၁၁
၁ လွႆလေႇပၼုၼ်ႇဢိူၺ်း။ၽုၺ်ႇပိုတ်ၽၵ်းတူမႂ်းတင်းလၢႆႁႂ်ႈၽႆးလႆႈမႆႈတူၼ်ႈဢႃႇရိတ်ႉမႂ်းၸိူဝ်းၼၼ်ႉတႃႉ။
၂ တူၼ်ႈမႆႉပႅၵ်ႇၶဝ်ဢိူ်ၺ်း။ပွင်ႉၶၢင်းပွင်ႉမိူၼ်ၵွပ်ႈပိူဝ်ႈဢၼ်တူၼ်ႈဢႃႇရိတ်ႉလူမ်ႉတူၵ်းၼၼ်ႉတႃႉ။တူၼ်ႈဢၼ်မျၢတ်ႈၸိူဝ်းၼၼ်ႉလူႉၵႂႃႇလႅဝ်ၵႂႃႇယဝ်ႉ။တူၼ်ႈမႆႉၼိမ်မိူင်းပႃႇသၼ်ႇၶဝ်ဢိူၺ်း။ဢွၼ်ၵၼ်ပွင်ႉၶၢင်းပွင်ႉမိူၼ်ႇၵွပ်ႈပိူဝ်ႈဢၼ်ပႃႇမႆႉပႃႇၸိင် ဢၼ်မၼ်ႈၶိူင်ႇၼၼ်ႉလႆႈၶၢမ်ႇ တၢင်းဢၼ်ပွမ်ႈလူမ်ႉပႅတ်ႈၼၼ်ႉတႃႉ။
၃ လႆႈငိၼ်းသဵင်ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၼၼ်ႉ ပွင်ႉၶၢင်းပွင်ႉမိူၼ်ႇၵွပ်ႈပိူဝ်ႈဢၼ်သရေႇၶဝ်လူႉၼၼ်ႉဢေႃႈ။လႆႈငိၼ်းသဵင်သၢင်ႇသီႈတူဝ်ၼုမ်ႇတူဝ်ႁၢတ်ႈတင်းလၢႆ ႁွင်ႉၶၢင်းၵွပ်ႈပိူဝ်ႈဢၼ်မုၼ်သရေႇၼမ်ႉႁွင်ႈယေႃႇတၢၼ်ႇ လူႉၵႂႃႇၼၼ်ႉဢေႃႈ။
ၵူၼ်းလဵင်ႉသူဝ်းသွင်ၵေႃႉ
၄ ထႃႇဝရႃႉၽြႃးၽြႃးပဵၼ်ၸဝ်ႈၵဝ်မီးဢမိင်ႉၸမ်း၊-လဵင်ႉလူမုၵ်ႉသူဝ်းၽုင်သူဝ်း ဢၼ်ဝႆႉပုၼ်ႈဢၼ်တၵ်းဢဝ်တၢႆ ၼႆႉတႃႉ။
၅ ၶဝ်ၸိူဝ်းဢၼ်ပိူင်ႇၶဝ်ၼၼ်ႉဢဝ်ၶဝ်တၢႆလႄႈဢမ်ႇ မၢတ်ႈတူဝ်ၸဝ်ႈၵဝ်ႇမီးဢပျႅတ်ႈ။ၶဝ်ၸိူဝ်းဢၼ်ဢဝ်ၶဝ်ၶၢႆၵိၼ်ၼၼ်ႉၵေႃႈလၢတ်ႈလႄႈဝႃႈ၊-ၵွပ်ႈပိူဝ်ႈႁဝ်းမၢၵ်ႇမီးလႄႈ ႁႂ်ႈထႃႇဝရႃႉၽြႃးမီးမင်ႇၵလႃႇသေၵမ်းလူၺ်ႈ၊ဝႃႈၼင်ႇၼႆဢေႃႈ။ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၶဝ်ၼၼ်ႉၵေႃႈ ဢမ်ႇမီးၵရူႉၼႃႇတၢင်းဢၼ် ဢိတ်းလူ။
