Chapter
၉
တၢင်းဢၼ်ၵူၼ်းယုတလႂ်ပႄႉၼႅင်ႇ
၁ ၼႂ်းလိူၼ်တႂႃႇတသမဢၼ်လႆႈၸိုဝ်ဢႃႇတႃႇသိပ်းသၢမ်ဝၼ်းဢၼ်ဝႃႈဝၼ်းဢၼ်တၵ်းလႆႈႁဵတ်းၸွမ်းၵႃႈၼင်ႇဢမိင်ႉၶုၼ်ႁေႃၶမ်းမီးၼၼ်ႉၸမ်မႃးၼၼ်ႉၸိုင်ရၢၼ်ႇသူႇမဵဝ်းယုတတင်းလၢႆဢွၼ်ၵၼ်မုင်ႈမွင်းလွင်ႈဢၼ်ဝႃႈၶဝ်တၵ်းပႄႉၼႅင်ႇၵူၼ်းယုတတင်းလၢႆၼၼ်ႉဢေႃႈ။ၵူၺ်းၵႃႈတေႃႈလဵဝ်ၼႆႉၵူၼ်းယုတတင်းလၢႆတၵ်းလႆႈပႄႉၼႅင်ႇၶဝ်ယဝ်ႉဢေႃႈ။
၂ ၵူၼ်းယုတၸိူဝ်းၼၼ်ႉဢွၼ်ၵၼ်ၸူႉၵၼ်တုမ်ၵၼ်ၵႃႈတီႈဝၢၼ်ႈၶဝ်ဝဵင်းၶဝ်ၵႃႈၼႂ်းသိုင်ႇၸိုင်ႈဝၢၼ်ႈမိူင်းၶုၼ်ႁေႃၶမ်းဢႃႇသူၺ်ႇရုၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈႁႂ်ႈလႆႈႁႄႉတိုၵ်းႁႄႉတေႃးၶဝ်ၸိူဝ်းဢၼ်မီးဢလူဝ်ႇၶႂ်ႈၼိၵ်ႈၸၢၵ်ႈငႅၼ်းသေးၶဝ်ၼၼ်ႉဢေႃႈ။ၵွပ်ႈပိူဝ်ႈဢၼ်ၵူၼ်းဝၢၼ်ႈၵူၼ်းမိူင်းၵူႈၸိူဝ်ႉၵူႈမဵဝ်းၵူဝ်ႁႄၶဝ်ၼၼ်ႉလႄႈၽူႈလႂ်သေၵေႃႉသေၵူၼ်းဢမ်ႇၸုၵ်းဢမ်ႇၶၢမ်ႇၶဝ်လႆႈ။
၃ ၶုၼ်ဢၼ်ဢုပ်ႉၵႃႈၼိူဝ်ၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈလႂ်၊ၸဝႃ်ႈႉလႂ်၊မဵဝ်ႉဝုၼ်ႇလႂ်၊ၽူႈမီးၸၼ်ႉဢၼ်ပႂ်ႉဢမူႉၶုၼ်ႁေႃၶမ်းလႂ်တင်းသဵင်ႈတင်းလူင်ၸိူဝ်းၼၼ်ႉဢွၼ်ၵၼ်ၸွႆႈထႅမ်ၵူၼ်းယုတတင်းလၢႆၵွပ်ႈပိူဝ်ႈၶဝ်ၵူဝ်ႁႄမေႃးတၵေႇၼၼ်ႉဢေႃႈ။
၄ လွင်ႈမၼ်းၸမ်းမေႃးတၵေႇၼၼ်ႉမုၼ်ၽုင်းယႂ်ႇၵႃႈတီႈႁေႃၸဝ်ႈလႄႈသတၢင်းသဵင်ၶၢဝ်ႇမၼ်းသႃႇၸွတ်ႇၵႂႃႇၵႃႈတီႈၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈလႄႈႁႅင်းမေႃးတၵေႇၼၼ်ႉမီးတၢင်းဢၼ်ယႂ်ႇၽႄတူဝ်းတွၼ်းမႃးယူႇတိၵ်းတိၵ်းဢေႃႈ။
