၆
တၢၼ်ႇယေႇလတုၵ်းၼႂ်းၶုမ်သၢင်ႇသီႈ
၁ ၶုၼ်လူင်တႃႇရိၼၼ်ႉၸွမ်းလူၺ်ႈဢလူဝ်မၼ်းၸဝ်ႈသေလႄႈၶၢၼ်းၸဝ်ႈၾဢၼ်လႆႈၸီႇယၢင်ႇဢမူႉသိုင်ႇၸိုင်ႈဝၢၼ်ႈမိူင်းၸဝ်ႈၵူႈၸိူဝ်ႉၵူႈပိူင်ၼၼ်ႉပၢၵ်ႇပၢႆသၢဝ်းၼိုင်ႈဢိၵ်ႇတင်းဝူၼ်ႇလူင်ႇသၢမ်ႇပႃးဢၼ်ပႃးတင်းတၢၼ်ႇယေႇလဢၼ်လႆႈဢုပ်ႉၵႃႈၼိူဝ်ၶဝ်ၼၼ်ႉသေလႄႈ
၂ ႁႂ်ႈၸဝ်ႈၾၸိူဝ်းၼၼ်ႉသၢၵ်ႈပၼ်သႂၢင်းၸပေႇၸရၢင်းတီႈၶဝ်ႁႂ်ႈဢၵျူဝ်းၶုၼ်ႁေႃၶမ်းဢမ်ႇလႆႈလူႉၼၼ်ႉဢေႃႈ။
၃ တၢၼ်ႇယေႇလၼၼ်ႉၵွပ်ႈပိူဝ်ႈမီးတဵမ်ဝႆႉတင်းၺၢၼ်ႇဢၼ်လၢၵ်ႇလၢႆးၼၼ်ႉလႄႈလႆႈဢရႃႇဢၼ်ဢုပ်ႉၵႃႈၼိူဝ်ဝူၼ်ႇလူင်တင်းလၢႆဢိၵ်ႇတင်းၸဝ်ႈၾတင်းလၢႆလႄႈၶုၼ်ႁေႃၶမ်းမီးတၢင်းၵျၢမ်ႇတၢင်းပွင်တၵ်းဢဝ်မၼ်းၶၢၼ်းဝႆႉၵႃႈၼိူဝ်သိုင်ႇၸိုင်ႈဝၢၼ်ႈမိူင်းၸဝ်ႈတင်းသဵင်ႈတင်းလူင်ဢေႃႈ။
၄ မိူဝ်ႈၼၼ်ႉၶုၼ်လူင်တင်းလၢႆဢိၵ်ႇတင်းၸဝ်ႈၾၸိူဝ်းၼၼ်ႉဢွၼ်ၵၼ်ႁႃဢၶႂၢင်ႉဢၼ်တၵ်းလႆႈတၢင်ႇဢပျႅတ်ႈတီႈတၢၼ်ႇယေႇလလူၺ်ႈလွင်ႈဢမူႉသိုင်ႇၸိုင်ႈဝၢၼ်ႈမိူင်းၸဝ်ႈၼၼ်ႉဢေႃႈ။ၵူၺ်းၵႃႈၶဝ်ဢမ်ႇထူပ်းတီႈဢၼ်ၽိတ်းပိူင်ႈဢိၵ်ႇတင်းဢၶႂၢင်ႉဢၼ်တၵ်းလႆႈတၢင်ႇဢပျႅတ်ႈလႃးလႃး။လွင်ႈမၼ်းၸမ်းမၼ်းမီးတဵမ်ဝႆႉတင်းသႅတ်ႉၸႃႇလႄႈဢမ်ႇမီးဢပျႅတ်ႈသေၸိူဝ်ႉသပေိူင်။
