၈
ၽြႃးပဵၼ်ၸဝ်ႈတေပၼ်မၢင်ႇၵလႃႇယေႇရုသလႅမ်ႇ
၁ လၢႆးသမ်ႉ ၼုၵ်ႈၵပၢတ်ႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈ၊-
၂ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၵဝ်မီးၸႂ်ဢၼ်ႁၵ်ႉပႅင်းၶႅၼ်ဝႆႉႁႅင်းယႂ်ႇၼႃႇလူင်လၢင်လႄႈ ႁၵ်ႉပႅင်းၶႅၼ်ဝႆႉပုၼ်ႈလွႆၸိဢုၼ်ႇယဝ်ႉ။ၵဝ်မီးတေႃးသႃႉတၢင်းၸႂ်မႆႈၶႆႈၸႃႉႁႅင်းယႂ်ႇၼႃႇလူင်လၢင်သေလႄႈ ႁၵ်ႉပႅင်းၶႅၼ်ဝႆႉပုၼ်ႈ မၼ်းယဝ်ႉ။
၃ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၵဝ်ၶိုၼ်ႈမႃးၵႃႈတီႈလွႆၸိဢုၼ်ႇယဝ်ႉ။ၵဝ်တၵ်းယူႇၵႃႈၼႂ်း ဝဵင်းယေႇရုသလႅမ်ႇဢေႃႈ။ဝဵင်းယေႇရုသလႅမ်ႇ တၵ်းလႆႈၶၢမ်ႇတၢင်းဢၼ်ႁွင်ႉႁိၵ်ႈၸိုဝ် သမ်ႇမႃႇ လႄႈလွႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉၸိုဝ်လွႆဢၼ်မူတ်းၸၢင်ႇဢေႃႈ။
၄ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ၵူၼ်းထဝ်ႈယိင်းၵူၼ်းထဝ်ႈၸၢႆးၶဝ်ၸိူဝ်းဢၼ်ဢသၢၵ်ႈယႂ်ႇၼႃႇလႄႈယိပ်းၵမ်ၶွၼ်ႉတဝ်ႉႁင်းၽႂ်ႁင်းမၼ်းၼၼ်ႉ တၵ်းလႆႈယူႇလႆႈသဝ်းၵႃႈၼႂ်းသဵၼ်ႈတၢင်းဝဵင်းယေႇရုသလႅမ်ႇ ၸိူဝ်းၼၼ်ႉထႅင်ႈလူးၵွၼ်ႇဢေႃႈ။
၅ သဵၼ်ႈတၢင်းဝဵင်းၸိူဝ်းၼၼ်ႉၵေႃႈ တၵ်းမီးတဵမ်ဝႆႉတင်းလုၵ်ႈဢွၼ်ႇၸၢႆးလုၵ်ႈဢွၼ်ႇယိင်း ဢၼ်လဵၼ်ႈလေႃးၵၼ်ယူႇၵႃႈၼႂ်းသဵၼ်ႈတၢင်းၸိူဝ်းၼၼ်ႉဢေႃႈ။
၆ လၢႆးသမ်ႉ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊- ပိၵ်ႉသမ်ႉလွင်ႈတၢင်းၼၼ်ႉပဵၼ်တီႈဢၼ်လီဢၢမ်းသိုဝ်ႈၼႃႈတႂ်ႈတႃၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇယူႇ ၵႃႈၼႂ်းၵူၼ်းမဵဝ်းၼႆႉၼႂ်းၶိင်ႇမိူဝ်ႈလဵဝ်ၼႆႉၸိူဝ်းၼၼ်ႉသေၵေႃႈ တၵ်းလႆႈပဵၼ်တီႈဢၼ်လီဢၢမ်းသိုဝ်ႈၼႃႈတႂ်ႈတႃၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇယူႇ ၵႃႈၼႂ်းၵူၼ်းမဵဝ်းၼႆႉၼႂ်းၶိင်ႇမိူဝ်ႈလဵဝ်ၼႆႉၸိူဝ်းၼၼ်ႉသေၵေႃႈ တၵ်းလႆႈပဵၼ်တီႈဢၼ်လီဢၢမ်းသိုဝ်ႈတႃႈတႂ်ႈတႃၵဝ်ႁိုဝ်၊ ဝႃႈၼင်ႇၼႆၸဝ်ႈပူဝ်ႇပႃႇၵၢင် ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၇ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-တူၺ်းလူ။ၵဝ်တၵ်းၵႄႇသႄႇၶျွတ်ႈဢဝ်ၵူၼ်းၵဝ်တင်း လၢႆဢွၵ်ႇသေၵႃႈၼႂ်းမိူင်းၽၢႆႇၼႃႈဝၼ်းဢွၵ်ႇ ဢိၵ်ႇတင်းၵႃႈၼႂ်းမိူင်း ၽၢႆႇၼႃႈဝၼ်းတူၵ်းၸိူဝ်းၼၼ်ႉမႃးလႄႈ၊-
၈ ဢဝ်မႃးသေယဝ်ႉ ၶဝ်ၼၼ်ႉတၵ်းလႆႈယူႇၵႃႈၼႂ်းၵၢင်ဝဵင်းယေႇရုသလႅမ်ႇလႄႈ ၶဝ်ၼၼ်ႉတၵ်းပဵၼ်ၵူၼ်းၵဝ်လႄႈၵဝ်ၵေႃႈတၵ်းပဵၼ်ၽြႃးပဵၼ်ၸဝ်ႈၶဝ် ၸွမ်းလူၺ်ႈတြႃးသႅတ်ႉၸႃႇဢိၵ်ႇတင်း တြႃးတၢင်းဢၼ်သိုဝ်ႈတေႃႇဢေႃႈ။
၉ ၸဝ်ႈပူဝ်ႇပႃႇၵၢင်ႁၢင်ထႃႇဝရႃႉၽြႃးမီးဢမိင်ႉၸမ်း၊- သူၸိူဝ်းဢၼ်ငိၼ်းၵႂၢမ်းၼႆႉဢၼ်ပဵၼ်ၵႂၢမ်းပရေႃးၽႅတ်ႈတင်းလၢႆ ဢၼ်မီးၼႂ်းၶိင်ႇမိူဝ်ႈဢၼ်ၶျႃးငဝ်ႈႁၢၵ်ႈတိူၵ်ႈ ႁိူၼ်းၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးႁႂ်ႈလႆႈတႄႇႁဵတ်း ပိၵ်ႉမၢၼ်ႇမၼ်းၸဝ်ႈၼၼ်ႉၼႂ်း ၶိင်ႇမိူဝ်ႈလဵဝ်ၼႆႉၶဝ်ဢိူၺ်း။
၁၀ ဢွၼ်ၵၼ်ႁႂ်ႈမိုဝ်းသူႁႅင်းယႂ်ႇတႃႉ။မိူဝ်ႈဢွၼ်တၢင်းၶိင်ႇမိူဝ်ႈၼၼ်ႉၼၼ်ႉဢမ်ႇမီးၵႃႈၶၼ်ဢၼ်ၵူၼ်းလႆႈၶၢမ်ႇဢဝ်။ဢမ်ႇမီးၵႃႈၶၼ်ဢၼ်တရိၵ်ႈသၢၼ်ႇလႆႈၶၢမ်ႇဢဝ်။ၶဝ်ၸိူဝ်းဢၼ်ၶဝ်ႈၶဝ်ႈဢွၵ်ႇဢွၵ်ႇၼၼ်ႉၵွပ်ႈပိူဝ်ႈဢၼ်မီးရၢၼ်ႇသူႇလႄႈ ဢမ်ႇလႆႈၵတ်းယဵၼ်ၶျၢမ်းသႃႇ။ၵဝ်ၼႆႉႁႂ်ႈၵူၼ်းတင်းသဵင်ႈတင်းလူင်ၵေႃႉၼိုင်ႈလႄႈ ၵေႃႉၼိုင်ႈပဵၼ်ရၢၼ်ႇတၢင်း ၽိတ်းၵၼ်ဢေႃႈ။
၁၁ တေႃႈလဵဝ်ၼႆႉၸမ်းၵဝ်တၵ်းဢမ်ႇႁဵတ်းၸိူဝ်ႉၼင်ႇမိူဝ်ႈၵမ်းဢွၼ်တၢင်းၼၼ်ႉ တီႈၵူၼ်းမဵဝ်းဢၼ်ယင်းၵိုတ်းယင်းၵျၢၼ်ႇဝႆႉၸိူဝ်းၼႆႉ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။တၵ်းလႆႈဝၢၼ်ႇၸိူဝ်ႉဝၢၼ်ႇၽၼ်း ၼိမ်ၼိမ်လီလီလႄႈတူၼ်ႈၶိူဝ်းမၢၵ်ႇၸပိတ်ႈ တၵ်းလႆႈပၼ်တိၼ်ႇမၼ်းမၢၵ်ႇမၼ်းဢေႃႈ။
