၇
တၢၼ်ႇယေႇလၼွၼ်းၽၼ်တူဝ်သတ်းသီႇတူဝ်
၁ ၼႂ်းပီႊဢၼ်ပေႇလသႃႇၸႃႇၶုၼ်ႁေႃၶမ်းပႃႇပုလုၼ်ႇၸၢမ်ႇႁၢင်ႈၸၢမ်ႇႁေႃပီႊပထမၼၼ်ႉတၢၼ်ႇယေႇလၼွၼ်းၽၼ်ႁၼ်လႄႈရူႇပႃႇရုင်ႇပေႃႇမႃးၵႃႈၼႂ်းၵွၵ်းႁူဝ်မၼ်းၵႃႈၼိူဝ်ၵူႇတီႈၼွၼ်းမၼ်းလႄႈမၼ်းဢဝ်တၢင်းဢၼ်မၼ်းၼွၼ်းၽၼ်ႁၼ်ၼၼ်ႉတႅမ်ႈဝႆႉလႄႈမွၵ်ႇလၢတ်ႈႁူဝ်ႁုပ်ႈမၼ်းဝႆႉဢေႃႈ။
၂ တၢၼ်ႇယေႇလမွၵ်ႇလၢတ်ႈလႄႈဝႃႈၸမ်း၊-ၵဝ်လူတူၺ်းၵႃႈၼႂ်ရူႇပႃႇရုင်ႇၶိင်ႇၵၢင်ၶိုၼ်းၼၼ်ႉၸေးၸေးၸွတ်ႇၸွတ်ႇလႄႈႁၼ်လူမ်းသီႇၼႃႃႈႉၵၢင်ႁၢဝ်ၸိူဝ်းၼၼ်ႉၼင်ႇၵၼ်ၵၼ်ၽၢင်ႈထူဝ်းၵၼ်ယူႇၵႃႈၼိူဝ်ၼမ်ႉသမ်ႇမုၵ်ႉတြႃႇလူင်ဢေႃႈ။
၃ တူဝ်ထိူၼ်ႁၢႆႉသီႇတူဝ်ဢၼ်ႁၢင်ႊၽၢင်ၶဝ်ဢမ်ႇမိူၼ်ၵၼ်ၼၼ်ႉဢွၼ်ၵၼ်ဢွၵ်ႇသေၵႃႈၼႂ်းၼမ်ႉသမ်ႇမုၵ်ႉတြႃႇမႃးဢေႃႈ။
၄ တူဝ်ထိူၼ်ႇႁၢႆႉပထမၼၼ်ႉမိူၼ်ၸိူဝ်ႉၼင်ႇသၢင်ႇသီႈလႄႈမီးပိၵ်ႇလၢင်းတႃႉၶမ်းဢေႃႈ။ၼႂ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းယူႇၼၼ်ႉမၼ်းလႆႈၶၢမ်ႇတၢင်းဢၼ်ထူၺ်ႈၶူၼ်မၼ်းပႅတ်ႈလႄႈယုၵ်ႉယွင်ႈဢဝ်တူဝ်မၼ်းၶိုၼ်ႈသေၵႃႈၼိူဝ်လိၼ်မိူင်းယူႇသေလႄႈဢဝ်တိၼ်မၼ်းၸုၵ်းတင်ႈသိုဝ်ႈဝႆႉယူႇမိူၼ်ၸိူဝ်ႉၼင်ႇၵူၼ်းၼၼ်ႉလႄႈဢဝ်ၸႂ်သၽေႃးၵူၼ်းသႂၢင်းသႂ်ႇပၼ်ဢေႃႈ။
၅ သမ်ႉမီးတူဝ်ထိူၼ်ႇႁၢႆႉတူဝ်ၼိုင်ႈဢၼ်ပဵၼ်တူဝ်တုတိယဢၼ်မိူၼ်ၸိူဝ်ႉၼင်ႇမီၼၼ်ႉလႄႈတူဝ်ၼၼ်ႉသီႇၵႅင်းယုၵ်ႉယွင်ႈတူဝ်မၼ်းယူႇၽၢႆႇၼိုင်ႈဢေႃႈ။လုပ်ႇသီႈၶင်ႈသၢမ်သိၵ်ႈမီးၵႃႈၼႂ်းသူပ်းမၼ်းၵႃႈတီႈၵႄႈဝူင်ႈၵၢင်ၶဵဝ်ႈမၼ်းယူႇလႄႈပိူၼ်ႈဢွၼ်ၵၼ်လၢတ်ႈတီႈမၼ်းလႄႈဝႃႈ၊-လုၵ်ႉလႄႈၶူပ်းၵိၼ်ၼိူဝ်ႉၼမ်ၼမ်တႃႉ၊ဝႃႈၼင်ႇၼႆဢေႃႈ။
