၈
ရူႇပႃႇယူင်ႇၶဝ်လႅမ်တင်းပေႉ
၁ ၼႂ်းပီႊဢၼ်ၶုၼ်လူင်ပေႇလသႃႇၸႃႇၸၢမ်ႇႁၢင်ႈၸၢမ်ႇႁေႃသၢမ်ပီႊၼၼ်ႉပျႃႇတိၵ်ႈရူႇပႃႇရုင်ႇပေႃႇမႃးတီႈၵဝ်တၢၼ်ႇယေႇလထႅင်ႈလိုၼ်းသပျေႃႇတိၵ်ႈရူႇပႃႇရုင်ႇဢၼ်ၵဝ်လႆႈမိူဝ်ႈၵႆႈၼၼ်ႉဢေႃႈ။
၂ ပျႃႇတိၵ်ႈရူႇပႃႇရုင်ႇဢၼ်ၵဝ်ႁၼ်ၼၼ်ႉၸမ်းမိူဝ်ႈဢၼ်ၵဝ်ႁၼ်ရူႇပႃႇရုင်ႇၼၼ်ႉၵဝ်မီးယူႇၵႃႈၼႂ်းႁေႃၶမ်းသုသၼ်ႇဢၼ်မီးၵႃႈၼႂ်းဢိူင်ႇၼႂ်းၵျၢၵ်ႈဢေႇလမ်ႇၼၼ်ႉဢေႃႈ။ၵဝ်ႁၼ်ၼႂ်းရူႇပႃႇရုင်ႇၵႃႈတီႈႁိမ်းၼမ်ႉႁွင်ႊဢုလေႇဢေႃႈ။
၃ မိူဝ်ႈဢၼ်ၵဝ်ဢဝ်တႃၵဝ်ႁႅၼ်တူၺ်းလႄႈႁၼ်ၼၼ်ႉသူဝ်းပေႃႈဢၼ်မီးၶဝ်လႅမ်သွင်လႅမ်ႈၼၼ်ႉတူဝ်ႈၼိုင်ႈၸုၵ်းယူႇၵႃႈတီႈၽၢႆႇၼိုင်ႈၼမ်ႉႁွင်ႊဢေႃႈ။ၶဝ်လႅမ်သွင်လႅမ်ႈၼၼ်ႉပဵၼ်ဢၼ်ယၢဝ်းလႄႈလႅမ်ႈၼိုင်ႈယိင်ႈၶႅၼ်းယၢဝ်းၼႃႇသလေႅမ်ႈၼိုင်ႈဢေႃႈ။ၶဝ်လႅမ်ဢၼ်ယိင်ႈၶႅၼ်းယၢဝ်းၼၼ်ႉဢွၵ်ႇမႃးၵမ်းလိုၼ်းဢေႃႈ။
၄ ၵဝ်ႁၼ်သူဝ်းပေႃႈၼၼ်ႉပတ်ႉတေႃးဝၼ်းတူၵ်း၊တၢင်းႁွင်ႇတၢင်းၸၢၼ်းသၢမ်ၼႃႈလႄႈတရိၵ်ႈသၢၼ်ႇဢမ်ႇၸုၵ်းဢမ်ႇၶၢမ်ႇလႆႈၵႃႈတီႈၽၢႆႇၼႃႈမၼ်းသေတူဝ်။ၽူႈလႂ်ဢမ်ႇၵႄႇသႄႇၼုၵ်ႈဢဝ်ဢွၵ်ႇသေၵႃႈၼႂ်းမိုဝ်းမၼ်းလႆႈသေၵေႃႉသေၵူၼ်းလႄႈမၼ်းၼၼ်ႉႁဵတ်းၸွမ်းလူၺ်ႈဢလူဝ်ႇမၼ်းယူႇသေလႄႈယုၵ်ႉယွင်ႈတူဝ်မၼ်းၼႃႇလူင်လၢင်ဢေႃႈ။
