၁၂
ၶိင်ႇတီႈသုတ်း
၁ ၼႂ်းၶိင်ႇၵႃႇလႃႉၼၼ်ႉမိၵ်ႉၶလေၸဝ်ႈလူင်ဢၼ်ပႂ်ႉၵူၼ်းမဵဝ်းလဵဝ်ၵၼ်တင်းမႂ်းၼၼ်ႉတၵ်းလုၵ်ႉလႄႈၶိင်ႇၵႃႇလႃႉတုၵ်ႉၶႃႉတၢင်းၽၢၼ်ဢၼ်ဢမ်ႇတွၼ်ႉပဵၼ်ၸႃႉၸဵမ်ၶိင်ႇမိူဝ်ႈဢၼ်မဵဝ်းၵူၼ်းလႆႈပဵၼ်မႃးၼၼ်ႉလႄႈတေႃႇထိုင်ႁွတ်ႈၶိင်ႇမိူဝ်ႈၼၼ်ႉတၵ်းႁွတ်ႈထိုင်ဢေႃႈ။ၼႂ်းၶိင်ၵႃႇလႃႉၼၼ်ႉၵူၼ်းမဵဝ်းလဵဝ်ၵၼ်တင်းမႂ်းၵႃႈဢၼ်ၶဝ်ႈပႃးၼႂ်းၸရၢင်းၽိုၼ်လိၵ်ႈၼၼ်ႉၸိူဝ်းၼၼ်ႉတၵ်းလႆႈႁွတ်ႈထိုင်တၢင်းဢၼ်ၵႄႇသႄႇဢဝ်လွတ်ႈဢေႃႈ။
၂ မိူဝ်ႈၼၼ်ႉၶဝ်ၸိူဝ်းဢၼ်ၼွၼ်းလပ်းၵႃႈၼႂ်းမုၼ်ႈလိၼ်ၼမ်ၼႃႇၼၼ်ႉတၵ်းဢွၼ်ၵၼ်တိုၼ်ႇမႃးဢေႃႈ။
ၵမ်ႈၽွင်ႈၸမ်းတၵ်းတိုၼ်ႇမႃးၸူးတီႈဢၼ်တၢင်းဢၼ်ဢသၢၵ်ႈလိပ်းထႃႇဝရႃႉၼၼ်ႉလႄႈ၊ၵမ်ႈၽွင်ႈၸမ်းတၵ်းတိုၼ်ႇမႃးၸူးတီႈတၢင်းဢၼ်ဢူၵ်းဢၢႆ၊
၃ တၢင်းဢၼ်သရေႇလူႉထႃႇဝရႃႉၼၼ်ႉဢေႃႈ။ၶဝ်ၸိူဝ်းဢၼ်မီးပိင်ႇၺႃႇၼၼ်ႉတၵ်းလႆႈႁိူဝ်ႈလႅင်းမိူၼ်ၸိူဝ်ႉၼင်ႇဢရွင်ႇဢၼ်လႅင်းၽႃႉၵၢင်ႁၢဝ်ၼၼ်ႉလႄႈၶဝ်ၸိူဝ်းဢၼ်ဢဝ်ၵူၼ်းၼမ်ၼႃႇသႂၢင်းၶဝ်ႈၵႃႈၼႂ်းတြႃးတၢင်းဢၼ်သိုဝ်ႈတေႃႇၼၼ်ႉတၵ်းႁိူဝ်ႈလႅင်းမိူၼ်ၸိူဝ်ႉၼင်ႇလၢဝ်တင်းလၢႆၼၼ်ႉယူႇသေႇသေႇဢေႃႈ။
၄ တၢၼ်ႇယေႇလဢိူၺ်း။မႂ်းဢိုတ်းႁပ်းၵႂၢမ်းၸဝ်ႈၸိူဝ်းၼႆႉဝႆႉလႄႈတွၵ်ႇတၼ်းသိၵ်ႈၽိုၼ်လိၵ်ႈၼႆႉဝႆႉထၢၼ်ႈပေႃးတေႃႇထိုင်ႁွတ်ႈၶိင်ႇၵႃႇလႃႉတီႈသုတ်းတီႈၵွႆၼၼ်ႉတႃႉ။ၵူၼ်းၼမ်ၼႃႇတၵ်းလူတူၺ်းလိၵ်ႈၼၼ်ႉၸေးၸေးၸွတ်ႇၸွတ်ႇလႄႈပိင်ႇၺႃႇတၵ်းယႂ်ႇလႄႈတူဝ်းတွၼ်းမႃးဢေႃႈ၊ဝႃႈၼင်ႇၼႆဢေႃႈ။
