Chapter
၁၀
ၵူၼ်းဢမျႃးႁဵတ်းသႅတ်ႈၸႃႇ
၁ ၶဝ်ၸိူဝ်းဢၼ်တွၵ်ႇတၼ်းသိၵ်ႈၼၼ်ႉၸမ်း ပဵၼ် ၼေႇႁမိ၊ ၶုၼ်ဢၼ်ဢုပ်ႉၵႃႈၼိူဝ်မိူင်းဢၼ်ပဵၼ်လုၵ်ႈၸၢႆးႁႃႇၶလိ၊ ၶဝ်ၸိူဝ်းဢၼ်ပဵၼ်ယိတ်ႉပရေႃးႁိၵ်ႈဢၼ်ဝႃႈ
၂-၃ ၸိၸၵိယ၊ၸႃႇရႃႇယ၊ ဢႃႇၸရိ၊ယေႇရမိ၊ပႃႇသု ရ၊
၄ ဢႃႇမရိ၊မႃႇလၶိယ၊ ႁတ်ႉတုတ်ႉ၊သေႇပၼိ၊မႃႇလုတ်ႉႁႃႇရိမ်ႇ၊
၅-၆ မေႇရမုတ်ႉ၊ဢေႃႇပတိ၊ တၼ်ႇယေႇလ၊ၵိၼ်ႇၼေႇသုၼ်ႇ၊
၇ ပႃႇရုၵ်ႉမေႇသုလမ်ႇ၊ ဢၽိယမိယမိၼ်ႇ၊ မႃႇၸိ၊
၈ ပိလၵေႇ၊ သေႇမႃႇယၸိူဝ်းၼၼ်ႉ၊ ၶဝ်ၸိူဝ်း ဢၼ်ပဵၼ်ၵူၼ်းမဵဝ်းလေႇဝိ ဢၼ်ဝႃႈ
၉ ယေႃးသု လုၵ်ႈၸၢႆးဢႃႇၸၼိပႃးၼိုင်ႈ၊ပိၼိႉလုၵ်ႈၸၢႆးႁေႇၼတပ်ႉပႃးၼိုင်ႈ၊
၁၀ ၵႃႇတမေႇလပႃးၼိုင်ႈ၊ ၼွင်ႉၸၢႆးၶဝ်သေႇၽၼိ၊ႁေႃႇတိယ၊ၵေႇလိတ၊ ပေႇလႃႇယ၊ႁႃႇၼၼ်ႇ၊
၁၁-၁၂ မိၵ်ႉၶႃႇ၊ ရေႇႁုပ်ႉ၊ႁႃႇသၽိ၊ ၸၵ်ႉၵုရ၊သေႇရၽိ၊လေႇပၼိ၊
၁၃ ႁေႃႇတိယ၊ပႃႇၼိ၊ ပေႇၼိၼုၸိူဝ်းၼၼ်ႉၶဝ်ၸိူဝ်းဢၼ်ပဵၼ် ငဝ်ႈပဵၼ်ႁူဝ်ၵူၼ်းတင်းလၢႆဢၼ်ဝႃႈပႃႇရုတ်ႉ၊
၁၄ ပႃႇႁတ်ႉမေႃႇၽ၊ဢေႇလမ်ႇ၊ၸတ်ႉထု၊ ပႃႇၼိ ပုၼ်ႇၼိ၊
၁၅-၁၆ ဢႃႇၸၵတ်ႉ၊ပေႇပေႇ၊ဢတေႃႇ ၼိယ၊ ပိၵဝေႇ၊
၁၇ ဢႃႇတိၼ်ႇ၊ ဢႃႇတႃႇ၊ ႁိၸၵိယ၊ ဢတ်ႉၸုရ၊ႁေႃႇတိယ၊
၁၈-၁၉ ႁႃႇသုမ်ႇ၊ပေႇၸေႇ၊ႁႃႇရိပ်ႉ၊ဢႃႇၼႃႇသုတ်ႉ၊
၂၀ ၼေႇပေႇ၊မႃႇၵပျႃႇသႉ၊မေႇသုလမ်ႇ၊ႁေႇၸိရ၊
၂၁ မေႇသၸပေႇလ၊ ၸႃႇတုၵ်ႉ၊ ယႃႇတႂႃႇ၊ ပေႇလတိ၊