၅ ၼႂ်းမိူဝ်ႈဢၼ်ၵဝ်ယင်းတိုၵ်ႉၶႆႈၸႂ်ဝူၼ်ႉၸႂ်လူၺ်ႈလွင်ႈၼၼ်ႉယူႇၼၼ်ႉၸိုင်ပႄႉပေႃႈတူဝ်ၼိုင်ႈလုၵ်ႉၵႃႈတီႈၽၢႆႇဝၼ်းတူၵ်းမႃးလႄႈယင်းဢမ်ႇယဵပ်ႇလိၼ်တိူဝ်ႉလိၼ်လႄႈၶၢမ်ႈၼႃႈလိၼ်မိူင်းတင်းၼႃႈမႃးဢေႃႈ။
၆ သူဝ်းပေႃႈၼၼ်ႉမီးၶဝ်လႅမ်ဢၼ်လၢၵ်ႇလၢႆးၵႃႈၼႂ်းၵႄႈဝူင်ႈၵၢင်မၢၵ်ႇတႃမၼ်းဢေႃႈ။မၼ်းသုတ်ႉၸပ်းသုတ်ႉၸူးသူဝ်းပေႃႈဢၼ်မီးၶဝ်လႅမ်သွင်လႅမ်ႈလႄႈၵဝ်ႁၼ်ၸုၵ်းယူႇၵႃႈတီႈၽၢႆႇၼိုင်ႈတင်းၼမ်ႉႁွင်ႊၼၼ်ႉလႄႈဢဝ်တင်းႁႅင်းဢၼ်ယႂ်ႇၼႃႇလူင်လၢင်ၶုၼ်လႅၼ်ႈၸူးၵႃႈတီႈမၼ်းၼၼ်ႉဢေႃႈ။
၇ ၵဝ်ႁၼ်မၼ်းႁွတ်ႈထိုင်ၵႃႈတီႈႁိမ်းသူဝ်းပေႃႈၼၼ်ႉလႄႈမၼ်းပႃးတင်းၸႂ်မႆႈၶႆႈၸႃႉဢၼ်ႁႅင်းယႂ်ႇၼႃႇလူင်လၢင်တီႈမၼ်းၼၼ်ႉသေလႄႈပတ်ႉတေႃးသႂ်ႇသူဝ်းပေႃႈၼၼ်ႉလႄႈႁၵ်းပုတ်းၶဝ်လႅမ်မၼ်းသွင်လႅမ်ႈၼၼ်ႉပႅတ်ႈဢေႃႈ။ၵွပ်ႈပိူဝ်ႈဢၼ်သူဝ်းပေႃႈၼၼ်ႉဢမ်ႇမီးႁႅင်းတၼ်းၶူဝ်းဢၼ်ၸုၵ်းၶၢမ်ႇၵႃႈတီႈၽၢႆႇၼႃႈမၼ်းလႆႈလႄႈမၼ်းဢဝ်မၼ်းၼၼ်ႉလူမ်ႉၵႃႈၼိူဝ်လိၼ်သေလႄႈယဵပ်ႇယမ်ႈဢေႃႈ။ၽူႈလႂ်ဢမ်ႇၵႄႇသႄႇၼုၵ်ႈဢဝ်သူဝ်းပေႃႈၼၼ်ႉဢွၵ်ႇသေၵႃႈၼႂ်းမိုဝ်းမၼ်းလႆႈ။
၈ ပိူဝ်ႈၼႆလႄႈပႄႉပေႃႈၼၼ်ႉယုၵ်ႉယွင်ႈတူဝ်မၼ်းၼႃႇလူင်လၢင်ဢေႃႈ။မိူဝ်ႈဢၼ်မၼ်းႁႅင်းယႂ်ႇၼႃႇယဝ်ႉၼၼ်ႉၶဝ်လႅမ်လူင်မၼ်းလႆႈၶၢမ်ႇတၢင်းဢၼ်ႁၵ်းပုတ်းပႅတ်ႈဢေႃႈ။ၵႃႈတီႈႁွႆးၶဝ်လႅမ်ၼၼ်ႉၶဝ်လႅမ်ဢၼ်လၢၵ်ႇလၢႆးသီႇလႅမ်ႈဢွၵ်ႇမႃးလႄႈဝၢႆႇၼႃႈၸူးသီႇၼႃႃႈႉၵၢင်ႁၢဝ်ယူႇဢေႃႈ။
