၁၄
ၶုၵ်းၸႂ်လႆႈမႆႈၸႂ်ဢပျႅတ်ႈလႄးလႆႈမၢင်ႇၵလႃႇ
၁ ဢိသရေႇလဢိူၺ်း။ ၶိုၼ်းမႃးၸူးၵႃႈတီႈထႃႇဝရႃႉ ၽြႃးၽြႃးပဵၼ်ၸဝ်ႈမႂ်းတႃႉ။
၂ လွင်ႈမၼ်းၸမ်းမႂ်းလူမ်ႉတူၵ်းၵွပ်ႈပိူဝ်ႈ တူႉၸရိူၵ်ႈဢပျႅတ်ႈဢၼ်မႂ်းႁဵတ်းၼၼ်ႉယဝ်ႉ။ ပွင်ႁဵတ်းပွင်မႄးၵႂၢမ်းပထၼႃႇလႄႈ ၶိုၼ်းမႃးၸူးၵႃႈတီႈထႃႇဝရႃႉၽြႃးသေလႄႈ လဝ်ႈလၢတ်ႈတီႈမၼ်းၸဝ်ႈလႄႈဝႃႈ၊-ၶႅၼ်းတေႃႈပႄႇဢပျႅတ်ႈၵႃႈမီးပႅတ်ႈလႄႈ ႁဵတ်းၵျေးၸူးသေလႄႈႁပ်ႉတုင်းဢဝ်သေၵမ်းတီႈၶႃႈ။ၶႃႈၸဝ်ႈႁဝ်းၶဝ်တၵ်းဢဝ်ဝူဝ်းဢွၼ်ႇဢၼ်ဝႃႈ သီႇသူပ်းၶႃႈၸဝ်ႈၶဝ်ၼၼ်ႉပုၵ်ႉတေႃႇတီႈၶႃႈ ဢေႃႈ။
၃ ၶုၼ်ဢႃႇသုရိတၵ်းဢမ်ႇလႆႈၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်တီႈၶႃႈ။ ၶႃႈၸဝ်ႈႁဝ်းၶဝ်တၵ်းဢမ်ႇႁဵတ်းၵူၼ်းသိုၵ်းၶီႇမႃႉတီႈၶႃႈ။ၵမ်းလိုၼ်းၶႃႈၸဝ်ႈႁဝ်းၶဝ်တၵ်းဢမ်ႇလၢတ်ႈတီႈ ၶိူင်ႈပိူင်ဢၼ်ဢဝ်မိုဝ်းတူဝ်ၸဝ်ႈၵဝ်ႇ ႁဵတ်းၸိူဝ်းၼၼ်ႉဝႃႈ ပဵၼ်ၽြႃးပဵၼ်ၸဝ်ႈႁဝ်းၶႃႈတီႈၶႃႈ။လွင်ႈမၼ်းၸမ်းၶဝ်ၸိူဝ်းဢၼ်ၽၢၼ်ပေႃႈၽၢၼ်မေႈၼၼ်ႉ ၸင်ႇလႆႈၶၢမ်ႇဢဝ်ၵျေးၸူးၵရူႉၼႃႇတီႈၸဝ်ႈႁဝ်းၶႃႈတီႈၶႃႈဢေႃႈ၊ ဝႃႈၼင်ႇ ၼႆတႃႉ။
၄ ၵွပ်ႈပိူဝ်ႈဢၼ်တၢင်းၸႂ်မႆႈၶႆႈၸႃႉၵဝ်ပျေႇလႄႈၵဝ်တၵ်းယူတ်းယႃ တၢင်းဢၼ်ၶဝ်ၽွၵ်ႈပျၢၼ်ႇၶိုၼ်းၼၼ်ႉလႄႈ ႁၵ်ႉပႅင်းၶဝ်ၸွမ်းၵႃႈၼင်ႇဢၼ်ဢလူဝ်ႇၵဝ် မီးၼၼ်ႉဢေႃႈ။
၅ ၵဝ်တၵ်းပဵၼ်ၸိူဝ်ႉၼင်ႇၼမ်ႉၼၢႆးၼၼ်ႉၵႃႈၼိူဝ်ဢိသရေႇလဢေႃႈ။ မၼ်းတၵ်းၵီႈမိူၼ်ၸိူဝ်ႉၼင်ႇမွၵ်ႇႁဵဝ်းငိုၼ်းၼၼ်ႉလႄႈ တၵ်းယင်ႇႁၢၵ်ႈမိူၼ်ၸိူဝ်ႉၼင်ႇတူၼ်ႈမႆႉၵႃႈတီႈထိူၼ်ႇလေႇပၼုၼ်ႇ ၼၼ်ႉဢေႃႈ။