၂၂-၂၃ ႁႃႇၼၼ်ႇ၊ ဢၼႃႇယ၊ ႁေႃႇသေႇ၊ႁႃႇၼၼိ၊
၂၄ ႁႃႇသုပ်ႉ၊ႁႃႇလေႃႇႁိတ်ႉ၊ပိလႁ၊သေႃႇပိၵ်ႉရေႇႁူမ်ႇ၊
၂၅-၂၆ ႁႃႇသပၼ၊မႃႇသေႇယ၊ဢႁိယ၊ႁႃႇၼၼ်ႇ ဢႃႇၼၼ်ႇ၊
၂၇ မႃႇလုတ်ႉ၊ႁႃႇရိမ်ႇ၊ ပႃႇၼႃႇ ၸိူဝ်းၼၼ်ႉ ဢေႃႈ။
၂၈ ၵူၼ်းတင်းလၢႆဢၼ်ယင်းၵိုတ်းယင်းၵျၢၼ်ႇ လႂ်၊ယိတ်ႉပရေႃးႁိၵ်ႈ လႂ်၊ ၵူၼ်းမဵဝ်းလေႇဝိ လႂ်၊ၶဝ်ၸိူဝ်းဢၼ်ပႂ်ႉၽၵ်းတူ လႂ်၊ ၶဝ်ၸိူဝ်းဢၼ်မေႃႁဵတ်းၵႂၢမ်း လႂ်၊ၶႃႈၽြႃး လႂ်၊ ၶဝ်ၵႃႈဢၼ်ၽၢတ်ႇၽႄၵၼ်တင်းၵူၼ်းဢၼ်ယူႇၵဝ်ႇၵဝ်ႇၵႃႈတီႈမိူင်းၼၼ်ႉလႄႈ ႁႂ်ႈလႆႈၵမ်ႉၵျၢင်ႉတြႃးၽြႃးပဵၼ်ၸဝ်ႈ လႂ်ၸိူဝ်းၼၼ်ႉ၊ ဢိၵ်ႇလူၺ်ႈ ၵၼ်တင်းမေးၶဝ်လုၵ်ႈၸၢႆးၶဝ်လုၵ်ႈယိင်းၶဝ် လႂ်၊
၂၉ ၶဝ်ၸိူဝ်းဢၼ်ၸၢင်ႈႁူႉၸၢင်ႈၸႅင်ႈလႄႈ မီးၺၢၼ်ႇတင်းသဵင်ႈတင်းလူင် လႂ်ၸိူဝ်းၼၼ်ႉ၊ၽွမ်ႉႁူမ်ႈလူၺ်ႈၵၼ်တင်းပီႈၼွင်ႉၶဝ်၊ မူးမၢတ်ႈၽွင်းမိူင်းၶဝ်သေလႄႈဢွၼ်ၵၼ်ႁဵတ်းတၢင်းဢၼ်ၵိၼ်ႇဝႃႈ ဢိၵ်ႇတင်းတၢင်းဢၼ်ဝႆႉသႅတ်ႉၸႃႇၵတိ လူၺ်ႈလွင်ႈဢၼ်တၵ်းၸွမ်းသဵၼ်ႈတၢင်းတြႃးၽြႃးပဵၼ်ၸဝ်ႈ ဢၼ်မၼ်းၸဝ်ႈဢဝ်မုဝ်းသေႇ၊ၶႃႈၽြႃးပဵၼ်ၸဝ်ႈ၊ ဢၢပ်ႈဝႆႉလွင်ႈဢၼ်တၵ်းလႆႈပႂ်ႉၵမ်ပႂ်ႉၸွမ်း ပိင်းၺၢပ်ႈၸဝ်ႈထႃႇဝရႃႉၽြႃးဢိၵ်ႇတင်း လွင်ႈတၢင်းဢၼ်မၼ်းၸဝ်ႈၸီႇယၢင်ႇဝႆႉထုင်းၾိင်ႈတြႃးမၼ်းၸဝ်ႈ ၵႃႈမီးၸိူဝ်းၼၼ်ႉဢေႃႈ။