၅ မိူဝ်ႈဢၼ်ၵူၼ်းၸိူဝ်းၼၼ်ႉတိူင်ႇပၢင်ႇလၢတ်ႈၸႃၵၼ်လႄႈဝႃႈ၊-ၼွၵ်ႈသေဢမူႉၽႃႇသႃႇၽြႃးပဵၼ်ၸဝ်ႈမၼ်းၼၼ်ႉႁဝ်းဢွၼ်ၵၼ်ႁႃဢၶႂၢင်ႉဢၼ်တၵ်းတၢင်ႇဢပျႅတ်ႈတီႈမၼ်းၼၼ်ႉဢမ်ႇထူပ်းဢမ်ႇႁၼ်လႆႈ၊ဝႃႈၼင်ႇၼႆသေယဝ်ႉ၊ဝူၼ်ႇလူင်တင်းလၢႆဢိၵ်ႇတင်းၸဝ်ႈၾၸိူဝ်းၼၼ်ႉ
၆ ဢွၼ်ၵၼ်မႃးၸူႉၵၼ်တုမ်ၵၼ်ၵႃႈတီႈၶုၼ်ႁေႃၶမ်းသေလႄႈလဝ်ႈလၢတ်ႈလႄႈဝႃႈ၊-ၸဝ်ႈၶုၼ်လူင်တႃႇရိတီႈၶႃႈ။ႁႂ်ႈဢသၢၵ်ႈၸဝ်ႈႁဝ်းလိပ်းယူႇတႃႇသေႇမၼ်ႈၶိူင်ႇသေၵမ်းလူၺ်ႈတီႈၶႃႈ။
၇ ဝူၼ်ႇလူင်၊ၸဝ်ႈၾ၊မူးမၢတ်ႈၽွင်းမိူင်းဢၼ်တိူင်ႇပၢင်ႇ၊ၸႅတ်ႈၵၢႆးမိူင်းၸဝ်ႈတင်းသဵင်ႈတင်းလူင်တိူင်ႇပၢင်ႇၽွမ်ႉသဵင်ပဵင်းပၢၵ်ႇၵၼ်ႁႂ်ႈလႆႈႁဵတ်းတၢင်းဢၼ်ထုတ်ႇဢွၵ်ႇဢူႉပတေႇၸဝ်ႈလႄႈပူင်ဢမိင်ႉၸဝ်ႈဢၼ်ႁၢမ်ႈတပ်ႉႁႄႉၶႅၼ်ဢၼ်ဢမ်ႇၽွၵ်ႈပျၢၼ်ႇလႆႈၼၼ်ႉၸမ်း၊ၼႂ်းသၢမ်သိပ်းဝၼ်းတဵမ်တဵမ်ၼွၵ်ႈသေတီႈၸဝ်ႈႁဝ်းၼႆႉၽူႈလႂ်သေဢမ်ႇဝႃႈၵေႃႉဢၼ်ၶုပ်ႉဝႆႈသူးတွင်းတီႈၽြႃးသေသူႇပေႃးဢမ်ႇၼၼ်တီႈၵူၼ်းသေၵေႃႉသေၵူၼ်းၼၼ်ႉၸိုင်ၵေႃႉၼၼ်ႉတၵ်းလႆႈၶၢမ်ႇတၢင်းဢၼ်ဢဝ်ထႅမ်ႈၶျႃးတူၵ်းသႂ်ႇၵႃႈၼႂ်းႁူးၶုမ်ဢၼ်ၶင်သၢင်ႇသီႈဝႆႉၼၼ်ႉဢေႃႈ၊ဝႃႈၼင်ႇၼႆၼၼ်ႉတီႈၶႃႈယဝ်ႉ။
၈ ပိူဝ်ႈၼႆလႄႈၸဝ်ႈၶုၼ်လူင်တီႈၶႃႈ။ပူင်ဢမိင်ႉဢၼ်ႁၢမ်ႈတပ်ႉႁႄႉၶႅၼ်ၼၼ်ႉသေၵမ်းတီႈၶႃႈ။
၉ တွၵ်ႇတၼ်းသိၵ်ႈႁႂ်ႈဢမိင်ႉၸဝ်ႈၼၼ်ႉတႄႇယူႇၸွမ်းလူၺ်ႈထမ်ႇမႃႉသၢတ်ႈမေႇတိ၊ပေႇရသိဢၼ်ဢမ်ႇၸၢင်ႈၶၢႆႉပုတ်ႈလႆႈၼၼ်ႉသေၵမ်းတီႈၶႃႈ၊ဝႃႈၼင်ႇၼႆသေယဝ်ႉ၊ၶုၼ်တႃႇရိၼၼ်ႉတွၵ်ႇတၼ်းသိၵ်ႈတီႈဢမိင်ႉၸဝ်ႈဢၼ်ႁၢမ်ႈတပ်ႉႁႄႉၶႅၼ်ၼၼ်ႉဢေႃႈ။
