၁၁
တၢင်းၵိၼ်ၼိူဝ်ၼမ်ႉ
၁ ဢဝ်တၢင်းၵိၼ်တၢင်းၶူပ်းမႂ်းထိမ်ႈတူၵ်းသႂ်ႇၵႃႈၼိူဝ်ၼႃႈၼမ်ႉတႃႉ။ၶိင်ႇၵႃႇလႃႉႁိုင်ၼႃႇယဝ်ႉၸင်ႇမႂ်းသမ်ႉတၵ်းလႆႈၶိုၼ်းထူပ်းႁၼ်လူးၵွၼ်ႇဢေႃႈ။
၂ ၽႄမႅင်ႇပၼ်တီႈၵူၼ်းၸဵတ်းၵေႃႉၵူၺ်းဢမ်ႇၵႃးတီႈၵူၼ်းပႅတ်ႇၵေႃႉတႃႉ။မႂ်းဢမ်ႇႁူႉလွင်ႈဢၼ်ဢမူႉဢၼ်လႂ်တၵ်းႁွတ်ႈထိုင်ၵႃႈၼိူဝ်လိၼ်မိူင်းၼၼ်ႉ။
၃ ပေႃးၽႃႈၽူၼ်တင်းလၢႆတဵမ်ဝႆႉတင်းၼမ်ႉၽူၼ်ယဝ်ႉၸိုင်ၽူၼ်ၸၢင်ႊတူၵ်းသႂ်ႇၵႃႈၼိူဝ်လိၼ်မိူင်းလႄႈပေႃးတူၼ်ႈမႆႉလူမ်ႉၵႂႃႇၵႃႈတီႈၽၢႆႇတၢင်းၸၢၼ်းဢမ်ႇၼၼ်လူမ်ႉၵႂႃႇၽၢႆႇတၢင်းႁွင်ႇၸိုင်မၼ်းၸၢင်ႊတူၵ်းတီႈတူၵ်းလိၼ်ၵႃႈတီႈဢၼ်မၼ်းလူမ်ႉၼၼ်ႉဢေႃႈ။
၄ ၵေႃႉဢၼ်ပႂ်ႉတူၺ်းလူမ်းယူႇၼၼ်ႉဢမ်ႇဝၢၼ်ႇပိုၼ်ၸိူဝ်ႉၽၼ်းလႄႈၵေႃႉဢၼ်တူၺ်းၽႃႈၽူၼ်ယူႇၼၼ်ႉဢမ်ႇပၢတ်ႇၶဝ်ႈထိူဝ်ၶဝ်ႈ။
၅ ၸိူဝ်ႉၼင်ႇဢၼ်မႂ်းဢမ်ႇႁူႉသဵၼ်ႈတၢင်းဢၼ်လူမ်းၵႂႃႇဢိၵ်ႇတင်းလွင်ႈဢၼ်တူဝ်ၶိင်းၵႃႈၼႂ်းတွင်ႉမေႈယိင်းဢၼ်ပႃးတွင်ႉၼၼ်ႉတႄႇပဵၼ်ယႂ်ႇမႃးၸိူဝ်ႉၼင်ႇႁိုဝ်ၼၼ်ႉမႂ်းဢမ်ႇႁူႉလႆႈဢမူႉၽြႃးပဵၼ်ၸဝ်ႈဢၼ်ၽၢၼ်ႇသၢင်းႁဵတ်းပၼ်ၵူႈၸိူဝ်ႉၵူႈပိူင်ၼၼ်ႉလႆႈ။
၆ ဝၢၼ်ႇၸိူဝ်ႉဝၢၼ်ႇၽၼ်းၶိင်ႇၵၢင်ၼႂ်တႃႉ။ၶိင်ႇႁူဝ်ၶမ်ႈၵေႃႈယႃႇပေသုတ်ႈယိုတ်းမိုဝ်းမႂ်း။လွင်ႈမၼ်းၸမ်းမႂ်းဢမ်ႇႁူႉဢၼ်လႂ်တၵ်းမီးဢၵျူဝ်းၼႂ်းသွင်ၸိူဝ်ႉသွင်ပိူင်ၼၼ်ႉတၵ်းမီးဢၵျူဝ်းတၢၼ်ႇပဵင်းၵၼ်ႁိူဝ်။
