၂
တၢင်းၵျမ်ႇၵူၼ်းလႄႈတၢင်းၵျမ်ႇၽြႃး
၁ ၶဝ်ၸိူဝ်းဢၼ် ၸၢင်ႊၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ဢမ်ႇလီႁဵတ်းတူႉၸရိူၵ်ႈယူႇ ၵႃႈၼိူဝ်ၵူႇတီႈၼွၼ်းၶဝ်ၼၼ်ႉမီးဢႃႉမင်ႇၵလႃႇဢေႃႈ။မိူဝ်ႈဢၼ်မိူင်းလႅင်းမႃးၼၼ်ႉၸိုင်၊ ၶဝ်ၸင်ႇႁဵတ်းၵွပ်ႈပိူဝ်ႈဢၼ်ႁႅင်း တၼ်းၶူဝ်းမီးၵႃႈၼႂ်းမိုဝ်းၶဝ်ၼၼ်ႉဢေႃႈ။
၂ ၶဝ်ၸႂ်ၸပ်းၸႂ်ၸွႆးႁႆႊၼႃးလႄႈ ႁဵတ်းဢႃႉထမ်ႇမႃႉသေလႄႈဢဝ်ဢေႃႈ။ၶဝ်ၸႂ်ၸပ်းၸႂ်ၸွႆးႁိူၼ်းတင်းလၢႆသေလႄႈသိမ်းဢဝ်ဢေႃႈ။ၶဝ်ၼိၵ်ႈၸၢၵ်ႈငႅၼ်းသေးၵူၼ်းဢိၵ်ႇတင်းႁိူၼ်းမၼ်းဢၼ်ဝႃႈၵူၼ်း ဢိၵ်ႇတင်း ဢမူၺ်ႇဢုၵ်ႉ ၸႃႇမၼ်းဢေႃႈ။
၃ ပိူဝ်ႈၼႆလႄႈထႃႇဝရႃႉႉၽြႃးမီးဢမိင်ႉၸမ်းၵဝ်ၵျၢမ်ႇပွင်ၽေးတၢမ်ႇ ဢၼ်ၶေႃးသူဢမ်ႇလွတ်ႈဢၼ်သူဢမ်ႇငွၵ်းႁူဝ်သူလႆႈလႄႈၵႂႃႇၼၼ်ႉယူႇ ၽၢႆႇၼိုင်ႈတင်းၵူၼ်းမဵဝ်းၸိူဝ်ႉၶိူဝ်းၼႆႉဢေႃႈ။တၵ်းပဵၼ်ၶိင်ႇ ၵႃႇလႃႉဢၼ်ႁၢႆႉယူႇဢေႃႈ။
၄ ၵႂၢမ်းဢၼ်ဢဝ်ၵႂၢမ်းဢပုမ်ႇတႅၵ်ႈသေလႄႈ လႆႈပွင်ႉၶၢင်းပွင်ႉမိူၼ်ႇႁႅင်းယႂ်ႇၼႃႇလူင်လၢင်ယူႇၽၢႆႇၼိုင်ႈတင်းသူၼႂ်းၶိင်ႇမိူဝ်ႉဝၼ်းၼၼ်ႉလႄႈဝႃႈၸမ်း၊ ႁဝ်းၼႆႉလူႉလႅဝ်ပႅတ်ႈမူတ်းမူတ်းသဵင်ႈသဵင်ႈယဝ်ႉ။မၼ်းၸဝ်ႈလႅၵ်ႈလၢႆဢဝ်ပုၼ်ႈတႃႇဢၼ်ၵူၼ်းမဵဝ်းၵဝ်တင်းလၢႆ တၵ်းလႆႈၶၢမ်ႇလႆႈၵိၼ်ၼၼ်ႉလႄႈၵူႈသိမ်းဢဝ်သေ ၵႃႈၼႂ်းမိုဝ်းၵဝ်ၵႂႃႇယဝ်ႉလူင်ပေႇ။မၼ်းၸဝ်ႈ ဢဝ်တူင်ႈၼႃးႁဝ်းၽႄမႅင်ႇပၼ်ၶဝ်ၸိူဝ်း ဢၼ်ပုင်ႇၵၢၼ်ႇႁဝ်းၼၼ်ႉယဝ်ႉ။
