၉
တၢင်းဢၼ်ပၼ်တၢမ်ႇၼိူဝ်ရၢၼ်ႇသူႇဢိသရေလ
၁ ၼုၵ်ႈၵပၢတ်ႈပျႃႇတိၵ်ႈထႃႇဝရႃႉၽြႃး တူၵ်းႁွတ်ႈထိုင်ၵႃႈၼိူဝ်မိူင်းႁႃႇတရၵ်ႉလႄႈ တၵ်းလႆႈပဵၼ်တီးၼိူဝ်ဝဵင်းထမ်ႇမသႅတ်ႉဢေႃႈ။မၢၵ်ႇတႃၵူၼ်းတင်းလၢႆဢိၵ်ႇတင်းမဵဝ်းဢိသရေႇလ ၵူႈမဵဝ်းလူတူၺ်းထႃႇဝရႃႉၽြႃးယူႇ ဢေႃႈ။
၂ တၵ်းတူၵ်းႁွတ်ႈတီႈမိူင်းႁႃႇမတ်ႉဢၼ်ၸပ်းၵၼ်ၸမ်ၵၼ်တင်းမိူင်းၼၼ်ႉ ဢိၵ်ႇတင်းတီႈဝဵင်းတုရုတင်းဝဵင်းၸိတုမ်ႇ ၵွပ်ႈပိူဝ်ႈဢၼ်မၼ်းလၵ်းလႅမ်ၼၼ်ႉဢေႃႈ။
၃ ပိၵ်ႉသမ်ႉဝဵင်းတုရုၼၼ်ႉတႄႇႁဵတ်းတိူၵ်ႈတီႈတိုၵ်းသိုၵ်းဝႆႉပုၼ်ႈမၼ်းသေလႄႈ ဢဝ်ငိုၼ်းၵွင်ဝႆႉမိူၼ်ၸိူဝ်ႉၼင်ႇမုၼ်ႈလိၼ်လႄႈ ဢဝ်ၶမ်းလွတ်ႈငၢၼ်ႇၵွင်ဝႆႉမိူၼ်ၸိူဝ်ႉၼင်ႇ ၵူမ်ႇဢၼ်မီးၵႃႈၼႂ်းသဵၼ်ႈတၢင်းၼၼ်ႉသေၵေႃႈ
၄ ထႃႇဝရႃႉၽြႃးတၵ်းဢဝ်မၼ်းဢၢပ်ႈပၼ်ၵႃႈၼႂ်းမိုဝ်းပိူၼ်ႈလႄႈ ဢဝ်ႁႅင်းမၼ်းၶျႃးတူၵ်းပႅတ်ႈၵႃႈၼႂ်းပၢင်ႇလၢႆႇသေလႄႈ ဝဵင်းတၵ်းမႆႈသုတ်းပႅတ်ႈလူၺ်ႈၽႆး ဢေႃႈ။
၅ ဝဵင်းဢႃႇသၵေႇလုၼ်တၵ်းႁၼ်လွင်ႈတၢင်းၼၼ်ႉလႄႈၵူဝ်ႁႄဢေႃႈ။ဝဵင်းၵႃႇၸတၵ်းႁၼ်လႄႈသၼ်ႇသၢႆၼႃႇလူင်လၢင်ဢေႃႈ။ဝဵင်းဢေႇၵုၼ်ႇၵေႃႈတၵ်းပဵၼ် မိူၼ်ၸိူဝ်ႉၼင်ႇၼၼ်ၵွပ်ႈပိူဝ်ႈဢၼ်တၢင်းဢၼ်မၼ်းမုင်ႈမွင်းၼၼ်ႉ ပဵၼ်တၢင်းဢၼ်ဢူၵ်းဢၼ် ဢၢႆၵႂႃႇၼၼ်ႉဢေႃႈ။