၆ လၢႆးသမ်ႉၵဝ်လူတူၺ်းလႄႈႁၢၼ်တူဝ်ထိူၼ်ႇႁၢႆႉတူဝ်ၼိုင်ႈဢၼ်မိူၼ်ၸိူဝ်ႉၼင်ႇသိူဝ်ၸုမ်ႈလႄႈမီးပိၵ်ႇၼူၵ်ႉသီႇဢၼ်ၵႃႈၼိူဝ်လင်မၼ်းၼၼ်ႉဢေႃႈ။တူဝ်ၼၼ်ႉတဵမ်ဝႆႉတင်းၵွၵ်းႁူဝ်သီႇႁူၺ်ႇလႄႈမီးဢၶႂၢင်ႉဢၼ်လႆႈဢုပ်ႉပိူင်ႇဢေႃႈ။
၇ လိုၼ်းၼၼ်ႉၼႂ်းမိူဝ်ႈဢၼ်ၵဝ်သမ်ႉယင်းတိုၵ်ႉလူတူၺ်းၵႃႈၼႂ်းရူႇပႃႇရုင်ႇၶိင်ႇၵၢင်ၶိုၼ်းၼၼ်ႉၸေးၸေးၸွတ်ႇၸွတ်ႇယူႇၼၼ်ႉၸိုင်ၵဝ်ႁၼ်တူဝ်ထိူၼ်ႇႁၢႆႉၸတုၵ်ႉထဢၼ်လီၵူဝ်လီႁႄဢၼ်ပႃးတၼ်းၶူဝ်း၊ဢၼ်မီးႁႅင်းယႂ်ႇၼႃႇလူင်လၢင်ၼၼ်ႉဢေႃႈ။မၼ်းၼၼ်ႉမီးၶဵဝ်ႈလဵၵ်းဢၼ်ယႂ်ႇၼႃႇလႄႈၶူပ်းၵိၼ်သိၵ်ႇႁၵ်းယႃႉပႅတ်ႈသေလႄႈဢဝ်တိၼ်ယဵပ်ႇၼူတ်ႈလွင်ႈတၢင်းဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉပႅတ်ႈဢေႃႈ။မၼ်းၼၼ်ႉလၢၵ်ႇပိူင်ႈသေတူဝ်ထိူၼ်ႇဢွၼ်တၢင်းၵႃႈမီးၸိူဝ်းၼၼ်ႉလႄႈမီးၶဝ်လႅမ်သိပ်းလႅမ်ႈဢေႃႈ။
၈ ၼႂ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းၶဝ်လႅမ်ၸိူဝ်းၼၼ်ႉယူႇၼၼ်ႉၸိုင်ၵႃႈၼႂ်းၶိုင်ႈၵၢင်ၶဝ်ၼၼ်ႉၶဝ်လႅမ်ဢွၼ်ႇလႅမ်ႈၼိုင်ႈဢွၵ်ႇမႃးဢေႃႈ။ၶဝ်လႅမ်ဢၼ်မိူဝ်ႈတၢင်းသၢမ်လႅမ်ႈၼၼ်ႉလႆႈၶၢမ်ႇတၢင်းဢၼ်ထွတ်ႇထူၺ်ႈဢွၵ်ႇပႅတ်ႈလူၺ်ႈၵၼ်တင်းႁၢၵ်ႈၶဝ်ၵႃႈတီႈၽၢႆႇၼႃႈၶဝ်လႅမ်ၼၼ်ႉဢေႃႈ။ၶဝ်လႅမ်ဢွၼ်ႇၼၼ်ႉတဵမ်ဝႆႉတင်းမၢၵ်ႇတႃၸိူဝ်ႉၼင်ႇမၢၵ်ႇၵူၼ်းဢိၵ်ႇတင်းသူပ်းဢၼ်ၸၢင်ႈလၢတ်ႈၵႂၢမ်းဢၼ်ယႂ်ႇၼႃႇဢေႃႈ။
