၁
ဢိသရေလဢမ်ႇယုမ်ႇတၢင်းႁၵ်ႉမႅတ်ႉတႃႇၽြႃးပဵၼ်ၸဝ်ႈ
၁ ၼုၵ်ႈၵပၢတ်ႈပျႃႇတိၵ်ႈဢၼ်ထႃႇဝရႃႉၽြႃးဢဝ်မႃႇလၶိ သေလႄႈပၼ်တီႈမဵဝ်းဢိသရေႇလၸမ်း၊-
၂ ထႃႇဝရႃႉၽြႃးမီးဢမိင်ႉလႄႈဝႃႈ၊-ၵဝ်ႁၵ်ႉသူယဝ်ႉ။ၵူၺ်းၵႃႈသူလၢတ်ႈလႄႈဝႃႈ ၸဝ်ႈႁဝ်းႁၵ်ႉၶႃႈၸဝ်ႈႁဝ်းၶဝ်ၸိူဝ်ႉၼင်ႇႁိုဝ်တီႈၶႃႈဝႃႈၼင်ႇၼႆဢေႃႈ။ဢေးသေႃး ၼၼ်ႉပဵၼ်ပီႈၸၢႆးယႃႇၵုပ်ႉဢမ်ႇၸႂ်ႈႁိုဝ်။
၃ ၼႂ်းဝႃႈၼၼ်သေၵေႃႈၵဝ်ႁၵ်ႉယႃႇၵုပ်ႉဢေႃႈ။ၵဝ်ၸင်းဢေးသေႃး လႄႈႁႂ်ႈလွႆတီႈယူႇမၼ်းၸိူဝ်းၼၼ်ႉပဵၼ်တီႈဢၼ်လူႉလႅဝ်ပႅတ်ႈယဝ်ႉ။ၵဝ်ဢဝ်လိၼ်တီႈဢၼ်မၼ်းၶၢမ်ႇဢမူၺ်ႇၼၼ်ႉ ဢၢပ်ႈပၼ်တီႈမႃႇလိၼ်ၵႃႈၼႂ်းထိူၼ်တင်းလၢႆယဝ်ႉ၊ ဝႃႈၼင်ႇၼႆလႄႈထႃႇဝရႃႉၽြႃးမီးဢမိင်ႉဢေႃႈ။
၄ ပိၵ်ႉသမ်ႉၵူၼ်းမဵဝ်းဢေႇတုမ်ႇတင်းလၢႆလၢတ်ႈလႄႈဝႃႈ၊-ႁဝ်းလႆႈလူႉလႅဝ်ယဝ်ႉ။ၵူၺ်းၵႃႈႁဝ်းသမ်ႉတၵ်းၶိုၼ်းတႄႇႁဵတ်း တီႈဢၼ်လူႉလႅဝ်ၸိူဝ်းၼၼ်ႉထႅင်ႈလူးၵွၼ်ႇဢေႃႈ၊ ဝႃႈၼင်ႇၼႆသေၵေႃႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉၸမ်း၊-ပိၵ်ႉသမ်ႉၶဝ်တႄႇႁဵတ်းသေၵေႃႈ ၵဝ်တၵ်းၵိူၼ်ႇယႃႉပႅတ်ႈဢေႃႈ။ၵူၼ်းတၵ်းဢွၼ်ၵၼ်ႁွင်ႉႁိၵ်ႈၶဝ်ၼၼ်ႉလႄႈဝႃႈ ၶွပ်ႇၼမ်ႉလႅၼ်လိၼ်မိူင်းတူႉၸရိူၵ်ႈ ဢိၵ်ႇတင်းမဵဝ်းၵူၼ်းဢၼ်ထႃႇဝရႃႉၽြႃး ၸႂ်မႆႈၶႆႈၸႃႉတေႃႇယူႇသေႇသေႇ၊ ဝႃႈၼင်ႇၼႆဢေႃႈ။
၅ မၢၵ်ႇတႃသူတၵ်းႁၼ်လွင်ႈတၢင်းၼၼ်ႉလႄႈသူတၵ်းလၢတ်ႈလႄႈဝႃႈ၊- ႁႂ်ႈထႃႇဝရႃႉၽြႃးမုၼ်ၽုင်းတၼ်းၶူဝ်း ယႂ်ႇၼႃႇၵႃႈၼွၵ်ႈၶွပ်ႇၼမ်ႉလိၼ်လႅၼ်မိူင်းဢိသရေႇလသေၵမ်းလူၺ်ႈ၊ ဝႃႈၼင်ႇၼႆဢေႃႈ။
