၃
မၢၼ်ႈမိူင်းလႆႈၶၢမ်ႇၸီႇယၢင်ႇ
၁ တူၺ်းလူ။မိူဝ်ႈဢၼ်ၵဝ်သမ်ႉဢဝ်ၵူၼ်းယုတ၊ၵူၼ်းဝဵင်းယေႇရုသလႅမ်ႇ ဢၼ်လႆႈၶၢမ်ႇတၢင်းဢၼ်သိမ်းဢဝ်ၵႂႃႇၸိူဝ်းၼၼ်ႉၶိုၼ်းမႃးၼၼ်ႉၸို်င် ၼႂ်းၶိင်ႇၵႃႇလမိုဝ်ႉ ဝၼ်းၼၼ်ႉ၊
၂ ၵဝ်တၵ်းႁႂ်ႈၵူၼ်းၵူႈၸိူဝ်ႉၵူႈမဵဝ်းၸူႉၵၼ်တုမ်ၵၼ်သေလႄႈ ႁွင်ႉဢဝ်ၶဝ်လူင်းမႃးၵႃႈတီႈၶူင်ႈႁူၺ်ႈယေႃႇသၽတ်ႉဢေႃႈ။ၵဝ်တၵ်းယူႇၽၢႆႇမဵဝ်းဢိသရေႇလၵူၼ်းဢမူၺ်ႇၵဝ် ဢၼ်ၶဝ်ဢဝ်ၸၢတ်ႇပိုၼ်ပႅတ်ႈၵႃႈၼႂ်းၵူႈသိုင်ႇၵူႈမိူင်းသေလႄႈ ၽႄမိူင်းၵဝ်မႅင်ႇပၼ်ၸိူဝ်းၼၼ်ႉသေလႄႈ လၢတ်ႈတြႃးတေႃႇၵၼ်တင်းၶဝ် ၼၼ်ႉဢေႃႈ။
၃ ၶဝ်ၼၼ်ႉတူၵ်းလိၵ်ႈၸႃႇၵွၵ်ႈပုၼ်ႈၵူၼ်းၵဝ်တင်းလၢႆယဝ်ႉ။ၶဝ်ဢဝ်ၽူႈၸၢႆးဢွၼ်ႇလႅၵ်ႈဢဝ်လၢႆဢဝ်မေႈမွၵ်ႇယႃႈလႄႈ ဢဝ်မေႈယိင်းဢွၼ်ႇၶၢႆပႅတ်ႈသိုဝ်ႉဢဝ်ၼမ်ႉၸပိတ်ႈ ပုၼ်ႈဢၼ်ၶဝ်တၵ်းၵိၼ်ဢေႃႈ။
၄ ဝဵင်းတုရုဢိူၺ်း။ဝဵင်းၸိတုၼ်ႇဢိူၺ်း။တီႈဢၼ်ၸမ်ၵၼ်တင်းမိူင်းၽိလိတ်ႉတိၵႃႈမီးၶဝ်ဢိူၺ်း။သူၸၢပ်ႈသႅင်ႇၵၼ်တင်းၵဝ်ၸိူဝ်ႉၼင်ႇႁိုဝ်။သူတၵ်းတွပ်ႇၶိုၼ်းတႅၼ်းၶိုၼ်းရၢၼ်ႇတၢင်းၽိတ်းတီႈၵဝ်ႁိုဝ်။ပေႃးတွပ်ႇၶိုၼ်း တႅၼ်းၶိုၼ်းရၢၼ်ႇသူႇတၢင်းၽိတ်းတီႈၵဝ်ၸိုင်ၵဝ်တၵ်းႁႂ်ႈရၢၼ်ႇတၢင်းၽိတ်းၼၼ်ႉၶိုၼ်းႁွတ်ႈထိုင် ၵႃႈၼိူဝ်ႁူဝ်သူၶၼ်ၶၼ်ၽႂ်းၽႂ်းဢေႃႈ။
၅ ၵွပ်ႈပိူဝ်ႈဢၼ်သူသိမ်းဢဝ်ငိုၼ်းၶမ်းၶဝ်လႄႈဢဝ်ဢုၵ်ႉၸႃႇမျၢတ်ႈဢၼ်ထုၵ်ႇၸႂ်ၵျိူၵ်ႈၸႂ်ၵဝ်ၼၼ်ႉသႂၢင်းၶဝ်ႈၵႃႈၼႂ်းၽုင်ႇပိၵ်ႉမၢၼ်ႇသူ၊ ဢိၵ်ႇတင်းၵွပ်ႈပိူဝ်ႈဢၼ်သူဢဝ် ၵူၼ်းမိူင်းယုတ၊