၃၀ ႁဝ်းၶႃႈ တၵ်းဢမ်ႇဢဝ်လုၵ်ႈယိင်းႁဝ်းၶႃႈ ပၼ်တီႈၵူၼ်းဝၢၼ်ႈၵူၼ်းမိူင်းၸိူဝ်းၼႆႉ။ႁဝ်းၶႃႈတၵ်းဢမ်ႇသိမ်းဢဝ်လုၵ်ႈယိင်းၵူၼ်းဝၢၼ်ႈၵူၼ်းမိူင်းၸိူဝ်းၼႆႉ ပၼ်ပုၼ်ႈ လုၵ်ႈၸၢႆးႁဝ်းၶႃႈ။
၃၁ ပေႃးၵူၼ်းဝၢၼ်ႈၵူၼ်းမိူင်းၸိူဝ်းၼႆႉဢဝ်ၶွင်ၶူဝ်းၶဝ်၊ တၢင်းၵိၼ်တၢင်းၶူပ်းၶဝ်မႃးႁႂ်ႈလႆႈၶၢႆၼႂ်းဝၼ်းၵမ်သိၼ်ႁဝ်းၶႃႈတၵ်းဢမ်ႇသိုဝ်ႉဢမ်ႇလႅၵ်ႈ။ၼႂ်းပီႊသတ်ႉတမၼၼ်ႉႁဝ်းၶႃႈတၵ်းဢမ်ႇႁဵတ်းႁႆႊႁဵတ်းၼႃး။ႁဝ်းၶႃႈဢမ်ႇႁဵတ်းပႄႉႁဵတ်းၼႅင်ႇယွၼ်း ဢဝ်ၼီႈၶွတ်ႇဢၼ်ထုၵ်ႇႁဝ်းၶႃႈၼၼ်ႉ။
၃၂ လိူဝ်သေၼၼ်ႉႁဝ်းဢွၼ်ၵၼ်ၸီႇယၢင်ႇ ႁဵတ်းထုင်းႁဵတ်းၾိင်ႈဝႆႉပုၼ်ႈတူဝ်ႁဝ်း လူၺ်ႈလွင်ႈဢၼ်ႁဝ်းၵူႈၵေႃႉၵူႈၵူၼ်းယေႈပီႊယေႈၵေႃႉ တၵ်းလႆႈပၼ်ငိုၼ်းၵျၢပ်ႈသၶေႇလသၢမ်ပုၼ်ႊပုၼ်ႊၼိုင်ႈ ပုၼ်ႈဢၼ်တၵ်းၵိုတ်ႈႁၢပ်ႇဢမူႉႁိူၼ်းၽြႃးပဵၼ်ၸဝ်ႈႁဝ်း၊ ၸႃႉၸဵမ်ပုၼ်ႈၶဝ်ႈမုၼ်းၽၢႆႇၼႃႈၸဝ်ႈ
၃၃ ပုၼ်ႈၶိူင်ႈပုၵ်ႉၸေႃႇၽေႃးၸဵၼ်ႇဢၼ်သေႇသေႇ၊ ပုၼ်ႈယိၸ်ႉဢၼ်တုတ်ႇၽႆး ဢၼ်သေႇသေႇပုၼ်ႈဝၼ်းၵမ်သိၼ် လႂ်ဝၼ်းလိူၼ်မႂ်ႇ လႂ်ဝၼ်းပွႆးထမ်ႇမႃႉ လႂ်၊ ပုၼ်ႈၶိူင်ႈယိပ်းၶိူင်ႈၵႅမ်းဢၼ် မူတ်းၸၢင်ႇ လႂ်၊ပုၼ်ႈယိၸ်ႉဢၼ်ၽႄႇဢပျႅတ်ႈႁႂ်ႈလႆႈၽႄႇဢပျႅတ်ႈ မဵဝ်းဢိသရေႇလဢိၵ်ႇတင်း ပုၼ်ႈဢမူႉႁိူၼ်းၽြႃးပဵၼ်ၸဝ်ႈႁဝ်းၼၼ်ႉၵူႈ ၸိူဝ်ႉၵူႈပိူင်ၼၼ်ႉဢေႃႈ။