၁၀ ပိၵ်ႉသမ်ႉတၢၼ်ႇယေႇလႁူႉငိၼ်းလွင်ႈဢၼ်ဢမိင်ႉၸဝ်ႈမီးတၢင်းဢၼ်ထုတ်ႇဢွၵ်ႇလႄႈတွၵ်ႇတၼ်းသိၵ်ႈဝႆႉယဝ်ႉသေၵေႃႈမၼ်းၵႂႃႇၸူးၵႃႈတီႈႁိူၼ်းမၼ်းလႄႈၽုၺ်ႇပိုတ်ႇႁူးလၢင်းတဵၼ်လုၵ်းႁၢၼ်ႉၼိူဝ်ဢၼ်ဝၢႆႇၼႃႈတေႃဝဵင်းယေႇရုသလႅမ်ႇၼၼ်ႉသေယဝ်ႉယေႈဝၼ်းသၢမ်ပွၵ်ႈမၼ်းၶုပ်ႉၶဝ်သေလႄႈသူးတွင်းယွင်ႈယေႃးၵျေးၸူးၸဝ်ႈၵႃႈတီႈၽၢႆႇၼႃႈၽြႃးပဵၼ်ၸဝ်ႈၸွမ်းၵႃႈၼင်ႇဢၼ်မီးထုင်းၸၢမ်ႇဢၼ်မၼ်းႁဵတ်းမိူဝ်ႈဢွၼ်တၢင်းၼၼ်ႉဢေႃႈ။
၁၁ မိူဝ်ႈၼၼ်ႉၶုၼ်ၸိူဝ်းၼၼ်ႉဢွၼ်ၵၼ်မႃးၸူႉၵၼ်တုမ်ၵၼ်လႄႈထူပ်းႁၼ်တၢၼ်ႇယေႇလသူးတွင်းပထၼႃႇလဝ်ႈယွၼ်းၵႃႈတီႈၽၢႆႇၼႃႈၽြႃးပဵၼ်ၸဝ်ႈမၼ်းၼၼ်ႉသေယဝ်ႉ၊ဢွၼ်ၵၼ်သုတ်ႉၸပ်းသုတ်ႉၸူးၵႃႈတီႈၶုၼ်ႁေႃၶမ်းလႄႈလဝ်ႈထၢမ်လွင်ႈဢမိင်ႉမၼ်းၸဝ်ႈၼၼ်ႉလႄႈဝႃႈ-
၁၂ ၸဝ်ႈႁဝ်းတွၵ်ႇတၼ်းသိၵ်ႈဝႆႉတီႈဢမိင်ႉၸဝ်ႈဢၼ်ဝႃႈၼႂ်းသၢမ်သိပ်းဝၼ်းတဵမ်တဵမ်ၼွၵ်ႈသတေီႈၸဝ်ႈႁဝ်းၼႆႉၸဝ်ႈၶုၼ်လူင်တီႈၶႃႈ။ၶဝ်ၵႃႈဢၼ်ၶုပ်ႉဝႆႈသူးတွင်းတီႈၽြႃးသသေူႇသပေႃးဢမ်ႇၼၼ်တီႈၵူၼ်းသေၵေႃႉသေၵူၼ်းၼၼ်ႉတၵ်းလႆႈၶၢမ်ႇတၢင်းဢၼ်ဢဝ်ထႅမ်ႈၶျႃးတူၵ်းသႂ်ႇၵႃႈၼႂ်းႁူးၶုမ်ဢၼ်ၶင်သၢင်ႇသီႈဝႆႉၼၼ်ႉဢေႃႈ၊ဝႃႈၼႆယဝ်ႉဢမ်ႇၸႂ်ႈတီႈၶႃႈႁိုဝ်၊ဝႃႈၼင်ႇၼႆဢေႃႈ။ၶုၼ်ႁေႃၶမ်းၵေႃႈမီးဢမိင်ႉလႄႈဝႃႈ၊-ပဵၼ်ဢၼ်မၢၼ်ႇဢၼ်မႅၼ်ႈၸွမ်းလူၺ်ႈထမ်ႇမႃႉသၢတ်ႈမေႇတိ၊ပေႇရသိဢၼ်ဢမ်ႇၸၢင်ႈၶၢႆႉပုတ်ႈလႆႈၼၼ်ႉယဝ်ႉ၊ဝႃႈၼင်ႇၼႆဢေႃႈ။
