၃
ၶိင်ႇပဵၼ်လွင်ႈၵူႈၸိူဝ်ႉၵူႈပိူင်
၁ လွင်ႈတၢင်းၵူႈၸိူဝ်ႉၵူႈပိူင်ၼၼ်ႉမီးၶိင်ႇမၼ်းမိူဝ်ႈမၼ်းယူႇလႄႈၵႃႈဢၼ်ၵျၢမ်ႇပွင်ၵႃႈတီႈတႂႃ်ႈႉၵၢင်ႁၢဝ်ၵေႃႈမီးၶိင်ႇဢၼ်လႆႈႁဵတ်းလႆႈသၢင်ႈႁင်းၽႂ်ႁင်းမၼ်းဢေႃႈ။
၂ မီးၶိင်ႇဢၼ်ၵိူတ်ႇလဵင်ႉဢိၵ်ႇတင်းၶိင်ႇဢၼ်တၢႆ၊ၶိင်ႇဢၼ်ၽုၵ်ႇသွမ်ႈဢိၵ်ႇတင်းၶိင်ႇဢၼ်ထူၺ်ႈဢဝ်ဢၼ်ၽုၵ်ႇသွမ်ႈၼၼ်ႉဢွၵ်ႇ၊
၃ ၶိင်ႇဢၼ်ဢဝ်တၢႆဢိၵ်ႇတင်းၶိင်ႇဢၼ်ႁႂ်ႈတၢင်းၶႆႈတၢင်းပဵၼ်ႁၢႆၶိင်ႇဢၼ်ၵိူၼ်ႇယႃႉပႅတ်ႈဢိၵ်ႇတင်းၶိင်ႇဢၼ်တႄႇႁဵတ်း၊
၄ ၶိင်ႇဢၼ်ႁႆႈႁွင်ႉဢိၵ်ႇတင်းၶိင်ႇဢၼ်ယုမ်ႉၶူဝ်၊ၶိင်ႇဢၼ်ၶၢင်းၶီၶၢင်းၽၢၼ်ဢိၵ်ႇတင်းၶိင်ႇဢၼ်ၵႃႈဝႅၼ်၊
၅ ၶိင်ႇဢၼ်ဢဝ်မၢၵ်ႇႁိၼ်တင်းလၢႆၽၢဝ်ႇပိုၼ်ဢိၵ်ႇတင်းၶိင်ႇဢၼ်ဢဝ်မၢၵ်ႇႁိၼ်တွမ်ႈဝႆႉသိမ်းဝႆႉ၊ၶိင်ႇဢၼ်ၵွတ်ႇၵဵဝ်ႇဢိၵ်ႇတင်း
၆ ၶိင်ႇဢၼ်ယင်းဢမ်ႇၵွတ်ႇၵဵဝ်ႇလႄႈၽၢတ်ႇၵၼ်ယၢၼ်ၵၼ်၊ၶိင်ႇဢၼ်ႁႃဢဝ်ဢိၵ်ႇတင်းၶိင်ႇဢၼ်ၶွင်ၶူဝ်းႁူင်ႈႁၢႆ၊
၇ ၶိင်ႇဢၼ်သိမ်းပႅင်းဝႆႉဢိၵ်ႇတင်းၶိင်ႇဢၼ်ဢဝ်ထႅမ်ႈပႅတ်ႈ၊ၶိင်ႇဢၼ်ၸၵ်ႉသိၵ်ႇၶူဝ်းၼုင်ႈဢိၵ်ႇတင်းၶိင်ႇဢၼ်ယဵပ်ႈဢၼ်ၽုင်၊
၈ ၶိင်ႇဢၼ်ယူႇတဵတ်ႇတဵတ်ႇယဵၼ်ယဵၼ်ဢိၵ်ႇတင်းၶိင်ႇဢၼ်လၢတ်ႈထွႆလၢတ်ႈၵႂၢမ်း၊ၶိင်ႇဢၼ်ႁၵ်ႉပႅင်းဢိၵ်ႇတင်းၶိင်ႇဢၼ်ငိၼ်းၸင်း၊ၶိင်ႇဢၼ်တိုၵ်းသိုၵ်းတိုၵ်းသိူဝ်ဢိၵ်ႇတင်းၶိင်ႇဢၼ်သိုၵ်းထၢတ်ႇသိုၵ်းယဵၼ်ဢေႃႈ။