၃၄ ႁဝ်းဢၼ်ပဵၼ်ယိတ်ႉပရေႃးႁိၵ်ႈ လႂ် ၵူၼ်းမဵဝ်းလေႇဝိ လႂ်တင်းၵူၼ်းဝၢၼ်ႈၵူၼ်းမိူင်း လႂ်ဢွၼ်ၵၼ်တူၵ်းၸႃႇၵွၵ်ႈ လူၺ်ႈလွင်ႈၶိူင်ႈပုၵ်ႉၸေႃႇၽိုၼ်းႁႂ်ႈလႆႈဢဝ်မႃးၵႃႈတီႈႁိူၼ်းၽြႃးပဵၼ်ၸဝ်ႈၸွမ်းလူၺ်ႈမဵဝ်းပူႇမဵဝ်းပေႃႈႁဝ်းၼႂ်းၶိင်ႇဢၼ်မၵ်းၶဵၼ်းဝႆႉၼၼ်ႉၵူႈပီႊၵူႈပီႊ ႁႂ်ႈလႆႈသႂ်ႇၽႆးၵႃႈၼိူဝ်ယိတ်ႉပလၢင်ႇထႃႇဝရႃႉၽြႃးၽြႃးပဵၼ်ၸဝ်ႈႁဝ်း ၸွမ်းၵႃႈၼင်ႇဢၼ်တႅမ်ႈဝႆႉၼႂ်းၵျၢမ်းလိၵ်ႈပိင်းၺၢပ်ႈတိ ၼၼ်ႉ ဢိၵ်ႇတင်း
၃၅ လွင်ႈဢၼ်တၵ်းလႆႈဢဝ်မၢၵ်ႇလိၼ်ႁူင်းလိၼ်ႁဝ်းဢၼ်မၢၵ်ႇဢွၼ်တၢင်းမၢၵ်ႇမႆႉမၢၵ်ႇတွၵ်ႇဢၼ်မၢၵ်ႇဢွၼ်တၢင်းၵူႈၸိူဝ်ႉၵူႈပိူင် မႃးတီႈႁိူၼ်းထႃႇ ဝရႃႉၽြႃး ၵူႈပီႊၵူႈပီႊ၊
၃၆ တင်းလွင်ႈဢၼ်တၵ်းလႆႈဢဝ်လုၵ်ႈၸၢႆးတူၼ်ႈႁဝ်း တင်းတရိၵ်ႈသၢၼ်ႇႁဝ်းၸွမ်းၵႃႈၼင်ႇဢၼ်တႅမ်ႈဝႆႉၵႃႈၼႂ်း ၵျၢမ်းလိၵ်ႈပိင်းၺၢပ်ႈတိ၊ဢိၵ်ႇတင်း တူဝ်ဢၼ်ၵိူတ်ႇလဵင်ႉဢွၼ်တၢင်းၵႃႈၼႂ်းၽုင်သူဝ်းၽုင်ဝူဝ်းႁဝ်းၸိူဝ်းၼၼ်ႉ မႃးၵႃႈတီႈႁိူၼ်းၽြႃးပဵၼ်ၸဝ်ႈႁဝ်း ၸူးၵႃႈတီႈယိတ်ႉပရေႃးႁိၵ်ႈဢၼ်ပႂ်ႉဢမူႉႁိူၼ်းၽြႃးပဵၼ်ၸဝ်ႈႁဝ်းၸိူဝ်းၼၼ်ႉ တင်းလွင်ႈတၢင်းဢၼ်
၃၇ တၵ်းလႆႈဢဝ်ၶဝ်ႈမုၼ်းလိပ်းႁဝ်းဢၼ်ႁဵတ်းဢွၼ်တၢင်း၊ ၶိူင်ႈပုၵ်ႉၸေႃႇႁဝ်းဢၼ်ယုၵ်ႉယွင်ႈ၊မၢၵ်ႇမႆႉမၢၵ်ႇတွၵ်ႇႁဝ်းၵူႈၸိူဝ်ႉၵူႈမဵဝ်း၊ ၼမ်ႉၸပိတ်ႉ၊ၼမ်ႉမၼ်းမႃးၸူးတီႈ ယိတ်ႉပရေႃးႁိၵ်ႈ တင်းလၢႆၵႃႈတီႈႁိူၼ်းၽြႃးပဵၼ်ၸဝ်ႈႁဝ်းဢိၵ်ႇတင်း