၁
ၽြႃးပဵၼ်ၸဝ်ႈၸႂ်မႆႈၶႆႈၸႃႉၼိူဝ်ၼိၼေႇဝူၺ်ႇ
၁ ဢၼ်ပဵၼ်ပျႃႇတိၵ်ႈၸဝ်ႈ လူၺ်ႈလွင်ႈဝဵင်း ၼိၼေႇဝူၺ်ႇ လႄႈ ပဵၼ်လိၵ်ႈရူႇပႃႇရုင်ႇၼႃႇႁုမ်ႇၵူၼ်းဝၢၼ်ႈဢေႇလၵေႃႇသၼၼ်ႉၸမ်း၊ ထႃႇဝရႃႉၽြႃးပဵၼ်ၽြႃး ဢၼ်ႁၵ်ႉၶႅၼ်လႄႈၸၢင်ႊပၼ်တၢမ်ႇဢေႃႈ။
၂ ထႃႇဝရႃႉၽြႃးၸၢင်ႊပၼ်တၢမ်ႇလႄႈ မီးတဵမ်ဝႆႉတင်းတၢင်းၸႂ်မႆႈၶႆႈၸႃႉဢၼ်ႁႅင်းယႂ်ႇၼႃႇဢေႃႈ။ထႃႇဝရႃႉၽြႃးၸၢင်ႊပၼ်တၢမ်ႇ တီႈၶဝ်ၸိူဝ်းဢၼ်ႁဵတ်းၶတ်းၵၼ်တင်းမၼ်းၸဝ်ႈၼၼ်ႉလႄႈ ဝႆႉတၢင်းၽိတ်းတီႈရၢၼ်ႇ သူႇမၼ်းၸဝ်ႈတင်းလၢႆဢေႃႈ။
၃ ထႃႇဝရႃႉၽြႃးၸႂ်ယႂ်ႇၸႂ်ယၢဝ်းလႄႈမီးတၼ်းၶူဝ်းဢၼ်ယႂ်ႇၼႃႇဢေႃႈ။ၼႂ်းဝႃႈၼၼ်သေၵေႃႈ မၼ်းၸဝ်ႈဢမ်ႇပွႆႇၵေႃႉဢၼ်ဢပျႅတ်ႈတႄႇယူႇၼၼ်ႉလွတ်ႈသေၵႃႈၼႂ်းဢပျႅတ်ႈ။ထႃႇဝရႃႉၽြႃး ၸွမ်းသဵၼ်ႈတၢင်းမၼ်းၸဝ်ႈၵႂႃႇၵႃႈၼႂ်းလူမ်းၽိဝ်ႁုင်ဢိၵ်ႇတင်း ၽူၼ်လူင်လူမ်းလူင်လႄႈၽႃႈၽူၼ်တင်းလၢႆ ပဵၼ်ၸိူဝ်ႉၼင်ႇမုၼ်ႈလိၼ်ၼၼ်ႉ ၵႃႈတႂ်ႈၽႃႇတိၼ်မၼ်းၸဝ်ႈဢေႃႈ။
၄ မၼ်းၸဝ်ႈသင်ႇသွၼ်သုင်းမႃႉၼမ်ႉပၢင်ႇလၢႆႇသေလႄႈ ႁႂ်ႈၼမ်ႉယူတ်းႁႅင်ႈၵႂႃႇလႄႈၼမ်ႉႁွင်ႊၼမ်ႉၵႄး တင်းသဵင်ႈတင်းလူင်ႁႅင်ႈႁွင်ၵႂႃႇဢေႃႈ။လွႆပႃႇသၼ်ႇတင်း လွႆၵရမေႇလၸိူဝ်းၼၼ်ႉၸမ်း ႁဵဝ်ႇၸွပ်ႈၵႂႃႇလႄႈမွၵ်ႇလေႇပၼုၼ်ႇ ၵေႃႈလႆႈႁဵဝ်ႇၸွပ်ႈၵႂႃႇဢေႃႈ။
၅ ၵွပ်ႈပိူဝ်ႈမၼ်းၸဝ်ႈလႄႈလွႆတင်းလၢႆသၼ်ႇဝႆၶွၼ်းၶဝ်ႇယူႇ၊ ၵုင်းတင်းလၢႆၸိုမ်းပဵၼ်ၼမ်ႉၵႂႃႇယူႇ၊ ၸႃႉၸဵမ်လိၼ်မိူင်းလႄႈ လေႃးၵထၢတ်ႈတင်း ၵူၼ်းၵႃႈဢၼ်ယူႇၵႃႈၼႂ်းမၼ်းၼၼ်ႉ ၶၢႆႉတီႈသေၵႃႈတီႈၽၢႆႇၼႃႈမၼ်းၸဝ်ႈယူႇဢေႃႈ။
