Chapter
၇
ႁႃႇမၼ်ႇလႆႈၶၢမ်ႇတၢင်းဢၼ်ဢဝ်တၢႆ
၁ ၼင်ႇၼၼ်လႄႈၶုၼ်ႁေႃၶမ်းဢိၵ်ႇတင်းႁႃႇမၼ်ႇဢွၼ်ၵၼ်မႃႈႁႂ်ႈလႆႈသူတ်ႉလႆႈၵိၼ်ၼမ်ႉၸပိတ်ႉလူၺ်ႈၵၼ်တင်းၼၢင်းႁေႃၶမ်းဢေးသတႃႇဢေႃႈ။ၶုၼ်ႁေႃၶမ်းမီးဢမိင်ႉတီႈဢေးသတႃႇၵႃႈၼႂ်းပွႆးၼမ်ႉၸပိတ်ႉၼၼ်ႉၼႂ်းဝၼ်းတုတိယၼၼ်ႉလႄႈဝႃႈ၊-
၂ ၼၢင်းႁေႃၶမ်းဢေးသတႃႇဢိူၺ်း။မႂ်းမီးဢလူဝ်ႇၶႂ်ႈလႆႈၵႃႈသင်။ၵဝ်တၵ်းပၼ်ၵႃႈဢၼ်မႂ်းမီးဢလူဝ်ႇၶႂ်ႈလႆႈၼၼ်ႉဢေႃႈ။မႂ်းၶႂ်ႈယွၼ်းဢဝ်သူးလၢပ်ႈၵႃႈသင်။ၵဝ်တၵ်းပၼ်ၵႃႈဢၼ်မႂ်းယွၼ်းဢဝ်ၼၼ်ႉတေႃႇႁွတ်ႈသိုင်ႇၸိုင်ႈဝၢၼ်ႈမိူင်းၸဝ်ႈၽၢၵ်ႇၼိုင်ႈဢေႃႈ၊ဝႃႈၼင်ႇၼႆဢေႃႈ။
၃ ၼၢင်းႁေႃၶမ်းဢေးသတႃႇၶိုၼ်းလၢတ်ႈလႄႈဝႃႈ၊-ၸဝ်ႈၶုၼ်လူင်တီႈၶႃႈ။ပေႃးၶႃႈၸဝ်ႈထုၵ်ႇၸႂ်မႅၼ်ႈၸႂ်ၸဝ်ႈႁဝ်းလႄႈပေႃးၸဝ်ႈႁဝ်းမီးဢလူဝ်ႇၸိုင်ၶႅၼ်းတေႃႈပၼ်ဢသၢၵ်ႈၶႃႈၸဝ်ႈၵတ်းယဵၼ်ၶျၢမ်းသႃႇၸွမ်းၵႃႈၼင်ႇဢၼ်ၶႃႈၸဝ်ႈမီးဢလူဝ်ႇၶႂ်ႈလႆႈၼၼ်ႉဢိၵ်ႇတင်းႁႂ်ႈဢသၢၵ်ႈမဵဝ်းၸိူဝ်ႉၶိူဝ်းၶႃႈၸဝ်ႈၵတ်းယဵၼ်ၶျၢမ်းသႃႇၸွမ်းၵႃႈၼင်ႇဢၼ်ၶႃႈၸဝ်ႈတွင်းပၢၼ်ႇၼၼ်ႉသေၵမ်းတီႈၶႃႈ။