လွင်ႈတၢင်းဢၼ်တၵ်းလႆႈဢဝ် မၢၵ်ႇလိၼ်ႁူင်းလိၼ်ႁဝ်း သိပ်းပုၼ်ႊပုၼ်ႊၼိုင်ႈမႃးတီႈၵူၼ်းမဵဝ်းလေႇဝိ တင်းလၢႆၵွပ်ႈပိူဝ်ႈဢၼ်ၵူၼ်းမဵဝ်းလေႇဝိ ၸိူဝ်းၼၼ်ႉတၵ်းလႆႈၶၢမ်ႇဢဝ်သိပ်းပုၼ်ႊပုၼ်ႊၼိုင်ႈ ၵႃႈၼႂ်းဝၢၼ်ႈၼႂ်းဝဵင်းတီႈဢၼ် ႁဝ်းႁဵတ်းႁႆႊႁဵတ်းၼႃးၵႃႈမီးၼၼ်ႉဢေႃႈ။
၃၈ ယၢမ်းမိူဝ်ႈဢၼ်ၵူၼ်းမဵဝ်းလေႇဝိ ၸိူဝ်းၼၼ်ႉၶၢမ်ႇဢဝ်သိပ်းပုၼ်ႊပုၼ်ႊၼိုင်ႈၼၼ်ႉၸိုင် ယိတ်ႉပရေႃးႁိၵ်ႈမဵဝ်းဢႃႇရုၼ်ႇတၵ်းလႆႈမီးလူၺ်ႈၵၼ်တင်းၵူၼ်းမဵဝ်းလေႇဝိ ၸိူဝ်းၼၼ်ႉဢေႃႈ။ၵူၼ်းမဵဝ်းလေႇဝိၸိူဝ်းၼၼ်ႉၵေႃႈတၵ်းလႆႈဢွၼ်ၵၼ်ၼုၵ်ႈဢွၵ်ႇ သိပ်းပုၼ်ႊပုၼ်ႊၼိုင်ႈသေၵႃႈၼႂ်းသိပ်းပုၼ်ႊပုၼ်ႊၼိုင်ႈၼၼ်ႉလႄႈ ဢဝ်သႂၢင်းၶဝ်ႈၵႃႈၼႂ်းႁိူၼ်းၽြႃးပဵၼ်ၸဝ်ႈႁဝ်းၵႃႈၼႂ်းလုၵ်းတင်းလၢႆၵႃႈၼႂ်းတိူၵ်ႈၽၼ်ႇတႃႇဢေႃႈ။
၃၉ ၵူၼ်းမဵဝ်းဢိသရေႇလ တင်းလၢႆဢိၵ်ႇတင်းၵူၼ်းမဵဝ်းတင်းလၢႆ တၵ်းလႆႈဢွၼ်ၵၼ်ဢဝ်ၶိူင်ႈပုၵ်ႉၸေႃႇၶဝ်ႈသၢၼ်ၶဝ်ႈပိူၵ်ႇ၊ၼမ်ႉၸပိတ်ႉဢၼ်မႂ်ႇ၊ၼမ်ႉမၼ်းပုၼ်ႈဢၼ်တၵ်းယုၵ်ႉယွင်ႈၼၼ်ႉ သႂၢင်းၶဝ်ႈၵႃႈၼႂ်းလုၵ်းတီႈဢၼ်ၶိူင်ႈပိူင်ထႃႇၼႃႉတီႈမူတ်းၸၢင်ႇ လႂ်၊ ယိတ်ႉပရေႃးႁိၵ်ႈဢၼ်ပႂ်ႉဢမူႉၸဝ်ႈ လႂ်၊ ၶဝ်ၸိူဝ်းဢၼ်ပႂ်ႉၽၵ်းတူ လႂ်၊ၶဝ်ၸိူဝ်းဢၼ်မေႃႁဵတ်းၵႂၢမ်း လႂ်ၸိူဝ်းၼၼ်ႉဢေႃႈ။ႁဝ်းတၵ်းဢမ်ႇပႅတ်ႈႁိူၼ်းၽြႃးပဵၼ်ၸဝ်ႈႁဝ်းဝႆႉ။