၁၂
၁ ၶုၵ်းၸႂ်လႆႈၶႆႈၸႂ်ထူပ်းၸဝ်ႈဢၼ်ၽၢၼ်ႇသၢင်းႁဵတ်းပဵၼ်မႂ်းၼၼ်ႉၼႂ်းမိူဝ်ႈဢၼ်မႂ်းဢသၢၵ်ႈယင်းလဵၵ်ႉယင်းဢွၼ်ႇၸူဝ်ႈဢၼ်မိုဝ်ႉဝၼ်းဢၼ်ႁၢႆႉယုတ်ႈဢမ်ႇပႆႇႁွတ်ႈထိုင်ၶူပ်ႇပီႊဢၼ်မႂ်းတၵ်းဢွၵ်ႇသူပ်းလၢတ်ႈဝႃႈ၊-
၂ ၵဝ်ၼႆႉယူႇဢမ်ႇပျေႃႇယဝ်ႉၵူၺ်း၊ဝႃႈၼင်ႇၼႆၼၼ်ႉဢမ်ႇပႆႇၸမ်၊ၸူဝ်ႈဢၼ်ၵၢင်ဝၼ်းတင်းဢၼ်လႅင်း၊လိူၼ်တင်းလၢဝ်တင်းလၢႆဢမ်ႇပႆႇလႆႈႁၢႆၵႂႃႇလႄႈၶိင်ႇဢၼ်ၽူၼ်တူၵ်းသေယဝ်ႉၽႃႈၽူၼ်သမ်ႉၶိုၼ်းဢုမ်ႇၼႃႇၼၼ်ႉဢမ်ႇပႆႇႁွတ်ႈပႆႇထိုင်ၼၼ်ႉတႃႉ။
၃ ၼႂ်းၶိင်ႇမိုဝ်ႉဝၼ်းၸိူဝ်းၼၼ်ႉၶဝ်ၸိူဝ်းဢၼ်ပႂ်ႉႁိူၼ်းပႂ်ႉယေးယူႇၼၼ်ႉတၵ်းဢွၼ်ၵၼ်သၼ်ႇသၼ်ႇဝႆဝႆ၊ၶဝ်ၸိူဝ်းဢၼ်ႁႅင်းယႂ်ႇႁႅင်းလူင်ၼၼ်ႉတၵ်းဢွၼ်ၵၼ်ႁႅင်းဢူၼ်ႈႁႅင်းယွမ်းၵႂႃႇ၊ၶဝ်ၸိူဝ်းဢၼ်ၶိုတ်ႈၶဝ်ႈလုၺ်ၶဝ်ႈၼၼ်ႉတၵ်းဢွၼ်ၵၼ်ထၢတ်ႇၵိုတ်းၵႂႃႇၵွပ်ႈပိူဝ်ႈဢၼ်မီးၵေႇၼႃႇ၊
၄ တီႈၶဝ်ၸိူဝ်းဢၼ်တူၺ်းၵႃႈတီႈႁူးလၢင်းတဵၼ်ၼၼ်ႉဢၼ်လႅင်းတၵ်းလပ်းႁၢႆၵႂႃႇ၊မႂ်ႊၽၵ်းတူၵႃႈတီႈႁိမ်းတၢင်းလႂ်ၼၼ်ႉတၵ်းမီးတၢင်းဢၼ်ႁပ်းဢိုတ်းဝႆႉၼႂ်းမိူဝ်ႈဢၼ်သဵင်ၶိုတ်ႈသဵင်လုၺ်ယွမ်းၵႂႃႇ၊ၼႂ်းမိူဝ်ႈဢၼ်ၵူၼ်းတၵ်းလုၵ်ႉၶိင်ႇမိူဝ်းဢၼ်မၼ်းငိၼ်းသဵင်ၼူၵ်ႉၼၼ်ႉသဵင်ၼူၵ်ႉဢၼ်မေႃႁဵတ်းၵႂၢမ်းတင်းလၢႆ
