Chapter
၁၁
ၵူၼ်းမႂ်ႇဢၼ်ယူႇၼႂ်းဝဵင်းယေႇရုသလႅမ်ႇ
၁ မိူဝ်ႈၼၼ်ႉ ၶဝ်ၸိူဝ်းဢၼ်ႁဵတ်းၵူၼ်းလူင်ၼႂ်းၵူၼ်းတင်းလၢႆၼၼ်ႉ ဢွၼ်ၵၼ်ယူႇၵႃႈတီႈဝဵင်းယေႇရုသလႅမ်ႇဢေႃႈ။ၵူၼ်းတင်းလၢႆဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉဢွၼ်ၵၼ်တူၵ်းၸႃႇၵွၵ်ႉတီႈၵၼ်လႄႈ ႁႂ်ႈလႆႈဢဝ်ၼိုင်ႈၵေႃႉ ဢွၵ်ႇသေၵႃႈၼႂ်းသိပ်းယေႈၵေႃႉသေယဝ်ႉ ႁႂ်ႈလႆႈၵႂႃႇယူႇၵႃႈၼႂ်းဝဵင်းယေႇရုသလႅမ်ႇ ဝဵင်းဢၼ်မူတ်းၸၢင်ႇၼၼ်ႉဢေႃႈ။ၼႂ်းသိပ်းၵေႃႉဢၼ်ၵိုတ်းၵဝ်ႈၵေႃႉၸိူဝ်းၼၼ်ႉ ႁႂ်ႈလႆႈယူႇၵႃႈၼႂ်းဝၢၼ်ႈၶဝ်ဝဵင်းၶဝ်ၼၼ်ႉဢေႃႈ။
၂ ၶဝ်ဢွၼ်ၵၼ်ပၼ်တၢင်းလီတီႈၶဝ်ၸိူဝ်းၽၼ်ၽွမ်ႉၸႂ် ႁႂ်ႈလႆႈယူႇၵႃႈတီႈဝဵင်းယေႇရု သလႅမ်ႇၼၼ်ႉဢေႃႈ။
၃ ၶဝ်ၸိူဝ်းပဵၼ်ၵူၼ်းလူင်ဢၼ်ယူႇၵႃႈၼႂ်းဝဵင်းယေႇရုသလႅမ်ႇ ၼၼ်ႉၸမ်း ပဵၼ်ၵူၼ်းဝဵင်းယုတဢၼ်ဝႃႈ ၵူၼ်းမဵဝ်းဢိသရေႇလ လႂ် ယိတ်ႉပရေႃးႁိၵ်ႈ လႂ်၊ၵူၼ်းမဵဝ်းလေႇဝိ လႂ် ၶႃႈၽြႃး လႂ်ၶဝ်ၸိူဝ်းဢၼ်ပဵၼ်ၶႃႈသေႃးလမုၼ်ႇ လႂ်ၸိူဝ်းၼၼ်ႉဢေႃႈ။ၶဝ်ဢွၼ်ၵၼ်ယူႇၵႃႈၼႂ်းဝၢၼ်ႈဝဵင်း တီႈဢၼ်ၶဝ်ႈထိူၵ်ႈပိူင်ႇႁင်း ၽႂ်ႁင်းမၼ်းၼၼ်ႉဢေႃႈ။
၄ ၵူၼ်းမဵဝ်းယုတဢိၵ်ႇတင်းၵူၼ်းမဵဝ်းပိၼ်ႇယႃႇမိၼ်ႇဢၼ်ယူႇၵႃႈၼႂ်းဝဵင်း ယေႇရုသလႅမ်ႇၼၼ်ႉၸမ်း ၼႂ်းမဵဝ်းယုတမီးဢသႃႇယ လုၵ်ႈၸၢႆးဢေႃႇၸိ၊လုၵ်ႈၸၢႆးၸႃႇၶရိ၊ လုၵ်ႈၸၢႆးဢႃႇမရိ၊လုၵ်ႈၸၢႆးသေႇပတိ၊ လုၵ်ႈၸၢႆးမႁႃႇလေႇလ၊ လုၵ်ႈ ၸၢႆးၽႃႇရိတ်ႉၼၼ်ႉပႃးၼိုင်ႈ၊