၅ မိူဝ်ႈၼၼ်ႉၵူၼ်းယုတတင်းလၢႆဢွၼ်ၵၼ်တိုၵ်းတေႃးယႃႉပႅတ်ႈရၢၼ်ႇသူႇၶဝ်တင်းသဵင်ႈတင်းလူင်လူၺ်ႈလၢပ်ႇလူၺ်ႈလႅဝ်းလူၺ်ႈတၢင်းဢၼ်ၶႃႈၽၼ်းဢဝ်တၢႆလူၺ်ႈတၢင်းဢၼ်လူႉဢၼ်လႅဝ်ၼၼ်ႉလႄႈႁဵတ်းတီႈၶဝ်ၸိူဝ်းဢၼ်သီႇၵေႉႁႄႈတႃၶဝ်ၼၼ်ႉၸွမ်းၵႃႈၼင်ႇဢၼ်ၶဝ်ၶႂ်ႈႁဵတ်းၼၼ်ႉဢေႃႈ။
၆ ၶဝ်ဢွၼ်ၵၼ်ၶႃႈၽၼ်းဢဝ်တၢႆပႅတ်ႈၵူၼ်းႁႃႈပၢၵ်ႇၵႃႈၼႂ်းႁေႃၶမ်းသုသၼ်ႇၼၼ်ႉဢေႃႈ။
၇ ပႃႇသၼ်ႇတႃႇသ၊တႃႇလၽုၼ်ႇ၊ဢႃႇသပႃႇလ၊ပေႃႇရသ၊ဢႃႇတလိႉ၊ဢႃႇရိတႃႇသ၊ပႃႇမသႃႇတ၊ဢရိသေႇ၊ဢရိၸေႇ၊
၈-၉ ဝႃႇၸေႇၸႃႇသ၊ဢၼ်ဝႃႈလုၵ်ႈၸၢႆးႁႃႇမၼ်ႇဢၼ်ပဵၼ်လုၵ်ႈၸၢႆးႁမ်ႇမေႇတႃႇသလႄႈ
၁၀ ပဵၼ်ရၢၼ်ႇသူႇမဵဝ်းယုတၼၼ်ႉသိပ်းၵေႃႉၼၼ်ႉၵေႃႈၶဝ်ဢွၼ်ၵၼ်ဢဝ်တၢႆဢေႃႈ။
၁၁ ၵူၺ်းၵႃႈၶဝ်ယင်းဢမ်ႇႁိမ်ႁူင်ႇသိမ်းဢဝ်ၶွင်ၶူဝ်းၶဝ်ၼၼ်ႉ။ၼႂ်းဝၼ်းၼၼ်ႉလႆႈဢဝ်ၸရၢင်းၶဝ်ၸိူဝ်းဢၼ်လႆႈၶၢမ်ႇတၢႆၵႃႈၼႂ်းႁေႃၶမ်းသုသၼ်ႇၼၼ်ႉသႂၢင်းၶဝ်ႈၵႃႈတီႈၽၢႆႇၼႃႈၶုၼ်ႁေႃၶမ်းဢေႃႈ။
၁၂ ၶုၼ်ႁေႃၶမ်းၵေႃႈမီးဢမိင်ႉတီႈၼၢင်းႁေႃၶမ်းဢေးသတႃႇလႄႈဝႃႈ၊-ၵူၼ်းယုတတင်းလၢႆဢွၼ်ၵၼ်ၶႃႈၽၼ်းဢဝ်တၢႆၵူၼ်းႁႃႈပၢၵ်ႇဢိၵ်ႇတင်းလုၵ်ႈၸၢႆးႁႃႇမၼ်ႇသိပ်းၵေႃႉတၢႆပႅတ်ႈၵႃႈၼႂ်းႁေႃၶမ်းသုသၼ်ႇၼႆႉယဝ်ႉ။ၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၼႆႉၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉၸိုင်ၶဝ်ႁဵတ်းၸိူဝ်ႉၼင်ႇႁိုဝ်ယဝ်ႉဢမ်ႇႁူႉ။မႂ်းယင်းမီးဢလူဝ်ႇၶႂ်ႈလႆႈၵႃႈသင်လူးၵွၼ်ႇ။ၵဝ်တၵ်းႁဵတ်းၸွမ်းၵႃႈဢၼ်မႂ်းမီးဢလူဝ်ႇၶႂ်ႈလႆႈၼၼ်ႉဢေႃႈ။မႂ်းၶႂ်ႈယွၼ်းဢဝ်သူးလၢပ်ႈၵႃႈသင်လူးၵွၼ်ႇ။ၵဝ်တၵ်းပၼ်ၵႃႈဢၼ်မႂ်းယွၼ်းၼၼ်ႉဢေႃႈ၊ဝႃႈၼင်ႇၼႆလႄႈ
၁၃ ဢေးသတႃႇၶိုၼ်းလဝ်ႈလၢတ်ႈလႄႈဝႃႈ၊-ပေႃးၸဝ်ႈၶုၼ်လူင်မီးဢလူဝ်ႇၸိုင်ၶႅၼ်းတေႃႈမီးဢမိင်ႉႁႂ်ႈၵူၼ်းယုတဢၼ်မီးၵႃႈၼႂ်းဝဵင်းသုသၼ်ႇၸိူဝ်းၼႆႉလႆႈႁဵတ်းထႅင်ႈဝၼ်းမိူဝ်ႈၽုၵ်ႈၸွမ်းၵႃႈၼင်ႇဢၼ်ဢမိင်ႉၸဝ်ႈမီးဝႆႉပုၼ်ႈဝၼ်းမိူဝ်ႈၼႆႉၼၼ်ႉလႄႈႁႂ်ႈဢဝ်လုၵ်ႈၸၢႆးႁႃႇမၼ်ႇသိပ်းၵေႃႉၼၼ်ႉမတ်ႉႁွႆႈၶဵၼ်းၶေႃးတူၵ်းတၢႆၵႃႈတီႈသဝ်ဢၼ်မတ်ႉႁွႆႈၶဵၼ်းၶေႃးၼၼ်ႉသေၵမ်းၶႃႈ၊ဝႃႈၼင်ႇၼႆလႄႈ၊
၁၄ ၶုၼ်ႁေႃၶမ်းၵေႃႈမီးဢမိင်ႉႁႂ်ႈႁဵတ်းၸိူဝ်ႉၼင်ႇၼၼ်လႄႈထုတ်ႇဢွၵ်ႇဢမိင်ႉၸဝ်ႈၵႃႈတီႈဝဵင်းသုသၼ်ႇသေယဝ်ႉၶဝ်ဢွၼ်ၵၼ်ဢဝ်လုၵ်ႈၸၢႆးႁႃႇမၼ်ႇသိပ်းၵေႃႉၼၼ်ႉမတ်ႉႁွႆႈၵႅၼ်ႈၶေႃးတူၵ်းတၢႆဢေႃႈ။
၁၅ ၵူၼ်းယုတဢၼ်မီးၵႃႈၼႂ်းဝဵင်းသုသၼ်ႇၸိူဝ်းၼၼ်ႉၸူႉၵၼ်တုမ်ၵၼ်ၼႂ်းဝၼ်းလိူၼ်ဢႃႇတႃႇလႆႈသိပ်းသီႇဝၼ်းၼၼ်ႉသေလႄႈဢွၼ်ၵၼ်ဢဝ်ၵူၼ်းၵႃႈၼႂ်းဝဵင်းသုသၼ်ႇတၢႆသၢမ်ပၢၵ်ႇဢေႃႈ။ၵူၺ်းၵႃႈၶဝ်ဢမ်ႇႁိမ်ႁူင်ႇသိမ်းဢဝ်ၶွင်ၶူဝ်းၶဝ်ၼၼ်ႉ။
၁၆ ၵူၼ်းယုတတၢင်ႇတီႈတၢင်ႇလႅၼ်ဢၼ်မီးယူႇၵႃႈၼႂ်းသိုင်ႇၸိုင်ႈဝၢၼ်ႈမိူင်းၸဝ်ႈၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈၸိူဝ်းၼၼ်ႉၸူႉၵၼ်တုမ်ၵၼ်သေလႄႈပႂ်ႉဢသၢၵ်ႈၶဝ်လႄႈလႆႈၵတ်းယဵၼ်ၶျၢမ်းသႃႇၵၢင်းလွတ်ႈၵႃႈၼႂ်းမိုဝ်းရၢၼ်ႇသူႇၶဝ်သေလႄႈဢဝ်ၶဝ်ၸိူဝ်းဢၼ်ၸင်းၶဝ်ၼၼ်ႉတၢႆၸဵတ်းမိုၼ်ႇပၢႆႁႃႈႁဵင်ဢေႃႈ။ၵူၺ်းၵႃႈၶဝ်ယင်းဢမ်ႇႁိမ်ႁူင်ႇသိမ်းဢဝ်ၶွင်ၶူဝ်းၶဝ်ၼၼ်ႉ။
၁၇ ၶဝ်ႁဵတ်းၸိူဝ်ႉၼင်ႇၼၼ်ၼႂ်းလိူၼ်ဢႃႇတႃႇသိပ်းသၢမ်ဝၼ်းၼၼ်ႉလႄႈၼႂ်းဝၼ်းလိူၼ်ဢႃႇတႃႇသိပ်းသီႇဝၼ်းၼၼ်ႉၶဝ်ယူႇၼိမ်ၼိမ်လီလီသေလႄႈဢွၼ်ၵၼ်ႁႂ်ႈပဵၼ်ဝၼ်းဢၼ်ၶၢမ်ႇပွႆး၊ဝၼ်းဢၼ်ၸူမ်းသိူဝ်းမူၼ်ႈပျေႃႇဢေႃႈ။
ပုရၶၢမ်ႇပွႆးဢၼ်ပႄႉၼႅင်ႇ
၁၈ ၵူၼ်းယုတဢၼ်မီးၼႂ်းဝဵင်းသုသၼ်ႇၸိူဝ်းၼၼ်ႉၸမ်းၸူႉၵၼ်တုမ်ၵၼ်ၼႂ်းဝၼ်းသိပ်းသၢမ်ဝၼ်းတင်းဝၼ်းသိပ်းသီႇဝၼ်းၼၼ်ႉဢေႃႈ။ၼႂ်းဝၼ်းဢၼ်ထူၼ်ႈထိုင်သိပ်းႁႃႈဝၼ်းၼၼ်ႉၸိုင်ၶဝ်ယူႇၼိမ်ၼိမ်လီလီလႄႈဢွၼ်ၵၼ်ႁႂ်ႈပဵၼ်ဝၼ်းဢၼ်ၶၢမ်ႇပွႆး၊ဝၼ်းဢၼ်ၸူမ်းသိူဝ်းမူၼ်ႈပျေႃႇဢေႃႈ။
၁၉ ပိူဝ်ႈၼႆလႄႈၵူၼ်းယုတဢၼ်မီးၵႃႈၼွၵ်ႈၵႃႈပၢင်ႇလႄႈယူႇၵႃႈၼႂ်းဝၢၼ်ႈဢၼ်ဢမ်ႇမီးလမ်းဝဵင်းၸိူဝ်းၼၼ်ႉၵေႃႈဢွၼ်ၵၼ်ႁႂ်ႈဝၼ်းလိူၼ်ဢႃႇတႃႇသိပ်းသီႇဝၼ်းၼၼ်ႉပဵၼ်ဝၼ်းဢၼ်ၸူမ်းသိူဝ်းမူၼ်ႈပျေႃႇ၊ဝၼ်းဢၼ်ၶၢမ်ႇပွႆး၊ဝၼ်းမၢင်ႇၵလႃႇ၊ဝၼ်းဢၼ်ၵေႃႉၼိုင်ႈလႄႈၵေႃႉၼိုင်ႈပၼ်လၢၵ်ႈသွင်ႇၸူးၵၼ်ၼၼ်ႉဢေႃႈ။