၉ ၵႃႈၼႂ်းၶဝ်ၼၼ်ႉတီႈၶဝ်လႅမ်လႅမ်ႈၼိုင်ႈသမ်ႉဢွၵ်ႇမႃးထႅင်ႈၶဝ်လႅမ်လႅမ်ႈၼိုင်ႈလႄႈႁွတ်ႈထိုင်တၢင်းဢၼ်ယႂ်ႇမႃးၼႃႇလူင်လၢင်သေလႄႈဝၢႆႇၼႃႈၵႂႃႇၽၢႆႇတၢင်းၸၢၼ်း၊ၽၢႆႇဝၼ်းဢွၵ်ႇဢိၵ်ႇတင်းမိူင်းဢၼ်သႃႇယႃႇလီငၢမ်းၼၼ်ႉယူႇဢေႃႈ။
၁၀ မၼ်းယႂ်ႇမႃးတေႃႇထိုင်ႁွတ်ႈပူဝ်ႇပႃႇၵၢင်ႁၢဝ်လႄႈဢဝ်ပူဝ်ႇပႃႇၼၼ်ႉၵမ်ႈၽွင်ႈလၢဝ်ၵမ်ႈၽွင်ႈၶျႃးတူၵ်းၵႃႈၼိူဝ်လိၼ်သေလႄႈယဵပ်ႇယမ်ႈဢေႃႈ။
၁၁ ထၢၼ်ႇၼၼ်ႉၵူၺ်းဢမ်ႇၵႃးမၼ်းႁဵတ်းတၢင်းဢၼ်ပူၵ်းပႅၼ်တေႃႇထိုင်ႁွတ်ႈၸဝ်ႈပူဝ်ႇပႃႇၼၼ်ႉယူႇသေလႄႈပႄႇပႅတ်ႈဝၢတ်ႈဢၼ်ႁဵတ်းယူႇၵူႈမိုဝ်ႉၵူႈဝၼ်းသေႇသေႇၼၼ်ႉသေလႄႈၶျႃးထႃႇၼႃႉတီႈမူတ်းၸၢင်ႇၸဝ်ႈတူၵ်းတီႈတႅမ်ႇဢေႃႈ။
၁၂ ၵွပ်ႈပိူဝ်ႈဢပျႅတ်ႈၼမ်လႄႈမၼ်းဢဝ်ပူဝ်ႇပႃႇၶၢၼ်းဝႆႉၵႃႈၼိူဝ်ဝၢတ်ႈဢၼ်ႁဵတ်းယူႇၵူႈမိုဝ်ႉၵူႈဝၼ်းသေႇသေႇၼၼ်ႉလႄႈပူဝ်ႇပႃႇၼၼ်ႉဢဝ်သမ်ႇမႃႇတြႃးၶျႃးတူၵ်းၵႃႈတီႈလိၼ်ဢေႃႈ။ႁဵတ်းၸွမ်းဢလူဝ်ႇမၼ်းလႄႈႁွတ်ႈထိုင်တၢင်းဢၼ်လႆႈလီလႆႈပဵၼ်ဢေႃႈ။
၁၃ မိူဝ်ႈၼၼ်ႉၵဝ်ငိၼ်းသဵင်ၵေႃႉဢၼ်မူတ်းၸၢင်ႇပႃးၼိုင်ႈလၢတ်ႈၵႂၢမ်းဢေႃႈ။ၵေႃႉဢၼ်မူတ်းၸၢင်ႇပႃးၼိုင်ႈႁွင်ႉသႅၼ်ႇၸူးတီႈၵေႃႉဢၼ်လၢတ်ႈမိူဝ်ႈၵႆႈၼၼ်ႉသေလႄႈထၢမ်ဝႃႈ၊-ပျႃႇတိၵ်ႈရူႇပႃႇရုင်ႇဢၼ်ၸၢပ်ႈသႅင်ႇၵၼ်တင်းဝၢတ်ႈဢၼ်ႁဵတ်းယူႇၵူႈမိုဝ်ႉၵူႈဝၼ်းသေႇသေႇဢိၵ်ႇတင်းၵေႃႉဢၼ်ႁၢႆႉမိူၵ်ႈဢၼ်တၵ်းလႆႈၶၢမ်