၅ မႃႇသေႇယ လုၵ်ႈၸၢႆးပႃႇရုၵ်ႉ၊လုၵ်ႈၸၢႆးၵေႃႇလႁေႃႇၸ၊ လုၵ်ႈၸၢႆးႁၸႃႇယ၊လုၵ်ႈၸၢႆးဢတႃႇယ၊ လုၵ်ႈၸၢႆးယေႃႇတရိပ်ႉ၊လုၵ်ႈ ၸၢႆးၸႃႇၶရိ၊
၆ လုၵ်ႈၸၢႆးၵူၼ်းမဵဝ်းသိလေႃႇၼိၼၼ်ႉပႃးၼိုင်ႈ ဢိၵ်ႇလူၺ်ႈၵၼ်တင်းၵူၼ်းမဵဝ်းၽႃႇရိတ်ႉၵႃႈဢၼ်ယူႇၵႃႈတီႈ ဝဵင်းယေႇရုသလႅမ်ႇ လႄႈပဵၼ်ႁူဝ်ႁၢၼ်ၵူၼ်းသိုၵ်း သီႇပၢၵ်ႇႁူၵ်းသိပ်းပၢႆပႅတ်ႇၵေႃႉၸိူဝ်း ၼၼ်ႉဢေႃႈ။
၇ ၼႂ်းမဵဝ်းပိၼ်ႇယႃႇမိၼ်ႇမီးသႃႇလု လုၵ်ႈၸၢႆးမေႇသုလမ်ႇလုၵ်ႈၸၢႆးယေႃႇတ လုၵ်ႈၸၢႆးပေႇတႃႇယ၊လုၵ်ႈၸၢႆးၵေႃႇလႃႇယ၊ လုၵ်ႈၸၢႆးမႃႇသေႇယ၊ လုၵ်ႈၸၢႆးဢိသေႇလ၊ လုၵ်ႈၸၢႆးယေႇသႃႇယၼၼ်ႉပႃးၼိုင်ႈ၊
၈ လိုၼ်းမၼ်းၼၼ်ႉမီးၸႃႉၸဵမ်ၵပ်ႉပေႇတင်းသႃႇလႆႇလႄႈ ၼပ်ႉပွင်းၵၼ်မီးၵဝ်ႈပၢၵ်ႇသၢဝ်းပၢႆ ပႅတ်ႇၵေႃႉဢေႃႈ။
၉ ယုဝ်းဢေႇလလုၵ်ႈၸၢႆးၸိၶရိၼၼ်ႉပဵၼ်ၵေႃႉဢၼ်ဢုပ်ႉၵႃႈၼိူဝ်ၶဝ်ၼၼ်ႉဢေႃႈ။ယုတလုၵ်ႈၸၢႆးႁသေႇၼႂႃႇ ၼၼ်ႉပဵၼ်ၵေႃႉတုတိယလႄႈလႆႈဢုပ်ႉ ၵႃႈၼိူဝ်ဝဵင်းဢေႃႈ။
၁၀ ယိတ်ႉပရေႃးႁိၵ်ႈၸမ်းမီးယေႇတႃႇယလုၵ်ႈၸၢႆးယေႃႇပရိပ်ႉ၊ ယႃႇၶိၼ်ႇ၊ၸရႃႇယဢၼ် ပဵၼ်လုၵ်ႈၸၢႆးႁိလၶိ၊
၁၁ လုၵ်ႈၸၢႆးမေႇသုလမ်ႇ၊လုၵ်ႈၸၢႆးၸႃႇတုၵ်ႉ၊လုၵ်ႈၸၢႆးမရႃႇယုတ်ႉ၊လုၵ်ႈၸၢႆးဢႁိတုပ်ႉ လႄႈပဵၼ်ၵေႃႉဢၼ်ဢုပ်ႉၵႃႈၼိူဝ် ႁိူၼ်းၽြႃးပဵၼ်ၸဝ်ႈၼၼ်ႉဢိၵ်ႇတင်းပီႈၶဝ်ၼွင်ႉၶဝ်ဢၼ်ၵိုတ်ႈႁၢပ်ႇဢမူႉႁိူၼ်းၸဝ်ႈ ပႅတ်ႇပၢၵ်ႇသၢဝ်းပၢႆသွင်ၵေႃႉ ၸိူဝ်းၼၼ်ႉဢေႃႈ။
၁၂ ၼွၵ်ႈသေၼၼ်ႉမီး ဢတႃႇယလုၵ်ႈၸၢႆးယေႇႁေႃႇရမ်ႇ၊လုၵ်ႈၸၢႆးပေႇလသိ၊ လုၵ်ႈၸၢႆးဢႃႇမၸိ၊လုၵ်ႈၸၢႆးၸႃႇၶရိ၊ လုၵ်ႈၸၢႆးပေႇလလိ၊ လုၵ်ႈၸၢႆးဢႃႇမၸိ၊လုၵ်ႈၸၢႆးၸႃႇၶရိ၊ လုၵ်ႈၸၢႆးပႃႇသုရ၊လုၵ်ႈၸၢႆးမႃႇလၶိၼၼ်ႉဢိၵ်ႇတင်း
