၇
ဢႃႉမင်ႇၵလႃႇဢိသရေလ
၁ ၵဝ်မီးဢႃႉမင်ႇၵလႃႇဢေႃႈ။ၵဝ်ပဵၼ်မိူၼ်ၸိူဝ်ႉၼင်ႇမၢၵ်ႇလိူဝ်ႇသၢင်းၽေႃး ဢၼ်ပိတ်းဢဝ်ၼႂ်းၶိင်ႇမိူဝ်ႈဢၼ်မႆႈဢၼ်ႁွၼ်ႉၼၼ်ႉဢိၵ်ႇတင်း ၸိူဝ်ႉၼင်ႇမၢၵ်ႇၸပိတ်ႈဢၼ်ၵိုတ်းဢၼ်ၵျၢၼ်ႇဢၼ်ၸွမ်းၵဵပ်းဢဝ်ၼၼ်ႉဢေႃႈ။ဢမ်ႇမီးပုၵ်ႉမၢၵ်ႇၸပိတ်ႈဢၼ်လီၵိၼ်လီၶူပ်း။ဢမ်ႇမီးမၢၵ်ႇလိူဝ်ႇသၢင်းၽေႃး ဢၼ်သုၵ်းဢွၼ်တၢင်း ဢၼ်ၸႂ်ၵဝ်တုၵ်းဢၢင်ႈယူႇၼၼ်ႉ။
၂ ၵူၼ်းဢၼ်လီဢၼ်ငၢမ်းၼၼ်ႉလပ်ႉႁၢႆၵႂႃႇသေ ၵႃႈၼိူဝ်လိၼ်မိူင်းယဝ်ႉယဝ်ႉ။ၼႂ်းၵူၼ်းတင်းလၢႆ ဢမ်ႇမီးၵေႃႉဢၼ်သိုဝ်ႈတေႃႇသေၵေႃႉသေၵူၼ်း။ၶဝ်တင်းသဵင်ႈတင်းလူင်ၸၢင်ႈဢွၼ်ၵၼ်လွမ်ပႂ်ႉယူႇႁႂ်ႈလႆႈထွၵ်ႇလိူတ်ႈၵူၼ်းပႅတ်ႈဢေႃႈ။ၶဝ်ၼင်ႇၵၼ်ၼၵၼ်ၵေႃႉၼိုင်ႈလႄႈ ၵေႃႉၼိုင်ႈၸၢင်ႊဢဝ်တူင်ႇ ႁဵဝ်ႉတူင်ႇၶိုမ်းၵၢင်ဢဝ်တီႉဢဝ်ဢေႃႈ။
၃ မိုဝ်းၶဝ်ၼၼ်ႉမႄးႁႅၼ်းဝႆႉႁႂ်ႈလႆႈၵျူဝ်းၸႃးႁဵတ်းတူႉၸရိူၵ်ႈယဝ်ႉ။ၵေႃႉဢၼ်ပဵၼ်ၶုၼ်ၸၢင်ႊယွၼ်းဢဝ်လၢၵ်ႈသွင်ႇလႄႈ ၵူၼ်းလူင်ဢၼ်ၸီႇယၢင်ႇတြႃး ၸၢင်ႊၵိၼ်သူးၵိၼ်လၢပ်ႈဢေႃႈ။ၵေႃႉဢၼ်ပဵၼ်ၵူၼ်းယႂ်ႇၵူၼ်းလူင်ၼၼ်ႉ ၸၢင်ႊႁႂ်ႈလေႃး ၽႃႉႁူဝ်ၸႂ်မၼ်းလႆႈထၢင်ႇသႃးဢေႃႈ။