၆ ၵိင်ႇမၼ်းယွတ်ႈမၼ်းတၵ်းယႂ်ႇၽႄႈၼမ်ၵိုၼ်းမႃးလႄႈမၼ်းတၵ်းမီးသရေႇႁၢင်ႊလီႁၢင်ႊငၢမ်း မိူၼ်ၸိူဝ်ႉၼင်ႇတူၼ်ႈသၼ်ႇလုၼ်ႇၼၼ်ႉသေလႄႈ ႁွမ်ႁိုၼ်းမိူၼ်ၸိူဝ်ႉၼင်ႇထိူၼ်ႇလေႇပၼုၼ်ႇၼၼ်ႉဢေႃႈ။
၇ ၶဝ်ၸိူဝ်းဢၼ် ယူႇၵႃႈတႂ်ႈႁူမ်ႈတူၼ်ႈၼၼ်ႉၸိူဝ်းၼၼ်ႉတၵ်းမီးတၢင်းဢၼ် မႄးႁဵတ်းပဵၼ်ဢၼ်မႂ်ႇလႄႈၶိုၼ်းလိပ်းမိူၼ်ၸိူဝ်ႉၼင်ႇၶဝ်ႈပိူၵ်ႇဢေႃႈ။ၶဝ်တၵ်းယႂ်ႇၽႄႈတူဝ်းတွၼ်းမႃး မိူၼ်ၸိူဝ်ႉၼင်ႇတူၼ်ႈၶိူဝ်းမၢၵ်ႇၸပိတ်ႈလႄႈ သတၢင်းသဵင်ၶၢဝ်ႇတၵ်းႁူင်ႁၢင်းမိူၼ်ၸိူဝ်ႉၼင်ႇ ၼမ်ႉၸပိတ်ႈလေႇပၼုၼ်ႇၼၼ်ႉဢေႃႈ။
၈ ဢေႇၽရိမ်ႇတၵ်းလၢတ်ႈလႄႈဝႃႈ၊-ၵမ်းလိုၼ်းၵဝ်တၵ်းလႆႈၸၢပ်ႈသႅင်ႇၵၼ်တင်းရုၵ်ႉထူႉသၢင်းထူႉၸိူဝ်ႉၼင်ႇႁိုဝ်၊ ဝႃႈၼင်ႇၼႆဢေႃႈ။ၵဝ်တၵ်းထွမ်ႇဢဝ်ၵႂၢမ်းမၼ်းလႄႈလူတူၺ်းမၼ်းဢေႃႈ။ၵဝ်ပဵၼ်ၸိူဝ်ႉၼင်ႇတူၼ်ႈမႆႉပႅၵ်ႇဢၼ်ၶဵဝ်လီတင်ႈလီလႄႈ မႂ်းတဵမ်ဝႆႉတင်းမၢၵ်ႇၵွပ်ႈပိူဝ်ႈၵျေးၸူး ၵဝ်ဢေႃႈ။
၉ ၽူႈလႂ်မီးပိင်ႇၺႃႇ။ၵေႃႉၼၼ်ႉတၵ်းႁူႉလွင်ႈတၢင်းၸိူဝ်းၼႆႉဢေႃႈ။ ၽူႈ လႂ်ၺၢၼ်ႇလီ။ၵေႃႉၼၼ်ႉတၵ်းႁူႉၸႅင်ႈလွင်ႈတၢင်းၸိူဝ်းၼႆႉဢေႃႈ။သဵၼ်ႈတၢင်းထႃႇဝရႃႉၽြႃးတင်းလၢႆသိုဝ်ႈလီလႄႈ ၶဝ်ၸိူဝ်းဢၼ်သိုဝ်ႈတေႃႇၼၼ်ႉတၵ်းဢွၼ်ၵၼ်ၸွမ်းဢေႃႈ။ၶဝ်ၸိူဝ်းဢၼ်ႁဵတ်းႁၢႆႉႁဵတ်းမိူၵ်ႈၼၼ်ႉၸမ်းတုၵ်းတိူဝ်ႉမႅၼ်ႈၼႂ်းသဵၼ်ႈတၢင်းၸိူဝ်းၼၼ်ႉလႄႈလူမ်ႉဢေႃႈ။