၁၃ ပီႈမၼ်းၼွင်ႉမၼ်းဢၼ်ဝႃႈၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်သွင်ပၢၵ်ႇသီႇသိပ်းပၢႆသွင်ၵေႃႉတင်း ဢႃႇမသေႇ လုၵ်ႈၸၢႆးဢႃႇၸရေႇလ၊ လုၵ်ႈၸၢႆးဢႁႃႇသေႇ၊လုၵ်ႈၸၢႆး မေႇသိလမုတ်ႉ၊
၁၄ လုၵ်ႈၸၢႆးဢိမေႇရ ဢိၵ်ႇတင်းပီႈမၼ်းၼွင်ႉမၼ်းဢၼ်ပဵၼ်ႁူဝ်ႁၢၼ် ၵူၼ်းသိုၵ်းဢၼ်ႁႅင်းယႂ်ႇပၢၵ်ႇသၢဝ်းပၢႆပႅတ်ႇၵေႃႉၸိူဝ်းၼၼ်ႉဢေႃႈ။ၸႃႇပတေႇလလုၵ်ႈၸၢႆးႁၵတေႃႇလိမ်ႇ ၼၼ်ႉပဵၼ်ၵေႃႉဢၼ်လႆႈ ဢုပ်ႉၵႃႈၼိူဝ်ၶဝ်ၼၼ်ႉဢေႃႈ။
၁၅ ၵူၼ်းမဵဝ်းလေႇဝိၸမ်းမီးသေႇမႃႇယလုၵ်ႈၸၢႆးႁႃႇသုပ်ႉ၊လုၵ်ႈၸၢႆး ဢႃႇၸရိၵမ်ႇ၊လုၵ်ႈၸၢႆးႁႃႇသၽိ၊ လုၵ်ႈၸၢႆးပုၼ်ႇၼိၼၼ်ႉပႃး ၼိုင်ႈ၊
၁၆ ဢိၵ်ႇတင်းသပ်ႉပေႇသေႇတင်းယေႃႇၸပတ်ႉ ၵႃႈၼႂ်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းလေႇဝိဢၼ်လႆႈဢွၼ်ၵၼ်လူတူၺ်းၸီႇယၢင်ႇဢမူႉ ၵႃႈၼွၵ်ႈႁိူၼ်း ၽြႃးပဵၼ်ၸဝ်ႈၸိူဝ်းၼၼ်ႉဢေႃႈ။
၁၇ မတ်ႉသၼိဢၼ်ပဵၼ်လုၵ်ႈၸၢႆးမိၵ်ႉၶႃႇ၊လုၵ်ႈၸၢႆးၸႃႇပတိ၊ လုၵ်ႈၸၢႆးဢႃႇသပ်ႉလႄႈပဵၼ်ၵေႃႉဢၼ်ဢွၼ်ႁူဝ်ပိူၼ်ႈ ၸႃႉႁဵတ်းတၢင်းဢၼ်သူးတွင်းလႄႈ ယွင်ႈယေႃးၵျေးၸူးၸဝ်ႈပႃႇၵပုၵိဢၼ်ပဵၼ်ၵေႃႉတုတိယ ၵႃႈၼႂ်းပီႈမၼ်းၼွင်ႉမၼ်းၼၼ်ႉ ဢိၵ်ႇတင်း ဢေႃႇပတိလုၵ်ႈၸၢႆးသမႂႃႇလုၵ်ႈၸၢႆးၵလႃႇလ၊ လုၵ်ႈၸၢႆးယေႇတုသုၼ်ႇၸိူဝ်းၼၼ်ႉဢေႃႈ။
၁၈ ၵူၼ်းမဵဝ်းလေႇဝိဢၼ်ယူႇၵႃႈၼႂ်းဝဵင်းဢၼ်မူတ်းၸၢင်ႇၸိူဝ်းၼၼ်ႉၸမ်း မီးသွင်ပၢၵ်ႇပႅတ်ႇသိပ်းပၢႆသီႇၵေႃႉဢေႃႈ။
၁၉ ၶဝ်ၸိူဝ်းဢၼ်ပႂ်ႉၽၵ်းတူဢၼ်ဝႃႈဢၵ်ႉၵုၵ်ႉ၊ တႃႇလမုၼ်ႇ ဢိၵ်ႇတင်းပီႈၶဝ်ၼွင်ႉၶဝ်ဢၼ်ပႂ်ႉၽၵ်းတူၸိူဝ်းၼၼ်ႉၸမ်း မီးပၢၵ်ႇၸဵတ်းသိပ်းပၢႆသွင်ၵေႃႉဢေႃႈ။
၂၀ ၵူၼ်းမဵဝ်းဢိသရေႇလ၊ ယိတ်ႉပရေႃးႁိၵ်ႈ၊ ၵူၼ်းမဵဝ်းလေႇဝိ၊ဢၼ်ဝႃႈ ၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇၼၼ်ႉ ဢွၼ်ၵၼ်ယူႇၵႃႈၼႂ်းဝၢၼ်ႈၼႂ်းဝဵင်းယုတၵူႈတီႈၵူႈလႅၼ် ၵႃႈတီႈဢၼ်ၶဝ်ပိူင်ႇႁင်းၽႂ်ႁင်းမၼ်း ၼၼ်ႉဢေႃႈ။
၂၁ ၶႃႈၽြႃးတင်းလၢႆၼၼ်ႉယူႇၵႃႈတီႈဝဵင်းဢေႃႇၽေႇလလႄႈ ၸိႁတင်းၵိသပၼၼ်ႉဢွၼ်ၵၼ်ပဵၼ်ၵေႃႉဢၼ် ဢုပ်ႉၵႃႈၼိူဝ်ၶႃႈၽြႃးၸိူဝ်းၼၼ်ႉဢေႃႈ။
၂၂ ဢေႃႇၸိ ဢၼ်ပဵၼ်လုၵ်ႈၸၢႆးပႃႇၼိ၊လုၵ်ႈၸၢႆးႁႃႇသပိ၊လုၵ်ႈၸၢႆးမတ်ႉသၼိ၊လုၵ်ႈၸၢႆးမိၵ်ႇၶႃႇ ၼၼ်ႉလႆႈဢုပ်ႉၵႃႈၼိူဝ်ၵူၼ်းမဵဝ်းလေႇဝိ ဢၼ်ယူႇၵႃႈတီႈဝဵင်းယေႇရုသလႅမ်ႇၸိူဝ်းၼၼ်ႉဢေႃႈ။ၶဝ်ၸိူဝ်းဢၼ်မေႃႁဵတ်းၵႂၢမ်းၼႂ်းမဵဝ်းဢႃႇသပ်ႉ ၼၼ်ႉၵေႃႈဢွၼ်ၵၼ်လႆႈလူတူၺ်းၸီႇယၢင်ႇဢမူႉ ႁိူၼ်းၽြႃးပဵၼ်ၸဝ်ႈဢေႃႈ။
၂၃ လွင်ႈမၼ်းၸမ်းၶုၼ်ႁေႃၶမ်း မီးဢမိင်ႉဝႆႉႁႂ်ႈၶဝ်ၸိူဝ်းဢၼ်မေႃႁဵတ်းၵႂၢမ်းၼၼ်ႉ လႆႈၶၢမ်ႇဢဝ်ၸရိပ်ႈတၢင်းၵိၼ်ၶဝ် ၸွမ်းၵႃႈၼင်ႇဢၼ် မိူဝ်ႉဝၼ်းၸႅၼ်ႇတၢမ်း ၵၼ်ၼၼ်ႉဢေႃႈ။
၂၄ ပေႇသႁိလုၵ်ႈၸၢႆးမေႇသၸပေႇလၸိူဝ်ႉၶိူဝ်းၸေႇရမဵဝ်းယုတ ၼၼ်ႉၵေႃႈလႆႈဢဝ်ဢၶႂၢင်ႉၶုၼ်ႁေႃၶမ်း ဢုပ်ႉၵႃႈၼိူဝ်လွင်ႈတၢင်းၵႃႈဢၼ်ၸၢပ်ႈသႅင်ႇၵၼ်တင်းၵူၼ်းဝၢၼ်ႈၵူၼ်းမိူင်းဢေႃႈ။
