၁၁
ၶုၼ်ႁေႃၶမ်းၽၢႆႇႁွင်ႇၽၢႆႇၸၢၼ်း
၁ ၼႂ်းပီႊဢၼ်ၶုၼ်လူင်တႃႇရိမဵဝ်းမေႇတိၸၢမ်ႇႁၢင်ႈၸၢမ်ႇႁေႃပီႊပထမၼၼ်ႉၵဝ်ၸုၵ်းယူႇႁႂ်ႈလႆႈပၼ်သတိတီႈမၼ်းလႄႈႁႂ်ႈမၼ်းမၼ်ႈၶိူင်ႇၼႅၼ်ႈၼႃဢေႃႈ။
၂ မိူဝ်ႈလဵဝ်ၼႆႉၸမ်းၵဝ်တၵ်းၼႄပျႃႉလွင်ႈတၢင်းဢၼ်မၢၼ်ႇမႅၼ်ႈၸိုဝ်ႈၸႂ်ႈၼၼ်ႉတီႈမႂ်းဢေႃႈ။တူၺ်းလူ။ၶုၼ်ႁေႃၶမ်းတၵ်းပေႃႇမႃးၵႃႈၼႂ်းမိူင်းပေႇရသိၼၼ်ႉသၢမ်ပႃးလူးၵွၼ်ႇဢေႃႈ။ၶုၼ်ႁေႃၶမ်းၸတုၵ်ႉထၸမ်းတၵ်းမၢၵ်ႈမီးလိူဝ်တွၼ်းၼႃႇသေၶဝ်ၵႃႈမီးၼၼ်ႉဢေႃႈ။မိူဝ်ႈဢၼ်မၢၵ်ႈမီးၸိူဝ်ႉၼင်ႇၼၼ်ၼၼ်ႉလႄႈႁႅင်းယႂ်ႇမႃးယဝ်ႉၼၼ်ႉၸိုင်မၼ်းတၵ်းတိုၵ်းယူင်းၸူဝ်းဢဝ်ၵူၼ်းတင်းသဵင်ႈတင်းလူင်ႁႂ်ႈလႆႈႁဵတ်းတၢင်းၽိတ်းတေႃႇၵူၼ်းမိူင်းႁေႇလသဢေႃႈ။
၃ မိူဝ်ႈၼၼ်ႉၶုၼ်ႁေႃၶမ်းဢၼ်တၼ်းၶူဝ်းယႂ်ႇၼႃႇပႃးၼိုင်ႈတၵ်းပေႃႇမႃးလႄႈပႃးတင်းဢႃႇၼႃႇၸဝ်ႈဢၼ်ယႂ်ႇၼႃႇသေလႄႈလႆႈဢုပ်ႉပိူင်ႇလႄႈႁဵတ်းၸွမ်းၵႃႈၼင်ႇဢၼ်ဢလူဝ်ႇမၼ်းမီးဢေႃႈ။
၄ ပႃးၼၼ်ႉပေႃႇမႃးသေယဝ်ႉသိုင်ႇၸိုင်ႈဝၢၼ်ႈမိူင်းမၼ်းတၵ်းႁၵ်းပုတ်းပဵၼ်ပွတ်းပဵၼ်တွၼ်ႈၵႂႃႇလႄႈလႆႈၶၢမ်ႇတၢင်းဢၼ်ၽႄမႅင်ႇပၼ်ၵႃႈတႂႃ်ႈႉၵၢင်ႁၢဝ်သီႇၼႃႈဢေႃႈ။ၼႂ်းဝႃႈၼၼ်သေၵေႃႈဢမ်ႇၽႄမႅင်ႇပၼ်တီႈၸိူဝ်ႉၸၢဝ်းၶိူဝ်းၶုၼ်မၼ်း။ဢမ်ႇၸွမ်းလူၺ်ႈဢႃႇၼႃႇမၼ်းသေလႄႈဢုပ်ႉပိူင်ႇ။သိုင်ႈၸိုင်ႈဝၢၼ်ႈမိူင်းမၼ်းတၵ်းလႆႈၶၢမ်ႇတၢင်းဢၼ်ထွတ်ႇထူၺ်ႈၼုၵ်ႈထွၼ်ပႅတ်ႈလႄႈပိူၼ်ႈဢၼ်ပဵၼ်ၼွၵ်ႈသေၸိူဝ်ႉၸၢဝ်းၶိူဝ်းမၼ်းၼၼ်ႉၸိူဝ်းၼၼ်ႉတၵ်းဢွၼ်ၵၼ်လႆႈဢေႃႈ။
၅ မိူဝ်ႈၼၼ်ႉၶုၼ်ႁေႃၶမ်းမိူင်းတၢင်းၸၢၼ်းတၼ်းၶူဝ်းယႂ်ႇလႄႈၵႃႈၼႂ်းၶုၼ်မၼ်းၸိူဝ်းၼၼ်ႉၶုၼ်ပႃးၼိုင်ႈတၼ်းၶူဝ်းယႂ်ႇၼႃႇသမေၼ်းလႄႈလႆႈပဵၼ်ၶုၼ်ႁေႃၶမ်းဢေႃႈ။ဢႃႇၼႃႇမၼ်းတၵ်းပဵၼ်ဢႃႇၼႃႇဢၼ်ယႂ်ႇၵႂၢင်ႈၼႃႇလူင်လၢင်ဢေႃႈ။