၆ ၽူႈ လႂ်တၵ်းၸုၵ်းၶၢမ်ႇယူႇၵႃႈတီႈၽၢႆႇၼႃႈ တၢင်းၸႂ်မႆႈၶႆႈၸႃႉမၼ်းၸဝ်ႈၼၼ်ႉလႆႈ။ဢၢႆႁႅင်းတေႃးသႃႉတၢင်းၸႂ်မႆႈၶႆႈၸႃႉမၼ်းၸဝ်ႈ လႆႈၶၢမ်ႇတၢင်းဢၼ်ထွၵ်ႈႁိုဝ်ႈမိူၼ်ၸိူဝ်ႉၼင်ႇတၢင်းဢၼ်ၽႆးမႆႈၼၼ်ႉလႄႈ မၢၵ်ႇႁိၼ်မၢၵ်ႇၽႃတင်းလၢႆ လႆႈၶၢမ်ႇတၢင်းဢၼ်မၼ်းၸဝ်ႈ ၵိူၼ်ႇယႃႉၶျႃးတူၵ်းပႅတ်ႈဢေႃႈ။
၇ ထႃႇဝရႃႉၽြႃးပဵၼ်ဢၼ်လီဢၼ်ငၢမ်းလႄႈ ပဵၼ်တိူၵ်ႈတီႈတိုၵ်းသိုၵ်းၼႂ်းမိူဝ်ႈဢၼ်ၽေးႁွတ်ႈထိုင်ၼၼ်ႉဢေႃႈ။မၼ်းၸဝ်ႈႁူႉၸၵ်းၶဝ်ၸိူဝ်းဢၼ် သွၼ်ႈပိုင်ႈမၼ်းၸဝ်ႈၼၼ်ႉယူႇ ဢေႃႈ။
၈ မၼ်းၸဝ်ႈတၵ်းဢဝ်ၼမ်ႉႁွင်ႊဢၼ်ၼွင်းၼၼ်ႉထူမ်ႈႁူမ်ႇတီႈယူႇဝဵင်းၼၼ်ႉ ႁႂ်ႈသုမ်းၸွမ်းလႄႈတၵ်းလိုပ်ႉၸွမ်းလမ်းၸွမ်း ရၢၼ်ႇသူႇမၼ်းၸဝ်ႈတင်းလၢႆ ၵႂႃႇၼႂ်းလပ်းသိင်ႇဢေႃႈ။
၉ သူၵျၢမ်ႇပွင်ၸိူဝ်ႉၼင်ႇႁိုဝ်ယူႇၽၢႆႇၼိုင်ႈတင်းထႃႇဝရႃႉၽြႃး။မၼ်းၸဝ်ႈတၵ်းဢဝ်သုမ်းၸွမ်းပႅတ်ႈႁႂ်ႈယဝ်ႉတူဝ်ႈဢေႃႈ။ၵမ်းလိုၼ်းတၢင်းဢၼ်ၼိၵ်ႈၸၢၵ်ႈငႅၼ်းသေးဢမ်ႇလႆႈပေႃႇလႆႈမႃး ထႅင်ႈ။
၁၀ ၶဝ်ၼၼ်ႉၼင်ႇၵၼ်ၵၼ်ၶွင်ႉၶမ်ၸပ်းၵၼ်ယူႇမိူၼ်ၸိူဝ်ႉၼင်ႇတူၼ်ႈၼၢမ်ဢိၵ်ႇတင်း ပဵၼ်ၸိူဝ်ႉၼင်ႇဢၼ်မဝ်းလဝ်ႈလူၺ်ႈၼမ်ႉၸပိတ်ႈယူႇသေလႄႈ တၵ်းလႆႈဢွၼ်ၵၼ် ၶၢမ်ႇတၢင်းဢၼ်ၽႆးမႆႈမိူၼ်ၸိူဝ်ႉၼင်ႇယိူဝ်ႈႁႅင်ႈယိူဝ်ႈႁွင်ၼၼ်ႉဢေႃႈ။