ႇတၢင်းဢၼ်ယႃႉၽဵဝ်ႈပႅတ်ႈ၊တၢင်းဢၼ်ဢဝ်ထႃႇၼႃႉတီႈမူတ်းၸၢင်ႈၸဝ်ႈပူဝ်ႇပႃႇၼၼ်ႉဢၢပ်ႈပၼ်ႁႂ်ႈလႆႈယဵပ်ႇယမ်ႈၼၼ်ႉတၵ်းတႄႇယူႇၶိင်ႇၵႃႇလႃႉႁိုင်ၵႃႈႁိုဝ်၊ဝႃႈၼင်ႇၼႆသေယဝ်ႉ၊
၁၄ ၵေႃႉဢၼ်လၢတ်ႈမိူဝ်ႈၵႆႈၼၼ်ႉၶိုၼ်းလၢတ်ႈတီႈၵဝ်လႄႈဝႃႈ၊-တၵ်းလႆႈတႄႇယူႇမိူဝ်ႈဝၼ်းမိူဝ်ႈၶိုၼ်းပွင်းၵၼ်သွင်ႁဵင်သၢမ်ပၢၵ်ႇတဵမ်တဵမ်ဢေႃႈ။လိုၼ်းၼၼ်ႉထႃႇၼႃႉတီႈမူတ်းၸၢင်ႇၸဝ်ႈတၵ်းလႆႈၶၢမ်ႇတၢင်းဢၼ်ႁဵတ်းႁႂ်ႈပဵၼ်ဢၼ်မူတ်းသ်ႂဢေႃႈ၊ဝႃႈၼင်ႇၼႆဢေႃႈ။
ဢၼၢၵ်ႈဢထိၵ်ႈပေႇရူႇပႃႇရုင်ႇ
၁၅ ၵဝ်တၢၼ်ႇယေႇလၼႆႉၼႂ်းမိူဝ်ႈဢၼ်ႁၼ်ရူႇပႃႇရုင်ႇၼၼ်ႉလႄႈႁႃဢၼၢၵ်ႈမၼ်းယူႇၼၼ်ႉၸိုင်ၵေႃႉၼိုင်ႈဢၼ်မိူၼ်ၸိူဝ်ႉၼင်ႇႁၢင်ႊၽၢင်ၵူၼ်းၼၼ်ႉၸုုၵ်းယူႇၵႃႈတီႈၽၢႆႇၼႃႈၵဝ်ဢေႃႈ။
၁၆ ၵဝ်ငိၼ်းသဵင်ၵူၼ်းႁွင်ႉယူႇၵႃႈတီႈၵႄႈဝူင်ႈၵၢင်ၽၢင်ႇၼမ်ႉႁွင်ႊဢုလေႇလႄႈလၢတ်ႈဝႃႈ၊-ၵႃႇပေႇလဢိူၺ်း။ႁႂ်ႈၵေႃႉၼၼ်ႉႁူႉၸႅင်ႈပျႃႇတိၵ်ႈရူႇပႃႇရုင်ႇၼႆႉတႃႉ၊ဝႃႈၼင်ႇၼႆဢေႃႈ။ၵေႃႉၼၼ်ႉမႃးၸူးၵႃႈတီႈႁိမ်းတီႈဢၼ်ၵဝ်ၸုၵ်းယူႇၼၼ်ႉလႄႈၵဝ်ၵူဝ်ႁႄလႄႈၶုပ်ႉမူပ်ႇယူႇဢေႃႈ။
၁၇ ၵေႃႉၼၼ်ႉလၢတ်ႈတီႈၵဝ်လႄႈဝႃႈ၊-လုၵ်ႈၵူၼ်းဢိူၺ်း။ႁူႉၸႅင်ႈတႃႉ။ပျႃႇတိၵ်ႈရူႇပႃႇရုင်ႇၼႆႉၸၢပ်ႈသဵင်ႇၵၼ်တင်းၶိင်ႇၵႃႇလႃႉတီႈသုတ်းတီႈၵွႆမၼ်းဢေႃႈ၊ဝႃႈၼင်ႇၼႆဢေႃႈ။
