Chapter
၂၃
ဢသၢၵ်ႈၸႃႇရႃႇသုတ်းသဵင်ႈ
၁ ၸႃႇရႃႇ ဢသၢၵ်ႈလႆႈပၢၵ်ႇပၢႆသၢဝ်းၸဵတ်းပီႊဢေႃႈ။မိူဝ်ႈဢၼ် ဢသၢၵ်ႈမၼ်းယႂ်ႇထိုင်ႁွတ်ႈထၢၼ်ႇၼၼ်ႉ ယဝ်ႉယဝ်ႉ၊မၼ်းတၢႆၵႃႈတီႈဝဵင်း ယႃႉသၼႃႇၽ ဢၼ်ဝႃႈဝဵင်း ႁေႇပုၼ်ႇ ၵႃႈၼႂ်းမိူင်း ၶႃႇၼၼ်ႇ ၼၼ်ႉဢေႃႈ။
၂ ဢႃႇပြႁမ်ႇ ၵေႃႈသုတ်ႉၸပ်းသုတ်ႉၸူးႁႂ်ႈလႆႈထိုင်ၸႂ်လႄႈႁွင်ႉႁႆႈၵွပ်ႈပိူဝ်ႈ ၸႃႇရႃႇ ၼၼ်ႉဢေႃႈ။
၃ ဢႃႇပြႁမ်ႇ ၼၼ်ႉလုၵ်ႉသေၵႃႈတီႈၽၢႆႇၼႃႈတူဝ်တၢႆမေးမၼ်းၼၼ်ႉသေလႄႈ လၢတ်ႈတီႈၵူၼ်းႁေႇသတင်းလၢႆဝႃႈ၊- ၵဝ်ပဵၼ်ၶႅၵ်ႇဢႃႇၵၢၼ်ႇတူႉၵႃႈတီႈသူ ဢေႃႈ။
၄ လွင်ႈၼင်ႇႁိုဝ်ၵဝ်တၵ်းလႆႈၽင်တူဝ်တၢႆမေးၵဝ်လႄႈလပ်ႉႁၢႆသတေႃၵဝ်ၸိုင် ပၼ်ဢၶႂၢင်ႉပုၼ်ႈပႃႇႁဵဝ်ႈ ၵႃႈၼႂ်းသူၼႆႉတီႈၵဝ်သေၵမ်း၊ဝႃႈၼင်ႇၼႆဢေႃႈ။
၅ ၵူၼ်းႁေႇသတင်းလၢႆၶိုၼ်းလၢတ်ႈတီႈ ဢႃႇပြႁမ်ႇ လႄႈ ဝႃႈ၊-ၸဝ်ႈႁဝ်းၶႃႈ။
၆ ထွမ်ႇၵႂၢမ်းႁဝ်းၶႃႈသေၵမ်းၶႃႈ။ၸဝ်ႈႁဝ်းၼႆႉပဵၼ်ၶုၼ်ဢၼ်ၸၢပ်ႈသႅင်ႇၵၼ်တင်းၽြႃးပဵၼ်ၸဝ်ႈ ၵႃႈၼႂ်းႁဝ်းၶႃႈၼႆႉၶႃႈဢေႃႈ။လိူၵ်ႈၵဵပ်းၵႃႈၼႂ်းပႃႇႁဵဝ်ႈႁဝ်းၶႃႈတင်းလၢႆၼႆႉသေလႄႈ သၢင်းၵျူဝ်ႇတူဝ်တၢႆမေးၸဝ်ႈႁဝ်းသေၵမ်းၶႃႈ။လွင်ႈၼင်ႇႁိုဝ်တၵ်းဢမ်ႇလႆႈသၢင်းၵျူဝ်ႇ တူဝ်တၢႆမေးၸဝ်ႈႁဝ်း ၼၼ်ႉၵႃႈၼႂ်းႁဝ်းၶႃႈၼႆႉ ဢမ်ႇမီးၵေႃႉဢၼ်တၵ်းဢမ်ႇပၼ်ပႃႇႁဵဝ်ႈမၼ်းၼၼ်ႉတီႈၶႃႈ၊ ဝႃႈၼင်ႇ ၼႆဢေႃႈ။
၇ ဢႃႇပြႁမ်ႇ လုၵ်ႉလႄႈၵူမ်ႈႁူဝ်ၵႃႈတီႈၽၢႆႇၼႃႈၵူၼ်းဝၢၼ်ႈၵူၼ်းမိူင်းဢၼ်ပဵၼ်ၵူၼ်း ႁေႇသ တင်းလၢႆၸိူဝ်း ၼၼ်ႉသေလႄႈလၢတ်ႈဝႃႈ၊-
၈ ပေႃးသူမီးဢလူဝ်ႇၶႂ်ႈႁႂ်ႈၵဝ်ၽင် တူဝ်တၢႆမေးၵဝ်လႄႈလပ်ႉႁၢႆသတေႃၵဝ်ၸိုင်၊ ထွမ်ႇၵႂၢမ်းၵဝ်သေၵမ်း။
