၄
ယုဝ်းၼၸႂ်မႆႈၶႆႈၸႃႉၽြႃးပဵၼ်ၸဝ်ႈ
၁ ယုဝ်းၼ ၼၼ်ႉၸႂ်သဝ်ႈၸႂ်လမ်ၼႃႇလူင်လၢင်လႄႈတၢင်းၸႂ်မႆႈၶႆႈၸႃႉဢွၵ်ႇသေလႄႈ မၼ်းလဝ်ႈယွၼ်းတီႈထႃႇဝရႃႉႉၽြႃးလႄႈဝႃႈ၊-ထႃႇဝရႃႉႉၽြႃးတီႈၶႃႈ။ၶႃႈၸဝ်ႈတွင်းပၢၼ်ႇတီႈၶႃႈဢေႃႈ။မိူဝ်ႈဢၼ်ၶႃႈၸဝ်ႈယင်းမီးယူႇၵႃႈၼႂ်းမိူင်းၶႃႈၸဝ်ႈၼၼ်ႉၸိုင် ၶႃႈၸဝ်ႈလၢတ်ႈဝႃႈၸိူဝ်ႉၼင်ႇၼႆယဝ်ႉဢမ်ႇၸႂ်ႈတီႈၶႃႈႁိုဝ်။ပိူဝ်ႈၼႆလႄႈ ၶႃႈၸဝ်ႈႁိပ်ႈၼႅတ်ႈ ဢွၵ်ႇၸူးၵႃႈတီႈဝဵင်း တႃႇသုပုၼ်ႉတီႈၶႃႈဢေႃႈ။
၂ ၶႃႈၸဝ်ႈႁူႉလွင်ႈဢၼ်ၸဝ်ႈႁဝ်းပဵၼ် ၽြႃးဢၼ်ၸၢင်ႊဢိတ်းလူႁၵ်ႉပႅင်းလႄႈမီးၸႂ်ဢၼ်ယႂ်ႇဢၼ်ယၢဝ်း၊ ၸႂ်ဢၼ်ၶႂ်ႈႁဵတ်းၵျေးၸူး၊ၸႂ်ဢၼ်မီးၸႂ်ဢိတ်းလူလူၺ်ႈတၢင်းဢၼ်တၵ်းပၼ် ၽေးတၢမ်ႇၼၼ်ႉယူႇတီႈၶႃႈဢေႃႈ။
၃ ၵွပ်ႈပိူဝ်ႈဢၼ်ပဵၼ်ၼင်ႇၼႆလႄႈထႃႇဝရႃႉၽြႃးတီႈၶႃႈ။ၶႅၼ်းတေႃႈထွတ်ႇထူၺ်ႈဢဝ်ဢသၢၵ်ႈၶႃႈၸဝ်ႈ သေၵမ်းတီႈၶႃႈ။တၢင်းဢၼ်ၶႃႈၸဝ်ႈတႆႇၼၼ်ႉ ယိင်ႈၶႅၼ်းလီၼႃႇသေတၢင်းဢၼ်ၶႃႈၸဝ်ႈဢသၢၵ်ႈလိပ်းယူႇၼႆႉတီႈၶႃႈဢေႃႈ၊ဝႃႈၼင်ႇၼႆဢေႃႈ။
၄ ထႃႇဝရႃႉႉၽြႃးၵေႃႈတွင်ႈထၢမ်လႄႈဝႃႈ၊-မႂ်းထုၵ်ႇလီၸႂ်မႆႈၶႆႈၸႃႉၼႃႇလူင်လၢင် ႁိုဝ်း၊ဝႃႈၼင်ၼႆဢေႃႈ။
၅ ယုဝ်းၼ ၼၼ်ႉဢွၵ်ႇၵႂႃႇၵႃႈၼွၵ်ႈဝဵင်းလႄႈ ၶျႃးတီႈယူႇမၼ်းယူႇၵႃႈတီႈၽၢႆႇဝၼ်းဢွၵ်ႇဝဵင်းသေလႄႈႁဵတ်းသုမ်ႉထဵင်ပုၼ်ႈမၼ်းလႄႈၼင်ႈယူႇၵႃႈၼႂ်းႁူမ်ႈၼၼ်ႉယူႇ ႁႂ်ႈလႆႈႁူႉႁၼ်လွင်ႈဢၼ် တၵ်းပဵၼ်ၸိူဝ်ႉၼင်ႇႁိုဝ်ၵႃႈတီႈဝဵင်းၼၼ်ႉဢေႃႈ။
၆ ထႃႇဝရႃႉႉၽြႃးၽြႃးပဵၼ်ၸဝ်ႈၵေႃႈ ပွင်ႁဵတ်းပွင်မႄးတူၼ်ႈၵုင်ႈလႄႈ ႁႂ်ႈမၼ်းပေႃႇဢွၵ်ႇၶိုၼ်ႈမႃးၵႃႈၼိူဝ်ယုဝ်းၼႁႂ်ႈႁူမ်ႇႁူဝ်မၼ်းဝႆႉလႄႈ ၵႄႇသႄႇၼုၵ်ႈဢဝ်မၼ်းၵႃႈၼႂ်းတၢင်းဢၼ်ၸႂ်မၼ်းဢမ်ႇသႃႇဢမ်ႇလီ ၼၼ်ႉဢေႃႈ။ၵွပ်ႈပိူဝ်ႈတူၼ်ႈၵုင်ႈၼၼ်ႉလႄႈ ယုဝ်းၼ ထုၵ်ႇၸႂ်ၸူမ်းသိူဝ်းၼႃႇလူင်လၢင်ဢေႃႈ။
