၈
၁ ၶႆႈႁႂ်ႈၸဝ်ႈၶုၼ်လူင် ပဵၼ်ၸိူဝ်ႉၼင်ႇပီႈၸၢႆးဢွၵ်ႇၶႃႈၼၢင်းၸဝ်ႈ ဢၼ်ၵိၼ်ၼူမ်းမေႈၶႃႈၼၢင်းၸဝ်ႈၼၼ်ႉတီႈၶႃႈဢေႃႈ။ပေႃးပဵၼ်ၸိူဝ်ႉၼင်ႇၼၼ်ၸိုင်မိုဝ်းဢၼ်ၶႃႈၼၢင်းၸဝ်ႈထူပ်းႁၼ်ၸဝ်ႈၶုၼ်လူင် ၵႃႈတီႈၼွၵ်ႈၼၼ်ႉတၵ်းၸုပ်ႇတၵ်းၼူမ်လႄႈ ဢမ်ႇမီးတၢင်းဢၼ် ပိူၼ်ႈတၵ်းသေႉသွမ်းတီႈၶႃႈ။
၂ ၶႃႈၼၢင်းၸဝ်ႈတၵ်းၸုင်ဢဝ်မိုဝ်းၸဝ်ႈၶုၼ်လူင်လႄႈ ဢဝ်ၵႂႃႇၵႃႈၼႂ်းလုၵ်းတီႈၼွၼ်းမေႈၶႃႈၼၢင်းၸဝ်ႈ ဢၼ်တၵ်းသင်ႇသွၼ်ပၼ်ၶႃႈၼၢင်းၸဝ်ႈၼၼ်ႉလႄႈၶႃႈ ၼၢင်းၸဝ်ႈတၵ်းဢဝ်ၼမ်ႉၸပိတ်ႉ ဢၼ်လေႃးလူၺ်ႈၵၼ်တင်းယႃႈဢၼ်ႁွမ်ဢၼ်ႁူၺ်းဢိၵ်ႇတင်း ၼမ်ႉမၢၵ်ႇၸင်ႈၶႃႈၼၢင်း ၸဝ်ႈၼၼ်ႉႁႂ်ႈၸဝ်ႈသူတ်ႉၵိၼ်တီႈၶႃႈဢေႃႈ။
၃ မိုဝ်းၶွၼ်သၢႆႉမၼ်းၸဝ်ႈၼၼ်ႉႁွင်းဢဝ်ၵွၵ်းႁူဝ်ၵဝ်ယူႇလႄႈ မိုဝ်းၶွၼ်ၶႂႃမၼ်းၸဝ်ႈၼၼ်ႉၵွတ်ႇၵဝ်ယူႇဢေႃႈ။
၄ လုၵ်ႈယိင်းဝဵင်းယေႇရုသလႅမ်ႇၶဝ်ဢိူၺ်း။ၵဝ်တိူင်ႇဝႃႈၵိၼ်ႇဝႃႈတီႈသူ ႁႂ်ႈသူဢမ်ႇယႃႉဢမ်ႇပူၵ်းၸဝ်ႈဢၼ်ၵဝ်ႁၵ်ႉပႅင်းၼႃႇၼၼ်ႉ တေႃႇထိုင်ႁွတ်ႈမၼ်းပေႃးတိုၼ်ႇႁင်းၵူၺ်းမၼ်းၸဝ်ႈၼၼ်ႉဢေႃႈ။
၅ ၵေႃႉဢၼ်ဢိၵ်ႇဢွႆႇၽႃႁွမ်းၸဝ်ႈ ဢၼ်မၼ်းႁၵ်ႉၼၼ်ႉယူႇလႄႈ လုၵ်ႉသေၵႃႈၼႂ်းထိူၼ်ႇၼႂ်းၶိူဝ်း မႃးၼၼ်ႉၸမ်းပဵၼ်ၽူႈ လႂ်။ၵဝ်ၸဝ်ႈလႆႈယႃႉလႆႈပူၵ်းမႂ်းၵႃႈတီႈတႂ်ႈတူၼ်ႈမၢၵ်ႇဢိုၼ်ႈဝၢၼ်ၼၼ်ႉမႃးယဝ်ႉ။မေႈမႂ်းၼၢင်းၼၼ်ႉ ၵိူတ်ႇလဵင်ႉမႂ်းၼၢင်းမႃးၵႃႈတီႈၼၼ်ႉယဝ်ႉ။ၵေႃႉဢၼ်ၵိူတ်ႇလဵင်ႉမႂ်းၼၢင်းၼၼ်ႉ လႆႈႁၼ်ၼႃႈမႂ်းၼၢင်းၵႃႈတီႈၼၼ်ႉယဝ်ႉ။
