Chapter
၇
၁ မိူဝ်ႈဢၼ် လမ်းဝဵင်းယဝ်ႉတူဝ်ႈယဝ်ႉၼၼ်ႉၵဝ်ပူၵ်းတင်ႈၽၵ်းတူတင်းလၢႆသေလႄႈ ၶၢၼ်းၶဝ်ၸိူဝ်းဢၼ်ပႂ်ႉၽၵ်းတူ၊ ၶဝ်ၸိူဝ်းဢၼ်မေႃႁဵတ်းၵႂၢမ်းဢိၵ်ႇတင်းၵူၼ်းမဵဝ်းလေႇဝိ တင်းလၢႆဝႆႉယဝ်ႉၼၼ်ႉၸိုင်၊
၂ ၵဝ်ဢဝ်ဝဵင်းယေႇရုသလႅမ်ႇဢၢပ်ႈပၼ်တီႈႁႃႇၼၼိ ၼွင်ႉၸၢႆးၵဝ်ဢိၵ်ႇတင်းႁႃႇၼၼိယ ၵေႃႉဢၼ်ဢုပ်ႉၵႃႈၼိူဝ်တိူၵ်ႈတီႈတိုၵ်းသိုၵ်းဢၼ်မီးသႅတ်ႈၸႃႇလႄႈ ရူဝ်ႇယေႇၵူဝ်ယမ်ၽြႃးပဵၼ်ၸဝ်ႈ လိူဝ်တွၼ်းၼႃႇသေၵူၼ်းၼမ်မႃႇ ၼၼ်ႉသေယဝ်ႉၸီႇယၢင်ႇလႄႈဝႃႈ၊-
၃ ၸူဝ်ႈဢၼ်ၵၢင်ဝၼ်းဢမ်ႇပႆႇဢွၵ်ႇ လႅတ်ႇဢမ်ႇပႆႇမႆႈၼၼ်ႉၸိုင်ယႃႇပေႁႂ်ႈၽုၺ်ႇပိုတ်ႇၽၵ်းတူဝဵင်းယေႇရုသလႅမ်ႇ။ၼႂ်းမိူဝ်ႈဢၼ်ၶဝ်ယင်းတိုၵ်ႉပႂ်ႉၽၵ်းတူယူႇၼၼ်ႉ ႁႂ်ႈၶဝ်ဢိုတ်းႁပ်းၽၵ်းတူသေလႄႈသွတ်ႇၵိူၼ်ႇၽၵ်းတူဝႆႉသေ။ၶၢၼ်းႁႂ်ႈၵူၼ်းဝဵင်းယေႇရုသလႅမ်ႇ ပဵၼ်မုၵ်ႉပဵၼ်ၸိူဝ်းသေလႄႈ ႁႂ်ႈပဵၼ်ၵၢင်ၽႂ်ၵၢင်မၼ်ၵူႈၵေႃႉၵူႈၵူၼ်းတီႈၽႂ်တီႈမၼ်းဢိၵ်ႇတင်း တီႈဢၼ်သိုဝ်ႈၵၼ်တင်းႁိူၼ်းၽႂ်ႁိူၼ်းမၼ်းသေၵမ်း၊ဝႃႈၼင်ႇၼႆဢေႃႈ။
ၶဝ်ၸိူဝ်းဢၼ်ၶိုၼ်းမိူဝ်းမႃး ဝဵင်းယေႇရုသလႅမ်ႇ
၄ လွင်ႈမၼ်းၸမ်း ဝဵင်းၼၼ်ႉပဵၼ်ဢၼ်ယႂ်ႇၵႂၢင်ႈလႄႈၵူၼ်းဢၼ်ယူႇၵႃႈၼႂ်းၼၼ်ႉ ပဵၼ်ဢၼ်ၵေႇမၢင်လႄႈဢမ်ႇပႆႇဢွၼ်ၵၼ်တႄႇႁဵတ်းႁိူၼ်းယေးၶဝ်။
