၁
တၢင်းဢၼ်ၸီႇယၢင်ႇမိူင်းသမႃႇရိတင်းဝဵင်းယေႇရုသလႅမ်ႇ
၁ ပျႃႇတိၵ်ႈထႃႇဝရႃႉႉၽြႃး ဢၼ်ႁွတ်ႈမႃးတီႈမိၶႃႇၵူၼ်းဝၢၼ်ႈမေႃႇရသ ၼႂ်းၸူဝ်ႈပၢၼ်ၶုၼ်လူင်ယုဝ်ႇထမ်ႇ၊ၶုၼ်လူင်ဢႃႇၶတ်ႉ၊ ၶုၼ်လူင်ႁေႇၸၵိ ၶုၼ်ႁေႃၶမ်းယုတ ၸိူဝ်းၼၼ်ႉလႄႈ မၼ်းႁၼ်လူၺ်ႈလွင်ႈဝဵင်းသမႃႇရိ ဢိၵ်ႇတင်းဝဵင်းယေႇရုသလႅမ်ႇ ၼၼ်ႉၸမ်း၊-
၂ မဵဝ်းၵူၼ်းတင်းလၢႆၶဝ်ဢိူၺ်း။ဢွၼ်ၵၼ်ငိၼ်းတႃႉ။လိၼ်မိူင်းဢိၵ်ႇတင်းၵႃႈဢၼ်မီးၵႃႈၼႂ်းမၼ်းၶဝ်ဢိူၺ်း။ဢွၼ်ၵၼ်ထွမ်ႇတႃႉ။ႁႂ်ႈထႃႇဝရႃႉႉၽြႃးဢၼ်ဝႃႈၸဝ်ႈၽြႃးၼၼ်ႉ ယူႇၵႃႈၼႂ်းပိၵ်ႉမၢၼ်ႇဢၼ်မူတ်းၸၢင်ႇမၼ်းၸဝ်ႈသေလႄႈ ၶၢမ်ႇသၢၵ်ႈသေႇယူႇၽၢႆႇ ၼိုင်ႈတင်းသူသေၵမ်းလူၺ်ႈ။
၃ တူၺ်းလူ။ထႃႇဝရႃႉႉၽြႃးတၵ်းဢွၵ်ႇသေ ၵႃႈၼႂ်းထႃႇၼႃႉတီႈဢၼ်မၼ်းၸဝ်ႈၵိင်းဝပ်ႈယူႇၼၼ်ႉ လူင်းမႃးလႄႈယဵပ်ႇယမ်ႈသႂ်ႇၵႃႈတီႈ ဢၼ်သုင်လိၼ်မိူင်းတင်းလၢႆဢေႃႈ။
၄ လွႆတင်းလၢႆၸိုမ်းပဵၼ်ၼမ်ႉၵႂႃႇၵႃႈတီႈတႂ်ႈမၼ်းၸဝ်ႈလႄႈ ၶူင်ႁူၺ်ႈတင်းလၢႆတၵ်းတႅၵ်ႇဢႃႈၵႂႃႇ မိူၼ်ၸိူဝ်ႉၼင်ႇၶီႈၽိုင်ႈၵႃႈတီႈၽၢႆႇၼႃႈၽႆးဢိၵ်ႇတင်း ၸိူဝ်ႉၼင်ႇၼမ်ႉဢၼ်တူၵ်းလူင်းသေ ၵႃႈတီႈၽႃလၼ်းၽႃၸၼ်းၼၼ်ႉဢေႃႈ။
၅ လွင်ႈတၢင်းၵႃႈမီးၼႆႉ ႁွတ်ႈထိုင်ၵွပ်ႈပိူဝ်ႈတၢင်းဢၼ်ယႃႇၵုပ်ႉပူၼ်ႉလိူဝ်ဢိၵ်ႇတင်းတၢင်းဢၼ်မဵဝ်း ဢိသရေႇလၽိတ်းပိူင်ႈၼၼ်ႉဢေႃႈ။တၢင်းဢၼ်ယႃႇၵုပ်ႉ ပူၼ်ႉလိူဝ်ၸမ်းပဵၼ်ၵႃႈသင်။ပဵၼ်ဝဵင်းသမႃႇရိဢမ်ႇၸႂ်ႈႁိုဝ်။ထႃႇၼႃႉတီႈသုင်တင်းလၢႆၸမ်းပဵၼ်ၵႃႈသင်။ပဵၼ်ဝဵင်း ယေႇရုသလႅမ်ႇ ဢမ်ႇၸႂ်ႈႁိုဝ်။
