လိၵ်ႈႁဵတ်းၵႂၢမ်းသေႃးလမုၼ်ႇ
၁
ဝၼ်းမၢင်ႇၵလႃႇႁဵတ်းၶႅၵ်ႇ
၁ တၢင်းဢၼ်ႁဵတ်းၵႂၢမ်းသေႃႇလမုၼ်ႇ ဢၼ်ပဵၼ်ၸိၵ်းပဵၼ်ၸွမ် ၼႂ်းတၢင်းဢၼ်ႁဵတ်းၵႂၢမ်းၵူႈၸိူဝ်ႉၵူႈပိူင်ၼၼ်ႉႁႂ်ႈမၼ်းၸဝ်ႈ ႁဵတ်းတၢင်းၸုပ်ႇတၢင်းၼူမ်ဢၼ်ပဵၼ်ၵႃႈတီႈသူပ်းမၼ်းၸဝ်ႈၼၼ်ႉ ၸုပ်ႇၼူမ်ၶႃႈၼၢင်းသေၵမ်းလူၺ်ႈ။
၂ မႅတ်ႈတႃႇၸဝ်ႈၶုၼ်လူင်ၼၼ်ႉယိင်ႈၶႅၼ်းလီလိူဝ်တွၼ်းၼႃႇသေၼမ်ႉၸပိတ်ႉတီႈၶႃႈဢေႃႈ။
၃ ၼမ်ႉမၼ်းၼၢမ်ႇသႃႇ တီႈၸဝ်ႈၶုၼ်လူင်ၼၼ်ႉမီးတၢင်းဢၼ်ႁွမ်ဢၼ်ႁူၺ်းဢၼ်လီၼႃႇလူင်လၢင်လႄႈၼႃႇမႃႉၸိုဝ်သဵင်ၸဝ်ႈၶုၼ်လူင်ၼၼ်ႉ ပဵၼ်ၼမ်ႉမၼ်းၼၢမ်ႇသႃႇသွၼ်းလေႃႇတီႈၶႃႈဢေႃႈ။ပိူဝ်ႈၼႆလႄႈၵၢၼ်ၺႃႇလုၵ်ႈယိင်းသၢဝ်တင်းလၢႆ ဢွၼ်ၵၼ်ႁၵ်ႉပႅင်း ၸဝ်ႈၶုၼ်လူင်တီႈၶႃႈဢေႃႈ။
၄ ၸူဝ်းဢဝ်ၶႃႈၼၢင်းၸဝ်ႈၶုၼ်လူင်သေၵမ်းတီႈၶႃႈ။ၶႃႈၼၢင်ႈၸဝ်ႈၶုၼ်လူင်တၵ်းဢွၼ်ၵၼ် လႅၼ်ႊၸွမ်းလင်ၸဝ်ႈၶုၼ်လူင်တီႈၶႃႈဢေႃႈ။ၸဝ်ႈၶုၼ်လူင်ၼၼ်ႉဢဝ်ၶႃႈၼၢင်းၸဝ်ႈၶဝ်ႈၵႃႈၼႂ်းလုၵ်းႁိူၼ်းမၼ်းၸဝ်ႈယဝ်ႉ။ၶႃႈၼၢင်းၸဝ်ႈၶုၼ်လူင်ၶဝ် တၵ်းဢွၼ်ၵၼ်ၸူမ်းသိူဝ်းသႂၢင်ႇၸႂ်ယူႇၼႂ်းၸဝ်ႈၶုၼ်လူင်လႄႈ တၵ်းဢွၼ်ၵၼ်ယွင်ႈယေႃးမႅတ်ႈတႃႇၸဝ်ႈၶုၼ်လူင် လိူဝ်တွၼ်းၼႃႇသေ ၼမ်ႉၸပိတ်ႉတီႈၶႃႈဢေႃႈ။ၶဝ်ဢွၼ်ၵၼ်ႁၵ်ႉပႅင်းၸဝ်ႈၶုၼ်လူင်ဢမၢၼ်ႇၶၢၼ်ပဵၼ်ဢေႃႈ။
၅ လုၵ်ႈယိင်းဝဵင်းယေႇရုသလႅမ်ႇၶဝ်ဢိူၺ်း။ၵဝ်ၼႆႉပိၵ်ႉသမ်ႉမီးႁၢင်ႊမီးၽၢင် ဢၼ်လမ်မိူၼ်ၸိူဝ်ႉၼင်ႇသုမ်ႉထဵင်ၵေႇတႃႇၸိူဝ်းၼၼ်ႉသေၵေႃႈ ယင်းပဵၼ်ဢၼ်ထုၵ်ႇဢၼ်လီမိူၼ်ၸိူဝ်ႉၼင်ႇၽႃႈၵင်ႈၶုၼ်သေႃးလမုၼ်ႇ ၼၼ်ႉ ယူႇဢေႃႈ။