၄ ၼင်ႇၼၼ်လႄႈၶဝ်ၸင်ႇၽွမ်ႉၵၼ်ႁဵတ်းႁႂ်ႈဢမူႉ ပဵၼ်ဢၼ်ယုင်ႈဢၼ်ယွင်ႈဢေႃႈ။ၵေႃႉဢၼ်လီၼႃႇသေပိူၼ်ႈၼၼ်ႉပဵၼ်ၸိူဝ်ႉၼင်ႇတူၼ်ႈၼၢမ်လႄႈ ၵေႃႉဢၼ်သိုဝ်ႈတေႃႇၼႃႇသေပိူၼ်ႈၼၼ်ႉပဵၼ်ဢၼ်ယၢပ်ႇဢၼ်ယဵၼ်းလိူဝ်တွၼ်းၼႃႇသေႁူဝ်ႉၼၢမ်ဢေႃႈ။မိူဝ်ႉဝၼ်းဢၼ်ၵူၼ်းပႂ်ႉၵၢင်မႂ်းၸိူဝ်းၼၼ်ႉပၼ်သတိ၊ မိူဝ်ႉဝၼ်းဢၼ်လႆႈၶၢမ်ႇတၢင်းဢၼ်ၸႅတ်ႈထၢမ်ၼၼ်ႉႁွတ်ႈမႃးယဝ်ႉ။ပဵၼ်ၶိင်ႇမိူဝ်ႉဝၼ်း ဢၼ်မႂ်းမီးတၢင်းဢၼ်ယုင်ႈၸႂ်ၵႂင်ၸႂ်ဢေႃႈ။
၅ ယႃႇပယေုမ်ႇၵေႃႉဢၼ်ပဵၼ်ၵေႃႉပဵၼ်သေႈၼၼ်ႉ။ယႃႇပေႁဵတ်းတၢင်းဢၼ်ၼႄပျႃးသဵၼ်ႈတၢင်းၼၼ်ႉ။ယင်းဢမ်ႇယုမ်ႇမေးဢၼ်ၼွၼ်းၵႃႈၼႂ်းဝၢင်ႁူဝ်ဢူၵ်းမႂ်း လႄႈဢိုတ်းႁပ်းၽၵ်းတူသူပ်းမႂ်းဝႆႉတႃႉ။
၆ လွင်ႈမၼ်းၸမ်း လုၵ်ႈၸၢႆးတၵ်းယႃႉသရေႇပေႃႈမၼ်းလႄႈလုၵ်ႈယိင်းတၵ်းလုၵ်ႉယူႇၽၢႆႇၼိုင်ႈတင်းမေႈမၼ်း၊ လုၵ်ႈပႂ်ႉတၵ်းလုၵ်ႉယူႇၽၢႆႇၼိုင်ႈတင်းမေႈၸဝ်ႈမၼ်းဢေႃႈ။ရၢၼ်ႇသူႇတူဝ်ၸဝ်ႈၵဝ်ႇ တၵ်းပဵၼ်ၵူၼ်းႁိူၼ်းၵူၼ်း ယေးတူဝ်ၸဝ်ႈၵဝ်ႇဢေႃႈ။
၇ ၵဝ်ၸမ်း၊တၵ်းမုင်ႈမွင်းထႃႇဝရႃႉၽြႃးယူႇလႄႈ သွၼ်ႈပိုင်ႈၽြႃးပဵၼ်ၸဝ်ႈဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉဢေႃႈ။ၽြႃးပဵၼ်ၸဝ်ႈၵဝ်တၵ်းထွမ်ႇဢဝ်ၵႂၢမ်းၵဝ်ဢေႃႈ။
ဢိသရေႇလတေၶိုၼ်းလုၵ်ႉ
၈ ရၢၼ်ႇသူႇၵဝ်ဢိူၺ်း၊ ယႃႇပေမီးတၢင်းဢၼ်ဢုပ်ႇဢၢတ်ႇၸူမ်းသိူဝ်းယူႇၵႃႈၼိူဝ်ၵဝ်။ပိၵ်ႉသမ်ႉၵဝ်လူမ်ႉသေၵေႃႈၵဝ်တၵ်းၶိုၼ်းလုၵ်ႉဢေႃႈ။ပိၵ်ႉသမ်ႉၵဝ်လႆႈၼင်ႈယူႇၵႃႈၼႂ်းလပ်းသိင်ႇသေၵေႃႈ ထႃႇဝရႃႉၽြႃးတၵ်းပဵၼ် ဢၼ်လႅင်းၵဝ်ဢေႃႈ။