၂၅ ၵူၼ်းယုတ ၵမ်ႈၽွင်ႈဢွၼ်ၵၼ်ယူႇၵႃႈၼႂ်းဝၢၼ်ႈၼႂ်းဝဵင်းၵႃႈၼွၵ်ႈၵႃႈပၢင်ႇ ဢၼ်ဝႃႈ ဝဵင်းၵိရယသႃႇၽဢိၵ်ႇတင်း ဝၢၼ်ႈမၼ်းတင်းလၢႆဝဵင်းတိၽုၼ်ႇဢိၵ်ႇ တင်းဝၢၼ်ႈမၼ်းတင်းလၢႆ၊
၂၆ ဝဵင်းယေႇၵတ်ႉၸေႇသဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်းယေႇသႂႃႉ၊ ဝဵင်း မေႃႇလတ၊ဝဵင်းပိတ်ႉပႃႇလိတ်ႉ၊
၂၇ ဝဵင်းႁႃႇၸႃႇသႂႃႇလ၊ဝဵင်းပေႇရသေႇၽ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်းၸိၵလတ်ႉ၊
၂၈ ဝဵင်းမေႇၵေႃႇၼဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်းဢိၼ်ႇရိမ်ႇမုၼ်ႇ၊ ဝဵင်းၸႃႇရ၊ဝဵင်းယႃႇ မုတ်ႉ၊ဝဵင်းၸႃႇၼေႃႇ၊
၂၉ ဝဵင်းဢတုလမ်ႇဢိၵ်ႇတင်းဝၢၼ်ႈမၼ်းတင်းလၢႆ၊ဝဵင်းလႃႇၶိသဢိၵ်ႇတင်းဝၢၼ်ႈမၼ်းၼႃးမၼ်း၊ဝဵင်းဢၸေႇၵ ဢိၵ်ႇတင်းဝၢၼ်ႈမၼ်းတင်း လၢႆဢေႃႈ။
၃၀ ၶဝ်ၼၼ်ႉယူႇၵႃႈတီႈၸႃႉၸဵမ်ဝဵင်းပေႇရသေႇၽ တေႃႇထိုင်ႁွတ်ႈၶူင်ႈႁူၺ်ႈႁိၼ်ႇၼုမ်ႇဢေႃႈ။
၃၁ ၵူၼ်းမဵဝ်းပိၼ်ႇယႃႇမိၼ်ႇ တင်းလၢႆၵေႃႈဢွၼ်ၵၼ်ယူႇၵႃႈတီႈၸႃႉၸဵမ်ဝဵင်းၵေႇပလႄႈ
၃၂ ဝဵင်းမိၵ်ႉမတ်ႉ၊ဝဵင်းဢႃႇ ဢိ၊ဝဵင်းပေႇသလဢိၵ်ႇတင်းဝၢၼ်ႈမၼ်းတင်းလၢႆ၊
၃၃ ဝဵင်းဢႃႇၼသုတ်ႉ၊ဝဵင်းၼေႃႇပ၊ ဝဵင်းဢႃႇၼၼိ၊ဝဵင်းႁႃႇ ၸေႃႇဝဵင်းရႃႇမ၊
၃၄ ဝဵင်းၵိတ်ႉတိမ်ႇ၊ ဝဵင်းႁႃႇတိတ်ႉ၊ဝဵင်းၸေႇ ၽုမ်ႇဢိၼ်ႇ၊
၃၅ ဝဵင်းၼေႇပႃႇလတ်ႉ၊ ဝဵင်းလေႃႇတ၊ဝဵင်းဢေႃႇၼေႃႇ ဢိၵ်ႇတင်းၶူင်ႈႁူၺ်ႈသြႃႇသမႃးၼၼ်ႉဢေႃႈ။
၃၆ ၼႂ်းၵူၼ်းမဵဝ်းလေႇဝိတင်းလၢႆမုၵ်ႉၸိူဝ်းဢၼ်မီးၵႃႈၼႂ်းမိူင်းယုတ ၸိူဝ်းၼၼ်ႉၵမ်ႈၽွင်ႈ ၶဝ်ႈပႃးၵႃႈၼႂ်းမိူင်းပိၼ်ႇယႃႇမိၼ်ႇဢေႃႈ။