Chapter
၂
ရုထထူပ်းၺႃးပေႃႇၸ
၁ ၼေႃးမိ ၼၼ်ႉမီးပီႈၼွင်ႉၽၢႆႇၽူဝ်မၼ်းၵေႃႉၼိုင်ႈဢၼ်မၢၵ်ႈမီးၼႃႇလူင်လၢင်လႄႈ ပဵၼ်ၸိူဝ်ႉၶိူဝ်းဢေႇလိမ လိၵ်ႉ ၼၼ်ႉဢေႃႈ။
၂ ၸိုဝ်မၼ်းႁွင်ႉဝႃႈပေႃႇၸဢေႃႈ။ရုထ၊ မေႈယိင်းမိူင်းမေႃႇၽ၊ၼၼ်ႉယွၼ်းဢၶႂၢင်ႉတီႈၼေႃးမိ လႄႈဝႃႈ၊-ႁႂ်ႈၵဝ်ၶႃႈလႆႈၵႂႃႇၵႃႈတီႈတူင်ႊၼႃးလႄႈ ၵဵပ်းႁူင်းၶဝ်ႈဢၼ်တူၵ်းဢၼ်ႁႄႈၼၼ်ႉၵႃႈတီႈၽၢႆႇလင် ၵေႃႉဢၼ်ၵဝ်ၶႃႈထူပ်းၵျေးၸူးသိုဝ်ႈၼႃႈတႂ်ႈတႃမၼ်းၼၼ်ႉသေၵမ်းၶႃႈ၊ ဝႃႈၼင်ႇၼႆလႄႈမၼ်းၵေႃႈလၢတ်ႈလႄႈဝႃႈ၊-ၵႂႃႇတႃႉ၊လုၵ်ႈယိင်းၵဝ်ဢိူၺ်း။ဝႃႈၼင်ႇၼႆဢေႃႈ။
၃ မၼ်းၵေႃႈၵႂႃႇလႄႈၵဵပ်းဢဝ်ႁူင်းၶဝ်ႈဢၼ်တူၵ်းဢၼ်ႁႄႈၼၼ်ႉ ၵႃႈတီႈၽၢႆႇလင်ၶဝ်ၸိူဝ်းဢၼ်ပၢတ်ႇၶဝ်ႈၼၼ်ႉဢေႃႈ။ယင်းဢမ်ႇတင်ႈၸႂ်တင်ႈၶေႃးလႄႈ မၼ်းႁွတ်ႈထိုင်ၵႂႃႇၵႃႈၼႂ်းၼႃးဢၼ်ပေႃႇၸ၊ဢၼ်ပဵၼ်ပီႈၼွင်ႉၸိူဝ်ႉၶိူဝ်းဢေႇလိမလိၵ်ႉ ပိူင်ႇၼၼ်ႉဢေႃႈ။
၄ မိူဝ်ႈၼၼ်ႉပေႃႇၸ လုၵ်ႉသေၵႃႈတီႈဝဵင်းပႅတ်ႉလိႁႅမ်ႇမႃးလႄႈ တၵ်းလၢတ်ႈၶဝ်ၸိူဝ်းဢၼ်ပၢတ်ႇၶဝ်ႈယူႇၼၼ်ႉလႄႈဝႃႈ၊-ႁႂ်ႈထႃႇဝရႃႉၽြႃးမီးယူႇလူၺ်ႈၵၼ်တင်းသူသေၵမ်းလူၺ်ႈ၊ဝႃႈၼင်ႇၼႆဢေႃႈ။ၶဝ်ၼၼ်ႉၵေႃႈဢွၼ်ၵၼ်ၶိုၼ်းလၢတ်ႈလႄႈဝႃႈ၊-ႁႂ်ႈထႃႇဝရႃႉၽြႃး ပၼ်တၢင်းလီတီႈၸဝ်ႈႁဝ်းသေၵမ်းလူၺ်ႈ၊ ဝႃႈ ၼင်ႇၼႆဢေႃႈ။
၅ ပေႃႇၸ ၵေႃႈထၢမ်ႇတီႈၵေႃႉဢၼ်ဢုပ်ႉၵႃႈၼိူဝ်ၶဝ်ၸိူဝ်းဢၼ်ပၢတ်ႇၶဝ်ႈၼၼ်ႉလႄႈဝႃႈ၊-မေႈယိင်းဢွၼ်ႇၵေႃႉၼႆႉ ၸၢပ်ႈသႅင်ႇၵၼ်တင်းၽူႈ လႂ်၊မိူဝ်ႈဢၼ်ဝႃႈၼင်ႇၼႆၸိုင်၊ ၽူႈဢုပ်ႉၵႃႈၼိူဝ်ၶဝ်ၸိူဝ်းဢၼ် ပၢတ်ႇၶဝ်ႈ ၼၼ်ႉၵေႃႈၶိုၼ်းလၢတ်ႈလႄႈဝႃႈ၊-
