၃
ဢႃႉမင်ႇၵလႃႇၼိူဝ်ၼိၼေႇဝူၺ်ႇ
၁ ႁႂ်ႈဢႃႉမင်ႇၵလႃႇ မီးတီႈဝဵင်းဢၼ်ၸၢင်ႊထွၵ်ႇလိူတ်ႈၵူၼ်းပႅတ်ႈၼၼ်ႉသေၵမ်းလူၺ်ႈ။ဝဵင်းၼၼ်ႉတၵ်းတဵမ်ဝႆႉတင်းတၢင်းဢၼ်ပႅတ်ႉလႅၼ်၊ တၢင်းဢၼ်ႁဵတ်းဢႃႉထမ်ႇမႃႉဢေႃႈ။ဢမ်ႇၸၢင်ႊပွႆႇလွင်ႈတၢင်းဢၼ်တီႉလႆႈ ၼၼ်ႉလွတ်ႈ။
၂ လႆႈငိၼ်းသဵင်ဢၼ်ဢၼ်ဢဝ်ၶွၼ်ႉႁေႃႈပေႃႉယႅၼ်ႉ၊သဵင်မၢၵ်ႇလေႃႉၵိင်ႈ၊ သဵင်မႃႉဝႅၼ်၊သဵင်လေႃႉရ ထႃးလႅၼ်ႈဢေႃႈ။
၃ မီးတၢင်းဢၼ်ၵူၼ်းသိုၵ်းၶီႇမႃႉယူႇတၢင်း ဢၼ်လၢပ်ႇႁိူဝ်ႈမၢပ်ႈမိပ်ႈယူႇ၊ တၢင်းဢၼ်ႁွၵ်ႇၾႃႉမႅပ်ႇယူႇ တၢင်းဢၼ်ၵူၼ်းတၢႆၼမ်ၼႃႇယူႇတၢင်းဢၼ်တူဝ်တၢႆပဵၼ်ပုမ်ႇပဵၼ်ၵွင်ယူႇဢေႃႈ။ၼပ်ႉဢၢၼ်ႇ တူဝ်တၢႆၸိူဝ်းၼၼ်ႉလႄႈဢမ်ႇသဵင်ႈလႆႈ။
၄ ၶဝ်ဢွၼ်ၵၼ်ၶီႇလိုတ်းတူဝ်တၢႆၸိူဝ်းၼၼ်ႉမႅၼ်ႈလႄႈလူမ်ႉဢေႃႈ။လွင်ႈတၢင်းၸိူဝ်းၼၼ်ႉပဵၼ်ၵွပ်ႈပိူဝ်ႈဢမူႉမေႇထုင်ႇဢၼ်ဢမ်ႇတြႃး ဢၼ်မေႈမွၵ်ႇယႃႈ ဢၼ်ႁၢင်ႊလီၽၢင်လီလႄႈၸၢင်ႊၸေႃႉၸၢင်ႊႁဵတ်း၊ ဢၼ်ဢဝ်မေႇထုင်ႇဢၼ်ဢမ်ႇတြႃးတင်းလၢႆၵႃႉၶၢႆမဵဝ်းၵူၼ်းတင်းလၢႆ ဢၼ်ဢဝ်တင်း ဢၼ်ၸၢင်ႊၸေႃႉၸၢင်ႊႁဵတ်းတင်းလၢႆၵႃႉၶၢႆ မဵဝ်းၸိူဝ်ႉၶိူဝ်းတင်းလၢႆၼၼ်ႉႁဵတ်းပွၵ်ႈၼမ်ၼႃႇၼၼ်ႉဢေႃႈ။
၅ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-ၵဝ်ယူႇၽၢႆႇၼိုင်ႈတင်းမႂ်းဢေႃႈ။ၵဝ်တၵ်းပိုတ်ႇပိၼ်ႈၶူဝ်းၼုင်ႈမႂ်း ၶိုၼ်ႈၵႃႈၼိူဝ်ၼႃႈမၼ်းလႄႈ ၼႄပျႃႉတၢင်းဢၼ်မႂ်းမီးယူႇတူဝ်ပူၺ်ၼၼ်ႉ တီႈၼႃႈၵူၼ်းၵူႈၸိူဝ်ႉၵူႈမဵဝ်းဢိၵ်ႇတင်း တၢင်းဢၼ်လီဢူၵ်းလီဢၢႆမႂ်း ၼၼ်ႉတီႈၵူႈသိုင်ႇၵူႈမိူင်းဢေႃႈ။
