၆
၁ လွင်ႈတၢင်းဢၼ်ႁၢႆႉဢၼ်ယုတ်ႈဢၼ်ၵဝ်လႆႈႁၼ်ၵႃႈတီႈတႂ်ႈၵၢင်ဝၼ်းလႄႈပဵၼ်ဢၼ်ၼၵ်းၼႃႇၵႃႈၼိူဝ်ၵူၼ်းတင်းလၢႆၸမ်း၊ပဵၼ်ၵေႃႉဢၼ်ၽြႃးပဵၼ်ၸဝ်ႈပၼ်ၶွင်ၶူဝ်းၸေးၸိမ်ႇၵုင်ႇသရေႇမၼ်းၼမ်ၼႃႇထၼ်ႈပေႃးမၼ်းဢမ်ႇလူဝ်ႇထႅင်ႈၵႃႈသင်သေၸိူဝ်ႉသေပိူင်
၂ ၵႃႈၼႂ်းမၢၵ်ႈႁူဝ်ၸႂ်ဢလူဝ်ႇသၼ်ႇတႃႉမၼ်းၼၼ်ႉသေၵေႃႈၽြႃးပဵၼ်ၸဝ်ႈဢမ်ႇပၼ်ဢၶႂၢင်ႉႁႂ်ႈတူဝ်မၼ်းလႆႈၸၢမ်ႇၸႃးလႄႈပိူၼ်ႈတၢင်ႇၵေႃႉဢၼ်ဢမ်ႇၸၢပ်ႈသႅင်ႇၵၼ်တင်းမၼ်းၼၼ်ႉလႆႈဢဝ်ၸၢမ်ႇၸႃးၼၼ်ႉဢေႃႈ။လွင်ႈတၢင်းၼႆႉပဵၼ်ဢႃႉၼတ်ႉတႃႉ။ပဵၼ်တၢင်းဢၼ်ႁၢႆႉယုတ်ႉၼႃႇဢေႃႈ။
၃ ပေႃးသေၵေႃႉသေၵူၼ်းမီးလုၵ်ႈမီးလၢင်းပဵၼ်ပၢၵ်ႇလႄႈဢသၢၵ်မၼ်းယၢဝ်းယိုၼ်းၼႃႇထၼ်ႈပေႃးၶူပ်ႇပီႊမိုဝ်ႉဝၼ်းမၼ်းၼမ်ၼႃႇသေၵေႃႈပေႃးဢလူဝ်ႇသၼ်ႇတႃႉမၼ်းယင်းဢမ်ႇတဵမ်ထူၼ်ႈတင်းတၢင်းဢၼ်လီဢၼ်ငၢမ်းလႄႈမၼ်းယင်းဢမ်ႇလႆႈၶၢမ်ႇတၢင်းဢၼ်သၢင်းၵျူဝ်ႇလီလီငၢမ်းငၢမ်းၸိုင်လုၵ်ႈဢွၼ်ႇဢၼ်လူႉယွတ်ႇသေတွင်ႉမေႈၼၼ်ႉယိင်ႈၶႅၼ်းလီၼႃႇသေၵေႃႉၼၼ်ႉဢေႃႈ။
၄ လွင်ႈမၼ်းၸမ်းလုၵ်ႈဢွၼ်ႇၼၼ်ႉမႃးလၢႆလၢႆလွၵ်ႇလွၵ်ႇလႄႈဢွၵ်ႇၵႂႃႇၵႃၼႂ်းဢၼ်လပ်းသိင်ႇဢေႃႈ။ၸိုဝ်သဵင်မၼ်းၵေႃႈမီးတၢင်းဢၼ်လပ်းသိင်ႇႁူမ်ႇသုမ်ႇဝႆႉယူႇဢေႃႈ။ၵၢင်ဝၼ်းၵေႃႈမၼ်းဢမ်ႇလႆႈႁၼ်။မၼ်းဢမ်ႇလႆႈႁူႉလွင်ႈတၢင်းသေၸိူဝ်ႉသေပိူင်လႃးလႃး။
၅ ၼႂ်းဝႃႈၼၼ်သေၵေႃႈမၼ်းယိင်ႈၶႅၼ်းလႆႈၵတ်းယဵၼ်ၶျၢမ်းသႃႇလိူဝ်တွၼ်းၼႃႇသေၵေႃႉၼၼ်ႉဢေႃႈ။
၆ ပိၵ်ႉသမ်ႉၵေႃႉၼၼ်ႉဢသၢၵ်ႈလိပ်းယူႇသေသွင်ႁဵင်ပီႊလႄႈဢမ်ႇလႆႈၶၢမ်ႇၸေးၸိမ်ႇၶွင်ၶူဝ်းမၼ်း။ၵူၼ်းတင်းသဵင်ႈတင်းလူင်လႆႈၵႂႃႇၸူးၵႃႈတီႈဢွင်ႈလဵဝ်ၵၼ်ၵူၺ်းဢမ်ႇၸႂ်ႈႁိုဝ်။