၄ ပိူၼ်ႈၶႃႉပိူၼ်ႈၶၢႆႁႂ်ႈၶႃႈၸဝ်ႈဢိၵ်ႇတင်းမဵဝ်းၸိူဝ်ႉၶိူဝ်းၶႃႈၸဝ်ႈလႆႈၶၢမ်ႇတၢင်းဢၼ်ၶႃႈၽၼ်းဢဝ်တၢႆပႄႇၽဵဝ်ႈပႅတ်ႈတီႈၶႃႈယဝ်ႉ။သင်ဝႃႈႁဝ်းၶႃႈလႆႈၶၢမ်ႇတၢင်းဢၼ်ၶၢႆလႄႈပဵၼ်ၶႃႈမေႈယိင်း၊ၶႃႈၵူၼ်းၸၢႆးၸိုင်ႁဝ်းၶႃႈတၵ်းယူႇတဵတ်ႇတဵတ်ႇယဵၼ်ယဵၼ်လႄႈဢမ်ႇတၵ်းသဵင်သင်လႄႈဢမ်ႇႁႂ်ႈလႆႈယႃႉၵဝ်ၸဝ်ႈၶုၼ်လူင်တီႈၶႃႈ၊ဝႃႈၼင်ႇၼႆဢေႃႈ။
၅ မိူဝ်ႈၼၼ်ႉၶုၼ်ႁေႃၶမ်းဢႃႇသူၺ်ႇရုထၢမ်တီႈၼၢင်းႁေႃၶမ်းဢေးသတႃႇလႄႈဝႃႈ၊-ၵေႃႉဢၼ်ၵျၢမ်ႇပွင်တၵ်းႁဵတ်းၸိူဝ်ႉၼင်ႇၼၼ်ၼၼ်ႉပဵၼ်ၽူႈလႂ်၊မီးတီႈလႂ်၊ဝႃႈၼင်ႇၼႆလႄႈဢေးသတႃႇၵေႃႈလဝ်ႈလၢတ်ႈလႄႈဝႃႈ၊-ရၢၼ်ႇသူႇဢၼ်ႁဵတ်းတၢင်းၽိတ်းၼၼ်ႉပဵၼ်ႁႃႇမၼ်ႇဢၼ်ႁၢႆႉယုတ်ႈၼႆႉတီႈၶႃႈဢေႃႈ။
၆ မိူဝ်ႈဢၼ်ဝႃႈၼင်ႇၼႆၸိုင်ႁႃႇမၼ်ႇၼၼ်ႉငိၼ်းၵူဝ်ငိၼ်းႁႄၵႃႈတီႈၽၢႆႇၼႃႈၶုၼ်ႁေႃၶမ်းဢိၵ်ႇတင်းၼၢင်းႁေႃၶမ်းၼၼ်ႉဢေႃႈ။
၇ မိူဝ်ႈၼၼ်ႉၶုၼ်ႁေႃၶမ်းမီးတၢင်းဢၼ်ၸႂ်မႆႈၶႆႈၸႃႉၼႃႇလႄႈလုၵ်ႉသေၵႃႈတီႈပွႆးၼမ်ႉၸပိတ်ႉၼၼ်ႉၶဝ်ႈၵႂႃႇၵႃႈၼႂ်းသူၼ်ဢူးယဵၼ်ႇၸဝ်ႈၵမ်းလဵဝ်ဢေႃႈ။ႁႃႇမၼ်ႇႁူႉသၢႆငၢႆလွင်ႈဢၼ်ၶုၼ်ႁေႃၶမ်းတၵ်းပၼ်ဢပျႅတ်ႈတီႈမၼ်းၼၼ်ႉလႄႈမၼ်းလုၵ်ႉၸုၵ်းႁႂ်ႈလႆႈႁဵတ်းတၢင်းဢၼ်တွင်းပၢၼ်ႇယွၼ်းဢၶႂၢင်ႉတီႈၼၢင်းႁေႃၶမ်းဢေးသတႃႇႁႂ်ႈဢသၢၵ်ႈမၼ်းလႆႈၵတ်းယဵၼ်ၶျၢမ်းသႃႇဢေႃႈ။
