၃
ၵူၼ်းႁူဝ်တင်းပရေႃးၽႅတ်လႆႈၶၢမ်ႇသုင်းမႃႉ
၁ ၵဝ်ဝႃႈၸမ်း သူၸိူဝ်းဢၼ်ပဵၼ်ငဝ်ႈပဵၼ်ႁူဝ်ၵူၼ်းမဵဝ်းယႃႇၵုပ်ႉၶဝ်ဢိူၺ်း။ၵူၼ်းယႂ်ႇၵူၼ်းလူင်ၵူၼ်းမဵဝ်းဢိသရေႇလၶဝ်ဢိူၺ်း။ဢွၼ်ၵၼ်ထွမ်ႇငိၼ်းသေၵမ်း။သူထုၵ်ႇလီႁူႉၸႅင်ႈ လွင်ႈတၢင်းဢၼ်ၸီႇယၢင်ႇၸွမ်း ၼင်ႇတြႃးၼၼ်ႉဢမ်ႇၸႂ်ႈႁိုဝ်။
၂ သူၸင်းသူႉၸရိူၵ်ႈလႄႈထုၵ်ႇၸႂ်ၵျိူၵ်ႈၸႂ်တူႉၸရိူၵ်ႈယူႇ၊ တိုတ်ႉၸၼ်ဢဝ်ၼင်ဢဝ်ပိူၵ်ႇသေ ၵႃႈတီႈပိူၼ်ႈဢိၵ်ႇတင်းၼိူဝ်ႉသေၵႃႈတီႈ လုပ်ႇပိူၼ်ႈယူႇ၊
၃ ၵိၼ်ၼိူဝ်ႉၵူၼ်းတင်းလၢႆယူႇ၊ သိၵ်ပွၵ်ႇၼင်ၶဝ်ယူႇ၊ႁၵ်းလုပ်ႇႁၵ်းလၢဝ်ႈၶဝ်ယူႇ၊ ၽၵ်ႉလုပ်ႇၽၵ်ႉၼိူဝ်ႉၸိူဝ်းၼၼ်ႉမိူၼ်ၸိူဝ်ႉၼင်ႇ ပုၼ်ႈမေႃႈၽၵ်းဢိၵ်ႇတင်း ၸိူဝ်ႉၼင်ႇၼိူဝ်ႉပုၼ်ႈမေႃႈဢၼ်တူမ်ႈၼၼ်ႉယူႇ ဢေႃႈ။
၄ ပိူဝ်ႈၼႆလႄႈပိၵ်ႉသမ်ႉၶဝ်သႅၼ်ႇႁွင်ႉႁႃထႃႇဝရႃႉၽြႃးသေၵေႃႈမၼ်းၸဝ်ႈဢမ်ႇဢိူဝ်ႈ။မႅၼ်ႈၸွမ်းၵႃႈၼင်ႇဢၼ်ၶဝ်ႁဵတ်းတူႉၸရိူၵ်ႈၼၼ်ႉသေလႄႈ ၼႂ်းၶိင်ႇမိူဝ်ႈၼၼ်ႉမၼ်းၸဝ်ႈ တၵ်းဝၢႆႇၼႃႈမၼ်းၸဝ်ႈပႅတ်ႈ ၶဝ်ဢေႃႈ။
၅ ထႃႇဝရႃႉၽြႃးဢဝ်လွင်ႈပရေႃးၽႅတ်ႈဢၼ်ႁႂ်ႈၵူၼ်းၵဝ်တင်းလၢႆၽိတ်းပိူင်ႈယူႇ၊ ဢၼ်ဢဝ်ၶဵဝ်ႈၶဝ်ၶူပ်းလႄႈႁွင်ႉပၢဝ်ႇႁွင်ႉသေႃႇလႄႈဝႃႈ၊- မီးတၢင်းဢၼ်ၼိမ်ဢၼ်လီယဝ်ႉ၊ ဝႃႈၼင်ႇၼႆယူႇ၊ဢၼ်မႄးႁႅၼ်းႁႂ်ႈလႆႈတိုၵ်းတေႃး ၶဝ်ၸိူဝ်းဢၼ်ဢမ်ႇႁဵတ်းလဵင်ႉႁဵတ်းလူၶဝ်ၼၼ်ႉယူႇၸိူဝ်းၼၼ်ႉသေလႄႈ မီးဢမိင်ႉၸမ်း၊- သူတၵ်းႁွတ်ႈထိုင်ၶိင်ႇၵၢင်ၶိုၼ်းႁႂ်ႈထၢၼ်ႈပေႃး ဢမ်ႇလႆႈႁၼ်ရူႇပႃႇရုင်ႇဢေႃႈ။
၆ တၵ်းပဵၼ်ဢၼ်လပ်းသိင်ႇတီႈသူႁႂ်ႈထၢၼ်ႈပေႃး ဢမ်ႇႁေႃးလၢတ်ႈဢၼႃႇၵၢတ်ႉလႆႈဢေႃႈ။ၵၢင်ဝၼ်းတၵ်းတူၵ်းသေၵႃႈတီႈပရေႃးၽႅတ်ႈတင်းလၢႆ တေႃႇၵႃႈ ၶိင်ႇၵႃႈဝၼ်းလပ်းသိင်ႇ တၵ်းမုင်းႁူမ်ႇၶဝ်ဢေႃႈ။
၇ မိူဝ်ႈၼၼ်ႉၶဝ်ၸိူဝ်းဢၼ်ႁူပွင်ႇတႃလႅင်းၼၼ်ႉ တၵ်းလႆႈဢူၵ်းဢၢႆလႄႈၶဝ်ၸိူဝ်းဢၼ်ႁေႃးဢၼႃႇၵၢတ်ႉၼၼ်ႉတၵ်းၸႂ်လူႉဢေႃႈ။ၵွပ်ႈပိူဝ်ႈဢၼ်ၽြႃးပဵၼ်ၸဝ်ႈဢမ်ႇဢိူဝ်ႈလႄႈ ၶဝ်တင်းသဵင်ႈတင်းလူင်တၵ်းတူမ်းသူပ်းၶဝ်ယူႇဢေႃႈ၊ ဝႃႈၼင်ႇၼႆ ဢေႃႈ။