၆ မိူဝ်ႈဢၼ်ပူၼ်ႉၶူပ်ႇပီႊၼီႈမိူင်းၵမ်ႈၽွင်ႈၵႂႃႇယဝ်ႉၼၼ်ႉၸိုင်ႁဵတ်းၵေႃႉႁဵၼ်းသေႈၵၼ်ဢေႃႈ။လုၵ်ႈယိင်းၶုၼ်ႁေႃၶမ်းမိူင်းတၢင်းၸၢၼ်းၼၼ်ႉတၵ်းႁွတ်ႈထိုင်ၵႃႈတီႈၶုၼ်ႁေႃၶမ်းမိူင်းတၢင်းႁွင်ႇႁႂ်ႈပဵၼ်တၢင်းဢၼ်ထုၵ်ႇမေႃပေႃးၵႂၢမ်းၵၼ်ဢေႃႈ။ၼႂ်းဝႃႈၼၼ်သေၵေႃႈႁႅင်းၶႅၼ်ႁႅင်းမိုဝ်းမၼ်းၼၼ်ႉဢမ်ႇလႆႈတႄႇ။ၶုၼ်ၼၼ်ႉဢိၵ်ႇတင်းၶႅၼ်မိုဝ်းမၼ်းၵေႃႈဢမ်ႇလႆႈတႄႇ။မေႈယိင်းၼၼ်ႉဢိၵ်ႇတင်းၶဝ်ၸိူဝ်းဢၼ်ဢဝ်မၼ်းမႃးတင်းၵေႃႉဢၼ်ၵိူတ်ႇလဵင်ႉမၼ်း၊တင်းၵေႃႉဢၼ်ၸွႆႈထႅမ်ၵမ်ႉထွၵ်ႈမၼ်းၼႂ်းၶိင်ႇၵႃႇလၼၼ်ႉၸိူဝ်းၼၼ်ႉတၵ်းလႆႈၶၢမ်ႇတၢင်းဢၼ်ဢၢပ်ႈပၼ်တီႈဢၼ်သုမ်းဢၼ်ၸွမ်းဢေႃႈ။
၇ ၵေႃႉဢၼ်ပဵၼ်ႁုၼ်ႈပဵၼ်ငူင်းဢၼ်တႅၵ်ႇဢွၵ်ႇၵႃႈတီႈႁၢၵ်ႈမေႈယိင်းၼၼ်ႉၵေႃႉၼိုင်ႈလႆႈပုတ်ႈတီႈမတ်းႁွႆးပေႃႈမၼ်းသေယဝ်ႉတၵ်းၶီႇသိုၵ်းမႃးလႄႈႁွတ်ထိုင်ၵႃႈတီႈဝဵင်းဢၼ်မၼ်ႈၶိူင်ႇၶုၼ်ႁေႃၶမ်းမိူင်းတၢင်းႁွင်ႇသေလႄႈတိုၵ်းတေႃးၵူၼ်းဝဵင်းလႄႈပေႉၼႅင်ႇဢေႃႈ။
၈ မၼ်းတၵ်းသိမ်းဢဝ်ၽြႃးၶဝ်၊ရုၵ်ႉထူႉဢၼ်သွၼ်းလေႃႇၶဝ်၊ၶိူင်ႈငိုၼ်းၶိူင်ႈၶမ်းဢၼ်ထိူၵ်ႈၵႃႈထိူၵ်ႈၶၼ်ၶဝ်တင်းလၢႆၵႂႃႇၵႃႈတီႈမိူင်းဢေႇၵိပ်ႉတုဢေႃႈ။ႁိုင်တၢၼ်ႇတၢၼ်ႇသေယဝ်ႉမၼ်းတၵ်းလႆႈၽၢတ်ႇယၢၼ်သေၶုၼ်ႁေႃၶမ်းမိူင်းတၢင်းႁွုင်ႇလႄႈယူႇၶေႃၶေႃဢေႃႈ။
၉ လၢႆးသမ်ႉပိၵ်ႉသမ်ႉၶုၼ်ႁေႃၶမ်းမိူင်းတၢင်းႁွင်ႇၼၼ်ႉတၵ်းၶီႇၸူးၵႃႈတီႈမိူင်းၶုၼ်ႁေႃၶမ်းမိူင်းတၢင်းၸၢၼ်းသေၵေႃႈမၼ်းတၵ်းလႆႈၶိုၼ်ႈမိူဝ်းၵႂႃႇၵႃႈတီႈမိူင်းမၼ်းဢေႃႈ။
၁၀ လုၵ်ႈၸၢႆးမၼ်းၸိူဝ်းၼၼ်ႉတၵ်းသမ်ႉဢွၼ်ၵၼ်လုၵ်ႉတိုၵ်းသိုၵ်းလႄႈႁႂ်ႈမုၵ်ႉၸိူဝ်းပူဝ်ႇပႃႇၵူၼ်းသိုၵ်းဢၼ်ယႂ်ႇၼမ်ၼႃႇၸူႉၵၼ်တုမ်ၵၼ်ဢေႃႈ။လုၵ်ႈၸၢႆးမၼ်းၵေႃႉၼိုင်ႈတၵ်းမႃးယူႇတိၵ်းတိၵ်းလႄႈထူမ်ႈႁူမ်ႇယဵပ်ႇၶၢမ်ႈဢေႃႈ။လၢႆးသမ်ႉမၼ်းတၵ်းၶိုၼ်းမႃးလႄႈတိုၵ်းတေႃးထႅင်ႈတေႃႇထိုင်ႁွတ်ႈတိူၵ်ႈတီႈတိုၵ်းသိုၵ်းမၼ်းၼၼ်ႉဢေႃႈ။