၉ ၵေႃႉဢၼ်သၢင်ႈႁဵတ်းၼၼ်ႉမီးဢၵျူဝ်းၵႃႈသင်ၼႂ်းတၢင်းဢၼ်မၼ်းၶတ်းၸႂ်ဢဝ်ႁႅင်းဢွၵ်ႇႁဵတ်းၼၼ်ႉ။
၁၀ ၵဝ်တူၺ်းႁၼ်လွင်ႈတၢင်းဢၼ်ယၢပ်ႇၸႂ်ၶၢၼ်ၸႂ်ဢၼ်ၽြႃးပဵၼ်ၸဝ်ႈပၼ်ႈပုၼ်ႈဢၼ်ၵူၼ်းႁဝ်းတၵ်းလႆႈႁၢပ်ႇၼၼ်ႉယဝ်ႉ။
၁၁ မၼ်းၸဝ်ႈႁဵတ်းပဵၼ်လွင်ႈတၢင်းၵူႈၸိူဝ်ႉၵူႈပိူင်ၸိူဝ်းၼၼ်ႉႁၢင်ႈလီႁၢင်ႈငၢမ်းၼႂ်းမိူဝ်ႈဢၼ်ၶိင်ႇမၼ်းထုၵ်ႇၼၼ်ႉယဝ်ႉ။မၼ်းၸဝ်ႈဢဝ်တၢင်းဢၼ်ၸပ်းၸွႆးလေႃးၵီႇသႂ်ႇဝႆႉၵႃႈၼႂ်းႁူဝ်ၸႂ်ၵူၼ်းႁဝ်းထၼ်ႈပေႃးၵူၼ်းႁဝ်းဢမ်ႇႁူႉဢမ်ႇႁၼ်လႆႈလွင်ႈတၢင်းဢၼ်ၽြႃးပဵၼ်ၸဝ်ႈႁဵတ်းၼၼ်ႉဢဝ်ၸဵမ်ငဝ်ႈတေႃႇပၢႆၼၼ်ႉဢေႃႈ။
၁၂ ၵဝ်ႁူႉလွင်ႈဢၼ်ၼွၵ်ႈသလွငေ်ႈတၢင်းဢၼ်ၸူမ်းသိူဝ်းဢိၵ်ႇတင်းလွင်ႈတၢင်းဢၼ်ႁဵတ်းလွင်ႈလီလွင်ႈငၢမ်းၼႂ်းမိူဝ်ႈဢၼ်ဢသၢၵ်ႈယင်းလိပ်းယူႇၼၼ်ႉဢမ်ႇမီးလွင်ႈတၢင်းဢၼ်လီသေၼၼ်ႉသေၸိူဝ်ႉသမေဵဝ်း။
၁၃ တၢင်းဢၼ်ၵူၼ်းၵူႈၵေႃႉလႆႈၵိၼ်လႆႈၶူပ်းဢိၵ်ႇတင်းတၢင်းဢၼ်လႆႈမူၼ်ႈပျေႃႇၼႂ်းလွင်ႈတၢင်းဢၼ်တူဝ်ၸဝ်ႈၵဝ်ႇၶတ်းၸႂ်ဢဝ်ႁႅင်းဢွၵ်ႇႁဵတ်းၼၼ်ႉပဵၼ်ၵျေးၸူးတၢင်းဢၼ်ၽြႃးပဵၼ်ၸဝ်ႈပၼ်ၵူၺ်းဢေႃႈ။