၂၀ လၢႆးသမ်ႉမေႃးတၵေႇတႅမ်ႈလွင်ႈတၢင်းၸိူဝ်းၼႆႉဝႆႉလႄႈပၼ်ၵႂႃႇတီႈၵူၼ်းယုတၵႃႈဢၼ်မီးတီႈဢၼ်ၸမ်တီႈဢၼ်ၵႆၵႃႈၼႂ်းသိုင်ႇၸိုင်ႈဝၢၼ်ႈမိူင်းဢႃႇသူၺ်ႇရုၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈၸိူဝ်းၼၼ်ႉလႄႈ
၂၁ သင်ႇလၢတ်ႈၵႂႃႇႁႂ်ႈၶဝ်ႁဵတ်းထုင်းၸၢမ်ႇဢၼ်ပႂ်ႉဝၼ်းလိူၼ်ဢႃႇတႃႇသိပ်းသီႇဝၼ်းဢိၵ်ႇတင်းသိပ်းႁႃႈဝၼ်းၵူႈပီႊၵူႈပီႊဢၼ်ဝႃႈဝၼ်းဢၼ်ၵူၼ်းယုတတင်းလၢႆလႆႈၵတ်းယဵၼ်ၶျၢမ်းသႃႇၵၢင်းလွတ်ႈၵႃႈၼႂ်းမိုဝ်းရၢၼ်ႇသူႇၶဝ်လိူၼ်ဢၼ်ၶဝ်ယၢပ်ႇၸႂ်ၶၢၼ်ၸႂ်ၼၼ်ႉၶၢႆႉပုတ်ႈလႄႈ
၂၂ ႁွတ်ႈထိုင်တၢင်းဢၼ်ၸူမ်းသိူဝ်းမူၼ်ႈပျေႃႇ၊တၢင်းဢၼ်ၶဝ်ၶၢင်းၶီၶၢင်းၽၢၼ်ၶၢႆႉပုတ်ႈလႄႈႁွတ်ႈထိုင်ဝၼ်းဢၼ်မၢင်ႇၵလႃႇဢိၵ်ႇတင်းႁႂ်ႈပဵၼ်ဝၼ်းဢၼ်ၶၢမ်ႇပွႆး၊ဝၼ်းဢၼ်ၸူမ်းသိူဝ်းမူၼ်ႈပျေႃႇ၊ဝၼ်းဢၼ်ၵေႃႉၼိုင်ႈလႄႈၵေႃႉၼိုင်ႈပၼ်လၢၵ်ႈသွင်ႇၸူးၵၼ်လႄႈၽႄႈၸွၼ်းယိုၼ်ႈမႅင်ႇတီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉဢေႃႈ။
၂၃ ၵူၼ်းယုတၸိူဝ်းၼၼ်ႉၵေႃႈဢွၼ်ၵၼ်ႁပ်ႉတုင်းဢဝ်လွင်ႈဢၼ်ၶဝ်တၵ်းႁဵတ်းၸွမ်းၵႃႈၼင်ႇဢၼ်ၶဝ်တႄႇၸႃႉႁဵတ်းၼၼ်ႉဢိၵ်ႇတင်းၵႃႈၼင်ႇဢၼ်မေႃးတၵေႇတႅမ်ႈပၼ်ဝႆႉတီႈၶဝ်ၼၼ်ႉဢေႃႈ။