၆ ၵူၼ်းဝဵင်းယေႇရုသလႅမ်ႇတင်းလၢႆၶၢႆပၼ်တီႈၵူၼ်းႁေႇလသ တင်းလၢႆႁႂ်ႈၶဝ်ဢဝ်ဢွၵ်ႇသေၵႃႈၼႂ်းမိူင်းတီႈယူႇၶဝ်ၶၢႆႉတီႈၵႂႃႇ ၵႃႈတီႈဢၼ်ၵႆ သေ၊တူၺ်းလူ။
၇ ၵဝ်တၵ်းႁႂ်ႈၶဝ်လုၵ်ႉသေၵႃႈတီႈဢၼ်သူၶၢႆပႅတ်ႈၼၼ်ႉၶိုၼ်းမႃးလႄႈ ႁႂ်ႈတၢင်းဢၼ်သူတွပ်ႇတႅၼ်းၶိုၼ်းရၢၼ်ႇတၢင်းၽိတ်းၼၼ်ႉ ၶိုၼ်းႁွတ်ႈထိုင် ၵႃႈၼိူဝ်ႁူဝ်သူဢေႃႈ။
၈ လုၵ်ႈၸၢႆးလုၵ်ႈယိင်းသူတင်းလၢႆၵေႃႈၵဝ်တၵ်းဢဝ်ၶၢႆတေႃႇၵူၼ်းမဵဝ်းယုတ လႄႈၶဝ်တၵ်းသမ်ႉဢဝ်ၶၢႆပၼ်တီႈၵူၼ်းသေႇၽ တင်းလၢႆဢၼ်ဝႃႈမဵဝ်းဢၼ်ၵႆၼၼ်ႉဢေႃႈ။ထႃႇဝရႃႉၽြႃးမီးဢမိင်ႉဝႆႉ ၸိူဝ်ႉၼင်ႇၼၼ်ယဝ်ႉ။
၉ မွၵ်ႇလၢတ်ႈလွင်ႈတၢင်းၼႆႉတီႈၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတႃႉ။ပွင်ႁႅၼ်းပွင်မႄးႁႂ်ႈလႆႈတိုၵ်းသိုၵ်းလႄႈ တိုၵ်းယူင်းၵူၼ်းဢၼ်ႁႅင်းယႂ်ႇၼႃႇတင်းလၢႆတႃႉ။ႁႂ်ႈၵူၼ်းသိုၵ်းတင်းသဵင်ႈတင်းလူင်သုတ်ႉၸပ်းသုတ်ႉၸူးလႄႈ ဢွၼ်ၵၼ်ၶိုၼ်ႈၸူး သေ။
၁၀ ဢွၼ်ၵၼ်ဢဝ်သိၵ်ႈၽိူဝ်လဵၵ်းသူတင်းလၢႆၶဵၼ်ႇႁဵတ်းလၢပ်ႇလႄႈ ဢဝ်ၶဵဝ်းသူတင်းလၢႆၶဵၼ်ႇႁဵတ်းႁွၵ်ႇတႃႉ။ႁႂ်ႈၶဝ်ၸိူဝ်းဢၼ်ႁႅင်းလဵၵ်ႉၼၼ်ႉလၢတ်ႈလႄႈဝႃႈၵဝ်ႁႅင်းယႂ်ႇၼႃႇဢေႃႈ၊ဝႃႈၼင်ႇၼႆသေ။
၁၁ ၵူၼ်းတၢင်ႇၸိူဝ်ႉဢၼ်ယူႇလဵပ်ႈႁွပ်ႈ တင်းသဵင်ႈတင်းလူင်ၶဝ်ဢိူၺ်း။ဢွၼ်ၵၼ်ႁိပ်ႈၼႅတ်ႈသေလႄႈမႃးတႃႉ။ဢွၼ်ၵၼ်မႃးၸူႉၵၼ်တႃႉ။ထႃႇဝရႃႉၽြႃးတီႈၶႃႈ။ႁႂ်ႈၵူၼ်းသိုၵ်းၸဝ်ႈ ႁဝ်းလူင်းမႃးၸူးၵႃႈတီႈၼၼ်ႉသေၵမ်းတီႈၶႃႈ။
