၃
ၽႃႈမႆမူတ်းၸၢင်ႇယိတ်ႉပရေႃးႁိၵ်ႉ
၁ မၼ်းၸဝ်ႈ ၼႄပျႃးၶုၼ် ယိတ်ႉပရေႃးႁိၵ်ႈယေႃးသုၸုၵ်းယူႇၵႃႈတီႈၽၢႆႇၼႃႈ တမၢၼ်ႇၵၢင်ႁၢဝ်ထႃႇဝရႃႉၽြႃးဢိၵ်ႇတင်း ၸႃႇတၢၼ်ႇၸုၵ်းယူႇၵႃႈတီႈၽၢႆႇၶႂႃႇမၼ်း ႁႂ်ႈလႆႈႁဵတ်းရၢၼ်ႇတၢင်းၽိတ်း တေႃႇမၼ်း ၼၼ်ႉတီႈၵဝ်ဢေႃႈ။
၂ ထႃႇဝရႃႉၽြႃးလၢတ်ႈတီႈၸႃႇတၢၼ်ႇၼၼ်ႉလႄႈဝႃႈ၊-ၸႃႇတၢၼ်ႇဢိူၺ်း။ႁႂ်ႈထႃႇဝရႃႉၽြႃးဢၼ်လိူၵ်ႈၵဵပ်းဢဝ် ဝဵင်းယေႇရုသလႅမ်ႇယဝ်ႉၼၼ်ႉသင်ႇသွၼ်သုင်းမႃႉမႂ်းသေၵမ်းလူၺ်ႈ။ၵေႃႉၼႆႉပဵၼ်လိုၼႆ်းး ဢၼ်ၼုၵ်ႈထွၼ်ဢဝ်ဢွၵ်ႇသေၵႃႈၼႂ်းၽႆး ဢမ်ႇၸႂ်ႈႁိုဝ်ဝႃႈၼင်ႇၼႆဢေႃႈ။
၃ ယေႃးသုၼၼ်ႉၼုင်ႈၶူဝ်းၼုင်ႈဢၼ်ၵူဝ်ႈၵိူၵ်ႇယူႇသေလႄႈ ၸုၵ်းယူႇၵႃႈတီႈၽၢႆႇၼႃႈတမၢၼ်ႇၵၢင်ႁၢဝ်ၼၼ်ႉလႄႈ မၼ်းလၢတ်ႈတီႈၶဝ်ၸိူဝ်းဢၼ် ၸုၵ်းယူႇၵႃႈတီႈၽၢႆႇၼႃႈမၼ်း ၼၼ်ႉလႄႈဝႃႈ၊-
၄ ဢွၼ်ၵၼ်ထွတ်ႇၶူဝ်းၼုင်ႈမၼ်းဢၼ်ၵူဝ်ႈၵိူၵ်ႇၼၼ်ႉပႅတ်ႈသေတႃႉ၊ဝႃႈၼင်ႇၼႆဢေႃႈ။တီႈယေႃးသုၵေႃႈလၢတ်ႈလႄႈဝႃႈ၊-တူၺ်းလူ။ၵဝ်ၽႄႇဢပျႅတ်ႇမႂ်းပႅတ်ႈယဝ်ႉ။ၵဝ်တၵ်းႁႂ်ႈမႂ်းၼုင်ႈၶူဝ်းၼုင်ႈဢၼ် ႁၢင်ႊလီႁၢင်ႊငၢမ်းဢေႃႈ၊ ဝႃႈၼင်ႇၼႆဢေႃႈ။
၅ ၵဝ်ၵေႃႈလၢတ်ႈလႄႈဝႃႈ၊-ႁႂ်ႈဢွၼ်ၵၼ်ဢဝ်မွၵ်ႇႁူဝ်သရၽူႇဢၼ်မူတ်းသႂ်ၼၼ်ႉ တိုဝ်းသႂ်ႇပၼ်ၵႃႈၼိူဝ်ႁူဝ်မၼ်းသေ၊ဝႃႈၼင်ႇၼႆလႄႈ ၶဝ်ဢွၼ်ၵၼ်ဢဝ်မွၵ်ႇႁူဝ်သရၽူႇဢၼ်မူတ်းသႂ်ၼၼ်ႉ တိုဝ်းသႂ်ပၼ်ၵႃႈၼိူဝ်ႁူဝ်မၼ်း ၸွမ်းၵႃႈၼင်ႇဢၼ်ဝႃႈၼၼ်ႉလႄႈ ဢဝ်ၶူဝ်းၼုင်ႈပၼ်ဢေႃႈ။တမၢၼ်ႇၵၢင်ႁၢဝ်ထႃႇဝရႃႉၽြႃးၵေႃႈၸုၵ်းယူႇၵႃႈတီႈႁိမ်းၼၼ်ႉဢေႃႈ။