၉ ၵဝ်တၵ်းၶၢမ်ႇတၢင်းၸႂ်မႆႈၶႆႈၸႃႉထႃႇဝရႃႉၽြႃး ၵွပ်ႈပိူဝ်ႈဢၼ်ၵဝ်ၽိတ်းပိူင်ႈမၼ်းၸဝ်ႈၼၼ်ႉယူႇတေႃႇထိုင်ႁွတ်ႈ မၼ်းၸဝ်ႈၸႅတ်ႈတူၺ်းဢမူႉၵဝ်လႄႈတႅပ်းတတ်းတြႃးၵဝ်ၼၼ်ႉဢေႃႈ။မၼ်းၸဝ်ႈတၵ်းဢဝ်ၵဝ်ဢွၵ်ႇၸူးဢၼ်လႅင်းလႄႈ ၵဝ်တၵ်း လႆႈႁၼ်ပႃႇရမီႇ တၢင်းဢၼ်သိုဝ်ႈတေႃႇမၼ်းၸဝ်ႈဢေႃႈ။
၁၀ မိူဝ်ႈၼၼ်ႉရၢၼ်ႇသူႇၵဝ်ဢၼ်ထၢမ်တီႈၵဝ်လႄႈဝႃႈ၊-ထႃႇဝရႃႉၽြႃးၽြႃးပဵၼ်ၸဝ်ႈမႂ်းၸမ်း၊ မီးၵႃႈ လႂ်ဝႃႈၼင်ႇၼႆၼၼ်ႉ တၵ်းႁၼ်လွင်ႈတၢင်းၼၼ်ႉလႄႈတၢင်းဢၼ်ဢူၵ်းဢၼ်ဢၢႆတၵ်းႁူမ်ႇသုမ်ႇမၼ်းဝႆႉဢေႃႈ။မၢၵ်ႇတႃၵဝ်တၵ်းႁၼ်မၼ်းလႄႈမၼ်းၸဝ်ႈလႆႈၶၢမ်ႇတၢင်းဢၼ်ယဵပ်ႇဢၼ်ယမ်ႈ မိူၼ်ၸိူဝ်ႉၼင်ႇ ၵူမ်ႇၵႃႈၼႂ်းသဵၼ်ႈတၢင်းၼၼ်ႉဢေႃႈ။
၁၁ ၶိင်ႇမိူဝ်ႉဝၼ်းဢၼ်တႄႇႁဵတ်းလမ်းဝဵင်းမႂ်းၼၼ်ႉတၵ်းႁွတ်ႈမႃးဢေႃႈ။ၼႂ်းၶိင်ႇမိူဝ်ႉဝၼ်းၼၼ်ႉဢၢႆႁႅင်းဢမိင်ႉၸဝ်ႈတၵ်း သဵင်ႈဢေႃႈ။
၁၂ ၼႂ်းၶိင်ႇမိူဝ်ႉဝၼ်းၼၼ်ႉၶဝ်တၵ်းဢွၼ်ၵၼ်လုၵ်ႉသေၵႃႈတီႈၸႃႉၸဵမ်မိူင်းဢႃႇသုရိ တေႃႇထိုင်ႁွတ်ႈမိူင်းဢေႇၵႅပ်ႉတုဢိၵ်ႇတင်း ၵႃႈတီႈၸႃႉၸဵမ်မိူင်းဢေႇၵႅပ်ႉတု တေႃႇထိုင်ႁွတ်ႈၼမ်ႉႁွင်ႊလူင်တင်းၵႃႈတီႈၸႃႉၸဵမ်ပၢင်ႇလၢႆႇၼိုင်ႈ တေႃႇထိုင်ႁွတ်ႈပၢင်ႇလၢႆႇၼိုင်ႈတင်းၵႃႈတီႈၸႃႉၸဵမ်လွႆလူင်ၼိုင်ႈ တေႃႇထိုင်ႁွတ်ႈလွႆလူင် ၼိုင်ႈလႄႈမႃးၸူးၵႃႈတီႈမႂ်းဢေႃႈ။
