Chapter
၁
ၼေႃးမီတင်းရုထ
၁ ၶိင်ႇၵႃႇလႃႉ မိူဝ်ႈဢၼ်ၵူၼ်းလူင်ဢၼ်ၸီႇယၢင်ႇတြႃးတင်းလၢႆဢုပ်ႉပိူင်ႇဝၢၼ်ႈမိူင်းယူႇၼၼ်ႉ မီးတၢင်းဢၼ်ၶဝ်ႈၵႃႈမၢၵ်ႇပႅင်း ၵႃႈၼႂ်းမိူင်းၼၼ်ႉလႄႈ ၵူၼ်းဝဵင်းပႅတ်ႉလိႁႅမ်ႇမိူင်းယုတ ၵေႃႉၼိုင်ႈမၼ်းပႃးဢဝ်မေးမၼ်းဢိၵ်ႇတင်းလုၵ်ႈၸၢႆးမၼ်းသွင်ၵေႃႉသေယဝ်ႉ ၵႂႃႇႁႂ်ႈလႆႈ သွၼ်ႈပိုင်ႈယူႇၵႃႈတီႈမိူင်းမေႃႇၽဢေႃႈ။
၂ ၸိုဝ်သဵင်ၵေႃႉၼၼ်ႉၸမ်းပဵၼ် ဢေႇလိမလိၵ်ႉ လႄႈၸိုဝ်သဵင်မေးမၼ်းၸမ်းပဵၼ် ၼေႃးမိ ဢေႃႈ။ၸိုဝ်ႈသဵင်လုၵ်ႈၸၢႆးမၼ်းသွင်ၵေႃႉၼၼ်ႉၸမ်း ပဵၼ် မႁႃႇလုၼ်ႇ တင်း ၶိလျုၼ်ႇ ဢေႃႈ။
၃ ၶဝ်ၼၼ်ႉပဵၼ်ၵူၼ်း ဢေႇၽရတ်ႉဝဵင်း ပႅတ်ႉလိႁႅမ်ႇမိူင်းယုတ လႄႈၵႂႃႇယူႇၵႃႈတီႈမိူင်းမေႃႇၽ ၼၼ်ႉဢေႃႈ။ဢေႇလိမလိၵ်ႉ ၽူဝ် ၼေႃးမိတၢႆလႄႈ ၼေႃးမိ ဢိၵ်ႇတင်းလုၵ်ႈၸၢႆးမၼ်းသွင်ၵေႃႉ ၼၼ်ႉၵိုတ်းၵျၢၼ်ႇဝႆႉဢေႃႈ။
၄ သွင်ၶႃတႄႇၼႃႈႁိူၼ်းလူၺ်ႈၵၼ်တင်းမေႈယိင်းမိူင်း မေႃႇၽ ၼၼ်ႉဢေႃႈ။ၵေႃႉၼိုင်ႈလႆႈၸိုဝ်ႈ ဢေႃႇရပ လႄႈၵေႃႉၼိုင်ႈသမ်ႉလႆႈ ၸိုဝ် ရုထ ဢေႃႈ။
၅ ဝၢႆးသေယူႇၵႃႈတီႈမိူင်းၼၼ်ႉယဝ်ႉသိပ်းပီႊ မႁႃႇလုၼ်ႇ တင်း ၶိလျုၼ်ႇ တၢႆဢေႃႈ။ၼေႃးမိ ၼၼ်ႉၵိုၼ်းၵျၢၼ်ႇဝႆႉၵေႃႉလဵဝ် ဢမ်ႇမီးၽူဝ်ဢမ်ႇမီးလုၵ်ႈၸၢႆးသေၵေႃႉယဝ်ႉဢေႃႈ။
၆ မိူဝ်ႈဢၼ်မၼ်းယင်းမီးယူႇၵႃႈၼႂ်း မိူင်းမေႃႇၽ ၼၼ်ႉၸိုင်မၼ်းလႆႈငိၼ်းလွင်ႈဢၼ်ဝႃႈ ထႃႇဝရႃႉၽြႃး မႃးလူမႃးတူၺ်းၵူၼ်းမၼ်းၸဝ်ႈတင်းလၢႆ သေလႄႈဢိတ်းလူပၼ်တၢင်းၵိၼ်တီႈမိူင်းယုတ ၼၼ်ႉမၼ်းဢိၵ်ႇလူၺ်ႈလုၵ်ႈပႂ်ႉမၼ်းသွင်ၵေႃႉ မႄးႁႅၼ်းႁႂ်ႈလႆႈမိူဝ်းရ ၶိုၼ်းမိူင်းယုတဢေႃႈ။