၆ ပိူဝ်ႈၼႆလႄႈၵဝ်တၵ်းႁႂ်ႈဝဵင်းသမႃႇရိ ပဵၼ်ၸိူဝ်ႉၼင်ႇၵွင်ၽုၼ်ႇၵွင်လိၼ်ၵႃႈၼႂ်းပၢင်ႇတူင်ႈၼႃးဢိၵ်ႇတင်း ၸိူဝ်ႉၼင်ႇတီႈဢၼ်ၽုၵ်ႇသူၼ်ဢူးယဵၼ်ႇၸပိတ်ႈၼၼ်ႉဢေႃႈ။ၵဝ်တၵ်းဢဝ်မၢၵ်ႇႁိၼ်လမ်းဝဵင်းၸိူဝ်းၼၼ်ႉထွၵ်ႇပႅတ်ႈ ၵႃႈၼႂ်းၶူင်ႈ ႁူၺ်ႈလႄႈၽုၺ်ႇပိုတ်ႇႁၢၵ်ႈလမ်းဝဵင်းဢေႃႈ။
၇ ရုၵ်ႉထူႉသၢင်းထူႉမၼ်းၵႃႈမီး တၵ်းလႆႈၶၢမ်ႇတၢင်းဢၼ်ႁၵ်းႁိၵ်းပႅတ်ႈလႄႈ ၵႃႈဢၼ်မၼ်းလႆႈၵႃႈမီးၼၼ်ႉတၵ်းလႆႈၶၢမ်ႇတၢင်းဢၼ်ဢဝ်တုတ်ႇၽႆးဢေႃႈ။ၵဝ်တၵ်းပႄႇၽဵဝ်ႈၽြႃးမၼ်း ဢၼ်ဢမ်ႇၸိုဝ်ႈဢမ်ႇၸႂ်ႈၵႃႈမီးၼၼ်ႉပႅတ်ႈဢေႃႈ။ၵွပ်ႈပိူဝ်ႈၵႃႈၶၼ်တၢင်းဢၼ်မၼ်းႁဵတ်းမေႈမွၵ်ႇယႃႈၼၼ်ႉလႄႈမၼ်းဢဝ်ဢုၵ်ႉၸႃႇၼၼ်ႉၸူႉႁွမ်သိမ်းပႅင်းဝႆႉလႄႈဢုၵ်ႉၸႃႇၼၼ်ႉ တၵ်းသမ်ႉၶိုၼ်းႁွတ်ႈထိုင်ၵႃႈၼႂ်းၵႃႈၶၼ်မေႈမွၵ်ႇယႃႈဢေႃႈ။
တၢင်းဢၼ်ႁႆႈႁွင်ႉပွင်ႉၶင်း
၈ ၵွပ်ႈပိူဝ်ႈလွင်ႈတၢင်းၼၼ်ႉလႄႈ ၵဝ်တၵ်းႁွင်ႉႁႆႈလႄႈပွင်ႉၶၢင်းဢေႃႈ။ၵဝ်တၵ်းထွတ်ႇၶူဝ်းၼုင်ႈၵဝ်သေလႄႈၵႂႃႇမႃးယူႇတူဝ်ပူၺ်ဢေႃႈ။ၵဝ်တၵ်းႁွတ်ႈမိူၼ်ၸိူဝ်ႉၼင်ႇမႃလိၼ်လႄႈ ဢိုတ်ႇႁွင်ႉၸိူဝ်ႉၼင်ႇၼူၵ်ႉၵဝ်ႉသေလႄႈၵႂႃႇမႃးယူႇတူဝ်ပူၺ်ဢေႃႈ။ၵဝ်တၵ်းႁွၼ်မိူၼ်ၸိူဝ်ႉၼင်ႇမႃလိၼ်လႄႈ ဢိုတ်ႇႁွင်ႉၸိူဝ်ႉၼင် ၼူၵ်ႉၵလႃႈဢုၵ်ႉ ၼၼ်ႉဢေႃႈ။
၉ တၢင်းၸဵပ်းတၢင်းသႅပ်ႇတၢမ်ႇဢၼ်မၼ်းလႆႈၶၢမ်ႇၼၼ်ႉဢမ်ႇႁၢႆလႆႈ။တၢမ်ႇၼၼ်ႉၶၢမ်ႇၵႂႃႇတေႃႇထိုင်ႁွတ်ႈမိူင်းယုတဢေႃႈ။ရၢၼ်ႇသူႇႁွတ်ႈထိုင်ၵႃႈတီႈၽၵ်းတူတီႈယူၵူၼ်းၵဝ်တင်းလၢႆဢၼ်ဝႃႈ ဝဵင်းယေႇရု သလႅမ်ႇၼၼ်ႉယဝ်ႉ။
၁၀ ယႃႇပေဢွၼ်ၵၼ်ဢဝ်လွင်ႈမၼ်းမွၵ်ႇလၢတ်ႈတီႈဝဵင်းၵႃႇသ။ယႃႇပေဢွၼ်ၵၼ်ႁႆႈႁွင်ႉလႃးလႃး။ၵဝ်ဢဝ်တူဝ်ၵဝ်ၵိင်ႈၵိူၵ်ႇယူႇၵႃႈၼႂ်းမုၼ်ႈလိၼ်ၵႃႈတီႈဝဵင်းပေႇသေႃႇၽရႃႇဢေႃႈ။လုၵ်ႈယိင်း ဝဵင်းသၽိရဢိူၺ်း။