၅ မိူဝ်ႈၼၼ်ႉ ၽြႃးပဵၼ်ၸဝ်ႈၵဝ်ဢဝ်တၢင်းၵျၢမ်ႇတၢင်းပွင်ၼႂ်းႁူဝ်ၸႂ်ၵဝ်ႁႂ်ႈမူးမၢတ်ႈၽွင်းမိူင်း၊ ၶုၼ်ဢၼ်မီးဢရႃႇ၊ ၶႃႈဝၢၼ်ႈၵူၼ်းမိူင်းတင်းလၢႆၸူႉၵၼ်တုမ်ၵၼ်ႁႂ်ႈၶဝ်လႆႈၶၢမ်ႇ တၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၸွမ်းလူၺ်ႈမဵဝ်းၸိူဝ်ႉၶိူဝ်းၶဝ်ၼၼ်ႉဢေႃႈ။ၵဝ်ထူပ်းႁၼ်လိၵ်ႈၸရၢင်းပီႈၼွင်ႉမဵဝ်းၸိူဝ်ႉၶိူဝ်း ၸိူဝ်းဢၼ်ႁွတ်ႈမႃးမိူဝ်ႈဢွၼ်တၢင်းၼၼ်ႉလႄႈ ၵႂၢမ်းဢၼ်ၵဝ်ထူပ်းႁၼ်တႅမ်ႈဝႆႉ မီးယူႇၵႃႈၼႂ်းလိၵ်ႈၸရၢင်းၼၼ်ႉဝႃႈၸမ်း
၆ ၵူၼ်းၸိူဝ်းၼႆႉ ပဵၼ်ၵူၼ်းမိူင်းၸဝ်ႈဢၼ်ဢွၵ်ႇသေၵႃႈၼႂ်းတၢင်းဢၼ်သိမ်းဢဝ်ၵႂႃႇ ဢၼ်ၸၢပ်ႈသႅင်ႇၵၼ်တင်း ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇဢၼ် ၼေႇပုၶတ်ႉၼေႇၸႃႇ ၶုၼ်ႁေႃၶမ်းပႃႇပုလုၼ်ႇ လႆႈသိမ်းဢဝ်ၵႂႃႇၵႃႈတီႈဝဵင်းပႃႇပုလုၼ်ႇလႄႈ
၇ ၶိုၼ်းမိူဝ်းႁွတ်ႈထိုင်ၵႃႈတီႈဝဵင်းယေႇရုသလႅမ်ႇ တင်းမိူင်းယုတ တီႈဝၢၼ်ႈဝဵင်းတီႈယူႇၶဝ်ႁင်းၽႂ်ႁင်းမၼ်းလႄႈ ၸွမ်းၸေႇရူႇပပေႇလ၊ယေႃႇသု၊ၼေႇႁမိ၊ဢႃႇၸရိ၊ရႃႇမိ၊ၼႃႇႁမႃႇၼိ၊မေႃႇတ ၵေႇ၊ပိလသၼ်ႇ၊မိၸပေႇရိတ်ႉ၊ပိၵဝေႇ၊ၼေႇႁူမ်ႇ၊ပႃႇၼႃႇ၊ ၸိူဝ်းၼၼ်ႉ မႃးဢေႃႈ။
၈ ၸရၢင်းဢၼ်ၼပ်ႉဢၢၼ်ႇၵူၼ်းၸၢႆးမဵဝ်း ဢိသရေႇလၸမ်း၊-
၉ မီးၵူၼ်းမဵဝ်းပႃႇရုတ်ႉသွင်ႁဵင်ပၢၵ်ႇ ၼိုင်ႈၸဵတ်းသိပ်းပၢႆသွင်ၵေႃႉ၊
၁၀ ၵူၼ်းမဵဝ်းသေႇၽတိသၢမ်ပၢၵ်ႇၸဵတ်းသိပ်းပၢႆသွင်ၵေႃႉ၊ၵူၼ်းမဵဝ်းဢႃႇရႃႇ ႁူၵ်းပၢၵ်ႇႁႃႈသိပ်းပၢႆသွင်ၵေႃႉ၊
