၆
၁ မေႈယိင်းဢၼ်ႁၢင်ႊလီလိူဝ်တွၼ်းၼႃႇသေ မေႈယိင်းတင်းလၢႆၼႆႉဢိူၺ်း။ၸဝ်ႈဢၼ်မႂ်းႁၵ်ႉၼႃႇၼၼ်ႉၵႂႃႇၵႃႈတီႈ လႂ်။လွင်ႈၼင်ႇႁိုဝ်ႁဝ်းတၵ်းလႆႈႁႃႇဢဝ်မၼ်းႁူမ်ႈလူၺ်ႈၵၼ်တင်းမႂ်းၸိုင် ၸဝ်ႈဢၼ်မႂ်းႁၵ်ႉပႅင်းၼႃႇၼၼ်ႉငိူင်ႉဝႄႈၵႂႃႇၸူးၵႃႈတီႈ လႂ်။
၂ ၸဝ်ႈဢၼ်ၵဝ်ႁၵ်ႉပႅင်းၼႃႇၼၼ်ႉ လူင်းၵႂႃႇၸူးၵႃႈတီႈပႃႇၼၢမ်ႇသႃႇၵႃႈၼႂ်းသူၼ် ဢူးယဵၼ်မၼ်းၸဝ်ႈၼၼ်ႉႁႂ်ႈလႆႈၵိၼ်လႆႈၶူပ်း ၵႃႈၼႂ်းသူၼ်ဢူးယဵၼ်မၼ်းၸဝ်ႈ လႄႈပိတ်းဢဝ်မွၵ်ႇႁဵဝ်းငိုၼ်းတင်းလၢႆဢေႃႈ။
၃ ၵဝ်ပဵၼ်တီႈဢၼ်ၸဝ်ႈ ဢၼ်ၵဝ်ႁၵ်ႉပႅင်းၼႃႇၼၼ်ႉပိူင်ႇဢေႃႈ။ၸဝ်ႈဢၼ်ၵဝ်ႁၵ်ႉပႅင်းၼႃႇၼၼ်ႉၵေႃႈ ပဵၼ်တီႈဢၼ်ၵဝ်ပိူင်ႇဢေႃႈ။မၼ်းၸဝ်ႈၵိၼ်ယူႇၵႃႈၼႂ်းပႃႇမွၵ်ႇႁဵဝ်းငိုၼ်းၼၼ်ႉဢေႃႈ။
ယွင်ႈယေႃးတၢင်းႁၢင်ႊလီလုၵ်ႉပႂ်ႉမႂ်ႇ
၄ ၼၢင်းဢၼ်ၵဝ်ၸဝ်ႈႁၵ်ႉၼႆႉဢိူၺ်း။မႂ်းၼၢင်းၼႆႉႁၢင်ႊလီၽၢင်လီမိူၼ်ၸိူဝ်ႉၼင်ႇဝဵင်းတိရၸလႄႈ သေႇၶျႃႇလီငၢမ်းမိူၼ်ၸိူဝ်ႉၼင်ႇဝဵင်းယေႇရုသလႅမ်ႇဢေႃႈ။ပဵၼ်တီႈဢၼ်လီၵူဝ်လီႁႄ မိူၼ်ၸိူဝ်ႉၼင်ႇတပ်ႉသိုၵ်းဢၼ် ပူၵ်းလၢမ်ႇဝႆႉၼၼ်ႉဢေႃႈ။
၅ ဢဝ်မၢၵ်ႇတႃမႂ်းၼၢင်းငိူင်ႉဝႄႈၵဝ်ၸဝ်ႈသေၵမ်း။ၶဝ်ပေႉၼႅင်ႇၵဝ်ၸဝ်ႈယဝ်ႉ။ၶူၼ်ႁူဝ်မႂ်းၼၢင်းၵေႃႈ မိူၼ်ၸိူဝ်ႉၼင်ႇၽုင်ပႄႉဢၼ်ၼွၼ်းယူႇၵႃႈ ၼိူဝ်ပႅမ်ႉလွႆၵိလတ်ႉၼၼ်ႉဢေႃႈ။
၆ ၶဵဝ်ႈမႂ်းၼႂ်းၸိူဝ်းၼၼ်ႉၵေႃႈပဵၼ်ၸိူဝ်ႉၼင်ႇၽုင်သူဝ်း ဢၼ်ၵႅတ်းႁႆးၶူၼ်ယဝ်ႉလႄႈ လုၵ်ႉသေၵႃႈတီႈဢၼ်ဢၢပ်ႇၼမ်ႉၼၼ်ႉၶိုၼ်းမႃးၼၼ်ႉလႄႈယင်းဢမ်ႇလုတ်ႈ ဢမ်ႇယွမ်းသေတူဝ်လႄႈၸၢင်ႊၵိူတ်ႇလဵင်ႉမႃးလုၵ်ႈဢၼ်ၽႃၽႄ ၵူၺ်းၵူၺ်း ၼၼ်ႉဢေႃႈ။
၇ ၵႅမ်ႈမႂ်းၼၢင်းဢၼ်မီးယူႇၵႃႈတီႈၽၢႆႇပုၼ်ႉၽႃႈႁူမ်ႈၼႃႈၼၼ်ႉၵေႃႈ မိူၼ်ၸိူဝ်ႉၼင်ႇၶႅပ်းမၢၵ်ႇၸင်ႈ ဝႆႉဢေႃႈ။