၁၂ ႁႂ်ႈၵူၼ်းသိုၵ်းတၢင်ႇၸိူဝ်ႉတၢင်ႇၶိူဝ်းတင်းလၢႆလုၵ်ႉလႄႈ ဢွၼ်ၵၼ်ၶိုၼ်ႈၸူးၵႃႈတီႈၶူင်ႈႁူၺ်ႈယေႃႇသၽတ်ႉသေ။ၵဝ်တၵ်းၼင်ႈၵႃႈတီႈၼၼ်ႉ ႁႂ်ႈလႆႈၸႅတ်ႈထၢမ်ၸီႇယၢင်ႇၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ယူႇလဵပ်ႈႁွပ်ႈတင်း သဵင်ႈတင်းလူင်ၼၼ်ႉဢေႃႈ။
၁၃ ၵွပ်ႈပိူဝ်ႈဢၼ်ၶဝ်ႈဢၼ်လီပၢတ်ႇၼၼ်ႉသုၵ်းယဝ်ႉလႄႈဢွၼ်ၵၼ်ပွႆႇၶဵဝ်းတႃႉ။ၵွပ်ႈပိူဝ်ႈဢၼ်ၶိူင်ႈဢၼ်ၼူတ်ႈမၢၵ်ႇၸပိတ်ႈတဵမ်လႄႈႁၢင်းၼမ်ႉၸပိတ်ႈတင်းလၢႆ လူၼ်ႉလိူဝ်ယဝ်ႉၼၼ်ႉလႄႈဢွၼ်ၵၼ်မႃးလႄႈလူင်းယဵပ်ႇလူင်းၼူတ်ႈတႃႉ။လွင်ႈမၼ်းၸမ်း တူႉၸရိူၵ်ႈဢပျႅတ်ႈဢၼ်ၶဝ်ႁဵတ်းၼၼ်ႉယႂ်ႇ ၼႃႇဢေႃႈ။
၁၄ ၵႃႈၼႂ်းပၢင်ႇႁူၺ်ႈတၢင်းဢၼ်ၸီႇယၢင်ႇတႅပ်းတတ်းၼၼ်ႉၵူၼ်းၼမ်ၼႃႇ မီးတၢင်းဢၼ်ၸူႉၵၼ်တုမ်ၵၼ်ယူႇဢေႃႈ။မိူဝ်ႉဝၼ်းထႃႇဝရႃႉၽြႃးၸမ်းတၵ်း ႁွတ်ႈထိုင်ၵႃႈတီႈ ပၢင်ႇႁူၺ်ႈတၢင်းဢၼ်ၸီႇ ယၢင်ႇတႅပ်းတတ်းၼၼ်ႉယဝ်ႉ။
၁၅ ၵၢင်ဝၼ်းဢိၵ်ႇတင်းလိူၼ်တၵ်းလပ်းသိင်ႇၵႂႃႇသေလႄႈလၢဝ်တင်းလၢႆယင်းဢမ်ႇႁိူဝ်ႈဢမ်ႇလႅင်းလႄႈတၵ်းယူႇဢေႃႈ။
၁၆ ထႃႇဝရႃႉၽြႃးတၵ်းယူႇၵႃႈၼိူဝ်လွႆၸိဢုၼ်ႇ ႁွင်ႉသႅၼ်ႇသေလႄႈယူႇၵႃႈၼႂ်းဝဵင်းယေႇရုသလႅမ်ႇ ၵိဝ်ႇသဵင်လႄႈၾႃႉၵၢင်ႁၢဝ်ဢိၵ်ႇတင်း လိၼ်မိူင်းတၵ်းသၼ်ႇၶွၼ်းဝႆဢေႃႈ။ၵူၺ်းၵႃႈထႃႇဝရႃႉၽြႃးၼၼ်ႉတၵ်းပဵၼ်တီႈဢၼ်သွၼ်ႈဢၼ်ပိုင်ႈ တီႈၵူၼ်းမၼ်းၸဝ်ႈတင်းလၢႆ၊တၢင်းၵတ်ႉတၢင်းၶၼ်တီႈၵူၼ်းမဵဝ်းဢိသရေႇလ တင်းလၢႆဢေႃႈ။