၆ ထႃႇဝရႃႉၽြႃးမီးဢမိင်ႉၸမ်း၊-ၵမ်းလိုၼ်းၵဝ်ယင်းဢမ်ႇဢိတ်းလူသေလၢႆ ၵူၼ်းဝၢၼ်ႈၵူၼ်းမိူင်းလႄႈ တၵ်းဢဝ်ၶဝ်ၵႃႈမီးဢၢပ်ႈပၼ်ၵႃႈၼႂ်းမိုဝ်းၵူၼ်းႁိူၼ်းၸမ်ၵၼ်တင်းၶဝ်ဢိၵ်ႇတင်း ၵႃႈၼႂ်းမိုဝ်းၶုၼ်ႁေႃၶမ်းၶဝ်သေလႄႈ ၶဝ်ၼၼ်ႉတၵ်းၼိၵ်ႈၸၢၵ်ႈငႅၼ်းသေးမိူင်းတင်းမိူင်းဢေႃႈ။ၵဝ်တၵ်းဢမ်ႇပွႆႇၶဝ်လွတ်ႈဢွၵ်ႇသေၵႃႈၼႂ်းမိုဝ်းၶဝ်ၼၼ်ႉ၊ဝႃႈၼင်ႇၼႆဢေႃႈ။
၇ ၼင်ႇၼၼ်လႄႈ ၵဝ်လႆႈလဵင်ႉလူၽုင်သူဝ်းဢၼ်ဝႆႉပုၼ်ႈဢၼ်တၵ်းဢဝ်တၢႆဢၼ်ဝႃႈ သူဝ်းဢၼ်ယၢၵ်ႈဢၼ်ၽၢၼ်ၸိူဝ်းၼၼ်ႉၼၼ်ႉဢေႃႈ။ၵဝ်ဢဝ်ၶွၼ်ႉၵွမ်ႈဢၼ်လဵင်ႉသူဝ်းထိင်းသူဝ်းသွင်လႅမ်ႈလႄႈ ႁွင်ႉႁိၵ်ႈၸိုဝ်လႅမ်ႈၼိုင်ႈတၢင်းဢၼ်ႁဵတ်းၵျေးၸူး ဢိၵ်ႇတင်းလႅမ်ႈၼိုင်ႈတၢင်းဢၼ်မတ်ႉဢၼ်ၽုၵ်ႈသေလႄႈ လႆႈလဵင်ႉလူမုၵ်ႉ သူဝ်းၽုင်သူဝ်းဢေႃႈ။
၈ ၵဝ်ပႄႇတႅပ်းၵူၼ်းလဵင်ႉသူဝ်းထိင်းသူဝ်းသၢမ်ၵေႃႉၼၼ်ႉ ပႅတ်ႈၼႂ်းလိူၼ်ၼိုင်ႈၵူၺ်းၵွပ်ႈပိူဝ်ႈဢၼ်ႁူဝ်ၸႂ်ၵဝ်ဢုၵ်းဢဝ်ႇမႆႈႁွၼ်ႉၶဝ်လႄႈ ၶဝ်ၵေႃႈလီ ႁင်ႈဢဵတ်ႇသဵတ်ႇၵဝ်ၼၼ်ႉဢေႃႈ။