၁၃ ၵူၼ်းၸိူဝ်းၼၼ်ႉၵေႃႈဢွၼ်ၵၼ်လဝ်ႈလၢတ်ႈၵႃႈတီႈၽၢႆႇၼႃႈၶုၼ်ႁေႃၶမ်းလႄႈဝႃႈ၊-ၸဝ်ႈၶုၼ်လူင်တီႈၶႃႈ။တၢၼ်ႇယေႇလမဵဝ်းၵူၼ်းယုတဢၼ်လႆႈၶၢမ်ႇတၢင်းဢၼ်သိမ်းဢဝ်မႃးၼၼ်ႉဢမ်ႇႁဵတ်းပမႃႇၼႃႉတီႈၸဝ်ႈႁဝ်း၊ၸဝ်ႈၶုၼ်လူင်၊ဢိၵ်ႇတင်းတီႈဢမိင်ႉၸဝ်ႈႁဝ်းဢၼ်ၸဝ်ႈႁဝ်းတွၵ်ႇတၼ်းသိၵ်ႈၼၼ်ႉလႄႈမၼ်းႁဵတ်းသူးတွင်းပထၼႃႇယူႇယေႈဝၼ်းသၢမ်ပွၵ်ႈတီႈၶႃႈဢေႃႈ၊ဝႃႈၼင်ႇၼႆဢေႃႈ။
၁၄ ၶုၼ်ႁေႃၶမ်းငိၼ်းၵႂၢမ်းၼၼ်ႉသေယဝ်ႉမႆႈၸႂ်ၶီၸႂ်ၼႃႇလူင်လၢင်လႄႈမီးၸႂ်ဢၼ်ႁႅင်းယႂ်ႇၼႃႇလူင်လၢင်ႁႂ်ႈလႆႈၵႄႇသႄႇဢဝ်တၢၼ်ႇယေႇလလွတ်ႈလႄႈၶတ်းၸႂ်ႁႃဢၶႂၢင်ႉႁႂ်ႈလႆႈဢဝ်မၼ်းလွတ်ႈယူႇတေႃႇထိုင်ႁွတ်ႈၵၢင်ဝၼ်းပေႃးတူၵ်းဢေႃႈ။
၁၅ လၢႆးသမ်ႉၶုၼ်ၸိူဝ်းၼၼ်ႉဢွၼ်ၵၼ်မႃးၸူႉၵၼ်တုမ်ၵၼ်ၵႃႈတီႈၶုၼ်ႁေႃၶမ်းလႄႈလဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊-ၸဝ်ႈၶုၼ်လူင်တီႈၶႃႈ။ၶႅၼ်းတေႃႈလႆႈသတိလွင်ႈဢၼ်ပႃးၵႃႈၼႂ်းထမ်ႇမႃႉသိတ်ႉမေႇတိ၊ပေႇရသိၼၼ်ႉလႄႈဝႃႈဢမိင်ႉၸဝ်ႈဢိၵ်ႇတင်းဢူႉပတေႇၸဝ်ႈဢၼ်ၶုၼ်ႁေႃၶမ်းထုတ်ႇဢွၵ်ႇယဝ်ႉၼၼ်ႉဢမ်ႇလႆႈၶၢႆႉလႆႈပုတ်ႈ၊ဝႃႈၼင်ႇၼႆၼၼ်ႉသေၵမ်းတီႈၶႃႈ၊ဝႃႈၼင်ႇၼႆသေယဝ်ႉ၊
