၂
ၵေႃႉဢၼ်တႅၵ်ႈတူၺ်း
၁ လၢႆးသမ်ႉ ၵဝ်ဢဝ်တႃၵဝ်ႁႅၼ်တူၺ်းလႄႈႁၼ်ၵူၼ်းဢၼ်ယိပ်းၵမ်ၸိူၵ်ႈ ပုၼ်ႈဢၼ်တၵ်းတႅၵ်ႈတၵ်းၶိုပ်ႈၼၼ်ႉၵေႃႉၼိုင်ႈလႄႈ၊ၵဝ်တွင်ႈထၢမ်တီႈၵေႃႉၼၼ်ႉ လႄႈဝႃႈ၊-
၂ တၵ်းၵႂႃႇၵႃႈတီႈ လႂ်၊ဝႃႈၼင်ႇၼႆလႄႈမၼ်းလၢတ်ႈတီႈၵဝ်လႄႈဝႃႈ၊-တၵ်းၵႂႃႇႁႂ်ႈလႆႈတႅၵ်ႈတူၺ်းၶိုပ်ႈတူၺ်းဝဵင်းယေႇရုသလႅမ်ႇႁႂ်ႈလႆႈႁူႉၼႃႈယၢဝ်းမၼ်းၼႃႈပွတ်းမၼ်းဢေႃႈ၊ဝႃႈၼင်ႇၼႆဢေႃႈ။
၃ တမၢၼ်ႇၵၢင်ႁၢဝ် ဢၼ်လၢတ်ႈတေႃႇၵၼ်တင်းၵဝ်ၼၼ်ႉဢွၵ်ႇၵႂႃႇလႄႈ တမၢၼ်ႇၵၢင်ႁၢဝ်တၢင်ႇပႃးႁႄႉႁပ်ႉ ႁူဝ်တၢင်းမၼ်းယူႇသေလႄႈလၢတ်ႈလႄႈဝႃႈ၊-
၄ ၶုၼ်ႇလႅၼ်ႈၵႂႃႇသေလႄႈလၢတ်ႈတီႈၵူၼ်းဢွၼ်ႇၼၼ်ႉလႄႈဝႃႈ၊-ဝဵင်းယေႇရုသလႅမ်ႇတၵ်းမီးၽူႈမီးၵူၼ်းမိူၼ်ၸိူဝ်ႉၼင်ႇ ဝၢၼ်ႈဢၼ်ဢမ်ႇမီးလမ်းတပ်ႉလမ်းႁူဝ်ႉၸိူဝ်းၼၼ်ႉၵွပ်ႈပိူဝ်ႈဢၼ်ၵူၼ်းသတ်ႉတဝႃႇ ဢိၵ်ႇတင်းတရိၵ်ႈသၢၼ်ႇ ပဵၼ်ဢၼ်ၼမ်ၼႃႇလူင်လၢင်ၵႃႈၼႂ်းမၼ်း ၼၼ်ႉဢေႃႈ။
၅ ထႃႇဝရႃႉၽြႃးမီးဢမိင်ႉၸမ်း၊-ၵဝ်တၵ်းပဵၼ်လမ်းဝဵငႆ်းးလွမ်ႉလဵပ်ႈႁွပ်ႈမၼ်းယူႇလႄႈ ပဵၼ်မူၼ်သရေႇယူႇၵႃႈၼႂ်းၶိုင်ႈၵၢင်မၼ်းဢေႃႈ။
၆ ဢိူၺ်း။ဢိူၺ်း။ဢွၼ်ၵၼ်ပၢႆႈဢွၵ်ႇသေၵႃႈတီႈမိူင်းတၢင်းႁွင်ႇမႃးတႃႉ၊ဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉ ဢေႃႈ။ၵဝ်ႁႂ်ႈသူၽၢတ်ႇၽႄၵၼ်ၵႂႃႇမိူၼ်ၸိူဝ်ႉၼင်ႇလူမ်း ဢၼ်မီးၵႃႈတီႈသီႇၼႃႈတႂ်ႈၽႃႉၵၢင်ႁၢဝ်ၼၼ်ႉယဝ်ႉ၊ ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။