၁၁ ၵူၼ်းမဵဝ်းပႃႇႁတ်ႉမေႃႇၽ၊ၵူၼ်းမဵဝ်းယေႃးသုတင်းယႂႃႇၽ သွင်ႁဵင်ပႅတ်ႇပၢၵ်ႇ ပၢႆသိပ်းပႅတ်ႇဢေႃႈ။
၁၂ ၵူၼ်းမဵဝ်းဢေႇလမ်ႇႁဵင်းၼိုင်ႈသွင်ပၢၵ်ႇႁႃႈသိပ်းပၢႆသီႇၵေႃႉ၊
၁၃ ၵူၼ်းမဵဝ်းယုၸတ်ႉတု ပႅတ်ႇပၢၵ်ႇသီႇသိပ်းပၢႆႁႃႈၵေႃႉ၊
၁၄-၁၅ ၵူၼ်းမဵဝ်းၸၵ်ႉၶေႇၸဵတ်းပၢၵ်ႇပၢႆႁူၵ်းသိပ်းၵေႃႉ၊ ၵူၼ်းမဵဝ်းပိၼိႁူၵ်း ပၢၵ်ႇသီႇသိပ်းပၢႆပႅတ်ႇၵေႃႉ၊
၁၆ ၵူၼ်းမဵဝ်းပေႇပေႇႁူၵ်းပၢၵ်ႇ သၢဝ်းပၢႆပႅတ်ႇၵေႃႉ၊
၁၇ ၵူၼ်းမဵဝ်းဢႃႇၸၵတ်ႉသွင်ႁဵင်သၢမ် ပၢၵ်ႇသၢဝ်းပၢႆသွင်ၵေႃႉ၊
၁၈ ၵူၼ်းမဵဝ်းဢႃႇတေႃႇၼိၵမ်ႇႁူၵ်းပၢၵ်ႇႁူၵ်းသိပ်းပၢႆၸဵတ်းၵေႃႉ၊
၁၉ ၵူၼ်းမဵဝ်းပိၵဝေႇသွင် ႁဵင်ႁူၵ်းသိပ်းပၢႆၸဵတ်းၵေႃႉ၊
၂၀ ၵူၼ်းမဵဝ်းဢႃႇတိၼ်ႇႁူၵ်းပၢၵ်ႇႁႃႈသိပ်းပၢႆႁႃႈၵေႃႉ၊
၂၁ ၵူၼ်းမဵဝ်းဢႃႇတႃႇတင်းႁေႇ ၸၵိၵဝ်သိပ်းပၢႆပႅတ်ႇၵေႃႉ၊
၂၂ ၵူၼ်းမဵဝ်းႁႃႇသုမ်ႇသၢမ်ပၢၵ်ႇသၢဝ်းပၢႆပႅတ်ႇၵေႃႉ၊
၂၃ ၵူၼ်းမဵဝ်းပေႇၸေႇသၢမ်ပၢၵ်ႇသၢဝ်းပၢႆသီႇၵေႃႉ၊
၂၄-၂၅ ၵူၼ်းမဵဝ်းႁႃႇရိပ်ႉပၢၵ်ႇပၢႆႁႃႈၵေႃႉ၊ ၵူၼ်းမဵဝ်းၵိပွင်ႇၵဝ်ႈသိပ်းပၢႆႁႃႈၵေႃႉ၊
၂၆ ၵူၼ်းဝဵင်းပႅတ်ႉလိႁႅမ်ႇတင်းဝဵင်းၼေႇတေႃႇၽ ပၢၵ်ႇပႅတ်ႇသိပ်းပၢႆပႅတ်ႇၵေႃႉ၊
၂၇ ၵူၼ်းဝဵင်းဢႃႇၼသုတ်ႉ ပၢၵ်ႇသၢဝ်းပၢႆပႅတ်ႇၵေႃႉ၊
၂၈ ၵူၼ်းဝဵင်းပေႇသႃႇၸမႃႇဝိတ်ႉသီႇသိပ်းပၢႆသွင်ၵေႃႉ၊