၂၄ လွင်ႈမၼ်းၸမ်းႁႃႇမၼ်ႇလုၵ်ႈၸၢႆးႁမ်ႇမေႇတႃႇသမဵဝ်းဢႃႇၵတ်ႉဢၼ်ပဵၼ်ရၢၼ်ႇသူႇၵူၼ်းယုတတင်းသဵင်တင်းလူင်ၼၼ်ႉမီးတၢင်းၵျၢမ်ႇတၢင်းပွင်ယူႇၽၢႆႇၼိုင်ႈတင်းၵူၼ်းယုတတင်းလၢႆႁႂ်ႈလႆႈယႃႉၶဝ်ပႅတ်ႈလႄႈတူၵ်းၸႃႇၵွၵ်ႈပုရဢၼ်ဝႃႈတၢင်းဢၼ်တူၵ်းၸႃႇၵွၵ်ႈႁႂ်ႈလႆႈယႃႉၶဝ်ပႅတ်ႈၼၼ်ႉသေၵေႃႈမိူဝ်ႈဢၼ်ဢေးသတႃႇၶဝ်ႈၸူးတီႈၶုၼ်ႁေႃၶမ်းၼၼ်ႉၸိုင်
၂၅ ၶုၼ်ၼၼ်ႉပူင်ဢမိင်ႉႁႂ်ႈတၢင်းၵျၢမ်ႇတၢင်းပွင်ဢႃႉထမ်ႇမႃႉဢၼ်ႁႃႇမၼ်ႇၵျၢမ်ႇပွင်ယူႇၽၢႆႇၼိုင်ႈတင်းၵူၼ်းယုတတင်းလၢႆၼၼ်ႉၶိုၼ်းႁွတ်ႈၶိုၼ်းထိုင်ၵႃႈၼိူဝ်ႁူဝ်မၼ်းဢိၵ်ႇတင်းႁႂ်ႈဢဝ်မၼ်းတင်းလုၵ်ႈၸၢႆးမၼ်းၸိူဝ်းၼၼ်ႉမတ်ႉႁွႆႈၵႅၼ်ႈၶေႃးတူၵ်းတၢႆၵႃႈတီႈသဝ်ဢၼ်မတ်ႉႁွႆႈၵႅၼ်ႈၶေႃးၼၼ်ႉဢေႃႈ။
၂၆ ပိူဝ်ႈၼႆလႄႈၶဝ်ဢွၼ်ၵၼ်ႁွင်ႉႁိၵ်ႈဝၼ်းၸိူဝ်းၼၼ်ႉၸိုဝ်ပုရိမ်ႇၸွမ်းလူၺ်ႈၸိုဝ်သဵင်ပုရၼၼ်ႉဢေႃႈ။ထွၵ်ႈလူၺ်ႈၵႂၢမ်းဢမိင်ႉၸဝ်ႈၵႃႈမီးၼၼ်ႉဢိၵ်ႇတင်းလွင်ႈတၢင်းဢၼ်ၶဝ်ထူပ်းႁၼ်လူၺ်ႈလွင်ႈဢမူႉၼႆႉတင်းလွင်ႈတၢင်းဢၼ်ႁွတ်ႈထိုင်ၵႃႈၼိူဝ်ၶဝ်ၼၼ်ႉလႄႈ
၂၇ ၵူၼ်းယုတတင်းလၢႆဢွၼ်ၵၼ်ၸီႇယၢင်ႇလႄႈႁပ်ႉတုင်းဢဝ်လွင်ႈဢၼ်တူဝ်ၸဝ်ႈၵဝ်ႇဢိၵ်ႇတင်းၸူဝ်ႈလုၵ်ႈပၢၼ်လၢၼ်ၶဝ်တင်းၶဝ်ၸိူဝ်းဢၼ်ၶဝ်ႈၽႃႇသႃႇၶဝ်ၵႃႈမီးၼၼ်ႉယင်းဢမ်ႇႁႂ်ႈလုတ်ႈႁႂ်ႈႁၢမ်းလႄႈတၵ်းဢွၼ်ၵၼ်ပႂ်ႉၵမ်ပႂ်ႉၸွမ်းဝၼ်းသွင်ဝၼ်းၼၼ်ႉၵူႈပီႊၵူႈပီႊၸွမ်းၵႃႈၼင်ႇဢၼ်မၵ်းၶၢၼ်းၶိင်ႇမၼ်းဝႆႉၼၼ်ႉဢိၵ်ႇတင်းၵႃႈဢၼ်ၸီႇယၢင်ႇဝႆႉၵႃႈၼႂ်းလိၵ်ႈၼၼ်ႉဢေႃႈ။