၆ လၢႆးသမ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃးၼၼ်ႉပိင်းၺၢပ်ႈဝႆႉတီႈယေႃးသုလႄႈဝႃႈ၊-ၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉၸမ်း၊-
၇ ပေႃးမႂ်းတၵ်းၸွမ်းသဵၼ်ႈတၢင်းၵဝ်တင်းလၢႆလႄႈ ပႂ်ႉၵမ်ပႂ်ႉၵျၢင်ႉပိင်းၺၢပ်ႈတြႃးၵဝ်ၸိုင် မႂ်းတၵ်းမီးဢၶႂၢင်ႉဢၼ်လႆႈၸီႇယၢင်ႇႁိူၼ်းၵဝ်၊ ဢၶႂၢင်ႉဢၼ်လႆႈပႂ်ႉတမ်ႇတိူင်းၵဝ်ၸိူဝ်းၼၼ်ႉလႄႈၵဝ်တၵ်းၶၢၼ်း ၶဝ်ၸိူဝ်းဢၼ်ၸုၵ်းယူႇၵႃႈတီႈၽၢႆႇၼႃႈၸဝ်ႈၼႆႉၵမ်ႈၽွင်ႈ ဝႆႉႁႂ်ႈၶဝ်ပဵၼ်ၵေႃႉဢၼ်လႆႈၼႄ ပျႃႉသဵၼ်ႈတၢင်းတီႈမႂ်းဢေႃႈ။
၈ ၶုၼ်ယိတ်ႉပရေႃးႁိၵ်ႈယေႃးသုဢိူၺ်း။မႂ်းဢိၵ်ႇလူၺ်ႈၵၼ်တင်းၵေႃႉသေႈမႂ်းဢၼ်ၼင်ႈယူႇ ၵႃႈတီႈၽၢႆႇၼႃႈမႂ်းၸိူဝ်းၼႆႉၶဝ်ဢိူၺ်း။ဢွၼ်ၵၼ်ထွမ်ႇငိၼ်းတႃႉ။ၶဝ်ၼၼ်ႉပဵၼ်ၵေႃႉဢၼ်ၵိူင်ႇၵၼ်တင်းၼီႈမိၵ်ႈလၵ်ႉၶၼႃႇဢေႃႈ။တူၺ်းလူ။ၵဝ်တၵ်းႁႂ်ႈယွတ်ႈဢၼ်ဝႃႈ ၶႃႈၵဝ်ၼၼ်ႉပေႃႇဢွၵ်ႇမႃး ဢေႃႈ။
၉ လူတူၺ်းမၢၵ်ႇႁိၼ်ဢၼ်ၵဝ်ဝႆႉၵႃႈတီႈၽၢႆႇၼႃႈယေႃးသုၼၼ်ႉတႃႉ။ၵႃႈၼိူဝ်မၢၵ်ႇႁိၼ်လုၵ်ႈၼိုင်ႈၼၼ်ႉမီးမၢၵ်ႇတႃၸဵတ်းႁူၺ်ႇဢေႃႈ။တူၺ်းလူ။ၵဝ်တၵ်းတွင်ႈႁဵတ်းၶႅၵ်းႁဵတ်းမၢၵ်ႇႁိၼ်ၼၼ်ႉလႄႈ ၼႂ်းဝၼ်းၼိုင်ႈၵူၺ်းၵဝ်တၵ်းပႄႇဢပျႅတ်ႈမိူင်းၼႆႉပႅတ်ႈဢေႃႈ၊ဝႃႈၼင်ႇၼႆ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီး ဢမိင်ႉဢေႃႈ။
၁၀ ၼႂ်းမိူဝ်ႉဝၼ်းၼၼ်ႉသူၼႆႉၵူၼ်းႁိူၼ်းၸမ်ၵၼ်ၼင်ႇၵၼ်ၵၼ်ၵေႃႉၼိုင်ႈလႄႈ ၵေႃႉၼိုင်ႈတၵ်းႁွင်ႉပၢင်း ဢဝ်ၵၼ်ၸူးၵႃႈတီႈ တႂ်ႈတူၼ်ႈမၢၵ်ႇၸပိတ်ႈ၊တႂ်ႈတူၼ်ႈမၢၵ်ႇလိူဝ်ႇသၢင်းၽေႃးဢေႃႈ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉဢေႃႈ။