၂
ၼိၼေႇဝူၺ်ႇတူၵ်းသုမ်း
၁ ၵေႃႉဢၼ်ႁႂ်ႈၽၢတ်ႇၽႄၵၼ်ၼၼ်ႉ ႁွတ်ႈမႃးၵႃႈတီႈၽၢႆႇၼႃႈမႂ်းယဝ်ႉယဝ်ႉ။ႁဵတ်းသတိတီႈတိူၵ်ႈတီႈတိုၵ်းသိုၵ်းမႂ်းလႄႈပႂ်ႉတႃႈပႂ်ႉတၢင်းယူႇတႃႉ။ႁႂ်ႈဢႅဝ်မႂ်းမၼ်ႈၶိူင်ႇ ႁွမ်ႁႅင်းထႅင်ႈတိၵ်းတိၵ်းတႃႉ။
၂ လွင်ႈမၼ်းၸမ်း ထႃႇဝရႃႉၽြႃးမႄးၵုမ်းမႄးႁဵတ်းမုၼ်ၽုင်းယႃႇၵုပ်ႉ မိူၼ်ၸိူဝ်ႉၼင်ႇမုၼ်ၽုင်းဢိသရေႇလဢေႃႈ။ၶဝ်ၸိူဝ်းဢၼ်ထွၵ်ႇပႅတ်ႈၼၼ်ႉဢွၼ်ၵၼ်ဢဝ်ၶဝ်ထွၵ်ႇပႅတ်ႈလႄႈ ယႃႉၵိင်ႇ ၶဝ်ၶႃႊၶဝ်ပႅတ်ႈယဝ်ႉယဝ်ႉ။
၃ ၶိူင်ႈႁႄႉလၢၵ်ႈၼၢၵ်ႈဢၼ်ၵူၼ်းသိုၵ်းမၼ်းဢၼ်ႁႅင်းယႂ်ႇၼႃႇၸိူဝ်းၼၼ်ႉ လႆႈပဵၼ်ဢၼ်လႅင်ႊလႄႈ ႁူဝ်ႁၢၼ်ၵူၼ်းသိုၵ်းမၼ်းတင်းလၢႆၼုင်ႈၶူဝ်းဢၼ်လႅင်ႊၵမ်ႇဢေႃႈ။ၼႂ်းမိူဝ်ႉဝၼ်းဢၼ်မၼ်းၶၢင်းတပ်ႉၶၢင်းငႃးမၼ်း တင်းလၢၵ်ႈၼၢၵ်ႈလဵၵ်းလႄႈၵၢၼ်းႁွၵ်ႇတင်းလၢႆ မီးတၢင်းဢၼ်ၽႅတ်းဝႆႉသၼ်ႇ ၶွၼ်းၼႃႇလူင်လၢင်ဢေႃႈ။
၄ လေႃႉရထႃးၸိူဝ်းၼၼ်ႉမေႃးယူႁိုင်ႁိုင်ႁၢင်ႁၢင် ၵႃႈၼႂ်းသဵၼ်ႈတၢင်းလႄႈၶုၼ်ႇလႅၼ်ႈတၢင်းတႂ်ႈတၢင်းၼိူဝ်ၵႃႈၼႂ်းတီႈဢၼ်ၵႂၢင်ႈလီလႃးလီၸိူဝ်းၼၼ်ႉဢေႃႈ။မီးဢရွင်ႇႁၢင်ႊၽၢင်မိူၼ်ၸိူဝ်ႉၼင်ႇၵၼႆ်းးလႄႈ ႁိူဝ်ႈမၢပ်ႈမိပ်ႈယူႇမိူၼ်ၸိူဝ်ႉ ၼငႃ်ႇႉမႅပ်ႈၼၼ်ႉဢေႃႈ။