၂၉ ၵူၼ်း ဝဵင်းၵိရယတ်ႉယႃႇရိမ်ႇ၊ ဝဵင်းၶေႇၽိရႉ၊ ဝဵင်းပေႇရုတ်ႉ ၸဵတ်းပၢၵ်ႇသီႇသိပ်းပၢႆသၢမ်ၵေႃႉ၊
၃၀ ၵူၼ်းဝဵင်းရႃႇမ၊ ဝဵင်းၵႃႇပ ႁူၵ်းပၢၵ်ႇသၢဝ်းပၢႆဢဵတ်းၵေႃႉ၊
၃၁ ၵူၼ်းဝဵင်းမိတ်ႉ မတ်ႉပၢၵ်ႇသၢဝ်းပၢႆသွင်ၵေႃႉ၊
၃၂ ၵူၼ်းဝဵင်းပေႇသႃႇလ၊ ဝဵင်းဢႃႇဢိပၢၵ်ႇသၢဝ်းပၢႆသၢမ်ၵေႃႉ၊
၃၃-၃၄ ၵူၼ်းဝဵင်းၼေႇပေႃႇႁႃႈသိပ်းပၢႆသွင်ၵေႃႉ၊
၃၅ ၵူၼ်းဝဵင်းဢေႇလမ်ႇ တီႈ ၼိုင်ႈႁဵင်ၼိုင်ႈသွင်ပၢၵ်ႇႁႃႈသိပ်းပၢႆသီႇၵေႃႉ၊
၃၆ ၵူၼ်းဝဵင်း ႁႃႇရိမ်ႇသၢမ်ႇပၢၵ်ႇပၢႆသၢဝ်းၵေႃႉ၊ ၵူၼ်းဝဵင်းယေႇရိၶုဝ်း သၢမ်ပၢၵ်ႇသီႇသိပ်းပၢႆႁႃႈၵေႃႉ၊
၃၇ ၵူၼ်းဝဵင်းလေႃႇတ၊ဝဵင်း ႁႃႇတိတ်ႉ၊ဝဵင်းဢေႃႇၼေႃႇ ၸဵတ်းပၢၵ်ႇသၢဝ်းပၢႆဢဵတ်းၵေႃႉ
၃၈ ၵူၼ်းဝဵင်းသေႇၼႃႇ သၢမ်ႁဵင်ၵဝ်ႈပၢၵ်ႇပၢႆႇသၢမ်သိပ်းၵေႃႉဢေႃႈ။
၃၉ ၸရၢင်းယိတ်ႉပရေႃးႁိၵ်ႈၸမ်း မီးၵူၼ်းမဵဝ်းယေႇတႃႇလ ၵႃႈၼႂ်းမဵဝ်းယေႃးသုၼၼ်ႉၵဝ်ႈပၢၵ်ႇၸဵတ်းသိပ်းပၢႆသၢမ်ၵေႃႉ၊
၄၀ ၵူၼ်းမဵဝ်းဢိမေႇရႁဵင်ၼိုင်ႈႁႃႈသိပ်းပၢႆ သွင်ၵေႃႉ၊
၄၁ ၵူၼ်းမဵဝ်းပႃႇသုရႁဵင်ၼိုင်ႈသွင်ပၢၵ်ႇသီႇသိပ်း ပၢႆၸဵတ်းၵေႃႉ၊
၄၂ ၵူၼ်းမဵဝ်းႁႃႇရိမ်ႁဵင်ၼိုင်ႈသိပ်းပၢႆၸဵတ်းၵေႃႉဢေႃႈ။
၄၃ ၸရၢင်းၵူၼ်းမဵဝ်းလေႇဝိၸမ်း မီးၵူၼ်းမဵဝ်းယေႃးသုတင်းၵူၼ်းမဵဝ်းၵႃႇတမေႇလၵႃႈၼႂ်းမဵဝ်းႁေႃႇတေႇဝၸဵတ်းသိပ်းပၢႆသီႇၵေႃႉဢေႃႈ။