၈ ၶုၼ်ႁေႃၶမ်းသမ်ႉလုၵ်ႉသေၵႃႈတီႈသူၼ်ဢူးယဵၼ်ႇႁေႃၸဝ်ႈၶိုၼ်းၶဝ်ႈၸူးၵႃႈတီႈပွႆးၼမ်ႉၸပိတ်ႉၼၼ်ႉထႅင်ႈလႄႈႁၼ်ႁႃႇမၼ်ႇၶုပ်ႉမူပ်ႇယူႇၵႃႈၼိူဝ်ၵူႇငိူၵ်ႈတီႈဢၼ်ဢေးသတႃႇၼင်ႈယူႇၼၼ်ႉလႄႈၶုၼ်ႁေႃၶမ်းမီးဢမိင်ႉလႄႈဝႃႈ၊-ၵေႃႉၼႆႉတၵ်းလႆႈႁဵတ်းဢႃႉထမ်ႇမႃႉတီႈၼၢင်းႁေႃၶမ်းၵႃႈတီႈၽၢႆႇၼႃႈၵဝ်ၵႃႈၼႂ်းႁေႃၸဝ်ႈၼႆႉႁိုဝ်၊ဝႃႈၼင်ႇၼႆသေယဝ်ႉမိူဝ်ႈဢၼ်ယင်းတိုၵ်ႉမီးဢမိင်ႉၸိူဝ်ႉၼင်ႇၼႆယူႇၼၼ်ႉၸိုင်ၶဝ်ဢွၼ်ၵၼ်ႁူမ်ႇသုမ်ႇၼႃႈႁႃႇမၼ်ႇဢေႃႈ။
၉ မိူဝ်ႈၼၼ်ႉႁႃႇပေႃႇၼဢၼ်ပဵၼ်ၵူၼ်းထိင်းၼၢင်းဢၼ်မီးၵႃႈတီႈၽၢႆႇၼႃႈၶုၼ်ႁေႃၶမ်းၼၼ်ႉလဝ်ႈလၢတ်ႈလႄႈဝႃႈ၊-တူၺ်းတီႈၶႃႈလူ။သဝ်ဢၼ်မတ်ႉႁွႆႈၵႅၼ်ႈၶေႃးတူၵ်းဢၼ်သုင်ႁႃႈသိပ်းသွၵ်ႇဢၼ်ႁႃႇမၼ်ႇႁဵတ်းဝႆႉပုၼ်ႈဢၼ်တၵ်းၶႅၼ်ၶေႃးမေႃးတၵေႇဢၼ်ပႂ်ႉဢၵျူဝ်းၸဝ်ႈၶုၼ်လူင်သေလႄႈလဝ်ႈလၢတ်ႈၼၼ်ႉပၵ်းဝႆႉမီးယူႇၵႃႈတီႈႁိူၼ်းႁႃႇမၼ်ႇၼၼ်ႉတီႈၶႃႈဢေႃႈ၊ဝႃႈၼင်ႇၼႆသေယဝ်ႉၶုၼ်ႁေႃၶမ်းမီးဢမိင်ႉလႄႈဝႃႈ၊-ဢဝ်မၼ်းၵႂႃႇမတ်ႉႁွႆႈၵႅၼ်ႈၶေႃးတူၵ်းတၢႆသေၵႃႈတီႈၼၼ်ႉတႃႉ၊ဝႃႈၼင်ႇၼႆဢေႃႈ။
၁၀ ၼင်ႇၼၼ်လႄႈၶဝ်ဢွၼ်ၵၼ်ဢဝ်ႁႃႇမၼ်ႇမတ်ႉႁွႆႈၵႅၼ်ႈၶေႃးတူၵ်းတၢႆၵႃႈတီႈသဝ်ဢၼ်မတ်ႉႁွႆႈၵႅၼ်ႈၶေႃးဢၼ်မၼ်းႁဵတ်းဝႆႉႁႅၼ်းဝႆႉပုၼ်ႈမေႃးတၵေႇၼၼ်ႉဢေႃႈ။တၢင်းၸႂ်မႆႈၶႆႈၸႃႉၶုၼ်ႁေႃၶမ်းထၢတ်ႇၵႂႃႇယဵၼ်ၵႂႃႇသေဢေႃႈ။