၅ မၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းမူးမၢတ်ႈၽွင်းမိူင်းတင်းလၢႆလႄႈ ၶဝ်ၼၼ်ႉၶီႇလိုတ်းလႄႈလူမ်ႉၼႂ်းမိူဝ်ႈဢၼ်ၶဝ်ယင်းတိုၵ်ႉၶီႇၵႂႃႇယူႇၼၼ်ႉဢေႃႈ။ၶဝ်ႁိပ်ႈၼႅတ်ႈသုတ်ႉၸပ်းသုတ်ႉၸူးၵႃႈတီႈလမ်းဝဵင်းလႄႈ ပွင်ႁဵတ်းပွင်မႄးၵၢပ်ႇၸႃး ဢေႃႈ။
၆ ၽၵ်းတူၼမ်ႉႁွင်ႊတင်းလၢႆမီးတၢင်းဢၼ်ၽုၺ်ႇပိုတ်ႇလႄႈ ႁေႃၶမ်းၸဝ်ႈၼၼ်ႉလႆႈလပ်ႉႁၢႆၵႂႃႇ ဢေႃႈ။
၇ ဢမိင်ႉၸဝ်ႈမီးဝႆႉယဝ်ႉ။မၼ်းလႆႈၶၢမ်ႇတၢင်းဢၼ်ထွတ်ႇၶူဝ်းၼုင်ႈပႅတ်ႈသေလႄႈ ဢဝ်ၵႂႃႇဢေႃႈ။ၸိူင်ႉၼၢင်းမၼ်းၸိူဝ်းၼၼ်ႉ လႆႈဢိုတ်ႇႁွင်ႉၶၢင်းၶီၶၢင်းၽၢၼ် မိူၼ်ၸိူဝ်ႉၼင်ႇၼူၵ်ႉတူႈဢိုတ်ႇႁွင်ႉလႄႈ ထုပ်ႉ ဢူၵ်းယူႇသေလႄႈၸွမ်းၵႂႃႇဢေႃႈ။
၈ ၸႃႉၸဵမ်မိူဝ်ႈၵွၼ်ႇမိူဝ်ႈမိုၼ်ႉၼၼ်ႉလႄႈ ဝဵင်းၼိၼေႇဝူၺ်ႇၼၼ်ႉပဵၼ်ၸိူဝ်ႉၼင်ႇၼမ်ႉၼွင်ၼၼ်ႉယူႇဢေႃႈ။မိူဝ်ႈလဵဝ်ၼႆႉၸမ်းၶဝ်ၼၼ်ႉလႆႈဢွၵ်ႇပၢႆႈဢွၵ်ႇၼီဢေႃႈ။ပိၵ်ႉသမ်ႉၶဝ်ဢွၼ်ၵၼ်ႁွင်ႉသႅၼ်ႇလႄႈ ဝႃႈၵိုတ်းသဝ်းတႃႉ ဝႃႈၼင်ႇၼႆသေၵေႃႈ ၽူႈ လႂ်သေၵေႃႉသေၵူၼ်းဢမ်ႇဝၢႆႇၶိုၼ်းတူၺ်း ၶိုၼ်း။
၉ သူဢွၼ်ၵၼ်ႁိမ်ဢဝ်ႁူင်ႇဢဝ်ငိုၼ်းမၼ်းတႃႉ။ၶမ်းမၼ်းၵေႃႈဢွၼ်ၵၼ်ႁိမ်ဢဝ်ႁူင်ႇဢဝ်တႃႉ။ဢုၵ်ႉၸႃႇဢၼ်သိမ်းဝႆႉယဝ်ႉၼၼ်ႉ ၶိူင်ႈပိူင်ဢၼ်လီထုၵ်ႇၸႂ်ၵျိူၵ်ႈၸႂ်ၵႃႈမီးၼၼ်ႉဢမ်ႇသဵင်ႈဢမ်ႇမူတ်းလႆႈ။