၆ ၶုၼ်လူင်တၵ်းႁႆႈသေၵႃႈတီႈၵႃႇၸႃႉလႄႈ ဝဵင်းဢႃႇသၵေႇလုၼ်ႇၵေႃႈတၵ်းပဵၼ်ဢၼ်သိတ်ႇၵူၼ်းယဵၼ်ၵူၼ်းဢေႃႈ။ၵူၼ်းတၢင်ႇဝၢၼ်ႈတၢင်ႇမိူင်းတၵ်းဢွၼ်ၵၼ်ယူႇ ၵႃႈၼႂ်းဝဵင်းဢႃႇၸုတ်ႉလႄႈၵဝ်တၵ်းပႄႇၽဵဝ်မႃႇၼႃႉၸႂ်သုင်မဵဝ်း ၽိလိတ်တိပႅတ်ႈ ဢေႃႈ။
၇ ၵဝ်တၵ်းၼုၵ်ႈလိူတ်ႈဢွၵ်ႇသေၵႃႈၼႂ်းသူပ်းမၼ်းဢိၵ်ႇတင်း လွင်ႈတၢင်းဢၼ်လီႁင်ႈဢဵတ်ႇသဵတ်ႇဢွၵ်ႇသေၵႃႈၼႂ်းၵႄႈၶဵဝ်ႈမၼ်းပႅတ်ႈဢေႃႈ။ၵေႃႉဢၼ်ၵိုတ်းဢၼ်ၵျၢၼ်ႇၵေႃႈ တင်းၵိုတ်းၵျၢၼ်ႇပုၼ်ႈၽြႃးပဵၼ်ၸဝ်ႈႁဝ်းလႄႈ ယူႇမိူၼ်ၸိူဝ်ႉၼင်ႇၶုၼ်ၵႃႈၼႂ်းမိူင်းယုတ ၼၼ်ႉဢေႃႈ။ၵူၼ်းဝဵင်းဢေႇၵုၼ်ႇၵေႃႈတၵ်း ပဵၼ်ၸိူဝ်ႉၼင်ႇၵူၼ်းယေႇပုသိဢေႃႈ။
၈ ၵဝ်တၵ်းၶျႃးတပ်ႉယူႇ ၵႃႈတီႈလဵပ်ႈႁွပ်ႈႁိူၼ်းၵဝ်ယူႇ ၽၢႆႇၼိုင်ႈတင်းတပ်ႉရၢၼ်ႇသူႇ ႁႂ်ႈၽူႈ လႂ်ထၼ်ႈပေႃးဢမ်ႇလႆႈၶဝ်ႈလႆႈဢွၵ်ႇဢေႃႈ။ၵေႃႉဢၼ်ၼိၵ်ႈၸၢၵ်ႈငႅၼ်းသေးၼၼ်ႉၵမ်းလိုၼ်း ဢမ်ႇလႆႈလႄႇၵႂႃႇလႄႇမႃးၵႃႈၼႂ်းၶဝ်ၼၼ်ႉ။လွင်ႈမၼ်းၸမ်း မိူဝ်ႈလဵဝ်ၼႆႉၵဝ်ဢဝ်တႃၵဝ်တူၺ်းႁၼ်ယဝ်ႉ။
ၶုၼ်ႁေႃၶမ်းၸိဢုၼ်ႇတၵ်းပေႃႇမႃးလုၵ်ႈယိင်းၸိဢုၼ်ႇဢိူၺ်း။
၉ ၸူမ်းသိူဝ်းၼႃႇလူင်လၢင်တႃႉ။လုၵ်ႈယိင်းဝဵင်းယေႇရုသလႅမ်ႇဢိူၺ်း။ႁွင်ႉပၢဝ်ႇႁွင်ႉလၢတ်ႈတႃႉ။တူၺ်းလူ။ၶုၼ်လူင်မႂ်းဢၼ်ဝႃႈၸဝ်ႈဢၼ်ၸီႇယၢင်ႇၸွမ်းၼင်ႇတြႃးလႄႈ မီးတၢင်းဢၼ်ၵႄႇသႄႇၶျွတ်ႈဢဝ်ၼၼ်ႉ မီးတၢင်းဢၼ်ဢူၼ်ႈဢၼ်ဢွၼ်ႇၶီႇလီႈတင်းလီႈဢွၼ်ႇသေလႄႈ မႃးၸူးၵႃႈတီႈ မႂ်းဢေႃႈ။