၆ ယႃႇပေဢွၼ်ၵၼ်လူတူၺ်းၵဝ်ၵွပ်ႈပိူဝ်ႈဢၼ်ၵဝ်လႆႈၶၢမ်ႇတၢင်းဢၼ်တၢၵ်ႇလႅတ်ႇလႄႈ မီးႁၢင်ႊမီးၽၢင်ဢၼ်လမ်ၼၼ်ႉသေၵမ်း။လုၵ်ႈၸၢႆးမေႈၵဝ်ၸိူဝ်းၼၼ်ႉ ဢွၼ်ၵၼ်ၸႂ်မႆႈၶႆႈၸႃႉတီႈၵဝ်လႄႈႁႂ်ႈၵဝ်ပႂ်ႉထဵင်းသူၼ်ဢူးယဵၼ်ႇၸပိတ်ႉ တင်းလၢႆယူႇဢေႃႈ။သူၼ်ဢူးယဵၼ်ႇၸပိတ်ႉတူဝ်ၸဝ်ႈၵဝ်ႇၸိုင် ၵဝ်ဢမ်ႇလႆႈပႂ်ႉလႆႈထိင်း။
၇ ၸဝ်ႈဢၼ် ၶႃႈၼၢင်းၸဝ်ႈထုၵ်ႇၸႂ်ၵျိူၵ်ႈၸႂ်တီႈၶႃႈဢိူၺ်း။မွၵ်ႇလၢတ်ႈတီႈၶႃႈၼၢင်းၸဝ်ႈလွင်ႈဢၼ်ၸဝ်ႈၶုၼ်လူင် လဵင်ႉထိင်းၽုင်သူဝ်းၸဝ်ႈယူႇၵႃႈတီႈ လႂ်ဢိၵ်ႇတင်းလွင်ႈဢၼ်ၸဝ်ႈၶုၼ်လူင်ႁႂ်ႈၶဝ်သွၼ်ႈပိုင်ႈယူႇ ၵႃႈတီႈႁူမ်ႈဢၼ် လႂ်ၼႂ်းၶိင်ႇမိူဝ်ႈဢၼ်ၵၢင်ဝၼ်းတဵင်ႈၼၼ်ႉသေၵမ်းတီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၶႃႈၼၢင်းၸဝ်ႈၶုၼ်လူင်ၼႆႉတၵ်းလႆႈပဵၼ်ၸိူဝ်ႉၼင်ႇၵေႃႉဢၼ်ႁူမ်ႇသုမ်ႇၼႃႈၼၼ်ႉယူႇ ၵႃႈတီႈႁိမ်းၽုင်သူဝ်း ၵေႃႉသေႈၸဝ်ႈၶုၼ်လူင်တင်းလၢႆၼၼ်ႉယူႇၼင်ႇႁိုဝ်တီႈၶႃႈ။
၈ ၼၢင်းဢၼ်ႁၢင်ႊလီၽၢင်လီလိူဝ်တွၼ်းၼႃႇသေ မေႈယိင်းတင်းလၢႆၼႆႉဢိူၺ်း။ပေႃးမႂ်းၼၢင်းဢမ်ႇႁူႉၸိုင်ၸွမ်းႁွႆးတိၼ်ၽုင်သ ူဝ်းၵႂႃႇလႄႈလဵင်ႉလူသူဝ်းဢွၼ်ႇမႂ်းၼၢင်းတင်းလၢႆယူႇ ၵႃႈတီႈႁိမ်းသုမ်ႉထဵင်ၶဝ်ၸိူဝ်းဢၼ်လဵင်ႉသူဝ်းထိင်းသူဝ်းၼၼ်ႉတႃႉ။
၉ ၼၢင်းဢၼ်ၵဝ်ၸဝ်ႈႁၵ်ႉၼႃႇၼႆႉဢိူၺ်း။ၵဝ်ၸဝ်ႈတၵ်းဢဝ်တင်းမႃႉ ဢၼ်ႁၢင်ႈသႂ်ႇဝႆႉၵႃႈတီႈလေႃႉရထႃးၶုၼ်ၽႃႇရေႃးၼၼ်ႉ ႁဵတ်းဢပုမ်ႇတႅၵ်ႈမႂ်းၼၢင်းဢေႃႈ။