၇ ပိၵ်ႉသမ်ႉၵႃႈဢၼ်ၵူၼ်းၶတ်းၸႂ်ဢဝ်ဢဵၼ်ႁႅင်းဢွၵ်ႇႁဵတ်းၼၼ်ႉပဵၼ်ပုၼ်ႈသူပ်းမၼ်းၵူၺ်းသေၵေႃႈတၢင်းဢၼ်ၸႂ်မၼ်းၶႆႈၵိၼ်ၼၼ်ႉဢမ်ႇပျေႇလႆႈ။
၈ ၵေႃႉဢၼ်မီးၺၢၼ်ႇၼၼ်ႉမီးဢၵျူဝ်းဢၼ်ယိင်ႈၶႅၼ်းလိူဝ်တွၼ်းၼႃႇသေၵေႃႉဢၼ်မိူၵ်ႈၼၼ်ႉၵႃႈသင်လူးၵွၼ်ႇ။ဢၵျူဝ်းၵေႃႉဢၼ်ယၢၵ်ႈဢၼ်ၽၢၼ်ဢၼ်ၸၢင်ႊၵႂႃႇမႃးၵႃႈတီႈၽၢႆႇၼႃႈၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉၸမ်းပဵၼ်ၵႃႈသင်။
၉ တၢင်းဢၼ်မၢၵ်ႇတႃတူဝ်ၸဝ်ႈၵဝ်ႇတူၺ်းႁၼ်ၼၼ်ႉယိင်ႈၶႅၼ်းလီၼႃႇသေတၢင်းဢၼ်လေႃးၽႃႉထူင်ႇထဵဝ်ႈယူႇၼၼ်ႉဢေႃႈ။လွင်ႈတၢင်းၼၼ်ႉပဵၼ်လွင်ႈတၢင်းဢႃႉၼတ်ႉတႃႉလွင်ႈတၢင်းဢၼ်ၵိၼ်လူမ်းၵိၼ်လႅင်ႉၵူၺ်းဢေႃႈ။
၁၀ ၵႃႈဢၼ်မီးၼၼ်ႉၸိုင်လႆႈႁွင်ႉႁိၵ်ႈၸိုဝ်ဝႆႉႁိုင်ၼႃႇလူင်လၢင်ယဝ်ႉ။လွင်ႈၵူၼ်းၵေႃႈလႆႈႁူႉယဝ်ႉဢေႃႈ။ၵူၼ်းၸိုင်ဢမ်ႇၶႄႉၶဵင်ႇလႆႈၵၼ်တင်းၵေႃႉဢၼ်ႁႅင်းယႂ်ႇၼႃႇသေမၼ်းၼၼ်ႉလႆႈ။
၁၁ ၵွပ်ႈပိူဝ်ႈလွင်ႈတၢင်းဢၼ်ႁႂ်ႈဢႃႉၼတ်ႉတႃႉယႂ်ႇၽႄႈတူဝ်းတွၼ်းမႃးၼၼ်ႉမီးၼမ်ၼႃႇလႄႈၵူၼ်းႁဝ်းၼႆႉမီးၵျေးၸူးၵႃႈသင်။
၁၂ ၽူႈလႂ်ႁူႉလွင်ႈတၢင်းဢၼ်ပဵၼ်ဢၼ်လီဢၼ်ငၢမ်းပုၼ်ႈၵူၼ်းၼႂ်းၸူဝ်ႈဢသၢၵ်ႈမၼ်းမိုဝ်ႉဝၼ်းဢၼ်မၼ်းဢသၢၵ်ႈလိပ်းယူႇၼၼ်ႉပဵၼ်ဢႃႉၼတ်ႉတႃႉလႄႈၸၢင်ႊပူၼ်ႉၵႂႃႇယူႇၸိူဝ်ႉၼင်ႇႁူမ်ႈၵွင်ႉငဝ်းၼၼ်ႉ။ၽူႈလႂ်လၢတ်ႈလႆႈလွင်ႈတၢင်းဢၼ်တၵ်းပဵၼ်မႃးၵမ်းလိုၼ်းၵႃႈတီႈတႂ်ႈၵၢင်ဝၼ်းၼၼ်ႉဝၢႆးသမေၼ်းပူၼ်ႉၵႂႃႇယဝ်ႉၼၼ်ႉ။