၂
တၢင်းဢၼ်ပၼ်သတိယိတ်ပရေႃးႁိၵ်ႈ
၁ ယိတ်ႉပရေႃးႁိၵ်ႈၶဝ်ဢိူၺ်း။ၵႂၢမ်းပိင်းၺၢပ်ႈၼႆႉၸၢပ်ႈသႅင်ႇၵၼ်တင်းသူဢေႃႈ။
၂ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ပေႃးသူယင်းဢမ်ႇထွမ်ႇဢမ်ႇဢဝ်၊ ယင်းဢမ်ႇဢဝ်သႂၢင်းသႂ်ႇဝႆႉၵႃႈၼႂ်းၸႂ်ႁႂ်ႈလႆႈယွင်ႈယေႃးၼႃႇမႃႉၸိုဝ်သဵင်ၵဝ်လႄႈယူႇၸိုင် ၵဝ်တၵ်းပွႆႇၽေးတၢင်းဢၼ်ၵိၼ်ႇဝႃႈ ၸူးၵႃႈၼိူဝ်သူလႄႈႁႂ်ႈမင်ႇၵလႃႇသူၸိူဝ်းၼၼ်ႉ ပဵၼ်ဢႃႉမင်ႇၵလႃႇၵႂႃႇဢေႃႈ။လိူဝ်သေၼၼ်ႉဢမ်ႇၵႃး ၵွပ်ႈပိူဝ်ႈဢၼ်သူယင်းဢမ်ႇဢဝ်သႂၢင်းသႂ်ႇဝႆႉၵႃႈၼႂ်းၸႂ်လႄႈယူႇၼၼ်ႉလႄႈ ၵဝ်ႁႂ်ႈပဵၼ်ဢႃႉမင်ႇၵလႃႇၵႂႃႇၸႃႉၸဵမ်မိူဝ်ႈလဵဝ်ၼႆႉယဝ်ႉ။
၃ တူၺ်းလူ။ၵဝ်တၵ်းယႃႉၽဵဝ်ႈၸိူဝ်ႉၽၼ်းသူပႅတ်ႈလႄႈဢဝ်ၶီႈဢဝ်ဢႃႇဢၼ်ဝႃႈ ၶီႈဢႃႇတရိၵ်ႈသၢၼ်ႇပွႆးထမ်ႇမႃႉသူၸိူဝ်းၼၼ်ႉ ပိုၼ်သႂ်ႇၼႃႈသႂ်ႇတႃသူဢေႃႈ။သူတၵ်းလႆႈၶၢမ်ႇ တၢင်းဢၼ်ဢဝ်ၵႂႃႇလူၺ်ႈၵၼ်တင်းၶီႈတင်းဢႃႇၼၼ်ႉဢေႃႈ။
၄ သူတၵ်းလႆႈႁူႉလွင်ႈဢၼ်ၵဝ်ဢဝ်ၵႂၢမ်းပိင်းၺၢပ်ႈၼႆႉ ပၼ်မႃးတီႈသူႁႂ်ႈပတိၺိၼ်ႇၵဝ်လႆႈတႄႇယူႇတီႈမဵဝ်းလေႇဝိဢေႃႈ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉဢေႃႈ။
၅ ပတိၺိၼ်ႇ ဢၼ်ၵဝ်ႁဵတ်းဝႆႉတီႈမဵဝ်းၼၼ်ႉ ပဵၼ်ဢသၢၵ်ႈဢိၵ်ႇတင်းတၢင်းဢၼ်ၼိမ်ဢၼ်လီဢေႃႈ။ၵဝ်ႁဵတ်းဝႆႉတီႈမဵဝ်းၼၼ်ႉ ႁႂ်ႈမၼ်းလႆႈမီးတၢင်းဢၼ်ၵူဝ်ဢၼ်ႁႄလႄႈ မၼ်းၼၼ်ႉၵူဝ်ႁႄၵဝ်ယူႇသေလႄႈတူၵ်း ၸႂ်ၵွပ်ႈပိူဝ်ႈၼႃႇမႃႉၸိုဝ်သဵင်ၵဝ်ၼၼ်ႉဢေႃႈ။