၉ သူဢွၼ်ၵၼ်ၵွႃႇတွင်းပၢၼ်ႇတီႈ ဢေႇၽရူၼ်ႇ လုၵ်ႈၸၢႆး ၸေႃႇႁႃႇ ၼၼ်ႉပုၼ်ႈၵဝ် ႁႂ်ႈမၼ်းၶၢႆပၼ်ၵဝ်ႁူးၶုမ်သၢင်းၶျႅင်း မၵ်ႉပေႇလဢၼ်မီးၵႃႈတီႈႁိမ်း လႅၼ်သုတ်းတူင်ႈၼႃးမၼ်းၼၼ်ႉလႄႈ ႁႂ်ႈၵဝ်လႆႈမီးပႃႇႁဵဝ်ႈဢၼ်ၵဝ်ထိူၵ်ႈပိူင်ႇၵႃႈၼႂ်းသူၼႆႉသေၵမ်း။ၸွမ်းၵႃႈၼင်ႇဢၼ်ၵႃႊမၼ်းၶၼ်မၼ်းထိူၵ်ႈတၢၼ်ႇငိုၼ်းၼၼ်ႉ ႁႂ်ႈမၼ်းၶၢႆပၼ်တီႈၵဝ်ၵႃႈၼႂ်းၵၢင်သူၼႆႉ ပုၼ်ႈဢၼ်ၵဝ်တၵ်းမီးပႃႇႁဵဝ်ႈ ဢၼ်ၵဝ်ထိူၵ်ႈပိူင်ႇၼၼ်ႉသေၵမ်း၊ဝႃႈၼင်ႇၼႆဢေႃႈ။
၁၀ မိူဝ်ႈၼၼ်ႉ ဢေႇၽရူၼ်ႇဢၼ်ပဵၼ်းၵူၼ်း ႁေႇသၼၼ်ႉ ၶိုၼ်းလၢတ်ႈတီႈဢႃႇပြႁမ်ႇ ၵႃႈၼႂ်းပရိၵ်ႈသၢတ်ႈၵူၼ်း ႁေႇသတင်းလၢႆဢၼ်ၶဝ်ႈၼႂ်းၽၵ်းတူဝဵင်း တင်းသဵင်ႈတင်းလူင်ၸိူဝ်းၼၼ်ႉလႄႈဝႃႈ၊-
၁၁ ဢမ်ႇၸႂ်ႈၸိူဝ်ႉၼင်ႇၼၼ်ၶႃႈၸဝ်ႈ။ထွမ်ႇၵႂၢမ်းၵဝ်ၶႃႈသေၵမ်းၶႃႈ။ၵဝ်ၶႃႈပၼ်တူင်ႈၼႃးဢိၵ်ႇတင်း ႁူးၶုမ်သၢင်းၶျႅင်း ဢၼ်မီးၼႂ်းတူင်ႈၼႃးၼၼ်ႉတီႈၸဝ်ႈႁဝ်းၶႃႈဢေႃႈ။ၵဝ်ၶႃႈပၼ်တီႈၸဝ်ႈ ႁဝ်း ၶႃႈ ၵႃႈတီႈၽၢႆႇၼႃႈၵူၼ်းမဵဝ်းၵဝ်ၶႃႈၸိူဝ်းၼႆႉၶႃႈဢေႃႈ။သၢင်းၵျူဝ်ႇတူဝ်တၢႆမေးၸဝ်ႈႁဝ်းသေၵမ်းၶႃႈ၊ ဝႃႈၼင်ႇၼႆဢေႃႈ။
၁၂ ဢႃႇပြႁမ်ႇ ၵေႃႈၵူမ်ႈႁူဝ်ၵႃႈတီႈၽၢႆႇၼႃႈၵူၼ်းဝၢၼ်ႈၵူၼ်းမိူင်းၸိူဝ်းၼၼ်ႉသေလႄႈ လၢတ်ႈတီႈ ဢေႇၽရူၼ်ႇ ၵႃႈၼႂ်းပရိၵ်ႈသၢတ်ႈ ၵူၼ်းဝၢၼ်ႈၵူၼ်းမိူင်းၸိူဝ်း ၼၼ်ႉလႄႈဝႃႈ၊-
၁၃ ပေႃးပဵၼ်ၸိူဝ်ႉၼင်ႇၼႆၸိုင်ထွမ်ႇၵႂၢမ်းၵဝ်သေၵမ်း။ၵဝ်တၵ်းပၼ်ငိုၼ်းပုၼ်ႈတူင်ႈ ၼႃးၼၼ်ႉဢေႃႈ။ဢဝ်ငိုၼ်းတီႈၵဝ်သေၵမ်း။ပေႃးႁဵတ်းၸိူဝ်ႉၼင်ႇၼၼ်ၸိုင် ၵဝ်တၵ်းသၢင်းၵျူဝ်ႇ တူဝ် တၢႆမေးၵဝ် ၵႃႈ တီႈၼၼ်ႉဢေႃႈ၊ ဝႃႈၼင်ႇၼႆဢေႃႈ။