တၢင်းလီမၢင်ႇၵလႃႇပုၼ်ႈၵူၼ်းၽြႃးပဵၼ်ၸဝ်ႈ
၁၇ ၼင်ႇၼၼ်လႄႈ သူတၵ်းလႆႈႁူႉ လွင်ႈဢၼ်ၵဝ်ပဵၼ်ထႃႇဝရႃႉၽြႃးၽြႃးပဵၼ်ၸဝ်ႈသူ ဢၼ်ယူႇၵႃႈၼိူဝ်လွႆၸိဢုၼ်ႇဢၼ်မူတ်းၸၢင်ႇၵဝ်ၼၼ်ႉဢေႃႈ။ဝဵင်းယေႇရုသလႅမ်ႇ ၵေႃႈတၵ်းပဵၼ်ဢၼ်မူတ်းၸၢင်ႇလႄႈ ၵမ်းလိုၼ်း ၵူၼ်းတၢင်ႇၸိူဝ်ႉတၢင်ႇမဵဝ်းဢမ်ႇလႆႈယဵပ်ႇလႆႈ ၶၢမ်ႈဝဵင်းၼၼ်ႉ။
၁၈ ၼႂ်းမိူဝ်ႉဝၼ်းၼၼ်ႉလွႆတင်းလၢႆတၵ်းယွတ်ႇႁူဝ်ႈဢွၵ်ႇ ၼမ်ႉၸပိတ်ႈဢၼ်ဝၢၼ်လႄႈ ၵုင်းတင်းလၢႆတၵ်းဢွၵ်ႇၼမ်ႉၼူမ်းလႆၵႂႃႇဢေႃႈ။ၼမ်ႉႁွင်ႊယုတ ၵႃႈမီးၼၼ်ႉ တၵ်းမီးတၢင်းဢၼ်ၼမ်ႉလႆယူႇလႄႈ ၼမ်ႉဢွၵ်ႇႁူးတၵ်းဢွၵ်ႇသေၵႃႈၼႂ်းႁိူၼ်းထႃႇဝရႃႉၽြႃးသေလႄႈႁႂ်ႈပၢင်ႇႁူၺ်ႈသိတ်ႉတိမ်ႇယမ်း ဢေႃႈ။
၁၉ မိူင်းဢေႇၵႅပ်ႉတုတၵ်းမီးတၢင်းဢၼ်သိတ်ႇၵူၼ်းယဵၼ်ၵူၼ်းၵႂႃႇလႄႈမိူင်းဢေႇတုမ်ႇ တၵ်းပဵၼ်ထိူၼ်ႇပဵၼ်ၶိူဝ်းဢၼ်ၽိတ်ႇၵူၼ်းငႅဝ်ၵူၼ်းၵႂႃႇ ၵွပ်ႈပိူဝ်ႈဢၼ်ၶဝ်ၼိၵ်ႈၸၢၵ်ႈငႅၼ်းသေး ၵူၼ်းမဵဝ်းယုတ တင်းလၢႆလႄႈ ထွၵ်ႇလိူတ်ႈ ၶဝ်ၸိူဝ်းဢၼ်ဢမ်ႇမီးဢပျႅတ်ႈ ၼၼ်ႉၵႃႈၼႂ်းမိုဝ်းၶဝ်ၼၼ်ႉဢေႃႈ။
၂၀ မိူင်းယုတၸမ်းတၵ်းလႆႈပဵၼ်မိူင်းထႃႇဝရႃႉ၊ဝဵင်းယေႇရုသလႅမ်ႇ ၸမ်းတၵ်းလႆႈပဵၼ်ဝဵင်းဢၼ်တႄႇယူႇၶိင်ႇၵႃႇလႃႉတႃႇသေႇ ဢမ်ႇထၢတ်ႇဢေႃႈ။ၵဝ်တၵ်းမၢတ်ႈတၢင်းဢၼ်ၶဝ်ထွၵ်ႇလိူတ်ႈပႅတ်ႈ ဢၼ်ၵဝ်ဢမ်ႇမၢတ်ႈပဵၼ်ဢၼ်ၵၢင်းလွတ်ႈတင်းဢပျႅတ်ႈၼၼ်ႉဢေႃႈ။လွင်ႈမၼ်းၸမ်းထႃႇဝရႃႉၽြႃး ၵိင်းဝပ်ႈယူႇၵႃႈၼိူဝ်လွႆၸိဢုၼ်ႇဢေႃႈ။