Chapter
၅
တႃႇတၼႄႇပၼ်လိၵ်ႈထိုင်ၶုၼ်ႁေႃၶမ်းတႃႇရိ
၁ မိူဝ်ႈၼၼ်ႉပရေႃးၽႅတ်ႈဢၼ်ဝႃႈပရေႃၽႅတ်ႈ ႁၵ်ႉၵေႇတင်းပရေႃးၽႅတ်ႈၸႃႇၶရိလုၵ်ႈၸၢႆးဢိတေႃႇၸိူဝ်းၼၼ်ႉ ဢိင်ပိူင်ၼႃႇမႃႉၸိုဝ်သဵင်ၽြႃးပဵၼ်ၸဝ်ႈမဵဝ်းဢိသရေႇလ ၼၼ်ႉသေလႄႈ ႁေႃးလၢတ်ႈတီႈၵူၼ်းယုတ တင်းလၢႆဢၼ်မီးၵႃႈၼႂ်းမိူင်းယုတ တင်းဝဵင်း ယေႇရုသလႅမ်ႇၸိူဝ်းၼၼ်ႉဢေႃႈ။
၂ ၵမ်းၼၼ်ႉ ၸေႇရုပပေႇလလုၵ်ႈၸၢႆးသႃႇလသေႇလ ဢိၵ်ႇတင်း သေႃးလုလုၵ်ႈၸၢႆးယေႃႇၸ တၵ်ႉၼၼ်ႉဢွၼ်ၵၼ်လုၵ်ႉလႄႈသမ်ႉၶိုၼ်း ၸႃႉတႄႇႁဵတ်းႁိူၼ်းၽြႃးပဵၼ်ၸဝ်ႈၵႃႈၼႂ်းဝဵင်းယေႇရုသလႅမ်ႇၼၼ်ႉလႄႈ ပရေႃးၽႅတ်ႈၽြႃးပဵၼ်ၸဝ်ႈၸိူဝ်းၼၼ်ႉၵေႃႈ ၽွမ်ႉၵၼ်ၸွႆႈၵၼ်တင်းၶဝ်ယူႇ ဢေႃႈ။
၃ မိူဝ်ႈၼၼ်ႉတႃႇတၼေႇ မဵဝ်းၵူၼ်းၽၢႆႇဝၼ်းတူၵ်းတင်းသေႇသႃႇပေႃႈၸၼေႇ ဢိၵ်ႇတင်းၵေႃႉသေႈဢၼ်ႁူမ်ႈပွင်းၵၼ်တင်းၶဝ်ၸိူဝ်းၼၼ်ႉ ဢွၼ်ၵၼ်မႃးလႄႈထၢမ်တီႈၶဝ်လႄႈဝႃႈ၊-ၽူႈ လႂ်မီးဢမိင်ႉႁႂ်ႈသူလႆႈတႄႇႁဵတ်းႁိူၼ်းၼႆႉလႄႈ ႁႂ်ႈလမ်းဝဵင်းၼႆႉယဝ်ႉတူဝ်ႈ၊ ဝႃႈၼင်ႇၼႆလႄႈ၊ သမ်ႉထၢမ်ႇလႄႈဝႃႈ၊-
၄ ၸိုဝ်သဵင်ၶဝ်ၸိူဝ်းဢၼ်တႄႇႁဵတ်းႁိူၼ်းၼႆႉၸမ်း ၸိုဝ်ၵႃႈသင်ဝႃႈၼင်ႇၼႆသေၵေႃႈ တႃႈၽြႃးပဵၼ်ၸဝ်ႈလူတူၺ်းၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၵူၼ်းယုတ တင်းလၢႆၸိူဝ်း ၼၼ်ႉယူႇလႄႈ