၁၃ ၸူဝ်ဢၼ်ဢမ်ႇပႆႇပဵၼ်ၸိူဝ်ႉၼင်ႇၼၼ်ႉၸိုင် ၵွပ်ႈပိူဝ်ႈတူႉၸရိူၵ်ႈဢပျႅတ်ႈဢၼ်ၵူၼ်းဝၢၼ်ႈၵူၼ်းမိူင်းႁဵတ်းၸိူဝ်းၼၼ်ႉလႄႈ မိူင်းၸဝ်ႈၼၼ််ႉ တၵ်းလႆႈမီးတၢင်းဢၼ်သိတ်ႇၵူၼ်းယဵၼ်ၵူၼ်းယူႇဢေႃႈ။
တၢင်းသူးတွင်းလႄႈတၢင်းယွင်ႈယေႃး
၁၄ ၶႅၼ်းတေႃႈ ဢဝ်ၶွၼ်ႉၵွမ်ႈၶွၼ်ႉႁေႃႈၸဝ်ႈႁဝ်းဢၼ်လဵင်ႉထိင်းသူဝ်းၼၼ်ႉ လဵင်ႉထိင်းၽုင်သူဝ်းဢမူၺ်ႇၸဝ်ႈႁဝ်းဢၼ်ယင်းဢမ်ႇမီးဢၼ်ႁူမ်ႈဢၼ်ပွင်းလႄႈ လႆႈယူႇၼႂ်းထိူၼ်ႇၼႂ်းၶိူဝ်းၵႃႈၼိူဝ်လွႆၵရမေႇလႃ ဢၼ်ဝႃႈၵူၼ်းၸဝ်ႈႁဝ်းတင်းလၢႆၼၼ်ႉသေၵမ်းတီႈၶႃႈ။ၶႅၼ်းတေႃႈပၼ်ဢၶႂၢင်ႉ ဢၼ်ၶဝ်လႆႈၵိၼ်ယူႇၵႃႈၼႂ်းမိူင်းပႃႇသၼ်ႇတင်းမိူင်းၵိလတ်ႉ မိူၼ်ၸိူဝ်ႉၼင်ႇမိူဝ်ႈၵွၼ်ႇ ဢွၼ်ၼႆႉၼၼ်ႉသေၵမ်းတီႈၶႃႈ။
၁၅ ၸွမ်းၵႃႈၼင်ႇဢၼ်ပဵၼ်ၼႂ်းမိူဝ်ႉဝၼ်းဢၼ်မႂ်းဢွၵ်ႇသေ ၵႃႈၼႂ်းမိူင်းဢေႇၵႅပ်ႉတုမႃးၼၼ်ႉလႄႈ ၵဝ်တၵ်းၼႄပျႃးလွင်ႈတၢင်းဢၼ် လီဢၢမ်းၼႃႇတင်းလၢႆတီႈၶဝ်ဢေႃႈ။
၁၆ ၵူၼ်းၵူႈၸိူဝ်ႉၵူႈမဵဝ်းတၵ်းႁၼ်လႄႈ ၵႂင်ၸႂ်ယုင်ႈၸႂ်ၵွပ်ႈပိူဝ်ႈတၼ်းၶူဝ်းၵႃႈဢၼ်မီးတီႈၶဝ်ၼၼ်ႉလႄႈ ဢဝ်မိုဝ်းၶဝ်တူမ်းသူပ်း ၶဝ်ယူႇသေလႄႈႁူၼူၵ်ႇယူႇဢေႃႈ။