၅ မိူဝ်ႈၼၼ်ႉၵဝ်တၢၼ်ႇယေႇလလူတူၺ်းလႄႈႁၼ်တၢင်ႇၵေႃႉတၢင်ႇပႃးသွင်ပႃးၸုၵ်းယူႇၵႃႈၼိူဝ်ၽၢင်ႇၼမ်ႉယေႈၽၢႆႇယေႈပႃးဢေႃႈ။
၆ ပႃးၼိုင်ႈတွင်ႈထၢမ်တီႈၵေႃႉဢၼ်ၼုင်ႈပိၵ်ႈၶျေႃးလႄႈယူႇၵႃႈၼိူဝ်ၼမ်ႉႁွင်ႊၼၼ်ႉလႄႈဝႃႈ၊-ၸူဝ်ႈဢၼ်လွင်ႈတၢင်းဢၼ်လီဢၢမ်းၸိူဝ်းၼႆႉဢမ်ႇပႆႇသဵင်ႈပႆႇမူတ်းၼၼ်ႉၸိုင်တၵ်းႁိုင်ၵႃႈႁိုဝ်လူးၵွၼ်ႇ၊ဝႃႈၼင်ႇၼႆဢေႃႈ။
၇ ၵဝ်ငိၼ်းၵေႃႉဢၼ်ၼုင်ႈပိၵ်ႈၶျေႃးသေလႄႈမီးယူႇၵႃႈၼိူဝ်ၼမ်ႉႁွင်ႊၼၼ်ႉယုၵ်ႉမိုဝ်းၶွၼ်ၶႂႃဢိၵ်ႇတင်းမိုဝ်းၶွၼ်သၢႆႉၶိုၼ်ႈၵႃႈၼိူဝ်ၽႃႉၵၢင်ႁၢဝ်သေလႄႈဢဝ်ၽြႃးဢၼ်ဢသၢၵ်ႈလိပ်းယူႇၵမႃ်ႇႇသိုပ်ႇသိုပ်ႇတၢမ်းတၢမ်းၼၼ်ႉတိူင်ႇဝႃႈလႄႈဝႃႈ၊-တၵ်းပဵၼ်ၸူဝ်ႈၵႃႇလႃႉၼိုင်ႈ၊ၵႃႇလတင်းလၢႆ၊ၵႃႇလႃႉၼိုင်ႈၶိုင်ႈတဵမ်တဵမ်ဢေႃႈ။မိူဝ်ႈဢၼ်ဢမူႉတၢင်းဢၼ်ႁႂ်ႈတၢင်းၵတ်ႉတၢင်းၶၼ်ၶဝ်ၸိူဝ်းဢၼ်မူတ်းၸၢင်ႇတင်းလၢႆပိဝ်သဵၼ်ၵႂႃႇၼၼ်ႉယဝ်ႉတူဝ်ႈယဝ်ႉၼၼ်ႉလွင်ႈတၢင်းၵူႈၸိူဝ်ႉၵူႈပိူင်ၼႆႉတၵ်းလႆႈသဵင်ႈလႆႈမူတ်းဢေႃႈ၊ဝႃႈၼင်ႇၼႆဢေႃႈ။
၈ ၵဝ်ငိၼ်းၵႂၢမ်းၼၼ်ႉလႄႈဢမ်ႇႁူႉဢမ်ႇၸႅင်ႈ။ပိူဝ်ႈၼႆလႄႈၵဝ်ၸင်ႇထၢမ်လႄႈဝႃႈ၊-ၸဝ်ႈၵဝ်ၶႃႈတီႈၶႃႈဢိူၺ်း။တီႈသဵင်ႈတီႈမူတ်းလွင်ႈတၢင်းၸိူဝ်းၼႆႉတၵ်းပဵၼ်ၸိူဝ်ႉၼင်ႇႁိုဝ်တီႈၶႃႈ၊ဝႃႈၼင်ႇၼႆသေယဝ်ႉ၊ၵေႃႉၼၼ်ႉလၢတ်ႈလႄႈဝႃႈ၊-