၆ သႅတ်ႉၸႃႇတြႃး တႄႇယူႇၵႃႈၼႂ်းသူပ်းမၼ်းလႄႈ ဢမ်ႇထူပ်းဢမ်ႇႁၼ်ဢပျႅတ်ႈၵႃႈၼႂ်းသီႇသူပ်းမၼ်းၼၼ်ႉ။မၼ်းၵႂႃႇမႃးလူၺ်ႈၵၼ်တင်းၵဝ် ၸွမ်းၵႃႈၼင်ႇတြႃးတၢင်းဢၼ်ၼိမ်ဢၼ်လီ တြႃးတၢင်းဢၼ်သိုဝ်ႈတေႃႇမီးၼၼ်ႉလႄႈ ၸင်ႇႁႂ်ႈၵူၼ်းၼမ်ၼႃႇ ဝႄႈပိူင်ႈသေဢပျႅတ်ႈတူႉၸရိူၵ်ႈဢေႃႈ။
၇ သီႇသူပ်းယိတ်ႉပရေႃးႁိၵ်ႈၼၼ်ႉတၵ်းလႆႈပိင်ႇၺႃႇလႄႈ ၵူၼ်းတင်းလၢႆတၵ်းလႆႈဢွၼ်ၵၼ်ႁႃဢဝ်တြႃးၸဝ်ႈတီႈသူပ်းမၼ်းၼၼ်ႉဢေႃႈ။လွင်ႈမၼ်းၸမ်း မၼ်းၼၼ်ႉပဵၼ်တမၢၼ်ႇဢၼ်ၸဝ်ႈ ပူဝ်ႇပႃႇၵၢင်ႁၢဝ်ထႃႇဝရႃႉၽြႃးပွႆႇၸႂ်ႉဢေႃႈ။
၈ သူၸမ်းဢွၼ်ၵၼ်ၽိတ်းပိူင်းတၢင်းယဝ်ႉ။သူဢွၼ်ၵၼ်ႁဵတ်းႁႂ်ႈၵူၼ်းၼမ်ၼႃႇ တိူဝ်ႉမႅၼ်ႈတြႃးၸဝ်ႈသေလႄႈ လူမ်ႉယဝ်ႉ။သူဢွၼ်ၵၼ်ယႃႉပတိၺိၼ်ႇဢၼ်ႁဵတ်းဝႆႉလူၺ်ႈၵၼ်တင်းမဵဝ်းလေႇဝိ ၼၼ်ႉပႅတ်ႈယဝ်ႉ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။
၉ ပိူဝ်ႈၼႆၸင်ႇ ၵွပ်ႈပိူဝ်ႈဢၼ်သူဢမ်ႇၸွမ်းသဵၼ်ႈတၢင်းၵဝ်တင်းလၢႆလႄႈ ထွၵ်ႈလူၺ်ႈၼႃႈၵူၼ်းၼႂ်းဢမူႉတြႃးၼၼ်ႉလႄႈ ၵဝ်ၸီႇယၢင်ႇႁႂ်ႈသူပဵၼ် တီႈဢၼ်ပိူၼ်ႈႁဵတ်းဢမ်ႇပေႃး ႁိုဝ်ဢိၵ်ႇတင်းတီႈဢၼ်ပိူၼ်ႈၶျႃးတူၵ်းတီႈတႅမ်ႇယဝ်ႉ။
ပႅတ်ႈၽူဝ်ပႅတ်မေးလႄႈယႃႉပတိၺိၼ်ႇ
၁၀ ႁဝ်းတင်းသဵင်ႈတင်းလူင်ၼႆႉ မီးပေႃႈသူႇလဵဝ်ပႃးလဵဝ်ၵူၺ်းဢမ်ႇၸႂ်ႈႁိုဝ်။ၽြႃးပဵၼ်ၸဝ်ႈသူႇလဵဝ်ပႃးလဵဝ်ၵူၺ်းၼၼ်ႉ ၽၢၼ်ႇသၢင်းႁဵတ်းပဵၼ်ႁဝ်းဢမ်ႇၸႂ်ႈႁိုဝ်။ၵွပ်ႈပိူဝ်ႈၼိူဝ်ႉၼင်ႇႁိုဝ်လႄႈ ႁဝ်းဢွၼ်ၵၼ်ၶျႃးပတိၺိၼ်ႇ ဢၼ်မၼ်းၸဝ်ႈႁဵတ်းဝႆႉလူၺ်ႈၵၼ်တင်းပူႇႁဝ်းမွၼ်ႇႁဝ်းၸိူဝ်းၼၼ်ႉ တူၵ်းတီႈတႅမ်ႇလႄႈၵေႃႉၼိုင်ႈ လႄႈၵေႃႉၼိုင်ႈယႃႉသႅတ်ႉၸႃႇၵၼ်။