၁၁ ၶုၼ်ႁေႃၶမ်းမိူင်းတၢင်းၸၢၼ်းၼၼ်ႉတၵ်းၶုမ်ၸႂ်ၶုမ်းၶေႃးယူႇသေလႄႈႁႄႉႁပ်ႉတိုၵ်းတေႃးၶုၼ်ႁေႃၶမ်းမိူင်းတၢင်းႁွင်ႇဢေႃႈ။မၼ်းတၵ်းၸီႇယၢင်ႇႁႂ်ႈမုၵ်ႉၸိူဝ်းပူဝ်ႇပႃႇၵူၼ်းသိုၵ်းၼမ်ၼႃႇလူင်လၢင်ၸူႉၵၼ်တုမ်ၵၼ်လႄႈမုၵ်ႉၸိူဝ်းပူဝ်ႇပႃႇၵူၼ်းသိုၵ်းၼမ်ၼႃႇလူင်လၢင်ၼၼ်ႉတၵ်းလႆႈၶၢမ်ႇတၢင်းဢၼ်မၼ်းဢုပ်ႉပိူင်ႇဢေႃႈ။
၁၂ မုၵ်ႉၸိူဝ်းပူဝ်ႇပႃႇၵူၼ်းသိုၵ်းၼမ်ႇၼႃႇလူင်လၢင်ၼၼ်ႉၸႂ်ယႂ်ႇၸႂ်သုင်လႄႈၸႂ်မႃႇၼႃႉဢွၵ်ႇယူႇသေလႄႈပိၵ်ႉသမ်ႉမၼ်းယႃႉပႅတ်ႈၵူၼ်းၼမ်ၼႃႇပဵၼ်ႁဵင်ပဵၼ်မိုၼ်ႇဢမ်ႇၵႃးသေၵေႃႈမၼ်းတၵ်းဢမ်ႇႁႂ်ႈဢႃႇၼႃႇမၼ်းတႄႇလႆႈ။
၁၃ ၶုၼ်ႁေႃၶမ်းမိူင်းတၢင်းႁွင်ႇၼၼ်ႉတၵ်းသမ်ႉၶိုၼ်းမႃးလႄႈၸီႇယၢင်ႇႁႂ်ႈမုၵ်ႉၸိူဝ်းပူဝ်ႇပႃႇၵူၼ်းသိုၵ်းၼမ်ႇၼႃႇလူင်လၢင်ၸူႉၵၼ်တုမ်ၵၼ်ၼမ်ႇၼႃႇလိူဝ်တွၼ်းၼႃႇသေမုၵ်ႉၸိူဝ်းဢွၼ်တၢင်းၼၼ်ႉလႄႈပေႃးပူၼ်ႉၶူပ်ႇပီႊၼမ်တၢၼ်ႇတၢၼ်ႇယဝ်ႉၸိုင်တၵ်းပႃးဢဝ်တင်းပူဝ်ႇပႃႇၵူၼ်းသိုၵ်းၼမ်ႇၼႃႇဢိၵ်ႇတင်းၸေးၸိမ်ႇၼမ်ၼႃႇမႃးဢမၢၼ်ႇၶၢၼ်ပဵၼ်ဢေႃႈ။
၁၄ ၼႂ်းၶိင်ႇၵႃႇလႃႉၼၼ်ႉၶဝ်ၸိူဝ်းဢၼ်ႁဵတ်းတၢင်းၽိတ်းဝႆႉတီႈၶုၼ်ႁေႃၶမ်းမိူင်းတၢင်းၸၢၼ်းၼၼ်ႉတၵ်းမီးၼမ်ၼႃႇဢေႃႈ။ၵူၼ်းလုၵ်ႉၽိုၼ်ႉဢၼ်ပဵၼ်ၵူၼ်းမဵဝ်းလဵဝ်ၵၼ်တင်းမႂ်းၸိူဝ်းၼၼ်ႉတၵ်းဢွၼ်လုၵ်ႉႁႂ်ႈလႆႈပျႃႇတိၵ်ႈရူႇပႃႇရုင်ႇတဵမ်ထူၼ်ႈဢေႃႈ။ၶဝ်တၵ်းႁွတ်ႈထိုင်တၢင်းလူႉတၢင်းလဵဝ်ဢေႃႈ။
၁၅ ၶုၼ်ႁေႃၶမ်းမိူင်းတၢင်းႁွင်ႇၼၼ်ႉတၵ်းၶီႇမႃးလႄႈၵေႃႇႁဵတ်းတဵင်ႁဵတ်းတႅၼ်ႈလိၼ်သေလႄႈယႃႉဝဵင်းဢၼ်မၼ်ႈၶိူင်ႇပႅတ်ႈဢေႃႈ။လၢၵ်ႈၼၢၵ်ႈၶုၼ်ႁေႃၶမ်းမိူင်းတၢင်းၸၢၼ်းတင်းလၢႆၵူၼ်းသိုၵ်းမၼ်းဢၼ်လိူၵ်ႈၵဵပ်းဢဝ်တင်းလၢႆၼၼ်ႉဢမ်ႇဢွၼ်ၵၼ်ႁၢမ်ႈတပ်ႉႁႄႉၶႅၼ်လႆႈ။ဢမ်ႇလႆႈမီးႁႅင်းပုၼ်ႈဢၼ်တၵ်းႁၢမ်ႈတပ်ႉႁႄႉၶႅၼ်လႃးလႃး။
