Chapter
၈
ဢမိင်ႉၶုၼ်ႁေႃၶမ်းဢၼ်တၢင်တူဝ်ၵူၼ်းယုတ
၁ ၼႂ်းဝၼ်းၼၼ်ႉၵမ်းလဵဝ်ၶုၼ်ႁေႃၶမ်းဢႃႇသူၺ်ႇရုၼၼ်ႉဢဝ်ႁိူၼ်းႁႃႇမၼ်ႇဢၼ်ပဵၼ်ရၢၼ်ႇသူႇမဵဝ်းယုတၼၼ်ႉပၼ်တီႈၼၢင်းႁေႃၶမ်းဢေးသတႃႇသေဢေႃႈ။မေႃးတၵေႇၼၼ်ႉလႆႈၶဝ်ႈၸူးၵႃႈတီႈၶုၼ်ႁေႃၶမ်းၵွပ်ႈပိူဝ်ႈဢေးသတႃႇလဝ်ႈလၢတ်ႈလွင်ႈဢၼ်မၼ်းထုၵ်ႇပဵၼ်ၸိူဝ်ႉၼင်ႇႁိုဝ်ၼၼ်ႉဢေႃႈ။
၂ ၶုၼ်ႁေႃၶမ်းၵေႃႈထွတ်ႇဢဝ်လၢၵ်ႈၸွပ်ႇၸဝ်ႈဢၼ်ၼုၵ်ႈဢဝ်ၵႃႈတီႈမိုဝ်းႁႃႇမၼ်ႇၼၼ်ႉလႄႈပၼ်တီႈမေႃးတၵေႇသေဢေႃႈ။ဢေးသတႃႇၵေႃႈႁႂ်ႈမေႃးတၵေႇလႆႈပိူင်ႇဢဝ်ႁိူၼ်းႁႃႇမၼ်ႇၼၼ်ႉဢေႃႈ။
၃ လၢႆးသမ်ႉဢေးသတႃႇလဝ်ႈလၢတ်ႈတီႈၶုၼ်ႁေႃၶမ်းထႅင်ႈလႄႈၶုပ်ႉမူပ်ႇၵႃႈတီႈႁိမ်းတိၼ်မၼ်းယူႇ၊ၼမ်ႉတႃတူၵ်းယူႇသေလႄႈတွင်းပၢၼ်ႇႁႂ်ႈမၼ်းၸဝ်ႈပႄႇပႅတ်ႈဢပျႅတ်ႈဢၼ်ႁႃႇမၼ်ႇမဵဝ်းဢႃႇၵတ်ႉႁဵတ်းၼၼ်ႉဢိၵ်ႇတင်းတၢင်းၵျၢမ်ႇတၢင်းပွင်ဢၼ်မၼ်းၵျၢမ်ႇပွင်ယူႇၽၢႆႇၼိုင်ႈတင်းမဵဝ်းယုတၼၼ်ႉဢေႃႈ။
၄ မိူဝ်ႈၼၼ်ႉၶုၼ်ႁေႃၶမ်းဢဝ်ၵၼ်းႁွၵ်ႇရႃႇၸႃႉၶမ်းၸဝ်ႈယိုၼ်ႈပၼ်တီႈဢေးသတႃႇလႄႈဢေးသတႃႇလုၵ်ႉၸုၵ်းယူႇၵႃႈတီႈၽၢႆႇၼႃႈၶုၼ်ႁေႃၶမ်းလႄႈလဝ်လၢတ်ႈလႄႈဝႃႈ၊-
၅ ပေႃးၶႃႈၸဝ်ႈပဵၼ်တၢင်းဢၼ်ထုၵ်ႇၸႂ်ၸဝ်ႈၶုၼ်လူင်လႄႈၸဝ်ႈႁဝ်းမီးဢလူဝ်ႇၶႂ်ႈႁဵတ်းၵျေးၸူးတီႈၶႃႈၸဝ်ႈၸိုင်ၶႅၼ်းတေႃႈထၢပ်ႈလႄႈႁဵတ်းလိၵ်ႈႁဵတ်းလၢႆးဢၼ်တၵ်းပႄႇပႅတ်ႈလိၵ်ႈဢၼ်ႁႃႇမၼ်ႇလုၵ်ႈၸၢႆးႁမ်ႇမေႇတႃႇသမဵဝ်းဢႃႇၵတ်ႉတႅမ်ႈဝႆႉႁႂ်ႈလႆႈယႃႉၽဵဝ်ႈပဵတ်ႈၵူၼ်းမဵဝ်းယုတဢၼ်မီးၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၶုၼ်လူင်ၵူႈသိုင်ႇၵူႈမိူင်းၵူႈဢိူင်ႇၵူႈၵျၢပ်ႈၼၼ်ႉသေၵမ်းတီႈၶႃႈ။