၁၂ လိၼ်တၵ်းလႆႈပၼ်လွင်ႈတၢင်းဢၼ်ပဵၼ်တိုၼ်းပဵၼ်ႁွၼ်းမၼ်းလႄႈ ၾႃႉၵၢင်ႁၢဝ်တၵ်းလႆႈပၼ်ၼမ်ႉၼၢႆးမၼ်းဢေႃႈ။ၵဝ်တၵ်းႁဵတ်းႁႂ်ႈၵူူၼ်းမဵဝ်းဢၼ်ယင်းၵိုတ်းယင်းၵျၢၼ်ႇဝႆႉၸိူဝ်းၼႆႉ လႆႈ ၶၢမ်ႇဢမူၺ်ႇလွင်ႈတၢင်းၸိူဝ်းၼႆႉဢေႃႈ။
၁၃ မဵဝ်းယုတဢိၵ်ႇတင်းမဵဝ်းဢိသရေႇလၶဝ်ဢိူၺ်း။မိူၼ်ၸိူဝ်ႉၼင်ႇဢၼ် သူႇလႆႈပဵၼ်တီႈဢၼ်ၵိၼ်ႇလႃႇၵႃႈၼႂ်းၵူၼ်းတၢင်ႇၸိူဝ်ႉတၢင်ႇမဵဝ်းတင်းလၢႆၼၼ်ႉၵဝ်ၵႄႇသႄႇၶျွတ်ႈဢဝ်သူလႄႈ တၵ်းလႆႈၶၢမ်ႇဢဝ်တၢင်းလီဢေႃႈ။ယင်းဢမ်ႇမႆႈၸႂ်လႄႈ ဢွၼ်ၵၼ်မီးတၢင်းဢၼ်ႁႅင်း မိုဝ်းယႂ်ႇတႃႉ။
၁၄ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-မိူၼ်ၸိူဝ်ႉၼင်ႇဢၼ်ၵဝ်ယင်းဢမ်ႇၶုၵ်းၸႂ်လႆႈမႆႈၸႂ်လႄႈ ၵျၢမ်ႇပွင်တၵ်းပၼ်တၢမ်ႇတီႈသူၼႂ်းမိူဝ်ႈဢၼ်ပူႇသူမွၼ်ႇသူတိုၵ်းယူင်းတၢင်းၸႂ်မႆႈၶႆႈၸႃႉၵဝ် ၼၼ်ႉ
၁၅ ၼႂ်းၶိင်ႇမိူဝ်ႈလဵဝ်ၼႆႉၵဝ်သမ်ႉၶိုၼ်းၵျၢမ်ႇပွင်တၵ်းႁဵတ်းၵျေးၸူးတီႈဝဵင်းယေႇရုသလႅမ်ႇ ဢိၵ်ႇတင်းမဵဝ်းယုတဢေႃႈ။ယႃႇပေမႆႈၸႂ်ဝႃႈၼင်ႇၼႆၸဝ်ႈပူဝ်ႇပႃႇ ၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၁၆ တၢင်းၵမ်တၢင်းၵျၢင်ႉဢၼ်သူတၵ်းလႆႈၵမ်ၵျၢင်ႉၸမ်း သူၵႃႈမီးၵေႃႉၼိုင်ႈလႄႈၵေႃႉၼိုင်ႈလၢတ်ႈၵႂၢမ်းဢၼ်ၸိုဝ်ႈဢၼ်ၸႂ်ႈတေႃႇၵၼ်တႃႉ။ဢွၼ်ၵၼ်ႁဵတ်းတၢင်းဢၼ်ၸီႇယၢင်ႇသိုဝ်ႈသိုဝ်ႈတေႃႇတေႃႇ ဢိၵ်ႇတင်းတၢင်းဢၼ်ႁႂ်ႈဢမူႉဢၼ်ထူပ်းတြႃးၵၼ်ထၢတ်ႇယဵၼ်ၼၼ်ႉ ဢွၼ်ၵၼ်တႅပ်းတတ်းၵႃႈၼႂ်းႁူးၽၵ်းတူဝဵင်းသူတင်းလၢႆတႃႉ။
၁၇ ၵေႃႉၼိုင်ႈလႄႈ ၵေႃႉၼိုင်ႈယႃႇပေၵျၢမ်ႇပွင်တၢင်းပွင်ဢၼ်ဢမ်ႇလီတီႈၵၼ်။ယႃႇပေဢွၼ်ၵၼ်ထုၵ်ႇၸႂ်ၵျိူၵ်ႈၸႂ် တၢင်းဢၼ်တိူင်ႇဝႃႈၵိၼ်ႇဝႃႈ ဢၼ်ဢမ်ႇၸိုဝ်ႈဢမ်ႇၸႂ်ႈၼၼ်ႉ။ၵဝ်ၸင်းလွင်ႈတၢင်းၸိူဝ်ႉၼင်ႇၼၼ်ၵႃႈမီးၼၼ်ႉဢေႃႈ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၁၈ လၢႆးသမ်ႉ ၼုၵ်ႈၵပၢတ်ႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးႁွတ်ႈမႃးတီႈၵဝ်လႄႈဝႃႈ၊-ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-တၢင်းဢၼ်ၵမ်တၢင်းၵိၼ်ၼႂ်းလိူၼ်ၸတုၵ်ႉထ၊ တၢင်းဢၼ်ၵမ်တၢင်းၵိၼ် ၼႂ်းလိူၼ်ပိၼ်ႇၸမ၊