၁၆ ၵေႃႉဢၼ်မႃးတိုၵ်းတေႃးမၼ်းၼၼ်ႉတၵ်းႁဵတ်းၸွမ်းၵႃႈၼင်ႇဢၼ်ဢလူဝ်ႇမၼ်းမီးလႄႈၽူႈလႂ်ယင်းဢမ်ႇၸုၵ်းၶၢမ်ႇၵႃႈတီႈၽၢႆႇၼႃႈမၼ်းလႆႈသေၵေႃႉသေၵူၼ်းလႄႈမၼ်းတၵ်းလႆႈၸုၵ်းယူႇၵႃႈၼႂ်းမိူင်းဢၼ်သႃႇယႃႇလီငၢမ်းလႄႈမိူင်းၼၼ်ႉတၵ်းႁွတ်ႈထိုင်ၵႃႈၼႂ်းမိုဝ်းမၼ်းမူတ်းမူတ်းသဵင်ႈသဵင်ႈဢေႃႈ။
၁၇ မၼ်းတၵ်းဝႆႉၸႂ်ၵျူဝ်းၸႃးပႃးဢဝ်မုၵ်ႉၸိူဝ်းပူဝ်ႇပႃႇၵူၼ်းသိုၵ်းမၼ်းႁႂ်ႈလႆႈၶဝ်ၵိၼ်မိူင်းမၼ်းၼၼ်ႉလႄႈႁဵတ်းမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းမၼ်းၼၼ်ႉသေယဝ်ႉ၊ဢဝ်လုၵ်ႈယိင်းမေႈယိင်းဢၢပ်ႈပၼ်ၵၼ်တင်းမၼ်းၼၼ်ႉႁႂ်ႈလႆႈယႃႉမိူင်းၼၼ်ႉပႅတ်ႈဢေႃႈ။ၼႂ်းဝႃႈၼၼ်သေၵေႃႈတၢင်းၵျၢမ်ႇတၢင်းပွင်မၼ်းဢမ်ႇလႆႈတႄႇ။
၁၈ လွင်ႈတၢင်းဢမ်ႇလႆႈပဵၼ်။လၢႆးသမ်ႉမၼ်းတၵ်းဝၢႆႇၼႃႈမၼ်းၸူးၵႃႈတီႈၸူႉၵူၼ်းၼႂ်းပၢင်ႇလၢႆႇတင်းလၢႆလႄႈသိမ်းဢဝ်ဢုၵ်ႉၵူၼ်းၼႂ်းၼမ်ႉၼမ်ၼႃႇဢေႃႈ။ၵူၺ်းၵႃႈၶုၼ်ပူဝ်ႇပႃးၼိုင်ႈတၵ်းႁႂ်ႈတၢင်းဢၼ်မၼ်းသေႉသွမ်းၼၼ်ႉႁၢႆလၢႆၵႂႃႇလႄႈမၼ်းၼၼ်ႉတၵ်းႁႂ်ႈတၢင်းဢၼ်မၼ်းသေႉသွမ်းၼၼ်ႉၶိုၼ်းႁွတ်ႈထိုင်ၵႃႈၼိူဝ်မၼ်းဢေႃႈ။
၁၉ မၼ်းတၵ်းၶိုၼ်းမိူဝ်းၸူးၵႃႈတီႈဝဵင်းဢၼ်မၼ်ႈၶိူင်ႇၸိူဝ်းၼၼ်ႉလႄႈတိူဝ်ႉမႅၼ်ႈလႄႈလူမ်ႉသေလႄႈတၵ်းလပ်ႉႁၢႆၵႂႃႇဢေႃႈ။
၂၀ ၵႃႈတီႈဢရႃႇမၼ်းၼၼ်ႉၵေႃႉဢၼ်ၶျႃးမုၼ်ၸေးၸိမ်ႇသိုင်ႇၸိုင်ႈဝၢၼ်ႈမိူင်းမၼ်းတူၵ်းတီႈတႅမ်ႇယူႇသေလႄႈၽႃႇငိုၼ်းၵဵပ်းငိုၼ်းၼၼ်ႉတၵ်းပေႃႇမႃးလႄႈမီးၵမ်းဢွၼ်ႇၼိုင်ႈၵူၺ်းသေယဝ်ႉတေႃးသႃႉတၢင်းၸႂ်မႆႈယင်းဢမ်ႇဢွၵ်ႇ၊ယင်းဢမ်ႇလႆႈတိုၵ်းသိုၵ်းတိုၵ်းသိူဝ်လႄႈတၵ်းႁွတ်ႈထိုင်တၢင်းဢၼ်သုမ်းၸွမ်းဢေႃႈ။
၂၁ ၵႃႈတီႈဢရႃႇၵေႃႉၼၼ်ႉၵေႃႉဢၼ်ယုတ်ႈမိူၵ်ႈလႄႈၶဝ်ဢမ်ႇဢဝ်မူၼ်ၸေးၸိမ်ႇသိုင်ႇၸိုင်ႈဝၢၼ်ႈမိူင်းဢၢပ်ႈပၼ်ၼၼ်ႉတၵ်းပေႃႇမႃးဢေႃႈ။မၼ်းၼၼ်ႉတၵ်းပေႃႇမႃးၼႂ်းၶိင်ႇမိူဝ်ႈဢၼ်လုင်ႇလီလွတ်ႈလီၼၼ်ႉလႄႈႁဵတ်းတၢင်းဢၼ်ၶျေႃးဢၼ်ဝွၼ်းသေလႄႈလႆႈဝၢၼ်ႈလႆႈမိူင်းဢေႃႈ။
