Chapter
၁၀
ၸိူဝ်ႉၶိူဝ်းဢမဵဝ်းၵူၼ်း
၁ ၸရၢင်းလုၵ်ႈၸၢႆး ၼုဝ်းဢႃႇ ဢၼ်ပဵၼ် သေႇမႁႃႇမ တင်း ယႃႇၽိတ်ႉ ၸိူဝ်းၼၼ်ႉၸမ်း၊ ဝၢႆးသေၼမ်ႉထုမ်ႈမိူင်းယဝ်ႉ ၶဝ်မီးလုၵ်ႈမီးလၢင်းမႃးဢေႃႈ။
၂ ၸိူဝ်ႉၶိူဝ်းယႃႇၽိတ်ႉ လုၵ်ႈၸၢႆး ယႃႇၽိတ်ႉ ၸမ်း၊ ပဵၼ် ၵေႃႇမ၊ မႃႇၵေႃႇၵ၊မႃႇတေႇ၊ယႃႇဝၢၼ်ႇ၊တုပလ၊မေႇသိၵ်ႉ တင်း တိရၢတ်ႉ ဢေႃႈ။
၃ လုၵ်ႈၸၢႆး ၵေႃႇမ ၸမ်း၊ ပဵၼ်ဢသၵေႇၼတ်ႉ၊ရိၽတ်ႉ တင်း တေႃႇၵႃႇမဢေႃႈ။
၄ လုၵ်ႈၸၢႆး ယႃႇဝၢၼ်ႇ သမ်ႉပဵၼ် ဢေႇလိသ၊ တႃႇ သု၊ ၵိတ်ႉတိမ်ႇ တင်း တေႃႇတၼိမ်ႇ ဢေႃႈ။
၅ ၶဝ်ၼၼ်ႉၼင်ႇၵၼ်ၵၼ် ၽႄၵူၼ်းၽႄမိူင်းမႅင်ႇၵၼ်လႄႈပဵၼ်မိူင်းၵူၼ်းၵူႈၸိူဝ်ႉၵူႈမဵဝ်း ၸွမ်းၼင်ႇ ၽႃႇသႃႇၵႂၢမ်းၽႂ်ၵႂၢမ်းမၼ်း၊ၸိူဝ်ႉၶိူဝ်းလႂ်ၸိူဝ်ႉၶိူဝ်းၼၼ်ႉဢေႃႈ။
ၸိူဝ်ႉၶိူဝ်းႁႃႇမ
၆ လုၵ်ႈၸၢႆး ႁႃႇမ ၸမ်း၊ပဵၼ် ၵုသ၊မိသရိမ်ႇ၊ ၽုတတင်း ၶႃႇၼၼ်ႇ ဢေႃႈ။လုၵ်ႈၸၢႆး ၵုသ ၸမ်း၊ပဵၼ်ၸေႇပ၊ ႁႃႇဝိလ၊သႃႇပတ၊ရႃႇမ တင်း သပ်ႉတေႇၶဢေႃႈ။
၇ လုၵ်ႈၸၢႆး ရႃႇမ ၸမ်း၊ပဵၼ် သေႇပ တင်းတေႇတၢၼ်ႇ ဢေႃႈ။ၵုသ သမ်ႉလႆႈလုၵ်ႈၸၢႆး ၼိမ်ႇရေႃႇတ ထႅင်ႈဢေႃႈ။
၈ မၼ်းပဵၼ်ၵေႃႉဢၼ်ႁႅင်းယႂ်ႇၼႃႇ ဢွၼ်တၢင်းပိူၼ်ႈ ၵႃႈၼိူဝ်လိၼ်မိူင်းဢေႃႈ။
၉ ပဵၼ်မူးသိူဝ်းဢၼ်ႁႅင်းယႂ်ႇၼႃႇၵႃႈတီႈၽၢႆႇၼႃႈ ထႃႇဝရႃႉၽြႃးဢေႃႈ။ပိူဝ်ႈၼႆလႄႈၸပ်းဝႆႉၼႂ်း ဢပုမ်ႇ ၵႂၢမ်းလႄႈဝႃႈၸမ်း၊-ၼိမ်ႇရေႃႇတ ပဵၼ်မူးသိူဝ်းဢၼ်ႁႅင်းယႂ်ႇၼႃႇၵႃႈတီႈ ၽၢႆႇၼႃႈထႃႇဝရႃႉၽြႃးဢေႃႈ၊ ဝႃႈၼင်ႇၼႆ ဢေႃႈ။
၁၀ မိူင်းမၼ်းဢၼ်ပဵၼ်ၵေႃႇၸႃႉႁူဝ်ပိုင်းၸမ်း၊ပဵၼ်ဝဵင်း ပႃႇပုလုၼ်ႇ၊ဝဵင်း ဢေႇရိၵ်ႉ၊ ဝဵင်း ဢၵ်ႉၵတ်ႉ၊ ဝဵင်းၵႃႇလၼေႇ ၵႃႈတီႈၼႂ်းမိူင်း သိၼႃႇ ၼၼ်ႉဢေႃႈ။