၁၈ ၼႂ်းမိူဝ်ႈဢၼ်မၼ်းဝႃႈၸိူဝ်ႉၼင်ႇၼၼ်ယူႇၼၼ်ႉၸိုင်ၵဝ်ၶုပ်ႉမူပ်ႇၵႃႈၼိူဝ်လိၼ်လႄႈၼွၼ်းၼူၵ်ႇၼႃႇလူင်လၢင်ယူႇဢေႃႈ။ၵေႃႉၼၼ်ႉတိူဝ်ႉသႂ်ႇၵဝ်လႄႈႁႂ်ႈၵဝ်ၸုၵ်းတင်ႈသိုဝ်ႈယူႇသေလႄႈလၢတ်ႈဝႃႈ၊-
၁၉ တူၺ်းလူ။ၵဝ်တၵ်းမွၵ်ႇလၢတ်ႈလွင်ႈတၢင်းဢၼ်တၵ်းပဵၼ်မႃးၵႃႈၼႂ်းတီႈသုတ်းတီႈၵွႆတၢင်းၸႂ်မႆႈၶႆႈၸႃႉၸဝ်ႈလူးၵွၼ်ႇဢေႃႈ။ပဵၼ်ဢၼ်ၸၢပ်ႈသႅင်ႇၵၼ်တင်းတီႈသုတ်းတီႈၵွႆၶိင်ႇၵႃႇလႃႉမၼ်းဢၼ်မၵ်းၶဵၼ်းဝႆႉၼၼ်ႉဢေႃႈ။
၂၀ သူဝ်းပေႃႈဢၼ်မႂ်းႁၼ်လႄႈမီးၶဝ်လႅမ်သွင်လႅမ်ႈၼၼ်ႉပဵၼ်ၶုၼ်ႁေႃၶမ်းမေႇတိ၊ၶုၼ်ႁေႃၶမ်းပေႇရသိဢေႃႈ။
၂၁ ပႄႉပေႃႈၼၼ်ႉပဵၼ်ၶုၼ်ႁေႃၶမ်းႁေႇလသဢေႃႈ။ၶဝ်လႅမ်လူင်ဢၼ်မီးၵႃႈတီႈၵႄႈဝူင်ႈၵၢင်မၢၵ်ႇတႃမၼ်းၸိူဝ်းၼၼ်ႉပဵၼ်ၶုၼ်လူင်ပထမဢေႃႈ။
၂၂ ၶဝ်လႅမ်ဢၼ်လႆႈၶၢမ်ႇတၢင်းဢၼ်ႁၵ်းပုတ်းလႄႈၶဝ်လႅမ်သီႇလႅမ်ႈဢွၵ်ႇမႃးၵႃႈတီႈႁွႆးမၼ်းၼၼ်ႉၸမ်းမိူင်းသီႇမိူင်းတၵ်းပဵၼ်ဢွၵ်ႇမႃးၵႃႈၼႂ်းမိူင်းဢွၼ်တၢင်းၼၼ်ႉလႄႈဢမ်ႇမီးတဵမ်ဝႆႉတင်းတၼ်းၶူဝ်းမိူဝ်ႈဢွၼ်တၢင်းၼၼ်ႉ။
၂၃ ၼႂ်းၶိင်ႇၵႃႇလႃႉတီႈသုတ်းတီႈၵွႆမိူင်းၼၼ်ႉမိူဝ်ႈဢၼ်ဢပျႅတ်ႈၶဝ်ၸိူဝ်းဢၼ်ပူၼ်ႉလိူဝ်ၼၼ်ႉတဵမ်ထူၼ်ႈယဝ်ႉၼၼ်ႉၸိုင်ၶုၼ်လူင်ဢၼ်မီးၼႃႈဢၼ်ႁတ်းႁၢၼ်လႄႈၸၢင်ႈမေႃပရီႉယေႇၼၼ်ႉပႃးၼိုင်ႈတၵ်းပေႃႇမႃးဢေႃႈ။