၇ ၸိဢုၼ်ႇ ဢၼ်ယူႇလူၺ်ႈၵၼ်တင်းလုၵ်ႈယိင်းဝဵင်းပႃႇပုလုၼ်ႇဢိူၺ်း။ဢွၵ်ႇပၢႆႈႁႂ်ႈလွတ်ႈတႃႉ။ၸဝ်ႈပူဝ်ႇ ပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-
၈ မုၼ်ၽုင်းၼၼ်ႉပေႃႇမႃးသေယဝ်ႉ မၼ်းၸဝ်ႈပွႆႇၸႂ်ႉၵဝ်ၸူးၵႃႈတီႈမဵဝ်းၵူၼ်းဢၼ်ယႃႉသူပႅတ်ႈၸိူ်ဝ်းၼၼ်ႉဢေႃႈ။ၵေႃႉဢၼ်တိူဝ်ႉထုၵ်ႇသူႇၼၼ်ႉပဵၼ်ၵေႃႉဢၼ်တိူဝ်ႉထုၵ်ႇ လုၵ်ႈဝၢၵ်ႈမၢၵ်ႇတႃမၼ်းၸဝ်ႈဢေႃႈ။
၉ တူၺ်းလူ။ၵဝ်တၵ်းဢဝ်မိုဝ်းၵဝ်ငႃသႂ်ႇၶဝ်လႄႈ ၶဝ်ၼၼ်ႉတၵ်းပဵၼ်တီႈဢၼ်ၶႃႈၶဝ်ႁိမ်ဢဝ်ယႃႉပႅတ်ႈဢေႃႈ။သူတၵ်းလႆႈႁူႉလွင်ႈဢၼ် ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးပွႆႇၸႂ်ႉၵဝ်ၼၼ်ႉဢေႃႈ။
၁၀ လုၵ်ႈယိင်းၸိဢုၼ်ႇဢိူၺ်း။ႁဵတ်းၵႂၢမ်းလႄႈသႂၢင်ႇသိူဝ်းတႃႉ။ၵဝ်တၵ်းမႃးလႄႈယူႇၵႃႈၼႂ်းၵၢင်မႂ်းဢေႃႈ၊ဝႃႈၼင်ႇၼႆထႃႇဝရႃႉၽြႃးမီးဢမိင်ႉဢေႃႈ။ၼႂ်းမိူဝ်ႉဝၼ်းၼၼ်ႉမဵဝ်းၵူၼ်းၼမ်ၼႃႇ တၵ်းဢွၼ်ၵၼ်ၶဝ်ႈယူႇ ၽၢႆႇထႃႇဝရႃႉၽြႃးလႄႈပဵၼ်ၵူၼ်းၵဝ်ဢေႃႈ။
၁၁ ၵဝ်တၵ်းၶဝ်ႈယူႇၵႃႈၼႂ်းၵၢင်မႂ်းလႄႈ မႂ်းတၵ်းလႆႈႁူႉလွင်ႈဢၼ်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ပွႆႇၸႂ်ႉၵဝ်ၸူးတီႈမႂ်း ၼၼ်ႉဢေႃႈ။
၁၂ ထႃႇဝရႃႉၽြႃးတၵ်းလႆႈၶၢမ်ႇဢမူၺ်ႇမိူင်းယုတ ဝႆႉပုၼ်ႈတႃႇမၼ်းၸဝ်ႈၵႃႈၼႂ်းမိူင်းဢၼ်မူတ်းၸၢင်ႇၼၼ်ႉလႄႈ တၵ်ႉသမ်ႉၶိုၼ်းလိူၵ်ႈၵဵပ်းဢဝ်ဝဵင်း ယေႇရုသလႅမ်ႇဢေႃႈ။
၁၃ ၵူၼ်းသတ်ႉတဝႃႇတင်းသဵင်ႈတင်းလူင်ၶဝ်ဢိူၺ်း။ဢွၼ်ၵၼ်ယူႇတဵတ်ႇတဵတ်ႇၼိမ်ၼိမ်ၵႃႈတီႈၽၢႆႇၼႃႈထႃႇဝရႃႉၽြႃးတႃႉ။မၼ်းၸဝ်ႈလုၵ်ႉၵႃႈတီႈထႃႇၼႃႉၸဝ်ႈ တီႈဢၼ်မၼ်းၸဝ်ႈၵိင်းဝပ်ႈယူႇဢၼ်မူတ်းၸၢင်ႇၼၼ်ႉယဝ်ႉ၊ ဝႃႈၼင်ႇၼႆဢေႃႈ။