၁၄ ၵဝ်ႁူႉလွင်ႈဢၼ်လွင်ႈတၢင်းၵႃႈဢၼ်ၽြႃးပဵၼ်ၸဝ်ႈႁဵတ်းၼၼ်ႉပဵၼ်ၼိၵ်ႉၸႃႉထႃႇဝရႃႉၼၼ်ႉဢေႃႈ။ဢမ်ႇထၢပ်ႈထႅင်ႈလႄႈႁဵတ်းလႆႈ။ဢမ်ႇၼုၵ်ႈလႄႈဢဝ်ဢွၵ်ႇပႅတ်ႈလႆႈ။ၽြႃးပဵၼ်ၸဝ်ႈႁဵတ်းၸိူဝ်းၼၼ်ႉဝႆႉႁႂ်ႈၵူၼ်းႁဝ်းလႆႈၵူဝ်လႆႈႁႄၵႃႈတီႈၽၢႆႇၼႃႈမၼ်းၸဝ်ႈဢေႃႈ။
၁၅ လွင်ႈတၢင်းဢၼ်ပဵၼ်ယူႇမိူဝ်ႈလဵဝ်ၼႆႉမိူၼ်ၵၼ်တင်းလွင်ႈတၢင်းဢၼ်ယၢမ်ႈပဵၼ်ၵႂႃႇယဝ်ႉၼၼ်ႉဢေႃႈ။လွင်ႈတၢင်းဢၼ်ပဵၼ်မႃးၸိူဝ်းၼၼ်ႉၵေႃႈမိူၼ်ၵၼ်တင်းလွင်ႈတၢင်းဢၼ်ပဵၼ်ၵႂႃႇယဝ်ႉၼၼ်ႉဢေႃႈ။လွင်ႈတၢင်းဢၼ်ပူၼ်ႉၵႂႃႇယဝ်ႉၸိူဝ်းၼၼ်ႉၵေႃႈမၼ်းၸဝ်ႈသမ်ႉၸွမ်းႁႃဢဝ်ဢေႃႈ။
၁၆ ၼွၵ်ႈသေၼၼ်ႉၵဝ်လႆႈႁၼ်လွင်ႈဢၼ်ဢမူႉဢႃႉထမ်ႇမႃႉမီးယူႇၵႃႈၼႂ်းတီႈဢၼ်ၸီႇယၢင်ႇတြႃးဢိၵ်ႇတင်းတူႉၸရိူၵ်ႈမီးယူႇၵႃႈၼႂ်းတီႈဢၼ်သိုဝ်ႈတေႃႇၼၼ်ႉၵႃႈတီႈတႂ်ႈၵၢင်ဝၼ်းယဝ်ႉ။
၁၇ ၵဝ်လၢတ်ႈၼႂ်းၸႂ်လႄႈဝႃႈ၊-ၽြႃးပဵၼ်ၸဝ်ႈတၵ်းၸႅတ်ႈထၢမ်ႇၸီႇယၢင်ႇဢမူႉၶဝ်ၸိူဝ်းဢၼ်သိုဝ်ႈတေႃႇဢိၵ်ႇတင်းဢမူႉၶဝ်ၸိူဝ်းဢၼ်ဢမ်ႇတြႃးၼၼ်ႉဢေႃႈ၊ဝႃႈၼင်ႇၼႆဢေႃႈ။လွင်ႈမၼ်းၸမ်းမီးၶိင်ႇဢၼ်လႆႈၸႅတ်ႈထၢမ်ႇၸီႇယၢင်ႇတၢင်းၵျၢမ်ႇတၢင်းပွင်ၵူႈၸိူဝ်ႉၵူႈပိူင်ဢိၵ်ႇတင်းဢမူႉၵူႈၸိူဝ်ႉၵူႈပိူင်ၼၼ်ႉယူႇဢေႃႈ၊။
၁၈ ၵဝ်လၢတ်ႈၵႃႈၼႂ်းၸႂ်ၵဝ်လူၺ်ႈလွင်ႈၵူၼ်းႁဝ်းလႄႈဝႃႈၸမ်းၶဝ်တူၵ်းတီႈတူၵ်းလႅၼ်ဝႆႉထႃႈလွင်ႈၼင်ႇႁိုဝ်ၽြႃးပဵၼ်ၸဝ်ႈတၵ်းၸၢမ်းတူၺ်းၶဝ်ဢိၵ်ႇတင်းလွင်ႈၼင်ႇႁိုဝ်ၶဝ်တၵ်းႁူႉႁၼ်လွင်ႈဢၼ်ၶဝ်ပဵၼ်ၸိူဝ်ႉၼင်ႇတရိၵ်ႈသၢၼ်ႇၼၼ်ႉဢေႃႈ။