၆ ပဵၼ်မေႈယိင်းဢွၼ်ႇမဵဝ်းမေႃႇၽ ဢၼ်လုၵ်ႉသေၵႃႈတီႈ မိူင်းမေႃႇၽၸွမ်းၼေႃးမိမႃးၼၼ်ႉၶႃႈဢေႃႈ။
၇ မၼ်းယွၼ်းဢၶႂၢင်ႉဝႃႈ၊-ႁႂ်ႈၵဝ်ၶႃႈလႆႈၵဵပ်းဢဝ်ႁူင်းၶဝ်ႈဢၼ်တူၵ်းဢၼ်ႁႄႈၼၼ်ႉ ၵႃႈၼႂ်းလိုၼ်ႈၶဝ်ၵႃႈတီႈၽၢႆႇလင် ၶဝ်ၸိူဝ်းဢၼ်ပၢတ်ႇၶဝ်ႈၼၼ်ႉသေၵမ်း၊ဝႃႈၼင်ႇၼႆလႄႈၶဝ်မႃးၶႃႈဢေႃႈ။ၼွၵ်ႈသေၶိင်ႇဢၼ်မၼ်းယူႇၼႂ်းသုမ်ႉၵမ်းဢွၼ်ႇၼိုင်ႈၵူၺ်းၼၼ်ႉ မၼ်းႁဵတ်းယူႇၸဵမ်မိူဝ်ႈၶိင်ႇၵၢင်ၼႂ် တေႃႇထိုင်ႁွတ်ႈမိူဝ်ႈလဵဝ်ၼႆႉၶႃႈ ယဝ်ႉ၊ဝႃႈၼင်ႇၼႆဢေႃႈ။
၈ ပေႃႇၸ ၵေႃႈလၢတ်ႈတီႈရုထလႄႈဝႃႈ၊-ထွမ်ႇငိၼ်းသေၵမ်း။လုၵ်ႈယိင်းၵဝ်ဢိူၺ်း။ယႃႇပေၵႂႃႇႁႂ်ႈလႆႈၵဵပ်းဢဝ်ႁူင်ႈၶဝ်ႈဢၼ်တူၵ်းဢၼ်ႁႄႈၼၼ်ႉ ၵႃႈတီႈၼႃးတၢင်ႇတူင်ႈတၢင်ႇဢၼ်ယဝ်ႉ။ပႃႇပေဢွၵ်ႇသေၵႃႈတီႈၼႆႈၵႂႃႇ။ႁဵတ်းၵေႃႉၸပ်း ၸွမ်းၵႃႈတီႈၶႃႈၵူၼ်းယိင်းၵဝ်ၸိူဝ်းၼႆႉယူႇတႃႉ။
၉ လူတူၺ်းမၢတ်ႈတွင်းလွၵ်းၼႃးဢၼ်ၶဝ်ပၢတ်ႇသေလႄႈ ၸွမ်းလင်ၶဝ်ယူႇသေၵမ်း။လွင်ႈၼင်ႇႁိုဝ်ၵူၼ်းဢွၼ်ႇၶဝ် တၵ်းဢမ်ႇလႆႈယႃႉယူၵ်ႉမႂ်းၸိုင် ၵဝ်သင်ႇလၢတ်ႈဝႆႉယဝ်ႉ။ပေႃးမႂ်းယၢၵ်ႈၼမ်ႉၵေႃႈၵႂႃႇၸူးၵႃႈတီႈမေႃႈၼမ်ႉ ဢၼ်ၵူၼ်းဢွၼ်ႇၶဝ်တဵၵ်းသႂ်ႇဝႆႉၼၼ်ႉလႄႈ ၵွၼ်ႉၵိၼ်သေၵမ်း၊ မိူဝ်ႈဢၼ်ဝႃႈၼင်ႇၼႆၸိုင်၊
၁၀ မၼ်းၵူမ်ႈႁူဝ်ၶုပ်ႉမူပ်ႇ တဵတ်ႇယူႇၵႃႈၼိူဝ်လိၼ် သေလႄႈလၢတ်ႈဝႃႈ၊- ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၵဝ်ၶႃႈလႆႈထူပ်းၵျေးၸူး သိုဝ်ႈၼႃႈတႂ်ႈတႃၸဝ်ႈႁဝ်းႁႂ်ႈၸဝ်ႈႁဝ်းထၼ်ႈပေႃး ႁူႉၸၵ်းမိုတ်ႈၵိုဝ်းၵဝ်ၶႃႈဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇ မဵဝ်းၼႆႉၶႃႈ၊ဝႃႈၼင်ႇၼႆဢေႃႈ။