ၶုၵ်းၸႂ်လႆႈၽူႈဢၼ်ၽၢၼ်ႇသၢင်းမႂ်းၼၼ်ႉတႃႉ
၇ ဢၼ်လႅင်းပဵၼ်ဢၼ်ဝၢၼ်လႄႈတၢင်းဢၼ်ႁၼ်သၢႆဢရွင်ႇၵၢင်ဝၼ်းၼၼ်ႉပဵၼ်တၢင်းဢၼ်လီပျေႃႇၸႂ်မူၼ်ႈၸႂ်ဢေႃႈ။
၈ ပေႃးၵူၼ်းဢသၢၵ်ႈလိပ်းၶူပ်ႇၼီႈပီႊမိူင်းၼမ်ၼႃႇၸိုင်ႁႂ်ႈမၼ်းသႂၢင်ႇသိူဝ်းယူႇၵႃႈၼႂ်းတင်းသဵင်ႈတင်းလူင်ၼၼ်ႉသေၵမ်းလူၺ်ႈ။ၵူၺ်းၵႃႈႁႂ်ႈမၼ်းၶုၵ်းၸႂ်လႆႈမိုဝ်ႉဝၼ်းဢၼ်လပ်းသိင်ႇဢၼ်တၵ်းပဵၼ်မႃးၼမ်ၼႃႇၼၼ်ႉသေၵမ်းလူၺ်ႈ။ၵႃႈဢၼ်တၵ်းပဵၼ်၉မႃးၼၼ်ႉပဵၼ်ဢႃႉၼတ်ႉတႃႉလွၼ်ႉလွၼ်ႉဢေႃႈ။
၉ ၵေႃႉဢၼ်ယင်းၼုမ်ႇယင်းၵမ်ဢိူၺ်း။မူၼ်ႈပျေႃႇယူႇၼႂ်းမိူဝ်ႈဢၼ်ဢသၢၵ်ႈယင်းလဵၵ်ႉယင်းဢွၼ်ႇၼၼ်ႉတႃႉ။မီးတၢင်းဢၼ်ၸူမ်းသိူဝ်းသႂၢင်ႇၸႂ်ၼႂ်းမိုဝ်ႉဝၼ်းဢၼ်ဢသၢၵ်ႈမႂ်းယင်းလဵၵ်ႉယင်းဢွၼ်ႇၼၼ်ႉတႃႉ။ၵႂႃႇမႃးယူႇၵႃႈၼႂ်းသဵၼ်ႈတၢင်းဢၼ်ႁူဝ်ၸႂ်မႂ်းမီးဢလူဝ်ႇဢိၵ်ႇတင်းသဵၼ်ႈတၢင်းဢၼ်မၢၵ်ႇတႃမႂ်းတူၺ်းႁၼ်ၼၼ်ႉတႃႉ။ၵူၺ်းၵႃႈၶုၵ်းၸႂ်လႆႈလွင်ႈဢၼ်ဝႃႈၽြႃးပဵၼ်ၸဝ်ႈတၵ်းၸႅတ်ႈထၢမ်ၸႅတ်ႈတူၺ်းလွင်ႈတၢင်းၵူႈၸိူဝ်ႉၵူႈပိူင်ၼၼ်ႉလႄႈၸီႇယၢင်ႇတီႈမႂ်းၼၼ်ႉတႃႉ။
၁၀ ပိူဝ်ႈၼႆလႄႈပႄႇပႅတ်ႈလွင်ႈတၢင်းဢၼ်ၸႂ်ႁဵဝ်ႇၸွပ်ႈဢိၵ်ႇတင်းတုၵ်ႉၶႃႉတၢင်းၽၢၼ်ႇတူဝ်ၵႃႇယႃႉမႂ်းၼၼ်ႉသတေႃႉ။လွင်ႈတၢင်းဢၼ်ဢသၢၵ်ႈယင်းလဵၵ်ႉယင်းဢွၼ်ႇဢိၵ်ႇတင်းလွင်ႈတၢင်းဢၼ်ဢသၢၵ်ႈယႂ်ႇယိုၼ်းယၢဝ်းၼၼ်ႉပဵၼ်ဢႃႉၼတ်ႉတႃႉဢေႃႈ။