်းပႃးပတိၵ်ႉသၼ်ႇထေႇလႄႈ ၵိူတ်ႇလဵင်ႉလုၵ်ႈၸၢႆး မႃးတီႈမၼ်းဢေႃႈ။
၄ ထႃႇဝရႃႉၽြႃးမီးဢမိင်ႉတီႈမၼ်းလႄႈဝႃႈ၊-မႂ်းႁွင်ႉႁိၵ်ႈၸိုဝ်လုၵ်ႈၸၢႆးၼၼ်ႉဝုႈ ယေႇၸရေႇလတႃႉ။လွင်ႈမၼ်းၸမ်းႁိုင်ၵမ်းဢွၼ်ႇၼိုင်ႈသေယဝ်ႉၵဝ်တၵ်းပၼ်တၢမ်ႇဢပျႅတ်ႈ ဢၼ်ထွၵ်ႇလိူတ်ႈယေႇၸရေႇလၼၼ်ႉတီႈမဵဝ်းယေႇႁုလႄႈ ႁႂ်ႈသိုင်ႇၸိုင်ႈဝၢၼ်ႈမိူင်းမဵဝ်းဢိသရေႇလသုမ်းၸွမ်းပႅတ်ႈဢေေႃႈ။
၅ ၼႂ်းမိူဝ်ႉဝၼ်းဢၼ် ၵဝ်တၵ်းႁၵ်းႁိၵ်းၵၢင်ႇဢိသရေႇလပႅတ်ႈၵႃႈၼႂ်းၶူင်ႈႁူၺ်ႈ ယေႇၸရေႇလ ၼၼ်ႉဢေႃႈ ဝႃႈၼင်ႇၼႆဢေႃႈ။
၆ မေႈယိင်းၼၼ်ႉသမ်ႉပႃးပတိၵ်ႉသၼ်ႇထေႇထႅင်ႈလႄႈ ၵိူတ်ႇလဵင်ႉလုၵ်ႈယိင်းမႃးဢေႃႈ။မၼ်းၸဝ်ႈမီးဢမိင်ႉတီႈမၼ်းလႄႈဝႃႈ၊-ႁွင်ႉႁိၵ်ႈၸိုဝ်မၼ်းၼၼ်ႉဝုႈ လေႃႇရုႁႃႇမႃႇ တႃႉ။လွင်ႈမၼ်းၸမ်းၵမ်းလိုၼ်းၵဝ်ယင်းဢမ်ႇဢိတ်းလူႁၵ်ႉပႅင်းမဵဝ်း ဢိသရေႇလ လႄႈ တၵ်းပႄႇၶဝ်ပႅတ်ႈဢမၢၼ်ႇၶၢၼ်ပဵၼ် ဢေႃႈ။
၇ မဵဝ်းယုတၸမ်းၵဝ်တၵ်းဢိတ်းလူႁၵ်ႉပႅင်းလႄႈယင်းဢမ်ႇဢဝ်တင်းၵၢင်ႇ၊ လၢပ်ႇ၊လၢၵ်ႈၼၢၵ်ႈတိုၵ်းသိုၵ်း၊မႃႉ၊ၵူၼ်းသိုၵ်းၶီႇမႃႉသေလႄႈ ၶျွတ်ႈဢဝ်ၶဝ်လႄႈဢဝ်တင်းထႃႇဝရႃႉၽြႃး ၽြႃးပဵၼ်ၸဝ်ႈၶဝ်ၵႄႇသႄႇ ၶျွတ်ႈဢဝ်ၶဝ်ဢေႃႈ၊ဝႃႈၼင်ႇၼႆဢေႃႈ။
၈ မေႈယိင်းၼၼ်ႉႁႂ်ႈလေႃႇရုႁႃႇမႃႇၼၼ်ႉ ၽၢတ်ႇၼူမ်းသေယဝ်ႉသမ်ႉပႃးပတိၵ်ႈသၼ်ႇထေႇထႅင်ႈလႄႈ ၵိူတ်ႇလဵင်ႉလုၵ်ႈ ၸၢႆးမႃးဢေႃႈ။
၉ မၼ်းၸဝ်ႈမီးဢမိင်ႉလႄႈဝႃႈ၊-ႁွင်ႉႁိၵ်ႈၸိုဝ်မၼ်းၼၼ်ႉဝုႈ လေႃႇဢမ်ႇမိ တႃႉ။ လွင်ႈမၼ်းၸမ်းသူဢမ်ႇပဵၼ်ၵူၼ်းၵဝ်ယဝ်ႉ။ ၵဝ်ၵေႃႈဢမ်ႇပဵၼ် ၽြႃးပဵၼ်ၸဝ်ႈသူယဝ်ႉ။
၁၀ ၵူၺ်းၵႃႈၵူၼ်းမဵဝ်းဢိသရေႇလတင်းလၢႆ တၵ်းလႆႈပဵၼ်ဢၼ်ၼမ်ၼႃႇလူင်လၢင်မိူၼ်ၸိူဝ်ႉၼင်ႇမဵတ်ႉႁိၼ်မဵတ်ႉသၢႆး ၼမ်ႉသမ်ႇမုၵ်ႉတြႃႇဢၼ်ဢမ်ႇတူင်တူၺ်းလႆႈ ဢမ်ႇၼပ်ႉဢၢၼ်ႇလႆႈၼၼ်ႉဢေႃႈ။ၼႂ်းတီႈဢၼ်လၢတ်ႈတီႈၶဝ်ဝႃႈ၊-သူဢမ်ႇပဵၼ်ၵူၼ်းၵဝ်ယဝ်ႉ၊ ဝႃႈၼင်ႇၼႆၼၼ်ႉတၵ်းလႆႈလၢတ်ႈတီႈၶဝ်လႄႈဝႃႈ၊-သူပဵၼ်လုၵ်ႈၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉဢေႃႈ၊ ဝႃႈၼင်ႇၼႆဢေႃႈ။
၁၁ မိူဝ်ႈၼၼ်ႉၵူၼ်းမဵဝ်းယုတ ဢိၵ်ႇတင်းၵူၼ်းမဵဝ်း ဢိသရေႇလ တင်းလၢႆတၵ်းၸူႉၵၼ်တုမ်ၵၼ်သေလႄႈဢွၼ်ၵၼ်ယုၵ်ႉယွင်ႈၶုၼ်ပႃးလဵဝ်ၵူၺ်းပုၼ်ႈၶဝ်လႄႈ ဢွၵ်ႇသေၵႃႈၼႂ်းမိူင်းၼၼ်ႉမုးဢေႃႈ။မိူဝ်ႉဝၼ်းယေႇၸရေႇလ ၼၼ်ႉတၵ်းလႆႈပဵၼ်မိူဝ်ႉဝၼ်းဢၼ်ယႂ်ႇမျၢတ်ႈၼႃႇဢေႃႈ၊ဝႃႈၼင်ႇၼႆဢေႃႈ။