၈ မီးၼၢင်းႁေႃၶမ်းႁူၵ်းသိပ်း၊ၼၢင်းဢွၼ်ႇပႅတ်ႇသိပ်း၊ ၵၢၼ်ႇၺႃႇလုၵ်ႈယိင်းသၢဝ်ၸိူင်ႉၼၢင်းဢမ်ႇႁူႉ ၼမ် လႂ်ဢေႃႈ။
၉ ၼူၵ်ႉတူႈၵဝ်ၸဝ်ႈၵေႃႉဢၼ်ၸေးၸုမ်ႇၵဝ်ၸဝ်ႈၼၼ်ႉမီးယူႇ ၵႃႈတီႈၵဝ်ၸဝ်ႈၼၢင်းလဵဝ်ၵူၺ်းဢေႃႈ။ပဵၼ်လုၵ်ႈယိင်းလဵဝ်ၵူၺ်းတီႈမေႈမၼ်းဢေႃႈ။ပဵၼ်လုၵ်ႈယိင်းဢၼ်ႁၵ်ႉၼႃႇသေပိူၼ်ႈ တီႈၵေႃႉဢၼ်ၵိူတ်ႇလဵင်ႉမၼ်းမႃးၼၼ်ႉဢေႃႈ။လုၵ်ႈယိင်းၵူၼ်းတင်းလၢႆႁၼ်မၼ်းလႄႈ ဢွၼ်ၵၼ်ပၼ်တၢင်းလီတီႈမၼ်းဢေႃႈ။ၼၢင်းႁေႃၶမ်းတင်းလၢႆဢိၵ်ႇတင်းၼၢင်းဢွၼ်ႇၸိူဝ်းၼၼ်ႉဢွၼ်ၵၼ်ယွင်ႈယေႃးမၼ်းဢေႃႈ။
၁၀ မေႈယိင်းဢၼ်ႁၢင်ႊလီ ၽၢင်လီမိူၼ်ၸိူဝ်ႉၼင်ႇလိူၼ်၊ႁိူဝ်ႈလႅင်းမိူၼ်ၸိူဝ်ႉၼင်ႇၵၢင်ဝၼ်း၊ ပဵၼ်တီႈဢၼ်လီၵူဝ်လီႁႄမိူၼ်ၸိူဝ်ႉၼင်ႇ တပ်ႉသိုၵ်းဢၼ်ပူၵ်းလၢမ်ႇဝႆႉလႄႈငွၵ်ႈတူၺ်းမုင်ႈတူၺ်းမိူၼ်ၸိူဝ်ႉၼင်ႇၵၢင်ၼႂ် ၼၼ်ႉၸမ်းပဵၼ်ၽူႈ လႂ်။
၁၁ ၵဝ်လူင်းၵႂႃႇၸူးၵႃႈတီႈ သူၼ်ဢူးယဵၼ်ႇမၢၵ်ႇမႆႉမၢၵ်ႇတွၵ်ႇႁႂ်ႈလႆႈလူတူၺ်းတူၼ်ႈ ဢၼ်လိပ်းဢၼ်ၶဵဝ်ၵႃႈၼႂ်းၶူင်ႈၼႂ်းႁူၺ်ႈလႄႈ ႁူႉလွင်ႈဢၼ်တူၼ်ႈၶိူဝ်းမၢၵ်ႇၸပိတ်ႉၽူၵ်ႈလီႁႅင်းလီႁိုဝ်၊ ဢမ်ႇၽူၵ်ႈလီႁႅင်းလီႁိုဝ်ဢိၵ်ႇတင်းလွင်ႈဢၼ် တူၼ်ႈမၢၵ်ႇၸင်ႈမွၵ်ႇမွၵ်ႇယဝ်ႉ ႁိုဝ်၊ဢမ်ႇပႆႇမွၵ်ႇႁိုဝ်ၼၼ်ႉဢေႃႈ။
၁၂ ၸူဝ်ႈဢၼ်ၵဝ်ဢမ်ႇပႆႇလႆႈသတိၼၼ်ႉၸိုင် ဝိၺိၺ်ႇၵဝ်ႁႂ်ႈၵဝ်ပဵၼ်ၸိူဝ်ႉၼင်ႇဢၼ်ၶီႇလေႃႉရထႃးဢမိၼတပ်ႉၼၼ်ႉဢေႃႈ။
၁၃ သုလမိတ်ႉဢိူၺ်း။ၶိုၼ်းမႃးသေၵမ်း။ၶိုၼ်းမႃးသေၵမ်း။ၼင်ႇႁိုဝ်ႁဝ်းတၵ်းလႆႈႁၼ်မႂ်းၸိုင်ၶိုၼ်းမႃးသေၵမ်း။ၶိုၼ်းမႃးသေၵမ်း။
၁၄ တၵ်းလႆႈထူပ်းႁၼ် လွင်ႈတၢင်းဢၼ် လႂ်တီႈသုလမိတ်ႉၼၼ်ႉ။တၵ်းလႆႈထူပ်းႁၼ်မိူၼ်ၸိူဝ်ႉၼင်ႇတပ်ႉသိုၵ်းသွင်တပ်ႉၼၼ်ႉဢေႃႈ။