၂၂ တပ်ႉၵူၼ်းသိုၵ်းဢၼ်ထုမ်ႈႁူမ်ႇၸိူဝ်းၼၼ်ႉတၵ်းၸူမ်တူၵ်းၵႃႈတီႈၽၢႆႇၼႃႈမၼ်းလႄႈသုမ်းၸွမ်းဢေႃႈ။ၶုၼ်ဢၼ်ၶၢမ်ႇမိၵ်ႉသႁႃႇယႃႉၵေႃႈတၵ်းၶၢမ်တၢင်းဢၼ်သုမ်းဢၼ်ၸွမ်းဢေႃႈ။
၂၃ လွင်ႈမၼ်းၸမ်းမၼ်းႁဵတ်းသႅတ်ႉၸႃႇလူၺ်ႈၵၼ်တင်းမၼ်းၼၼ်ႉသေယဝ်ႉ၊
တၵ်းႁဵတ်းပရီႉယေႇယူႇသေလႄႈၶီႇၶိုၼ်ႈလႄႈပိၵ်ႉသမ်ႉမၼ်းပႃးၵူၼ်းၵေႇၵေႇသေၵေႃႈတၼ်းၶူဝ်းမၼ်းတၵ်းယႂ်ႇဢေႃႈ။
၂၄ ၼႂ်းၶိင်ႇမိူဝ်ႈဢၼ်လုင်ႇလီလွတ်ႈလီၼၼ်ႉမၼ်းတၵ်းၶဝ်ႈၵႃႈၼႂ်းဢိူင်ႇၼႂ်းၵျၢၵ်ႈဢၼ်မၢၵ်ႇၼမ်ႉႁူင်းၼမ်ႉၼႃႇသေပိူၼ်ႈၼၼ်ႉလႄႈႁဵတ်းလွင်ႈတၢင်းဢၼ်ပူႇမၼ်းမွၼ်ႇမၼ်းဢမ်ႇတွၼ်ႉႁဵတ်းဢၼ်ဝႃႈတၢင်းဢၼ်ဢဝ်ဢုၵ်ႉၸႃႇၸေးၸိမ်ႇဢၼ်ႁိမ်ဢဝ်ႁူင်ႇဢဝ်ၼၼ်ႉၽႄမႅင်ႇပၼ်ၵၼ်ဢေႃႈ။မၼ်းတၵ်းၵျၢမ်ႇပွင်ႁႂ်ႈလႆႈဝဵင်းဢၼ်မၼ်ႈၶိူင်ႇတင်းလၢႆယူႇႁိုင်တၢၼ်ႇတၢၼ်ႇဢေႃႈ။
၂၅ မၼ်းတၵ်းပႃးဢဝ်မုၵ်ႉၸိူဝ်းၵူၼ်းသိုၵ်းဢၼ်ယႂ်ႇၼႃႇသေလႄႈတိုၵ်းယူင်းႁႅင်းမၼ်းဢိၵ်ႇတင်းတၢင်းႁတ်းတၢင်းႁၢၼ်မၼ်းယူႇၽၢႆႇၼိုင်ႈတင်းၶုၼ်ႁေႃၶမ်းမိူင်းတၢင်းၸၢၼ်းဢေႃႈ။ၶုၼ်ႁေႃၶမ်းမိူင်းတၢင်းၸၢၼ်းၵေႃႈတၵ်းပႃးဢဝ်မုၵ်ႉၸိူဝ်းၵူၼ်းသိုၵ်းဢၼ်ႁႅင်းယႂ်ႇၼႃႇလႄႈၼမ်ၵိုၼ်းၼႃႇသေလႄႈႁႄႉႁပ်ႉတိုၵ်းတေႃးသေၵေႃႈဢမ်ႇၸုၵ်းဢမ်ႇၶၢမ်ႇလႆ။လွင်ႈမၼ်းၸမ်းၶဝ်တၵ်းဢွၼ်ၵၼ်ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ဢမ်ႇလီယူႇၽၢႆႇၼိုင်ႈတင်းမၼ်းၼၼ်ႉဢေႃႈ။
၂၆ ၶဝ်ၸိူဝ်းဢၼ်ၵိၼ်တၢင်းၵိၼ်မၼ်းၼၼ်ႉၸိူဝ်းၼၼ်ႉၵေႃႈတၵ်းယႃႉဢၵျူဝ်းမၼ်းလႄႈတပ်ႉၵူၼ်းသိုၵ်းမၼ်းၸိူဝ်းၼၼ်ႉတၵ်းၶုၼ်ႇလႅၼ်ႈလႄႈၵူၼ်းၼမ်ၼႃႇတၵ်းလူမ်ႉတၢႆဢေႃႈ။
၂၇ ၶုၼ်ႁေႃၶမ်းသွင်ပႃးၼၼ်ႉတၵ်းဢွၼ်ၵၼ်ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ဢမ်ႇလီလႄႈလၢတ်ႈၵႂၢမ်းမူႉသႃႇၵႃႈတီႈၶူင်ႇတီႈၵိၼ်ဢၼ်လဵဝ်ၵၼ်ဢေႃႈ။ၼႂ်းဝႃႈၼၼ်သေၵေႃႈတၢင်းၵျၢမ်ႇတၢင်းပွင်ၼၼ်ႉဢမ်ႇလႆႈပဵၼ်။တီႈသုတ်းတီႈၵွႆမၼ်းတၵ်းလႆႈပဵၼ်ၼႂ်းၶိင်ႇၵႃႇလႃႉဢၼ်မၵ်းၶၢၼ်းဝႆႉၼၼ်ႉဢေႃႈ။
