၇
ၺၢၼ်ႇ
၁ သရေႇဢၼ်လီၼၼ်ႉယိင်ႈၶႅၼ်းလီၼႃႇသေၼမ်ႉမၼ်းၼၢမ်ႇသႃႇဢေႃႈ။မိုဝ်ႉဝၼ်းဢၼ်လႆႈတၢႆၵေႃႈယိင်ႈၶႅၼ်းလီၼႃႇသေဝၼ်းဢၼ်ၵိူတ်ႇလဵင်ႉမႃးၼၼ်ႉဢေႃႈ။
၂ တၢင်းဢၼ်ၵႂႃႇၵႃႈတီႈႁိူၼ်းမႃႇသႃႇၼၼ်ႉယိင်ႈၶႅၼ်းလီၼႃႇသေတၢင်းဢၼ်ၵႂႃႇၵႃႈတီႈႁိူၼ်းဢၼ်ၶၢမ်ႇပွႆးၼၼ်ႉဢေႃႈ။လွင်ႈမၼ်းၸမ်းဢၼ်ၼၼ်ႉပဵၼ်တီႈသုတ်းတီႈၵွႆၵူၼ်းတင်းသဵင်ႈတင်းလူင်လႄႈၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉတၵ်းဢွၼ်ၵၼ်ဢဝ်သႂၢင်းသႂ်ႇၵႃႈၼႂ်းႁူဝ်ၸႂ်ဢေႃႈ။
၃ တၢင်းဢၼ်မႆႈၸႂ်ယိင်ႈၶႅၼ်းလီၼႃႇသေတၢင်းဢၼ်ယုမ်ႉၶူဝ်ဢေႃႈ။လွင်ႈမၼ်းၸမ်းၼႃႈဢၼ်ႁဵဝ်ႇၸွပ်ႈၼၼ်ႉပဵၼ်ဢၼ်လီပုၼ်ႈႁူဝ်ၸႂ်ဢေႃႈ။
၄ ႁူဝ်ၸႂ်ၶဝ်ၸိူဝ်းဢၼ်မီးၺၢၼ်ႇၼၼ်ႉမီးၵႃႈတီႈႁိူၼ်းမႃႇသႃႇလႄႈႁူဝ်ၸႂ်ၶဝ်ၸိူဝ်းဢၼ်မိူၵ်ႈၼၼ်ႉၸမ်းမီးၵႃႈတီႈႁိူၼ်းတီႈဢၼ်ႁဵတ်းတၢင်းဢၼ်မူၼ်ႈသိူဝ်းၼၼ်ႉဢေႃႈ။
၅ တၢင်းဢၼ်ထွမ်ႇငိၼ်းၵႂၢမ်းၵေႃႉဢၼ်မီးၺၢၼ်ႇသင်ႇသွၼ်သုင်းမႃႉပၼ်ၼၼ်ႉယိင်ႈၶႅၼ်းလီၼႃႇသေတၢင်းဢၼ်ထွမ်ႇငိၼ်းၵႂၢမ်းဢၼ်ၵူၼ်းမိူၵ်ႈႁွင်ႉၵႂၢမ်းၼၼ်ႉဢေႃႈ။
၆ လွင်ႈမၼ်းၸမ်းတၢင်းဢၼ်ယုမ်ႉၶူဝ်ၵူၼ်းမိူၵ်ႈၼၼ်ႉမိူၼ်ၸိူဝ်ႉၼင်ႇသဵင်ဢၼႆ်းမႆႈတူၼ်ႈၼၢမ်ယူႇၵႃႈတီႈတႂ်ႈမေႃႈၼၼ်ႉဢေႃႈ။လွင်ႈတၢင်းၼၼ်ႉၵေႃႈပဵၼ်ဢႃႉၼတ်ႉတႃႉဢေႃႈ။