၉ ၵဝ်လၢတ်ႈလႄႈဝႃႈ၊-ၵမ်းလိုၼ်းၵဝ်ဢၼ်ဝႃႈၵဝ်ၼႆႉ ဢမ်ႇလဵင်ႉဢမ်ႇလူသူ။ႁႂ်ႈတူဝ်ဢၼ်တၢႆၼၼ်ႉတၢႆသေၵမ်းလူၺ်ႈ။ႁႂ်ႈတူဝ်ဢၼ်လႆႈၶၢမ်ႇ တၢင်းဢၼ်ဢဝ်တၢႆၼၼ်ႉ လႆႈၶၢမ်ႇသေၵမ်းလူၺ်ႈ။ႁႂ်ႈတူဝ်ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉတူဝ်ၼိုင်ႈလႄႈ တူဝ်ၼိုင်ႈၶူပ်းၵိၼ်ၵၼ်သေ ၵမ်းလူၺ်ႈ ဝႃႈၼင်ႇၼႆသေလႄႈ
၁၀ ဢဝ်ၶွၼ်ႉၵွမ်ႈၵဝ်ဢၼ်လႆႈ ၸိုဝ်တၢင်းဢၼ်ႁဵတ်းၵျေးၸူးၼၼ်ႉ ႁၵ်းပႅတ်ႈ ႁႂ်ႈလႆႈယႃႉပတိၺိၼ်ႇဢၼ်ၵဝ်ႁဵတ်းလူၺ်ႈၵၼ်တင်းမဵဝ်းၵူၼ်းတင်းသဵင်ႈတင်းလူင် မိူဝ်ႈၵွၼ်ႇဢွၼ်ၼႆႉၼၼ်ႉဢေႃႈ။
၁၁ ၵွပ်ႈပိူဝ်ႈဢၼ်ပတိၺိၼ်ႇၼၼ်ႉလူႉၼႂ်းမိုဝ်ႉဝၼ်းၼၼ်ႉလႄႈ သူဝ်းဢၼ်ယၢၵ်ႈဢၼ်ၽၢၼ်ဢၼ်ပိုင်ႈဢိင်ၵဝ်ယူႇၸိူဝ်းၼၼ်ႉႁူႉၸႅင်ႈလွင်ႈဢၼ်ပဵၼ် ၼုၵ်ႈၵပၢတ်ႈထႃႇဝရႃႉၽြႃးၼၼ်ႉဢေႃႈ။
၁၂ လၢႆးသမ်ႉၵဝ်လၢတ်ႈတီႈၶဝ်လႄႈဝႃႈ၊-ပေႃးလီပၼ်ၵႃႈၶဝ်ဢၼ်ၵဝ်ထုၵ်ႇလႆႈၼၼ်ႉ သိုဝ်ႈၼႃႈတႂ်ႈတႃသူၸိုင်ဢွၼ်ၵၼ်ပၼ်တႃႉ။ပေႃးဢမ်ႇလီပၼ်ၸိုင်ယႃႇပေပၼ်၊ မိူဝ်ႈဢၼ်ဝႃႈၼင်ႇၼႆၸိုင်ၶဝ်ၼၼ်ႉ ဢွၼ်ၵၼ်ၸင်ႈႁိဝ်ႈ ငိုၼ်းသၢမ်ၵျၢပ်ႈႁႂ်ႈလႆႈပၼ်ၵႃႈၶၼ်ၵဝ်ဢေႃႈ။
၁၃ ထႃႇဝရႃႉၽြႃးၵေႃႈမီးဢမိင်ႉလႄႈဝႃႈ၊-ဢဝ်ငိုၼ်းဢၼ်ဝႃႈၵႃႈၶၼ်ဢၼ်ယႂ်ႇၼမ်ၼႃႇ ဢၼ်ၶဝ်ၽႅတ်ႈၵႃႈၶၼ်ၵဝ်ၼၼ်ႉ ထႅမ်ႈတူၵ်းသႂ်ဝႆႉၵႃႈတီႈၽၢႆႇၼႃႈၵေႃႉဢၼ်ႁဵတ်းမေႃႈၼၼ်ႉသေယဝ်ႉၵဝ်ဢဝ်ငိုၼ်းသၢမ်ၵျၢပ်ႈၼၼ်ႉလႄႈ ထႅမ်ႈတူၵ်းသႂ်ႇဝႆႉၵႃႈတီႈၽၢႆႇၼႃႈၵေႃႉဢၼ်ႁဵတ်း မေႃႈၵႃႈၼႂ်းပိၵ်ႉမၢၼ်ႇထႃႇဝရႃႉၽြႃးဢေႃႈ။