၁၉ တၢင်းဢၼ်ၵမ်တၢင်းၵိၼ်ၼႂ်းလိူၼ်သတ်ႉတမ၊ တၢင်းဢၼ်ၵၼ်တၢင်းၵိၼ်ၼႂ်းတသမ ၸိူဝ်းၼၼ်ႉတၵ်းပဵၼ်ၶိင်ႇမိူဝ်ႈဢၼ်မဵဝ်းယုတၸူမ်းသိူဝ်းသႂၢင်ႇၸႂ်လႄႈႁဵတ်းပွႆးဢၼ်မူၼ်ႈပျေႃႇဢေႃႈ။ပိူဝ်ႈၼႆလႄႈဢွၼ်ၵၼ်ထုၵ်ႇၸႂ်ၵျိူၵ်ႈၸႂ်တြႃးတၢင်းဢၼ်သိုဝ်ႈတေႃႇ၊ တြႃးတၢင်းဢၼ်တဵတ်ႇလီ ၼိမ်လီတႃႉ။
၂၀ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-မဵဝ်းၵူၼ်းတင်းလၢႆဢိၵ်ႇတင်းၵူၼ်းဝဵင်းၵႃႈၼႂ်းဝဵင်းၼမ်ၼႃႇတၵ်းဢွၼ်ၵၼ်မႃးဢေႃႈ။
၂၁ ၵူၼ်းဢၼ်ယူႇၵႃႈၼႂ်း ဝဵင်းဝဵင်းၼိုင်ႈတၵ်းၵႂႃႇၸူးၵႃႈတီႈၶဝ်ၸိူဝ်းဢၼ် ယူႇၵႃႈၼႂ်းဝဵင်းတင်းတီႈတၢင်ႇဝဵင်းလႄႈႁွင်ႉၸူဝ်းဢဝ်လႄႈဝႃႈ၊-ဢွၼ်ၵၼ်ၼႅတ်ႈၵႂႃႇႁႂ်ႈလႆႈႁႃဢဝ်ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးတႃႉ ႁဝ်း။
၂၂ ၵဝ်ၵေႃႈတၵ်းၵႂႃႇဢေႃႈ၊ဝႃႈၼင်ႇၼႆဢေႃႈ။မဵဝ်းၵူၼ်းၼမ်ၼႃႇဢိၵ်ႇတင်း ၵူၼ်တၢင်ႇၸိူဝ်ႉတၢင်ႇၶိူဝ်းဢၼ်ႁႅင်းယႂ်ႇၼႃႇၸိူဝ်းၼၼ်ႉ တၵ်းဢွၼ်ၵၼ်မႃးႁႂ်ႈလႆႈႁႃဢဝ် ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၵႃႈၼႂ်းဝဵင်းယေႇရုသလႅမ်ႇလႄႈ သူးတွင်းယွၼ်းၶၢမ်ႇဢဝ်ၵျေးၸူးတီႈထႃႇဝရႃႉၽြႃးဢေႃႈ။
၂၃ ၸဝ်ႈပူဝ်ႇပႃႇႁၢဝ်ထႃႇဝရႃႉၽြႃးမီးဢမိင်ႉၸမ်း၊-ၼႂ်းမိူဝ်ႉဝၼ်းၼၼ်ႉ ၵူၼ်းသိပ်းၵေႃႉၵႃႈၼႂ်းၵူၼ်းၵူႈၸိူဝ်ႉၵူႈမဵဝ်း ဢၼ်ၸၢင်ႊလၢတ်ႈၵႂၢမ်းၽႃႇသႃႇ ႁင်းၽႂ်ႁင်းမၼ်းၸိူဝ်းၼၼ်ႉ တၵ်းဢွၼ်ၵၼ်ယိပ်းၵမ်ၸဵင်ႇၶူဝ်းၼုင်ႈၵေႃႉဢၼ်ပဵၼ်ၵူၼ်းယုတ ၼၼ်ႉယူႇသေလႄႈဝႃႈ၊ ၵွပ်ႈပိူဝ်ႈဢၼ်ႁဝ်းၶႃႈလႆႈႁူႉလႆႈငိၼ်းလွင်ႈဢၼ်ၽြႃးပဵၼ်ၸဝ်ႈ မီးယူႇလူၺ်ႈၵၼ်တင်းသူၸဝ်ႈလႄႈႁဝ်းၶႃႈ တၵ်းၸွမ်းလူၺ်ႈၵၼ်တင်းသူၸဝ်ႈၶႃႈဢေႃႈဝႃႈၼင်ႇၼႆဢေႃႈ။