၉ မိူဝ်ႈၼၼ်ႉၼႂ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းယူႇၼၼ်ႉၸိုင်ရႃႇၸႃႉပလၢင်ႇတင်းလၢႆမီးတၢင်းဢၼ်တႄႇဝႆႉယူႇလႄႈၸဝ်ႈဢၼ်ပဵၼ်ၸဵမ်မိုဝ်ႉဝၼ်းမိူဝ်ႈၵွၼ်ႇမိူဝ်ႈမိုၼ်ႉၼၼ်ႉပႃးၼိုင်ႈၼင်ႈယူႇဢေႃႈ။ၶူဝ်းၼုင်ႈမၼ်းၸဝ်ႈၼၼ်ႉၽိူၵ်ႇၶၢဝ်မိူၼ်ၸိူဝ်ႉၼင်ႇမူၺ်ႁႃလႄႈၶူၼ်ႁူဝ်မၼ်းၸဝ်ႈၼၼ်ႉမိူၼ်ၸိူဝ်ႉၼင်ႇၶူၼ်သူဝ်းဢၼ်ၽိူၵ်ႇဢၼ်ၶၢဝ်ၼၼ်ႉဢေႃႈ။ပလၢင်ႇမၼ်းၸဝ်ႈၼၼ်ႉပဵၼ်ပိဝ်ၽႆးဝႆႉလႄႈမၢၵ်ႇလေမၼ်းၸိူဝ်းၼၼ်ႉပဵၼ်ၸၢၵ်ႇၽႆးဢေႃႈ။
၁၀ သၢႆဢရွင်ႇၽႆးၽုတ်းဢွၵ်ႇမၢပ်ႈဢွၵ်ႇသေၵႃႈတီႈၼႃႈမၼ်းၸဝ်ႈၼၼ်ႉမႃးဢေႃႈ။ၶဝ်ၸိူဝ်းဢၼ်ၼမ်ၼႃႇလူင်လၢင်ပဵၼ်မိုၼ်ႇပဵၼ်သႅၼ်ၼၼ်ႉဢွၼ်ၵၼ်ၵိုတ်ႈႁၢပ်ႇဢမူႉမၼ်းၸဝ်ႈလႄႈၵူၼ်းၵုၵ်ႉတေႇသင်ႇၶျေႇဢမ်ႇၵႃးဢွၼ်ၵၼ်ၶႃးၸႃးယူႇၵႃႈတီႈၽၢႆႇၼႃႈၸဝ်ႈဢေႃႈ။တၢင်းဢၼ်ၸီႇယၢင်ႇတြႃးမီးတၢင်းဢၼ်မႄးပွင်မႄးႁႅၼ်းဝႆႉလႄႈၽိုၼ်လိၵ်ႈတင်းလၢႆမီးတၢင်းဢၼ်ၽုၺ်ႇပိုတ်ႇဝႆႉဢေႃႈ။
၁၁ မိူဝ်ႈၼၼ်ႉၼႂ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းၵွပ်ႈပိူဝ်ႈသဵင်ယႂ်ႇသဵင်လူင်ဢၼ်ၶဝ်လႅမ်ဢွၼ်ႇၼၼ်ႉလၢတ်ႈၼၼ်ႉယူႇၼၼ်ႉၸိုင်ၵဝ်တူၺ်းယူႇတေႃႇထိုင်ႁွတ်ႈတူဝ်ထိူၼ်ႁၢႆႉၼၼ်ႉလႆႈၶၢမ်ႇတၢင်းဢၼ်ဢဝ်တၢႆပႅတ်ႈလႄႈတူဝ်မၼ်းလႆႈၶၢမ်ႇတၢင်းဢၼ်ယႃႉပႅတ်ႈသေလႄႈဢဝ်တုတ်ႇၽႆးပႅတ်ႈၼၼ်ႉဢေႃႈ။