၁၀ ၵႅမ်ႈမႂ်းၼၢင်းၼၼ်ႉထုၵ်ႇၵၼ်ၵိုင်ႇၵၼ်တင်း မၢၵ်ႇပူးတီးဢၼ်ပဵၼ်လၢႆးမူၵ်းဝႆႉၼၼ်ႉ ဢိၵ်ႇတင်းၶေႃးမႂ်းၼၢင်းၼၼ်ႉထုၵ်ႇၵၼ်ၵိုင်ႇၵၼ်တင်း မၢၵ်ႇပူးလေးဢၼ်ႁွႆႈ ဝႆႉလႄႈပဵၼ်ၶိူဝ်းပဵၼ်ၶိူဝ်းဝႆႉၼၼ်ႉဢေႃႈ။
၁၁ ႁဝ်းတၵ်းႁဵတ်းပႃးၶေႃၶမ်း ဢၼ်ဢဝ်တင်းငိုၼ်းႁဵတ်းႁၢင်ႈၶိူင်ႈသႂ်ႇ ၸိူဝ်းၼၼ်ႉပၼ်ဢေႃႈ။
၁၂ ၼႂ်းမိူဝ်ႈဢၼ်ၸဝ်ႈၶုၼ်လူင်ယင်းတိုၵ်ႉၼင်ႈယူႇ ၵႃႈတီႈႁိမ်းၶူင်ႇတီႈၵိၼ်ၸဝ်ႈၼၼ်ႉၸိုင်ဢၢႆၼမ်ႉမၼ်း ႁွမ်ၼႃႇတူႇၵဝ်ၼႆႉမိုတ်းၵႂႃႇမိူဝ်ၵႂႃႇ ဢေႃႈ။
၁၃ ၸဝ်ႈဢၼ်ၵဝ်ႁၵ်ႉပႅင်းၼႃႇၼၼ်ႉပဵၼ်ၵွင်ၼၢမ်ႇသႃႇမုရၢၼ်ႇ တီႈၵဝ်လႄႈမၼ်းၸဝ်ႈတၵ်းလႆႈၼွၼ်းၵႃႈၼႂ်းဝၢင်ႈႁူဝ်ဢူၵ်းၵဝ်ဢေႃႈ။
၁၄ ၸဝ်ႈဢၼ်ၵဝ်ႁၵ်ႉပႅင်းၼႃႇၼၼ်ႉ ပဵၼ်ၸိူဝ်ႉၼင်ႇမတ်ႉမႂ်ႊႁိၼ်ႇၼႃႇမတ်ႉၵိင်ႁိၼ်ႇၼႃႇ ဢၼ်ပဵၼ်မႃးၵႃႈတီႈသူၼ်ဢူးယဵၼ်ႇၵေႇတိၼၼ်ႉဢေႃႈ။
၁၅ ၼၢင်းဢၼ်ၵဝ်ႁၵ်ႉၼႃႇၼႆႉဢိူၺ်း။မႂ်းၼၢင်းၼႆႉႁၢင်ႊလီၽၢင်လီဢေႃႈ။မႂ်းၼၢင်းၼႆႉႁၢင်ႊလီၽၢင်လီဢေႃႈ။မႂ်းၼၢင်းၼႆႉ တဵမ်ဝႆႉတင်းမၢၵ်ႇတႃၼူၵ်ႉတူႈဢေႃႈ။
၁၆ ၸဝ်ႈဢၼ်ၶႃႈၼၢင်းႁၵ်ႉပႅင်းၼႃႇၼႆႉဢိူၺ်း။ၸဝ်ႈၶုၼ်လူင်ႁၢင်ႊလီၽၢင်လီလႄႈ မီးတၢင်းဢၼ်လီႁၵ်ႉလီပႅင်းတီႈၶႃႈဢေႃႈ။တီႈၼွၼ်းႁဝ်းၼၼ်ႉတဵမ်ဝႆႉတင်းႁၢင်ႊၽၢင်ဢၼ်ၶဵဝ်ဢေႃႈ။
၁၇ ၶိုဝ်ႇပိၵ်ႉမၢၼ်ႇႁဝ်းၸိူဝ်းၼၼ်ႉယဝ်ႉတူဝ်ႈတင်းတူၼ်ႈဢႃႇရိတ်ႉ လႄႈၵွၼ်မၼ်းၸိူဝ်းၼၼ်ႉယဝ်ႉတူဝ်ႈတင်းမႆႉပႅၵ်ႇဢေႃႈ။