၂၈ လၢႆးသမ်ႉမၼ်းတၵ်းပႃးဢဝ်တင်းၸေးၸိမ်ႇဢုၵ်ႉၸႃႇၼမ်ၼႃႇယူႇသေလႄႈၶိုၼ်းမိူဝ်းၸူးၵႃႈတီႈမိူင်းမၼ်းဢေႃႈ။မၼ်းတၵ်ႉဝႆႉၸႂ်ယူႇၽၢႆႇၼိုင်ႈတင်းပတိၺိၼ်ႇတြႃးဢၼ်မူတ်းၸၢင်ႇၼၼ်ႉသေလႄႈႁဵတ်းၸွမ်းၵႃႈၼင်ႇဢၼ်ဢလူဝ်ႇမၼ်းမီးၼၼ်ႉသေယဝ်ႉၶိုၼ်းမိူဝ်းၸူးၵႃႈတီႈမိူင်းမၼ်းဢေႃႈ။
၂၉ ၶိင်ႇၵႃႇလႃႉဢၼ်မၵ်းၶၢၼ်းဝႆႉၼၼ်ႉမၼ်းတၵ်းသမ်ႉၶိုၼ်းမႃးၵႃႈတီႈၼႃႈတၢင်းၸၢၼ်းလူးၵွၼ်ႇဢေႃႈ။ၵူၺ်းၵႃႈၶိင်ႇၵႃႇလႃႉၵမ်းလိုၼ်းၼၼ်ႉတၵ်းဢမ်ႇပဵၼ်ၸိူဝ်ႉၼင်ႇၶိင်ႇၵႃႇလႃႉမိူဝ်ႈဢွၼ်တၢင်းၼၼ်ႉ။လွင်ႈမၼ်းၸမ်းႁိူဝ်းသၢင်းၽေႃးၶိတ်ႉတိမ်ႇတင်းလၢႆတၵ်းဢွၼ်ၵၼ်ႁၢမ်ႈတပ်ႉႁႄႉၶႅၼ်မၼ်းဢေႃႈ။
၃၀ ၵွပ်ႈပိူဝ်ႈၸိူဝ်ႉၼင်ႇၼၼ်လႄႈမၼ်းတၵ်းၸဵပ်းယူႇသေလႄႈၶိုၼ်းမိူဝ်းလႄႈၸႂ်မႆႈၶႆႈၸႃႉတီႈပတိႉၺိၼ်ႇတြႃးဢၼ်မူတ်းၸၢင်ႇၼၼ်ႉသေလႄႈၸွမ်းၵႃႈၼင်ႇဢၼ်ဢလူဝ်ႇမၼ်းမီးၼၼ်ႉဢေႃႈ။
၃၁ တပ်ႉၵူၼ်းသိုၵ်းဢၼ်ဢွၵ်ႇၵႃႈတီႈမၼ်းၼၼ်ႉတၵ်းဢွၼ်ၵၼ်လုၵ်ႉလႄႈႁႂ်ႈထႃႇၼႃႉတီႈမူတ်းၸၢင်ႇၸဝ်ႈတီႈဢၼ်တၼ်းၶူဝ်းယႂ်ႇၼၼ်ႉၵူဝ်ႈၵိူၵ်ႇဢေႃႈ။ၶဝ်ၼၼ်ႉတၵ်းဢွၼ်ၵၼ်ၽေႇဝၢတ်ႈဢၼ်ႁဵတ်းယူႇၵူႈဝၢၼ်ႈၵူႈမိူင်းသေႇသေႇၼၼ်ႉပႅတ်ႈလႄႈပူၵ်းတင်ႈလွင်ႈတၢင်းဢၼ်လီႁင်ႈဢဵတ်ႇသဵတ်ႇဢၼ်ၸၢင်ႊယႃႉယူၵ်ႉၼၼ်ႉဝႆႉဢေႃႈ။
၃၂ မၼ်းတၵ်းၶျေႃးဝွၼ်းၶဝ်ၸိူဝ်းဢၼ်ၽိတ်းပိူင်ႈပတိၺိၼ်ႇတြႃးၼၼ်ႉလႄႈႁႂ်ႈၶဝ်ပူၼ်ႉလိူဝ်ဢေႃႈ။ၶဝ်ၸိူဝ်းဢၼ်ႁူႉၽြႃးၶဝ်ယူႇၼၼ်ႉၸမ်းတၵ်းဢွၼ်ၵၼ်ဢဝ်ႁႅင်းဢၼ်ယႂ်ႇၼႃႇလႄႈႁဵတ်းဢေႃႈ။
၃၃ ၶဝ်ၸိူဝ်းဢၼ်မီးပိင်ႇၺႃႇၵႃႈၼႂ်းၵူၼ်းတင်းလၢႆၼၼ်ႉတၵ်းဢွၼ်ၵၼ်သင်ႇသွၼ်ၵူၼ်းၼမ်ၼႃႇဢေႃႈ။ၵူၺ်းၵႃႈၶဝ်တၵ်းဢွၼ်ၵၼ်လူမ်ႉတၢႆလူၺ်ႈၽေးလၢပ်ႇၽေးလႅဝ်း၊ၽေးတၢင်းဢၼ်ဢဝ်တုတႆ်ႇး၊ၽေးတၢင်းဢၼ်သိမ်းဢဝ်ၵႂႃႇတၢင်ႇတီႈတၢင်ႇလႅၼ်၊ၽေးတၢင်းဢၼ်ႁိမ်ဢဝ်ႁူင်ႇဢဝ်ၼၼ်ႉႁိုင်တၢၼ်ႇတၢၼ်ႇဢေႃႈ။