၆ ၵဝ်တၵ်းဢဝ်ဢၼ်ဝူၺ်ႇဢၼ်ႁင်ႈထႅမ်ႈသႂ်ႇတီႈမႂ်းလႄႈ ႁႂ်ႈမႂ်းၵူဝ်ႈၵိူၵ်ႇသေလႄႈ ဢဝ်မႂ်းဝႆႉ တီႈဢၼ်ပိူၼ်ႈတၵ်းလူတၵ်းတူၺ်း ၼၼ်ႉဢေႃႈ။
၇ ၶဝ်ၵႃႈဢၼ်ႁၼ်မႂ်းၼၼ်ႉတၵ်းဢွၼ်ၵၼ်ဢွၵ်ႇပၢႆႈသေၵႃႈတီႈမႂ်းလႄႈလၢတ်ႈဝႃႈ၊-ဝဵင်းၼိၼေဝူၺ်ႇလူႉလႅဝ်ယဝ်ႉ။ၽူႈ လႂ်တၵ်းပွင်ႉတၵ်းမိူၼ်ႇၵွပ်ႈပိူဝ်ႈမၼ်းၼၼ်ႉ၊ဝႃႈၼင်ႇၼႆဢေႃႈ။ၵဝ်တၵ်းႁႃဢဝ်ၶဝ်ၸိူဝ်းဢၼ်ႁႂ်ႈမႂ်းပျေႃႇၸႂ်ၼၼ်ႉပုၼ်ႈမႂ်း ၵႃႈတီႈ လႂ်လႆႈ။
၈ မႂ်းၼႆႉယိင်ႈၶႅၼ်းယႂ်ႇမျၢတ်ႈၼႃႇသေ ဝဵင်းၼေႃႇဢမ်ႇမုၼ်ႇ ဢၼ်တႄႇယူႇၵႃႈၼႂ်း ၵႄႈဝူင်ႈၵၢင်ၼမ်ႉႁွင်ႊၼမ်ႉၵႄးတင်းလၢႆ ဢၼ်ၶူၼ်းမၼ်းပဵၼ်ၼမ်ႉပၢင်ႇလၢႆႇ ဢၼ်လမ်းမၼ်းပဵၼ်ပၢင်ႇလၢႆႇၼၼ်ႉႁိုဝ်။
၉ မိူင်းၵုသတင်းမိူင်းဢေႇၵႅပ်ႉတု ၼၼ်ႉပဵၼ်လၢၵ်ႈၼၢၵ်ႈမၼ်းဢေႃႈ။ၼပ်ႉဢၢၼ်ႇတူၺ်းလႄႈဢမ်ႇသဵင်ႈဢမ်ႇမူတ်းလႆႈ။မိူင်းၽုတ တင်းမိူင်းလိပု ၵေႃႈၶဝ်ႈပႃးၼႂ်းလၢၵ်ႈၼၢၵ်ႈ မၼ်းဢေႃႈ။
၁၀ ၵူၺ်းၵႃႈဝဵင်းၼၼ်ႉလႆႈၶၢမ်ႇတၢင်းဢၼ်ၶၢႆႉတီႈၵႂႃႇလႄႈပိူၼ်ႈသိမ်းဢဝ်ၵႂႃႇယဝ်ႉယဝ်ႉ။လုၵ်ႈၶဝ်လၢင်းၶဝ်ၼၼ်ႉ လႆႈၶၢမ်ႇတၢင်းဢၼ်ဢဝ် ႁၵ်းႁိၵ်းသိၵ်ႇလႅဝ်ပႅတ်ႈၵႃႈတီႈႁူဝ်တၢင်းၵႃႈမီးလႄႈ တူၵ်းၸႃႇၵွၵ်ႈ ပုၼ်ႈၵူၼ်းဝဵင်းဢၼ်မီးၵုင်ႇသရေႇ ၸိူဝ်းၼၼ်ႉသေလႄႈ ဢဝ်ၸိူၵ်ႈလဵၵ်းမတ်ႉၽုၵ်ႈၵူၼ်းဝဵင်းဢၼ်ႁႅင်း ယႂ်ႇၼႃႇၵႃႈမီးၼၼ်ႉယဝ်ႉယဝ်ႉ။