၁၆ ၶုၼ်ႁေႃၶမ်းၵေႃႈမီးဢမိင်ႉလႄႈၶဝ်ဢွၼ်ၵၼ်ဢဝ်တၢၼ်ႇယေႇလၶျႃးတူၵ်းသႂ်ႇၵႃႈၼႂ်းႁူးၶုမ်ဢၼ်ၶင်သၢင်ႇသီႈဝႆႉၼၼ်ႉဢေႃႈ။ၶုၼ်ႁေႃၶမ်းၵေႃႈမီးဢမိင်ႉတီႈတၢၼ်ႇယေႇလလႄႈဝႃႈ၊-ႁႂ်ႈၽြႃးဢၼ်မႂ်းၵူဝ်းၵႂၢႆႇယူႇသေႇသေႇၼၼ်ႉၵႄႇသႄႇၶျွတ်ႈဢဝ်မႂ်းသေၵမ်း၊ဝႃႈၼင်ႇၼႆဢေႃႈ။
၁၇ ၶႅပ်းမၢၵ်ႇႁိၼ်လူင်ၵေႃႈၶဝ်ဢဝ်မႃးလႄႈႁူမ်ႇဢိုတ်းဝႆႉၵႃႈၼိူဝ်ပၢၵ်ႇႁူးၶုမ်သေယဝ်ႉၶုၼ်ႁေႃၶမ်းၵေႃႈတွၵ်ႇတၼ်းသိၵ်ႈလႄႈၶုၼ်ၸိူဝ်းၼၼ်ႉတွၵ်ႇတၼ်းသိၵ်ႈၶဝ်ဝႆႉႁႂ်ႈတၢင်းဢၼ်ၸီႇယၢင်ႇတၢၼ်ႇယေႇလၼၼ်ႉဢမ်ႇလိူဝ်ဢမ်ႇယွမ်းဢေႃႈ။
၁၈ လိုၼ်းၼၼ်ႉၶုၼ်ႁေႃၶမ်းၶိုၼ်းမိူဝ်းတီႈႁေႃၶမ်းလႄႈၵမ်တၢင်းၵိၼ်ယူႇထၢၼ်ႈပေႃးပူၼ်ႉၶိုၼ်းတင်းၶိုၼ်းလႄႈယင်းဢမ်ႇႁႂ်ႈဢဝ်ၸိူင်ႉၼၢင်းမၼ်းတင်းလၢႆသႂၢင်းၶဝ်ႈတီႈမၼ်းလႄႈမၼ်းၼွၼ်းလႄႈဢမ်ႇလပ်းလႆႈ။
၁၉ ၶုၼ်ႁေႃၶမ်းလုၵ်ႉၸဝ်ႉၸဝ်ႉၶိင်ႇမိူဝ်ႈဢၼ်မိူင်းလႅင်းၼၼ်ႉလႄႈၵႂႃႇၸူးၵႃႈတီႈႁူးၶုမ်သၢင်ႇသီႈၼၼ်ႉၶၼ်ၶၼ်ၽႂ်းၽႂ်းဢေႃႈ။
၂၀ မၼ်းႁွတ်ႈထိုင်ၵႃႈတီႈႁိမ်းႁူးၶုမ်ၼၼ်ႉသေယဝ်ႉပႃးတင်းသဵင်ဢၼ်ႁႆႈဢၼ်ႁွင်ႉသေလႄႈႁွင်ႉဢေႃႈ။ၶုၼ်ႁေႃၶမ်းႁွင်ႉထၢမ်ႇတီႈတၢၼ်ႇယေႇလလႄႈဝႃႈ၊-တၢၼ်ႇယေႇလ၊ၶႃႈၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇၼၼ်ႉဢိူၺ်း။ၽြႃးပဵၼ်ၸဝ်ႈဢၼ်မႂ်းၵူဝ်းၵႂၢႆႇယူႇသေႇသေႇၼၼ်ႉၵႄႇသႄႇၶျွတ်ႈဢဝ်မႂ်းလွတ်ႈသေၵႃႈၼႂ်းၽေးသၢင်ႇသီႈလႆႈယူႇႁိုဝ်၊ဝႃႈၼင်ႇၼႆဢေႃႈ။