၁၂ တူဝ်ထိူၼ်ႇႁၢႆႉတင်းတူဝ်ၸိူဝ်းၼၼ်ႉၸမ်းပိၵ်ႉသမ်ႉဢၶႂၢင်ႉတၼ်းၶူဝ်းဢၼ်လႆႈဢုပ်ႉပိူင်ႇၼၼ်ႉလႆႈၶၢမ်ႇတၢင်းဢၼ်သိမ်းဢဝ်ယဝ်ႉသေၵေႃႈဢသၢၵ်ႈၶဝ်ယင်းလိပ်းယူႇထႅင်ႈၶိင်ႇၼိုင်ႈၸူဝ်ႈၼိုင်ႈဢေႃႈ။
၁၃ ၼႂ်းမိူဝ်ႈဢၼ်ၵဝ်သမ်ႉယင်းတိုၵ်ႉလူတူၺ်းၵႃႈၼႂ်းရူႇပႃႇရုင်ႇၶိင်ႇၵၢင်ၶိုၼ်းၼၼ်ႉယူႇၼၼ်ႉၸိုင်ၵေႃႉၼိုင်ႈဢၼ်မိူၼ်ၸိူင်ႉၼင်ႇလုၵ်ႈၵူၼ်းၼၼ်ႉၶီႇၽႃႈၽူၼ်ယူႇသေလႄႈႁွတ်ႈမႃးၵႃႈတီႈၸဝ်ႈဢၼ်ပဵၼ်ၸႃႉၸဵမ်မိုဝ်ႉဝၼ်းမိူဝ်ႈၵွၼ်ႇမိူဝ်ႈမိုၼ်ႉၼၼ်ႉဢေႃႈ။ၵေႃႉၼၼ်ႉၸိုင်ၶဝ်ဢွၼ်ၵၼ်ဢဝ်သႂၢင်းၶဝ်ႈၵႃႈတီႈႁိမ်းၽၢႆႇၼႃႈမၼ်းၸဝ်ႈဢေႃႈ။
၁၄ ၵေႃႉၼၼ်ႉလႆႈဢႃႇၼႃႇၸၢၵ်ႈတၼ်းၶူဝ်းဢႃႇၼူႉၽေႃႇဢိၵ်ႇတင်းသိုင်ႇၸိုင်ႈဝၢၼ်ႈမိူင်းႁႂ်ႈၵူၼ်းၵူႈၸိူဝ်ႉၵူႈမဵဝ်းဢၼ်ယူႇၵူႈတီႈၵူႈလႅၼ်လႄႈလၢတ်ႈၵႂၢမ်းၽႃႇသႃႇၶေႃၶေႃႁင်းၽႂ်ႁင်းမၼ်းတင်းသဵင်ႈတင်းလူင်လႆႈၶၢမ်ႇတၢင်းၸႂ်ႉတၢင်းသွႆမၼ်းဢေႃႈ။ဢႃႇၼႃႇၸၢၵ်ႈမၼ်းၸဝ်ႈၼၼ်ႉပဵၼ်ဢႃႇၼႃႇၸၢၵ်ႈၼိၵ်ႉၸႃႉထႃႇဝရႃႉဢၼ်ဢမ်ႇလပ်ႉဢမ်ႇႁၢႆလႆႈၼၼ်ႉဢေႃႈ။သိုင်ႇၸိုင်ႈဝၢၼ်ႈမိူင်းမၼ်းၸဝ်ႈၼၼ်ႉဢမ်ႇႁွတ်ႈထိုင်တၢင်းဢၼ်လူႉဢၼ်လႅဝ်လႆႈ။
ဢၼၢၵ်ႈဢထိၵ်ႈပေႇၼွၼ်းၽၼ်
၁၅ ၵဝ်တၢၼ်ႇယေႇလၼႆႉမီးႁူဝ်ၸႂ်ဢၼ်မႆႈဢၼ်ႁွၼ်ႉယူႇၵႃႈၼႂ်းတူဝ်ၶၼ်ႇထႃႇၵဝ်လႄႈရူႇပႃႇရုင်ႇၵႃႈၼႂ်းၵွၵ်းႁူဝ်ၵဝ်ၸိူဝ်းၼၼ်ႉႁႂ်ႈၵဝ်မႆႈၸႂ်ၶီၸႂ်ဢေႃႈ။