၃၄ မိူဝ်ႈဢၼ်ၶဝ်လူမ်ႉၼၼ်ႉသမ်ႉတၵ်းလႆႈၶၢမ်ႇတၢင်းဢၼ်ၸွႆႈထႅမ်မႃႉၸႃႉဢေႃႈ။ၵူၼ်းၼမ်ၼႃႇတၵ်းဢွၼ်ၵၼ်ႁဵတ်းတၢင်းဢၼ်ၶျေႃးဢၼ်ဝွၼ်းသေလႄႈပိုင်ႈဢိင်ၸပ်းၸွမ်းၶဝ်ယူႇဢေႃႈ။
၃၅ ၶဝ်ၸိူဝ်းဢၼ်မီးပိင်ႇၺႃႇၵမ်ႈၽွင်ႈတၵ်းဢွၼ်ၵၼ်လူမ်ႉႁႂ်ႈၶဝ်လႆႈၶၢမ်ႇတၢင်းဢၼ်ၸၢမ်းတူၺ်းသေလႄႈလႆႈမူတ်းသႂ်ၶၢဝ်ၸၢင်ႇတေႃႇထိုင်ႁွတ်ႈတီႈသုတ်းတီႈၵွႆၼၼ်ႉဢေႃႈ။လွင်ႈမၼ်းၸမ်းတၵ်းလႆႈပဵၼ်ၼႂ်းၶိင်ႇမိူဝ်ႈဢၼ်မၵ်းၶၢၼ်းဝႆႉၼၼ်ႉဢေႃႈ။
ၶုၼ်ႁေႃၶမ်းယုၵ်ႉယွင်ႈတူဝ်ၸဝ်ႈၵဝ်ႇ
၃၆ ၶုၼ်ႁေႃၶမ်းၼၼ်ႉတၵ်းႁဵတ်းၸွမ်းၵႃႈၼင်ႇဢၼ်ဢလူဝ်ႇမၼ်းမီးၼၼ်ႉလႄႈတူဝ်မၼ်းယုၵ်ႉယွင်ႈတူဝ်မၼ်းႁႂ်ႈတူဝ်မၼ်းပဵၼ်ဢၼ်ယႂ်ႇမျၢတ်ႈလိူဝ်တွၼ်းၼႃႇသေၽြႃးတင်းသဵင်ႈတင်းလူင်ယူႇသေလႄႈႁဵတ်းတၢင်းဢၼ်ၶတ်းၵၼ်တင်းၽြႃးၼိူဝ်ၽြႃးတင်းလၢႆၼၼ်ႉလႄႈလၢတ်ႈၵႂၢမ်းဢၼ်လီဢၢမ်းၼႃႇဢေႃႈ။မၼ်းတၵ်းလႆႈလီလႆႈပဵၼ်ယူႇတေႃႇထိုင်ႁွတ်ႈၶိင်ႇၵႃႇလႃႉတေႃးသႃႉတင်းၸႂ်မႆႈၶႆႈၸႃႉၸေးၸုင်ႇၼၼ်ႉဢေႃႈ။
၃၇ တၵ်းလႆႈပဵၼ်ၸွမ်းၵႃႈၼင်ႇဢၼ်ၸီႇယၢင်ႇတႅပ်းတတ်းဝႆႉၼၼ်ႉဢေႃႈ။မၼ်းတၵ်းဢမ်ႇႁဵတ်းပမႃႇၼႃႉတီႈၽြႃးပူႇမၼ်းမွၼ်ႇမၼ်းတင်းလၢႆဢမ်ႇၵႃးၽြႃးဢၼ်မေႈယိင်းတင်းလၢႆၸပ်းၸွႆးတီႈၽြႃးသေသူႇသပေႃးၵေႃႈမၼ်းဢမ်ႇမီးတၢင်းဢၼ်ႁဵတ်းပမႃႇၼႃႉ။မၼ်းတၵ်းယုၵ်ႉယွင်ႈတူဝ်မၼ်းလိူဝ်တွၼ်းၼႃႇသေပိူၼ်ႈတင်းသဵင်ႈတင်းလူင်ဢေႃႈ။
၃၈ မၼ်းတၵ်းယုၵ်ႉယွင်ႈၽြႃးတိူၵ်ႈတီႈတိုၵ်းသိုၵ်းၵႃးတီႈၼႂ်းဢရႃႇၽြႃးမၼ်းလႄႈဢဝ်ငိုၼ်းၶမ်းသႅင်မျၢတ်ႈၶိူင်ႈပိူင်ဢၼ်ထိူၵ်ႈၵႃႈထိူၵ်ႈၶၼ်ၼၼ်ႉပုၵ်ႉၸေႃႇတီႈၽြႃးဢၼ်ပူႇမွၼ်ႇမၼ်းဢမ်ႇတွၼွ်ႁူႉၸၵ်းၼၼ်ႉဢေႃႈ။