၅ ပိူဝ်ႈၼႆလႄႈမႂ်းတၵ်းဢမ်ႇလႆႈမီး ၵေႃႉဢၼ်တူၵ်းၸႃႇၵွၵ်ႈသေလႄႈ ဢဝ်ၸိူၵ်ႈၶဵင်ႈတႅၵ်ႈၶိုပ်ႈၼၼ်ႉ ၵႃႈၼႂ်းပရိၵ်ႈသၢတ်ႈထႃႇဝရႃႉႉၽြႃး။
ပရေႃးၽႅတ်ႈဢၼ်ပွမ်ပရေႃးၽႅတ်ႈၶဝ်ဝႃႈ ယႃႇပေႁဵတ်းပရေႃးၽႅတ်ႈဝႃႈၼႆဢေႃႈ။
၆ ယႃႇပေႁဵတ်းပရေႃးၽႅတ်ႈလႄႈႁေႃးလၢတ်ႈဝႃႈ တၢင်းဢၼ်သေႉဢၼ်သွမ်း တၵ်းဢမ်ႇလႆႈႁူမ်ႇ လူမ်ႈသူ။
၇ မႂ်းဢၼ်လႆႈႁွင်ႉႁိၵ်ႈမဵဝ်းယႃႇၵုပ်ႉ ၼႆႉဢိူၺ်း။ဝိၺိၺ်ႇထႃႇဝရႃႉၽြႃးလႆႈၶၢမ်ႇတၢင်းဢၼ်ၵိတ်ႇဢၼ်ၵႅပ်ႈႁိုဝ်။လွင်ႈတၢင်းၸိူဝ်းၼႆႉပဵၼ်လွင်ႈတၢင်းဢၼ်မၼ်းၸဝ်ႈႁဵတ်းဢမ်ႇၸႂ်ႈႁိုဝ်။ၵႂၢမ်းၵဝ်ၸၢင်ႊပၼ်ဢၵျူဝ်းတီႈၵေႃႉဢၼ် ၵမ်ၵျၢင်ႉသိုဝ်ႈသိုဝ်ႈတေႃႇတေႃႇ ၼၼ်ႉဢမ်ႇၸႂ်ႈႁိုဝ်။
၈ ၸႃႉၸဵမ်မိူဝ်ႈဝၼ်းဢွၼ်ၼၼ်ႉလႄႈၵူၼ်းၵဝ်တင်းလၢႆ ဢွၼ်ၵၼ်ႁဵတ်းရၢၼ်ႇတၢင်းၽိတ်းလႄႈလုၵ်ႉဢေႃႈ။သူၸၢင်ႊဢွၼ်ၵၼ်ႁိမ်ဢဝ်ထွတ်ႇဢဝ်ၶူဝ်းၼုင်ႈၵႃႈၼွၵ်ႈဢိၵ်ႇတင်း ၶူဝ်းၼုင်ႈၵႃႈၼႂ်းတီႈၶဝ်ၸိူဝ်းဢၼ် ၵႂႃႇတၢင်းပႆတၢင်း လုင်ႉလီလွတ်ႈလီလႄႈ ဢမ်ႇမီးဢလူဝ်ႇၶႂ်ႈတိုၵ်းသိုၵ်းၼၼ်ႉဢေႃႈ။
၉ သူႁေႃႈမေႈယိင်းၵူၼ်းၵဝ်တင်းလၢႆဢွၵ်ႇသေ ၵႃႈၼႂ်းႁိူၼ်းတီႈယူႇဢၼ်ၶဝ်မိုတ်ႈၶဝ်ပျေႃႇၼၼ်ႉလႄႈ ၼုၵ်ႈဢဝ်မုၼ်ၽုင်းၵဝ်ဢွၵ်ႇသေ ၵႃႈတီႈလုၵ်ႈၶဝ်လၢင်းၶဝ်ၼၼ်ႉယူႇသေႇသေႇဢေႃႈ။ဢွၼ်ၵၼ်လုၵ်ႉလႄႈၵႂႃႇ တႃႉ။