၁၀ ၵဝ်တၵ်းပႄႇၽဵဝ်ႈလေႃႉရထႃးပႅတ်ႈသေၵႃႈၼႂ်းမိူင်းဢေႇၽရိမ်ႇ ဢိၵ်ႇတင်းမႃႉပႅတ်သေၵႃႈၼႂ်းဝဵင်းယေႇရုသလႅမ်ႇဢေႃႈ။ၵၢင်ႇတိုၵ်းသိုၵ်းၵေႃႈတၵ်းလႆႈၶၢမ်ႇတၢင်းဢၼ်ပႄႇတႅပ်းပႅတ်ႈဢေႃႈ။ၸဝ်ႈၼၼ်ႉတၵ်းမီးဢမိင်ႉ ႁႂ်ႈၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆလႆႈထၢတ်ႇသိုၵ်းယဵၼ်သိုၵ်းလႄႈဢႃႇၼႃႇၸဝ်ႈတၵ်းတႄႇယူႇ ဢဝ်ၵႃႈတီႈပၢင်ႇလၢႆႇမေႈၼိုင်ႈတေႃႇထိုင်ႁွတ်ႈပၢင်ႇလၢႆႇမေႈၼိုင်ႈ ဢိၵ်ႇတင်းဢဝ်ၵႃႈတီႈၼမ်ႉႁွင်ႊလူင် တေႃႇထိုင်ႁွတ်ႈႁိမ်းလႅၼ်သုတ်းလိၼ် မိူင်းဢေႃႈ။
၁၁ မႂ်းၸမ်းၵဝ်တၵ်းဢဝ်ၵူၼ်းမႂ်းဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉယူႇၸိူဝ်းၼၼ်ႉ ပွႆႇဢွၵ်ႇသေၵႃႈၼႂ်းႁူးလိၼ်တီႈဢၼ်ဢမ်ႇမီးၼမ်ႉၼၼ်ႉၵႂႃႇ ၵွပ်ႈပိူဝ်ႈလိူတ်ႈ ပတိၺိၼ်ႇမႂ်းဢေႃႈ။
၁၂ သူၸိူဝ်းဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉလႄႈမုင်ႈမွင်းၶဝ်ဢိူၺ်း။ဢွၼ်ၵၼ်ၶိုၼ်းမႃးၸူးၵႃႈတီႈတိူၵ်ႈတီႈတိုၵ်းသိုၵ်းတႃႉ။ၵဝ်လၢတ်ႈၸႃႉၸဵမ်ဝၼ်းမိူဝ်ႈၼႆႉဝႆႉလႄႈဝႃႈ ၵဝ်တၵ်းႁဵတ်းၵျေးၸူးသွင်ပုၼ်ႈတီႈမႂ်းလူးၵွၼ်ႇဢေႃႈ၊ဝႃႈၼင်ႇၼႆဢေႃႈ။
၁၃ ၵဝ်ဝူတ်ႈၵၢင်ႇယုတ လႄႈတိုတ်ႉၸၼ်ၵၢင်ႇဢေႇၽရိမ်ႇယူႇသေလႄႈတိုၵ်းယူင်းၵူၼ်းၸိဢုၼ်ႇ တင်းလၢႆယူႇၽၢႆႇၼိုင်ႈတင်းၵူၼ်းႁေႇသမ တင်းလၢႆလႄႈႁႂ်ႈမႂ်းပဵၼ်ၸိူဝ်ႉၼင်ႇ လၢပ်ႇလႅဝ်းၵူၼ်းသို်ၵ်းဢၼ်ႁႅင်းယႂ်ႇၼႃႇၼၼ်ႉဢေႃႈ။
ၽြႃးပဵၼ်ၸဝ်ႈတၵ်းပေႃႇမႃး