၆ ဢဝ်ၶႃႈၼၢင်းၸဝ်ႈၼႆႉ တွၵ်ႇတၼ်းသိၵ်ႈဝႆႉၵႃႈၼိူဝ်ႁူဝ်ၸႂ်ၸဝ်ႈၶုၼ်လူင်သေၵမ်းတီႈၶႃႈ။ဢဝ်တွၵ်ႇတၼ်းသိၵ်ႈဝႆႉၵႃႈၼိူဝ်ၶႅၼ်ၸဝ်ႈၶုၼ်လူင် သေၵမ်းတီႈၶႃႈ။လွင်ႈမၼ်းၸမ်း မႅတ်ႈတႃႇတၼ်းၶူဝ်းယႂ်ႇၼႃႇလူင်လၢင်ပဵင်းတၢၼ်ႇတၢင်းတၢႆတီႈၶႃႈဢေႃႈ။သၽေႃးဢၼ်ဢမ်ႇယုမ်ႇၽူဝ်ယုမ်ႇမေးၼၼ်ႉ ႁၢဝ်ႈၵျၢမ်းၼႃႇလူင်လၢင်ပဵင်းတၢၼ်ႇမိူင်းမရၼတီႈၶႃႈဢေႃႈ။ဢၢႆႁႅင်းမၼ်းၼၼ်ႉပဵၼ်ဢၢႆႁႅငႆ်းး၊ ဢၢႆႁႅငႃ်းႉမႅပ်ႈတီႈၶႃႈ ဢေႃႈ။
၇ ၼမ်ႉဢၼ်ၼမ်ၼႃႇၼၼ်ႉဢမ်ႇဢဝ်မႅတ်ႈတႃႇတၢႆလႆႈ။ၼမ်ႉႁွင်ႈၼမ်ႉၵေးတင်းလၢႆၼၼ်ႉဢမ်ႇထုမ်ႈႁူမ်ႇမၼ်းလႆႈ။ပေႃးသေၵေႃႉသေၵူၼ်းၶႂ်ႈဢဝ်ၶွင်ၶူဝ်းလဵင်းၵႃႈဢၼ်မီးၵႃႈၼႂ်းႁိူၼ်းမၼ်းၼၼ်ႉ ပၼ်ပုၼ်ႈဢၼ်တၵ်းလႆႈမႅတ်ႈတႃႇၸိုင်မၼ်းတၵ်းလႆႈၶၢမ်ႇတၢင်းဢၼ် ႁဵတ်းဢမ်ႇပေႃးၼင်ႇႁိုဝ်ၼႃႇလူင်လၢင်ဢေႃႈ။
၈ ႁဝ်းမီးၼွင်ႉယိင်းဢွၼ်ႇၵေႃႉၼိုင်ႈဢေႃႈ။မၼ်းၼၼ်ႉဢမ်ႇပႆႇမီးတဝ်ႈၼူမ်းၸွၼ်ၼူမ်း။ၼႂ်းမိူဝ်ႉဝၼ်းဢၼ်ပိူၼ်ႈယွၼ်းဢဝ်ၼွင်ႉယိင်းႁဝ်းၼၼ်ႉႁဝ်းတၵ်းလႆႈ ႁဵတ်းၸိူဝ်ႉၼင်ႇႁိုဝ်ပုၼ်ႈမၼ်း။
၉ ပေႃးမၼ်းပဵၼ်လမ်းဝဵင်းၸိုင်ႁဝ်းတၵ်းႁဵတ်းႁေႃငိုၼ်း သႂ်ႇၵႃႈၼိူဝ်မၼ်းလႄႈပေႃး မၼ်းပဵၼ်ၽၵ်းတူၸိုင် ႁဝ်းတၵ်းဢဝ်ပႅၼ်ႈမႆႉ ဢႃႇရိတ်ႉႁၢင်ႈၶိူင်ႈသႂ်ႇဢေႃႈ။