၁၄ မိူဝ်ႈၼၼ်ႉၵဝ်ဢဝ်ၶွၼ်ႉၵွမ်ႈၵဝ်တၢင်ႇလႅမ်ႈဢၼ်လႆႈၸိုဝ်တၢင်းဢၼ်မတ်ႉဢၼ်ၽုၵ်ႈၼၼ်ႉ ႁၵ်းပႅတ်ႈႁႂ်ႈယႃႉပႅတ်ႈမိၵ်ႉသႁႃႇယႃႉဢၼ်မဵဝ်းယုတ ဢိၵ်ႇတင်းမဵဝ်းဢိသရေႇလႁဵတ်းလူၺ်ႈၵၼ်ၼၼ်ႉဢေႃႈ။
၁၅ လၢႆးသမ်ႉထႃႇဝရႃႉၽြႃးမီးဢမိင်ႉလႄႈဝႃႈ၊-သမ်ႉၶိုၼ်းသိမ်းဢဝ်ၶိူင်ႈပိူင် ၵေႃႉဢၼ်လဵင်ႉသူဝ်းထိင်းသူဝ်းဢၼ် မိူၵ်ႈၼၼ်ႉထႅင်ႈတႃႉ။
၁၆ လွင်ႈမၼ်းၸမ်းၵဝ်တၵ်းႁႂ်ႈၵေႃႉဢၼ်လဵင်ႉသူဝ်းထိင်းသူဝ်းၵေႃႉၼိုင်ႈ ပေႃႇမႃးၵႃႈၼႂ်းမိူင်းၼႆႉဢေႃႈ။မၼ်းၼၼ်ႉတၵ်းဢမ်ႇလူဢမ်ႇတူၺ်းဢၼ်လႆႈၶၢမ်ႇတၢင်းဢၼ်ဢဝ်တၢႆၼၼ်ႉ။တၵ်းဢမ်ႇႁႃတူဝ်ဢၼ်ၽိတ်းတၢင်းပိူင်ႈတၢင်းၵႂႃႇၼၼ်ႉ။တၵ်းဢမ်ႇႁဵတ်းႁႂ်ႈတၢင်းၸဵပ်းတၢင်းသႅပ်ႇ တူဝ်ဢၼ်ၸဵပ်းသႅပ်ႇၼၼ်ႉႁၢႆၼၼ်ႉ။တၵ်းဢမ်ႇၸွႆႈထႅမ်လဵင်ႉလူတူဝ်ဢၼ်ၸုၵ်းယူႇၼၼ်ႉ။မၼ်းတၵ်းၵိၼ်တူဝ်ဢၼ်ပီးလီမၼ်းလီၼၼ်ႉလႄႈႁၵ်းႁိၵ်းၵိပ်ႇၶဝ်ပႅတ်ႈဢေႃႈ။
၁၇ ႁႂ်ႈၵေႃႉဢၼ်လဵင်ႉသူဝ်း ဢၼ်လၢႆလၢႆဢမ်ႇပွင်ႇလွင်ႈၵႃႈသင် ဢၼ်ၸုၼ်ႉပႅတ်ႈၽုင်သူဝ်းၼၼ်ႉ မီးဢႃႉမင်ႇၵလႃႇသေၵမ်းလူၺ်ႈ။ၽေးလၢပ်ႇၽေးလႅဝ်းတၵ်းႁွတ်ႈထိုင်ၵႃႈတီႈၶႅၼ်မိုဝ်းမၼ်း ဢိၵ်ႇတင်းမၢၵ်ႇတႃၶွၼ်ၶႂႃမၼ်းဢေႃႈ။ၶႅၼ်မိုဝ်းမၼ်းၼၼ်ႉတၵ်းႁဵဝ်ႇႁႅင်ႈၵႂႃႇတင်းသဵင်ႈတင်းမူတ်းလႄႈမၢၵ်ႇတႃၶွၼ်ၶႂႃမၼ်းၼၼ်ႉတၵ်းလပ်းသိင်ႇၵႂႃႇ တင်းသဵင်ႈတင်းမူတ်းဢေႃႈ။