၉ တၢၼ်ႇယေႇလဢိူၺ်း။မႂ်းၵႂႃႇတႃႉ။ၵႂၢမ်းၸိူဝ်းၼႆႉမီးတၢင်းဢၼ်ဢိုတ်းႁပ်းဝႆႉလႄႈတွၵ်ႇတၼ်းသိၵ်ႈဝႆႉယူႇတေႃႇထိုင်ႁူတ်ႈၶိင်ႇၵႃႇလႃႉတီႈသုတ်းတီႈၵွႆၼၼ်ႉဢေႃႈ။
၁၀ ၵူၼ်းၼမ်ၼႃႇတၵ်းဢွၼ်ၵၼ်ႁွတ်ႈထိုင်တၢင်းဢၼ်မူတ်းသ်ႂၶၢဝ်ၸၢင်ႇလႄႈလႆႈၶၢမ်ႇတၢင်းဢၼ်ၸၢမ်းတူၺ်းဢေႃႈ။ၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်းတၵ်းႁဵတ်းၸွမ်းဢၼ်ဢမ်ႇတြႃးယူႇဢေႃႈ။ၶဝ်ၸိူဝ်းဢၼ်ဢမ်ႇတြႃးၼၼ်ႉဢမ်ႇလႆႈႁူႉလႆႈၸႅင်ႈသေၵေႃႉသေၵူၼ်း။ၶဝ်ၸိူဝ်းဢၼ်မီးပိင်ႇၺႃႇၼၼ်ႉၸမ်းတၵ်းဢွၼ်ၵၼ်ႁူႉၸႅင်ႈဢေႃႈ။
၁၁ တႄႇဢဝ်ၶိင်ႇၵႃႇလႃႉမိူဝ်ႈတၢင်းဢၼ်ပႄႇဝၢတ်ႈဢၼ်ႁဵတ်းယူႇၵူႈမိူင်းၵူႈဝၢၼ်ႈသေႇသေႇဢိၵ်ႇတင်းတၢင်းဢၼ်ဢဝ်လွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်ၸၢင်ႈယႃႉယူၵ်ႉၼၼ်ႉတၵ်းႁိုင်ႁဵင်ပၢႆသွင်ပၢၵ်ႇပၢႆၵဝ်ႈသိပ်းဝၼ်းဢေႃႈ။
၁၂ ၵေႃႉဢၼ်ပႂ်ႉထႃႈလႄႈၶိုတ်ႉထိုင်ႁဵင်ပၢႆသၢမ်ႇပၢၵ်ႇသၢမ်သိပ်းႁႃႈဝၼ်းၼၼ်ႉမီးမၢင်ႇၵလႃႇဢေႃႈ။
၁၃ မႂ်းၸမ်းၵႂႃႇတေႃႇထိုင်ႁွတ်ႈတီႈသုတ်းတီႈၵွႆၼၼ်ႉတႃႉ။မႂ်းတၵ်းလႆႈယူႇၼိမ်ၼိမ်လီလီဢေႃႈ။ၼႂ်းတီႈသုတ်းတီႈၵွႆၶိင်ႇၵႃႇလႃႉမိုဝ်ႉဝၼ်းၼၼ်ႉမႂ်းတၵ်းလႆႈလုၵ်ႉၸုၵ်းလႄႈၶၢမ်ႇဢဝ်ဢမူၺ်ႇမႂ်းဢေႃႈ။