၂၁ တၢၼ်ႇယေႇလၵေႃႈၶိုၼ်းလဝ်ႈလၢတ်ႈတီႈၶုၼ်ႁေႃၶမ်းလႄႈဝႃႈ၊-ၸဝ်ႈၶုၼ်လူင်တီႈၶႃႈ။ႁႂ်ႈဢသၢၵ်ႈၸဝ်ႈႁဝ်းလိပ်းယူႇတႃႇသေႇမၼ်ႈၶိူင်ႇသေၵမ်းလူၺ်ႈတီႈၶႃႈ။ၽြႃးပဵၼ်ၸဝ်ႈဢၼ်ၶႃႈၸဝ်ႈၵူဝ်းၵႂၢႆႇယူႇၼၼ်ႉပွႆႇၸႂ်ႉတမၢၼ်ႇၵၢင်ႁၢဝ်သေလႄႈမႃးဢိုတ်းသုပ်းသၢင်ႇသီႈဝႆႉလႄႈၶႃႈၸဝ်ႈၵၢင်းလွတ်ႈတင်းၽေးသၢင်ႇသီႈယူႇၶႃႈဢေႃႈ။
၂၂ လွင်ႈမၼ်းၸမ်းၶႃႈၸဝ်ႈၼႆႉၵၢင်းလွတ်ႈတင်းဢပျႅတ်ႈၵႃႈတီႈၽၢႆႇၼႃႈမၼ်းၸဝ်ႈၼၼ်ႉလႄႈၶႃႈၸဝ်ႈဢမ်ႇၽိတ်းပိူင်ႈၵႃႈတီႈၽၢႆႇၼႃႈၸဝ်ႈႁဝ်းလႃးလႃးတီႈၶႃႈ၊ဝႃႈၼင်ႇၼႆဢေႃႈ။
၂၃ မိူဝ်ႈၼၼ်ႉၶုၼ်ႁေႃၶမ်းၸူမ်းသိူဝ်းၼႃႇလူင်လၢင်လႄႈမီးဢမိင်ႉႁႂ်ႈဢဝ်တၢၼ်ႇယေႇလဢွၵ်ႇသေၵႃႈၼႂ်းႁူးၶုမ်ၼၼ်ႉလႄႈတၢၼ်ႇယေႇလလႆႈၶၢမ်ႇတၢင်းဢၼ်ဢဝ်ဢွၵ်ႇသေၵႃႈၼႂ်းႁူးၶုမ်ၼၼ်ႉလႄႈဢမ်ႇမီးတၢင်းဢၼ်ၸဵပ်းဢၼ်သႅပ်ႇသေၸိူဝ်ႉသပေိူင်တီႈမၼ်းလႃးလႃးၵွပ်ႈပိူဝ်ႈဢၼ်မၼ်းယုမ်ႇမၢတ်ႈဢိင်ပိုင်ႈၽြႃးပဵၼ်ၸဝ်ႈမၼ်းၼၼ်ႉဢေႃႈ။
၂၄ လိုၼ်းၼၼ်ႉၶုၼ်ႁေႃၶမ်းမီးဢမိင်ႉလႄႈၶဝ်ဢွၼ်ၵၼ်ႁွင်ႉဢဝ်ၶဝ်ၸိူဝ်းဢၼ်တၢင်ႇဢပျႅတ်ႈတီႈတၢၼ်ႇယေႇလၼၼ်ႉမႃးလႄႈဢဝ်ၶဝ်တင်းလုၵ်ႈၶဝ်မေးၶဝ်ထႅမ်ႈၶျႃးတူၵ်းသႂ်ႇၵႃႈၼႂ်းႁူးၶုမ်သၢင်ႇသီႈၼၼ်ႉသေလႄႈသၢင်ႇသီႈၸိူဝ်းၼၼ်ႉဢွၼ်ၵၼ်ပေႉၼႅင်ႇလႄႈသိၵ်ႇယႃႉႁၵ်းလုပ်ႇၶဝ်ၵႃႈမီးပႅတ်ႈၸဵမ်မိူဝ်ႈၸူဝ်ႈဢၼ်ၶဝ်ဢမ်ႇပႆႇတူၵ်းႁွတ်ႈတူၵ်းထိုင်ၵူၼ်ႈၶုမ်ပိုၼ်ႉၶုမ်ၼၼ်ႉဢေႃႈ။