၈ ၵဝ်ၸမ်းတဵမ်ဝႆႉတင်းႁႅင်းတၼ်းၶူဝ်းၵွပ်ႈပိူဝ်ႈဝိၺိၺ်ႇထႃႇဝရႃႉၽြႃး ဢိၵ်ႇတင်းတၢင်းၵတ်ႉတၢင်းၶၼ်ၺၢၼ်ႇ တၢင်းၵတ်ႉတၢင်းၶၼ်ဢၼ်ႁဵတ်းလႆႈပဵၼ်လႆႈႁႂ်ႈလႆႈၽုၺ်ႇဢွၵ်ႇၼႄပျႃး တၢင်းဢၼ်မဵဝ်းယႃႇၵုပ်ႉပူၼ်ႉလိူဝ်၊တၢင်းဢၼ်ဢိသရေႇလ ၽိတ်းပိူင်ႈၼၼ်ႉ ဢေႃႈ။
၉ သူၸိူဝ်းဢၼ်ပဵၼ်ငဝ်ႈပဵၼ်ႁူဝ်မဵဝ်းယႃႇၵုပ်ႉ ၶဝ်ဢိူၺ်း။ၵူၼ်းယႂ်ႇၵူၼ်းလူင်မဵဝ်းဢိသရေႇလ ဢၼ်လီႁင်ႈဢဵတ်ႇသဵတ်ႇ တၢင်းဢၼ်ၸီႇယၢင်ႇသိုဝ်ႈသိုဝ်ႈတေႃႇတေႃႇလႄႈ ယႃႉတၢင်းဢၼ်ႁဵတ်းၸွမ်းၼင်ႇ တြႃးၼၼ်ႉပႅတ်ႈယူႇ၊
၁၀ ဢၼ်ဢဝ်တၢင်းဢၼ်ထွၵ်ႇလိူတ်ႈၵူၼ်းပႅတ်ႈၼၼ်ႉလုမ်းလႃးဝဵင်းၸိဢုၼ်ႇ လႄႈဢဝ်တၢင်းဢၼ်ႁဵတ်းႁၢႆႉႁဵတ်းမိူၵ်ႈၼၼ်ႉ လုမ်းလႃးဝဵင်းယေႇရုသလႅမ်ႇယူႇၶဝ်ဢိူၺ်း။ဢွၼ်ၵၼ်ထွမ်ႇငိၼ်းသေၵမ်း။
၁၁ ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်မၼ်းၼၼ်ႉၸၢင်ႊ ဢွၼ်ၵၼ်ၸီႇယၢင်ႇဢမူႉတြႃး ႁႂ်ႈလႆႈလၢၵ်ႈသွင်ႇၵူၺ်းလႄႈယိတ်ႉပရေႃးႁိၵ်ႈမၼ်းၸိူဝ်းၼၼ်ႉၸၢင်ႊဢွၼ်ၵၼ်သွၼ်ပၼ် ႁႂ်ႈလႆႈၵႃႊမၼ်းၶၼ်မၼ်းၵူၺ်းဢေႃႈ။ပရေႃးၽႅတ်ႈမၼ်းၸိူဝ်းၼၼ်ႉၵေႃႈၸၢင်ႊဢွၼ်ၵၼ်ႁေႃးလၢတ်ႈဢၼႃႇၵၢတ်ႈႁႂ်ႈလႆႈငိုၼ်းၵူၺ်းဢေႃႈ။ၼႂ်းဝႃႈၼၼ်သေၵေႃႈၶဝ်ၸၢင်ႊဢွၼ်ၵၼ် ဢိင်ပိုင်ႈထႃႇဝရႃႉၽြႃးယူႇသေလႄႈ လၢတ်ႈလႄႈဝႃႈ၊-ထႃႇဝရႃႉၽြႃးမီးယူႇၵႃႈၼႂ်းၵၢင်ႁဝ်းဢမ်ႇၸႂ်ႈႁိုဝ်။ၽေးဢူးပၢတ်ႈဢမ်ႇႁွတ်ႈထိုင်ၵႃႈၼိူဝ်ႁဝ်းလႆႈ ၵူၺ်း၊ဝႃႈၼင်ႇၼႆလူင်ပေႇ။
၁၂ ပိူဝ်ႈၼႆလႄႈၵွပ်ႈပိူဝ်ႈသူလႄႈလွႆၸိဢုၼ်ႇ ၼၼ်ႉတၵ်းလႆႈၶၢမ်ႇတၢင်းဢၼ်ထႆဢၼ်ထိူၼ်ႇမိူၼ်ၸိူဝ်ႉၼင်ႇၼႃးလႄႈ ဝဵင်းယေႇရုသလႅမ်ႇ ၼၼ်ႉတၵ်းလႆႈပဵၼ်ပုမ်ႇလိၼ်ၵွင်လိၼ်သေလႄႈလွႆႈႁိူၼ်းၸဝ်ႈ တၵ်းလႆႈပဵၼ်ၸိူဝ်ႉၼင်ႇလွႆၼႂ်းထိူၼ်ႇၼႂ်းၶိူဝ်းၼၼ်ႉဢေႃႈ။