၇ မၼ်းဢွၵ်ႇသေၵႃႈတီႈဢၼ်မၼ်းသွၼ်ႈပိုင်ႈယူႇၼၼ်ႉႁူမ်ႈလူၺ်ႈၵၼ်တင်း လုၵ်ႈပႂ်ႉမၼ်းသွင်ၵေႃႉၼၼ်ႉသေယဝ်ႉ ဢွၵ်ႇတႃပႆႈတၢင်းၵႂႃႇႁႂ်ႈ လႆႈၶိုၼ်းမိူဝ်းၸူးၵႃႈတီႈမိူင်းယုတဢေႃႈ။
၈ ၼေႃးမိလၢတ်ႈတီႈလုၵ်ႈပႂ်ႉမၼ်းသွင်ၵေႃႉၼၼ်ႉလႄႈဝႃႈ၊-သွင်ၶိူဝ် ၶိုၼ်းမိူဝ်းၸူးၵႃႈတီႈႁိူၼ်းမေႈသူႁင်းၽႂ်ႁင်းမၼ်းတႃႉ။မိူၼ်ၸိူဝ်ႉၼင်ႇဢၼ်သွင်ၶိူဝ်ႁဵတ်းၵျေးၸူးတီႈၶဝ်ၸိူဝ်းဢၼ်တၢႆၵႂႃႇယဝ်ႉ ဢိၵ်ႇတင်း တီႈၵဝ်ၼၼ်ႉႁႂ်ႈထႃႇဝရႃႉၽြႃး ႁဵတ်းၵျေးၸူး တီႈသွင်ၶိူဝ် သေၵမ်း လူၺ်ႈ။
၉ ႁႂ်ႈထႃႇဝရႃႉၽြႃးဢိတ်းလူပၼ်ဢၶႂၢင်ႉႁႂ်ႈသွင်ၶိူဝ်လႆႈယူႇလီၵတ်းယဵၼ်ၶျၢမ်းသႃႇ ၵႃႈၼႂ်းႁိူၼ်းၽူဝ်သွင်ၶိူဝ်ႁင်းၽႂ်ႁင်းမၼ်းၼၼ်ႉသေၵမ်းလူၺ်ႈ၊၊ ဝႃႈၼင်ႇၼႆလႄႈၸုပ်ႇၼူမ်သွင်ၶႃဢေႃႈ။သွင်ၶႃႈၵေႃႈၵိဝ် သဵင်လႄႈႁွင်ႉႁႆႈလႄႈဝႃႈ၊-
၁၀ ဢမ်ႇၸႂ်ႈၶႃႈၵူၺ်း။ႁဝ်းၶႃႈတၵ်းၸွမ်းၵၼ်မေႈၸဝ်ႈႁဝ်းမိူဝ်းၵႂႃႇၸူး ၵႃႈတီႈပီႈၼွင်ႉၸိူဝ်ႉၶိူဝ်းမေႈၸဝ်ႈႁဝ်းၼၼ်ႉၶႃႈဢေႃႈ၊ ဝႃႈၼင်ႇ ၼႆဢေႃႈ။
၁၁ ၼေႃးမိၵေႃႈလၢတ်ႈလႄႈဝႃႈ၊-လုၵ်ႈယိင်းၵဝ်ၶဝ်ဢိူၺ်း။ၶိုၼ်းမိူဝ်းၵႂႃႇတႃႉ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈသူတၵ်းလႆႈၸွမ်းၵဝ်ၵႂႃႇ။ၸွင်ႇၵဝ်ယင်းတမေီးမႃးလုၵ်ႈၸၢႆးထႅင်ႈ ဢၼ်တေလႆႈပဵၼ်ၽူဝ်သွင်ၶိူဝ်ၼၼ်ႉ ႁိုဝ်။