၁၀ မိူင်းၼႆႉပဵၼ်တီႈဢၼ်သူၼိမ်ၸႂ်ၼိမ်ၶေႃးယူႇလီလီငၢမ်းငၢမ်းဢမ်ႇၸႂ်ႈ။ၵႃႈတီႈၼႆႉၵွပ်ႈပိူဝ်ႈဢၼ်ပဵၼ်ဢၼ်ၵူဝ်ႈၵိူၵ်ႇလႄႈ တၵ်းလႆႈလူႉလႆႈလႅဝ်လူၺ်ႈ တၢင်းဢၼ်လူႉဢၼ်လႅဝ်ဢၼ်ယႂ်ႇၼႃႇဢေႃႈ။
၁၁ ပေႃးၵေႃႉဢၼ်ၸွမ်းသၽေႃးတူဝ်ၸဝ်ႈၵဝ်ႇသေလႄႈ သုင်းတိုဝ်းၵႂၢမ်းမူႉသႃႇၼၼ်ႉလၢတ်ႈဝႃႈ၊- ၵဝ်တၵ်းႁဵတ်းပရေႃးၽႅတ်ႈလႄႈႁေႃးလၢတ်ႈတြႃးၼမ်ႉၸပိတ်ႈဢိၵ်ႇတင်းတြႃးၼမ်ႉလဝ်ႈၼမ်ႉၵမ်ဢေႃႈ၊ ဝႃႈၼင်ႇၼႆၸိုင်ၵေႃႉၼၼ်ႉ တၵ်းပဵၼ်ပရေႃးၽႅတ်ႈၵူၼ်းၸိူဝ်းၼႆႉဢေႃႈ။
ၵတိတေႃႇဢၼ်တၵ်းလႆႈလွတ်ႈဢွၵ်ႇ
၁၂ ယႃႇၵုပ်ႉဢိူၺ်း။ၵဝ်တၵ်းႁႂ်ႈၵူၼ်းမဵဝ်းမႂ်းၵႃႈမီးၸူႉၵၼ်တုမ်ၵၼ်လႄႈ ႁႂ်ႈၵူၼ်းမဵဝ်းဢိသရေႇလဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉ ပဵၼ်မုၵ်ႉပဵၼ်ၸိူဝ်းဢမၢၼ်ႇၶၢၼ်ပဵၼ်ဢေႃႈ။ၵဝ်တၵ်းဢဝ်ၶဝ်ၸူႉၵၼ်တုမ်ၵၼ်ဝႆႉမိူၼ်ၸိူဝ်ႉၼင်ႇသူဝ်းဝဵင်းပေႃႇၸရ ဢိၵ်ႇတင်းၸိူဝ်ႉၼင်ႇၽုင်သူဝ်းၵႃႈၼႂ်းတီႈဢၼ်ၶဝ်ယၢမ်ႈၵိၼ်ယူႇသေႇသေႇၼၼ်ႉလႄႈ တၵ်းပဵၼ်သဵင်ယႂ်ႇသဵင်လူင်ၵွပ်ႈပိူဝ်ႈ ၵူၼ်းၼမ်ၼႃႇၼၼ်ႉဢေႃႈ။
၁၃ ၵေႃႉဢၼ်မူၼ်ႉဢွၵ်ႇတိုဝ်ဢွၵ်ႇၼၼ်ႉၶိုၼ်ႈၸူးဢွၼ်တၢင်းၶဝ်ဢေႃႈ။ၶဝ်ၵေႃႈႁဵတ်းတၢင်းဢၼ်မူၼ်ႉဢွၵ်ႇတိုဝ်ဢွၵ်ႇသေလႄႈ ဢွၼ်ၵၼ်တႆႇတၢင်းပႆတၢင်းၵႂႃႇၵႃႈတီႈႁူးၽၵ်းတူလႄႈဢွၵ်ႇသေၵႃႈတီႈၼႂ်းမၼ်းၼၼ်ႉၵႂႃႇဢေႃႈ။ၶုၼ်ႁေႃၶမ်းၶဝ်ၼၼ်ႉၵႂႃႇဢွၼ်တၢင်းၶဝ်လႄႈ ထႃႇဝရႃႉႉၽြႃးဢွၼ်ႁူဝ်ၶဝ်ဢေႃႈ။