၁၁ မၼ်းလုၵ်ႉသေၵႃႈတီႈမိူင်းၼၼ်ႉၵွႃႇၵႃႈတီႈမိူင်း ဢႃႇသုရိ လႄႈတႄႇႁဵတ်းဝဵင်း ၼိၼေႇဝုၺ်ႇ၊ ဝဵင်းရႁေႃႇၽုတ်ႉ၊
၁၂ ဝဵင်း ၵႃႇလ၊ဢိၵ်ႇတင်းဝဵင်း ရေႇသိၼ်ႇ ဢၼ်မီးၵႃႈၼႂ်းၵႄႈဝူင်ႈၵၢင်ဝဵင်း ၼိၼေႇဝုၺ်ႇ တင်းဝဵင်း ၵႃႇလ လႄႈပဵၼ်ဝဵင်းဢၼ်ယႂ်ႇၼႃႇၼၼ်ႉဢေႃႈ။
၁၃ လုၵ်ႈၸၢႆး မိသရိမ်ႇ ၸမ်း၊ပဵၼ်ၵူၼ်း လုတိမ်ႇ၊ ၵူၼ်းဢႃႇၼမိမ်ႇ၊ ၵူၼ်းလႁႃႇပိမ်ႇ၊ ၵူၼ်းၼပ်ႉတုႁိမ်ႇ၊ ၵူၼ်းပႃႇသရုသိမ်ႇ၊ ၵူၼ်းၵႃႇသလုႁိမ်ႇ တင်းၵူၼ်း ၵပ်ႉ တေႃႇရိမ်ႇ ဢေႃႈ။
၁၄ ၵူၼ်း ၽိလိတ်ႉတိ ပဵၼ်မႃးၵႃႈၼႂ်းၵူၼ်း ၵႃႇသလုႁိမ်ႇ ၼၼ်ႉဢေႃႈ။
၁၅ ၶႃႇၼၼ်ႇ မီးလုၵ်ႈၸၢႆးတူၼ်း ၸိတုင်ႇ၊ သမ်ႉမီးႁေႇထ၊
၁၆ သမ်ႉမီးၵူၼ်း ယေႇပုသိ၊သမ်ႉမီးၵူၼ်း ဢႃႇမေႃႇရိ၊သမ်ႉမီးၵူၼ်း ၵိရၵႃႇသိ၊သမ်ႉမီးၵူၼ်း ႁိဝိ၊ သမ်ႉမီး ၵူၼ်း ဢႃႇၵိ၊
၁၇ သမ်ႉမီးၵူၼ်း သိၼိ၊သမ်ႉမီးၵူၼ်း ဢႃႇဝတိ၊သမ်ႉမီးၵူၼ်း ၸေႇမရိ၊ သမ်ႉမီးၵူၼ်း ႁႃႇမသိ ဢေႃႈ။
၁၈ လိုၼ်းၼၼ်ႉၸိူဝ်ႉၶိူဝ်း ၶႃႇၼၼ်ႇ ႁင်းၽႂ်ႁင်းမၼ်းၸွတ်ႇတူဝ်ၵွႃႇဢေႃႈ။
၁၉ လႅၼ်လိၼ်မိူင်းတီႈယူႇၸိူဝ်ႉၶိူဝ်း ၶႃႇၼၼ်ႇ ၼၼ်ႉလုၵ်ႉသေၵႃႈတီႈ ဝဵင်း ၸိတုင်ႇ ၸူးၵႃႈတီႈ ဝဵင်းၵေႇရႃႇတေႃႇထိုင်ႁွတ်ႈဝဵင်း ၵႃႇၸ လႄႈသမ်ႉလုၵ်ႉသေၵႃႈတီႈၼၼ်ႉၸူးၵႃႈတီႈဝဵင်းသေႃးတုင်ႇ၊ ဝဵင်းၵေႃးမေႃးရ၊ဝဵင်း ဢႃႇတမ၊ ဝဵင်း ၸေႇၽုဝ်ႇဢိမ်ႇ တေႃႇထိုင် ႁွတ်ႈဝဵင်း လႃႇသ ဢေႃႈ။
၂၀ ၶဝ်ၸိူဝ်းၼႆႉပဵၼ်လုၵ်ႈၸၢႆးႁႃႇမ၊ ဢၼ်ၸွမ်းၸိူဝ်ႉၶိူဝ်းၽႂ်ၸိူဝ်ႉၶိူဝ်းမၼ်း၊ၵႂၢမ်းၽႃႇသႃႇၽႂ်ၽႃႇသႃႇမၼ်းလႄႈ ယူႇၶေႃၶေႃၵႃႈၼႂ်းမိူင်းၽႂ်မိူင်းမၼ်းၼၼ်ႉဢေႃႈ။