၁၁ မႂ်းၵေႃႈတၵ်းလႆႈမဝ်းလဝ်ႈမဝ်းၵမ်သေလႄႈတဵတ်ႇမႅပ်းယူႇဢေႃႈ။မႂ်းတၵ်းလႆႈႁႃတီႈဢၼ်မၼ်ႈဢၼ်ၶိူင်ႇၼၼ်ႉ ႁႂ်ႈၵၢင်းလွတ်ႈ မိုဝ်းရၢၼ်ႇသူႇဢေႃႈ။
၁၂ တိူၵ်ႈတီႈတိုၵ်းသိုၵ်းမႂ်းၵႃႈမီးၼၼ်ႉတၵ်းလႆႈပဵၼ်မိူၼ်ၸိူဝ်ႉၼင်ႇတူဝ်ႈမၢၵ်ႇလိူဝ်ႇသၢင်းၽေႃး ဢၼ်မၢၵ်ႇမၢၵ်ႇဢၼ်သုၵ်းဢွၼ်တၢင်းပိူၼ်ႈၼၼ်ႉလႄႈ ပေႃးသၼ်ႇၶွၼ်းၸိုင်တၵ်းတူၵ်းသႂ်ႇ ၵႃႈၼႂ်းသူပ်းၵေႃႉဢၼ်ၶႂ်ႈၵိၼ်ၼၼ်ႉဢေႃႈ။
၁၃ တူၺ်းလူ။ၵူၼ်းၵႃႈၼႂ်းမႂ်းၸိူဝ်းၼၼ်ႉ ပဵၼ်ၸိူဝ်ႉၼင်ႇမေႈယိင်း
ၼၼ်ႉဝႆႉလႄႈၽၵ်းတူမိူင်းမႂ်းၸိူဝ်းၼၼ်ႉ မီးတၢင်းဢၼ်ၽုၺ်ႇပိုတ်ႇ ပၼ်ၵႂၢင်ႈၵႂၢင်ႈတီႈရၢၼ်ႇသူႇမႂ်းသေလႄႈၽႆးလႆႈမႆႈၵိူၼ်ႇၽၵ်းတူမႂ်းၸိူဝ်းၼၼ်ႉယဝ်ႉယဝ်ႉ။
၁၄ တႅၵ်းၼမ်ႉဝႆႉ ပုၼ်ႈၶိင်ႇမိူဝ်ႈဢၼ်ရၢၼ်ႇသူႇတင်းလၢႆ လွမ်ႉလဵပ်ႈႁွပ်ႈယူႇၼၼ်ႉတႃႉ။ႁႂ်ႈတိူၵ်ႈတီႈတိုၵ်းသိုၵ်းတင်းလၢႆမၼ်ႈၶိူင်ႇတႃႉ။ၶဝ်ၵႃႈၼႂ်းၵူမ်ႇလႄႈယဵပ်ႇၼူတ်ႈလိၼ်ဢုတ်ႇသေလႄႈ မႄးၵုမ်းမႄးႁဵတ်းတဝ်းဢုတ်ႇ တႃႉ။
၁၅ ၽႆးတၵ်းမႆႈမႂ်းၵႃႈတီႈၼၼ်ႉလႄႈလၢပ်ႇလႅဝ်းတၵ်းတႅပ်းၽၼ်းမႂ်းပႅတ်ႈ သေလႄႈၶူပ်းၵိၼ်မႂ်းၸိူဝ်ႉၼင်ႇဢၼ်မႅင်းၵႅင်းယႃႇလိၵ်ႉၼၼ်ႉဢေႃႈ။ၵျူဝ်းၸႃးႁဵတ်းႁႂ်ႈၵူၼ်းမႂ်းၼမ်ၼႃႇ မိူၼ်ၸိူဝ်ႉၼင်ႇဢၼ်မႅင်းၵႅင်းယႃႇလိၵ်ႉၼၼ်ႉလႄႈ ႁႂ်ႈၼမ်ၼႃႇမိူၼ်ၸိူဝ်ႉၼင်ႇမႅင်း ၵႅင်းဢရႃႇၽ ၼၼ်ႉတႃႉ။