၇ တၢင်းဢၼ်ၼိၵ်ႈၸၢင်ႊငႅၼ်းသေးၼၼ်ႉၸၢင်ႊႁဵတ်းႁႂ်ႈၵေႃႉဢၼ်မီးၺၢၼ်ႇၼၼ်ႉယွင်ႇၵႂႃႇလႄႈလၢၵ်ႈသွင်ႇတၼ်းသူဝ်းၵေႃႈၸၢင်ႊႁဵတ်းႁႂ်ႈႁူဝ်ၸႂ်လုတ်ႈႁၢမ်းဢေႃႈ။တီႈသုတ်ႈတီႈၵွႆၼၼ်ႉယိင်ႈၶႅၼ်းလီၼႃႇသမေိုဝ်းၸင်ႇၸႃႉႁဵတ်းဢေႃႈ။
၈ သၽေႃးတၢင်းဢၼ်ၸၢင်ႊယိူၼ်ႉၶၢမ်ႇၼၼ်ႉယိင်ႈၶႅၼ်းလီၼႃႇသသေၽေႃးဢၼ်မႃႇၼႃႉယႂ်ႇဢေႃႈ။ယႃႇပေၸႂ်ပွတ်းတေႃႇထိုင်ႁွတ်ႈထၼ်ႈပေႃးတၢင်းၸႂ်မႆႈၶႆႈၸႃႉဢွၵ်ႇ။
၉ တၢင်းၸႂ်မႆႈၶႆႈၸႃႉၼၼ်ႉၸၢင်ႊတူၵ်းတီႈတူၵ်းလႅၼ်ယူႇၵႃႈတီႈႁူဝ်ၸႂ်ၵေႃႉဢၼ်မိူၵ်ႈဢေႃႈ။ယႃႇပထေၢမ်လႄႈဝႃႈ၊-ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၶိင်ႇၵႃႇလႃႉမိူဝ်ႈၵွၼ်ႇဢွၼ်ၼႆႉၼၼ်ႉယိင်ႈၶႅၼ်းလီလိူဝ်တွၼ်းၼႃႇသေၶိင်ႇၵႃႇလႃႉမိူဝ်ႈလဵဝ်ၼႆႉ၊ဝႃႈၼင်ႇၼႆၼၼ်ႉ။
၁၀ လွင်ႈမၼ်းၸမ်းတၢင်းဢၼ်ထၢမ်ၸိူဝ်ႉၼင်ႇၼၼ်ၼၼ်ႉပဵၼ်တၢင်းဢၼ်ထၢမ်ၸွမ်းၼင်ႇၺၢၼ်ႇဢမ်ႇၸႂ်ႈ။
၁၁ ၺၢၼ်ႇၸိုင်ၸၢင်ႊလီမိူၼ်ၸိူဝ်ႉၼင်ႇဢမူၺ်ႇဢုၵ်ႉၸႃႇလႄႈႁဵတ်းၵျေးၸူးတီႈၶဝ်ၸိူဝ်းဢၼ်ႁၼ်ၵၢင်ဝၼ်း၁၂ ၼၼ်ႉဢေႃႈ။
၁၂ လွင်ႈမၼ်းၸမ်းၺၢၼ်ႇၸၢင်ႊႁႄႉၸၢင်ႊ
ၵင်ႈမိူၼ်ၸိူဝ်ႉၼင်ႇငိုၼ်းၸၢင်ႊႁႄႉၸၢင်ႊၵင်ႈၼၼ်ႉဢေႃႈ။ဢတၢတ်ႈတၢင်းႁူႉတၢင်းၸၢင်ႊပဵၼ်ဢၼ်မျၢတ်ႈၸိူဝ်ႉၼင်ႇႁိုဝ်ဝႃႈၼႆၸမ်းၺၢၼ်ႇၸၢင်ႊပႂ်ႉဢသၢၵ်ႈၵေႃႉဢၼ်လႆႈမၼ်းၼၼ်ႉယူႇဢေႃႈ။
၁၃ ၶႆႈၸႂ်ဝူၼ်ႉၸႂ်လူၺ်ႈလွင်ႈတၢင်းဢၼ်ၽြႃးပဵၼ်ၸဝ်ႈႁဵတ်းၼၼ်ႉတႃႉ။လွင်ႈတၢင်းဢၼ်မၼ်းၸဝ်ႈႁႂ်ႈၵူတ်ႉၼၼ်ႉၸိုင်ၽူႈလႂ်ႁဵတ်းႁႂ်ႈသိုဝ်ႈလႆႈ။
၁၄ မီးတၢင်းဢၼ်ၸူမ်းသိူဝ်းၼႂ်းမိုဝ်ႉဝၼ်းဢၼ်လႆႈလီလႆႈပဵၼ်ၼၼ်ႉတႃႉ။ၶႆႈၸႂ်ဝူၼ်ႉၸႂ်ၼႂ်းမိုဝ်ႉဝၼ်းဢၼ်လႆႈၶၢမ်ႇတုၵ်ႉၶႃႉတၢင်းၽၢၼ်ၼၼ်ႉတႃႉ။လွင်ႈၼင်ႇႁိုဝ်ၵူၼ်းတၵ်းဢမ်ႇလႆႈႁူႉလွင်ႈတၢင်းဢၼ်တၵ်းပဵၼ်မႃးမိူဝ်ႈၵမ်းလိုၼ်းမၼ်းၼၼ်ႉၸိုင်ၽြႃးပဵၼ်ၸဝ်ႈပၼ်သွင်ၸိူဝ်ႉသွင်ပိူင်ပဵၼ်လႄႉပဵၼ်ၵမ်းဢေႃႈ။
၁၅ လွင်ႈတၢင်းၵူႈၸိူဝ်ႉၵူႈပိူင်ဢၼ်ၵဝ်လႆႈထူပ်းႁၼ်ၼႂ်းမိူဝ်ႈဢၼ်ၵဝ်ယူႇလၢႆလၢႆလွၵ်ႇလွၵ်ႇၼၼ်ႉၸမ်းမီးၵေႃႉဢၼ်သိုဝ်ႈတေႃႇဢၼ်သုမ်းၸွမ်းၼႂ်းတၢင်းဢၼ်မၼ်းသိုဝ်ႈတေႃႇၼၼ်ႉဢေႃႈ။ၵေႃႉဢၼ်ႁၢႆႉဢၼ်ယုတ်ႈဢၼ်ဢသၢၵ်ႈယၢဝ်းယိုၼ်းယူႇၼႂ်းတၢင်းဢၼ်မၼ်းႁၢႆႉမိူၵ်ႈၼၼ်ႉၵေႃႈမီးဢေႃႈ။
၁၆ ယႃႇပေသိုဝ်ႈတေႃႇပူၼ်ႉလိူဝ်ၼႃႇလူင်လၢင်။ယႃႇပမေီးၺၢၼ်ႇပူၼ်ႉလိူဝ်ၼႃႇလူင်လၢင်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းၶႂ်ႈယႃႉဢၵျူဝ်းတူဝ်ၸဝ်ႈၵဝ်ႇ။
၁၇ ယႃႇပေႁၢႆႉယုတ်ႈပူၼ်ႉလိူဝ်ၼႃႇလူင်လၢင်။ယႃႇပမေိူၵ်ႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းၶႂ်ႈတၢႆၸူဝ်ႈဢၼ်ၶိင်ႇမၼ်းဢမ်ႇပႆႇထိုင်ၼၼ်ႉ။