၆ ၶႃႈၸဝ်ႈတၵ်းႁဵတ်းၸိုဝ်ႉၼင်ႇႁိုဝ်လႄႈတူၺ်းၽေးဢၼ်တၵ်းႁွတ်ႈထိုင်ၵႃႈၼိူဝ်မဵဝ်းၸိူဝ်ႉၶိူဝ်းၶႃႈၸဝ်ႈၼၼ်ႉလႆႈၶႃႈ။ၶႃႈၸဝ်ႈတၵ်းတူၺ်းလႆႈတၢင်းဢၼ်ၵူၼ်းမဵဝ်းၸိူဝ်ႉၶိူဝ်းၶႃႈၸဝ်ႈလူႉလႅဝ်ၼၼ်ႉတီႈၶႃႈ၊ဝႃႈၼင်ႇၼႆဢေႃႈ။
၇ ၶုၼ်ႁေႃၶမ်းဢႃႇသူၺ်ႇရုၵေႃႈမီးဢမိင်ႉတီႈၼၢင်းႁေႃၶမ်းဢေးသတႃႇဢိၵ်ႇတင်းမေႃးတၵေႇၵူၼ်းယုတၼၼ်ႉလႄႈဝႃႈ၊-ၵွပ်ႈပိူဝ်ႈႁႃႇမၼ်ႇႁဵတ်းဢၼ်ဢမ်ႇလီတေႃႇၵူၼ်းယုတလႄႈၵဝ်ဢဝ်ႁိူၼ်းႁႃႇမၼ်ႇပၼ်တီႈၼၢင်းႁေႃၶမ်းဢေးသတႃႇယဝ်ႉ။တူဝ်မၼ်းၵေႃႈၶဝ်ဢွၼ်ၵၼ်ဢဝ်မတ်ႉႁွႆႈၵႅၼ်ႈၶေႃးတူၵ်းတၢႆၵႃႈၼိူဝ်သဝ်ဢၼ်မတ်ႉႁွႆႈၵႅၼ်ႈၶေႃးၼၼ်ႉယဝ်ႉ။
၈ သမ်ႉၶိုၼ်းတႅမ်ႈလိၵ်ႈဢမိင်ႉၸဝ်ႈပုၼ်ႈၵူၼ်းယုတတင်းလၢႆၸွမ်းၵႃႈၼင်ႇဢၼ်ၸႂ်သူမီးၼၼ်ႉသေလႄႈဢဝ်လၢၵ်ႈၸွပ်ႇၶုၼ်ႁေႃၶမ်းတွၵ်ႇတၼ်းသိၵ်ႈတႃႉ။လွင်ႈမၼ်းၸမ်းၽူႈလႂ်သေၵေႃႉသေၵူၼ်းတၵ်းဢမ်ႇလႆႈၶိုၼ်းၼုၵ်ႈၶိုၼ်းထွၼ်ပႅတ်ႈလိၵ်ႈဢမိင်ႉၶုၼ်ႁေႃၶမ်းဢၼ်ဢဝ်လၢၵ်ႈၸွပ်ႇၶုၼ်ႁေႃၶမ်းတွၵ်ႇတၼ်းသိၵ်ႈယဝ်ႉၼၼ်ႉ၊ဝႃႈၼင်ႇၼႆဢေႃႈ။
၉ မိူဝ်ႈၼၼ်ႉၼႂ်းလိူၼ်တတိယဢၼ်လႆႈၸိုဝ်ၸိဝၼ်ႇသၢဝ်းသၢမ်ဝၼ်းၼၼ်ႉၶဝ်ႁွင်ႉဢဝ်ၸရေးလူင်ၶုၼ်ႁေႃၶမ်းတင်းလၢႆလႄႈတႅမ်ႈၸွမ်းၵႃႈၼင်ႇဢၼ်မေႃးတၵေႇၸီႇယၢင်ႇသင်ႇလၢတ်ႈၼၼ်ႉတီႈၵူၼ်းယုတလႂ်ၸဝႃ်ႈႉလႂ်၊မဵဝ်ႉဝုၼ်ႇဢိၵ်ႇတင်းၶုၼ်ဢၼ်ဢုပ်ႉၵႃႈၼိူဝ်သိုင်ႇၸိုင်ႈဝၢၼ်ႈမိူင်းၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈလႂ်ဢၼ်မီးယူႇၵႃႈတီႈမိူင်းပၢၵ်ႇသၢဝ်းပၢႆၸဵတ်းမိူင်းဢဝ်ၵႃႈတီႈမိူင်းဢိၼ်ႇတျႃႉတေႃႇထိုင်ႁွတ်ႈမိူင်းၵုသၸိူဝ်းၼၼ်ႉဢိၵ်ႇတင်းတီႈသိုင်ႇၸိုင်ႈဝၢၼ်ႈမိူင်းၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈၸွမ်းလူၺ်ႈလိၵ်ႈၽႃႇသႃႇၽႂ်လိၵ်ႈၽႃႇသႃႇမၼ်းဢိၵ်ႇတင်းၵူၼ်းၵူႈၸိူဝ်ႉၵူႈမဵဝ်းၸွမ်းလူၺ်ႈၵႂၢမ်းၽႃႇသႃႇၽႂ်ၵႂၢမ်းၽႃႇသႃႇမၼ်းဢိၵ်ႇတင်းတီႈၵူၼ်းမဵဝ်းယုတတင်းလၢႆၸွမ်းလူၺ်ႈလိၵ်ႈၽႃႇသႃႇၶဝ်ၵႂၢမ်းၽႃႇသႃႇၶဝ်ၼၼ်ႉဢေႃႈ။
၁၀ မၼ်းဢဝ်ၸိုဝ်သဵင်ၶုၼ်ႁေႃၶမ်းဢႃႇသူၺ်ႇရုတႅမ်ႈလိၵ်ႈဢမိင်ႉၸဝ်ႈၼၼ်ႉသေလႄႈဢဝ်လၢၵ်ႈၸွပ်ႇၶုၼ်ႁေႃၶမ်းတွၵ်ႇတၼ်းသိၵ်ႈသေယဝ်ႉပွႆႇၸႂ်ႉၵူၼ်းဢွၼ်ႇဢၼ်သူင်ႇလိၵ်ႈတင်းလၢႆပႃးဢဝ်လိၵ်ႈၸိူဝ်းၼၼ်ႉသေလႄႈၶီႇမႃႉ၊လေႃႉ၊ၵလႃႈဢုၵ်ႉၸိူဝ်းၼၼ်ႉၵႂႃႇၶၼ်ၶၼ်ၽႂ်းၽႂ်းဢေႃႈ။
၁၁ လိၵ်ႈဢမိင်ႉၸဝ်ႈၼၼ်ႉမီးဝႆႉဝႃႈ၊ၶုၼ်ႁေႃၶမ်းပၼ်ဢၶႂၢင်ႉတီႈၵူၼ်းယုတဢၼ်မီးယူႇၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၵူႈဝၢၼ်ႈၵူႈဝဵင်းၸိူဝ်းၼၼ်ႉႁႂ်ႈၶဝ်လႆႈၸူႉၵၼ်တုမ်သေလႄႈပႂ်ႉဢသၢၵ်ႈၶဝ်၊ႁႂ်ႈၶဝ်လႆႈၶႃႈၽၼ်းဢဝ်တၢႆပႄႇၽဵဝ်ႈပႅတ်ႈႁူဝ်ႁၢၼ်ၵူၼ်းသိုၵ်းၵူၼ်းဝၢၼ်ႈၵူၼ်းမိူင်းဢိူင်ႇလႂ်ၵျၢၵ်ႈလႂ်သေဢမ်ႇဝႃႈဢၼ်မႃးတိုၵ်းမႃးယႃႉၶဝ်၊မႃးယႃႉမႃးၵဝ်းလုၵ်ႈဢွၼ်ႇၶဝ်မေႈယိင်းၶဝ်ၸိူဝ်းၼၼ်ႉဢေႃႈ။ယင်းပၼ်ဢၶႂင်ႉႁႂ်ႈလႆႈသိမ်းဢဝ်ဢုၵ်ႉၸႃႇၶဝ်ၸိူဝ်းၼၼ်ႉဢေႃႈ။
၁၂ ဝၼ်းဢၼ်ၶုၼ်ႁေႃၶမ်းပၼ်ဢမိင်ႉၼၼ်ႉၸမ်းပဵၼ်ၼႂ်းလိူၼ်တႂႃႇတသမဢၼ်လႆႈၸိုဝ်ႈဢႃႇတႃႇသိပ်းသၢမ်ဝၼ်းၼၼ်ႉဢေႃႈ။