၅ တၵ်းဢွၼ်ႇၵႂႃႇသဵင်လဵၵ်ႉသဵင်သေးၵႂႃႇ၊ၼႂ်းၶိင်ႇဢၼ်ၶဝ်တၵ်းဢွၼ်ၵၼ်ၵူဝ်ႁႄတၢင်းဢၼ်သုင်တင်းလၢႆလႄႈၵူဝ်တၵ်းထူပ်းၽေးၵႃႈၼႂ်းသဵၼ်ႈတၢင်း၊ၼႂ်းၶိင်ႇမိူဝ်ႈဢၼ်တူၼ်ႈပႃႇတမ်ႇတၵ်းမွၵ်ႇလႄႈမႅင်းၵႅင်းၼၼ်ႉတၵ်းပဵၼ်ဢၼ်ၼၵ်းဢၼ်ၼႃယူႇတီႈတူဝ်ၸဝ်ႈၵဝ်ႇ၊ဢလူဝ်ႇသၼ်ႇတႃႉတၢင်းဢၼ်ၶႂ်ႈလႆႈၼၼ်ႉတၵ်းသုတ်ႈတၵ်းယွမ်းၼၼ်ႉၸိုင်ပဵၼ်တၢင်းဢၼ်ၵူၼ်းယင်းတိုၵ်ႉၵႂႃႇၸူးယူႇၵႃႈတီႈတီႈယူႇထႃႇဝရႃႉမၼ်းၼၼ်ႉယူႇလႄႈၶဝ်ၸိူဝ်းဢၼ်ႁႆႈဢၼ်ႁွင်ႉၼၼ်ႉဢွၼ်ၵၼ်လႄႇလဵပ်ႈၸွမ်းၵႃႈၼႂ်းသဵၼ်ႈတၢင်းယူႇဢေႃႈ။
၆ ၸူဝ်ႈဢၼ်မႆငိုၼ်းဢမ်ႇပႆႇၶၢတ်ႇ၊ၵွၵ်းၶမ်းဢမ်ႇပႆႇတႅၵ်ႇ၊ပုင်းၼမ်ႉဢမ်ႇပႆႇလူင်ႉပႆႇပွင်ႇၵႃႈတီႈၼမ်ႉဢွၵ်ႇႁူး၊ၸၢၵ်ႈဢမ်ႇပႆႇႁၵ်းၵႃႈတီႈႁိမ်းဢိူင်ႇၼၼ်ႉလႄႈ၊
၇ မုၼ်ႈလိၼ်ဢမ်ႇပႆႇၶိုၼ်ႈၸူးၵႃႈတီႈလိၼ်ဢၼ်မၼ်းယူႇၵဝ်ႇၵဝ်ႇ၊ဝိၺိၺ်ႇဢမ်ႇပႆႇၶိုၼ်ႈၸူးၵႃႈတီႈၽြႃးပဵၼ်ၸဝ်ႈဢၼ်ပၼ်မႃးၼၼ်ႉၸိုင်ၶုၵ်းၸႂ်လႆႈၶႆႈၸႂ်ထူပ်းမၼ်းၸဝ်ႈတႃႉ။
၈ သြႃႇထမ်ႇမႃႉတေႇသၼႃႇၼႆႉႁေႃးလၢတ်ႈလႄႈဝႃႈ၊-ပဵၼ်ဢႃႉၼတ်ႉတႃႉလွၼ်ႉလွၼ်ႉ၊လွင်ႈတၢင်းၵူႈၸိူဝ်ႉၵူးပိူင်ပဵၼ်ဢႃႉၼတ်ႉတႃႉလွၼ်ႉလွၼ်ႉဢေႃႈ၊ဝႃႈၼင်ႇၼႆဢေႃႈ။
၉ သြႃႇထမ်ႇမႃႉတေႇသၼႃႇၼႆႉပဵၼ်ၵေႃႉဢၼ်မီးၺၢၼ်ႇလႄႈမၼ်းမီးဢလေႉဢၼ်သွၼ်ပၼ်တၢင်းႁူႉတၢင်းၸၢင်ႊတီႈပရိၵ်ႈသၢတ်ႈတင်းလၢႆဢေႃႈ။မၼ်းၶႆႈၸႂ်ဝူၼ်ႉၸႂ်ၼႃႇလူင်လၢင်သေလႄႈႁႃဢဝ်ၵႂၢမ်းသုၵ်ႈတၢမ်ႇၼမ်ၼႃႇလႄႈၸီႇယၢင်ႇဝႆႉဢေႃႈ။