၄၄ ၸရၢင်းၶဝ်ၸိူဝ်းဢၼ်မေႃႁဵတ်းၵႂၢမ်းၸမ်း မီးၵူၼ်းမဵဝ်းဢႃႇသပ်ႉပၢၵ်ႇသီႇသိပ်းပၢႆပႅတ်ႈၵေႃႉဢေႃႈ။
၄၅ ၸရၢင်းၶဝ်ၸိူဝ်းဢၼ်ပႂ်ႉၽၵ်းတူၸမ်းမီးၵူၼ်းမဵဝ်းသႃႇလုမ်ႇ၊ၵူၼ်းမဵဝ်းဢႃႇတႃႇ ၵူၼ်းမဵဝ်းတႃႇလမုၼ်ႇ၊ၵူၼ်းမဵဝ်းဢၵ်ႉၵုၵ်ႉ၊ ၵူၼ်းမဵဝ်းႁတိတ၊ၵူၼ်းမဵဝ်းသေႃႇပေႇ၊ပၢၵ်ႇသၢမ်သိပ်းပၢႆပႅတ်ႈၵေႃႉဢေႃႈ။
၄၆ ၸရၢင်းၶဝ်ၸိူဝ်းဢၼ်ပဵၼ်ၶႃႈ ဢၼ်ပႂ်ႉပိၵ်ႇမၢၼ်ႇၽြႃးၸမ်းပဵၼ်ၵူၼ်းမဵဝ်းၸိႁ၊ ၵူၼ်းမဵဝ်းႁသုၽ၊ၵူၼ်းမဵဝ်း တပ်ႉပွၵ်ႉ၊
၄၇ ၵူၼ်းမဵဝ်းၵေႇရုတ်ႉ၊ၵူၼ်းမဵဝ်းသယႃႇဢ၊ ၵူၼ်း မဵဝ်းပႃႇတုၼ်ႇ၊
၄၈ ၵူၼ်းမဵဝ်းလေႇပၼ၊ၵူၼ်းမဵဝ်းႁႃႇၵပ၊ ၵူၼ်းမဵဝ်းသႃႇလမေႇ၊
၄၉ ၵူၼ်းမဵဝ်းႁႃႇၼၼ်ႇ၊ ၵူၼ်းမဵဝ်း ၵိတ်ႉတေႇလ၊
၅၀ ၵူၼ်းမဵဝ်းၵႃႇႁႃႇ၊ ၵူၼ်းမဵဝ်းရႃႇယဢ ၵူၼ်းမဵဝ်းရေႇၸိၼ်ႇ၊
၅၁ ၵူၼ်းမဵဝ်းၼေႇၵေႃႇတ၊ၵူၼ်းမဵဝ်းၵတ်ႉၸမ်ႇ ၵူၼ်းမဵဝ်းဢေႃႇၸႃႉ၊ ၵူၼ်းမဵဝ်းပႃႇသႃႇ၊
၅၂ ၵူၼ်းမဵဝ်းပေႇသေႇ၊ ၵူၼ်းမဵဝ်းမုၼိမ်ႇ၊ၵူၼ်းမဵဝ်းၼေႇ ၽိသေႇသိမ်ႇ၊
၅၃ ၵူၼ်းမဵဝ်းပႃႇၵပုတ်ႉ၊ၵူၼ်းမဵဝ်း ႁႃႇၵုၽ၊ၵူၼ်းမဵဝ်းႁႃႇရႁုရ၊ၵူၼ်းမဵဝ်းပႃႇလၸိတ်ႉ။
၅၄ ၵူၼ်းမဵဝ်းမေႇႁိတ ၊ၵူၼ်းမဵဝ်းႁႃႇရသ၊
၅၅ ၵူၼ်းမဵဝ်းပႃႇရၵုတ်ႉ၊ၵူၼ်းမဵဝ်းဢိသရ ၵူၼ်းမဵဝ်းတႃႇမ
၅၆ ၵူၼ်းမဵဝ်းၼေႇၸိ ၵူၼ်းမဵဝ်းႁတိၽၸိူဝ်းၼၼ်ႉဢေႃႈ။