၁၆ ၵဝ်ၵႂႃႇၸူးၵႃႈတီႈၵေႃႉဢၼ်ၸုၵ်းယူႇၵႃႈတီႈႁိမ်းၼၼ်ႉလႄႈတွင်ႈထၢမ်တီႈၸိုဝ်ႈတီႈၸႂ်ႈမၼ်းလူၺ်ႈလွင်ႈၵႃႈမီးၸိူဝ်းၼႆႉၼၼ်ႉတီႈမၼ်းၼၼ်ႉလႄႈမၼ်းၼၼ်ႉၶိုၼ်းဢိူဝ်ႈလႄႈႁႂ်ႈၵဝ်ႁူႉဢၼၢၵ်ႈဢထိၵ်ႈပေႇလွင်ႈတၢင်းၸိူဝ်းၼၼ်ႉဢေႃႈ။
၁၇ ဢၼ်ၵေႃႉၼၼ်ႉဝႃႈၸမ်း၊တူဝ်ထိူၼ်ႁၢႆႉသီႇတူဝ်ၼႆႉပဵၼ်ၶုၼ်ႁေႃသီႇပႃးဢၼ်တၵ်းပေႃႇမႃးၵႃႈၼိူဝ်လိၼ်မိူင်းဢေႃႈ။
၁၈ ၼႂ်းဝႃႈၼၼ်သေၵေႃႈၶဝ်ၸိူဝ်းဢၼ်မူတ်းၸၢင်ႇၽြႃးဢၼ်သုင်ၼႃႇသေပိူၼ်ႈၼၼ်ႉတၵ်းလႆႈၶၢမ်ႇဢဝ်သိုင်ႇၸိုင်ႈဝၢၼ်ႈမိူင်းလႄႈၸၢမ်ႇၸႃးသိုင်ႇၸိုင်ႈဝၢၼ်ႈမိူင်းၼၼ်ႉၵမႃ်ႇႇသိုပ်ႇသိုပ်ႇတၢမ်တၢမ်တႃႇသေႇဢမ်ႇထၢတ်ႇဢေႃႈ၊ဝႃႈၼင်ႇၼႆဢေႃႈ။
၁၉ မိူဝ်ႈၼၼ်ႉၵဝ်မီးဢလူဝ်ႇၶႆႈႁူႉတီႈၸိုဝ်ႈတီႈၸႂ်ႈမၼ်းလူၺ်ႈလွင်ႈတူဝ်ထိူၼ်ႇႁၢႆႉၸတုၵ်ႉထဢၼ်လၢၵ်ႇပိူင်ႈသတေူဝ်ထိူၼ်ႇႁၢႆႉဢွၼ်တၢင်းၵႃႈမီးၸိူဝ်းၼၼ်ႉလႄႈပဵၼ်ဢၼ်လီၵူဝ်လီႁႄၼႃႇလူင်လၢင်ယူႇသေလႄႈတဵမ်ဝႆႉတင်းၶဵဝ်ႈလဵၵ်းဢိၵ်ႇတင်းၼဵပ်ႉတိၼ်ၼဵပ်ႉမိုဝ်းတွင်းလိူင်၊ဢၼ်ၸၢင်ႊၶူပ်းၵိၼ်သိၵ်ႇႁၵ်းယႃႉပႅတ်ႈလႄႈဢဝ်တိၼ်ယဵပ်ႇၼူတ်ႈလွင်ႈတၢင်းဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉပႅတ်ႈၼၼ်ႉ၊
၂၀ ဢိၵ်ႇတင်းလူၺ်ႈလွင်ႈၶဝ်လႅမ်သိပ်းလႅမ်ႈၵႃႈတီႈႁူဝ်မၼ်းၼၼ်ႉတင်းၶဝ်လႅမ်ဢၼ်ၼိုင်ႈဢၼ်ဢွၵ်ႇမႃးၵမ်းလိုၼ်းလႄႈၶဝ်လႅမ်ဢၼ်ဢွၼ်တၢင်းသၢမ်လႅမ်ႈၼၼ်ႉဢွၼ်ၵၼ်သွၼ်ႇတူၵ်းၵႃႈတီႈၽၢႆႇၼႃႈမၼ်းၼၼ်ႉဢၼ်တဵမ်ဝႆႉတင်းမၢၵ်ႇတႃတင်းသူပ်းဢၼ်ၸၢင်ႊလၢတ်ႈၵႂၢမ်းဢၼ်ယႂ်ႇၼႃႇလႄႈမီးႁၢင်ႊၽၢင်ၼႃႈဢၼ်လီၵူဝ်လီႁႄလိူဝ်တွၼ်းသေၵေႃႉသေႈမၼ်းၸိူဝ်းၼၼ်ႉဢေႃႈ။