၁၆ ပိၵ်ႉသမ်ႉမႂ်းႁႂ်ႈၸဝ်ႈၵုၼ်ႇၸဝ်ႈသိၼ်မႂ်းၼမ်ၼႃႇသေ လၢဝ်ၵၢင်ႁၢဝ်ၸိူဝ်းၼၼ်ႉသေၵေႃႈ မႅင်းၵႅင်းယႃႇလိၵ်ႉၸိူဝ်းၼၼ်ႉမီးၸွတ်ႇမီးတူဝ်ႈဝႆႉ လႄႈဢွၼ်ၵၼ်မိၼ်ၵႂႃႇဢေႃႈ။
၁၇ ၶုၼ်မႂ်းၸိူဝ်းၼၼ်ႉပဵၼ်ၸိူဝ်ႉၼင်ႇမႅင်းၵႅင်းဢရႃႇၽ၊ပူဝ်ႇမႂ်းၸိူဝ်းၼၼ်ႉ ပဵၼ်ၸိူဝ်ႉၼင်ႇမႅင်းၵႅင်းၵေႃႇၽ ဢၼ်ၸၢင်ႊဢွၼ်ၵၼ်မူပ်ႇယူႇၵႃႈတီႈႁိမ်းႁူဝ်ႉႁိမ်းႁိူၵ်ႈၼႂ်းမိူဝ်ႉဝၼ်း ဢၼ်ၵတ်းၼၼ်ႉဢေႃႈ။မိူဝ်ႈဢၼ်လႅတ်ႇဢွၵ်ႇၼၼ်ႉၸိုင်ၶဝ်မိၼ်ၵႂႃႇလႄႈ ဢမ်ႇလႆႈႁူႉလွင်ႈဢၼ်ၶဝ်ႁွတ်ႈထိုင်ၵႃႈတီႈလႂ်ၼၼ်ႉ။
၁၈ ၶုၼ်ႁေႃၶမ်းဢႃႇသုရိဢိူၺ်း။ၵူၼ်းဢၼ်လဵင်ႉထိင်းသူဝ်းမႂ်းၸိူဝ်းၼၼ်ႉၼွၼ်းလပ်းယူႇ၊ မူးမၢတ်ႈၽွင်းမိူင်းမႂ်းၸိူဝ်းၼၼ်ႉၵိင်းဝပ်ႈယူႇ၊ၵူၼ်းမႂ်းတင်းလၢႆၸိူဝ်းၼၼ်ႉ ၽၢတ်ႇၽႄယူႇၵႃႈၼိူဝ်သၼ်လွႆၵူႈတီႈၵူႈလႅၼ်ယူႇလႄႈ ၽူႈ လႂ်သေၵေႃႉသေၵူၼ်းဢမ်ႇႁႂ်ႈၶဝ် ၸူႉၵၼ်တုမ်ၵၼ်။
၁၉ တၢင်းၸဵပ်းမႂ်းဢမ်ႇႁၢႆလၢႆ။တၢင်းဢၼ်တိူဝ်ႉဢၼ်မၢတ်ႇမႂ်း ႁႅင်းယႂ်ႇၼႃႇလူင်လၢင်ဢေႃႈ။ၶဝ်ၵႃႈဢၼ်ငိၼ်းသတၢင်းသဵင်ၶၢဝ်ႇမႂ်းၼၼ်ႉတၵ်းဢွၼ်ၵၼ်တူပ်းမိုဝ်းၵႃႈၼိူဝ်မႂ်းဢေႃႈ။လွင်ႈမၼ်းၸမ်း၊ ၵေႃႉဢၼ်ယင်းဢမ်ႇလႆႈၶၢမ်ႇလွင်ႈတၢင်းဢၼ်ႁၢႆႉမိူၵ်ႈဢၼ်မႂ်းႁဵတ်းၼၼ်ႉလႄႈၵၢင်းလွတ်ႈၼၼ်ႉၸမ်းပဵၼ်ၽူႈ လႂ်။