၄
တၢင်းဢၼ်ၸီႇယၢင်ႇတင်းပတိၺိၼ်ႇဢၼ်မႂ်ႇ
၁ တူၺ်းလူ။မိူဝ်ႉဝၼ်းဢၼ်မႆႈမိူၼ်ၸိူဝ်ႉၼင်ႇဢၼ်ၽႆးမႆႈၵႃႈၼႂ်းၽီးၽႆးၼၼ်ႉတၵ်းႁွတ်ႈထိုင်ဢေႃႈ။ၶဝ်ၵႃႈဢၼ်မႃႇၼႃႉယႂ်ႇဢိၵ်ႇတင်း ၶဝ်ၵႃႈဢၼ်ႁဵတ်းတူႉၸရိူၵ်ႈၼၼ်ႉ တၵ်းပဵၼ်ယိူဝ်ႈယႃႈယိူဝ်ႈယုၵ်းဢၼ်ႁႅင်းဢၼ်ႁွင်လႄႈ မိူဝ်ႉဝၼ်းဢၼ်တၵ်းႁွတ်ႈထိုင်ၼၼ်ႉတၵ်းမႆႈၶဝ်ပႅတ်ႈထၼ်ႈပေႃး ႁႂ်ႈငဝ်ႈၶဝ်ပၢႆၶဝ်ဢမ်ႇလႆႈၵိုတ်းလႆႈၵျၢၼ်ႇဢေႃႈ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင် ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၂ တီႈသူၸိူဝ်းဢၼ်ၵူဝ်ႁႄၼႃႇမႃႉၸိုဝ်သဵင်ၵဝ်ၼၼ်ႉၸမ်း ၶုၼ်ၵၢင်ဝၼ်းတြႃးတၢင်းဢၼ်သိုဝ်ႈတေႃႇၼၼ်ႉ တၵ်းပႃးတင်းပိၵ်ႇဢၼ်ႁႂ်ႈတၢင်းၶႆႈတၢင်းပဵၼ်ႁၢႆၸိူဝ်းၼၼ်ႉ ပေႃႇပႂၢင်ႉမႃးဢေႃႈ။သူတၵ်းဢွၼ်ၵၼ်ဢွၵ်ႇလႄႈၵျွၵ်းဝႅၼ်မိူၼ်ၸိူဝ်ႉၼင်ႇဝူဝ်းဢွၼ်ႇ ၵႃႈၼႂ်းသိုင်ႇၼႂ်းၶွၵ်ႈၼၼ်ႉဢေႃႈ။
၃ သူတၵ်းဢွၼ်ၵၼ်ယဵပ်ႇယမ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉဢေႃႈ။ၼင်ႇၼၼ်လႄႈၶဝ်တၵ်းပဵၼ်ၸိူဝ်ႉၼင်ႇမုၼ်ႈလိၼ်ၵႃႈတႂ်ႈၽႃႇတိၼ်သူ ၼႂ်းမိူဝ်ႉဝၼ်းဢၼ်ၵဝ်ၸီႇယၢင်ႇၼၼ်ႉဢေႃႈ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၄ သူဢွၼ်ၵၼ်ၶုၵ်းၸႂ်လႆႈၶႆႈၸႂ်ထူပ်း ထုင်းၾိင်ႈတြႃးတင်းလၢႆဢိၵ်ႇတင်း လွင်ႈတၢင်းဢၼ်ၵဝ်ၸီႇယၢင်ႇဝႆႉၸိူဝ်းၼၼ်ႉဢၼ်ဝႃႈ တြႃးၶႃႈၵဝ်မုဝ်းသေႇဢၼ်ၵဝ်သင်ႇလၢတ်ႈဝႆႉတီႈမၼ်း ၵႃႈၼႂ်းႁေႃႇရပ်ႉပုၼ်ႈၵူၼ်းမဵဝ်း ဢိသရေႇလတင်းသဵင်ႈတင်းလူင်ၼၼ်ႉတႃႉ။
၅ တူၺ်းလူ။ၸူဝ်ႈဢၼ်မိူဝ်ႉဝၼ်းယႂ်ႇဝၼ်းလူင် ထႃႇဝရႃႉၽြႃးဢၼ်လီၵူဝ်လီႁႄၼၼ်ႉ ဢမ်ႇပႆႇႁွတ်ႈပႆႇထိုင်ၼၼ်ႉၸိုင် ၵဝ်တၵ်းပွႆႇၸႂ်ႉ ပရေႃးၽႅတ်ႈဢေးလိယ မႃးၸူးတီႈသူ ဢေႃႈ။
၆ လွင်ႈၼင်ႇႁိုဝ်ၵဝ်တၵ်းဢမ်ႇမႃးလႄႈဢဝ်ၽေးတၢင်းဢၼ်ၵိၼ်ႇဢၼ်ဝႃႈ ပၼ်တၢမ်ႇတီႈမိူင်းၸဝ်ႈၸိုင် မၼ်းၼၼ်ႉတၵ်းႁႂ်ႈပေႃႈဢိၵ်ႇတင်းလုၵ်ႈလၢင်း၊လုၵ်ႈလၢင်းဢိၵ်ႇတင်း ပေႃႈပဵၼ်ဢၼ်ထုၵ်ႇမေႃပေႃးၵႂၢမ်းၵၼ်ဢေႃႈ၊ဝႃႈၼင်ႇၼႆဢေႃႈ။