၁၀ သြႃႇထမ်ႇမႃႉတေႇသၼႃႇၼႆႉႁႃဢဝ်ၵႂၢမ်းဢၼ်လီထွမ်ႇလီၽၢင်းလႄႈတႅမ်ႈၵႂၢမ်းသမ်ႇမႃႇဝႆႉသိုဝ်ႈသိုဝ်ႈ၁၁ တေႃႇတေႃႇဢေႃႈ။
၁၁ ၵႂၢမ်းၵေႃႉဢၼ်မီးၺၢၼ်ႇၼၼ်ႉမိူၼ်ၵၼ်တင်းၶွၼ်ႉလႅမ်ၼၼ်ႉလႄႈၵႂၢမ်းၶဝ်ၸိူဝ်းဢၼ်ၵဵပ်းဢဝ်ႁွမ်ဢဝ်သိမ်းဝႆႉၵႂၢမ်းဢၼ်ၸဝ်ႈဢၼ်လဵင်ႉထိင်းသူဝ်းလူင်ဢဝ်ဢၢပ်ႈပၼ်ၸိူဝ်းၼၼ်ႉမိူၼ်ၵၼ်တင်းလဵၵ်းလႅမ်ဢၼ်တွၵ်ႇယဵၼ်းသႂ်ႇဝႆႉၼၼ်ႉဢေႃႈ။လၢႆးသမ်ႉ၊လုၵ်ႈၸၢႆးၵဝ်ဢိူၺ်း။ၶၢမ်ႇတၢင်းဢၼ်ၵႂၢမ်းၸိူဝ်ႉၼင်ႇၼၼ်သင်ႇသွၼ်သုင်းမႃႉပၼ်ၼၼ်ႉတႃႉ။
၁၂ ဢွၼ်ၵၼ်ၸီႇယၢင်ႇႁဵတ်းလိၵ်ႈႁဵတ်းလၢႆးၼမ်ၼႃႇလႄႈဢမ်ႇသဵင်ႈဢမ်ႇမူတ်းလႆႈ။တၢင်းဢၼ်ၶတ်းၸႂ်လူတူၺ်းသွၼ်ဢဝ်လိၵ်ႈလၢႆးၼၼ်ႉပဵၼ်လွင်ႈတၢင်းဢၼ်ႁဵတ်းႁႂ်ႈတူဝ်ၵႃႇယႃႉႁႅင်းဢူၼ်ႈဢေႃႈ။
၁၃ ၵႂၢမ်းဢၼ်ပဵၼ်ႁူဝ်ႁုပ်ႈမၼ်းၸမ်း၊ၵူဝ်ႁႄၽြႃးပဵၼ်ၸဝ်ႈလႄႈပႂ်ႉၵမ်ပႂ်ႉၸွမ်းပိင်းၺၢပ်ႈမၼ်းၸဝ်ႈတင်းလၢႆယူႇတႃႉ။ဢၼ်ၼႆႉၸမ်းပဵၼ်ႁူဝ်ႁုပ်ႈလွင်ႈတၢင်းဢၼ်ၸၢပ်ႈသႅင်ႇၵၼ်တင်းၵူၼ်းဢေႃႈ။
၁၄ လွင်ႈမၼ်းၸမ်းၽြႃးပဵၼ်ၸဝ်ႈတၵ်းၸႅတ်ႈထၢမ်လႄႈၸီႇယၢင်ႇၸႃႉၸဵမ်တၢင်းဢၼ်သိူင်ႇမႅပ်းဝႆႉၵႃႈမီးဢၼ်လီဢၼ်ဢမ်ႇလီလွင်ႈတၢင်းၵူႈၸိူဝ်ႉၵူႈပိူင်ၼၼ်ႉဢေႃႈ။