၁၃ လိၵ်ႈဢမိင်ႉၸဝ်ႈဢၼ်လႆႈမွၵ်ႇလၢတ်ႈၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈၼၼ်ႉလႆႈၵျေႃႇၺႃႇတီႈၵူၼ်းၵူႈၸိူဝ်ႉၵူႈမဵဝ်းႁႂ်ႈၵူၼ်းယုတတင်းလၢႆမႄးႁႅၼ်းမီးဝႆႉထႃႈပုၼ်ႈဝၼ်းၼၼ်ႉႁႂ်ႈလႆႈၶိုၼ်းတွပ်ႇတီႈရၢၼ်ႇသူႇၶဝ်ၼၼ်ႉဢေႃႈ။ၼင်ႇၼၼ်လႄႈၵူၼ်းဢွၼ်ႇဢၼ်သူင်ႇလိၵ်ႈလႄႈၶီႇလေႃႉၵလႃႈဢုၵ်ႉၸိူဝ်းၼၼ်ႉဢွၼ်ၵၼ်ဢွၵ်ႇၵႂႃႇၸွမ်းၵႃႈၼင်ႇဢၼ်ဢမိင်ႉၶုၼ်ႁေႃၶမ်းႁိပ်ႈၼႅတ်ႈၼႃႇလူင်လၢင်လႄႈႁႂ်ႈၵႂႃႇၶၼ်ၶၼ်ၽႂ်းၽႂ်းၼၼ်ႉလႄႈဢမိင်ႉၸဝ်ႈၼၼ်ႉသႃႈၸွတ်ႇၵႂႃႇၵႃႈၼႂ်းႁေႃၶမ်းသုသၼ်ႇၼၼ်ႉဢေႃႈ။
၁၅ မေႃးတၵေႇၼၼ်ႉၼုင်ႈမႆႊၶူဝ်းၼုင်ႈတၢင်းမႆႊၶုၼ်ႁေႃ
ၶမ်းဢၼ်ဝႃႈၶူဝ်းၼုင်ႈဢၼ်ၽိူၵ်ႇဢၼ်သွမ်ႇၼၼ်ႉယူႇ၊တိုဝ်းသရၽူႇၶမ်းဢၼ်ယႂ်ႇၼႃႇယူႇ၊ၼုင်ႈမႆႊသိူဝ်ႈယၢဝ်းဢၼ်ဢဝ်ပိၵ်ႈၶျေႃးတင်းၶူဝ်းဢၼ်လႅင်ႊၵမ်ႇႁဵတ်းၼၼ်ႉယူႇသေလႄႈဢွၵ်ႇသေၵႃႈတီႈၽၢႆႇၼႃႈၶုၼ်ႁေႃၶမ်းၵႂႃႇဢေႃႈ။ဝဵင်းသုသၼ်ႇၼၼ်ႉပဵၼ်သဵင်ဢၼ်ႁူၼ်ႈဢၼ်မေႃးလႄႈမီးတၢင်းဢၼ်ၸူမ်းဢၼ်သိူဝ်းဢေႃႈ။
၁၆ ၵူၼ်းယုတတင်းလၢႆၵေႃႈလႆႈတၢင်းဢၼ်ပၢၵ်ႇၸႂ်လႅင်းၸႂ်၊တၢင်းဢၼ်ၸူမ်းၸႂ်သိူဝ်းၸႂ်လႄႈမီးတၢင်းဢၼ်မူၼ်ႈၸႂ်ပျေႃႇၸႂ်၊တၢင်းဢၼ်မီးမူၼ်ႈသရေႇမႃးဢေႃႈ။
၁၇ ၵႃႈၼႂ်းၵႃႈပဵၼ်ၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈၵူႈဝၢၼ်ႈၵူႈဝဵင်းဢၼ်လိၵ်ႉဢမိင်ႉၸဝ်ႈႁွတ်ႈထိုင်ၼၼ်ႉၵေႃႈၵူၼ်းယုတတင်းလၢႆမီးတၢင်းဢၼ်ၸူမ်းၸႂ်သိူဝ်းၸႂ်၊တၢင်းဢၼ်မူၼ်ႈၸႂ်ပျေႃႇၸႂ်၊တၢင်းဢၼ်ၶၢမ်ႇပွႆး၊တၢင်းဢၼ်ပႂ်ႉဝၼ်းမၢင်ႇၵလႃႇလႄႈၵူၼ်းဝၢၼ်ႈၵူၼ်းမိူင်းတင်းလၢႆဢွၼ်ၵၼ်ၶဝ်ႈၼႂ်းၽႃႇသႃႇယုတၼမ်ၼႃႇၵွပ်ႈပိူဝ်ႈဢၼ်ၶဝ်ၵူဝ်ႁႄၵူၼ်းယုတၼၼ်ႉဢေႃႈ။