၁၁ ပေႃႇၸ ၵေႃႈလၢတ်ႈတီႈမၼ်းလႄႈဝႃႈ၊-ပိူၼ်ႈမွၵ်ႇလၢတ်ႈၼႄၵဝ် လွင်ႈတၢင်းၵႃႈဢၼ်မႂ်းလုမ်းလႃးမေႈၸဝ်ႈမႂ်းလိုၼ်းသေၽူဝ်မႂ်းတၢႆယဝ်ႉၼၼ်ႉ ဢိၵ်ႇတင်းလွင်ႈဢၼ်မႂ်း ၸုၼ်ႉပႅတ်ႈပေႃႈမေႈမႂ်းဢိၵ်ႇတင်းမိူင်းတီႈဢၼ်မႂ်းၵိူတ်ႇမႃးၼၼ်ႉသေလႄႈ မႃးၵႃႈတီႈၵူၼ်းမိူင်း ဢၼ်မႂ်းဢမ်ႇတွၼ်ႉႁၼ်ဢမ်ႇတွၼ်ႉႁူႉ ၸဵမ်မိူဝ်ႈ ဢွၼ်ၼၼ်ႉယဝ်ႉ။
၁၂ ႁႂ်ႈထႃႇဝရႃႉၽြႃးပၼ်ဢၵျူဝ်းလွင်ႈတၢင်းဢၼ်မႂ်းႁဵတ်းမႃးၼၼ်ႉသေၵမ်းလူၺ်ႈ။ႁႂ်ႈထႃႇဝရႃႉၽြႃးၽြႃးပဵၼ်ၸဝ်ႈမဵဝ်းဢိသရေႇလ ဢၼ်မႂ်းသုတ်ႉၸပ်းသုတ်ႉၸူး ႁႂ်ႈလႆႈသွၼ်ႈပိုင်ႈၵႃႈတီႈတႂ်ႈႁူမ်ႈပိၵ်ႇၸဝ်ႈၼၼ်ႉ ၶျႃးပၼ်သူးဢၼ်ၸေးၸုမ်ႇၼၼ်ႉတီႈမႂ်းသေၵမ်းလူၺ်ႈ၊မိူဝ်ႈဢၼ်ဝႃႈၼင်ႇၼႆၸိုင် မၼ်းၵေႃႈလၢတ်ႈလႄႈဝႃႈ၊-
၁၃ ၸဝ်ႈဢိူၺ်း။ႁႂ်ႈၵဝ်ၶႃႈလႆႈၼႃႈလႆႈတႃတီႈၸဝ်ႈႁဝ်းသေၵမ်းလူၺ်ႈ။ပိၵ်ႉသမ်ႉၵဝ်ၶႃႈ ဢမ်ႇမိူၼ်ၵၼ်တင်းၶႃႈလုၵ်ႈၸၢင်ႈမေႈယိင်းၸဝ်ႈႁဝ်းၸိူဝ်းၼႆႉသေၵေႃႈ ၸဝ်ႈႁဝ်းႁႂ်ႈၵဝ်ၶႃႈငိၼ်းၸူမ်းငိၼ်းသိူဝ်းလႄႈ လၢတ်ႈၵႂၢမ်းလီၵႂၢမ်းငၢမ်းတေႃႇၵဝ် ၶႃႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၄ ၶိင်ႇဢၼ်ၵိၼ်တၢင်းၵိၼ်တၢင်းၶူပ်းၼၼ်ႉ ပေႃႇၸ လၢတ်ႈတီႈမၼ်းလႄႈဝႃႈ၊- မႃးၵႃႈတီႈၼႆႉလႄႈၵိၼ်ၶဝ်ႈမုၼ်းတႃႉ။ဢဝ်တၢင်းၵိၼ်မႂ်းၸမ်ႈၵႃႈၼႂ်းၼမ်ႉသူမ်ႈတႃႉ၊ ဝႃႈၼင်ႇၼႆလႄႈ မၼ်းၼင်ႈလူၺ်ႈၵၼ်တင်း ၶဝ်ၸိူဝ်းဢၼ်ပၢတ်ႇၶဝ်ႈၼၼ်ႉဢေႃႈ။ပေႃႇၸ ဢဝ်ၶဝ်ႈတႅၵ်ႇယိုၼ်ႈပၼ်လႄႈ မၼ်းၵေႃႈၵိၼ်ဢိမ်ႇၵိၼ်တဵမ်သေယဝ်ႉ ယင်းၵိုတ်းၵျၢၼ်ႇဝႆႉယူႇလူးၵွၼ်ႇဢေႃႈ။