၂၁ ၼႂ်းမိူဝ်ႈဢၼ်ၵဝ်ယင်းတိုၵ်ႉလူတူၺ်းယူႇၼၼ်ႉၸိုင်ၶဝ်လႅမ်ၼၼ်ႉတိုၵ်းတေႃးၶဝ်ၸိူဝ်းဢၼ်မူတ်းၸၢင်ႇၼၼ်ႉလႄႈပေႉၼႅင်ႇၶဝ်၊တေႃႇထိုင်ႁွတ်ႈၸဝ်ႈဢၼ်ပဵၼ်ၸႃႉၸဵမ်မိုဝ်ႉဝၼ်းမိူဝ်ႈၵွၼ်ႇမိူဝ်ႈမိုၼ်ႉၼၼ်ႉႁွတ်ႈမႃးလႄႈပၼ်ဢၶႂၢင်ႉဢၼ်လႆႈၸီႇယၢင်ႇတီႈၶဝ်ၸိူဝ်းဢၼ်မူတ်းၸၢင်ႇ
၂၂ ၽြႃးဢၼ်သုင်ၼႃႇသေပိူၼ်ႈၸိူဝ်းၼၼ်ႉလႄႈၶိင်ႇၵႃႇလႃႉဢၼ်မၵ်းၶဵၼ်းဝႆႉၼၼ်ႉႁွတ်ႈထိုင်သေယဝ်ႉၶဝ်ၸိူဝ်းဢၼ်မူတ်းၸၢင်ႇၼၼ်ႉသိမ်းဢဝ်ၵိၼ်ဝၢၼ်ႈမိူင်းဢေႃႈ။
၂၃ ၵေႃႉၼၼ်ႉသမ်ႉလၢတ်ႈလႄႈဝႃႈ၊-တူဝ်ထိူၼ်ႇႁၢႆႉၸတုၵ်ႉထၼၼ်ႉပဵၼ်သိုင်ႇၸိုင်ႈဝၢၼ်ႈမိူင်းၸတုၵ်ႉထၵႃႈၼိူဝ်လိၼ်မိူင်းဢၼ်လၢၵ်ႇပိူင်ႈသသေိုင်ႇၸိုင်ႈဝၢၼ်ႈမိူင်းၵႃႈမီးဢေႃႈ။တူဝ်ၼၼ်ႉတၵ်းၶူပ်းၵိၼ်သိၵ်ႇၶၢတ်ႇယဵပ်ႇၼူတ်ႈလိၼ်မိူင်းၵႃႈမီးပႅတ်ႈဢေႃႈ။
၂၄ ၶဝ်လႅမ်သိပ်းလႅမ်ႈဢၼ်ဢွၵ်ႇမႃးသေၵႃႈတီႈသိုင်ႇၸိုင်ႈဝၢၼ်ႈမိူင်းၼၼ်ႉၸိူဝ်းၼၼ်ႉၸိုင်ပဵၼ်ၶုၼ်လူင်သိပ်းပႃးဢၼ်တၵ်းပေႃႇမႃးဢေႃႈ။လိုၼ်းၶဝ်ၼၼ်ႉၶုၼ်လူင်တၢင်ႇပႃးတၵ်းပေႃႇမႃးဢေႃႈ။မၼ်းတၵ်းလၢၵ်ႇပိူင်ႈသေၶုၼ်လူင်ဢွၼ်ႇတၢင်းၸိူဝ်းၼၼ်ႉလႄႈၶျႃးၶုၼ်လူင်သၢမ်ပႃးတူၵ်းတီႈတႅမ်ႇဢေႃႈ။