၁၈ လီယိပ်းၵမ်ဢၼ်ၼိုင်ႈယူႇလႄႈဢၼ်ၼၼ်ႉၵေႃႈဢမ်ႇလီပွႆႇ။ၵေႃႉဢၼ်ၵူဝ်ႁႄၽြႃးပဵၼ်ၸဝ်ႈၼၼ်ႉတၵ်းလွတ်ႈဢွၵ်ႇသေၵႃႈၼႂ်းလွင်ႈတၢင်းၵူႈၸိူဝ်ႉၵူႈပိူင်ဢေႃႈ။
၁၉ ၺၢၼ်ႇၵေႃႉဢၼ်မီးၺၢၼ်ႇၼၼ်ႉယိင်ႈၶႅၼ်းႁဵတ်းႁႂ်ႈမၼ်းမီးတၼ်းၶူဝ်းလိူဝ်တွၼ်းၼႃႇသပေူဝ်ႇသိုၵ်းသိပ်းၵေႃႉဢၼ်ယူႇၵႃႈၼႂ်းဝဵင်းၼၼ်ႉဢေႃႈ။
၂၀ ၵေႃႉဢၼ်သိုဝ်ႈတေႃႇဢၼ်ယင်းဢမ်ႇႁဵတ်းမႅၼ်ႈဢပျႅတ်ႈလႄႈၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းထူၼ်ႈထူၼ်ႈၼၼ်ႉဢမ်ႇမီးၵႃႈၼိူဝ်လိၼ်မိူင်းၼႆႉသေၵေႃႉသေၵူၼ်း။
၂၁ ယႃႇပေဝႆႉဢမူႉတီႈၵႂၢမ်းၵႃႈဢၼ်ပိူၼ်ႈတၢင်ႇၵေႃႉလၢတ်ႈၼၼ်ႉ။ပေႃးဢမ်ႇၼၼ်မႂ်းတၵ်းငိၼ်းၵႂၢမ်းဢၼ်ၶႃႉမႂ်းၵိၼ်ႇလႃႇမႂ်းၼၼ်ႉဢေႃႈ။
၂၂ ႁူဝ်ၸႂ်မႂ်းႁူႉလွင်ႈဢၼ်တူဝ်မႂ်းယၢမ်ႈၵိၼ်ႇလႃႇပိူၼ်ႈယူႇၶိူဝ်းၶိူဝ်းယႂ်းယႂ်းၼၼ်ႉယူႇဢေႃႈ။
၂၃ လွင်ႈတၢင်းၵူႈၸိူဝ်ႉၵူႈပိူင်ဢၼ်ၵဝ်ဢဝ်တင်းၺၢၼ်ႇလႄႈလၢတ်ႈဝႃႈၸမ်း၊-ၵဝ်တၵ်းတဵမ်ဝႆႉတင်းၺၢၼ်ႇဢေႃႈ၊ဝႃႈၼင်ႇၼႆသေၵေႃႈၺၢၼ်ႇၼၼ်ႉၵႆၵၼ်တင်းၵဝ်ဢေႃႈ။
၂၄ လွင်ႈတၢင်းဢၼ်ၵႆလွင်ႈတၢင်းဢၼ်လိုၵ်ႉလမ်ႇၼႃႇလူင်လၢင်ၼၼ်ႉၸိုင်ၽူႈလႂ်ႁႃလႄႈထူပ်းလႆႈ။