၁၇ ၶဝ်ၼၼ်ႉတၵ်းလႄႇၵိၼ်လိၼ်မိူၼ်ၸိူဝ်ႉၼင်ႇငူးလႄႈ သၼ်ႇသၼ်ႇသၢႆသၢႆယူႇသေလႄႈဢွၵ်ႇသေၵႃႈၼႂ်းလုၵ်းၼႂ်းၶုမ်ၶဝ်မႃးမိူၼ်ၸိူဝ်ႉၼင်ႇတိူၵ်ႇလိူၼ်ဢေႃႈ။ၶဝ်တၵ်းဢွၼ်ၵၼ်ရူဝ်ႇသေႇၵူဝ်ယမ်ထႃႇဝရႃႉၽြႃး ၽြႃးပဵၼ်ၸဝ်ႈႁဝ်းလႄႈတူၵ်းၸႂ်ၵူဝ်ႁႄၵွပ်ႈပိူဝ်ႈမႂ်းဢေႃႈ။
၁၈ ၽြႃးဢၼ်မိူၼ်ၸိူဝ်ႉၼင်ႇၸဝ်ႈႁဝ်းဢၼ်ၸၢင်ႈပွႆႇလွတ်ႈဢပျႅတ်ႈ၊ ဢၼ်ယိူၼ်ႉၶၢမ်ႇတၢင်းဢၼ်ၵူၼ်းဢမူၺ်ႇမၼ်းၸဝ်ႈ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉ ၽိတ်းပိူင်ႈပူၼ်ႉလိူဝ်၊ဢၼ်ဢမ်ႇၸၢင်ႊ မီးတၢင်းၸႂ်မႆႈၶႆႈၸႃႉယူႇသေႇသေႇ ၵွပ်ႈပိူဝ်ႈဢၼ်မူၼ်ႈပျေႃႇယူႇၵႃႈၼႂ်းၵရူႉၼႃႇၼၼ်ႉ ၼႆႉယင်းမီးၽြႃးသူႇ လႂ်ပႃးလႂ်လူးၵွၼ်ႇတီႈၶႃႈ။
၁၉ မၼ်းၸဝ်ႈတၵ်းသမ်ႉဝၢႆႇၶိုၼ်းသေလႄႈ ဢိတ်းလူႁဝ်းလႄႈ ယဵပ်ႇယမ်ႈတူႉၸရိူၵ်ႈႁဝ်းၵႃႈမီးၼၼ်ႉပႅတ်ႈတႂ်ႈတိၼ်မၼ်းၸဝ်ႈဢေႃႈ။ၸဝ်ႈႁဝ်းတၵ်းဢဝ်ဢပျႅတ်ႈၶဝ် ၵူႈၸိူဝ်ႉၵူႈပိူင်ၼၼ်ႉၶျႃးတူၵ်းပႅတ်ႈၵႃႈၼႂ်းပၢင်ႇလၢႆႇ ဢၼ်လိုၵ်ႉဢၼ်လမ်ႇၼၼ်ႉ တီႈၶႃႈဢေႃႈ။
၂၀ ၸဝ်ႈႁဝ်းတၵ်းၸီႇယၢင်ႇတၢင်းဢၼ်ပႂ်ႉသႅတ်ႉၸႃႇတီႈယႃႇၵုပ်ႉ၊ တၢင်းဢၼ်ႁဵတ်းၵျေးၸူးတီႈဢႃႇပႁမ်ႇ ၸွမ်းၵႃႈၼင်ႇဢၼ်ၸဝ်ႈႁဝ်းတိူင်ႇဝႃႈဝႆႉတီႈပူႇမွၼ်ႇၶႃႈၸဝ်ႈႁဝ်းၶဝ် ၸႃႉၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉၼၼ်ႉဢေႃႈ။