၁၄ ထႃႇဝရႃႉၽြႃး တၵ်းထၢင်ႇသႃးပေႃႇမႃးၵႃႈၼိူဝ်ၶဝ်လႄႈ ပိုၼ်မၼ်းၸဝ်ႈၸိူဝ်းၼၼ်ႉတၵ်းပုင်ႈလႅၼ်ႈမိူၼ်ၸိူဝ်ႉၼငႃ်ႇႉမႅပ်ႈၼၼ်ႉဢေႃႈ။ၸဝ်ႈထႃႇဝရႃႉၽြႃးၼၼ်ႉတၵ်းပဝ်ႇၼႄးၶရႃႇလႄႈၵႂႃႇလူၺ်ႈၵၼ်တင်းလူမ်းၽိဝ်ႁုင်ၽၢႆႇတၢင်းၸၢၼ်းဢေႃႈ။
၁၅ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းႁႄႉၵၢင်ႇႁႄႉလၢပ်ႇၶဝ်ဝႆႉလႄႈၶဝ်ၼၼ်ႉ တၵ်းဢွၼ်ၵၼ်ၶူပ်းၵိၼ်လႄႈ ယဵပ်ႇယမ်ႈမၢၵ်ႇႁိၼ် ဢၼ်ထႅမ်ႈဢၼ်သိုင်း ၸိူဝ်းၼၼ်ႉဢေႃႈ။ၶဝ်ၼၼ်ႉတၵ်းဢွၼ်ၵၼ်သူတ်ႉၵိၼ်လႄႈႁွင်ႉသႅၼ်ႇမိူၼ်ၸိူဝ်ႉၼင်ႇ ၶဝ်ၸိူဝ်းဢၼ်ဢိမ်ႇတဵမ်ၼမ်ႉၸပိတ်ႈၼၼ်ႉဢေႃႈ။ၶဝ်ၼၼ်ႉတၵ်းမီးတၢင်းဢၼ်ဢိမ်ႇတဵမ်ဝႆႉမိူၼ်ၸိူဝ်ႉၼင်ႇမေႃႈလူင် ဢိၵ်ႇတင်းၸိူဝ်ႉၼင်ႇ ၸဵင်ႇယိတ်ႉပလၢင်ႇၼၼ်ႉဢေႃႈ။
၁၆ ၼႂ်းမိူဝ်ႉဝၼ်းၼၼ်ႉထႃႇဝရႃႉၽြႃးၽြႃးပဵၼ်ၸဝ်ႈၶဝ် တၵ်းၵႄႇသႄႇၶျွတ်ႈဢဝ်ၶဝ်ၼၼ်ႉမိူၼ်ၸိူဝ်ႉၼင်ႇ ၽုင်သူဝ်းဢၼ်ဝႃႈၵူၼ်းမၼ်းၸဝ်ႈတင်းလၢႆၼၼ်ႉလႄႈ ၶဝ်ၼၼ်ႉတၵ်းပဵၼ်ၸိူဝ်ႉၼင်ႇသႅင်လီသႅင်မျၢတ်ႈ ၵႃႈတီႈမွၵ်ႇႁူဝ်သရၽူႇဢၼ်ထၢင်ႇသႃးႁူင်ႁၢင်း ၵႃႈၼႂ်းၼမ်ႉၸဝ်ႈလိၼ်ၸဝ်ႈ ဢေႃႈ။
၁၇ ၵျေးၸူးမၼ်းၸဝ်ႈၼၼ်ႉယႂ်ႇၼႃႇလူင်လၢင်လူင်ပေႇ။မုၼ်သရေႇမၼ်းၸဝ်ႈၵေႃႈယႂ်ႇၼႃႇလူင်လၢင်လူင်ပေႇ။ၶဝ်ႈပိူၵ်ႇၶဝ်ႈသၢၼ်တၵ်းႁႂ်ႈၵူၼ်းၼုမ်ႇၵူၼ်းၵမ်တင်းလၢႆယႂ်ႇလီၽူၵ်ႈလီလႄႈ ၼမ်ႉၸပိတ်ႈဢၼ်မႂ်ႇတၵ်းႁႂ်ႈမေႈယိင်းသၢဝ်တင်းလၢႆ ယႂ်ႇလီၽူၵ်ႈလီဢေႃႈ။