ၽွၵ်ႈပတိၺိၼ်ႇၽြႃးပဵၼ်ၸဝ်ႈ
၆ လုၵ်ႈၸၢႆးၸၢင်ႊရူဝ်ႇသေႇၵူဝ်ယမ်ပေႃႈမၼ်းဢေႃႈ။ၶႃႈၸၢင်ႊၵူဝ်ႁႄၸဝ်ႈမၼ်းဢေႃႈ။ပေႃးၵဝ်ၼႆႉၸႂ်ႈပေႃႈၸိုင်ၽူႈ လႂ်ရူဝ်ႇသေႇၵူဝ်ယမ်ၵဝ်။ပေႃးၵဝ်ၼႆႉၸႂ်ႈၶႃႈၸိုင်ၽူႈ လႂ်ၵူဝ်ႁႄၵဝ်၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ထၢမ်တီႈသူဢၼ်ပဵၼ်ယိတ်ႉပရေႃးႁိၵ်ႈဢၼ်ႁဵတ်းဢမ်ႇပေႃးၼင်ႇႁိုဝ် တီႈၼႃႇမႃႉၸိုဝ်သဵင်ၸဝ်ႈၼၼ်ႉၸိူဝ်းၼႆႉဢေႃႈ။ၵူၺ်းၵႃႈသူထၢမ်လႄႈဝႃႈ၊-ၶႃႈၸဝ်ႈႁဝ်းၶဝ်ႁဵတ်းဢမ်ႇပေႃးၼင်ႇႁိုဝ်တီႈၼႃႇမႃႉၸိုဝ်သဵင်ၸဝ်ႈႁဝ်းၸိူဝ်ႉၼင်ႇႁိုဝ်ယဝ်ႉတီႈၶႃႈ၊ ဝႃႈ ၼင်ႇၼႆဢေႃႈ။
၇ သူဢွၼ်ၵၼ်ဢဝ်တၢင်းၵိၼ်ဢၼ်ၵူဝ်ႈၵိူၵ်ႇၼၼ်ႉ ပုၵ်ႉၸေႃႇၵႃႈၼိူဝ်ယိတ်ႉပလၢင်ႇၵဝ်ယဝ်ႉလူင်ပေႇ။သူထၢမ်လႄႈဝႃႈ၊-ၶႃႈၸဝ်ႈႁဝ်းၶဝ်ၶျႃးၸဝ်ႈႁဝ်းတူၵ်းတီႈတႅမ်ႇၸိူဝ်ႉၼင်ႇႁိုဝ်ယဝ်ႉတီႈၶႃႈ၊ဝႃႈၼင်ႇၼႆလႄႈ ၸၢင်ႊပဵၼ်ၵွပ်ႈပိူဝ်ႈဢၼ်သူဝႃႈၶူင်ႇတီႈၵိၼ်ထႃႇဝရႃႉၽြႃးၼၼ်ႉယုတ်ႈယွၵ်းဢေႃႈ၊ ဝႃႈၼင်ႇၼႆ ၼၼ်ႉယဝ်ႉ။
၈ ပေႃးသူဢဝ်တူဝ်ဢၼ်တႃမွတ်ႇၼၼ်ႉပုၵ်ႉၸေႃႇယိၸ်ႉၸိုင်မီးဢပျႅတ်ႈဢမ်ႇၸႂ်ႈႁိုဝ်။ပေႃးသူဢဝ်တူဝ်ဢၼ်တိၼ်ၵႅင်ႉဢိၵ်ႇတင်း တူဝ်ဢၼ်မီးတၢင်းၶႆႈတၢင်းပဵၼ်ၼၼ်ႉပုၵ်ႉၸေႃႇယိၸ်ႉၸိုင် မီးဢပျႅတ်ႈဢမ်ႇၸႂ်ႈႁိုဝ်။ဢဝ်သၢၵ်ႈၵၢပ်ႈပၼ်တီႈၶုၼ်မဵဝ်ႉဝူၼ်ႇမႂ်းသေၵမ်း။မၼ်းတၵ်းထုၵ်ႇၸႂ်ၵျိူၵ်ႈၸႂ်တီႈမႂ်းႁိုဝ်။တၵ်းထွၵ်ႈလူၺ်ႈၼႃႈမႂ်းႁိုဝ်၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ် ထႃႇဝရႃႉၽြႃးမီးဢမိင်ႉဢေႃႈ။