၁၁ မဵဝ်းယုတ ၼၼ်ႉသႅတ်ႉၸႃႇလူႉလႄႈ မဵဝ်းဢိသရေႇလဢိၵ်ႇတင်းဝဵင်းယေႇရုသလႅမ်ႇ ၼၼ်ႉႁဵတ်းလွင်ႈတၢင်းဢၼ်လီႁင်ႈဢဵတ်ႇသဵတ်ႇယဝ်ႉ။မဵဝ်းယုတၼၼ်ႉၶျႃးတြႃးတၢင်းဢၼ်မူတ်းၸၢင်ႇ ဢၼ်ထႃႇဝရႃႉၽြႃးႁၵ်ႉၼၼ်ႉတူၵ်းတီႈ တႅမ်ႇလႄႈသွင်ႇမင်ႇၵလႃႇဢဝ်တင်းလုၵ်ႈယိင်း ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်းလူင်ပေႇ။
၁၂ ပဵၵ်ႉသမ်ႉၶဝ်ၶိုၼ်း ဢဝ် ၶိူင်ႈပုၵ်ႉၸေႃႇမႃးၸူးတီႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးသေၵေႃႈ ထႃႇဝရႃႉၽြႃးတၵ်းပႄႇတႅပ်းၶဝ်ပႅတ်ႈသေၵႃႈၼႂ်းမူဝ်းၵႃႇယႃႇၵုပ်ႉ ၼၼ်ႉဢေႃႈ။
၁၃ လၢႆးသမ်ႉလွင်ႈတၢင်းဢၼ်သူသမ်ႉႁဵတ်းထႅင်ႈၸမ်း သူဢွၼ်ၵၼ်ဢဝ်တၢင်းဢၼ်ၼမ်ႉတႃတူၵ်း၊ တၢင်းဢၼ်ႁႆႈႁွင်ႉပွင်ႉၶၢင်းၼၼ်ႉသေလႄႈ ႁူမ်ႇသုမ်ႇယိတ်ႉပလၢင်ႇထႃႇဝရႃႉၽြႃးယဝ်ႉ။ပိူဝ်ႈၼႆလႄႈမၼ်းၸဝ်ႈဢမ်ႇမၢတ်ႈၶိူင်ႈပုၵ်ႉၸေႃႇထႅင်ႈလႄႈ ဢမ်ႇမီးတၢင်းဢၼ် ထုၵ်ႇၸႂ်ၵျိူၵ်ႈၸႂ်ၶၢမ်ႇဢဝ်တီႈမိုဝ်းသူၼၼ်ႉ။
၁၄ ၵူၺ်းၵႃႈသူထၢမ်လႄႈဝႃႈ၊-ပဵၼ်ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼင်ႇၼႆဢေႃႈ။ပဵၼ်ၵွပ်ႈပိူဝ်ႈဢၼ်ထႃႇဝရႃႉၽြႃးပဵၼ်သၢၵ်ႈသေႇယူႇၵႄႈဝူင်ႈၵၢင်မႂ်းတင်းမေးမႂ်း ဢၼ်မႂ်းသွင်ႇမင်ႇၵလႃႇဢဝ်ၵၼ်တင်းမႂ်း ၼႂ်းမိူဝ်ႈဢၼ်မႂ်းယင်းလဵၵ်ႉယင်းၼုမ်ႇၼၼ်ႉလႄႈ ပိၵ်ႉသမ်ႉမၼ်းပဵၼ်ၵေႃႉသေႈမႂ်း၊ မေးမႂ်းဢၼ်ၸၢပ်ႈသႅင်ႇၵၼ်တင်းပတိၺိၼ်ႇဢၼ်မႂ်းႁဵတ်းဝႆႉၼၼ်ႉသေၵေႃႈ မႂ်းယင်းဢမ်ႇပႂ်ႉသႅတ်ႉၸႃႇလႄႈ ၽိတ်းပိူင်ႈၼၼ်ႉဢေႃႈ။