၇ ဝၼ်းမိူဝ်ႈၽုၵ်ႈ ဢၼ်မိူင်းလႅင်းမႃးၼၼ်ႉၸိုင်မူင်ႈဢၼ်ၽြႃးပဵၼ်ၸဝ်ႈၶၢၼ်းဝႆႉၼၼ်ႉၶူပ်းတူၼ်ႈၵုင်ႈၼၼ်ႉ လႄႈႁဵဝ်ႇၸွပ်ႈၵႂႃႇဢေႃႈ။
၈ မိူဝ်ႈဢၼ်ၵၢင်ဝၼ်းဢွၵ်ႇမႃးၼၼ်ႉၸိုင် ၽြႃးပဵၼ်ၸဝ်ႈပွင်ႁဵတ်းပွင်မႄးလူမ်းတၢင်းဢွၵ်ႇဢၼ်မႆႈႁွၼ်ႉၼႃႇလူင်လၢင်ၼၼ်ႉလႄႈ လႅတ်ႇထွင်ႇသႂ်ႇၵွၵ်းႁူဝ်ယုဝ်းၼ ႁႂ်ႈမၼ်းထၼ်ႈပေႃးဢူၼ်ႈပေႃးဢွၼ်ႇလႄႈမီးၸႂ်ဢၼ်ၶႂ်ႈတၢႆယူႇသေလႄႈ ပွင်ႉၶၼ်းလႄႈဝႃႈ၊-တၢင်းဢၼ်တၢႆၼၼ်ႉယိင်ႈၶႅၼ်းလီၼႃႇသေတၢင်းဢၼ်ၵဝ်ဢသၢၵ်ႈလိပ်းၼႆႉဢေႃႈ၊ ဝႃႈၼင်ႇၼႆဢေႃႈ။
၉ ၽြႃးပဵၼ်ၸဝ်ႈၵေႃႈတွင်ႈထၢမ်တီႈယုဝ်းၼ လႄႈဝႃႈ၊-မႂ်းထုၵ်ႇလီၸႂ်မႆႈၶႆႈၸႃႉၵွပ်ႈပိူဝ်ႈတူၼ်ႈၵုင်ႈၼၼ်ႉၼႃႇလူင်လၢင်ႁိုဝ်၊ ဝႃႈၼင်ႇၼႆသေယဝ်ႉ၊မၼ်းၼၼ်ႉလဝ်ႈလၢတ်ႈလႄႈဝႃႈ၊- ၶႃႈၸဝ်ႈထုၵ်ႇလီၸႂ်မႆႈၶႆႈၸႃႉ တေႃႇထိုင်ႁွတ်ႈထၼ်ႈပေႃးတၵ်း တၢႆတီႈၶႃႈယဝ်ႉ၊ဝႃႈၼင်ႇၼႆဢေႃႈ။
၁၀ ထႃႇဝရႃႉႉၽြႃးၵေႃႈလၢတ်ႈလႄႈဝႃႈ၊-မႂ်းမီးတၢင်းဢၼ်သေလၢႆတူၼ်ႈၵုင်ႈ ဢၼ်မႂ်းဢမ်ႇႁဵတ်းယၢပ်ႇၶၢၼ်ၸႂ်၊ဢၼ်မႂ်းဢမ်ႇလုမ်းလႃးႁႂ်ႈယႂ်ႇမႃးသုင်မႃး၊ ဢၼ်ဢွၵ်ႇပဵၼ်မႃးၼႂ်းၶိုၼ်းလဵဝ်ၵူၺ်းလႄႈတၢႆၵႂႃႇၼႂ်းၶိုၼ်းလဵဝ် ၵူၺ်းၼၼ်ႉယဝ်ႉလူင်ပေႇ။
၁၁ ၵဝ်ဢမ်ႇထုၵ်ႇလီသေလၢႆဝဵင်းၼိၼေႇဝူၼ်ႇ ဝဵင်းလူင်ဢၼ်မီးၵူၼ်းသႅၼ်ပၢႆသွင်မိုၼ်ႇၼိုင်ႈ ဢၼ်ၸၵ်းၽႄမိုဝ်းၶွၼ်ၶႂႃဢိၵ်ႇတင်းမိုဝ်းၶွၼ်သၢႆႉတူဝ်ၸဝ်ႈၵဝ်လႄႈ ဢမ်ႇႁူႉလႆႈၸိူဝ်းၼၼ်ႉဢိၵ်ႇတင်းတရိၵ်ႈသၢၼ်ႇ ဢၼ်ၼမ်ၼႃႇလူင်ႇလၢင်ၼၼ်ႉႁိုဝ်၊ဝႃႈၼင်ႇၼႆဢေႃႈ။