၁၂ လုၵ်ႈယိင်းၶဝ်ဢိူၺ်း။ဝၢႆႇၶိုၼ်းလႄႈမိူဝ်းၵႂႃႇတႃႉ။ၵဝ်ၼႆႉဢသၢၵ်ႈဢရွႆႇယႂ်ႇယဝ်ႉလႄႈ ဢမ်ႇထုၵ်ႇလီၶိုၼ်းဢဝ်ၽူဝ်။ပိၵ်ႉသမ်ႉဝႃႈပေႃးၵဝ်ဝူၼ်ႉၸႂ်ဝႃႈၵဝ်ယင်းမီးတီႈဢၼ်တၵ်းမုင်ႈမွင်းယူႇသေၵေႃႈယႃႇ ပေႃးၵဝ်ဢဝ်ၽူဝ်ၶိုၼ်းၼႆႉလႄႈ ၵိူတ်ႇလဵင်ႉလုၵ်ႈၸၢႆးမႃးသေၵေႃႈၸွင်ႇသွင်ၶိူဝ် တၵ်းပႂ်ႉတေႃႇထိုင်ႁွတ်ႈၶဝ်ပေႃးယႂ်ႇမႃးလႄႈတႄႇၼႃႈႁိူၼ်းႁိုဝ်။
၁၃ ၸွင်ႇသူတေပႂ်ႉၶဝ်လႆႈႁိုဝ်။လုၵ်ႈယိင်းၵဝ်ၶဝ်ဢိူၺ်း။ဢမ်ႇလႆႈပဵၼ်ၸိူဝ်ႉၼင်ႇၼၼ်။ၵဝ်မီးတၢင်းဢၼ်ယၢပ်ႇၸႂ်ၶူမ်ၸႂ်ၼႃႇသသေူဢေႃႈ။လွင်းမၼ်းၸမ်းမိူဝ်ႈထႃႇဝရႃႉၽြႃးၶႂၢင်ယူႇၵႃႈတီႈၵဝ်ယဝ်ႉ၊ မိူဝ်ႈဢၼ်ဝႃႈၼင်ႇၼႆၸိုင်၊သွင်ၶႃႈ ၼၼ်ႉသမ်ႉၵိဝ်သဵင်သေလႄႈႁွင်ႉႁႆႈထႅင်ႈဢေႃႈ။
၁၄ မိူဝ်ႈၼၼ်ႉဢေႃးရပၸုပ်းၼူမ်မေႈၸဝ်ႈမၼ်းသေလႄႈ ၶိုၼ်းမိူဝ်းဢေႃႈ။ရုထ ၸမ်းႁွႆႈၸပ်းယူႇၵႃႈတီႈမေႈၸဝ်ႈမၼ်း ဢေႃႈ။
၁၅ ၼေႃးမိၵေႃႈလၢတ်ႈလႄႈဝႃႈ၊- တူၺ်းလူ။ပီႈလူဝ်းမႂ်း ၶိုၼ်းမိူဝ်းၵႂႃႇၸူးၵႃႈတီႈပီႈၼွင်ႉၸိူဝ်ႉၶိူဝ်းဢွၵ်ႇမၼ်းဢိၵ်ႇတင်းၽြႃးဢွၵ်ႇမၼ်းယဝ်ႉ။ၸွမ်းလင်ပီႈလူဝ်းမႂ်းလႄႈမိူဝ်းၵႂႃႇသေတႃႉ၊ မိူဝ်ႈဢၼ်ဝႃႈၼင်ႇ ၼႆၸိုင် ရုထ ၵေႃႈၶိုၼ်းလၢတ်ႈလႄႈဝႃႈ၊-
၁၆ ယႃႇပေႁႂ်ႈၵဝ်ၶႃႈလႆႈၸုၼ်ႉပႅတ်ႈမေႈၸဝ်ႈႁဝ်းသလေႄး ၶိုၼ်းမိူဝ်းၵႂႃႇသေၵမ်း။ၵဝ်ၶႃႈတၵ်းၸွမ်းၵႂႃႇၵႃႈတီႈၵႃႈဢၼ်မေႈၸဝ်ႈႁဝ်းၵႂႃႇၼၼ်ႉၶႃႈဢေႃႈ။ၵဝ်ၶႃႈတၵ်းၼွၼ်းၵႃႈတီႈ ၵႃႈဢၼ်မေႈၸဝ်ႈႁဝ်းၼွၼ်းၼၼ်ႉၶႃႈဢေႃႈ။မဵဝ်းမေႈၸဝ်ႈႁဝ်းၼၼ့်တၵ်းပဵၼ်မဵဝ်းၵဝ်ၶႃႈၶႃႈဢေႃႈ။ၽြႃးမေႈၸဝ်ႈႁဝ်းၼၼ်ႉ တၵ်းပဵၼ်ၽြႃးၵဝ်ၶႃႈၶႃႈ ဢေႃႈ။
၁၇ ၵဝ်ၶႃႈတၵ်းတၢႆၵႃႈတီႈဢၼ်မေႈၸဝ်ႈႁဝ်းတၢႆၼၼ်ႉလႄႈ ၶၢမ်ႇတၢင်းဢၼ်သႂၢင်းၵျူဝ်ႇၵႃႈတီႈၼၼ်ႉၶႃႈဢေႃႈ။ၼွၵ်ႈသေတၢင်းတၢႆၼၼ်ႉပေႃးၵဝ်ၶႃႈၽၢတ်ႇယၢၼ်ၵၼ်တင်းမေႈၸဝ်ႈႁဝ်း ၵွပ်ႈပိူဝ်ႈလွင်ႈတၢင်းတၢင်ႇၸိူဝ်ႉတၢင်ႇဢၼ်ၸိုင် ႁႂ်ႈထႃႇဝရႃႉၽြႃးႁဵတ်းၼိူဝ်ၵဝ်ၶႃႈ လိူဝ်တွၼ်းၼႃႇသေၼၼ်ႉသေၵမ်း လူၺ်ႈ၊ဝႃႈၼင်ႇၼႆဢေႃႈ။
၁၈ မိူဝ်ႈဢၼ်ၼေႃးမိ ႁူႉႁၼ်လွင်ႈဢၼ် မၼ်းမီးၸႂ်မၼ်ႈၶိူင်ႇႁႂ်ႈလႆႈၸွမ်းမၼ်းၵႂႃႇၼၼ်ႉၸိုင်မၼ်းယူႇတဵတ်ႇတဵတ်ႇသေဢေႃႈ။
၁၉ ၼင်ႇၼၼ်လႄႈ သွင်ၶႃႈ ဢွၼ်ၵၼ်ၵႂႃႇတေႃႇထိုင်ႁွတ်ႈၵႃႈတီႈဝဵင်းပႅတ်ႉလိႁႅမ်ႇဢေႃႈ။မိူဝ်ႈဢၼ်သွင်ၶႃႁွတ်ႈထိုင်ၵႃႈတီႈ ဝဵင်းပႅတ်ႉလိႁႅမ်ႇ ၼၼ်ႉၵူၼ်းတင်းဝဵင်း ဢူၼ်ဢဵၼ်ႁုၼ်ႉမေႃးၵၼ်လူၺ်ႈလွင်းသွင်ၶႃလႄႈလၢတ်ႈၵၼ်ထၢမ်ၵၼ်လႄႈဝႃႈ၊-ၵေႃႉၼႆႉပဵၼ်ၼေႃးမိ ဢမ်ႇၸႂ်ႈႁိုဝ်၊ဝႃႈၼင်ႇၼႆဢေႃႈ။
၂၀ မၼ်းၵေႃႈၶိုၼ်းလၢတ်ႈတီႈၶဝ်လႄႈဝႃႈ၊-ယႃႇပေႁွင်ႉၵဝ်ၶႃႈၼေႃးမိသေၵမ်း။ႁွင်ႉဝႃႈ မႃႇရ သေၵမ်း။ၸဝ်ႈမႁႃႇတၼ်းၶူဝ်းၼၼ်ႉႁဵတ်းလွင်ႈတၢင်းဢၼ်ၶူမ်ၼႃႇလူင်လၢင်ၼၼ်ႉ တီႈၵဝ် ၶႃႈၶႃႈယဝ်ႉ။
၂၁ ၵဝ်ၶႃႈမီးတၢင်းဢၼ်တဵမ်ထူၼ်ႈယူႇသေလႄႈဢွၵ်ႇၵႂႃႇဢေႃႈ။မိူဝ်ႈလဵဝ်ၼႆႉၸမ်းၸုတ်ႈလုတ်ႈယၢၵ်ႈၽၢၼ်ယူႇသေလႄႈ မီးတူဝ်လဵဝ်ၵူၺ်းသေယဝ်ႉထႃႇဝရႃႉၽြႃးဢဝ်ၵဝ်ၶႃႈၶိုၼ်းသူင်ႇႁွတ်ႈမႃးယဝ်ႉ။ထႃႇဝရႃႉၽြႃးၸဝ်ႈဢၼၼ်ႇတႃႉတၼ်းၶူဝ်း ႁႂ်ႈၵဝ်ၶႃႈထူပ်းၺႃးတုၵ်ႉၶႃႉတၢင်းၽၢၼ်ယဝ်ႉ။ႁဵတ်းႁိုဝ်လႄႈသူယင်းႁွင်ႉၵဝ်ၶႃႈၼေႃးမိယူႇ။ဝႃႈၼင်ႇၼႆဢေႃႈ။ၼင်ႇၼၼ်လႄႈ ၼေႃးမိ ဢိၵ်ႇတင်းလုၵ်ႈပႂ်ႉမၼ်းရုထမေႈယိင်းမိူင်း မေႃႇၽဢၼ်လုၵ်ႉသေၵႃႈတီႈမိူင်းမေႃႇၽ ၸွမ်းမႃးၼၼ်ႉ၊ ႁွတ်ႈထိုင်ၵႃႈတီႈဝဵင်းပႅတ်ႉလိႁႅမ်ႇၼႂ်းၶိင်ႇဢၼ်ၸႃႉပၢတ်ႇၶဝ်ႈမူႉယေႃး ၼၼ်ႉဢေႃႈ။