၂၈ တၵ်းလႆႈၶုၵ်းၸႂ်လႆႈၶႆႈၸႂ်ထူပ်းဝၼ်းၸိူဝ်းၼၼ်ႉလႄႈပႂ်ႉၵမ်ပႂ်ႉၸွမ်းၵႃႈတီႈၸူဝ်ႈလုၵ်ႈပၢၼ်လၢၼ်ၵူႈၸူဝ်ႈၵူႈပၢၼ်ပီႈၼွင်ႉၸိူဝ်ႉၶိူဝ်းၵူႈၸိူဝ်ႉၵူႈၶိူဝ်းၵႃႈၼႂ်းၵူႈသိုင်ႇၵူႈမိူင်းၵူႈဢိူင်ႇၵူႈၵျၢၵ်ႈၵႃႈၼႂ်းၵူႈဝၢၼ်ႈၵူႈဝဵင်းၵူၼ်းယုတတင်းလၢႆတၵ်းလႆႈတၵ်းလႆႈၶုၵ်းၸႂ်လႆႈၶႆႈၸႂ်ထူပ်းလႄႈ
၂၉ ဢမ်ႇလုတ်ႉဢမ်ႇယွမ်းတၵ်းလႆႈႁဵတ်းပွႆးၼႂ်းဝၼ်းပုရိမ်ႇမိူဝ်ႈၼၼ်ႉၼၢင်းႁေႃၶမ်းဢေးသတႃႇလုၵ်ႈယိင်းဢၽိႁေႇလဢိၵ်ႇတင်းမေႃးတၵေႇမဵဝ်းယုတၼၼ်ႉဢွၼ်ၵၼ်ဝႆႉဢႃႇၼႃႇဢၼ်ႁႅင်းယႂ်ႇၼႃႇလူင်လၢင်လႄႈတႅမ်ႈပၼ်ၵႂႃႇႁႂ်ႈၸီႇယၢင်ႇလူၺ်ႈလွင်ႈဝၼ်းပုရိမ်ႇၸိူဝ်းၼၼ်ႉႁႂ်ႈလႆႈတႄႇယူႇမၼ်ႈၶိူင်ႇဢေႃႈ။
၃၀ မၼ်းဢဝ်ၵႂၢမ်းတၢင်းၼိမ်ႇဢိၵ်ႇတင်းသႅတ်ႈၸႃႇသေလႄႈပၼ်လိၵ်ႈၵႂႃႇတီႈၵူၼ်းယုတတင်းသဵင်ႈတင်းလူင်ၵႃႈတီႈမိူင်းပၢၵ်ႇသၢဝ်းပၢႆၸဵတ်းမိူင်းၵႃႈၼႂ်းသိုင်ႇၸိုင်ႈဝၢၼ်ႈမိူင်းဢႃႇသူၺ်ႇရုၼၼ်ႉ၊ႁႂ်ႈဝၼ်းပုရိမ်ႇၸိူဝ်းၼၼ်ႉလႆႈတႄႇယူႇမၼ်ႈၶိူင်ႇ
၃၁ ၼႂ်းၶိင်ႇဢၼ်မၵ်းၶၢၼ်းဝႆႉၼၼ်ႉၸွမ်းၵႃႈၼင်ႇဢၼ်မေႃးတၵေႇၵူၼ်းမဵဝ်းယုတဢိၵ်ႇတင်းၼၢင်းႁေႃၶမ်းဢေးသတႃႇသင်ႇလၢတ်ႈလႄႈၸီႇယၢင်ႇဝႆႉတၢင်းဢၼ်ၵမ်တၢင်းၵိၼ်ဢၼ်သူးတွင်းၼၼ်ႉပုၼ်ႈတူဝ်ၸဝ်ႈၵဝ်ႇတင်းပုၼ်ႈၸူဝ်ႈလုၵ်ႈပၢၼ်လၢၼ်ၶဝ်ၸိူဝ်းၼၼ်ႉဢေႃႈ။
၃၂ ဢမိင်ႉဢေးသတႃႇၼၼ်ႉႁႂ်ႈလွင်ႈတၢင်းဢၼ်ၸၢပ်ႈသႅင်ႇၵၼ်တင်းဝၼ်းပုရိမ်ႇၸိူဝ်းၼၼ်ႉတႄႇယူႇမၼ်ႈၶိူင်ႇလႄႈမီးတၢင်းဢၼ်တႅမ်ႈဝႆႉလွင်ႈမၼ်းၵႃႈၼႂ်းလိၵ်ႈၼႆႉယူႇဢေႃႈ။