၁၅ မိူဝ်ႈဢၼ်မၼ်းလုၵ်ႉၵႂႃႇႁႂ်ႈလႆႈၵဵပ်းႁူင်းၶဝ်ႈ ဢၼ်တူၵ်းဢၼ်ႁႄႈၼၼ်ႉၸိုင်ပေႃႇၸ သင်ႇလၢတ်ႈတီႈၵူၼ်းဢွၼ်ႇမၼ်းတင်းလၢႆလႄႈဝႃႈ၊- ႁႂ်ႈမၼ်းၵဵပ်းဢဝ်ႁူင်းၶဝ်ႈဢၼ်တူၵ်းဢၼ် ႁႄႈၵႃႈၼႂ်းၵႄႈလိုၼ်ႈၶဝ်ႈၸိူဝ်းၼၼ်ႉသေၵမ်း။
၁၆ ယႃႇပေႁႂ်ႈမၼ်း မီးတၢင်းဢၼ်ဢူၵ်းဢၼ်ဢၢႆ။ၵႃႈၼႂ်းလိုၼ်ႈၶဝ်ႈၼၼ်ႉၵေႃႈ တိုတ်ႉထွၼ်ဢဝ်ၵမ်ႈၽွင်ႈလႄႈၶျႃးတူၵ်းဝႆႉပုၼ်ႈမၼ်းသေၵမ်း။ႁႂ်ႈမၼ်းလႆႈၵဵပ်းဢဝ် သေၵမ်း။
၁၇ ယႃႇပေၼႄးမၼ်း၊ဝႃႈၼင်ႇၼႆဢေႃႈ။ၼင်ႇၼၼ်လႄႈ မၼ်းၵဵပ်းႁူင်းၶဝ်ႈဢၼ်တူၵ်းဢၼ်ႁႄႈၼၼ်ႉၵႃႈတီႈတူင်ၼႃးၼၼ်ႉ တေႃႇထိုင်ႁွတ်ႈၶိင်ႇႁူဝ်ၶမ်ႈလႄႈ ပေႃႉၶဝ်ႈဢၼ်လႆႈၵဵပ်းဢဝ်ၼၼ်ႉသေယဝ်ႉလႆႈၶဝ်ႈသၢၼ်မူႉယေႃးသေဢေႇၽႃႇၼိုင်ႈဢေႃႈ။
၁၈ မၼ်းဢဝ်ၶဝ်ႈသၢၼ်ၼၼ်ႉ မိူဝ်းၵႂႃႇၶဝ်ႈၵႃႈၼႂ်းဝဵင်းသေယဝ်ႉ မေႈၸဝ်ႈမၼ်းႁၼ် ၶဝ်ႈသၢၼ်ဢၼ်မၼ်းလႆႈၵဵပ်းဢဝ်မႃးၼၼ်ႉဢေႃႈ။မၼ်းယင်းဢဝ်ဢၼ်မၼ်းၵိၼ်ယဝ်ႉလႄႈ ၵိုတ်းၵျၢၼ်ႇဝႆႉၸိူဝ်းၼၼ်ႉဢွၵ်ႇလႄႈ ပၼ်တီႈမေႈၸဝ်ႈမၼ်းဢေႃႈ။
၁၉ မေႈၸဝ်ႈမၼ်းၵေႃႈဢွၵ်ႇသူပ်းလႄႈဝႃႈ၊-ဝၼ်းမိူဝ်ႈၼႆႉမႂ်းၵဵပ်းႁူင်းၶဝ်ႈဢၼ်တူၵ်းဢၼ်ႁႄႈၼၼ်ႉၵႃႈတီႈ လႂ်။မႂ်းႁဵတ်းၵႃႈတီႈ လႂ်။ႁႂ်ႈၵေႃႉဢၼ်ႁူႉၸၵ်းမိုတ်ႈၵိုဝ်းမႂ်းၼၼ်ႉ မီးမၢင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။မၼ်းၵေႃႈမွၵ်ႇလၢတ်ႈ လွင်ႈဢၼ်မၼ်းႁဵတ်းႁူမ်ႈလူၺ်ႈၵၼ်တင်းၽူႈ လႂ်ၼၼ်ႉတီႈမေႈၸဝ်ႈမၼ်းလႄႈဝႃႈ၊-ၸိုဝ်ႈသဵင်ၵေႃႉဢၼ်ၵဝ်ၶႃႈ ႁဵတ်းႁူမ်ႈလူၺ်ႈၵၼ်ဝၼ်းမိူဝ်ႈၼႆႉၼၼ်ႉပဵၼ် ပေႃႇၸ ၶႃႈဢေႃႈ၊မိူဝ်ႈဢၼ်ဝႃႈၼင်ႇၼႆ ၸိုင်၊ၼေႃးမိလၢတ်ႈတီႈလုၵ်ႈပႂ်ႉမၼ်းလႄႈဝႃႈ၊-
၂၀ ႁႂ်ႈထႃႇဝရႃႉၽြႃးပၼ်တၢင်းလီမၢင်ႇၵလႃႇတီႈမၼ်း သေၵမ်းလူၺ်ႈ။မၼ်းၸဝ်ႈယင်းႁဵတ်းၵျေးၸူးယူႇၵႃႈတီႈၵေႃႉဢၼ်လိပ်းတင်းၵေႃႉဢၼ်တၢႆယဝ်ႉၼၼ်ႉယူႇဢေႃႈ၊ဝႃႈၼင်ႇၼႆဢေႃႈ။ၼေႃးမိသမ်ႉလၢတ်ႈလႄႈဝႃႈ၊-ၵေႃႉၼၼ်ႉပဵၼ်ၵေႃႉဢၼ်ၶဝ်ႈပႃးၼႂ်းမဵဝ်းၸိူဝ်ႉၶိူဝ်းဢၼ်ၸမ်ၵၼ်တင်းႁဝ်းလႄႈ ပဵၼ်ၶဝ်ၸိူဝ်းဢၼ်ပိူင်ႇထုတ်ႇဢဝ်ႁဝ်းၼၼ်ႉဢေႃႈ၊ဝႃႈၼင်ႇၼႆဢေႃႈ။
၂၁ မိူဝ်ႈၼၼ်ႉရုထ၊မေႈယိင်းမိူင်းမေႃႇၽ၊ ၼၼ်ႉမွၵ်ႇလၢတ်ႈလႄႈဝႃႈ၊- မၼ်းယင်းလၢတ်ႈဝႃႈ၊- မႂ်းၸပ်းၸွမ်းလူၺ်ႈၵၼ်တင်းၵူၼ်းဢွၼ်ႇၵဝ်တင်းလၢႆယူႇ တေႃႇထိုင်ႁွတ်ႈ တၢင်းဢၼ်ပၢတ်ႇၶဝ်ႈၵဝ်ထၢၼ်ႈပေႃးယဝ်ႉၼၼ်ႉတႃႉ၊ဝႃႈၼင်ႇၼႆၶႃႈယဝ်ႉ၊ဝႃႈၼင်ႇၼႆဢေႃႈ။ၼေႃးမိ ၵေႃႈလၢတ်ႈတီႈလုၵ်ႈပႂ်ႉမၼ်းရုထၼၼ်ႉလႄႈ ဝႃႈ၊-
၂၂ မႂ်းလီႁဵတ်းၵေႃႉၸပ်းၸွမ်းၵၼ်တင်းၶႃႈမေႈယိင်းတင်းလၢႆၼၼ်ႉယူႇဢေႃႈ။ဢမ်ႇလီႁႂ်ႈၶဝ်ထူပ်းႁၼ်မႂ်းၵႃႈၼႂ်းၼႃးတၢင်ႇတူင်ႈတၢင်ႇဢၼ်၊ဝႃႈၼင်ႇၼႆ ဢေႃႈ။
၂၃ ၼင်ႇၼၼ်လႄႈမၼ်းၸပ်းၸွမ်းလူၺ်ႈၵၼ်တင်းၶႃႈမေႈယိင်း ပေႃႇၸ ၸိူဝ်းၼၼ်ႉႁႂ်ႈလႆႈၵဵပ်းဢဝ်ႁူင်းၶဝ်ႈ ဢၼ်တူၵ်းဢၼ်ႁႄႈၼၼ်ႉတေႃႇထိုင်ႁွတ်ႈတၢင်းဢၼ်ပၢတ်ႇၶဝ်ႈမူႉယေႃး ဢိၵ်ႇတင်းတၢင်းဢၼ်ပၢတ်ႇၶဝ်ႈၵျုင်ႇပေႃး ယဝ်ႉတူဝ်လီငၢမ်းသေလႄႈယူႇၵႃႈတီႈမေႈၸဝ်ႈမၼ်းၼၼ်ႉဢေႃႈ။