၂၅ မိူဝ်ႈၼၼ်ႉၶုၼ်ႁေႃၶမ်းလူင်တႃႇရိပွႆႇၸႂ်ႉလိၵ်ႈဢမိင်ႉၸဝ်ႈၵႂႃႇတီႈၵူၼ်းၵူႈၸိူဝ်ႉၵူႈမဵဝ်းဢၼ်ယူႇၵႃႈတီႈၵူႈတီႈၵူႈလႅၼ်ၵႃႈၼိူဝ်လိၼ်မိူင်းလႄႈလၢတ်ႈၵႂၢမ်းၽႃႇသႃႇၶေႃၶေႃႁင်းၽႂ်ႁင်းမၼ်းတင်းသဵင်ႈတင်းလူင်ၼၼ်ႉဢေႃႈ။ၵႂၢမ်းလိၵ်ႈဢၼ်ဝႃႈၸမ်း၊ႁႂ်ႈတၢင်းဢၼ်ၼိမ်ဢၼ်လီၵတ်းယဵၼ်ၶျၢမ်းသႃႇမီးၼမ်ၼႃႇတီႈသူသေၵမ်းလူၺ်ႈ။
၂၆ ၵဝ်ပူင်ဢမိင်ႉၸဝ်ႈႁႂ်ႈၵူၼ်းဢၼ်ယူႇၵႃႈၼႂ်းသိုင်ႇၸိုင်ႈဝၢၼ်ႈမိူင်းဢၼ်ၵဝ်ဢုပ်ႉပိူင်ႇတင်းမိူင်းၼႆႉၸိူဝ်းၼၼ်ႉဢွၼ်ၵၼ်မီးတၢင်းဢၼ်သၼ်ႇသၼ်ႇဝႆဝႆသေလႄႈၵူဝ်ယမ်ၽြႃးပဵၼ်ၸဝ်ႈတၢၼ်ႇယေႇလၼၼ်ႉဢေႃႈ။လွင်ႈမၼ်းၸမ်းၽြႃးပဵၼ်ၸဝ်ႈၼၼ်ႉပဵၼ်ၽြႃးဢၼ်ဢသၢၵ်ႈလိပ်းယူႇလႄႈတႄႇယူႇၼိၵ်ႉၸႃႉထႃႇဝရႃႉဢေႃႈ။သိုင်ႇၸိုင်ႈဝၢၼ်ႈမိူင်းမၼ်းၸဝ်ႈၼၼ်ႉဢမ်ႇႁွတ်ႈထိုင်တၢင်းဢၼ်လူႉဢၼ်လႅဝ်လႆႈ။ဢႃႇၼႃႇၸၢၵ်ႈမၼ်းၸဝ်ႈၵေႃႈတၵ်းတႄႇယူႇတေႃႇထိုင်ႁွတ်ႈတီႈသုတ်းတီၵွႆဢေႃႈ။
၂၇ မၼ်းၸဝ်ႈၸၢင်ႊၵႄႇသႄႇၼုၵ်ႈဢဝ်လႄႈၸၢင်ႊၵႄႇသႄႇၶျွတ်ႈဢဝ်၊ၸၢင်ႊႁဵတ်းႁႂ်ႈၼီႈမိၵ်ႈလၢၵ်ႉၶၼႃႇတီႈဢၼ်ဢမ်ႇလီတင်းလၢႆပဵၼ်ၵႃႈၼိူဝ်ၽႃႉၵၢင်ႁၢဝ်ဢိၵ်ႇတင်းၵႃႈၼိူဝ်လိၼ်မိူင်းလႄႈပဵၼ်ၸဝ်ႈဢၼ်ၵႄႇသႄႇၶျွတ်ႈဢဝ်တၢၼ်ႇယေႇလလွတ်ႈသေၵႃႈၼႂ်းမိုဝ်းသၢင်ႇသီႈတင်းလၢႆယဝ်ႉ၊ဝႃႈၼင်ႇၼႆဢေႃႈ။
၂၈ ၼင်ႇၼၼ်လႄႈတၢၼ်ႇယေႇလၼၼ်ႉလႆႈလီလႆႈပဵၼ်ၼႂ်းၸူဝ်ႈပၢၼ်ၶုၼ်လူင်တႃႇရိဢိၵ်ႇတင်းၼႂ်းၸူဝ်ႈပၢၼ်ၶုၼ်လူင်ၵုရုမဵဝ်းပေႇရသိၼၼ်ႉဢေႃႈ။