ၸိူဝ်ႉၶိူဝ်းသေႇမ
၂၁ သေႇမ၊ ဢၼ်ပဵၼ်ၼွင်ႉၸၢႆး ယႃႇၽိတ်ႉ၊ ပေႃႈၵူၼ်းႁေႇပႄး တင်းသဵင်ႈတင်းလူင်ၼၼ်ႉၵေႃႈ၊ လႆႈလုၵ်ႈလၢင်းဢေႃႈ။
၂၂ လုၵ်ႈၸၢႆး သေႇမ ၸမ်း၊ပဵၼ် ဢေႇလမ်ႇဢႃႇသုရဢႃႇၽၵ်ႉၸတ်ႉ၊လုတ တင်း ဢႃႇရၢမ်ႇ ဢေႃႈ။
၂၃ လုၵ်ႈၸၢႆး ဢႃႇရၢမ်ႇ ၸမ်းပဵၼ် ဢုလႃႁုလ၊ ၵေႇသႃႇ တင်း မႃႇသ ဢေႃႈ။
၂၄ ဢႃႇၽၵ်ႉၸတ်ႉမီးလုၵ်ႈၸၢႆး သႃႇလ ဢေႃႈ။သႃႇလ ၼၼ်ႉမီးလုၵ်ႈ ၸၢႆး ႁေႇပ ဢေႃႈ။
၂၅ ႁေႇပ ၵေႃႈမီးလုၵ်ႈၸၢႆးသွင်ၵေႃႉဢေႃႈ။လုၵ်ႈၸၢႆးၵေႃႉၼိုင်ႈၸမ်း၊လႆႈၸိုဝ်ႈ ၽႃႇလိၵ်ႉ ဢေႃႈ။
၂၆ လွင်ႈမၼ်းၸမ်း ၶဝ်ၽႄလိၼ်မိူင်းမႅင်ႇၵၼ်ၼႂ်းၸူဝ်ႈပၢၼ်မၼ်းၼၼ်ႉဢေႃႈ။ၼွင်ႉၸၢႆးမၼ်းလႆႈ ၸိူဝ်ႈ ယွၵ်ႇတၼ်ႇ ဢေႃႈ။
၂၇ ယွၵ်ႇတၼ်ႇ မီးလုၵ်ႈၸၢႆးဢႃႇလမေႃႇတတ်ႉ၊ သေႇလပ်ႉ၊ႁႃႇၸႃႇမဝိတ်ႉ၊ယေႇရ၊
၂၈ ႁႃႇတေႃႇရမ်ႇ၊ ဢုၸလ၊ တိၵ်ႉလ၊ ဢေႃႇပလ၊ ဢပိမေႇလ၊ သေႇပ၊ ဢေႃႇၽိရ၊ ႁဝိလ၊ယေႃႇပတ် ဢေႃႈ။
၂၉ ၶဝ်ၸိူဝ်းၼႆႉတင်းသဵင်ႈတင်းလူင်ပဵၼ်လုၵ်ႈ ယွၵ်ႇတၼ်ႇ ဢေႃႈ။
၃၀ တီႈယူႇၶဝ်ၸမ်းမီးၸႃႉၸဵမ်ဝဵင်း မသေ တေႃႇထိုင်ႁွတ်ႈလွႆ သေႇၽ ၵႃႈတီႈၼႃႈဝၼ်းဢွၵ်ႇဢေႃႈ။
၃၁ ၶဝ်ၸိူဝ်းၼႆႉပဵၼ်လုၵ်ႈၸၢႆး သေႇမ ဢၼ်ၸွမ်းၸိူဝ်ႉၶိူဝ်းၽႂ်ၸိူဝ်ႉၶိူဝ်းမၼ်း ၵႂၢမ်းၽႃႇသႃႇၽႂ်ၽႃႇသႃႇမၼ်းလႄႈယူႇၶေႃၶေႃၵႃႈၼႂ်းမိူင်းၽႂ်မိူင်းမၼ်းၼၼ်ႉဢေႃႈ။
၃၂ ဢၼ်ၼႆႉၸမ်း ပဵၼ်ၸရၢင်းၸိူဝ်ႉၶိူဝ်းလုၵ်ႈၸၢႆးၼုဝ်းဢႃႇ ဢၼ်သိုပ်ႇတၢမ်ႈ ၸွမ်းလူၺ်ႈမဵဝ်းၶဝ် ႁင်းၽႂ်ႁင်းမၼ်းၼၼ်ႉဢေႃႈ။ဝၢႆးသေၼမ်ႉထုမ်ႈမိူင်းယဝ်ႉၶဝ်ၸိူဝ်းၼၼ်ႉတႄႇႁဵတ်းမိူင်းယူႇၶေႃၶေႃ ႁင်းၽႂ်ႁင်းမၼ်းၵႃႈၼိူဝ်လိၼ်မိူင်းဢေႃႈ။