၁၁ ၵေႃႉဢၼ်ၵျၢမ်ႇပွင်ဢၼ်ဢမ်ႇလီယူႇၽၢႆႇၼိုင်ႈတင်းထႃႇဝရႃႉၽြႃးလႄႈ တိူင်ႇပၢင်ႇဢႃႉထမ်ႇမႃႉယူႇၼၼ်ႉ ပေႃႇဢွၵ်ႇပဵၼ်မႃးၵႃႈၼႂ်းမႂ်းယဝ်ႉ။ထႃႇဝရႃႉၽြႃးမီးဢမိင်ႉၸမ်း၊ ပိၵ်ႉသမ်ႉၶဝ်ၸေးၸုင်ႇလႄႈၼပ်ႉဢၢၼ်ႇမီးၼမ်ၼႃႇသေၵေႃႈ ၶဝ်တၵ်းလႆႈဢွၼ်ၵၼ်သုမ်းၸွမ်းသေလႄႈ လပ်ႉႁၢႆၵႂႃႇဢေႃႈ။
၁၂ ပိၵ်ႉသမ်ႉ ၵဝ်ယၢမ်ႈၼိၵ်ႈၸၢၵ်ႈငႅၼ်းသေးမႂ်းသေၵေႃႈၵမ်းလိုၼ်း ၵဝ်တၵ်းဢမ်ႇ ၼိၵ်ႈၸၢၵ်ႈငႅၼ်းသေးမႂ်း ထႅင်ႈ။
၁၃ မိူဝ်ႈလဵဝ်ၼႆႉၸိုင်ၵဝ်တၵ်းႁၵ်းႁိၵ်းၵၢၼ်းမႂ်းၼၼ်ႉပႅတ်ႈသေၵႃႈတီႈမႂ်းလႄႈ တိုတ်ႉၸိူၵ်ႈဢၼ်မတ်ႉၽုၵ်ႈ မႂ်းၸိူဝ်းၼၼ်ႉၶၢတ်ႇပႅတ်ႈဢေႃႈ။
၁၄ ထႃႇဝရႃႉၽြႃးၸီႇယၢင်ႇလူၺ်ႈလွင်ႈမႂ်းဝႆႉၸမ်း၊ မဵဝ်းမႂ်းဢမ်ႇလႆႈသိုပ်ႇၵႂႃႇတိူၼ်းၵႂႃႇ။ၵဝ်တၵ်းပႄႇၽဵဝ်ႈရုၵ်ႉထူႉဢၼ်တွင်ႈႁဵတ်းၶႅၵ်းႁဵတ်းဢိၵ်ႇတင်း ရုၵ်ႉထူႉဢၼ်သွၼ်းႁဵတ်းလေႃႇႁဵတ်းၼၼ်ႉပႅတ်ႈသေၵႃႈၼႂ်းၵျွင်းၽြႃးမႂ်းဢေႃႈ။ၵွပ်ႈပိူဝ်ႈဢၼ်မႂ်းယုတ်ႈမိူၵ်ႈလႄႈ ၵဝ်တၵ်းႁဵတ်းႁႂ်ႈမၼ်း ပဵၼ်ပႃႇႁဵဝ်ႈသၢင်းၶႅင်းမႂ်းဢေႃႈ။
၁၅ ဢွၼ်ၵၼ်တူၺ်းတိၼ်ၵေႃႉဢၼ ်မွၵ်ႇလၢတ်ႈသတၢင်းသိူဝ်းပျေႃႇလႄႈ ႁွင်ႉပၢဝ်ႇႁွင်ႉသေႃႇ လွင်ႈတၢင်းဢၼ်ၼိမ်ဢၼ်လီၼၼ်ႉယူႇၵႃႈၼိူဝ်လွႆတင်းလၢႆၼၼ်ႉတႃႉ။မဵဝ်းယုတဢိူၺ်း။ၶၢမ်ႇပွႆးထမ်ႇမႃႉမႂ်းၸိူဝ်းၼၼ်ႉတႃႉ။ၽႄႇဝၢတ်ႈၵတိသႅတ်ႉၸႃႇမႂ်းၸိူဝ်းၼၼ်ႉတႃႉ။ၵမ်းလိုၼ်းၵေႃႉဢၼ်ႁၢႆႉဢၼ်မိူၵ်ႈၼၼ်ႉဢမ်ႇလႆႈယဵပ်ႇလႆႈၶၢမ်ႈမႂ်း။မၼ်းလႆႈၶၢမ်ႇ တၢင်းဢၼ်ပႄႇတႅပ်းပႅတ်ႈမူတ်းမူတ်းသဵင်ႈသဵင်ႈယဝ်ႉ။