၂၄ ၶုၼ်လူင်ၼၼ်ႉဢမ်ႇၸႂ်ႈၵွပ်ႈတၼ်းၶူဝ်းမၼ်းၼၼ်ႉလႄႈတၼ်းၶူဝ်းမၼ်းတၵ်းယႂ်ႇမႃးဢေႃႈ။မၼ်းတၵ်းယိင်ႈၶႅၼ်းယႃႉပႅတ်ႈၼႃႇလူင်လၢင်လႄႈလႆႈလီလႆႈပဵၼ်ယူႇသေလႄႈႁဵတ်းၸွမ်းဢလူဝ်ႇမၼ်းဢေႃႈ။မၼ်းတၵ်းယႃႉၽဵဝ်ႈၶဝ်ၸိူဝ်းဢၼ်ႁႅင်းယႂ်ႇၼႃႇဢိၵ်ႇတင်းၵူၼ်းမဵဝ်းဢၼ်မူတ်းၸၢင်ႇတင်းလၢႆၼၼ်ႉပႅတ်ႈဢေႃႈ။
၂၅ မၼ်းၼၼ်ႉၵွပ်ႈပိူဝ်ႈဢၼ်ႁဵတ်းလၵ်းႁဵတ်းလႅမ်ၼႃႇလူင်လၢင်လႄႈတၵ်းႁႂ်ႈမူႉသႃႇလႆႈလီလႆႈပဵၼ်ၵႃႈၼႂ်းမိုဝ်းမၼ်းဢေႃႈ။မၼ်းတၵ်းမီးၸႂ်ဢၼ်ပူၵ်းပႅၼ်ၽႅၼ်သုင်ၼႃႇလူင်လၢင်လႄႈႁဵတ်းမိၵ်ႈသႁႃႇယသေယဝ်ႉတၵ်းယႃႉၽဵဝ်ႈၵူၼ်းၼမ်ၼႃႇပႅတ်ႈလႄႈႁဵတ်းၶတ်းၵၼ်တင်းၸဝ်ႈၼိူဝ်ၸဝ်ႈတင်းလၢႆၼၼ်ႉဢေႃႈ။ၼႂ်းဝႃႈၼၼ်သေၵေႃႈဢမ်ႇၸႂ်ႈၵွပ်ႈမိုဝ်းၵူၼ်းလႄႈမၼ်းတၵ်းၶၢမ်ႇတၢင်းဢၼ်ႁၵ်းပုတ်းလူႉလႅဝ်ပႅတ်ႈဢေႃႈ။
၂၆ ၵႂၢမ်းပျႃႇတိၵ်ႈရူႇပႃႇရုင်ႇဢၼ်ၽုၺ်ႇဢွၵ်ႇၼႄပျႃးႁူဝ်ၶမ်ႈဢိၵ်ႇတင်းႁူဝ်ၸႂ်ၸိူဝ်းၼၼ်ႉမၢၼ်ႇမႅၼ်ႈၸိုဝ်ႈၸႂ်ႈလႄႈမႂ်းတွၵ်ႇတၼ်းသိၵ်ႈဝႆႉတီႈၵႂၢမ်းၼၼ်ႉတႃႉ။ၸၢပ်ႈသႅင်ႇၵၼ်တင်းၶိင်ႇၵႃႇလႃႉမိုဝ်ႉဝၼ်းၼမ်ၼႃႇလူင်လၢင်ဢေႃႈ၊ဝႃႈၼင်ႇၼႆဢေႃႈ။
၂၇ မိူဝ်ႈၼၼ်ႉၵဝ်တၢၼ်ႇယေႇလတၢႆလိုမ်းၵႂႃႇလႄႈမီးတၢင်းၶႆႈတၢင်းပဵၼ်ယူႇမိုဝ်ႉဝၼ်းၼမ်တၢၼ်ႇတၢၼ်ႇဢေႃႈ။လၢႆးသမ်ႉၵဝ်ၶႅၼ်းမႃးလႄႈႁဵတ်းပွင်ဢမူႉၶုၼ်ႁေႃၶမ်းဢေႃႈ။ပိၵ်ႉသမ်ႉၵဝ်မီးတၢင်းဢၼ်ဢၢမ်းၼႃႇပျႃႇတိၵ်ႈရူႇပႃႇရုင်ႇၼၼ်ႉသေၵေႃႈၽူႈလႂ်ဢမ်ႇႁူႉသၢႆငၢႆလွင်ႈမၼ်းတၢင်းမၼ်းသေၵေႃႉသေၵူၼ်း။