၁၀ ၵဝ်ပဵၼ်လမ်းဝဵင်းလႄႈတဝ်ႈၼူမ်းၵဝ် ပဵၼ်ၸိူဝ်ႉၼင်ႇထဵင်လၢင်းၵႃႈၼိူဝ်မၼ်းဢေႃႈ။ပိူဝ်ႈၼႆလႄႈၵဝ်လႆႈမီးယူႇသိုဝ်ႈၼႃႈတႂ်ႈတႃမၼ်းၸဝ်ႈ မိူၼ်ၸိူဝ်ႉၼင်ႇၵေႃႉဢၼ်လႆႈထူပ်းတၢင်း ၼိမ်ယဝ်ႉၼၼ်ႉဢေႃႈ။
၁၁ ၶုၼ်သေႃႇလမုၼ်ႇမီးသူၼ်ဢူးယဵၼ်ႇၸပိတ်ႉၵႃႈတီႈမိူင်းပႃႇလႁႃႇမုၼ်ႇ ၼၼ်ႉသူၼ်ၼိုင်ႈဢေႃႈ။မၼ်းၸဝ်ႈဢဝ်ၸၢင်ႈငႃးပၼ်ဝႆႉတီႈၵူၼ်းပႂ်ႉသူၼ်ဢူးယဵၼ်ႇတင်းလၢႆလႄႈ ၶဝ်ၼၼ်ႉလႆႈဢွၼ်သၢၵ်ႈငိုၼ်းယေႈၵေႃႉယေႈႁဵင် ပုၼ်ႈဢၼ်ၶဝ်လႆႈၵိၼ် မၢၵ်ႇမၼ်းၼၼ်ႉဢေႃႈ။
၁၂ သူၼ်ဢူးယဵၼ်ႇၸပိတ်ႉဢၼ်ၵဝ်ပိူင်ႇၸမ်းမီးယူႇၵႃႈတီႈၽၢႆႇၼႃႈၵဝ်ဢေႃႈ။ၸဝ်ႈၶုၼ်သေႃးလမုၼ်ႇတီႈၶႃႈဢိူၺ်း။ၸဝ်ႈၶုၼ်လူင်တၵ်းလႆႈငိုၼ်းႁဵင်ၼိုင်ႈလႄႈ ၶဝ်ႈၸိူဝ်းဢၼ်ပႂ်ႉမၢၵ်ႇမၼ်းၸိူဝ်းၼၼ်ႉလႆႈသွင်ပၢၵ်ႇတီႈၶႃႈဢေႃႈ။
၁၃ ၸဝ်ႈဢၼ်ယူႇ ၵႃႈၼႂ်းသူၼ်ဢူးယဵၼ်ႇတီႈၶႃႈဢိူၺ်း။သဵင်ၵႂၢမ်းၸဝ်ႈၸိုင် ၶဝ်ၸိူဝ်းဢၼ်ႁူမ်ႈပွင်းၵၼ်တင်းၸဝ်ႈၶုၼ်လူင်ၼၼ်ႉ ၸင်ႇဢွၼ်ၵၼ်ထွမ်ႇငိၼ်းသဵင်ၸဝ်ႈၶုၼ်လူင်တီႈၶႃႈဢေႃႈ။ၶႃႈၼၢင်းၸဝ်ႈၵေႃႈႁႂ်ႈ ငိၼ်းသေၵမ်းလူၺ်ႈ။
၁၄ မႃးၶၼ်ၶၼ်ၽႂ်းၽႂ်းသေၵမ်းတီႈၶႃႈ။ၸဝ်ႈဢၼ်ၶႃႈၼၢင်းႁၵ်ႉပႅင်းၼႃႇတီႈၶႃႈဢိူၺ်း။ၶႅၼ်းတေႃႈ ပဵၼ်ၸိူဝ်ႉၼင်ႇတိုင်ဢွၼ်ႇယီးဢွၼ်ႇၵႃႈၼိူဝ်လွႆၼၢမ်ႇသႃႇၼၼ်ႉသေၵမ်းတီႈၶႃႈ။