၂၅ ၵဝ်ဝၢႆႇၶိုၼ်းလႄႈၵျၢမ်ႇပွင်ၼႂ်းႁူဝ်ၸႂ်ၵဝ်ႁႂ်ႈလႆႈႁူႉၸႅင်ႈလႄႈတွင်ႈထၢမ်ႁႃဢဝ်ပိင်ႇၺႃႇတြႃးတင်းလွင်ႈမၼ်းတၢင်းမၼ်းဢိၵ်ႇတင်းႁႂ်ႈလႆႈႁူႉၸႅင်ႈလွင်ႈဢၼ်ဢပျႅတ်ႈတၢင်းဢၼ်ၵမ်ၵျၢင်ႉဢၼ်ႁၢႆႉဢၼ်ယုတ်ႈၼၼ်ႉပဵၼ်တၢင်းဢၼ်မိူၵ်ႈၼႃႇလူင်လၢင်တင်းလွင်ႈဢၼ်ဢပျႅတ်ႈတၢင်းဢၼ်ၵမ်ၵျၢင်ႉဢၼ်မိူၵ်ႈၼႃႇၼၼ်ႉပဵၼ်တၢင်းဢၼ်ယွင်ႇဢၼ်မႃႈၼၼ်ႉယဝ်ႉ။
၂၆ ၵဝ်ထူပ်းႁၼ်လွင်ႈတၢင်းဢၼ်ၶူမ်ၼႃႇသေတၢင်းတၢႆဢၼ်ဝႃႈမေႈယိင်းဢၼ်ႁူဝ်ၸႂ်မၼ်းၸၢင်ႊၵျၢမ်ႇပွင်မႄးႁဵတ်းတူင်ႇႁဵဝ်ႉတင်းၶိုမ်းလႄႈမိူဝ်ႈမၼ်းပဵၼ်ၸိူၵ်ႈဢၼ်မတ်ႉၽုၵ်ႇၼၼ်ႉယဝ်ႉ။ၵေႃႉဢၼ်ထုၵ်ႇၸႂ်ၵျိူၵ်ႈၸႂ်ၽြႃးပဵၼ်ၸဝ်ႈၼၼ်ႉၵူၺ်းတၵ်းၵၢင်းလွတ်ႈမၼ်းဢေႃႈ။ၵေႃႉဢၼ်ၸၢင်ႊႁဵတ်းဢပျႅတ်ႈၼၼ်ႉၸမ်းတၵ်းလႆႈၶၢမ်ႇတၢင်းဢၼ်မၼ်းတီႉလႆႈဢေႃႈ။
၂၇ ၵဝ်သြႃႇထမ်ႇမႃႉတေႇသၼႃႇဝႃႈၸမ်း၊-တူၺ်းလူ။ၵဝ်ထူပ်းႁၼ်လွင်ႈတၢင်းၼႆႉၼႂ်းမိူဝ်ႈဢၼ်ၵဝ်ထၢပ်ႈထႅင်ႈဢၼ်ၼိုင်ႈယဝ်ႉဢၼ်ၼိုင်ႈႁႂ်ႈလႆႈၸၢမ်းတူၺ်းႁႃဢဝ်တၢင်းဢၼ်ၼပ်ႉဢၼ်ဢၢၼ်ႇဢၼ်ႁူဝ်ၸႂ်ၵဝ်ယင်းႁႃဢဝ်ယူႇလႄႈဢမ်ႇပႆႇထူပ်းၼၼ်ႉၸမ်း၊၂၈ ၼႂ်းၵူၼ်းၸၢႆးႁဵင်ၼိုင်ႈၼၼ်ႉၵဝ်ထူပ်းၵေႃႉၼိုင်ႈယဝ်ႉ။
၂၈ ၼႂ်းၵူၼ်းယိင်းတင်းႁဵင်ၼၼ်ႉၵဝ်ဢမ်ႇထူပ်းသေၵေႃႉသေၵူၼ်း။
၂၉ တူၺ်းလူ။လွင်ႈတၢင်းဢၼ်ၵဝ်ထူပ်းဢၼ်ၼိုင်ႈၵူၺ်းၸမ်းပိၵ်ႉသမ်ႉၽြႃးပဵၼ်ၸဝ်ႈႁဵတ်းပဵၼ်ၵူၼ်းႁႂ်ႈသိုဝ်ႈတေႃႇသေၵေႃႈၶဝ်ဢွၼ်ၵၼ်ၵျၢမ်ႇပွင်ႁႃဢဝ်တၢင်းၵျၢမ်ႇတၢင်းပွင်ဢၼ်ၼမ်ၼႃႇၼၼ်ႉယဝ်ႉ။