၉ မိူဝ်ႈလဵဝ်ၼႆႉသူဢွၼ်ၵၼ်သူးတွင်း ၵႃႈတီႈၽၢႆႇၼႃႈထႃႇဝရႃႉၽြႃး ႁႂ်ႈမၼ်းၸဝ်ႈမီးတၢင်းဢၼ်ဢိတ်းလူႁဝ်သေၵမ်း။လွင်ႈတၢင်းၼႆႉပဵၼ်မႃးၵွပ်ႈပိူဝ်ႈသူဢေႃႈ။မၼ်းၸဝ်ႈတၵ်းထွၵ်ႈလူၺ်ႈၼႃႈသူသေၵေႃႉသေၵူၼ်းႁိုဝ်၊ ဝႃႈၼင်ႇၼႆၸဝ်ႈ ပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၁၀ ၼႂ်းသူၼႆႉ ၽူႈ လႂ်တၵ်းဢိုတ်းၽၵ်းတူၵဝ်ၸိူဝ်းၼၼ်ႉႁႂ်ႈသူဢမ်ႇလႆႈသႂ်ႇၽႆးၵႃႈၼိူဝ် ယိတ်ႉပလၢင်ႇၵဝ်လၢႆလၢႆလွၵ်ႇလွၵ်ႇ။ၵဝ်ဢမ်ႇထုၵ်ႇၸႂ်ၵျိူၵ်ႈၸႂ်တီႈသူ။ၵဝ်ဢမ်ႇႁပ်ႉတုင်းဢဝ်ၶိူင်ႈပုၵ်ႉၸေႃႇၵႃႈတီႈမိုဝ်းသူၼၼ်ႉ၊ ဝႃႈၼင်ႇၼႆ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၁၁ ၼႃႇမႃႉၸိုဝ်သဵင်ၵဝ် တၵ်းလႆႈယႂ်ႇမျၢတ်ႈၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ ဢဝ်ၵႃႈတီႈၸႃႉၸဵမ်တီႈဢၼ်ၵၢင်ဝၼ်းဢွၵ်ႇတေႃႇထိုင်ႁွတ်ႈ တီႈဢၼ်ၵၢင်ဝၼ်းတူၵ်းၼၼ်ႉဢေႃႈ။တၵ်းလႆႈမီးတၢင်းဢၼ်ဢဝ်ၼၢမ်ႇသႃႇတုတ်ႇၽႆးတီႈၼႃႇမႃႉၸိုဝ်သဵင်ၵဝ်ဢိၵ်ႇတင်း တၢင်းဢၼ်သၢၵ်ႈၵၢပ်ႈၶိူင်ႈပုၵ်ႉၸေႃႇဢၼ်မူတ်းၸၢင်ႇၼၼ်ႉၵူႈတီႈၵူႈလႅၼ်ဢေႃႈ။ၼႃႇမႃႉၸိုဝ်သဵင်ၵဝ် တၵ်းလႆႈယႂ်ႇမျၢတ်ႈၼႃႇၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ၊ ဝႃႈၼင်ႇၼႆၸဝ်ႈပူဝ်ႇ ပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၁၂ ၵူၺ်းၵႃႈၵွပ်ႈပိူဝ်ႈဢၼ်သူလၢတ်ႈလႄႈဝႃႈ ၶူင်ႇတီႈၵိၼ်ထႃႇဝရႃႉၽြႃးၼၼ်ႉပဵၼ်ဢၼ်ၵူဝ်ႈၵိူၵ်ႇလႄႈမၢၵ်ႇမၼ်းႁူင်းမၼ်းဢၼ်ဝႃႈ တၢင်းၵိၼ်မၼ်းၸဝ်ႈၼၼ်ႉ ယုတ်ႈယွၵ်းဢေႃႈ၊ ဝႃႈၼင်ႇၼႆၼၼ်ႉလႄႈသူၶျႃးၶူင်ႇတီႈၵိၼ်မၼ်းၸဝ်ႈတူၵ်းတီႈတႅမ်ႇယဝ်ႉ။
၁၃ လၢႆးသမ်ႉသူလၢတ်ႈလႄႈဝႃႈ လွင်ႈတၢင်းၼႆႉပဵၼ်ဢၼ်ယၢပ်ႇၸႂ်ၽိုတ်ႇၸႂ်ၼႃႇလူင်လၢင်လူင်ပေႇ၊ ဝႃႈၼင်ႇၼႆသေလႄႈ ၸင်ႇဢွၼ်ၵၼ် ႁဵတ်းသဵင်ဢၼ်ပၢဝ်ႇသူပ်းႁဵတ်းပျၢၵ်ႈဢေႃႈ၊ ဝႃႈၼင်ႇၼႆၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။သူဢွၼ်ၵၼ်ဢဝ်တူဝ်ဢၼ်ႁိမ်ဢဝ်ႁူင်ႇဢဝ်၊ တူဝ်ႈဢၼ်တိၼ်ၵႅင်ႉ၊တူဝ်ဢၼ်မီးတၢင်းၶႆႈတၢင်းပဵၼ်ၼၼ်ႉမႃးယဝ်ႉ။သူဢွၼ်ၵၼ်ဢဝ်ၶိူင်ႈပုၵ်ႉၸေႃႇ ဢၼ်ၸိူဝ်ႉၼင်ႇၼၼ်ၼၼ်ႉမႃးယဝ်ႉလူင်ပေႇ။ၵဝ်တၵ်းလႆႈၶၢမ်ႇဢဝ်ၵႃႈတီႈမိုဝ်းသူႁိုဝ်၊ ဝႃႈၼင်ႇၼႆထႃႇဝရႃႉၽြႃးထၢမ်ဢေႃႈ။
၁၄ ႁႂ်ႈၵေႃႉဢၼ်ပႅတ်ႉလႅၼ်လႄႈ မီးသူဝ်းပေႃႈၵႃႈၼႂ်းၽုင်သူဝ်းမၼ်းယူႇသေၵေႃႈဝႆႉၵတိသႅတ်ႉၸႃႇသေလႄႈ ဢဝ်တူဝ်ဢၼ်ဢင်ႇၵႃႇလူႉၼၼ်ႉ ပုၵ်ႉၸေႃႇယိၸ်ႉတီႈထႃႇဝရႃႉၽြႃးၼၼ်ႉမီးဢႃႉမင်ႇၵလႃႇသေၵမ်းလူၺ်ႈ။ၵဝ်ၼႆႉပဵၼ်ၶုၼ်ႁေႃၶမ်းဢၼ်ယႂ်ႇမျၢတ်ႈၼႃႇဢေႃႈ။ၼႃႇမႃႉၸိုဝ်သဵင်ၵဝ်ၼႆႉပဵၼ်တီႈဢၼ်လီၵူဝ်လီႁႄ ၵႃႈၼႂ်းၵူၼ်းၵူႈၸိူဝ်ႉၵူႈမဵဝ်းဢေႃႈ။