၁၅ မၼ်းၸဝ်ႈၽၢၼ်ႇသၢင်းႁဵတ်းပဵၼ်ၵေႃႉလဵဝ်ၵူၺ်းဢမ်ႇၸႂ်ႈႁိုဝ်။ၼႂ်းဝႃႈၼၼ်သေၵေႃႈတီႈမၼ်းၸဝ်ႈၼၼ်ႉ မီးဝိၺိၺ်ႇၸဝ်ႈဢၼ်ယင်းၵိုတ်းယင်းၵျၢၼ်ႇယူႇဢေႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၽၢၼ်ႇသၢင်းႁဵတ်းပဵၼ်ႈၵေႃႉလဵဝ်ၵူၺ်းၼင်ႇႁိုဝ် ဝႃႈၼႆၸမ်း မၼ်းၸဝ်ႈႁႃမဵဝ်းဢၼ်ထိူၵ်ႈတၢၼ်ႇၵၼ်တင်းၽြႃးပဵၼ်ၸဝ်ႈဢေႃႈ။ပိူဝ်ႈၼႆလႄႈဢွၼ်ၵၼ်ၶျုၵ်ႈလဵင်ႉၸႂ်သၽေႃးသူဝႆႉတႃႉ။ယႃႇပေဢွၼ်ၵၼ်ယႃႉသႅတ်ႉၸႃႇမေးဢၼ်သွင်ႇမင်ႇၵလႃႇ ဢဝ်ၵၼ်တင်းမႂ်းၼႂ်းမိူဝ်ႈဢၼ်မႂ်းယင်းလဵၵ်ႉယင်းၼုမ်ႇၼၼ်ႉသေလႄႈ ၽိတ်းပိူင်ႈ။
၁၆ ၵဝ်ၸင်းဢမူႉတၢင်းဢၼ်ပႅတ်ႈမေး၊ဝႃႈၼင်ႇၼႆထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ မီးဢမိင်ႉဢေႃႈ။ၵဝ်ၸင်းၵေႃႉဢၼ်ဢဝ်တင်းဢၼ်ႁဵတ်းဢႃႉထမ်ႇမႃႉႁူမ်ႇသုမ်ႇၶူဝ်းၼုင်ႈမၼ်းဝႆႉၼၼ်ႉဢေႃႈ ဝႃႈၼင်ႇၼႆလႄႈ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉ ဢေႃႈ။ပိူဝ်ႈၼႆလႄႈဢွၼ်ၵၼ်ၶျုၵ်ႈလဵင်ႉၸႂ်သၽေႃးသူဝႆႉတႃႉ။ယႃႇပေဢွၼ်ၵၼ်ယႃႉသႅတ်ႉၸႃႇ။
ဢမ်ႇၸွမ်းတြႃးတၢင်းဢၼ်သိုဝ်ႈတေႃႇလႄႈယႃႉပတိၺိၼ်ႇ
၁၇ သူၼႆႉဢွၼ်ၵၼ်သူပ်းၼမ်ၵႂၢမ်းၼမ်တေႃႇထိုင်ႁွတ်ႈထၼ်ႈပေႃးႁူထႃႇဝရႃႉၽြႃးၼၵ်းၼႃဢေႃႈ။ၵူၺ်းၵႃႈသူထၢမ်ႇလႄႈဝႃႈ၊- ႁဝ်းႁဵတ်းမႅၼ်ႈတေႃႇထိုင်ႁွတ်ႈထၼ်ႈပေႃးႁႂ်ႈႁူမၼ်းၸဝ်ႈၼၵ်းၼႃၸိူဝ်ႉၼင်ႇႁိုဝ်၊ ဝႃႈၼင်ႇၼႆဢေႃႈ။ပဵၼ်လွင်ႈတၢင်းဢၼ်သူၸၢင်ႊဢွၼ်ၵၼ်လၢတ်ႈလႄႈဝႃႈ၊-ၵႃႈပဵၼ်ၵေႃႉဢၼ်ႁဵတ်းတူႉၸရိူၵ်ႈၼၼ်ႉ ပဵၼ်ဢၼ်လီဢၼ်ငၢမ်းၵႃႈတီႈၽၢႆႇၼႃႈထႃႇဝရႃႉၽြႃးလႄႈ မၼ်းၸဝ်ႈထုၵ်ႇၸႂ်ၵျိူၵ်ႈၸႂ်ၵူၼ်းၸိူဝ်ႉၼင်ႇၼၼ်ယဝ်ႉ၊ ဝႃႈၼင်ႇၼႆလႄႈသမ်ႉလၢတ်ႈလႄႈ ဝႃႈၽြႃးပဵၼ်ၸဝ်ႈဢၼ်ၸႅတ်ႈထၢမ်ၸီႇယၢင်ႇၼၼ်ႉၸမ်းမီးၵႃႈ လႂ်၊ဝႃႈၼင်ႇၼႆၼၼ်ႉလူင်ပေႇ။