၅၇ ၸရၢင်းၵူၼ်းမဵဝ်း ဢၼ်ပဵၼ်ၸူဝ်ႈလုၵ်ႈပၢၼ်လၢၼ်ၶႃႈသေႃးလမုၼ်ႇ ၼၼ်ႉၸမ်း ပဵၼ်ၵူၼ်းမဵဝ်း သေႃႇ တေႇ၊
၅၈ ၵူၼ်းမဵဝ်းသေႃႇၽရိတ်ႉ၊ၵူၼ်းမဵဝ်းပေႇရိတ၊ ၵူၼ်းမဵဝ်းယႃႇလ၊
၅၉ ၵူၼ်းမဵဝ်းတႃႇၵုၼ်ႇ၊ၵူၼ်းမဵဝ်းၵိတေႇလၵူၼ်းမဵဝ်းသေႇၽတိ၊ၵူၼ်းမဵဝ်းႁတ်ႉတိလ၊ ၵူၼ်းမဵဝ်းပေႃႇၶရိတ်ႉႁၸေႇပိမ်ႇ၊ၵူၼ်းမဵဝ်းဢႃႇမုၼ်ႇဢေႃႈ။
၆၀ ၶႃႈၽြႃးတင်းၶႃႈသေႃးလမုၼ်ႇ ၵႃႈမီးၼပ်ႉဢၢၼ်ႇပွင်းၵၼ်ၸမ်း မီးသၢမ်ပၢၵ်ႇၵဝ်သိပ်းပၢႆသွင်ၵေႃႉဢေႃႈ။
၆၁ ၶဝ်ၸိူဝ်းဢၼ်ဢွၵ်ႇသေၵႃႈတီႈဝဵင်း တေႇလမေႇလ၊ဝဵင်းတေႇသႁႃႇရသ၊ ဝဵင်းၵေႇရုပ်ႉ၊ဝဵင်းဢတ်ႉတုၼ်ႇ၊ဝဵင်းဢိမေႇရ၊ၵႂႃႇလႄႈ ဢမ်ႇၽုၺ်ႇဢွၵ်ႇၼႄပျႃႉလႆႈမဵဝ်းပူႇမဵဝ်းပေႃႈၶဝ်ၸိူဝ်ႉၶိူဝ်းၶဝ် ဢိၵ်ႇတင်းလွင်ႈဢၼ်ဝႃႈ
၆၂ ၶဝ်ပဵၼ်မဵဝ်းၸိူဝ်ႉၶိူဝ်းဢိသရေႇလၼၼ်ႉၸမ်း၊ ပဵၼ်ၵူၼ်းမဵဝ်းတေႇလႃႇယ၊ ၵူၼ်းမဵဝ်းတေႃႇၽိ၊ၵူၼ်းမဵဝ်းၼေႇၵေႃႇတ၊ ၼပ်ႉပွင်းၵၼ်မီးႁူၵ်းပၢၵ်ႇသီႇသိပ်းပၢႆသွင်ၵေႃႉဢေႃႈ။
၆၃ ၵႃႈၼႂ်းမဵဝ်းယိတ်ႉပရေႃးႁိၵ်ႈၼၼ်ႉၸမ်း ပဵၼ်ၵူၼ်းမဵဝ်းႁပႃႇယ၊ၵူၼ်းမဵဝ်းႁၵေႃႇၸ ၵူၼ်းမဵဝ်းပႃႇၸိဢၼ်ႁူမ်ႈပွင်းၵၼ်တင်းလုၵ်ႈယိင်းၵူၼ်းမဵဝ်းပႃႇၸိ ၵႃႈတီႈမိူင်းၵိလတ်ႉၸိူဝ်းၼၼ်ႉဢေႃႈ။ဢၼ်လႆႈၶၢမ်ႇတၢင်းဢၼ်ဢဝ်ၸိုဝ်ဢဝ်သဵင်ပူႇၼၢႆးမၼ်းလႄႈႁွင်ႉႁိၵ်ႈၼၼ်ႉ ၸိူဝ်းၼၼ်ႉၸမ်း ႁႃၸရၢင်းၶဝ်ၵႃႈၼႂ်းမုၵ်ႉၼႂ်းၸိူဝ်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉၵေႃႈဢမ်ႇထူပ်းဢမ်ႇႁၼ်။