၅ တၢင်းႁဵတ်းတၢင်းသၢင်ႈၶဝ်ဢမ်ႇလႆႈထၢတ်ႇလႆႈၵိုတ်း တေႃႇထိုင်ႁွတ်ႈ ဢမူႉၼၼ်ႉယင်းဢမ်ႇပႆႇႁွတ်ႈပႆႇထိုင်တီႈတႃႇရိလႄႈ လိၵ်ႈဢၼ်တႃႇရိၶိုၼ်းဢိူဝ်ႈၶိုုၼ်းလၢတ်ႈလွင်ႈၼၼ်ႉ ဢမ်ႇပႆႇၶိုၼ်းႁွတ်ႈ ၶိုၼ်းမႃးၼၼ်ႉဢေႃႈ။
၆ လိၵ်ႈဢၼ်တႃႇတၼေႇ ဢၼ်ပဵၼ်မဵဝ်ႉဝုၼ်ႇၵူၼ်းၽၢႆႇဝၼ်းတူၵ်းတင်း သေႇသႃႇပေႃႈၸၼေႇ ဢိၵ်ႇတင်းၵေႃႉသေႇဢၼ်ႁူမ်ႈပွင်းၵၼ်တင်းၶဝ်ဢၼ်ဝႃႈၵူၼ်းဢၽႃႇသသၵ်ႉ ဢၼ်ယူႇၵႃႈတီႈၽၢႆႇဝၼ်းတူၵ်းၼမ်ႉႁွင်ႊၸိူဝ်းၼၼ်ႉ တႅမ်ႈပၼ်ၵႂႃႇတီႈ ၶုၼ်လူင်တႃႇရိ ၼၼ်ႉၸမ်း၊-
၇ ႁႂ်ႈတၢင်းၵတ်းယဵၼ်ၶျၢမ်းသႃႇမီးတီႈၶုၼ်လူင်တႃႇရိ သေႇသေႇသေၵမ်းလူၺ်ႈ။
၈ ၶႅၼ်းတေႃႈႁႂ်ႈၸဝ်ႈၶုၼ်လူင်ႁူႉလွင်ႈဢၼ်ဝႃႈၶႃႈၸဝ်ႈႁဝ်းၶဝ်ႁွတ်ႈထိုင်ၵႃႈတီႈဢိူင်ႇယုတ ၵႃႈတီႈႁိူၼ်းၽြႃးပဵၼ်ၸဝ်ႈ ဢၼ်ယႂ်ႇမျၢတ်ႈၼႃႇၼၼ်ႉလႄႈလႆႈႁၼ်ၶဝ် မီးတၢင်းဢၼ်ဢဝ်မၢၵ်ႇႁိၼ်လူင်တႄႇႁဵတ်းယူႇ၊ ဢဝ်မႆႉတၢင်ႇသႂ်ႇၵႃႈၼိူဝ်ၽႃႁိၼ်ယူႇသေလႄႈ တၢင်းဢၼ်ပွင်ဢၼ်ႁဵတ်းၶဝ်ၼၼ်ႉပဵၼ်ဢၼ် ၶၼ်ၽႂ်းၼႃႇဢေႃႈ။
၉ ၶႃႈၸဝ်ႈႁဝ်းၶဝ်တွင်ႉထၢမ်တီႈၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉလႄႈဝႃႈ၊-ၽူႈ လႂ်မီးဢမိင်ႉ ႁႂ်ႈသူလႆႈတႄႇႁဵတ်းႁိူၼ်းၼႆႉလႄႈႁႂ်ႈလမ်း ဝဵင်းၼႆႉယဝ်ႉတူဝ်ႈ၊
၁၀ သမ်ႉထၢမ်ၸိုဝ်သဵင်ၶဝ်ႁႂ်ႈလႆႈဢဝ်ၸိုဝ်သဵင် ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၶဝ်ၼၼ်ႉပၼ်မႃးတီႈၸဝ်ႈႁဝ်းသေၵေႃႈ ၶဝ်ၼၼ်ႉဢွၼ်ၵၼ်ၶိုၼ်း လၢတ်ႈဝႃႈ၊-
၁၁ ႁဝ်းၼႆႉပဵၼ်ၶႃႈၽြႃးပဵၼ်ၸဝ်ႈၸဝ်ႈၽုင်ႇၵၢင်ႁၢဝ်တင်းလိၼ်မိူင်းၼၼ်ႉလႄႈ ႁဝ်းဢွၼ်ၵၼ်မႄးၵုမ်းႁဵတ်းႁိူၼ်းၸဝ်ႈ ဢၼ်ၶုၼ်ႁေႃၶမ်းဢိသရေႇလဢၼ်ယႂ်ႇမျၢတ်ႈၼႃႇလူင်လၢင်ၼၼ်ႉပႃးၼိုင်ႈတႄႇ ႁဵတ်းယဝ်ႉတူဝ်ႈမႃးၼၼ်ႉဢေႃႈ။
၁၂ လိၼ်ၼၼ်ႉၵွပ်ႈပိူဝ်ႈဢၼ်ပူႇမွၼ်ႇႁဝ်း တိုၵ်းယူင်းတၢင်းၸႂ်မႆႈၶႆႈၸႃႉၽြႃးပဵၼ်ၸဝ်ႈ ၸဝ်ႈၽုင်ႇၵၢင်ႁၢဝ်ၼၼ်ႉလႄႈမၼ်းၸဝ်ႈၸင်ႇ ဢဝ်ၶဝ်ဢၢပ်ႈပၼ်ၵႃႈၼႂ်းမိုဝ်းၼေႇပုၶတ်ႉၼေႇၸႃႇၶုၼ်ႁေႃၶမ်းပႃႇပုလုၼ်ႇၶုၼ်ၶႃႇလတေႇဢၼ်ယႃႉၽဵဝ်ႈႁိူၼ်းၸဝ်ႈပႅတ်ႈလႄႈ သိမ်းဢဝ်ၵူၼ်းဝၢၼ်ႈၵူၼ်းမိူင်းတင်းလၢႆၵႂႃႇၵႃႈတီႈ မိူင်းပႃႇပုလုၼ်ႇၼၼ်ႉဢေႃႈ။
၁၃ ၼႂ်းပီႊဢၼ်ၵုရုၶုၼ်ႁေႃၶမ်းပႃႇပုလုၼ်ႇၸၢမ်ႇႁၢင်ႈၸၢမ်ႇႁေႃပီႊပထမၼၼ်ႉ ၶုၼ်လူင်ၵုရုၼၼ်ႉမီးဢမိင်ႉ ႁႂ်ႈမႄးၵုမ်းမႄးႁဵတ်းႁိူၼ်းၽြႃးပဵၼ်ၸဝ်ႈၼႆႉဢေႃႈ။
၁၄ ၶိူင်ႈငိုၼ်းၶိူင်ႈၶမ်း ဢၼ်ၸၢပ်ႈသႅင်ႇၵၼ်တင်းႁိူၼ်းၽြႃးပဵၼ်ၸဝ်ႈဢၼ်ၼေႇပုၶတ်ႉၼေႇၸႃႇ ဢဝ်ဢွၵ်ႇသေၵႃႈၼႂ်းပိၵ်ႉမၢၼ်ႇၸဝ်ႈဢၼ်မီးၵႃႈတီႈ ဝဵင်းယေရုသလႅမ်ႇၼၼ်ႉလႄႈ ဢဝ်ၵႂႃႇဝႆႉၵႃႈတီႈပိၵ်ႉမၢၼ်ႇဝဵင်းပႃႇပုလုၼ်ႇ ၸိူဝ်းၼၼ်ႉၸိုင်ၶုၼ်လူင်ၵုရုၼၼ်ႉသမ်ႉဢဝ်ဢွၵ်ႇသေၵႃႈၼႂ်းပိၵ်ႉမၢၼ်ႇဝဵင်းပႃႇပုလုၼ်ႇ ၼၼ်ႉသေလႄႈ ဢၢပ်ႈပၼ်ၵႃႈၼႂ်းမိုဝ်းၵေႃႉဢၼ်လႆႈၸိုဝ်လႆႈသဵင်ဢၼ်ဝႃႈ သေႇသပႃႇၸႃႇ ဢၼ်မၼ်းၶၢၼ်းဝႆႉၼႂ်းဢရႃႇမဵဝ်ႉဝုၼ်ႇၼၼ်ႉလႄႈမီးဢမိင်ႉတီႈမၼ်း လႄႈဝႃႈ၊-
၁၅ ဢဝ်ၶိူင်ႈပိူင်ၸိူဝ်းၼႆႉသေလႄႈၵႂႃႇဝႆႉၵႃႈၼႂ်းပိၵ်ႉမၢၼ်ႇၸဝ်ႈဢၼ်မီးၵႃႈၼႂ်းဝဵင်းယေႇရုသလႅမ်ႇၼၼ်ႉလႄႈ ႁႂ်ႈၶိုၼ်းတႄႇၶိုၼ်းႁဵတ်းႁိူၼ်းၽြႃးပဵၼ်ၸဝ်ႈ ၵႃႈၼႂ်းတီႈၵဝ်ႇမၼ်းၼၼ်ႉသေ၊ ဝႃႈၼင်ႇၼႆ ဢေႃႈ။
၁၆ သေႇသပႃႇၸႃႇၼၼ်ႉမႃးလႄႈၶျႃးဝႆႉငဝ်ႈႁၢၵ်ႈတိူၵ်ႈၽြႃးပဵၼ်ၸဝ်ႈ ဢၼ်မီးၵႃႈၼႂ်း ဝဵင်းယေႇရုသလႅမ်ႇၼႆႉသေယဝ်ႉတႄႇႁဵတ်းဢၼ်ဢမ်ႇပႆႇယဝ်ႉတူဝ်ႈ ၼၼ်ႉဢေႃႈ။
၁၇ ပိူဝ်ႈၼႆလႄႈ ပေႃးၸဝ်ႈၶုၼ်လူင်မီးဢလူဝ်ႇၸိုင် ၶႅၼ်းတေႃႈႁႂ်ႈႁႃဢဝ်ၵႃႈၼႂ်းတိူၵ်ႈၽၼ်ႇတႃႇၸဝ်ႈၶုၼ်လူင် ဢၼ်မီးၵႃႈၼႂ်းဝဵင်းပႃႇပုလုၼ်ႇၼၼ်ႉ ႁႂ်ႈလႆႈႁူႉလွင်ႈဢၼ်ၶုၼ်လူင်ၵုရု လႆႈမီးဢမိင်ႉလွင်ႈဢၼ် တၵ်းလႆႈတႄႇႁဵတ်းႁိူၼ်းၽြႃးပဵၼ်ၸဝ်ႈဢၼ်မီးၵႃႈတီႈဝဵင်းယေႇရုသလႅမ်ႇၼၼ်ႉႁိုဝ်၊ ဢမ်ႇမီးဢမိင်ႉႁိုဝ်ဢၼ်ဝႃႈၼၼ်ႉသေၵမ်းတီႈၶႃႈ။ၵမ်းလိုၼ်းၸဝ်ႈၶုၼ်လူင် ၶႅၼ်းတေႃႈပူင်ဢမိင်ႉၸဝ်ႈႁဝ်းမႃးတီႈၶႃႈၸဝ်ႈႁဝ်းၶဝ် ၸွမ်းၵႃႈၼင်ႇဢၼ်ႇၸဝ်ႈၶုၼ်လူင်မီးဢလူဝ်ႇၼၼ်ႉသေၵမ်းတီႈၶႃႈ၊ ဝႃႈၼင်ႇၼႆဢေႃႈ။