၂၅ မၼ်းတၵ်းႁဵတ်းၶတ်းၵၼ်တင်းၽြႃးဢၼ်သုင်ၼႃႇသေပိူၼ်ႈၼၼ်ႉလႄႈလၢတ်ႈၵႂၢမ်းဢၼ်ယႂ်ႇၼႃႇဢေႃႈ။မၼ်းတၵ်းၼိၵ်ႈၸၢၵ်ႈငႅၼ်းသေးၶဝ်ၸိူဝ်းဢၼ်မူတ်းၸၢင်ႇၽြႃးဢၼ်သုင်ၼႃႇသေပိူၼ်ႈၸိူဝ်းၼၼ်ႉဢေႃႈ။မၼ်းတၵ်းၵျၢမ်ႇပွင်ႁႂ်ႈၶိင်ႇၵႃႇလႃႉဢိၵ်ႇတင်းပိင်းၺၢပ်ႈတြႃးၶၢႆႉပုတ်ႈၵႂႃႇလႄႈၶဝ်ၼၼ်ႉတၵ်းလႆႈၶၢမ်ႇတၢင်းဢၼ်ဢဝ်ဢၢပ်ႈပၼ်ၵႃႈၼႂ်းမိုဝ်းမၼ်းၸူဝ်ႈၵႃႇလႃႉၼိုင်ႈ၊သွင်ၵႃႇလႃႉ၊ၵႃႇလႃႉၶိုင်ႈၼိုင်ႈတဵမ်တဵမ်ဢေႃႈ။
၂၆ လိုၼ်းၼၼ်ႉတၵ်းပဵၼ်တၢင်းဢၼ်ၸီႇယၢင်ႇတြႃးလႄႈမၼ်းတၵ်းလႆႈၶၢမ်ႇတၢင်းဢၼ်ၼုၵ်ႈထွၼ်ဢႃႇၼႃႇၸၢၵ်ႈမၼ်းႁႂ်ႈလႆႈပႄႇၽဵဝ်ႈယႃႉပႅတ်ႈမူတ်းမူတ်းသဵင်ႈသဵင်ႈဢေႃႈ။
၂၇ သိုင်ႇၸိုင်ႈဝၢၼ်ႈမိူင်းဢိၵ်ႇတင်းဢႃႇၼႃႇၸၢၵ်ႈမူၼ်တၼ်းၶူဝ်းသိုင်ႇၸိုင်ႈဝၢၼ်ႈမိူင်းၵႃႈဢၼ်မီးၵႃႈတႂႃ်ႈႉၵၢင်ႁၢဝ်ႈတင်းလၢႆႁွတ်ႈထို်င်ၵႃႈၼႂ်းမိုဝ်းၵူၼ်းမဵဝ်းဢၼ်မူတ်းၸၢင်ႇၽြႃးဢၼ်သုင်ႇၼႃႇသေပိူၼ်ႈၸိူဝ်းၼၼ်ႉဢေႃႈ။သိုင်ႇၸိုင်ႈဝၢၼ်ႈမိူင်းမၼ်းၸဝ်ႈၼၼ်ႉပဵၼ်သိုင်ႇၸိုင်ႈဝၢၼ်ႈမိူင်းထႃႇဝရႃႉလႄႈဢႃႇၼႃႇတင်းသဵင်ႈတင်းလူင်တၵ်းဢွၼ်ၵၼ်ၶၢမ်ႇတၢင်းၸႂ်ႉတၢင်းသွႆမၼ်းၸဝ်ႈလႄႈထွမ်ႇဢဝ်ၵႂၢမ်းမၼ်းၸဝ်ႈဢေႃႈ။
၂၈ ဢၼ်ၼႆႉၸမ်းပဵၼ်ဢၼၢၵ်ႈဢထိၵ်ႈပေႇမၼ်းယဝ်ႉဝႃႈၼင်ႇၼႆဢေႃႈ။ၵဝ်တၢၼ်ႇယေႇလၼႆႉႁွတ်ႈထိုင်တၢင်းဢၼ်မႆႈၸႂ်ႁွၼ်ႉၸႂ်လႄႈမီးတၢင်းဢၼ်ၼႃႈႁဵဝ်ႇၸွပ်ႈယူႇဢေႃႈ။ၼႂ်းဝႃႈၼၼ်သေၵေႃႈၵဝ်ဢဝ်လွင်ႈတၢင်းၼၼ်ႉသိမ်းသိုင်ႇဝႆႉၵႃႈၼႂ်းႁူဝ်ၸႂ်ၵဝ်ဢေႃႈ။