၆၄ ပိူဝ်ႈၼႆလႄႈ ၶဝ်ၼၼ်ႉလႆႈၶၢမ်ႇတၢင်းဢၼ်မၢတ်ႈပဵၼ်မဵဝ်းဢၼ်ဢမ်ႇၸႅတ်ႈဢမ်ႇမၢၼ်ႇသေလႄႈ လႆႈၶၢမ်ႇတၢင်းဢၼ်ၼုၵ်ႈဢွၵ်ႇသေၵႃႈၼႂ်း ဢရႃႇယိတ်ႉပရေႃး ႁိၵ်ႈဢေႃႈ။
၆၅ ၶုၼ်ဢၼ်ဢုပ်ႉၵႃႈၼိူဝ်မိူင်းၼၼ်ႉၸီႇယၢင်ႇလႄႈဝႃႈ၊-ၸူဝ်ႈဢၼ်ယိတ်ႉပရေႃးႁိၵ်ႈဢုရိမ်ႇ တင်းထုမိမ်ႇ ဢမ်ႇပႆႇမႃးၼၼ်ႉၸိုင်ၶဝ်တၵ်းဢမ်ႇလႆႈၵိၼ်ၶိူင်ႈပိူင်ဢၼ်မူတ်းၸၢင်ႇဢၼ်ပုၵ်ႉၸေႃႇၼၼ်ႉ၊ ဝႃႈ ၼင်ႇၼႆဢေႃႈ။
၆၆ ပရိၵ်ႈသၢတ်ႈတင်းသဵင်ႈတင်းလူင်ၼပ်ႉပွင်းၵၼ်မီးသီႇမိုၼ်ႇသွင်ႁဵင်သၢမ်ပၢၵ်ႇပၢႆႁူၵ်းသိပ်း ဢေႃႈ။
၆၇ လိူဝ်သေၼၼ်ႉၶႃႈၵူၼ်းၸၢႆးၶဝ်၊ၶႃႈၵူၼ်းယိင်းၶဝ်ၼပ်ႉပွင်းၵၼ် မီးထႅင်ႈႁဵင်သၢမ်ပၢၵ်ႇသၢမ်သိပ်းပၢႆၸဵတ်းၵေႃႉဢေႃႈ။မေႃႁဵတ်းၵႂၢမ်းၵူၼ်းၸၢႆးမေႃႁဵတ်းၵႂၢမ်းၵူၼ်းယိင်းၼပ်ႉဢၢၼ်ႇပွင်းၵၼ်မီး သွင်ပၢၵ်ႇသီႇ သိပ်းပၢႆႁႃႈၵေႃႉဢေႃႈ။
၆၈ မႃႉၶဝ်ၼပ်ႉဢၢၼ်ႇပွင်းၵၼ်မီးၸဵတ်းပၢၵ်ႇပၢႆသၢမ်သိပ်းပၢႆႁူၵ်းတူဝ်ဢေႃႈ။လႃးၶဝ်ၼပ်ႉဢၢၼ်ႇပွင်းၵၼ်မီး သွင်ပၢၵ်ႇသီႇသိပ်းပၢႆႁႃႈတူဝ် ဢေႃႈ။
၆၉ ၵလႃႈဢုၵ်ႉၶဝ်ၼပ်ႉဢၢၼ်ႇပွင်းၵၼ်မီးသီႇပၢၵ်ႇသၢမ်သိပ်းႁႃႈတူဝ်ဢေႃႈ။မႃႉလီႈၶဝ်ၼၼ်ႉပွင်းၵၼ်မီးႁူၵ်းႁဵင်ၸဵတ်းပၢၵ်ႇပၢႆသၢဝ်းတူဝ်ဢေႃႈ။