၃၉ မၼ်းတၵ်းဢိင်ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းသေလႄႈလုမ်းလႃးတိူၵ်ႈတီႈတိုၵ်းသိုၵ်းဢၼ်မၼ်ႈဢၼ်ၶိူင်ႇတင်းလၢႆလႄႈႁႂ်ႈၵုင်ႇသရေႇၶဝ်ၸိူဝ်းဢၼ်ႁပ်ႉတုင်းဢဝ်ၼၼ်ႉယႂ်ႇၽႄႈတူဝ်းတွၼ်းမႃးဢေႃႈ။မၼ်းတၵ်းပၼ်ဢၶႂၢင်ႉႁႂ်ႈၶဝ်လႆႈဢုပ်ႉၵႃႈၼိူဝ်ၵူၼ်းၼမ်ၼႃႇလႄႈၽႄလိၼ်မႅင်ႇပၼ်ႁႂ်ႈပၼ်ဢၵျူဝ်းပုၼ်ႈၶဝ်ဢေႃႈ။
၄၀ ၶိင်ႇၵႃႇလႃႉတီႈသုတ်းတီႈၵွႆၼၼ်ႉၶုၼ်ႁေႃၶမ်းမိူင်းတၢင်းၸၢၼ်းၼၼ်ႉတၵ်းတိုၵ်းတေႃမၼ်းလႄႈၶုၼ်ႁေႃၶမ်းမိူင်းတၢင်းႁွင်ႇၵေႃႈတၵ်းပႃးဢဝ်ရထႃးလႂ်၊ႁူဝ်ႁၢၼ်ၵူၼ်းသိုၵ်းၶီႇမႃႉလႂ်၊ႁိူဝ်းသၢင်းၽေႃးလႂ်သေလႄႈၶီႇသိုၵ်းၸူးမၼ်းၼၼ်ႉမိူၼ်ၸိူဝ်ႉၼင်ႇလူမ်းၽိဝ်ႁုင်ၼၼ်ႉလႄႈၶဝ်ႈၵႃႈၼႂ်းမိူင်းတင်းလၢႆလႄႈထုမ်ႈႁူမ်ႇသေယဝ်ႉဢွၵ်ႇၵႂႃႇသေဢေႃႈ။
၄၁ မိူင်းဢၼ်သႃႇယႃႇလီငၢမ်းၵေႃႈမၼ်းတၵ်းၶဝ်ႈလႄႈၵူၼ်းၼမ်ၼႃႇတၵ်းသုမ်းၸွမ်းဢေႃႈ။ၵူၺ်းၵႃႈၶဝ်ၸိူဝ်းဢၼ်လွတ်ႈသေၵႃႈၼႂ်းမိုဝ်းမၼ်းၸမ်းပဵၼ်ၵူၼ်းမိူင်းဢေႇတုမ်ႇ၊ၵူၼ်းမိူင်းမေႃႇၽ၊ၵူၼ်းမဵဝ်းဢမ်ႇမုၼ်ႇဢၼ်ပဵၼ်ဢၼ်ယႂ်ႇဢၼ်မျၢတ်ႈၸိူဝ်းၼၼ်ႉဢေႃႈ။
၄၂ မၼ်းတၵ်းလႆႈယဵတ်ႇယိုၼ်းမိုဝ်းမၼ်းၵႃႈၼိူဝ်မိူင်းတင်းလၢႆမိူင်းဢေႇၵႅပ်ႉတုၵေႃႈဢမ်ႇလႆႈလွတ်ႈ။
၄၃ မၼ်းတၵ်းလႆႈပိူင်ႇဢဝ်ၽၼ်ႇတႃႇငိုၼ်း၊ၽၼ်ႇတႃႇၶမ်း၊ဢုၵ်ႉၸႃႇဢၼ်ထိူၵ်ႈၵႃႈထိူၵ်ႈၶၼ်ၵႃႈဢၼ်မီးၵႃႈၼႂ်းမိူင်းဢေႇၵႅပ်ႉတုၼၼ်ႉဢေႃႈ။ၵူၼ်းမိူင်းလိပုႉဢိၵ်ႇတင်းၵူၼ်းမိူင်းၵုသတင်းလၢႆတၵ်းလႆႈဢွၼ်ၵၼ်ၸွမ်းလင်မၼ်းဢေႃႈ။
၄၄ ၵူၺ်းၵႃႈသတၢင်းသဵင်ၶၢဝ်ႇဢၼ်ဢွၵ်ႇသေၵႃႈတီႈၼႃႈဝၼ်းဢွၵ်ႇၼႃႈတၢင်းႁွင်ႇမႃးၼၼ်ႉတၵ်းႁႂ်ႈမၼ်းမႆႈၸႂ်ႁွၼ်ႉၸႂ်လႄႈမၼ်းတၵ်းမီးတေႃးသႃႉတၢင်းၸႂ်မႆႈဢၼ်ယႂ်ႇၼႃႇလူင်လၢင်သေလႄႈဢွၵ်ႇၵႂႃႇႁႂ်ႈလႆႈယႃႉပႅတ်ႈလႄႈၽဵဝ်ႈၵူၼ်းၼမ်ၼႃႇပႅတ်ႈဢေႃႈ။
၄၅ မၼ်းတၵ်းတႄႇႁဵတ်းသုမ်ႉထဵင်ႁေႃၶမ်းမၼ်းၵႃႈၼႂ်းၵႄႈဝူင်ႈၵၢင်ပၢင်ႇလၢႆႇတင်းလွႆဢၼ်မူတ်းၸၢင်ႇၼၼ်ႉဢေႃႈ။ၵူၺ်းၵႃႈမၼ်းတၵ်းႁွတ်ႈထိုင်တီႈသုတ်းတီႈၵွႆမၼ်းလႄႈၽူႈလႂ်ဢမ်ႇၸွႆႈထႅမ်မႃႉၸႃႉမၼ်းလႆႈသေၵေႃႉသေၵူၼ်း။