၁၀ ဝဵင်းၼၼ်ႉ လႆႈပဝ်ႇလႆႈၵူင်ဝႆႉလႄႈဢမ်ႇမီးဢုုၵ်ႉၸႃႇၵႃႈၼႂ်းမၼ်း။ပဵၼ်ဢၼ်သိတ်ႇၵူၼ်းယိၼ်ၵူၼ်းဝႆႉဢေႃႈ။ႁူဝ်ၸႂ်ၶဝ် မီးတၢင်းဢၼ်လူႉယူႇ၊ႁူဝ်ၶဝ်ႇၶဝ်ၼင်ႇၵၼ်ၵၼ်တုမ်ႉၵၼ်တွၵ်ႈၵၼ်ယူႇ၊ ဢႅဝ်ၶဝ်ၵႃႈမီးမီးတၢင်းဢၼ်ငၢၼ်ႈယူႇသေလႄႈ ၼႃႈၶဝ်မီးတၢင်းဢၼ်ႁႅတ်ႇ ႁႅင်ႈၵႂႃႇယူႇဢေႃႈ။
၁၁ တီႈဢၼ်ပဵၼ်တီႈယူႇတီႈသဝ်းတီႈဢၼ်သၢင်ႇသီႈၼုမ်ႇၵိၼ်၊တီႈဢၼ်သၢင်ႇသီႈတူဝ်ပေႃႈ၊ သၢင်ႇသီႈတူဝ်မေႈ၊သၢင်ႇသီႈဢွၼ်ႇတင်းလၢႆၵႂႃႇၵႂႃႇမႃးမႃးယူႇလႄႈ ၽူႈ လႂ်ဢမ်ႇလႆႈႁႂ်ႈၶဝ်ၵူဝ် ႁႄၼၼ်ႉမီးၵႃႈ လႂ်။
၁၂ သၢင်ႇသီႈတူဝ်ပေႃႈၼၼ်ႉၶူပ်းၶၢတ်ႇဝႆႉပုၼ်ႈလုၵ်ႈဢွၼ်ႇလၢင်းဢွၼ်ႇမၼ်းတင်းလၢႆယူႇ၊ငႅၼ်းၶေႃးဝႆႉပုၼ်ႈသၢင်ႇသီႈတူဝ်မေႈယူႇသေလႄႈႁႂ်ႈထမ်ႈမၼ်းႁူးမၼ်းဢိၵ်ႇတင်း ႁူးတီႈယူႇမၼ်းတဵမ်ဝႆႉတင်းတူဝ်ဢၼ်ယႃႉပႅတ်ႈသိမ်းဢဝ်ၼၼ်ႉဢေႃႈ။
၁၃ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး မီးဢမိင်ႉၸမ်း၊-တူၺ်းလူ။ၵဝ်ယူႇၽၢႆႇၼိုင်ႈတင်းမႂ်းဢေႃႈ။ၵဝ်တၵ်းဢဝ်လေႃႉရထႃးမႂ်းၸိူဝ်းၼၼ်ႉ တုတ်ႇၵႃႈၼႂ်းၵွၼ်းၽႆးလႄႈလၢပ်ႇလႅဝ်း တၵ်းၵိၼ်သၢင်ႇသီႈၼုမ်ႇမႂ်းၸိူဝ်းၼၼ်ႉပႅတ်ႈဢေႃႈ။ၵဝ်တၵ်းပႄႇၽဵဝ်ႈဢုၵ်ႉၸႃႇဢၼ်မႂ်းႁိမ်ႁူင်ႇဢဝ်ၼၼ်ႉ ပႅတ်ႈသေၵႃႈၼိူဝ်လိၼ်မိူင်းလႄႈၵမ်းလိုၼ်းၽူႈ လႂ်သေၵေႃႉသေၵူၼ်း ဢမ်ႇလႆႈငိၼ်းသဵင်ၵႂၢမ်းသၢၼ်ႇတမၢၼ်ႇမႂ်းၸိူဝ်းၼၼ်ႉ။