၇၀ ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၵမ်ႈၽွင်ႈၼၼ်ႉဢွၼ်ၵၼ် လူႇတၢၼ်းပုၼ်ႈဢၼ်တၵ်းၵိုတ်ႈႁၢပ်ႇဢမူႉၸဝ်ႈဢေႃႈ။ၶုၼ်ဢၼ်ဢုပ်ႉၵႃႈၼိူဝ်မိူင်းၼၼ်ႉၵေႃႈဢဝ်တႅင်းၵႃးၶမ်းတရိၵ်ႉႁဵင်ၼိုင်ႈ၊ ဝၢၼ်ႇႁႃႈသိပ်းလုၵ်ႈ၊ ၶူဝ်းၼုင်ႈၶူဝ်းမႆႊယိတ်ႉပရေႃးႁိၵ်ႈႁႃႈပၢၵ်ႇပၢႆသၢမ်းသိပ်းၸုမ်ႇလူႇတၢၼ်းလႄႈ သႂၢင်းၶဝ်ၵႃႈ ၼႂ်းတိူၵ်ႈၽၼ်ႇတႃႇၸဝ်ႈဢေႃႈ။
၇၁ ၶဝ်ၸိူဝ်းဢၼ်ပဵၼ်ႈငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၵမ်ႈၽွင်ႈၼၼ်ႉဢွၼ်ၵၼ်ဢဝ်တႅင်းၵႃးၶမ်းတရိၵ်ႉသွင်မို ၼ်ႇတင်းငိုၼ်းသွင်ႁဵင်ပၢႆသွင်ပၢၵ်ႇၸွႆႈလူႇတၢၼ်းလႄႈ သႂၢင်းၶဝ်ႈၵႃႈၼႂ်း တိူၵ်ႈၽၼ်ႇတႃႇၸဝ်ႈဢေႃႈ။
၇၂ ၵူၼ်းတင်းလၢႆဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၵေႃႈ ဢွၼ်ၵၼ်ဢဝ်တႅင်းၵႃးၶမ်းတရိၵ်ႉသွင်မိုၼ်ႇ ငိုၼ်းသွင်ႁဵင်ၸွႆႉတင်းၶူဝ်းၼုင်ႈတၢင်းမႆႊယိတ်ႉပရေႃးႁိၵ်ႈ ႁူၵ်းသိပ်းပၢႆၸဵတ်းၸုမ်ႇ လူႇတၢၼ်းဢေႃႈ။
၇၃ ၼင်ႇၼၼ်လႄႈယိတ်ႉပရေႃးႁိၵ်ႈ လႂ်၊ၵူၼ်းမဵဝ်းလေႇဝိ လႂ်၊ၶဝ်ၸိူဝ်းဢၼ်ပႂ်ႉၽၵ်းတူ လႂ်၊မေႃႁဵတ်းၵႂၢမ်း လႂ်၊ ၶဝ်ၸိူဝ်းဢၼ်ဢမ်ႇပေႃးဢွၵ်ႇၸိုဝ်ဢွၵ်ႇသဵင်ၵမ်ႈၽွင်ႈ လႂ်၊ၶႃႈၽြႃး လႂ် ဢိၵ်ႇတင်းၵူၼ်းဝၢၼ်ႈၵူၼ်းမိူင်းဢိသရေႇလတင်းသဵင်ႈတင်းလူင်ဢွၼ်ၵၼ်တူၵ်းတီႈတူၵ်းလႅၼ်ယူႇ ၵႃႈတီႈဝၢၼ်ႈဝဵင်းတီႈယူႇၶဝ်ဢေႃႈ။