၁၁ မီးတၢင်းဢၼ်ယူႇတူဝ်ပူၺ်၊တၢင်းဢၼ်ဢူၵ်းဢၢႆသေလႄႈၵႂႃႇတႃႉ။လုၵ်ႈယိင်းဝဵင်းၸႃႇၼၼ်ႇၼၼ်ႉဢမ်ႇလႆႈဢွၵ်ႇၵႂႃႇ။တၢင်းဢၼ်ႁွင်ႉႁႆႈပွင်ႉၶၢင်းဝဵင်းပေႇသၸေႇလ ၼၼ်ႉတၵ်းၼုၵ်ႈသိမ်းဢဝ်ဢၶႂၢင်ႉဢၼ်သူလႆႈသွၼ်ႈပိုင်ႈယူႇၼၼ်ႉဢေႃႈ။
၁၂ လုၵ်ႈယိင်းဝဵင်းမႃႇရုတ်ႉ ၵေႃႈတုၵ်းဢၢင်ႈမုင်ႈမွင်းလွင်ႈတၢင်းဢၼ်လီဢၼ်ငၢမ်းယူႇဢေႃႈ။လွင်ႈမၼ်းၸမ်းၽေးတၢမ်ႇလုၵ်ႉသေၵႃႈတီႈထႃႇဝရႃႉႉၽြႃး ၼၼ်ႉလူင်းမႃးႁွတ်ႈထိုင်ၵႃႈတီႈၽၵ်းတူဝဵင်းယေႇရုသလႅမ်ႇ ယဝ်ႉ။
၁၃ လုၵ်ႈယိင်းဝဵင်းလႃႇၶိသဢိူၺ်း။ဢဝ်မႃႉဢၼ်ၶၼ်ၽႂ်းၼၼ်ႉႁၢင်ႈလေႃႉရထႃးတႃႉ။မႂ်းပဵၼ်ၵေႃႉၸႃႉႁူဝ်ပိုင်းဢပျႅတ်ႈတီႈလုၵ်ႈယိင်းၸိဢုၼ်ႇလႄႈ ပိူၼ်ႈလႆႈႁူပ်ႉထူပ်းတၢင်းဢၼ်ဢိသရေႇလ ပူၼ်ႉလိူဝ်ၸိူဝ်းၼၼ်ႉ ၵႃႈၼႂ်းမႂ်းဢမၢၼ်ႇၶၢၼ်ပဵၼ်ယဝ်ႉ။
၁၄ ပိူဝ်ႈၼႆလႄႈမႂ်းတၵ်းလႆႈပၼ်လၢၵ်ႈသွင်ႇ ဢၼ်ပႄႇပႅတ်ႈလွတ်ႈၵၢင်းၵၼ်ၼၼ်ႉတီႈဝဵင်းမေႃႇရသိတ်ႉမိူင်းၵႃႇသၼၼ်ႉဢေႃႈ။ၵူၼ်းဝဵင်းဢႃႇၶုၸိပ်ႉ ၸိူဝ်းၼၼ်ႉတၵ်းပဵၼ်တၢင်းဢၼ်ပႅတ်ႉဢၼ်လႅၼ်တီႈၶုၼ်ႁေႃၶမ်းဢိသရေႇလဢေႃႈ။
၁၅ လုၵ်ႈယိင်းဝဵင်းမရေႇသဢိူၺ်း။ၵဝ်တၵ်းႁွင်ႉဢဝ်ၵေႃႉဢၼ်ၶၢမ်ႇဢမူၺ်ႇဢုၵ်ႉၸႃႇမႂ်းၼၼ်ႉ မႃးတီႈမႂ်းလႄႈမၼ်းၼၼ်ႉ တၵ်းႁွတ်ႈထိုင်ၵႃႈတီႈဝဵင်း ဢတုလမ်ႇဢၼ်ပဵၼ်မုၼ်ၽုင်းဢိသရေႇလၼၼ်ႉဢေႃႈ။
၁၆ မႂ်းႁႂ်ႈႁူဝ်မႂ်းၵဵင်ႈလႄႈ ထႃႁူဝ်မႂ်းၵွပ်ႈပိူဝ်ႈလုၵ်ႈလၢင်းမႂ်းဢၼ်မႂ်းလီႁၵ်ႉလီပႅင်းၸိူဝ်းၼၼ်ႉတႃႉ။ႁဵတ်းတၢင်းဢၼ်ႁူဝ်ၵဵင်ႈဢၼ်ၵႂၢင်ႈၼႃႇလူင်လၢင် ၸိူဝ်ႉၼင်ႇႁူင်ႉၶမ်းၼၼ်ႉတႃႉ။လွင်ႈမၼ်းၸမ်း၊ ၶဝ်ၼၼ်ႉလႆႈၶၢမ်ႇတၢင်းဢၼ်သိမ်းဢဝ်ၵႂႃႇသေၵႃႈတီႈမႂ်းယဝ်ႉ။