၁၉ လွင်ႈတၢင်းဢၼ်ႁွတ်ႈထိုင်တီႈၵူၼ်းႁဝ်းၼၼ်ႉတီႈတရိၵ်ႈသၢၼ်ႇၵေႃႈႁွတ်ႈထိုင်ဢေႃႈ။လွင်ႈတၢင်းပိူင်လဵဝ်ၵူၺ်းႁွတ်ႈထိုင်ၵႃႈၼိူဝ်သွင်ၸိူဝ်ႉသွင်မဵဝ်းလႄႈၸိူဝ်ႉၼင်ႇဢၼ်မဵဝ်းၼိုင်ႈတၢႆၼၼ်ႉမဵဝ်းၼိုင်ႈၵေႃႈၸၢင်ႊတၢႆဢေႃႈ။ၵူႈၸိူဝ်ႉၵူႈမဵဝ်းၼၼ်ႉမီးဢသၢၵ်ႈၸိူဝ်ႉလဵဝ်မဵဝ်းလဵဝ်ၵူၺ်းဢေႃႈ။ပိူဝ်ႈၼႆလႄႈၵူၼ်းဢမ်ႇမီးလွင်ႈဢၼ်ယိင်ႈၶႅၼ်းမျၢတ်ႈၼႃႇသတရေိၵ်ႈသၢၼ်ႇ။ၵႃႈမီးတင်းသဵင်ႈတင်းလူင်ပဵၼ်ဢႃႉၼတ်ႉတႃႉဢေႃႈ။
၂၀ ၵႃႈမီးတင်းသဵင်ႈတင်းလူင်ၸၢင်ႊႁွတ်ႈထိုင်ၵႃႈတီႈတီႈလဵဝ်ၵူၺ်းဢေႃႈ။ၵႃႈမီးတင်းသဵင်ႈတင်းလူင်ပဵၼ်မႃးၵႃႈၼႂ်းမုၼ်ႈလိၼ်လႄႈၸၢင်ႊၶိုၼ်းၵႂႃႇၵႃႈၼႂ်းမုၼ်ႈလိၼ်ဢေႃႈ။
၂၁ ၵူၺ်းၵႃႈၽူႈလႂ်ႁူႉလွင်ႈဢၼ်ဝိၺိၺ်ႇလုၵ်ႈၵူၼ်းတင်းလၢႆၸၢင်ႊၶိုၼ်ႈၵႃႈတီႈၼိူဝ်ဢိၵ်ႇတင်းလွင်ႈဢၼ်ဝိၺိၺ်ႇတရိၵ်ႈသၢၼ်ႇၸၢင်ႊလူင်းၵႃႈတႂ်ႈၸူးၵႃႈတီႈလိၼ်ၼၼ်ႉလႆႈ။
၂၂ ပိူဝ်ႈၼႆလႄႈၵဝ်ႁူႉႁၼ်လွင်ႈဢၼ်ၵူၼ်းႁဝ်းၼႆႉဢမ်ႇမီးလွင်ႈတၢင်းဢၼ်လီတွၼ်းၼႃႇသေလွင်ႈတၢင်းဢၼ်မူၼ်ႈပျေႃႇယူႇၵႃႈၼႂ်းလွင်ႈတၢင်းဢၼ်တူဝ်ၸဝ်ႈၵဝ်ႇသၢင်ႈႁဵတ်းၼၼ်ႉဢေႃႈ။လွင်ႈတၢင်းၼၼ်ႉပဵၼ်ပုၼ်ႈမၼ်းတႃႇမၼ်းဢေႃႈ။ၽူႈလႂ်တၵ်းဢဝ်မၼ်းၶိုၼ်းမႃးႁႂ်ႈမၼ်းလႆႈႁူႉႁၼ်လွင်ႈဢၼ်တၵ်းပဵၼ်မႃးမိူဝ်ႈၵမ်းလိုၼ်းမၼ်းၼၼ်ႉ။