၁၄ ဢေႇၽရူၼ်ႇ ၵေႃႈၶိုၼ်းလၢတ်ႈတီႈ ဢႃႇပြႁမ်ႇ လႄႈဝႃႈ၊-ၸဝ်ႈၵဝ်ၶႃႈ။ထွမ်ႇၵႂၢမ်းၵဝ်ၶႃႈသေ ၵမ်း ၶႃႈ။
၁၅ လိၼ်ၼၼ်ႉထိူၵ်ႈၵႃႈၵျၢပ်ႈသၶေႇလသီႇပၢၵ်ႇၵျၢပ်ႈၶႃႈဢေႃႈ။တၵ်းပွင်ႇလွင်ႈၵႃႈသင်တီႈၸဝ်ႈ ႁဝ်း တင်းၵဝ်ၶႃႈ။သၢင်းၵျူဝ်ႇတူဝ်တၢႆမေးၸဝ်ႈႁဝ်းသေၵမ်းၶႃႈ၊ ဝႃႈၼင်ႇၼႆ ဢေႃႈ။
၁၆ ဢႃႇပြႁမ်ႇ ၵေႃႈထွမ်ႇဢဝ်ၵႂၢမ်း ဢေႇၽရူၼ်ႇသေယဝ်ႉၵႃႈၼင်ႇဢၼ် ဢေႇၽရူၼ်ႇ ပျၢတ်ႈၵႃႊမၼ်းၶၼ်မၼ်း ၵႃႈၼႂ်းပရိၵ်ႈသၢတ်ႈၵူၼ်း ႁေႇသ ၸိူဝ်းၼၼ်ႉ မၼ်းၸင်ႇႁိဝ်ႈငိုၼ်းၵျၢပ်ႈသၶေလသီႇပၢၵ်ႇၵျၢပ်ႈမဵဝ်းငိုၼ်းဢၼ်ၵူၼ်းၵႃႉၵူၼ်းၶၢႆၶဝ်သုင်းၼၼ်ႉ သေလႄႈ ပၼ်တီႈမၼ်းဢေႃႈ။
၁၇ ၼင်ႇၼၼ်လႄႈဢၢပ်ႈတူင်ႈၼႃးဢေႇၽရူၼ်ႇ ဢၼ်မီးတီႈမၢၵ်ႉပေႇလၽၢႆႇဝၼ်းဢွၵ်ႇတီႈ မမ်ႇရေႇ ၼၼ်ႉဢိၵ်တင်းႁူးၶုမ်သၢင်းၶျႅင်း ဢၼ်မီးၵႃႈတီႈတူင်ႈၼႃးၼၼ်ႉတင်းတူၼ်ႈမႆႉ ဢၼ်မီးၸွမ်း ႁိမ်းမၼ်းၸိူဝ်းၼၼ်ႉပၼ်တီႈ ဢႃႇပြႁမ်ႇ ႁႂ်ႈပဵၼ်ပုၼ်ႈဢၼ်မၼ်းထိူၵ်ႈပိူင်ႇ ၼၼ်ႉၼႂ်းပရိၵ်ႈသၢတ်ႈ ၵူၼ်း ႁေႇသ တင်းလၢႆ
၁၈ ၵႃႈတီႈၽၢႆႇၼႃႈ ၶဝ်ၸိူဝ်းဢၼ်ၶဝ်ႈၼႂ်းၽၵ်းတူဝဵင်း တင်းသဵင်ႈတင်းလူင်ၸိူဝ်းၼၼ်ႉလီလီငၢမ်းငၢမ်းဢေႃႈ။
၁၉ လိုၼ်းၼၼ်ႉ ဢႃႇပြႁမ်ႇ သၢင်းၵျူဝ်ႇမေးမၼ်းၸႃႇရႃႇ ၵႃႈၼႂ်းႁူးၶုမ်သၢင်းၶျႅင်းတူင်ႈၼႃး မၵ်ႉပေႇလၽၢႆႇဝၼ်းဢွၵ်ႇတီႈ မမ်ႇရေႇ ၼၼ်ႉဢေႃႈ။တီႈၼၼ်ႉၸမ်းပဵၼ်တီႈ ႁေႇပုၼ်ႇ ၼႂ်းမိူင်း ၶႃႇၼၼ်ႇ ဢေႃႈ။
၂၀ ၵူၼ်း ႁေႇသ ၸိူဝ်းၼၼ်ႉဢၢပ်ႈတူင်ႈၼႃးတင်းႁူးၶုမ်သၢင်းၶျႅင်းၼၼ်ႉပၼ်တီႈ ဢႃႇပြႁမ်ႇ လီလီငၢမ်းငၢမ်းႁႂ်ႈလႆႈပဵၼ်ပႃႇႁဵဝ်ႈ ဢၼ်မၼ်းထိူၵ်ႈပိူင်ႇၼၼ်ႉဢေႃႈ။